Lajmidites.com

Tag: dinjitet

  • Bruce Willis, një ikonë e kinemasë, përballon me dinjitet sfidat e demencës progresive

    Bruce Willis, një ikonë e kinemasë, përballon me dinjitet sfidat e demencës progresive

    Showbiz E Diel, 31 Gusht 2025 08:00
    Ylli legjendar i Hollivudit, Bruce Willis, është zhvendosur së fundmi në një rezidencë të posaçme, të projektuar për kujdesin afatgjatë dhe nevojat e tij shëndetësore, ku jeton nën mbikëqyrjen e një ekipi të përkushtuar kujdestarësh. Ky hap i ndjeshëm vjen si pasojë e përkeqësimit të gjendjes së tij mendore, të shkaktuar nga një formë progresive e demencës frontotemporale, e cila i është diagnostikuar prej kohësh.
    “Ishte një vendim i vështirë për t’u marrë,” rrëfeu me ndjenjë Emma Heming, bashkëshortja e aktorit, në një intervistë prekëse me Diane Sawyer për ABC News. “Por kjo është ajo që Bruce do të kishte dashur — një ambient ku vajzat tona të rriteshin të qeta, pa pasur nevojë të përshtateshin me kufizimet e tij.”

    Shtëpia e re ndodhet pranë rezidencës familjare, duke mundësuar që Mabel dhe Evelyn, vajzat e çiftit, të moshës 13 dhe 11 vjeç, ta vizitojnë babanë e tyre shpesh dhe të ruajnë lidhjen e ngrohtë familjare. “Ai është fizikisht mirë,” shtoi Heming, “por truri i tij po dështon, bashkë me aftësinë për të komunikuar me botën e jashtme.”
    Ndërkohë, testet laboratorike mbi organoidet e trurit — një fushë premtuese në kërkimin neurologjik — kanë dhënë rezultate pozitive, duke ofruar një rreze shprese për trajtime të mundshme në të ardhmen.
    Përveç dy vajzave të vogla, Willis është edhe baba i tre fëmijëve të rritur nga martesa e mëparshme me aktoren Demi Moore: Rumer (37), Scout (34) dhe Tallulah (31), të cilët vazhdojnë ta mbështesin me dashuri dhe përkushtim.
    Bruce Willis, i njohur për rolet e tij ikonike në filma si Die Hard, The Sixth Sense dhe Pulp Fiction, mbetet një figurë e dashur për publikun dhe një simbol i forcës, edhe në përballjen me sfidat më të mëdha të jetës. Familja e tij po bën gjithçka që ai të jetojë me dinjitet, qetësi dhe dashuri — ashtu siç do të kishte dashur vetë.

  • Verstappen: Nuk jam as optimist e as pesimit, qëllimi është ta mbyllim sezonin me dinjitet

    Verstappen: Nuk jam as optimist e as pesimit, qëllimi është ta mbyllim sezonin me dinjitet

    Rezultatet zhgënjyese të kohëve të fundit, me katër gara radhazi jashtë podiumit, i kanë shkatërruar përfundimisht ambiciet e Max Verstappen për titullin e pestë kampion bote për pilotë në Formula 1. Kampioni i Red Bull, pas muajsh spekulimesh dhe flirtesh me Mercedes, ka vendosur të qëndrojë në Milton Keynes pavarësisht pasigurive.
    Këto nuk lidhen vetëm me situatën aktuale zhgënjyese teknike të makinës (RB21 është e treta ose edhe e katërta më e shpejtë në pistë), por edhe me dyshimet rreth njësisë së fuqisë Red Bull-Ford që do të debutojë sezonin e ardhshëm, e cila sigurisht nuk konsiderohet aktualisht ndër favoritët për epokën e re rregullatore.
    Megjithatë, është ende gjysma e dytë e sezonit për t’u zhvilluar, duhen rezultate për të mbajtur moralin lart dhe shmangur kështu një thatësirë ​​të gjatë podiumesh dhe fitoresh. “Qëllimi është gjithmonë të përfundojmë me dinjitet edhe pse të gjithë janë tashmë të përqendruar te viti 2026“, tha Max Verstappen.
    “Ajo që duam tani është të përpiqemi të arrijmë një makinë të ekuilibruar dhe në fund të fundit, rezultate më të qëndrueshme. Nuk e di nëse do të jetë e mundur të fitojmë përsëri dhe pas një fundjave si ajo në Hungari (ku ai përfundoi i nënti), është shumë e vështirë të thuhet. Por nuk i dihet kurrë, dhe mund të ketë ende surpriza“, shtoi holandezi.
    “Unë thjesht qëndroj neutral për gjithçka dhe kështu nuk bëhem tepër optimist ose pesimist. Para vitit 2025, mendoja, ‘Epo, do ta shohim’. Sigurisht, shpresoj që ende të mund të fitojmë disa gara këtu e atje. Dhe ia dolëm, fituam dy, por është ende e vështirë. Nga ana tjetër, duhet ta pranosh që McLaren bëri një punë të shkëlqyer nga viti i kaluar deri në këtë vit”, tha Verstappen.

