Lajmidites.com

Tag: diellit

  • Kremrat kundër diellit: Mineralë apo kimikë? Ja çfarë duhet të dini për efektet në shëndet

    Kremrat kundër diellit: Mineralë apo kimikë? Ja çfarë duhet të dini për efektet në shëndet

    Kremrat kundër diellit, qoftë mineralë apo kimikë, konsiderohen të sigurt për përdorim kur aplikohen siç duhet, edhe pse funksionojnë ndryshe në mbrojtjen nga rrezet UV.

    Kremrat mineralë, që përmbajnë oksid zinku ose dioksid titani, krijojnë një barrierë që reflekton rrezet diellore, ndërsa ata kimikë i thithin rrezet dhe i kthejnë në nxehtësi. Vitet e fundit, formulat minerale kanë fituar popullaritet për shkak të pretendimeve se janë më të buta për lëkurën, por kjo nuk do të thotë se janë gjithmonë më të sigurta apo më efektive.

    Ekspertët paralajmërojnë se etiketimi “mineral” apo “kimik” mund të jetë mashtrues, pasi të gjithë kremrat përmbajnë substanca kimike dhe shpesh përfshijnë përbërës të kombinuar. Në vitin 2021, Komisioni Evropian shqyrtoi sigurinë e tre filtrave kimikë – oksibenzon, homosalat dhe oktokrilen – duke vendosur kufizime për përqendrimin e tyre, pasi u ngritën shqetësime për ndikimin në sistemin endokrin. Që nga ajo kohë, shumë prodhues i kanë hequr këta përbërës nga produktet që tregtojnë në Europë.

    Megjithatë, jo çdo krem mineral garanton mbrojtje të lartë. Testet e kryera nga organizatat për mbrojtjen e konsumatorit në Europë treguan se disa formula vetëm me filtra mineralë ofronin mbrojtje më të ulët se ajo e deklaruar në etiketë. Për më tepër, aplikimi i papërshtatshëm dhe shtresa e bardhë që lënë këto kremra shpesh bëjnë që përdoruesit të mos i riaplikojnë mjaftueshëm.

    Sipas ekspertëve, më e rëndësishmja është përdorimi i rregullt dhe i saktë i çdo lloj kremi kundër diellit. “Kremi më i mirë është ai që do ta përdorni vazhdimisht,” theksojnë dermatologët. Në fund, të dy llojet ofrojnë mbrojtje efektive, për sa kohë zgjidhen dhe përdoren me kujdes.

  • Ata që mbajnë gjithmonë syze dielli e bëjnë atë për këto 3 arsye

    Ata që mbajnë gjithmonë syze dielli e bëjnë atë për këto 3 arsye

    Syzet e diellit nuk janë thjeshtë një aksesor mode apo një mjet për të mbrojtur sytë tuaj nga rrezet UV. Ato për disa njerëz kanë edhe një vlerë të fortë psikologjike dhe simbolike.

    Ata që i përdorin ato edhe kur kushtet e motit nuk do ta bënin të nevojshme shpesh i mbajnë syzet për një nga këto arsye.

    Janë mburojë për të turpshmit

    Mbajtja e syzeve të diellit krijon një barrierë midis nesh dhe botës së jashtme, duke e bërë shikimin dhe mendimet tona më pak të lexueshëm. Ky është një veprim i rëndësishëm që bëjnë njerëzit e turpshëm dhe introvertë, pasi syzet mund të reduktojnë kontaktin me sy.

    Syzet e diellit rrisin vetëbesimin

    Shumë i përdorin ato për t’u ndierë më të sigurt. Syzet e errëta i pengojnë të tjerët të shikojnë sytë tanë, gjë që redukton ndjenjën e ekspozimit. Kjo është e njëjtë me ndjesinë që kemi kur veshim një “kostum pushteti”.

    Japin kontroll mbi komunikimin jo verbal

    Duke ditur se të tjerët nuk mund t’i shohin sytë tanë, na jep një ndjenjë kontrolli mbi komunikimin jo verbal.

    Kjo është e dobishme, për shembull, në situata kur duam të mbajmë një pozicion të favorshëm, në negociata ose në diskutime delikate sociale.

