Liverpool mposhti Preston 3-1 në një ndeshje miqësore, e para për kampionët e Premier League, që përgatiten për sezonin e ri. Një ndeshje që ishte tejet emocionale për lojtarët e “Reds”, e para për ta që pas vdekjes disa ditë më parë të sulmuesit portugez Diogo Jota.
Para takimit u mbajt një minutë heshtje, ndërsa pas ndeshjes lojtarët e Liverpool qëndruan dhe shkuan te tifozët ndërsa këndonin këngën e Jota. Golat e Conor Bradley, Darëin Nunez dhe Cody Gakpo i dhanë fitoren Liverpool, ndërkohë që trajneri Arne Slot foli për këtë moment.
“Nëse duam të qeshim, do të qeshim, nëse duam të qajmë, do të qajmë. Ne gjithmonë do ta mbajmë atë në zemrat dhe mendimet tona, kudo që të shkojmë. Asgjë nuk duket se është e rëndësishme nëse mendojmë për atë që ka ndodhur. Por ne jemi një klub futbolli dhe duhet të stërvitemi, të luajmë përsëri duam apo jo”, tha Slot.
“Është shumë e vështirë të gjesh fjalët e duhura sepse ne debatojmë vazhdimisht se çfarë është e përshtatshme në veprimet tona. Kjo ndeshje ishte e vështirë për ne, në të gjitha drejtimet. Duhet të luajmë e fitojmë edhe për të. Pra, le të përpiqemi të jemi edhe vetvetja edhe në të ardhmen“, deklaroi Arne Slot.
Tag: diogo
-
Slot: Për Liverpool ishte e vështirë të luante këtë ndeshje të parë pa Diogo Jota
-
Liverpool fiton ndeshjen e parë në fushë pa Diogo Jota-n, debutimi i Wirtz shtyhet për herë tjetër (video)
13 Korrik 2025
17:51
Telesport
Liverpool është rikthyer sot në fushë për herë të parë pas ngjarjes tragjike të ndarjes nga jeta të Diogo Jota-s. Liverpool zhvilloi sot ndeshjen e parë parasezonale ku u përball në transfertë ndaj Preston, ku fitoi 1-3.
Golin e parë për ekipin e drejtuar nga Arne Slot e shënoi Conor Bradley në minutën e 33-të, i cili dërgoi topin në rrjetë pas një aksioni të gjatë, që u finalizua me sukses nga të kuqtë.
Në fillim të pjesës së dytë ishte Darwin Nunez që shënoi golin e dytë, pasi përfitoi nga një gafë fatale e mbrojtësit vendas dhe dërgoi topin në rrjetë. Nunez festoi njësoj siç bënte Diogo Jota. SHIKOGOLIN
Në 10-minutat e fundit të ndeshjes u shënuan dy golat e tjerë. Në minutën e 83-të, vendasit ngushtuan shifrat me golin e Liam Lindsay me kokë, ndërsa Cody Gapko vulosi me golin e tij fitoren përfundimtare të Liverpool me shifrat 1-3. SHIKOGOLINEGAPKO
Blerja e bujshme e verës, Florian Wirtz, nuk ishte i grumbulluar në këtë ndeshje, ndërsa u aktivizuan në pjesën e dytë për disa minuta, dy blerjet e tjera Jeremie Frimpong dhe Milos Kerkez. -
Ish-sulmuesi portugez Diogo Jota që humbi jetën tragjikisht në një aksident, nderohet në ndeshjen e parë të Liverpoolit
Nderim prekës për Diogo Jotën – Tifozët e Liverpoolit dhe Prestonit këndojnë në kor këngën e sulmuesit të ndjerë
Në një atmosferë mbresëlënëse, e ngarkuar me emocion dhe respekt të thellë, tifozët e Liverpoolit dhe ata të Prestonit janë bashkuar në një zë të vetëm për të nderuar kujtimin e ish-sulmuesit portugez Diogo Jota, i cili humbi tragjikisht jetën më 3 korrik në një aksident automobilistik, së bashku me vëllain e tij.Kjo ishte ndeshja e parë që nga ndarja e papritur dhe e dhimbshme nga jeta e Jotës, dhe stadiumi i Preston North End u shndërrua në një tribunë nderimi, ku mungesa e tij u ndie më shumë se kurrë. Teksa Liverpooli zhvillonte një miqësore në udhëtim ndaj Prestonit të dielën, jehona e këngës së dedikuar për Diogon pushtoi shkallët – një rit i heshtur dashurie, kujtese dhe mallkimi për një talent që u këput shumë herët.