  • “Ne jemi një popull që meriton dinjitet”, palestinezët tregojnë vështirësitë për të mbledhur ndihma nga ajri

    “Ne jemi një popull që meriton dinjitet”, palestinezët tregojnë vështirësitë për të mbledhur ndihma nga ajri

    Ndërsa ndihmat e diskutueshme nga ajri rifilluan në disa pjesë të Gazës të dielën, disa palestinezë folën për vështirësitë e tyre për të aksesuar ndihmën humanitare pasi ajo kishte rënë në tokë.
    Massad Ghaban — i cili po kërkonte ndihmë në Beit Lahia, një qytet në Gazën veriore ku u hodhën disa pako ndihme — tha se ndihmat nga ajri janë “fyese”.

    “Nga ora 6 e mëngjesit deri më tani nuk hëngrëm dhe nuk pimë. Nuk morëm ndihmë nga kamionët. Pas kësaj, ata thanë se aeroplanët do të hedhin ndihmë nga ajri, kështu që pritëm edhe për këtë”, tha ai.
    “Aeroplanët janë fyes për ne. Ne jemi një popull që meriton dinjitet.”
    Një tjetër palestinez në të njëjtën zonë të Gazës, Mahmoud Soukar, tha se i ndoqi aeroplanët në kërkim të ndihmës, por u kthye duarbosh, shkruan CNN.
    “Ata hodhën ndihmën rreth 3 kilometra nga vendi ku ishin mbledhur njerëzit, dhe ne nuk morëm asgjë”, tha Soukar.
    “Kjo është një situatë shumë e vështirë.”
    Ndryshe, dërgesat nga ajri të ndihmës janë kritikuar ashpër ditët e fundit nga disa grupe humanitare, të cilat thonë se janë të shtrenjta, joefikase dhe të rrezikshme për ata që janë në terren, me paleta furnizimesh që kanë shtypur palestinezët në të kaluarën.
    Kreu i agjencisë së OKB-së për refugjatët palestinezë i quajti dërgesat një “shpërqendrim” të shtunën, duke thënë se ato do të bëjnë pak për të lehtësuar vuajtjet në enklavë.
    Përkrahësit thonë se metoda mund të veprojë si një mjet shtesë për të shpërndarë ndihmë në zonat e vështira për t’u arritur dhe brenda një periudhe të shkurtër kohore. /Telegrafi/

  • Mori mandatin e vetëm të Nismës Shqipëria Bëhet, reagon Kleana Xhuveli: Do ta përfaqësoj me dinjitet mandatin, Adriatik Lapaj…

    Mori mandatin e vetëm të Nismës Shqipëria Bëhet, reagon Kleana Xhuveli: Do ta përfaqësoj me dinjitet mandatin, Adriatik Lapaj…

    Pas marrjes së mandatit të vetëm në koalicionin Nisma Shqipëria Bëhet Kleana Xhuveli ka dhënë një prononcim për mediat.

    Ajo premtoi se do të përfaqësojë me dinjitet mandatin e shqiptarëve që votuan koalicionin.
    Xhuveli: Duke qenë se lëvizja jonë ka në themel garën me lista të hapura, zotohem se do ta përfaqësoj me dinjitet mandatin. Në ditën që beteja ligjore do ta rikthejë mandatin tek i zoti, tek njeriu më i votuar i lëvizjes tonë, Adriatik Lapaj, unë do të jem aty për të garantuar vijimësinë e këtij procesi.
     

