Lajmidites.com

Tag: ditor

  • Edicioni i 15-të i Green Fest në Mitrovicë

    Edicioni i 15-të i Green Fest në Mitrovicë

    Mitrovica u mbush mbrëmë me ngjyra, muzikë dhe ndershmëri ekologjike në ceremoninë e hapjes së edicionit të 15‑të të Green Fest, me temë “Toxicity”. Ky festival pesë-ditor, i mbajtur nga 13 deri më 17 gusht 2025, bashkon udhëheqës institucionalë, partnerë si Komuna e Mitrovicës, Ministria e Kulturës, Rinisë dhe Sportit, Ambasada e Suedisë në Prishtinë dhe Community Development Fund (CDF), duke bërë një platformë të gjallë për art, aktivizëm dhe ndërgjegjësim mjedisor.

    Mbrëmjen e 14 gushtit në Mitrovicë, do ta hapë Armend Rexhepagiqi, duke filluar nga ora 20:00, për të rikthyer hitet e tij të përjetshme dhe për të sjellë një atmosferë emocionuese dhe nostalgjike që duhet përjetuar. Në këtë mbrëmje do të performojnë gjithashtu edhe Dj Adrian Berisha, Hawolf, La Fazani dhe Dj Wise, transmeton KultPlus.

    Në mbrëmjen pasuese të 15 gushtit në skenë ngjitet Yll Limani, për një eksperiencë të paharrueshme, si dhe Arbër Krasniqi dhe Kurr n’jet.

    Mbrëmja e tretë e festivalit shënohet me performancën e Ahmet Kiliç, Offchestra dhe Gipsy Groove.

    Për më shumë informata rreth programit të festivalit, KultPlus ua sjell më poshtë programin e plotë pesë ditor./KultPlus.com

  • Gaza drejt armëpushimit 60-ditor? Egjipti, SHBA-të dhe Katari ‘bashkojnë forcat’

    Gaza drejt armëpushimit 60-ditor? Egjipti, SHBA-të dhe Katari ‘bashkojnë forcat’

    Egjipti po punon ngushtë me Katarin dhe Shtetet e Bashkuara për të arritur një armëpushim 60-ditor mes Izraelit dhe Hamas-it, në një përpjekje të re për t’i dhënë fund luftës shkatërruese në Gaza.
    Ministri i Jashtëm i Egjiptit Badr Abdelatty ka deklaruar në një konferencë për shtyp në Kajro se objektivi kryesor është rikthimi te propozimi fillestar për një armëpushim 2-mujor, lirimin e disa pengjeve, të burgosurve palestinezë si dhe lehtësimin e ndihmave humanitare e mjekësore për Gazën pa kushte.
    Sipas një burimi palestinez, negociatorët po përgatisin një marrëveshje të re të armëpushimit që parashikon lirimin e të gjithë pengjeve në një etapë të vetme.
    Megjithatë, negociatat e mëparshme në Doha dështuan, pasi delegacionet amerikane dhe izraelite u tërhoqën, ndërsa grupi i Hamas-it u largua nga bisedimet.
    Sulmet e dhunshme izraelite kanë shkaktuar mbi 61 mijë viktima palestineze që nga tetori i vitit 2023.
    Kujtojmë se në korrik, negociatat për armëpushim dhe lirimin e pengjeve midis Izraelit dhe Hamasit u zhvilluan në Doha, duke u ndërmjetësuar nga Katari dhe disa vende të tjera. Megjithatë, pas më shumë se dy javësh bisedimesh intensive, përpjekjet për të arritur një marrëveshje përfundimtare dështuan. Shkaqet kryesore të dështimit ishin mosmarrëveshjet mbi kushtet për lirimin e pengjeve dhe kufizimet në ndihmën humanitare për Gazën.

  • REUTERS: Hamas pranon propozimin e SHBA për armëpushimin 60-ditor dhe lirimin e pengjeve

    REUTERS: Hamas pranon propozimin e SHBA për armëpushimin 60-ditor dhe lirimin e pengjeve

    Agjencia e lajmeve Reuters raporton se Hamasi ka pranuar armëpushimin 60-ditor në Gaza të propozuar nga SHBA, dhe marrëveshjen për lirimin e pengjeve, duke kërkuar disa ndryshime të vogla.