Këngët, brohoritjet dhe flamujt e ngritur lart nuk ishin vetëm një shfaqje solidariteti mes dy tifozerive, por një mesazh i pastër njerëzor – se futbolli shkon përtej fushës, se humbjet nuk kanë ngjyrë fanelle dhe se kujtimi i një lojtari mbetet i gjallë në zemrat e atyre që e deshën për pasionin dhe shpirtin që solli në lojë.
Nderimi për Jotën ishte i madh dhe i ndjerë, një reflektim i ndikimit që ai pati jo vetëm si futbollist, por si një njeri që preku shumë zemra në mënyrën më të heshtur e të sinqertë.Tribute for Diogo Jota and Andre Silva at Liverpool’s first preseason game vs Championship side Preston North End.
Fans at Deepdale Stadium sang a rendition of ‘You’ll Never Walk Alone.’
Preston laid a wreath in front of the Liverpool fans section.pic.twitter.com/8fXZ0A1yHj
— Kyama ⚽ (@ElijahKyama_) July 13, 2025Edhe kapiteni i Prestonit, Benjamin Whiteman, vendosi një kurorë lulesh dhe qëndroi për një minutë para tifozëve të Liverpoolit.
A beautiful tribute to Diogo Jota and André Silva from Preston and all the fans at Deepdale.
(via @kungfunahi)pic.twitter.com/L1TZxj5N06
— Sports Illustrated FC (@SI_FootballClub) July 13, 2025 -
Tragjedia e Diogo Jota-s/ “Nuk po ecnin shpejt”, shoferi i kamionit: Më parakaluan brenda normave
Tragjedia e Diogo Jota-s/ “Nuk po ecnin shpejt”, shoferi i kamionit: Më parakaluan brenda normavePikëllimi për ndarjen nga jeta të Diogo Zhotës mbetet e thellë dhe në Spanjë po zhvillohen hetime për shkakun e aksidentit, që i mori jetën atij dhe të vëllait. Policia beson se aksidenti u shkaktua nga Lamborgini Hurakan, me të cilin po ecnin shumë shpejt (mbi 120 km/orë) dhe ng…
-
Humbi jetën tragjikisht, Liverpool nderon Diogo Jotën me një vendim historik
Liverpool ka vendosur të tërheqë përherë fanellën me numrin 20 në të gjitha nivelet, përfshirë ekipet e para të meshkujve dhe femrave, si dhe skuadrat e akademisë, për të nderuar Diogo Jota. Ky është një gjest i parë i këtij lloji nga klubi.
Në një deklaratë, klubi theksoi se numri 20 ishte ai që Jota mbante me krenari dhe dinjitet, duke udhëhequr Liverpool-in në shumë fitore gjatë periudhës së tij.
“Diogo Jota do të mbetet gjithmonë numri 20 i Liverpool Football Club”, thuhet në njoftim.
Jota, i sapo martuar, humbi jetën tragjikisht më 3 korrik, kur Lamborghini i tij u përplas në veri të Spanjës. Vëllai i tij, Andre, humbi gjithashtu jetën në këtë aksident. Policia ka konfirmuar këtë javë se Jota ishte ai që drejtonte mjetin.