    Top Channel

  • Robert Redford: Sot nuk ka dinjitet. Është e trishtueshme…

    Robert Redford: Sot nuk ka dinjitet. Është e trishtueshme…

    Nga Robert Redford

    “Mësova që në moshë të vogël të jem i fortë përballë çdo vështirësie. Këtë më ngulitën në mendje nga vitet e para të jetës sime. Fjala “dinjitet” ishte tepër e rëndësishme për familjen time.“A e ruajte dinjitetin?” ishte pyetja e vazhdueshme. Kur më rrihte ndonjë mësues në shkollë, prindërit e mi nuk më pyesnin “të dhembi” por “a qëndrove me dinjitet?” Kjo fjalë do të thoshte ruaj gjakftohtësinë kur gjendesh nën presion. Mbi të gjitha, duhej të ruash një lloj vetëpërmbajtjeje kur gjithçka po shkatërrohet rreth teje.Dhe mendoj se më bëri mirë.Dinjiteti. Mbi këtë fjalë u bazua edukimi im dhe sot nuk ekziston në botë. Është e trishtueshme…”

    Në shqip: Shpendi Shakaj

    ObserverKult

    Lexo edhe:

    Dinjiteti? Ah, i shkreti, trajtohet shpesh si pare xhepi!

  • Begaj mesazh shqiptarëve: Vota është zëri juaj, kthejeni 11 majin në ditë feste!

    Begaj mesazh shqiptarëve: Vota është zëri juaj, kthejeni 11 majin në ditë feste!

    Presidenti i Republikës, Bajram Begaj ka pritur ditën e sotme delegacionin e Parlamentit Evropian të kryesuar nga Michael Gahler, që ka ardhur për monitorimin e zgjedhjeve të datës 11 Maj.
    Ky takim përmbylli serinë e takimeve të Presidentit të Republikës me vëzhguesit ndërkombëtarë të zgjedhjeve të 11 Majit, i cili në përfundim i bëri thirrje qytetarëve të votojnë ditën e dielë me qetësi dhe dinjitet.
    “Të dashur qytetarë, Sot, dua t’ju drejtohem me një mesazh të posaçëm:
    11 maji është një ditë e veçantë për secilin prej jush. Në këtë ditë ju keni mundësinë dhe të drejtën për të vendosur mbi të ardhmen tuaj, të familjes dhe të Shqipërisë sonë të përbashkët.
    Unë ju ftoj të ushtroni të drejtën tuaj për të votuar ditën e Dielë me qetësi, përgjegjësi dhe dinjitet! Të gjithë së bashku mund ta kthejmë këtë proces në një shembull të qytetarisë, të transparencës dhe të pjekurisë demokratike, sepse demokracia nuk është thjesht një ditë votimi, është një angazhim i përditshëm që nis me pjesëmarrjen dhe kulmon me përgjegjësinë.
    Institucionet kanë një detyrim të qartë dhe të panegociueshëm: të garantojnë zgjedhje të lira, të ndershme dhe të qeta. Vetëm përmes një procesi zgjedhor të ndershëm dhe të besueshëm ndërtohet besimi i qytetarëve te shteti, tek institucioni i votës dhe te vetë e ardhmja demokratike e vendit tonë.
    Unë besoj thellësisht se populli shqiptar meriton më të mirën. Meritoni një proces zgjedhor që përfaqëson vullnetin tuaj të lirë, që respekton ligjin dhe që i shërben vetëm interesit publik.
    Zgjedhjet e 11 Majit nuk janë vetëm ushtrim demokracie, por janë test i rëndësishëm pjekurie politike për qytetarët dhe faktorin politik.
    Ndaj, si përfaqësuesi juaj, ju kërkoj me zemër që 11 Majin ta ktheni në ditë feste dhe angazhimi qytetar në emër të demokracisë dhe të shpresës për të ardhmen. Vota është zëri juaj. Përdoreni me dinjitet, sepse përmes saj ju merrni në dorë fatin tuaj dhe të brezave që do të vijnë.
    Pavarësisht sfidave që mund të hasim, unë kam besim se ne mund dhe duhet të qëndrojmë të bashkuar, të palëkundur në përkushtimin tonë për një Shqipëri më të drejtë, më të zhvilluar dhe më demokratike”, thotë Begaj