    “Kjo është pozitive dhe duhet të ndihmojë në arritjen e një marrëveshjeje”, ka deklaruar një zyrtar palestinez i njohur me bisedimet për Reuters
    Plani i marrëveshjes u miratua këtë javë edhe nga ministri izraelit për Çështjet Strategjike, Ron Dermer, gjatë vizitës së tij në Uashington.

    Sipas planit të armëpushimit, të raportuar edhe nga gazeta izraelite Haaretz, tetë pengje të gjalla do të lirohen ditën e parë të ndalimit të luftimeve, ndërsa dy të tjerë do të lirohen në ditën e 50-të.
    Plani përfshin gjithashtu një kthim të fazuar të trupave të pengjeve izraelitë që kanë humbur jetën: pesë trupa në ditën e shtatë të armëpushimit, pesë të tjera në ditën e 30-të dhe tetë të fundit në ditën e 60-të.
    Në total, sipas këtij plani, do të lirohen 10 pengje të gjalla dhe do të kthehen trupat e 18 të tjerëve.
    Marrëveshja, e hartuar nga Katari, bazohet në të ashtuquajturin “korniza Witkoff”, e propozuar nga i dërguari amerikan, Steve Witkoff.
    Reuters shkruan se grupi i Hamasit dëshiron garanci se negociatat për t’i dhënë fund luftës do të zhvillohen gjatë armëpushimit 60-ditor dhe se armëpushimi do të zgjatet nëse është e nevojshme, derisa të dyja palët të arrijnë marrëveshje.
    Po ashtu, Hamasi dëshiron që Kombet e Bashkuara të përfshihen përsëri në ofrimin e ndihmës, që të sigurojë përmbushjen e nevojave humanitare, duke përfshirë funksionimin e furrave të bukës, dhe që Izraeli të mos e kufizojë atë ose ta përdorë si levë ndikimi gjatë bisedimeve.

  • Irani rifillon fluturimet ndërkombëtare pas pezullimit 20-ditor për shkak të konfliktit me Izraelin

    Irani rifillon fluturimet ndërkombëtare pas pezullimit 20-ditor për shkak të konfliktit me Izraelin

    Aeroporti Ndërkombëtar Imam Khomeini në Teheran ka mirëpritur fluturimin e parë të huaj pas pezullimit 20-ditor të udhëtimeve ndërkombëtare, duke sinjalizuar një kthesë të rëndësishme drejt stabilitetit pas përshkallëzimit të dhunshëm me Izraelin. Fluturimi i Flydubai nga Emiratet e Bashkuara Arabe zbarkoi të mërkurën, sipas mediave lokale, pas një koordinimi të gjerë sigurie dhe diplomatik.

    Zëdhënësi i Organizatës së Aviacionit Civil të Iranit, Mehdi Ramezani, deklaroi se ulja e fluturimit shënon fillimin e një “faze të re stabiliteti” në sektorin e aviacionit, duke theksuar menaxhimin e qetë të hapësirës ajrore të vendit pas një konflikti 12-ditor me Izraelin.

    Konflikti i fundit mes dy vendeve përfshiu sulme masive nga Izraeli ndaj objekteve ushtarake dhe të lidhura me programin bërthamor të Iranit, ndërsa Teherani reagoi me raketa kundër territoreve izraelite. Të dyja palët ranë dakord për një armëpushim muajin e kaluar, pas ndërmjetësimit të Shteteve të Bashkuara, të cilat ndërhynë ushtarakisht duke goditur me bomba të fuqishme “shkatërruese bunkerësh” disa nga objektet kryesore bërthamore të Iranit.

    Autoritetet iraniane thanë se fluturimet ndërkombëtare do të rifillojnë gradualisht në destinacione të përzgjedhura, në koordinim me partnerët ndërkombëtarë dhe për të përmbushur nevojat e qytetarëve. Ramezani e cilësoi këtë hap si një tregues të rikthimit të normalitetit dhe përmirësimit të perceptimit ndërkombëtar për sigurinë ajrore të vendit.

  • Pse Benjamin Netanyahu do vetëm një armëpushim 60-ditor dhe jo të përhershëm?

