Ditën e sotme vendi ynë do të ndikohet nga kushte atmosferike të qëndrueshme. Sipas Shërbimit Meteorologjik Ushtarak moti parashikohet me kthjellime dhe vranësira të pakta kalimtare.
Era do të fryjë me drejtim veriperëndim – verilindje me shpejtësi mesatare 7 m/s, ndërsa përgjatë vijës bregdetare e zonave luginore era fiton shpejtësi 10 m/s.
Valëzimi në detet Adriatik dhe Jon do te jete i forcës 2-3 ballë.
Tag: ditët
-
Rikthehen ditët me diell, por ulen temperaturat! Ja parashikimi i motit për sot
-
“Fundjava mbyllet me reshje”/ Meteorologia Porja tregon surprizat e papritura të motit për ditët në vijim
Kjo fundjavë do të shënohet nga reshje të konsiderueshme, kryesisht gjatë ditës së shtunë, ndërsa të dielën do të ketë një përmirësim të lehtë të kushteve të motit.
Megjithatë, e hëna do të sjellë sërish reshje në të gjithë territorin shqiptar.
Stabilizimi i motit pritet vetëm nga dita e martë dhe e mërkurë.
Reshjet do të jenë më të dendura në veri dhe veri-perëndim, ndërsa në qendër dhe jug do të kenë intensitet mesatar.
Të dielën reshjet do të jenë më të pakta dhe të izoluara, por të hënën do të rikthehen në të gjithë territorin, me fokus në jug dhe pjesërisht në qendër.
Takimi në Shtëpinë e Bardhë, Hungaria konfirmon se SHBA e ka përjashtuar nga sanksionet për naftën ruse
Bie prodhimi i ullinjve në Lushnjë! Vaji 700 lekë për litër, pritet rritje e çmimit
Forcimi i lekut, shton blerjen e euros ! Rezerva rekord në 7.2 mld euro, por goditet arka e shtetit, 100 mln euro më pak nga TVSH-jaNga e marta pas mesdite, moti pritet të përmirësohet gradualisht, duke sjellë kthjellime dhe temperatura më të ulëta.
Pavarësisht reshjeve, fundjava do të jetë e ngrohtë për këtë periudhë të vitit — maksimumet do të arrijnë deri në 25°C.
Pas së hënës, temperaturat do të pësojnë rënie të ndjeshme, duke shënuar fillimin e një periudhe më të ftohtë në ditët në vijim. -
Dumani në ditët e fundit/ KLP cakton 4 dhjetorin për intervistimin e 4 kandidatëve që garojnë për kreun e ri të SPAK
Këshilli i Lartë i Prokurorisë (KLP) ka caktuar datën 4 dhjetor që katër kandidatët prokurorë që garojnë për postin e Kryetarit të ri të SPAK, të shpalosin platformën e tyre dhe të japin intervistën përballë anëtarëve të KLP-së.
Burime mediatike bëjnë me dije se kanidatët Adnand Xholi, Doloreza Musabelliu, Elvin Gokaj dhe Klodian Braho, duhet të parqiten në orën 10:00 ditën e Enjte të datës 4 Dhjetor në ambjentet e KLP-së për të prezantuar vetveten dhe shpalosur strategjinë e tyre në drejtimin 3 vjeçar të SPAK.
Pak kohë më parë KLP kualifikoi si të vlefshme të gjitha kandidaturat garuese dhe se tashmë gjatë muajit Nëntor, do kryhen verifikime në pastërtinë e figurës dhe integritetit profesional, organizativ dhe përshtatshmërisë së tyre.
-
Misteri i zhdukjes së Floresha Prengut/ Kushërira e 35-vjeçares: S’e dimë nëse po e kërkojnë gjallë apo të vdekur
Të afërmit po përjetojnë një ankth të jashtëzakonshëm dhe nuk kanë asnjë të re nga hetuesit, ndërsa janë ende të zënë me kërkimin për nënën 35-vjeçare që u zhduk nga hiçi në Trento ditët e fundit.
Historia e Floresha Prengut, nënës 35-vjeçare shqiptare të dy vajzave, e cila u zhduk nga Trento ditët e fundit, është ende e mbuluar me mister. Pavarësisht thirrjeve të sinqerta dhe kërkimeve të pandërprera kudo, asgjë nuk dihet për vendndodhjen e saj.