  • Dielli, vitamina D dhe sekreti i balancës së shëndetshme

    Dielli, vitamina D dhe sekreti i balancës së shëndetshme

    Rrezet e diellit janë burimi më natyral dhe efektiv i vitaminës D, një aleat i fuqishëm për kockat, sistemin imunitar dhe mirëqenien emocionale. Por, si çdo gjë tjetër në jetë, edhe këtu ka një “por”.

    Qëndrimi i gjatë nën diell pa mbrojtje mund të shkaktojë plakje të parakohshme të lëkurës dhe rrit rrezikun për kancer. Ekspertët këshillojnë që 10-20 minuta ekspozim në mëngjes herët ose pasdite vonë janë të mjaftueshme për të përfituar vitaminën D pa e rrezikuar lëkurën.

    Krahët, këmbët dhe fytyra janë zonat më të mira për përthithjen e diellit, por nëse ke lëkurë të ndjeshme, mos e anashkalo kremin mbrojtës, zgjidh një me faktor të ulët që nuk e bllokon prodhimin e vitaminës.

    Dhe për ata ditë pa diell? Fokusohu te ushqimet e pasura me vitaminë D si peshku, vezët apo produktet e qumështit ose konsultohu me mjekun për ndonjë suplement.

    Në fund të ditës, dielli është mik i shëndetit… nëse dimë si ta mbajmë afër pa u djegur.

  • Si të përfitoni vitaminën D nga dielli pa rrezikuar shëndetin e lëkurës?

    Si të përfitoni vitaminën D nga dielli pa rrezikuar shëndetin e lëkurës?

    Rrezet e diellit janë burimi natyral më i mirë i vitaminës D, një lëndë ushqyese thelbësore për kockat, sistemin imunitar dhe humorin.

    Megjithatë, ekspozimi i tepruar ndaj diellit mund të dëmtojë lëkurën, duke shkaktuar plakje të parakohshme dhe rritur rrezikun për kancer lëkure.
    Prandaj, është e rëndësishme të gjendet një ekuilibër i shëndetshëm.
    Ekspertët rekomandojnë që të ekspozoheni në diell për rreth 10 deri në 20 minuta çdo ditë, në orët e hershme të mëngjesit ose pasdite vonë, kur rrezet janë më të buta. Kjo kohë është e mjaftueshme që trupi të prodhojë sasinë e nevojshme të vitaminës D pa dëmtuar lëkurën.
    Zonat më efikase për përthithjen e diellit janë krahët, këmbët dhe fytyra. Megjithatë, për ata që kanë lëkurë shumë të ndjeshme, përdorimi i një kremi mbrojtës me faktor të ulët mund të ndihmojë për të parandaluar djegiet pa penguar prodhimin e vitaminës D.
    Për ditët kur ekspozimi në diell nuk është i mundur, si gjatë dimrit apo në zona me mot të mbuluar, mjekët këshillojnë marrjen e vitaminës D nëpërmjet ushqimeve të pasura si peshku i yndyrshëm, vezët dhe produktet e qumështit, ose përmes suplementëve të përshkruar nga mjeku.
    Dielli është aleat i rëndësishëm për shëndetin, por duhet të shfrytëzohet me kujdes dhe ndërgjegjësim. Një rutinë e balancuar ekspozimi mund të sjellë përfitime të mëdha pa dëmtuar lëkurën./ TAR

  • A i mbroni sytë nga dielli? Ja rreziku që shumica e njerëzve i injorojnë

    A i mbroni sytë nga dielli? Ja rreziku që shumica e njerëzve i injorojnë

    Kur dëgjojmë për rrezet e diellit, menjëherë na vjen ndër mend mbrojtja e lëkurës. Kremrat me faktor mbrojtës janë bërë pjesë e domosdoshme e përditshmërisë verore, por një pjesë shumë e rëndësishme e trupit shpesh harrohet: sytë.