    Pse Benjamin Netanyahu do vetëm një armëpushim 60-ditor dhe jo të përhershëm?

    Propozimi për armëpushim në Gaza është një moment i rëndësishëm, por ka ende shumë pyetje pa përgjigje. Deri më tani dimë vetëm që Izraeli ka rënë dakord për një armëpushim 60-ditor për shkak të politikave të tij të brendshme, por nuk është e qartë se cilat propozime do duhet të pranojë Hamasi dhe çfarë pritet prej tyre në këmbim.
    Për popullin e Gazës, për pengjet izraelite dhe familjet e tyre, ky mund të jetë momenti kur lufta mbaron. Por edhe më parë kemi qenë në një situatë të ngjashme, shumë herë. Por konflikti ka vazhduar. Pyetja kryesore është kjo: “A do ta pranojë Hamasi atë për të cilën ka rënë dakord Izraeli, një armëpushim 60-ditor?”
    Korrespondenti i “Sky News” Mark Stone shkruan: “Në fundjavë, një burim në zemër të negociatave më tha: Si Hamasi ashtu edhe Izraeli po refuzojnë të lëvizin nga qëndrimet e tyre. Hamasi dëshiron që armëpushimi të zgjasë derisa të arrihet një marrëveshje e përhershme. Izraeli është kundër kësaj. Në këtë pikë, vetëm Presidenti Trump mund ta thyejë këtë ngërç.”
    Ai shton se i njëjti burim është shprehur se nëse Trump nuk do të këmbëngulë në arritjen e armëpushimit, atëherë “do të mbetemi në një ngërç”.
    Problemi është se njoftimi i bërë publik deri më tani nga Donald Trumpi është vetëm një version i përmbledhur i tij në mediat sociale i asaj që Izraeli mund të ketë rënë dakord, dhe ne nuk i dimë detajet dhe kushtet që i janë bashkëngjitur propozimeve të Izraelit.
    A do të tërhiqen trupat izraelite nga Gaza? Plotësisht? Apo pjesërisht? Sa të burgosur palestinezë do të pranonin që t’i lironin nga burgjet e Izraelit? Dhe pse vetëm 60 ditë? Pse jo një armëpushim total? Çfarë po kërkojnë ata nga Hamasi në këmbim?
    Ne thjesht nuk i dimë përgjigjet për asnjërën prej këtyre pyetjeve, përveç njërës.
    Pse Izraeli dëshiron vetëm një armëpushim 60-ditor?
    Ne e dimë pse Izraeli dëshiron një armëpushim 60-ditor, jo një të përhershëm. Gjithçka ka të bëjë me politikën e brendshme. Nëse kryeministri izraelit Benjamin Netanyahu do të binte dakord tani për një armëpushim të përhershëm, të djathtët ekstremë në koalicionin e tij do ta rrëzonin qeverinë e tij.
    Itamar Ben-Gvir dhe Bezalel Smotrich, të dy kanë qenë të qartë në lidhje me dëshirën e tyre që lufta të vazhdojë. Ata mbajnë ekuilibrin e pushtetit në koalicionin e Netanyahut.
    Nëse Netanyahu pranon vetëm 60 ditë armëpushim, të cilat brenda vendit ai mund t’i shesë vetëm si një pauzë, atëherë kjo mund t’i qetësojë të djathtët ekstremë për disa javë derisa parlamenti izraelit, Knesseti, të tërhiqet për pushimet e verës.
    Gjithashtu, nuk është rastësi që presidenti amerikan ka bërë thirrje që gjyqi ndaj kryeministrit Netanyahu për korrupsion të anulohet. Pa perspektivën e burgut, Netanyahu mund të jetë më i gatshëm të heqë dorë nga lufta, i sigurt se fokusi nuk do të zhvendoset menjëherë në cenueshmërinë e tij politike dhe ligjore.

  • Situata në Gaza, analiza e SKy News: Pse Netanyahu do armëpushim 60-ditor dhe jo të përhershëm?

    Situata në Gaza, analiza e SKy News: Pse Netanyahu do armëpushim 60-ditor dhe jo të përhershëm?

    Në luftën e gjatë të Gazës, ky është një moment i rëndësishëm.