Ankthi i anëtarëve të familjes
Familja e Floreshës, e cila është dyndur në Trento nga e gjithë Italia ditët e fundit, po përjeton një sprovë të vërtetë. Ne kontaktuam kushërirën e Floreshës, e cila ka punuar pa u lodhur për të gjetur 35-vjeçaren që nga momentet e para. Ajo konfirmoi ankthin që po përjeton familja: “Fatkeqësisht, dihet shumë pak: e dimë që ajo la një mesazh për burrin e saj dhe se kishte shkuar në punë.” Këto detaje ishin të njohura që nga momentet e para, por më pas asgjë. “Nuk mundëm të qëndronim në Trento; nëna e Floreshës jeton në Shqipëri dhe kushëriri im është kthyer në Perugia. Ia lamë gjithçka në dorë forcave të rendit”, shtoi kushërira.
Janë të njëjtët oficerë të zbatimit të ligjit nga të cilët familja, në mënyrë të kuptueshme, dëshiron të dijë më shumë. Një heshtje dhe një pritje që, minutë pas minute, bëhet shqetësuese. “Nuk e dimë nëse po e kërkojnë gjallë apo të vdekur”, shtoi kushërira, duke evokuar një ankth ngjitës.
Ne jemi ende duke kërkuar
E vetmja siguri në këtë histori është se lajmi për zhdukjen e saj u përhap në të gjitha prefekturat italiane dhe se, edhe mediat shqiptare e raportuan atë. Sa më shumë kohë kalon, aq më shumë ankth dhe mister rrethon zhdukjen e saj. Shpresa, sigurisht, nuk është zbehur ende: kushdo që ka informacion kërkohet të telefonojë në numrin 112./ Trento Today.
-
Trump kërcënon Maduron: “Ditët e tij janë të numëruara!” Mister plani i SHBA-ve në Karaibe
nicolas maduro dhe donald trump
SHBA- Tensionet në Karaibe po rriten ndjeshëm, teksa Pentagoni ka raportuar se Trupat e Marinës amerikane kanë kryer ushtrime zbarkimi dhe infiltrimi në Porto Riko.
Manovrat ushtarake, të shoqëruara me një video të publikuar nga Komanda Jugore e SHBA-së, tregojnë automjete amfibe, helikopterë dhe njësi të pajisura për operacione të shpejta zbarkimi.
Sipas Pentagonit, Njësia e 22-të Ekspedicionare Detare zhvilloi “operacione stërvitore në Porto Riko” në kuadër të misionit të Komandës Jugore, që synon mbështetjen e operacioneve kundër trafikut të paligjshëm të drogës dhe forcimin e mbrojtjes së Shteteve të Bashkuara.
Megjithatë, këto lëvizje janë interpretuar gjerësisht si një demonstrim force ndaj Venezuelës, në një kohë kur spekulimet për një ndërhyrje të mundshme ushtarake janë shtuar ndjeshëm.
Ndërkohë, Presidenti Donald Trump, në një intervistë për CBS, e përforcoi qëndrimin e tij të ashpër ndaj regjimit të Nicolas Maduros.
“A janë ditët e numëruara të Maduros? Do të thoja se po”, deklaroi Trump, pa dhënë megjithatë detaje mbi ndonjë plan konkret ushtarak.
Kjo retorikë dhe përqendrimi i trupave amerikane në Karaibe po shtojnë tensionet në rajon, ndërsa vëzhguesit ndërkombëtarë paralajmërojnë për mundësinë e një përshkallëzimi të situatës. -
SHBA rrit praninë ushtarake në Karaibe, Trump kërcënon Maduron: Ditët e tij janë të numëruara
Tensionet në Karaibe po rriten ndjeshëm, teksa Pentagoni ka raportuar se Trupat e Marinës amerikane kanë kryer ushtrime zbarkimi dhe infiltrimi në Porto Riko.
Manovrat ushtarake, të shoqëruara me një video të publikuar nga Komanda Jugore e SHBA-së, tregojnë automjete amfibe, helikopterë dhe njësi të pajisura për operacione të shpejta zbarkimi.