    Dielli mund t’i dëmtojë seriozisht sytë
    Ashtu si lëkura, edhe sytë mund të pësojnë dëmtime nga rrezet UV të diellit. Me kalimin e kohës, ekspozimi i vazhdueshëm ndaj diellit mund të çojë në probleme serioze, si:

    Katarakti, një errësim i thjerrëzës së syrit që ndikon në shikim dhe mund të kërkojë ndërhyrje kirurgjikale;Degjenerimi makular, një sëmundje që prek retinën dhe çon në humbje graduale të shikimit;Fotokeratiti, një lloj djegie në sipërfaqen e syrit që mund të shkaktojë dhimbje, skuqje dhe ndjeshmëri ndaj dritës.
    Syzet e diellit nuk janë thjesht modë
    Shumë njerëz i shohin syzet e diellit si një aksesor stili, por në fakt ato janë një mbrojtje shumë e rëndësishme për shëndetin e syve. Për të qenë të sigurta, syzet duhet të kenë mbrojtje ndaj rrezeve UV, jo vetëm të jenë të errëta. Nuk është errësira e xhamit ajo që mbron syrin, por filtri i posaçëm UV që ndodhet në to.
    Fëmijët kanë nevojë edhe më shumë për mbrojtje
    Sytë e fëmijëve janë shumë më të ndjeshëm ndaj dritës dhe rrezatimit UV. Prindërit shpesh kujdesen të lyejnë fëmijët me krem dielli, por harrojnë t’u vendosin kapelë ose syze mbrojtëse. Në fakt, kujdesi për sytë që në fëmijëri ul rrezikun për probleme në të ardhmen.
    Edhe në hije ka rreze UV
    Mos mendoni se jeni të sigurt vetëm sepse po qëndroni nën çadër. Rrezet UV përthithen dhe reflektohen edhe nga rëra, uji apo sipërfaqe të tjera të ndritshme. Prandaj, syzet duhen përdorur në çdo rast, qoftë në qytet, në det apo në mal.

  • EMRAT/ Ndërtim pa leje në Kodrën e Diellit, arrestohen inxhinieri dhe një punëtor, pronari në arrati

    EMRAT/ Ndërtim pa leje në Kodrën e Diellit, arrestohen inxhinieri dhe një punëtor, pronari në arrati

    Dy persona janë arrestuar në flagrancë nga Policia e Tiranës pasi u kapën duke kryer punime ndërtimi pa leje në zonën e “Kodrës së Diellit”, në kryeqytet. Bëhet fjalë për një inxhinier ndërtimi dhe një punonjës, përkatësisht Noel Vata, 37 vjeç dhe Arion Dyli 28 vjeç, të cilët po punonin për ndërtimin e një objekti të ri pas një banese ekzistuese, pa dokumentacionin përkatës ligjor.

    Policia bën me dije se është shpallur në kërkim edhe pronari i objektit, shtetasi Suad Idrizi, 37 vjeç, në emër të të cilit po kryheshin punimet. Ndërkohë, ndaj babait të tij, B. I., ka nisur procedimi penal në gjendje të lirë, pasi po mbikëqyrte punimet e paligjshme në terren.

    Të arrestuarit janë identifikuar si:

    Noel Vata, 37 vjeç, inxhinieri që drejtonte punimet;

    Arion Dyli, 28 vjeç, një nga punonjësit që ndodhej në vendin e ndërtimit.

    Materialet procedurale janë referuar në Prokurorinë e Tiranës për veprime të mëtejshme.

    Njoftimi i Policisë:

    Tiranë

    U kapën në flagrancë, duke kryer punime ndërtimi, pa leje, arrestohen 2 shtetas.

    Shpallet në kërkim 37-vjeçari, për llogari të të cilit po ndërtohej objekti, pa leje.
    Procedohet penalisht babai i tij, i cili ndiqte punimet.

    Në vijim të kontrolleve dhe verifikimeve që po kryhen me qëllim evidentimin dhe ndëshkimin e rasteve të ndërtimeve të paligjshme, shërbimet e Komisariatit të Policisë Nr. 1 konstatuan se pas një banese ekzistuese në zonën e quajtur “Kodra e Diellit”, po kryheshin punime pa leje, për ndërtimin e një objekti të ri.

    Për këtë rast:
    -u arrestuan në flagrancë shtetasit N. V., 37 vjeç dhe A. D., 28 vjeç, përkatësisht inxhinieri që drejtonte punimet dhe 1 punonjës;
    -u shpall në kërkim pronari i banesës, shtetasi S. I., 37 vjeç;
    -u referuan materialet në Prokurori, ku nisi procedimi në gjendje të lirë për babanë e 37-vjeçarit, shtetasin B. I., i cili ndiqte punimet. 

    Vijon puna për kapjen e shtetasit S. I..
    Gjithashtu, vijojnë kontrollet për konstatimin e rasteve të ndërtimeve dhe zënies së hapësirave publike, pa leje.