    Për palestinezët e enklavës, për pengjet izraelite dhe familjet e tyre, ky mund të jetë momenti kur gjithçka mbaron, analizon media britanike, Sky News.
    Analiza:
    Pyetja kryesore është a do ta pranojë Hamasi atë për të cilën është dakorduar Izraeli  një armëpushim 60-ditor?
    Në fundjavë, një burim tha se “Si Hamasi ashtu edhe Izraeli po refuzojnë të lëvizin nga qëndrimi i tyre – Hamasi dëshiron që armëpushimi të zgjasë derisa të arrihet një marrëveshje e përhershme. Izraeli është kundër kësaj. Në këtë pikë, vetëm Presidenti Trump mund ta zgjidhë këtë bllokim. Nëse Trump nuk nxit, ne jemi në një ngërç.”
    Problemi është se njoftimi i bërë nga Donald Trump, që Izraeli ka rënë dakord në të vërtetë mund të përbëjë vetëm qëndrimin tashmë të vendosur të Izraelit.
    A do të tërhiqeshin trupat izraelite nga Gaza? Plotësisht? Apo pjesërisht? Sa të burgosur palestinezë do të pranonin të lironin nga burgjet e Izraelit? Dhe pse vetëm 60 ditë? Pse jo një armëpushim i plotë? Çfarë po kërkojnë ata nga Hamasi në këmbim?
    Më tej Sy News shkruan se Izraeli dëshiron një armëpushim 60-ditor, jo një të përhershëm dhe se kjo ka të bëjë me politikën e brendshme.
    Nëse kryeministri izraelit Benjamin Netanyahu do të binte dakord tani për një armëpushim të përhershëm, të djathtët ekstremë në koalicionin e tij do ta rrëzonin qeverinë e tij.
    Itamar Ben-Gvir dhe Bezalel Smotrich e kanë shprehur qartë dëshirën e tyre që lufta të vazhdojë. Ata mbajnë ekuilibrin e pushtetit në koalicionin e Netanyahut.

    Top Channel

  • Izraeli bie dakord për një armëpushim 60-ditor në Gaza, Trump thirrje Hamasit: Pranoni kushtet!

    Izraeli bie dakord për një armëpushim 60-ditor në Gaza, Trump thirrje Hamasit: Pranoni kushtet!

    Israeli Prime Minister Benjamin Netanyahu, left, talks to US President Donald Trump during a meeting in the Oval Office on April 7. Kevin Dietsch/Getty Images
    Presidenti i SHBA-së, Donald Trump, tha të martën se Izraeli kishte rënë dakord për “kushtet e nevojshme për të finalizuar” një armëpushim 60-ditor në Gaza, gjatë të cilit do të bëhen përpjekje për t’i dhënë fund luftës në enklavën palestineze.
    Në një postim në mediat sociale, Trump theksoi se përpjekjet për paqe po koordinohen nga Katari dhe Egjipti, të cilët kanë punuar shumë për të arritur një marrëveshje.

