Lajmidites.com

Tag: dinte

  • Begzad Baliu: Rrëfimi i nënës për shtëpinë e djegur në fshat

    Begzad Baliu: Rrëfimi i nënës për shtëpinë e djegur në fshat

    Nga Begzad Baliu

    U dogj edhe shtëpia jonë në fshatBiro, mos u mërzit, – më tha në mbrëmje me telefon, – mos u mërzitLuftë ështëJanë djegur shumë shtëpi, fshatra e qytete në KosovëDo të digjen edhe të tjeraLuftë ështëU dogj edhe e jonaMos u mërzit

    *Pamë tek po afroheshin autoblindat serbe, policë të maskuar, vullnetarë të rruar kokash, zjarrvënës…Biseduam me plakun dhe vendosëm:I pari doli ai tek dyert e oborritShtëpia në themel ka therrorin e saj dhe nuk bën të digjet pa një akt therrorie, – tha plaku duke shtypur plisin e bardhë thellë në kokëDhe doli…

    *Tek dyert e oborrit e korrën me mashinkë dhe u shtri në tokë, ngadalë, si një trung i moçëmPastaj flaka e përshkoi shtëpinë në të gjitha anëtHambarin e drithit, ahurin, kotecin e pulave, plepin në fund të oborrit, gardhinPata kohë sa t’i liroj kafshët dhe ta zgjidh qeninU shmangëm të gjithë drejt Dushkajës, ndërsa shtëpia digjejVetëm qeni dhe kali i qëndruan te koka plakutPas tankeve ushtarake erdhën autoblindat policorePolicët morën gjënë e gjallë: lopët, viçat, pulatQeni dhe kali nuk ju shkuan prapa, prandaj i vranë te kryet e plakutPastaj nipi i Tushës së Pllavicës me një grup romësh të Gjilanit morën miellin, drithin nga hambari, shporetin me zjarr të ndezur,Frigoriferin pothuajse të prishur, televizorin me gjithë antenëTepsitë, ferteret e nxira, xhygymat dhe gotat e çajit të blera në Pazarin e Shkupit,Vajin, pjatat, lugët, xhezven e kafes të blerë në Panairin e Llatinëve të Janjevës,Filxhanat e kafes me gjithë tabakun e blerë në Shkodër gjatë Luftës së Dytë Botërore,Sheqerin, kripën, kutinë e cigareve të plakut, të blerë në Selanik nga babai i tij Rama në fillim të shekullit XX, shkrepësenJorganët, çarçafët, jastëkët…Morën e nuk lanë gjë, …ndërsa shtëpia digjej.

    *Po binte muzgu e trupi i plakut të vrarë në derë të shtëpisëLuteshim të mos e marrin trupin e tij, kur sakaq breshëri plumbash erdhën nga maliUÇK! UÇK! UÇK! – u dëgjuan thirrjet e policëve serbë, romëve dhe t’birit të Tushës së PllavicësIa mbathen sa në të majtë sa në të djathtë, dhe ikën sikur të mos kishin qenë kurrë aty

    *U kthyem në fshat kush mundi e kush mbetiMblodhëm e varrosëm të vrarët…Përparimi i Jonuzit, Florimi i Beqirit shkrepën një breshëri armësh dhe nderuan ushtarakisht të vrarët nga radhët e tyre, ushtarë të UÇK-sëNuk ju tregova për historinë e asaj cope granate, të cilën plaku e mbajti në shpinë që nga viti 1944, si pjesëtar i NDSH-së,Koha e tij, – thash më vete – ka kaluar, kohë tjetër ka ardhur, që i thonë Koha e UÇK-së

    *U dogjën të gjitha, biroLuftë është, mos u mërzitNë shtëpi vetëm oxhaku po qëndron në këmbë – thonë shej e mirë është!Plaku shkoi me fytyrëDhe nusja jote sigurisht paska nis një djalë