Sipas Pentagonit, Njësia e 22-të Ekspedicionare Detare zhvilloi “operacione stërvitore në Porto Riko” në kuadër të misionit të Komandës Jugore, që synon mbështetjen e operacioneve kundër trafikut të paligjshëm të drogës dhe forcimin e mbrojtjes së Shteteve të Bashkuara.
Megjithatë, këto lëvizje janë interpretuar gjerësisht si një demonstrim force ndaj Venezuelës, në një kohë kur spekulimet për një ndërhyrje të mundshme ushtarake janë shtuar ndjeshëm.
Ndërkohë, Presidenti Donald Trump, në një intervistë për CBS, e përforcoi qëndrimin e tij të ashpër ndaj regjimit të Nicolas Maduros.
“A janë ditët e numëruara të Maduros? Do të thoja se po”, deklaroi Trump, pa dhënë megjithatë detaje mbi ndonjë plan konkret ushtarak.
Kjo retorikë dhe përqendrimi i trupave amerikane në Karaibe po shtojnë tensionet në rajon, ndërsa vëzhguesit ndërkombëtarë paralajmërojnë për mundësinë e një përshkallëzimi të situatës.Top Channel
-
“Ditët e Mios” në edicionin e 15, pjesëmarrës piktorë nga Shqipëria e shtete të tjera që sjellin Korçën në punët e tyre
Nga Julia Vrapi
“Ditët e Mios” një ngjarje e artit figurativ, që mbledh çdo vit artistë nga vende të ndryshme të botës për të krijuar vepra të frymëzuara nga rrugicat dhe peizazhet e fshatrave të Korçës. Qyteti i Korçës mirëpret edicionin e 15-të të kolonisë ndërkombëtare “Ditët e Mios”, nga data 28 deri më 31 tetor dhe këtë vit rreth 40 piktorë nga Shqipëria dhe shtete të tjera janë pjesë e këtij aktiviteti të artit figurativ. Aktiviteti që zhvillohet prej disa vitesh në këtë qytet nderon edhe trashëgiminë e mjeshtrit të madh Vangjush Mio, duke e kthyer Korçën në një atelie të hapur arti. Piktorët pjesëmarrës këtë vit janë nga Kosova, Shqipëria, Italia, Greqia, Finlanda, Bullgaria, Maqedonia e Veriut, Mali i Zi, Rumania, etj. Kryetari i Bashkisë së Korçës Sotiraq Filo shprehet për edicionin e 15-të të “Ditëve të Mios” si një festë e vërtetë e ngjyrave, dritës dhe shpirtit krijues. “Rreth 40 piktorë nga vende të ndryshme të botës do të bashkohen në qytetin tonë për të zbuluar magjinë e rrugicave korçare, peizazhet e fshatrave tona piktoreske dhe frymën e veçantë që vetëm Korça di të dhurojë. Për katër ditë me radhë, qyteti do të kthehet në një atelie të hapur arti, ku çdo penelatë do të pasqyrojë emocionin, frymëzimin dhe dashurinë për vendin tonë. Ju ftojmë të bëheni pjesë e këtij udhëtimi artistik që nderon trashëgiminë e mjeshtrit të madh Vangjush Mio dhe e kthen Korçën në skenën e bukurisë dhe krijimtarisë”, shprehet kryetari i Bashkisë së Korës Sotiraq Filo në rrjete sociale. Kolonia e piktorëve “Ditët e Mios” në qytetin e Korçës sot është në ditën e fundit, ndërsa veprat e krijuara nga piktorët do të ekspozohen në përmbyllje të aktivitetit, si një homazh për mjeshtrin Vangjush Mio.