Një memorial i madh është ngritur jashtë Anfield, ku shokët e ekipit dhe anëtarët e familjes së Jotës, përfshirë gruan e tij Rute, morën pjesë në një ceremoni përkujtimore. -
Tragjedia ku humbi jetën Diogo Jota, dëshmitari: Ai nuk po ecte me shpejtësi
Ai ishte njeriu që kapi imazhet tronditëse të Lamborghinit të Diogo Jotës në flakë, menjëherë pas aksidentit të tmerrshëm që i mori jetën asit të Liverpoolit dhe vëllait të tij Andre Silva.
José Aleixo Duarte Azevedo, shoferi i kamionit që po kalonte, është kritikuar ashpër që kur postoi videon përkatëse, pasi në vend që të përpiqej të ndihmonte, zgjodhi të merrte telefonin celular dhe të filmonte automjetin në flakë, megjithatë, në një video të re që i dërgoi portalit portugez “Correio da Manha” ai dha një dimension tjetër dhe disa detaje shtesë rreth aksidentit.
“E kam filmuar zjarrin kur po kaloja pranë vendit dhe disa metra më tutje u ndala dhe u përpoqa ta shuaja me fikësen e zjarrit, por për fat të keq nuk munda të bëja asgjë. Ndërgjegjja ime është e pastër“, tha fillimisht ai, duke mbrojtur veten, ndërsa siç zbuloi, “në vendngjarje ndodhej një shofer tjetër portugez i cili kishte parë se si automjeti doli nga rruga”.
Shoferi i kamionit ishte gjithashtu kategorik në lidhje me shpejtësinë me të cilën lëvizte automjeti i dy vëllezërve…“Familja më ka thënë se nuk po ecte shumë shpejt. Është një rrugë e papranueshme, shumë e errët, dhe arrita të dalloja markën dhe ngjyrën e makinës kur më kaluan rreth pesë minuta para aksidentit. Po ngisnin shumë qetësisht.” -
Dy dëshmitarë hedhin poshtë versionin e policisë për vdekjen e Diogo Jota, ja dëshmia e kamionistëve që filmuan aksidentin
Hidhërimi për humbjen e Diogo Jota mbetet i thellë dhe në Spanjë po zhvillohen hetime për shkakun e aksidentit që vrau atë dhe vëllain e tij, i cili ishte në makinë me të. Sipas policisë, aksidenti u shkaktua nga Lamborghini Huracán me të cilin po udhëtonin, duke tejkaluar shpejtësinë prej 120 km/orë dhe nga një gomë e shpërthyer, e cila bëri që makina të rrëshqiste nga rruga.
Hetimet janë ende duke vazhduar për aspektin e fundit për të përcaktuar se si ndodhi shpërthimi, por shpejtësia me të cilën po udhëtonte makina mbetet një çështje e pasigurisë së konsiderueshme.
Vendimi fillestar i raportit të ekspertit të Guardia Civil, i arritur pas gjetjeve të policisë mjeko-ligjore, është kundërshtuar kategorikisht nga dy dëshmitarë të pranishëm në vendngjarje.
I pari është shoferi i kamionit që regjistroi videon, që qarkullon në mediat sociale, duke treguar makinën e dy futbollistëve në flakë në anë të rrugës: “Kam ndërgjegje të pastër“, tha José Azevedo në një video të postuar në mediat sociale.
“E di çfarë pashë. Ata kaluan pranë meje me qetësi, pa shpejtësi. Pa shpejtësi. E dërgova vetë videon në CMTV sepse kisha filluar të dëgjoja disa budallallëqe“, janë fjalët e burrit që po udhëtonte në autostradën A-52 atë natë u drejtohen edhe familjeve të viktimave.
“Ju jap fjalën time: nuk po shkonin shpejt. Po shkonin shumë qetësisht, sepse unë ngas atë rrugë çdo ditë, nga e hëna në të shtunë. E di si është ajo rrugë; është një rrugë që nuk ia vlen aspak. Është një rrugë e errët dhe unë munda ta shihja markën e makinës, ngjyrën e makinës, gjithçka qartë. Pak më tej, për fat të keq, ndodhi ajo që ndodhi“, tha dëshmitari.