  • ZGJEDHJET/ Presidenti Begaj, mesazh shqiptarëve: Vota është zëri juaj, përdoreni me dinjitet më 11 maj

    ZGJEDHJET/ Presidenti Begaj, mesazh shqiptarëve: Vota është zëri juaj, përdoreni me dinjitet më 11 maj

    Në prag të zgjedhjeve të 11 majit, Presidenti i Republikës, Bajram Begaj, përcolli një mesazh të posaçëm për qytetarët shqiptarë, duke theksuar rëndësinë e pjesëmarrjes dhe të përgjegjësisë qytetare.
    “11 Maji është një ditë e veçantë për secilin prej jush. Në këtë ditë ju keni mundësinë dhe të drejtën për të vendosur mbi të ardhmen tuaj, të familjes dhe të Shqipërisë sonë të përbashkët,” – theksoi Presidenti.
    Ai i ftoi qytetarët të ushtrojnë të drejtën e votës me qetësi, përgjegjësi dhe dinjitet, duke e konsideruar procesin zgjedhor jo thjesht si një ditë votimi, por si një angazhim të përditshëm demokratik. “Vetëm përmes një procesi zgjedhor të ndershëm dhe të besueshëm ndërtohet besimi i qytetarëve tek shteti, tek institucioni i votës dhe tek e ardhmja demokratike e vendit,” – shtoi ai.

    Në mesazhin e tij, Presidenti Begaj theksoi se zgjedhjet e 11 majit janë një test i rëndësishëm pjekurie politike si për qytetarët ashtu edhe për klasën politike.
    “Populli shqiptar meriton më të mirën. Meritoni një proces zgjedhor që përfaqëson vullnetin tuaj të lirë, që respekton ligjin dhe që i shërben vetëm interesit publik,” – deklaroi Kreu i Shtetit.
    Në fund, Presidenti i bëri thirrje qytetarëve që ta kthejnë 11 Majin në një ditë feste dhe angazhimi qytetar në emër të demokracisë dhe të shpresës për të ardhmen. “Vota është zëri juaj. Përdoreni me dinjitet, sepse përmes saj ju merrni në dorë fatin tuaj dhe të brezave që do të vijnë,” – përfundoi Presidenti Begaj.
    Këtë mesazh, Presidenti Begaj e përcolli pas takimit që zhvilloi me delegacionin e Parlamentit Evropian, i cili ndodhet në Shqipëri për të monitoruar zgjedhjet e 11 majit.
    /vizionplus.tv

  • Pak orë para heshtjes zgjedhore, Presidenti Begaj mesazh qytetarëve: Ushtroni të drejtën tuaj për të votuar

    Pak orë para heshtjes zgjedhore, Presidenti Begaj mesazh qytetarëve: Ushtroni të drejtën tuaj për të votuar