    “Katarianët dhe egjiptianët, të cilët kanë punuar shumë për paqen, do të paraqesin propozimin përfundimtar. Shpresoj, për hir të Lindjes së Mesme, që Hamasi ta pranojë këtë marrëveshje, sepse nuk do të përmirësohet – VETËM do të përkeqësohet”, tha ai.
    Zyrtarët e Katarit të martën i paraqitën Hamasit dhe Izraelit një propozim të ri për një armëpushim 60-ditor, të mbështetur nga administrata Trump, tha një burim i njohur me çështjen.
    Propozimi u finalizua pas muajsh përpjekjesh prapa skenave të udhëhequra nga i dërguari special i Presidentit Donald Trump, Steve Witkoff, tha burimi. Ai u paraqit të njëjtën ditë që Ministri i Çështjeve Strategjike të Izraelit, Ron Dermer, vizitoi Uashingtonin për takime me zyrtarë të lartë të administratës Trump.
    Propozimi i ri vjen disa ditë pasi Katari ndihmoi në ndërmjetësimin e një armëpushimi midis Iranit dhe Izraelit pas sulmeve të SHBA-së dhe Izraelit ndaj programit bërthamor të Iranit, dhe muaj pasi një propozim fillestar për një armëpushim në Gaza, i mbështetur nga administrata Trump, u refuzua nga Hamasi.
    Një burim i tha CNN se versioni i ri, mbi të cilin punuan edhe katarianët, u përpoq të adresonte shqetësimet e Hamasit në lidhje me propozimin e mëparshëm. Gjatë armëpushimit, pengjet izraelite do të liroheshin në këmbim të të burgosurve palestinezë, shtoi burimi.
    Trump u tha gazetarëve të martën se ai do të ishte “shumë i vendosur ” në bisedimet me Netanyahun në një takim të planifikuar në Shtëpinë e Bardhë javën e ardhshme dhe parashikoi se kryeministri dëshiron t’i japë fund luftës.
    “Ai e dëshiron. Mund t’ju ​​them se e dëshiron. Mendoj se do të kemi një marrëveshje javën tjetër ”, tha Trump. Por edhe me një propozim të ri në tryezë, një marrëveshje armëpushimi mbetet një sfidë e rëndësishme. Hamasi ka kohë që po bën presion për një armëpushim të përhershëm, kështu që është e paqartë nëse do të bjerë dakord për një armëpushim të përkohshëm 60-ditor. Hamasi gjithashtu vazhdon të këmbëngulë në kërkesën e tij thelbësore që lufta duhet të përfundojë dhe që ai duhet të mbetet në pushtet, diçka që Izraeli nuk do ta lejojë.

  • Izraeli bie dakord për një armëpushim 60 ditor në Gaza, Trump thirrje Hamasit: Pranoni kushtet!

    Izraeli bie dakord për një armëpushim 60 ditor në Gaza, Trump thirrje Hamasit: Pranoni kushtet!

    Presidenti i SHBA-së, Donald Trump, tha të martën se Izraeli kishte rënë dakord për “kushtet e nevojshme për të finalizuar” një armëpushim 60-ditor në Gaza, gjatë të cilit do të bëhen përpjekje për t’i dhënë fund luftës në enklavën palestineze.
    Në një postim në mediat sociale, Trump theksoi se përpjekjet për paqe po koordinohen nga Katari dhe Egjipti, të cilët kanë punuar shumë për të arritur një marrëveshje.
    “Katarianët dhe egjiptianët, të cilët kanë punuar shumë për paqen, do të paraqesin propozimin përfundimtar. Shpresoj, për hir të Lindjes së Mesme, që Hamasi ta pranojë këtë marrëveshje, sepse nuk do të përmirësohet – VETËM do të përkeqësohet”, tha ai.
    Zyrtarët e Katarit të martën i paraqitën Hamasit dhe Izraelit një propozim të ri për një armëpushim 60-ditor, të mbështetur nga administrata Trump, tha një burim i njohur me çështjen.
    Propozimi u finalizua pas muajsh përpjekjesh prapa skenave të udhëhequra nga i dërguari special i Presidentit Donald Trump, Steve Witkoff, tha burimi. Ai u paraqit të njëjtën ditë që Ministri i Çështjeve Strategjike të Izraelit, Ron Dermer, vizitoi Uashingtonin për takime me zyrtarë të lartë të administratës Trump.
    Propozimi i ri vjen disa ditë pasi Katari ndihmoi në ndërmjetësimin e një armëpushimi midis Iranit dhe Izraelit pas sulmeve të SHBA-së dhe Izraelit ndaj programit bërthamor të Iranit, dhe muaj pasi një propozim fillestar për një armëpushim në Gaza, i mbështetur nga administrata Trump, u refuzua nga Hamasi.
    Një burim i tha CNN se versioni i ri – mbi të cilin punuan edhe katarianët – u përpoq të adresonte shqetësimet e Hamasit në lidhje me propozimin e mëparshëm. Gjatë armëpushimit, pengjet izraelite do të liroheshin në këmbim të të burgosurve palestinezë, shtoi burimi.
    Trump u tha gazetarëve të martën se ai do të ishte “shumë i vendosur ” në bisedimet me Netanyahun në një takim të planifikuar në Shtëpinë e Bardhë javën e ardhshme dhe parashikoi se kryeministri dëshiron t’i japë fund luftës.
    “Ai e dëshiron. Mund t’ju ​​them se e dëshiron. Mendoj se do të kemi një marrëveshje javën tjetër ” , tha Trump. Por edhe me një propozim të ri në tryezë, një marrëveshje armëpushimi mbetet një sfidë e rëndësishme. Hamasi ka kohë që po bën presion për një armëpushim të përhershëm, kështu që është e paqartë nëse do të bjerë dakord për një armëpushim të përkohshëm 60-ditor. Hamasi gjithashtu vazhdon të këmbëngulë në kërkesën e tij thelbësore që lufta duhet të përfundojë dhe që ai duhet të mbetet në pushtet, diçka që Izraeli nuk do ta lejojë.