Ky version u konfirmua edhe nga një shofer tjetër kamioni, José Aleixo Duarte, i cili i tha shtypit portugez se ai ishte dëshmitar dhe filmoi aksidentin. Ai gjithashtu u përpoq të shuante flakët, por u trishtua kur kuptoi se nuk kishte më asnjë shans për të shpëtuar dy personat brenda. -
Vdekja tragjike e Diogo Jotës, ja shuma që bashkëshortja dhe fëmijët e mitur të futbollistit do të përfitojnë
Vdekja tragjike e futbollistit Diogo Jota dhe vëllai të tij Andre Silva tronditi mbarë botën e portit, por jo vetëm. Sigurisht, më të prekurit janë familjarët e tyre, prindërit dhe bashkëshortja Rute me fëmijët e mitur të 28-vjeçarit.
Pas ngjarjes, bota e futbollit vërshoi me mesazhe ngushëllimi, por dhe me gjeste të rralla e plot kuptim. I tillë ishte dhe vendimi i Liverpool, klubi ku Digo aktivizohej, për t’i dhënë bashkëshortes pagën e lojtarit deri në fund, e po ashtu duke vendosur një fond për të mbështetur arsimimin e 3 djemve të tij deri në moshën 18-vjeçare.
Por sa është kjo shumë? Sipas “Daily Mail”, e veja e Diogo Jotës mund të trashëgojë deri në 35 milionë paund nga pasuria e tij për sigurinë financiare të saj dhe tre fëmijëve të tyre. Jota nënshkroi për herë të parë një kontratë me Wolverhampton Wanderers në vitin 2018, nga e cila fitonte 38,000 £ në javë. Dy vjet me këto paga e panë atë të fitonte 3,952,000 £ përpara se të shënonte shumën e madhe me një transferim në Anfield, ku dy vitet e para të kontratës së tij katërvjeçare me 83,000 £ në javë e panë atë të fitonte edhe 8,632,000 £ të tjera.
Si rezultat i talentit të tij fenomenal, Liverpooli e zgjati kontratën për pesë vjet në vitin 2022 dhe ia rriti pagën në 140,000 £ në një kontratë që e pa atë të fitonte 21,840,000 £ para vdekjes së tij tragjike. Këtu përfshiheshin bonuse performance, dhe 65 golat e tij në 182 ndeshje kontribuan në pasurinë e tij. Megjithatë, ai ishte gjithashtu një sipërmarrës i Esports dhe ambasador global i markës.
Jota pritej të merrte 14.5 milionë paund të tjera për dy vitet e mbetura të kontratës së tij, të cilën pavarësisht raportimeve në mediat portugeze që sugjeronin se Liverpooli do ta respektonte, ende nuk është konfirmuar. Kjo do të thotë që të ardhurat totale të Jotës prej rreth 34.4 milionë paundësh që nga mbërritja në Premier League mund të trashëgohen nga Rute dhe dy djemtë e tyre, Dinis, katër vjeç, Duarte, dy vjeç, dhe vajza e tyre tetëmuajshe, Mafalda./TARTop Channel
-
Aksidenti tragjik i Diogo Jota dhe vëllait të tij, policia zbardh detajet
Detaje të reja janë zbardhur nga aksidenti tragjik ku humbën jetën dy vëllezërit sportistë Diogo Jota dhe Andre Silva.