    *U dogjën të gjitha, biro, – më thoshte nënaLuftë është, mos u mërzitU dogjën librat e babait dhe të gjitha librat që ti i pate sjellë në fshat pas Demonstratave të vitit 1981 nga frika se në Prishtinë mund t’i marrë Sigurimi serbBotimi i parë i librit Istori e Skënderbeut e Naim Frashërit, me shënime në margjinë të At Shtjefën GjeçovitLahuta e Malcisë e Gjergj Fishtës, të cilën Baci Bejtë, atëherë student i Shkollës së Lartë Pedagogjike të Prishtinës, me Indeksin nr. 1, e pati blerë gjatë ekskursionit në Romë, në vitin 1959. Brenda saj ruheshin edhe shumë “fshehtësi” të tjera. Plaku ruante Himnin e Flamurit të Asdrenit dhe një vjershë të Nolit për Bajram Currin, ndërsa Shabani, atëherë student i albanologjisë në Universitetin e Prishtinës, kopjet e gazetave ilegale Liria e Zëri i Kosovës, si dhe disa këngë për Enver Hoxhën e Partinë e Punës së Shqipërisë, të cilat i pati fshehur menjëherë pas demonstratave të vitit 1981.Kurani, një botim i Sarajevës në gjuhën boshnjake, të cilin Plaku e pati sjellë nga Mitrovica, menjëherë pas Luftës së Dytë Botërore, kur pati shkuar atje ta blinte një guri të MullinitDhjata (nuk e di e reja apo e vjetra), të cilën në vitet ‘80, kur ti ishe në Gjimnazin e Gjilanit, ta patën dërguar me postë nga Radio Monte KarloNjë libër i vjetër me poezi të shkrimtarit Esad Mekuli, të cilën e ruanim më shumë për shkak të kopërtinës me një pamje malësori nga Rugova, se sa për shkak të poezive.Një vepër pa kopërtina, e grisur nga revista Jeta e re, për të cilën Shabani thoshte se është romani i Adem Demaçit Gjarpijt e gjakut dhe e patë fshehur në librin e Eduard Kardelit, Zhvillimi i çështjes kombëtare sllovene. Plaku mendonte që mbi parimet teorike të kësaj vepreje të Kardelit, mund të shtrohej edhe çështja shqiptare në Jugosllavi.Romani i Rexhep Qosjes Vdekja më vjen prej syve të tillë, të cilin Lida e Dadës Naxhë e patë blerë për lexim gjatë verës së vitit 1974, duke menduar se fjala është për një roman dashurie. Gjithë verën e atij viti, Bejta i Rizahit, Enveri i Rrahmanit, Shabani jonë, Nexhati Hasanit janë grind, se kush është autori e kush personazhi kryesor. Bejta thoshte, autori i vërtetë i romanit është Luan Dukagjini, e Shabani thoshte jo, autor i romanit është Rexhep Qosja, të cilin ai e njihte se e kishte Profesor të Estetikës në Prishtinë, ndërsa personazh i vërtetë mund të ishte Luan Dukagjini. Një ditë Enveri i Rrahmanit tha që, autori i romanit mund të ishte Luan Dukagjini apo Rexhep Qosja, po diku kishte dëgjuar se personazhi kryesor nuk ishte Xhezairi i Gjikës, po Adem Demaçi. Plaku e dëgjoi dhe i tha, ule zërin, të mos dëgjoj Ai, Kia i Selakut se na merr në qafë. Dhe aty e lanë. Lida nuk e mori më romanin me veti në Gjilan. Le të ruhet këtu në fshat, tha ajo.Romani Kështjella e Ismail Kadaresë, të cilën e kanë lexuar gjysma e nxënësve të Mahallës dhe ngjante më shumë në një harmonikë se në një libër. Disa herë kam dashur ta gjuaj, po ja pata ruajt Myrvetit, se ajo ka qenë gjatë në burg dhe ndoshta nuk ka pas mundësi ta lexojë.Libri Këngë historike të Rilindjes Kombëtare, të cilat plaku, netëve të dimrit, më shumë i këndonte nën zë se sa i lexonte. “O Abdyl, shite pasurinë, /shko në Berlin, shpëto Shqipërinë…”

    II.Pas luftës nëna nuk u kthye në fshat“I vdekuri me të vdekurit, i gjalli me të gjallët”, – arsyetohej ajo.Kemi biseduar shumë herët me nënën për ato ditë trishtimi, të cilat e rëndonin shumëDyshonte nëse plaku ishte varrosur me plis apo ja kishte marrë Imeri i MuslisëRuana zot, lëkundej nga vendi ajo, Imeri nuk ka mbajtur plis dhe mund ta ketë bërë furrik të pulave plisin e plakutAnkohej për njërën pandufkë, nëse i kishte mbetur në trenin e Fushë Kosovës, në Bllacë apo Kampin e Stankovecit. Para se të kthehej ajo e hodhi pandufkën por kur u kthye në Prishtinë e gjeti tjetër në shtëpi. U mërzit shumë, por besonte se me të i kishte lënë atje edhe vuajtjet e atij mallkimi. Nipat e mbesat, disa herë i patën blerë pandufke të reja, por asnjë palë nuk i ndejtën në këmbë, si ato që ja pati sjellë Myrveti, kur u martuamKujtohej shpesh për tubën e buburrecave sa një kodër, e cila u dogj pas shtëpie, bashkë me krenat e shtëpisë që ranë mbi taKur u kthyem në të rënë të muzgut, – kujtonte ajo, – së pari e hodha një kovë me ujë mbi tufën e tyre, thash ndoshta ka shpëtuar ndonjëKujtohej shpesh për çerdhen e dallëndyshes së djegur nën strehën e hambarit, por nuk e dinte nëse aty kishte vetëm vezë apo zogj me krah ende të kapur për trupi. Mallkonte bollën e shtëpisë, sorrëshkinën dhe “një thi mace”, që shpesh ngjiteshin t’i kafshojnë zogjtë e sapo dalë nga veza, ndërsa plaku i gjuante me çfarë i qëllonte në dorë.