    Materialet procedurale iu referuan Prokurorisë së Tiranës, për veprime të mëtejshme.

  • Tiranë/ Po kryenin ndërtime pa leje te ‘Kodra e Diellit’, policia arreston 2 persona

    Tiranë/ Po kryenin ndërtime pa leje te ‘Kodra e Diellit’, policia arreston 2 persona

    Dy persona kanë rënë në prangat e policisë së kryeqytetit pasi u kapën në flagrancë duke punime ndërtimi, pas një banese ekzistuese në zonën e quajtur “Kodra e Diellit”.
    Njoftimi i policisë:
    Në vijim të kontrolleve dhe verifikimeve që po kryhen me qëllim evidentimin dhe ndëshkimin e rasteve të ndërtimeve të paligjshme, shërbimet e Komisariatit të Policisë Nr. 1 konstatuan se pas një banese ekzistuese në zonën e quajtur “Kodra e Diellit”, po kryheshin punime pa leje, për ndërtimin e një objekti të ri.
    Për këtë rast:
    -u arrestuan në flagrancë shtetasit N. V., 37 vjeç dhe A. D., 28 vjeç, përkatësisht inxhinieri që drejtonte punimet dhe 1 punonjës;
    -u shpall në kërkim pronari i banesës, shtetasi S. I., 37 vjeç;
    -u referuan materialet në Prokurori, ku nisi procedimi në gjendje të lirë për babanë e 37-vjeçarit, shtetasin B. I., i cili ndiqte punimet.
    Vijon puna për kapjen e shtetasit S. I..
    Gjithashtu, vijojnë kontrollet për konstatimin e rasteve të ndërtimeve dhe zënies së hapësirave publike, pa leje.
    Materialet procedurale iu referuan Prokurorisë së Tiranës, për veprime të mëtejshme.

  • Njollat e diellit dhe tumoret e lëkurës: si t’i dallojmë dhe si bëhet diagnoza

    Njollat e diellit dhe tumoret e lëkurës: si t’i dallojmë dhe si bëhet diagnoza

    Ekspozimi i tepërt ndaj rrezeve të diellit mund të shkaktojë njolla në lëkurë, të cilat mund të ngatërrohen edhe me dëmtime më serioze, përfshirë tumoret e lëkurës.

    Njollat e diellit dhe tumoret e lëkurës: si t’i dallojmë?

    Sidomos gjatë verës, nuk është gjithmonë e lehtë të kuptojmë shkaqet e njollave që shfaqen në lëkurë. Ekspozimi i tepërt ndaj rrezeve ultravjollcë (UV) shkakton formimin e njollave të diellit, të cilat zakonisht nuk janë të rrezikshme dhe nuk kërkojnë trajtime të veçanta. Megjithatë, ato mund të ngatërrohen, ose madje të fshehin, me njolla shumë më shqetësuese, që mund të jenë dëmtime kancerogjene dhe të tregojnë për një tumor të lëkurës.

    Për këtë arsye, është shumë e rëndësishme të dallohen menjëherë, sepse njollat e diellit dhe tumoret mund të shfaqen edhe në të njëjtën zonë. Kjo ndodh sepse, sipas studimeve, njollat e diellit janë shenjë e dëmtimit të lëkurës nga dielli, dhe dëmtimi i qelizave rrit rrezikun për zhvillimin e tumorit. Për më tepër, njollat e diellit mund të fshehin dëmtime më të rënda dhe duhet të monitorohen me kujdes.

     

    Si duken njollat e diellit dhe ato të tumoreve?

    Njollat e diellit zakonisht kanë formë të rrumbullakët ose ovale, janë më të errëta se ngjyra natyrale e lëkurës dhe mund të jenë nga kafe e hapur deri në të zezë. Ndërsa njollat e tumoreve kanë formë jo simetrike dhe shfaqin një gamë më të gjerë ngjyrash: rozë, të kuqe, të verdha, kafe, blu ose të zeza.

    Njollat e diellit shfaqen kryesisht në pjesët e trupit të ekspozuara ndaj diellit, fytyrë, kokë, shpatulla, duar, ndërsa dëmtimet kancerogjene mund të shfaqen kudo. Ndryshe nga njollat e diellit, që janë pa dhimbje, tumoret mund të shkaktojnë kruarje, dhimbje dhe gjakderdhje përmes krijimit të skorjeve. Njollat e tumoreve mund të ndryshojnë shpejt në formë, madhësi, ngjyrë dhe trashësi, ndërsa njollat e diellit zakonisht mbeten të qëndrueshme me kalimin e kohës.