    Kur kanë mbetur pak orë nga heshtja zgjedhore, Presidenti i vendit Bajram Begaj iu është drejtuar me një mesazh qytetarëve për të marrë pjesë në votimet e 11 Majit për Kreun e Qeverisë. Presidenti Begaj u bëri thirrje të ushtrojnë të drejtën për të votuar ditën e dielë “me përgjegjësi dhe dinjitet”.
    “Të gjithë së bashku mund ta kthejmë këtë proces në një shembull të qytetarisë, të transparencës dhe të pjekurisë demokratike, sepse demokracia nuk është thjesht një ditë votimi, është një angazhim i përditshëm që nis me pjesëmarrjen dhe kulmon me përgjegjësinë”, shkroi Kreu i Shtetit.
    Ai thekson se zgjedhjet e 11 majit s’janë vetëm ushtrim demokracie, por test i rëndësishëm pjekurie politike për qytetarët dhe faktorin politik.
    “Ndaj, si përfaqësuesi juaj, ju kërkoj me zemër që 11 majin ta ktheni në ditë feste dhe angazhimi qytetar në emër të demokracisë dhe të shpresës për të ardhmen. Vota është zëri juaj. Përdoreni me dinjitet, sepse përmes saj ju merrni në dorë fatin tuaj dhe të brezave që do të vijnë”, deklaroi Kreu i Shtetit.
    Mesazhi i Bajram Begajt:
    Të dashur qytetarë,
    Sot, dua t’ju drejtohem me një mesazh të posaçëm:
    11 maji është një ditë e veçantë për secilin prej jush. Në këtë ditë ju keni mundësinë dhe të drejtën për të vendosur mbi të ardhmen tuaj, të familjes dhe të Shqipërisë sonë të përbashkët.
    Unë ju ftoj të ushtroni të drejtën tuaj për të votuar ditën e diel me qetësi, përgjegjësi dhe dinjitet! Të gjithë së bashku mund ta kthejmë këtë proces në një shembull të qytetarisë, të transparencës dhe të pjekurisë demokratike, sepse demokracia nuk është thjesht një ditë votimi, është një angazhim i përditshëm që nis me pjesëmarrjen dhe kulmon me përgjegjësinë.
    Institucionet kanë një detyrim të qartë dhe të panegociueshëm: të garantojnë zgjedhje të lira, të ndershme dhe të qeta. Vetëm përmes një procesi zgjedhor të ndershëm dhe të besueshëm ndërtohet besimi i qytetarëve te shteti, tek institucioni i votës dhe te vetë e ardhmja demokratike e vendit tonë.
    Unë besoj thellësisht se populli shqiptar meriton më të mirën. Meritoni një proces zgjedhor që përfaqëson vullnetin tuaj të lirë, që respekton ligjin dhe që i shërben vetëm interesit publik.
    Zgjedhjet e 11 majit nuk janë vetëm ushtrim demokracie, por janë test i rëndësishëm pjekurie politike për qytetarët dhe faktorin politik.
    Ndaj, si përfaqësuesi juaj, ju kërkoj me zemër që 11 majin ta ktheni në ditë feste dhe angazhimi qytetar në emër të demokracisë dhe të shpresës për të ardhmen. Vota është zëri juaj. Përdoreni me dinjitet, sepse përmes saj ju merrni në dorë fatin tuaj dhe të brezave që do të vijnë.
    Pavarësisht sfidave që mund të hasim, unë kam besim se ne mund dhe duhet të qëndrojmë të bashkuar, të palëkundur në përkushtimin tonë për një Shqipëri më të drejtë, më të zhvilluar dhe më demokratike.

  • Andi Bello – Zëri i Ndryshimit për Sarandën dhe Delvinën

    Andi Bello – Zëri i Ndryshimit për Sarandën dhe Delvinën

     
    Sot ju drejtohem si djali juaj, vëllai juaj, shoku juaj… por mbi të gjitha si një qytetar i ndershëm që kërkon ndryshim!
    Në një kohë kur politika shqiptare ka humbur lidhjen me qytetarin, kur arroganca e pushtetit ka zëvendësuar dëgjimin, kur vendimmarrjet e fshehta shkaterrojnë çdo shpresë për karrierë dhe dinjitet – Andi Bello ngrihet si një zë i ri, ndryshe, nga rrënjët e komunitetit, për të përfaqësuar me dinjitet dhe ndershmëri Sarandën dhe Delvinën.
     

    Pse Andi Bello dhe Pse PSD?
     
    ❌ Mjaft me deputetët që nuk mbahen mend!
    Sa prej jush mbajnë mend emrat e deputetëve që u zgjodhën për zonën tonë? Sa prej tyre ju hapin telefonin sot? Sa prej tyre japin shpjegime për vendime që prekin jetën tuaj?Asnjë.Ky është puçi i radhës ndaj zonës sonë. Saranda dhe Delvina nuk përfaqësohen më! Votat tona përdoren, por zëri ynë heshtet.
     

    Kush është Andi Bello?
     
    Andi nuk është një emër i sjellë nga “listat e kryetarëve”. Ai është biri i dy prindërve të ndershëm që u kthyen nga emigrimi me përvojë, djersë dhe dinjitet. Ai është një baba që çdo darkë pret me padurim të përqafojë vajzën e tij, një profesionist i njohur, një njeri i zakonshëm që ka qenë mes jush si kamarier, si specialist, si koleg, si mik.
    Andi Bello kandidon për të përfaqësuar realisht qytetarët. Ai nuk kërkon poste për vete, por të rikthejë zërin e zonës në vendimmarrje, të vendosë ndershmërinë mbi lojërat politike dhe të përfaqësojë realisht interesat e Sarandës dhe Delvinës në Kuvend.