    *Nëna ime pas luftës kurrë nuk deshi të shkonte në fshatI vdekuri me të vdekurit, i gjalli me të gjallët – e përsëriste ajoPlaku shkoi te vëllai i tij Tafa – shehit i vitit 1944. Tafën e pati pushkatuar te Fusha e Madhe, Tusha i Pllavicës bashkë me partizanët e Brigadës Maqedono-KosovareUnë po rri këtu në Prishtinë me fëmijët e nipat e plakut dhe të Tafës: Mustafën, Muharremin, Nezirin – thoshte nëna – e bindur se këtë të drejtë ja kishte miratuar edhe zoti. I vizitonte me mëngjes: Pinte kafe te Mustafa, çaj te Ramizja, hante një patate të pjekur te Mina dhe i kujtonin ditët e rinisë në Makresh, por fshatin nuk e donteAs donte ta pinte ujët e Kroit, të cilën me kova druri e kishte bartur “thik përpjetë” në të ritë e sajAs ta shihte Gropën e Qereçit ku ra dhe vdiq i biri Asllanit, pa i mbushur tri vjetAs të kalonte rreth Sklladit të arave ku varroseshin kopilat e fshatit dhe fëmijët e pafe, që vdisnin pa i mbushur “shtatë ditët e të lumit zot”As ta shihte Lamën e Dautit, që ndalte kuajt në mes të ditës dhe “ja grahte çajit” vetë i pesëmbëdhjetiAs ta kujtonte Prronin e Shejtanit ku qe çmendur Hoxhë Kadria, me shtatë hajmali në xhep, Natën e KatragjeqaveAs të pushonte te Krekci i Lamës Smajlit, ku uleshin shpesh milictë pas vitit 1981 dhe i pyesnin udhëtarët e rastit, nëse kishin parë në fshat ndonjë parullë me emrin “Kosova Republikë”, të shkruar me inicialet “KR”

    *Pas luftës nëna nuk u kthye në fshat“I vdekuri me të vdekurit, i gjalli me të gjallët”, – përsëriste ajo duke u kotur.Telefon nuk mbante, madje as kontakte me njerëzit e fshatit, vetëm ndonjë thashetheme, të cilat ia tregonin vajzat e sajE megjithatë i dinte të gjitha ato që kishin ndodhur para luftës, gjatë dhe pas saj.M’i përsëriste shpesh pasdite dhe mbrëmjeve të vona pa gjumë.Ajo e dinte se fshatin tonë e sulmoi me armë ushtria dhe policia serbePo shtëpitë i dogjën nipat e Tushës së Pllavicës dhe bijtë e Stojanit, – zadrugarit të Fshatit të EpërmAjo e dinte se plakun e vranë, jo pse i rrezikonte ai, po se nuk e duronin dot plisin e bardhë në kokën e tijAjo e dinte se po mos të b’zajshin me krisma pushke ata të UÇK-së, Përparimi, Florimi i Beqirit t’Kllokoçve e shokët e tyre, plakut as xhenazen nuk ja kishim gjeturAjo e dinte se dyert e oborrit, pas luftës i ka marrë Raifi i Sylejmanit, “e hallall i qofshin, se e ka ba katunin xhenet”Ajo e dinte se krenat e padjegur të shtëpisë i ka marrë Habibi i Kllokoçve, -zoti e ruajt, qe e pastroi themelin e shtëpisë, që të mos mbushej me gjarpinjAjo e dinte se Koshin e Kollomoçit e ka marrë shoku im i bankës Ruhani i Beqirit, jo pse nuk kishte, po pse duke jetuar në Gjermani, kishte mësuar se të ruash trashëgiminë është kulturë dhe vlerë kombëtare

    III.Para se të vdiste e pata pyetur nëse ishte kujtuar t’i skajonte disa fotografi të fëmijërisë sonëPo më pati thënë, jam kujtuar, po nuk i kam larguarNuk kam dashur t’i ruaj as fotografitë “e kohës së shkaut”Më lëndojnë kujtimet e kësaj kohePo unë çka mund të ruaj në truallin e vjetër, e pata pyeturMerre Enin dhe shko e lutuTe shenjat e fshatit, me të cilat jetuam nga mëngjesi në mbrëmje: Oda e Mixhës Ramë, Fusha e Madhe, Shkolla me emrin e Skënderbeut, Mejtepi, që në vitin 1945 u bë Xhami, Varrezat e martirëve të vitit 1944, Kroni i Mahallës, Lisi i Orlit, Vorri i Bugarit, Bota e Kuqe, Guri i Hallës Hysë, Guri i Kanës, Bregi i Koshave, Dardha e Nanës t’Madhe, Vorret e Moçme, Mullini i Rimit, Dhevi i ZiTe Varret e munguara të vullnetarëve të Luftës së Çanakalasë: Imer Shaban Islamit, Halil Hasan Miftarit, Qazim Idriz OsmanitTe Varrezat e martirëve të kohës së bugarit: Hasan Radecit, Vocës së Ibishti, Sahit Isuf Isufit, Imer Zekës, Isuf Zekës dhe tri gra të familjes së Voc RadecitTe Varrezat e të pushkatuarve nga partizanët në vitin 1944: Hajrullah Behlulit, Bejtullah Behlulit, Mustafë Ramadan Mustafës, Ali Kranidellit, Imer Ukshinit, Tahsin Hamdi Shehut, Shaban Govorit, Familjes së Poroshticve.Te Familja e të burgosurve të parë pas Luftës së Dytë Botërore, në krye me Ramiz Osmanin. Dhe mos harro se ti mban emrin e njërit prej djemve të kësaj familjeje, emrin e Begzad Osmanit

    *Dhe mos harro të jetosh“I vdekuri me të vdekurit, i gjalli me të gjallët!, – këmbëngulte prapë AjoDuke zbritur drejt heshtjesDuke u ngritur drejt qiellitDuke u shu në përjetësi.Prishtinë, mars 2023.