Sipas dëshmive, në timonin e Lamborginit ishte pikërisht futbollisti portugez. Ai dyshohet se po e drejtonte automjetin me shpejtësi mbi kufirin e lejuar, shkruajnë mediat e huaja.Lexo edhe :Related Posts
Lojtari 28-vjeçar i Liverpulit ndërroi jetë bashkë me të vëllanë, Andre Silva, pas aksidentit në provincën Zamora, në veriperëndim të Spanjës, në orët e para të së enjtes së kaluar.Sipas policisë, njëra nga dy gomat e pasme të veturës sportive shpërtheu gjatë një parakalimi. Kjo bëri që vetura të rrëshqiste, të çante një mbrojtëse anësore të rrugës, të rrokullisej dhe menjëherë të merrte flakë.
Policia spanjolle, “Guardia Civil” bëri të ditur se automjeti pati një manovër parakalimi në autostradë kur doli nga rruga dhe shpërtheu në flakë.
“Nga të dhënat e deritanishme, gjithçka tregon se ka pasur tejkalim të shpejtësisë së lejuar”, ka thënë policia lokale rrugore e Zamorës, mbi hetimet paraprake.
Autoritetet theksuan se, bazuar në gjurmët e gomës së Lamborginit, të gjitha provat e mbledhura thonë se Zhota ishte drejtuesi i mjetit në momentin e aksidentit. Ndërkaq, një raport ekspertize po përgatitet, por hetimet janë bërë më të ndërlikuara për shkak të intensitetit të zjarrit që shkrumboi veturën. -
Aksidenti fatal që i mori jetën futbollistit Diogo Jota, policia spanjolle zbulon detaje të reja
Të gjitha provat deri më tani zbulojnë se futbollisti portugez Diogo Jota ishte në timon kur makina e tij u përplas në një autostradë spanjolle dhe dyshohet se mund të ketë qenë duke kaluar shpejtësinë, njofton policia.
Lojtari 28-vjeçar i Liverpool-it humbi jetën së bashku me vëllain e tij, André Silva, 25 vjeç, pasi makina e tyre Lamborghini dyshohet se pësoi një shpërthim gome në provincën veriperëndimore të Zamorës, të enjten e kaluar.
Forcat e rendit të Guardia Civil në Spanjë deklaruan se automjeti ishte në tentativë për të parakaluar në autostradën A52, pranë Palacios de Sanabria, kur doli nga rruga dhe shpërtheu në flakë.
“Gjithçka tregon gjithashtu një shpejtësi të mundshme të tepërt përtej limitit të shpejtësisë së rrugës [autostradës],” tha policia lokale e trafikut të Zamorës.
Shenjat e gomave janë analizuar në një distancë të caktuar nga vendi ku ndodhi shpërthimi i gomës së Lamborghini-t. Policia theksoi se kishte studiuar gjurmët e lëna nga një prej gomave dhe se “të gjitha testet e kryera deri më tani tregojnë se shoferi i automjetit të aksidentuar ishte Diogo Jota”.
Po përgatitet një raport ekspertize për gjykatat në lidhje me aksidentin, ndërsa hetimi është bërë më kompleks për shkak të intensitetit të zjarrit që shkatërroi pothuajse plotësisht automjetin.
Aksidenti tragjik ndodhi vetëm 11 ditë pasi Jota ishte martuar me partneren e tij prej shumë vitesh, Rute Cardoso, në Portugali. Çifti kishte tre fëmijë.
Dy vëllezërit ishin nisur drejt portit spanjoll të Santanderit, që Jota të mund të kthehej në Liverpool për stërvitjet parasezonale.
Ceremonia mortore u zhvillua në qytetin e tyre të lindjes, Gondomar, pranë Portos, gjatë fundjavës. Gjurmët e gomave thuhet se ishin të dukshme rreth 100 metra (330 këmbë) nga vendi i përplasjes.
Edhe pse kishte pasur spekulime se asfalti në vendin e aksidentit ishte i pabarabartë, policia spanjolle u tha mediave se zona nuk ishte konsideruar një “pikë e zezë” për aksidente dhe se rruga, teorikisht, mund të përballonte edhe shpejtësi mbi kufirin prej 120 km/orë (75 mph).Top Channel