    Andi – Një Zë Kundër Arrogancës së Pushtetit
     
    Kur shteti vendos pa të pyetur, kur sistemet e karrierës rrëzohen për interesa personale, kur qytetarët ndihen të braktisur – atëherë është koha për një përgjigje me votë.
    Andi nuk ka frikë të shohë askënd në sy. Ai nuk ikën nga pyetjet. Nuk shmang takimet. Ai është njeriu që jep dorën dhe jep besën – si dikur, kur fjala vlente më shumë se çdo dokument.

    Pse Duhet të Votoni Andi Bellon?
     
    ✅ Sepse ai është një nga ju.
    Ai nuk është në listë për favore apo interesa. Ai është aty sepse ju kërkoni përfaqësim të vërtetë.
    ✅ Sepse ka një parim të qartë:
    Kur jep dorën, jep besën. Dhe politika nuk e ndryshon këtë.
    ✅ Sepse është koha për një mësim të mirëfilltë ndaj arrogancës së pushtetit.
    Një votë për Andi Bellon është një votë kundër talljes me qytetarin, kundër mungesës së transparencës, kundër vendimeve që merren larg jush, për interesa që nuk janë tuajat.

    Si ta Japim këtë Mesazh?
    Fleta e votimit është arma juaj.Në atë moment, ndaloni, mendoni, buzëqeshni, dhe vini kryqin te djali që ju e njihni:– Ju ka shërbyer kafe,– Ju ka ndihmuar si specialist,– Ju ka dëgjuar si koleg,– Ju ka respektuar si mik,– Ju ka përballur edhe kur nuk e donit!
    Votoni PSD. Votoni Andi Bellon. Votoni për ndryshimin që del nga populli dhe kthehet te populli.

    Thyejmë Tabunë së Bashku!
     
    Mos e shihni këtë si një moment për Andin.Ky është momenti për çdo And që guxon të mos ulet kokën.Për çdo qytetar që s’ka “mbështetje nga lart”, por ka forcën e ndershmërisë nga poshtë.
    Saranda dhe Delvina meritojnë më shumë!Zgjidhni ndryshimin që ju njeh, dhe që ju përfaqëson me dinjitet.
     
    🗳️ Më 2025, jepni një mesazh të qartë: Mjaft me të njëjtët! Votoni PSD. Votoni Andi Bello!
     

  • “Ne do të fitojmë me vlera, do të fitojmë me dinjitet”, Luçiano Boçi: Sepse Shkodra nuk meriton ndryshe

    “Ne do të fitojmë me vlera, do të fitojmë me dinjitet”, Luçiano Boçi: Sepse Shkodra nuk meriton ndryshe

    Partia Demokratike e Shkodrës, vijon takimet përmbyllëse të fushatës elektorale. Ka qenë Rajoni nr. 1 i qytetit që ka mbyllur fushatën me një takim të organizuar nën drejtimin e Luçiano Boçit, drejtues politik i PD- së për qarkun Shkodër.
    “Takimi përmbyllës me rajonin 1. Jo vetëm demokratët, por edhe socialistët e ndershëm, ndihen të nëpërkëmbur dhe të papërfaqësuar nga anonimët përballë nesh. Lajmi i mirë është se kushdo e ka kuptuar se kupa është mbushur. Ndryshe nga ata, ne do të fitojmë me vlera, do të fitojmë me dinjitet, sepse Shkodra nuk meriton ndryshe.”, shkruan nënkryetari i PDSH- së Luçiano Boçi.
    Ndërkohë, të enjten, 8 maj 2025, ora 18.00, në sheshin “Nënë Tereza”, PD -ASHM do të mbyllë zyrtarisht fushatën elektorale për qarkun e Shkodrës. I pranishëm do të jetë edhe kryetari i PDSH- së, Sali Berisha.

    Mund të udhëtosh me qerre, Fiat ose Ferrari. Zgjedhja është në dorën tuaj! Lidhu me SHKODRAWEB, mjafton të klikoni Kontaktoni për të mësuar më shumë.
    Ju mirëpresim!