    ObserverKult

    Lexo edhe:

    BEGZAD BALIU: NË FILLIM ISHE TI PASTAJ ERDHI OBAMA

  • “I dha lëng dhe u tha; pijeni”/ Burri i helmoi prindërit me valium, flet gruaja: E dinte se ku i mbanin lekët

    “I dha lëng dhe u tha; pijeni”/ Burri i helmoi prindërit me valium, flet gruaja: E dinte se ku i mbanin lekët

    E rëndë ishte historia në Librazhd, ku një 36-vjeçar i ka dhënë valium dy prindërve të gruas së tij dhe më pas i ka vjedhur. Për të hedhur më shumë dritë mbi ngjarjen, pjesë e emisionit televiziv, ishte bashkëshortja e tij, Ismail Klogjrit.
    “Të gjithë janë të shokuar nga ngjarja. Kjo është një gjë që nuk falet. Imagjino, mund të ma bëjë mua këtë gjë dhe fëmijëve të mi. Ai tha se ishte penduar. Tani do shoh punën time. Më dhimbsen prindërit e mi. Çfarë do lloj gjejë nuk falet se rrezoi jetën e prindërve. Mami më tregoi se; i kishte ndihmuar me disa punë. Kishin ngrënë drekë dhe ai i kishte dhënë nga një gotë me lëng.
    Ajo kishte thënë se nuk donte, se di nëse ia ka dhënë me zor. Ajo nuk mban mend. Unë kur shkuam në spital i thash; mos e kë bërë ti?! Ai ma mohoi dhe më tha që; jo se kam bërë, i kam dashur, i kam respektuar. Besoj se ai e ka bërë. Vështirë ishim nga gjendja ekonomike. Se mund të ketë marrë dhe ndonjë borxh. Se unë s’kam ditur gjë. Ai e dinte se ku i mbanin lekët. Mami i mbante paratë në gjoks. Ata merrnin pension. Prindërit më thanë; ti e di, bëj çfarë të duash. Ti e di.”, tha ajo.

  • “U dha lëng dhe u tha: Pijeni!”/ Burri i helmoi prindërit me valium, flet gruaja: E dinte se ku i mbanin lekët

    “U dha lëng dhe u tha: Pijeni!”/ Burri i helmoi prindërit me valium, flet gruaja: E dinte se ku i mbanin lekët

    E rëndë ishte historia në Librazhd, ku një 36-vjeçar i ka dhënë valium dy prindërve të gruas së tij dhe më pas i ka vjedhur.
    Për të hedhur më shumë dritë mbi ngjarjen, pjesë e emisionit “Me zemër të hapur’ në News24 të moderatores dhe autores Evis Ahmeti, ishte bashkëshortja e tij, Ismail Klogjrit.
    “Të gjithë janë të shokuar nga ngjarja. Kjo është një gjë që nuk falet. Imagjino, mund të ma bëjë mua këtë gjë dhe fëmijëve të mi. Ai tha se ishte penduar. Tani do shoh punën time. Më dhimbsen prindërit e mi. Çfarë do lloj gjejë nuk falet se rrezoi jetën e prindërve. Mami më tregoi se; i kishte ndihmuar me disa punë. Kishin ngrënë drekë dhe ai i kishte dhënë nga një gotë me lëng. Ajo kishte thënë se nuk donte, se di nëse ia ka dhënë me zor. Ajo nuk mban mend. Unë kur shkuam në spital i thash; mos e kë bërë ti?! Ai ma mohoi dhe më tha që; jo se kam bërë, i kam dashur, i kam respektuar. Besoj se ai e ka bërë. Vështirë ishim nga gjendja ekonomike. Se mund të ketë marrë dhe ndonjë borxh. Se unë s’kam ditur gjë. Ai e dinte se ku i mbanin lekët. Mami i mbante paratë në gjoks. Ata merrnin pension. Prindërit më thanë; ti e di, bëj çfarë të duash. Ti e di.”, tha ajo.

  • “Do ketë trazira”, Artan Hoxha zbulon paralajmërimin e Ilir Metës para 21 Janarit: Ja pse duhet thirrur në SPAK

    “Do ketë trazira”, Artan Hoxha zbulon paralajmërimin e Ilir Metës para 21 Janarit: Ja pse duhet thirrur në SPAK