Aktiviteti u çel në shtëpinë muze të piktorit
Edicioni i 15-të i kolonisë ndërkombëtare “Ditët e Mios” u çel në Shtëpinë Muze të piktorit Vangjush Mio dhe prej vitesh është edhe një nga aktivitetet më të rëndësishme të arteve figurative në këtë qytet. Në Korçë që prej vitit 2007 çdo fund tetori zhvillohet kjo mbledhje artistësh nga vende të ndryshme, në nder të “Piktorit të Popullit” Vangjush Mio, ku në ditën e fundit të kolonisë së artistëve zhvillohet edhe ekspozita me punimet e të gjithë pjesëmarrësve. Banesa muze e “Piktorit të Popullit” Vangjush Mio, është një nga më të vizituarat në qytetin e Korçës. Vangjush Mio (3 mars 1891- 30 dhjetor 1957) ishte një piktor impresionist shqiptar. Ai njihet më së shumti për peizazhet dhe sipas kritikës konsiderohet si peizazhisti më i përkryer shqiptar i shekullit XX. Temat e tij të parapëlqyera i merrte nga Korça, Pogradeci dhe rrethinat, por ai përjetësoi në punimet e tij edhe qytete të tjera si Tirana, Elbasani, Himara, Berati dhe Gjirokastra. Përveç peizazheve, Vangjush Mio ishte brilant edhe në pikturimin e portreteve. Rreth 60 punime të tij janë pjesë e fondit në Galerinë Kombëtare të Arteve në Tiranë. Piktori ka marrë pjesë në shumë ekspozita të arteve figurative të organizuara si në Shqipëri ashtu edhe jashtë saj. -
Nisin “Ditët e Mios” në Korçë, piktorë nga shumë shtete hedhin në telajo peizazhet e juglindjes
Në Korçë ka filluar edicioni i 15-të i kolonisë ndërkombëtare të piktorëve “Ditët e Mios”, një ngjarje që çdo vit mbledh artistë nga të gjitha anët e botës për të krijuar vepra që frymëzohen nga mjeshtri i njohur i peizazhit shqiptar, Vangjush Mio.
Pjesëmarrës janë 42 piktorë nga Shqipëria, rajoni dhe shumë shtete të tjera, të cilët po eksplorojnë bukuritë e Korçës dhe do të sjellin krijimet e tyre.
“Kam pikturuar që nga fëmijëria dhe jam profesioniste që nga momenti kur fillova studimet për art. Dje vizituam muzeun e Vangjush Mios dhe pata mundësinë të shoh disa portrete të mrekullueshme. Ai është një artist i jashtëzakonshëm dhe u frymëzova shumë nga puna e tij.”“Po pikturoj një peizazh por në mënyrën imersive, doja të dilja jashtë tradicionales. Është hera e parë që vij në Korçë dhe jam e mahnitur nga mikpritja, unë vij nga Serbia dhe ndihem e lumtur që jam në Shqipëri këto ditë”
“Kjo është hera e parë që kam marrë ftesë nga bashkia e Korçës jam e lumtur që jam këtu. Vjeshta paraqet ngjyra plot jetë e shëndet, ndaj e artistët janë në Korçë. Unë luaj me bojëra por koncepti i ditëve të Mios i mora detajet nga qyteti e t’i përcjell në telajo, pak tradicional, pak abstrakt.”Kolonia “Ditët e Mios” do të zgjasë disa ditë, dhe në fund të aktivitetit, veprat e krijuara do të ekspozohen si një homazh për mjeshtrin Vangjush Mio. Ato shërbejnë gjithashtu si një pasqyrë e bashkëpunimit kulturor ndërkombëtar.
/vizionplus.tv -
Ditët e Mios, edicioni i 15-të i takimit ndërkombëtar të piktorëve
Ka nisur në Korçë edicioni i 15-të i kolonisë ndërkombëtare të piktorëve “Ditët e Mios”, një ngjarje që mbledh çdo vit artistë nga vende të ndryshme të botës për të krijuar vepra të frymëzuara nga mjeshtri i peizazhit shqiptar, Vangjush Mio.
Këtë vit, 42 piktorë nga Shqipëria, rajoni dhe vende të tjera janë bashkuar në këtë aktivitet për tu frymëzuar nga Korça dhe sjellë krijimet e tyre.
“Eksperienca këtu për mua është për herë të parë dhe shoh që Shqipëria është një vend shumë i bukur me një natyrë të mrekullueshme. Kjo eksperiencë për artin dhe kulturën ka një rëndësi shumë të madhe. Dua të pikturoj artistin Vangjush Mio në mënyrën se si e shoh unë atë, pas vizitës tek shtëpia e tij muze”, tha piktorja Ksenia Perepechaieva.