  • “Rusët janë budallenj”/ Zelensky hedh poshtë propozimin e Moskës për një armëpushim 2-3-ditor: Taktikë për të fituar kohë!

    “Rusët janë budallenj”/ Zelensky hedh poshtë propozimin e Moskës për një armëpushim 2-3-ditor: Taktikë për të fituar kohë!

    Propozimi i Rusisë për një armëpushim të përkohshëm dhe të kufizuar është një taktikë nga Rusia për të fituar kohë, deklaron Presidenti ukrainas Volodymyr Zelensky.

    Propozimi për një armëpushim dy ose tre-ditor për të mbledhur ushtarët e rënë nga fusha e betejës, synon të vonojë sanksionet e SHBA-së, tha Zelensky.
    “Mendoj se janë budallenj, sepse, në parim, një armëpushim synon të sigurojë që të mos ketë viktima. Kjo është arsyeja pse dua vërtet që partnerët tanë amerikanë të marrin masa të forta dhe të dërgojnë një paketë sanksionesh në Senat, për të ushtruar presion mbi rusët që të ndalojnë armiqësitë me sanksione të forta. Ata nuk kuptojnë asnjë mënyrë tjetër. Dhe ne besojmë se kjo është e drejtë. Në fund të fundit, kanë kaluar tre muaj që kur SHBA-të dhanë sinjalin për një armëpushim të plotë dhe ne i mbështetëm ata”, vazhdoi më tej ai.
    Ai gjithashtu theksoi se Ukraina nuk i ka ndryshuar kërkesat e saj. Ajo që kërkon është një armëpushim pa kushte, një shkëmbim të të burgosurve, kthimin e fëmijëve të rrëmbyer, kthimin e civilëve dhe më pas një takim të udhëheqësve.

    Top Channel

  • Zbulohet propozimi i ri i SHBA-së për një armëpushim 60-ditor në Gaza! Cilat janë kushtet?

    Zbulohet propozimi i ri i SHBA-së për një armëpushim 60-ditor në Gaza! Cilat janë kushtet?

    I dërguari special i SHBA-së, Steve Witkoff, ka paraqitur një propozim të ri për një armëpushim 60-ditor në Rripin e Gazës, i cili përfshin lirimin e 10 pengjeve.

    Sipas propozimit të ri, pengjet do të lirohen në dy grupe brenda një jave, raportojnë disa media. Organizata ekstremiste palestineze Hamas  duhet të dorëzojë gjithashtu trupat e 18 të rrëmbyerve që ende mbahen në Gaza, në këmbim të lirimit të palestinezëve nga burgjet izraelite.
    Armëpushimi dy-mujor pritet të lehtësojë negociatat midis Izraelit dhe Hamasit për t’i dhënë fund konfliktit, i cili ka vazhduar për gati 20 muaj dhe u shkaktua nga sulmet terroriste të Hamasit më 7 tetor 2023 kundër Izraelit.
    Sipas këtij propozimi, nëse Izraeli dhe Hamasi arrijnë të arrijnë një marrëveshje, pengjet e mbetura të mbajtura në Gaza do të lirohen gjithashtu.
    Propozimi përcakton gjithashtu që shpërndarja e ndihmës  në Rripin e Gazës do të menaxhohet përsëri nga Kombet e Bashkuara dhe organizatat ndërkombëtare të ndihmës. Sipas propozimit, ushtria izraelite do të tërhiqet në pozicionet që mbante para nisjes së ofensivës së fundit në mars.

    Top Channel