    Gazetari Artan Hoxha në një studio televizive tha se Prokuroria e Posaçme duhet ta thërrasë ish-Presidentin Ilir Meta, që të dëshmojë për rastin e 21 Janarit, pasi ai ishte objekti për të cilin qytetarët u thirrën në atë protestë nga PS, në opozitë asokohe.
    “Unë kam thënë që duhet thirrur nga presidenti i asaj kohe Bamir Topi dhe me radhë kryeministri zoti Berisha, kryetari i parlamentit, ish-zv/kryeministri zoti Meta e kam të shënuar atje, kryetari i opozitës së asaj kohe zoti Rama sepse patjetër Strasburgu i ka vënë kolona dhe ka kërkuar një hetim shterues dhe ky është shansi i fundit që ne kemi për një ngjarje si “21 Janari”. Nëse s’hetohet tani, nuk do të hetohet më kurrë. Zoti Meta nuk kishte nevojë për mua ta kërkonte zoti Meta. Duhet ta thërriste prokurori i çështjes. Sepse zoti Meta si të them është objekti, pjesë e protestës ose motivi pse u thirr ajo protestë. Zoti Meta në atë kohë pra doli dhe një video. E dëgjova zotin Berisha duke folur për Dritan Priftin. Por ka ndërruar jetë Dritani shkret nuk kthen dot përgjigje, por është fakt që zoti Meta mbasi doli video u dorhoq për 700.000€ që ne s’e provuam dot i mori a s’i mori. Por e dëgjuam që po flitej për 700.000€. Ai dha dorëheqjen dhe ndodhi 21 janari”, tha Hoxha .Sipas Hoxhës, Meta ka informacione të rëndësishme, pasi e ka deklaruar publikisht 24 orë para tubimit që u mbyll me katër protestues të vdekur në bulevard, se do të kishte trazira.
    “Tani çfarë di zoti Meta? Zoti Meta dhe eksponentët e partisë së tij kanë dalë një ditë para protestës dhe kanë paralajmëruar që do ketë incidente shumë të rënda, do ketë përplasje frontale midis protestuesve dhe policisë. Dhe tani unë bëj pyetjen, nga e dinte zoti Meta këtë gjë? Nga e mori vesh se Presidenti i Republikës e dinte nga shërbimi informativ apo nga shërbimet e tjera, por zoti Meta ishte i dorëhequr. A e dinte ai nga strukturat e partisë në bazë apo nga burimet, apo nga informatorët që ai kishte brenda radhëve të strukturave të inteligjencës në Shqipëri. Por është fakt që ai e ka paralajmëruar një ditë para dhe këto janë kronikat e kohës. Unë i kam publikuar që në atë kohë dhe ai ka thënë që nesër do të ketë incidente. Incident, vrasjet ndodhën. Atëherë a e di zoti Meta a ka informacionin? Unë besoj që ka. Ai ka edhe për veprimet e qeverisë së asaj kohe, të ministrit të asaj kohe, por edhe për ato të opozitës. Pra ai edhe nëse nuk do të vetëdeklarojë duhet, dhe unë e di që ai është në listën e personave që do të thirren”, deklaroi Hoxha.Më tej gazetari zbuloi se sipas burimeve të tij, SPAK do të thërrasë për të dëshmuar edhe ish-prokuroren e Përgjithshme, Ina Rama.
    “Unë besoj që edhe ish-kryeministri dhe deputetë, pra dhe kryeministri Rama dhe deputetë të Partisë Socialiste që kanë qenë në rolin e organizatorëve në atë kohë dhe ata do të thirren. Pra hetimi duhet të jetë shterues për të shkuar tek e vërteta”, nënvizoi Hoxha

  • “Zelensky nuk mund të mos e dinte”, gazetari ukrainas flet për skandalin: Hetimi do të tregojë nëse Presidenti është bashkëfajtor

    “Zelensky nuk mund të mos e dinte”, gazetari ukrainas flet për skandalin: Hetimi do të tregojë nëse Presidenti është bashkëfajtor

    Skandali më i fundit i korrupsionit në Ukrainë, që ka tronditur kompaninë shtetërore të energjisë bërthamore Energoatom, ka sjellë dorëheqjen e dy ministrave dhe po prek gjithnjë e më shumë rrethin e ngushtë të presidentit Volodymyr Zelensky. Gazetari i njohur investigativ Yuriy Nikolov, themelues i platformës antikorrupsion Nashi Groshi, e cila prej 15 vitesh ndjek aferat e errëta të prokurimeve publike, tregon se korrupsioni në këtë sektor ishte diçka e njohur dhe e denoncuar publikisht prej kohësh.
    “Unë shkruaj për korrupsionin në Energoatom që kur u krijua Nashi Groshi. Tani, më në fund, Byroja Kombëtare Antikorrupsion (NABU) ka nisur të merret me këtë çështje”, thotë Nikolov për “La Repubblica”, përcjell A2 CNN.
    Sipas tij, është e pamundur që presidenti Zelensky të mos ketë qenë në dijeni të skandalit. “Jo, nuk mund të mos e dinte. Të gjithë flisnin për vjedhjet dhe korrupsionin atje, madje publikisht. Pyetja nuk është nëse e dinte, por nëse ishte i përfshirë. Këtë duhet t’ia bëjmë kur të japë dorëheqjen, sepse sa kohë është president, nuk mund të ndiqet penalisht për korrupsion”.
    Nikolov kujton se edhe Timur Mindich, biznesmeni i afërt me presidentin, kishte qenë objekt hetimi shumë kohë përpara pushtimit rus. Ai e përshkruan si “një nga të preferuarit e pushtetit të ri”, që pas rënies së oligarkëve të vjetër, zuri vendin e tyre në sektorë strategjikë si energjia dhe armët.
    Për sanksionet që Zelensky ka vendosur ndaj disa emrave të përfshirë, gazetari është i prerë: “Janë një farsë. Edhe ndaj Andriy Derkach u vendosën sanksione, por kjo nuk e pengoi të bëhej senator në Rusi dhe të vazhdonte aktivitetin e tij atje. Sanksionet nuk kanë kuptim.”
    Sipas tij, nuk bëhet fjalë për ndonjë “luftë” mes institucioneve të drejtësisë, por për një përpjekje reale të disa agjencive për të hetuar korrupsionin në nivelet më të larta të shtetit. “Nuk ka luftë. Thjesht NABU dhe Prokuroria po bëjnë atë për të cilën u krijuan dhjetë vite më parë, të hetojnë korrupsionin në pushtet. Dhe sapo filluan, nisën sulmet ndaj tyre. Prokuroria dhe Shërbimi i Sigurisë së Ukrainës (SBU) po luftojnë kundër NABU-së, jo kundër korrupsionit”.
    I pyetur për të ardhmen politike të Zelenskyt, Nikolov shprehet skeptik. “Edhe nëse nuk ka incizime komprometuese, ai nuk ka asnjë shans të fitojë zgjedhjet e ardhshme. Qoftë 3–0 apo 5–0, humbja është e sigurt”.
    Megjithatë, gazetari nuk pret protesta masive në rrugë. “Jo për momentin. Ai po heq nga detyra të implikuarit, në vend që të shkatërrojë NABU-n. Këta janë hapat e parë të duhur për të treguar para Europës se ne po luftojmë korrupsionin, jo se jemi të sëmurë prej tij”.