“Unë vij nga Rumania, jam piktor dhe arkitekt po ashtu. Vij për herë të parë në Korccë dhe Shqipëri. Kam takuar këtu njerëz shumë të mirë, Korça qytet shumë i bukur. Bëra disa skica nga vende të ndryshme të qytetit dhe sot do ti hedh në telajo. Do të pikturoj pjesë nga pazari i vjetër dhe rreth e rrotull Korçës”, tha piktori, Murgor Popa.
“Jam nga Serbia dhe kam nisur të pikturoj për kohë shumë të gjatë, gjithë jetën time, ndërsa profesionalisht që kur nisa studimet për pikturë. Dje ishim në muzeun e Vangjush Mios dhe atje pashë shumë portrete. Është një artist i mrekullueshëm, ndërsa kam marrë shumë frymëzim prej tij”, u shpreh piktorja Andjelija Brankovic.
“Vij nga Kosova. Merrem me pikturë prej dy vitesh. Kam një cikël me të cilin po punoj prej një viti me konceptin Zgjohu me gjelat, zgjohu në mëngjes herët, nise një ditë të mbarë dhe këtë mesazh dua të përcjell, ndaj edhe këtu dua të le një pikturë të tillë”, u shpreh piktori, Arianit Lakna.
Kolonia e piktorëve “Ditët e Mios” do të zgjasë disa ditë, ndërsa veprat e krijuara do të ekspozohen në përmbyllje të aktivitetit, si një homazh për mjeshtrin e madh Vangjush Mio dhe si një pasqyrë e bashkëpunimit kulturor ndërkombëtar në qytetin e Korçës.
Top Channel
-
Këto janë shenjat e horoskopit, që do të përballen me vështirësi në ditët në vijim
Në ditët në vitjim tre shenja të zodiakut do të përballen me sfida serioze që do të vënë në provë forcën, qëndrueshmërinë dhe vendosmërinë e tyre. Astrologët paralajmërojnë se kjo periudhë që po kalojmë do të kërkojë guxim, qetësi dhe marrjen e vendimeve të rëndësishme që do të ndikojnë si në jetën tuaj personale ashtu edhe në karrierën tuaj.
Tre shenjat e zodiakut që do të testohen në ditët në vijim:
Gaforrja
Gaforret do të duhet të demonstrojnë forcë të madhe të brendshme. Situatat me të cilat do të përballen mund të përfshijnë marrëdhënie ose vështirësi profesionale që do të testojnë qëndrueshmërinë e tyre.
Është e rëndësishme të mos e lini frikën të mbizotërojë dhe t’u qëndroni besnikë vlerave të tyre. Vini re se ndryshimet mund të duken të vështira në fillim, por ato do të hapin perspektiva të reja dhe do të ofrojnë mundësi për zhvillim personal.
Peshorja
Peshoret, nga ana tjetër, do të përballen me vendime të vështira që do të kërkojnë një ekuilibër midis punës dhe jetës personale ose do të vënë në provë paqen e tyre të brendshme. Kjo fazë do t’i detyrojë ata të rishqyrtojnë prioritetet e tyre dhe të lënë pas atë që nuk u nevojitet më.
Pavarësisht vështirësive, do të ketë mundësi për të forcuar pozicionin e tyre, për të gjetur burime të reja frymëzimi dhe për të krijuar kushte më të mira si në jetën e tyre personale ashtu edhe në atë profesionale. Qetësia dhe të menduarit e kujdesshëm do të jenë çelësi për ta kaluar me sukses këtë periudhë që do t’u sjellë sfida.
Peshqit
Së fundmi, peshqit do të përballen me ndryshime të rëndësishme që do të testojnë fleksibilitetin dhe përshtatshmërinë e tyre. Këto sfida mund të përfshijnë si marrëdhënie ashtu edhe çështje profesionale dhe do t’i detyrojnë ata të dalin nga zona e tyre e rehatisë.
Është e rëndësishme të mbeteni të hapur ndaj ideve të reja dhe të mos keni frikë të provoni diçka të ndryshme. Nëse ata i besojnë vetes dhe ndërtojnë mbi atë që kanë arritur tashmë, ata do të jenë në gjendje t’i shndërrojnë vështirësitë në mundësi për zhvillim dhe përparim, duke hapur shtigje të reja për të ardhmen e tyre.