  • “Trump dinte për vajzat”/ Email-et e Epstein tronditin Uashingtonin, presidenti ‘në fokus’ të mesazheve

    “Trump dinte për vajzat”/ Email-et e Epstein tronditin Uashingtonin, presidenti ‘në fokus’ të mesazheve

    UASHINGTON– Jeffrey Epstein i shkroi një gazetari në një email të vitit 2019 se Donald Trump “dinte për vajzat”, sipas dokumenteve të bëra publike të mërkurën, por ajo që ai dinte – dhe nëse kjo lidhej me krimet e abuzuesit seksual – është e paqartë. Shtëpia e Bardhë akuzoi shpejt demokratët për rrjedhje selektive të email-eve për të njollosur presidentin.
    Demokratët në Komitetin Mbikëqyrës të Dhomës së Përfaqësuesve publikuan tre email-e që i referoheshin Trump-it, përfshirë një që Epstein e shkroi në vitin 2011, në të cilin i tha shoqes së tij të besuar, Ghislaine Maxwell, se Trump kishte “kaluar orë të tëra” në shtëpinë e Epstein-it me një viktimë të trafikimit seksual.
    Zbulimet dukeshin të hartuara për të ngritur pyetje të reja rreth miqësisë së Trump me Epstein dhe rreth njohurive që ai mund të ketë pasur në lidhje me atë që prokurorët e quajnë një përpjekje shumëvjeçare nga Epstein për të shfrytëzuar vajzat e mitura. Biznesmeni republikan i shndërruar në politikan ka mohuar vazhdimisht çdo njohuri për krimet e Epstein dhe ka thënë se ai i dha fund marrëdhënies së tyre vite më parë.
    Versioni i email-it të vitit 2011 i publikuar nga Demokratët e fshiu emrin e viktimës, por republikanët në komision thanë më vonë se ishte Virginia Giuffre, e cila akuzoi Epstein-in se kishte organizuar që ajo të kishte takime seksuale me një numër miqsh të tij të pasur dhe të fuqishëm. Giuffre, e cila vdiq në fillim të këtij viti , kishte këmbëngulur prej kohësh se Trump nuk ishte midis burrave që e kishin viktimizuar atë. Epstein i mori jetën vetes në një burg të Nju Jorkut në vitin 2019, ndërsa priste gjyqin për akuza federale.
    Emailet e bëra publike të mërkurën janë pjesë e një grupi prej 23,000 dokumentesh të ofruara nga pasuria e Epsteinit për Komitetin Mbikëqyrës. Zëdhënësja e Shtëpisë së Bardhë, Karoline Leavitt, tha se demokratët “kanë publikuar në mënyrë selektive email-e” për të “krijuar një narrativë të rreme për të njollosur Presidentin Trump”.
    Trump, duke shkruar në platformën e tij Truth Social, tha se demokratët “po përpiqen ta ngrenë përsëri në vëmendje mashtrimin e Jeffrey Epstein sepse do të bëjnë gjithçka për të shmangur sa keq kanë vepruar” me mbylljen e qeverisë “dhe shumë tema të tjera”. 
    Në postimin e tij ai shkruante se: “Demokratët po përpiqen të rikthejnë në vëmendje mashtrimin me Jeffrey Epstein, sepse do të bëjnë gjithçka për t’u shpërqendruar nga sa keq u dukën me mbylljen e qeverisë dhe me kaq shumë çështje të tjera. Vetëm një republikan shumë i keq ose idiot do të binte në këtë grackë. Nuk duhet të ketë asnjë shpërqendrim ndaj Epsteinit apo ndonjë gjëje tjetër. Republikanët e përfshirë duhet të përqendrohen vetëm në hapjen e vendit tonë dhe në rikthimin e dëmeve të mëdha që shkaktuan demokratët!”/ZËRI

  • “Ishte akademia politike e PS-së”/ Ylli Dylgjeri kujton punën me Fatos Nanon: Kemi shumë histori, ja çfarë më tha pas zgjedhjeve të 2005

    “Ishte akademia politike e PS-së”/ Ylli Dylgjeri kujton punën me Fatos Nanon: Kemi shumë histori, ja çfarë më tha pas zgjedhjeve të 2005

    Mes shumë figurave të njohura politike, i pranishëm në homazhet për Fatos Nanon ishte dhe ish-drejtori i komunikimit në kryeministri, Ylli Dylgjeri.

    Në një prononcim për gazetarin e Top Channel, Muhamed Veliu, Dylgjeri kujton punën me ish-kryeministrin Nanon dhe fjalët e tij pas zgjedhjeve të vitit 2005.
    “Unë kam kujtime dhjetëra-vjeçare me Fatosin. Njihemi që në kohën kur ai punonte ekonomist në ish-kooperativën e Priskës dhe më pas rrugët tona u bashkuan kur ai ishte në Institutin e Studimeve dhe unë në Komitetin Qendror të Rinisë. Koha e solli që ai të më ftojë të punojë në Partinë Socialiste si drejtor informacioni dhe marrëdhënieve publike dhe më pas në këshillin e ministrave pranë tij dhe njëkohësisht drejtor informacioni. Kujtimet janë të pafundme.
    Fatosi për mua ishte institucion, ishte akademia politike e PS-së. Fatosi dinte të dëgjonte, Fatosi dinte të fliste, Fatosi dinte të të largonte dhe dinte njëkohësisht të të riftonte. Dikur në atë kohë thuheshe një fjalë që Fatosi ishte ai shoferi i autobusit që të zbret, por meqë bën unazën, të merr prapë në kthim.
    Pra nuk kishte mëri. Me Fatosin bashkëpunoje dhe punoje me pasion. Kjo është një humbje e madhe për politikën, sepse i humbi instituti i garës, gjë të cilën sot e ka humbur. Unë jam pjesë e garës, jam pjesë e administratës publike, pjesë e nëpunësit civil kur mund të them që në atë kohë filloi të zbatohej ky ligj, filloi të realizohej dhe më pas çdo ditë u shkarkua e shkarkua me radhë.
    Për ta përmbyllur, për Fatosin mund të flitet me orë e me ditë. Unë kam shumë histori dhe në momentet e fundit kur ai ka dhënë dorëheqje. Ai iku nga Partia Socialiste, duke i riftuar përsëri zëvendësuesit që ai mendoi, megjithëse ata nuk pranuan dhe kujtoj fjalën e fundit që më tha para se të niseshim për Tiranë. Kemi qenë në zgjedhjet e 2005-ës në Sarandë, më tha meqë nuk më duan, unë po i them që do më kërkoni dhe ne sot po e kërkojmë Fatosin”, tha Dylgjeri.

    Top Channel

  • Sulmuesi i Kairat nuk e dinte se do luante në Champions: nuk i njihte rregullat

    Sulmuesi i Kairat nuk e dinte se do luante në Champions: nuk i njihte rregullat

    Nuk është ndeshja e madhe e ditës, por është sigurisht më interesantja, ndeshja klasike Davidit kundër Goliathit që merr përmasa edhe më epike në Champions League.
    Pas një fluturimi prej nëntë orësh, Real Madrid ka mbërritur në Kazakistan, ku do të përballet me Kairat Almaty, ekipin më të vogël dhe më pak të njohur në këtë sezon të Champions-it.
    Ka një ndryshim të madh në çdo aspekt, duke filluar nga ai financiar, por motivimet që i shtyjnë dy klubet janë identike, me ndryshimin e vogël se disa në Almaty nuk e dinin se mund të kualifikoheshin për në Europë përmes pozicionimit në kampionat.
    Është historia e çuditshme e Edmilson, i cili e gjeti veten papritur në Champions League sepse nuk i njihte me rregullat e kampionatit të ri që e mirëpriti në qershor.
    Historia e tij u tregua në një raport të hollësishëm nga The Athletic që nxori në pah figurat kryesore të klubit, duke filluar me vetë sulmuesin, i cili u bë golashënuesi i parë i ekipit në kompeticioninmë të rëndësishëm europian për klube, pikërisht atë në të cilën mendonte se nuk mund të luante.
    Për habinë e tij të madhe, sulmuesi zbuloi se do të luante në Champions, një faktor që nuk e kishte llogaritur kur pranoi të largohej nga Celje në qershor për në Kazakistan.
    Si shumë njerëz, Edmilson nuk e dinte që Kairat mund të luante në Europë pavarësisht se i përkiste një kombi të vendosur fizikisht në Azinë Qendrore: ata kanë qenë anëtarë të UEFA-s që nga viti 2002, dhe me sa duket braziliani nuk i kishte ndjekur arritjet e Astana-s mes viteve 2015 dhe 2016, skuadra e parë kazake që mori pjesë në fazën finale të Champions League.
    Për habinë e tij të madhe, ai e gjeti veten duke qenë dëshmitar i shortit që i dhuruan ndeshje të nivelit të lartë si ato kundër Real Madrid-it dhe Inter-it në San Siro – një arritje e paimagjinueshme vetëm pak muaj më parë.
    Edmilson nuk kishte turp të pranonte se deri në qershorin e kaluar, nuk dinte asgjë për futbollin që do të haste në vendin e ri, por arriti të integrohej sa më mirë që mundi, pavarësisht disa vështirësive fillestare.
    “Trupi im ishte shumë i ndryshëm; ndihesha sikur nuk isha mjaftueshëm i fortë për të garuar në stërvitje”, tha ai, duke shtuar se vuante edhe nga rrjedhja e gjakut nga hunda për rreth një muaj për shkak të ajrit të thatë të qytetit.

  • “Paraqitje individësh sikur shpalleshin çmimet ‘Oscar”, kritika e akademikut Fuga për shpalljen e qeverisë së re: Po kameramani ku e dinte që i fokusonte ministrat?

    “Paraqitje individësh sikur shpalleshin çmimet ‘Oscar”, kritika e akademikut Fuga për shpalljen e qeverisë së re: Po kameramani ku e dinte që i fokusonte ministrat?

    Akademiku Artan Fuga ka kritikuar shpalljen e qeverisë së re ditën e djeshme gjatë Asamblesë së Partisë Socialiste të cilën e quan “shfaqje si mbledhje kooperative bujqësore”.

    “Sa i gjorë është publiku shqiptar! E them se shfaqja e djeshme nga ana e komunikimit masiv ishte si mbledhje kooperative bujqësore!
    Në vend të një programi qeverisës ku emrat e rinj në krye të dikastereve të lidheshin me politikën e ardhshme, patëm paraqitje individësh me emfazë, sikur shpalleshin çmimet OSCAR, si njerëz të jashtzakonshëm, por që nuk dihet se çfarë kanë bërë të veçantë për të mirën publike.
    Si tha shoku Enver në Kongresin e katërt të partisë kur po shpallte antarët e komitetit qendror, për karshillik ndaj tovararish Hrushçev? Ne kemi kuadro për të formuar katër komitete qendrore, jo një!I bëri helaq të propozuarit!
    Kurse dje ishte ndryshe!Të gjithë: Supermen dhe superwoman! Sikur kemi 35 vjet që jemi në BE, jo sikur treni dhe lokomotiva kanë ngec në Maminas a Rroskovec!
    Si shpallen në ring boksierët në një sallë që i brohoret në ndeshjet kiç! Seç kishte aromën e një ndeshje sporti në Pallatin e Sportit PARTIZANI!
    Sec kishte diçka nga aroma e një pazari peshku ku shitësi lavdëron peshkun e vet të freskët, të sapokapur në grep, pa hala, që gatuhet shpejt! Si një shfaqje reklame dhe marketingu !
    Asnjë aromë evropianizimi! Sa gjynah! Diella duhet të ndërhyjë! E gjitha kjo në një hipokrizi të trashë të kamerës, e cila edhe donte të bënte sikur askush nuk dinte asgjë se kush do të bëhej gjë, por edhe në çastin kur dikujt i përmendej emri si ministër, e kishte gjetur dy sekonda më parë fytyrën në sallë dhe ishte fokusuar atje.
    Po ku e dinte kameramani xhanëm! Dhe të nominuarit OSCAR, të gjorët a të gjorat, mbanin një fytyrë të ngrirë, pa asnjë shprehje, të ngurtësuar, të palëvizshme, hermetike, sikur të mos ishin njerëz.Nuk i lejonin vetes asnjë shprehje si të ishin skulptura kokash në një amfiteatër antik.
    Kurse në fytyrat e atyre që prisnin, por s’kapën gjë, në fytyrat e atyre që ishin, por ikën, si edhe te fytyrat e atyre që nuk prisnin gjë, por kishin cmirë për ata që nominoheshin OSCAR, në sy vështrim me cmirë, nofulla të ngrira dhe shtrënguar si darë, qendrim koke me qafë si monument, vështrim, vetëpërmbajtje të papërmbajtur, çfarë nuk lexohej, (Cfarë ka ajo më shumë se unë?), o nëne o nëne, si është njeriu, sidomos njeriu me pushtet, sidomos njeriu me pushtet të pamerituar!”-shkruan Fuga.

    Top Channel

  • “Rama e dinte fatin e tij më parë se të gjithë”/ Vendimi ‘Veliaj’, reagon analisti: Duhet të ishte shkarkuar që në maj

    “Rama e dinte fatin e tij më parë se të gjithë”/ Vendimi ‘Veliaj’, reagon analisti: Duhet të ishte shkarkuar që në maj

    I ftuar në një emision televiziv analisti Artan Hoxha tha se Veliaj duhet të ishte shkarkuar që në muajin maj sepse kushti ligjor është plotësuar që atëherë. Hoxha tha se Rama e dinte fatin e kryebashkiakut të Tiranës para të gjithëve.
    “Rama i referohet gërmës S dhe jo gërmës së Kushtetutës, nismën duhet ta marrë Këshilli Bashkiak. Opozita e ka kërkuar shkarkimin e tij që në 12 maj. Ngjarja e sotme duhet të kishte ndodhur që në maj. Ky kusht ligjor është plotësuar që në 12 maj. Zgjidhja është një akrobaci, ndoshta dhe ai është i ndërgjegjshëm për këtë ndryhsim. Çështja mund të shkojë në Gjykatë.
    Veliaj ka opsionin që mund të japë dorëheqjen që mos të shkarkohet, nëse pranon të shkarkohet dhe të ankohet nuk ka kuptim. Nëse Veliaj nuk jep dorëheqjen do të përgatitet për një ankesë në Gjykatë.
    Rama kujdeset edhe sot që të thotë se është dorëjashtë në çështjen e Veliajt. Dilema e tij që edhe e fsheh edhe jo më konfuzon. Kryeminsitri e ka ditur fatin e Veliajt para të gjithëve ne”, tha Hoxha.