    Karakteristikat e ndryshme të tumoreve të lëkurës

    Karcinoma bazocelulare: Karakterizohet nga nyjet e vogla të kuqe ose rozë, zona blu, të zeza ose kafe, dhe njolla me skaje të ngritura që kruhen dhe mund të formojnë plagë gjakderdhëse.

    Karcinoma skuamoze: Shfaq njolla të kuqe ose më të errëta, me shkëlqim të ashpër, që rriten si një gërvishtje. Kjo plagë zakonisht nuk shërohet dhe mund të gjakoset. Nyjet janë gjithashtu të ngritura në skaje.

    Melanoma: Më e rrallë por më agresive. Për të njohur melanomën përdoret rregulla ABCDE:

    A (Asimetri): Njolla ka formë të parregullt, gjysma nuk i përngjan tjetrës
    B (Bordi): Skajet janë të çrregullta dhe të ndara
    C (Ngjyra): Njolla ka ngjyra të ndryshme
    D (Diametri): Njolla është mjaft e madhe
    E (Evolucioni): Forma e njollës ndryshon me kalimin e kohës

     

    Si bëhet diagnoza?

    Së pari, mjeku specialist do të ekzaminojë gjendjen e lëkurës dhe të njollës, duke bërë pyetje për simptomat për të krijuar një panoramë të plotë klinike. Nëse dyshohet për tumor të lëkurës, bëhet biopsia, marrja e një mostre të lëkurës nga zona e prekur për analizë laboratorike. Mjeku mund të përdorë edhe dermatoskopin, një aparat që lejon vëzhgimin e strukturave të brendshme të lëkurës, që nuk duken me sy të lirë.

    Në rast se biopsia tregon praninë e kancerit, mund të kërkohen edhe ekzaminime të tjera për të përcaktuar gjendjen e tumorit, si: ultratinguj, tomografi kompjuterike (TC), rezonancë magnetike apo PET, për të kontrolluar nëse ka metastaza.

    Në përfundim, është thelbësore të mbani nën vëzhgim çdo njollë në lëkurë dhe të kërkoni këshillën e mjekut për çdo ndryshim të dyshimtë. Parandalimi dhe diagnostikimi i hershëm mund të bëjnë ndryshimin jetik në trajtimin e tumoreve të lëkurës.

  • Si ta mbani nxirjen verore sa më gjatë? Zbuloni disa sekrete që funksionojnë

    Si ta mbani nxirjen verore sa më gjatë? Zbuloni disa sekrete që funksionojnë

    Shumë njerëz e konsiderojnë nxirjen si “suvenirin” më të bukur të pushimeve verore, por sapo kthehemi në jetën e përditshme, ajo fillon të zbehet.

    Lajmi i mirë? Me pak përkujdesje, ndjekje të rutinave të duhura dhe disa truke të zgjuara, mund të zgjasni shkëlqimin e arit në lëkurë për javë të tëra!

    Filloni me përgatitjen para diellit

    Një piling i lehtë 1-2 ditë para plazhit ndihmon të hiqen qelizat e vdekura dhe krijon një sipërfaqe uniforme për nxirje. Fokusohuni te zonat si gjunjët, bërrylat dhe thembrat. Më pas, mos harroni hidratimin me produkte që përmbajnë acid hialuronik, glicerinë apo skualan.

    Mos lini pas dore mbrojtjen SPF

    Edhe nëse tashmë jeni nxirë, vazhdoni të përdorni kremin kundër diellit me faktor mbrojtës 30-50. Vendoseni 15 minuta para ekspozimit dhe rinovojeni çdo dy orë. Kjo ndihmon lëkurën të mos digjet dhe nxirja të mos shkërmoqet me shtresa.

    Hidratoni lëkurën nga jashtë dhe nga brenda

    Losionet pas diellit rikthejnë lagështinë dhe qetësojnë lëkurën pas dushit. Në të njëjtën kohë, pini të paktën 2 litra ujë në ditë dhe konsumoni fruta me përmbajtje të lartë uji si shalqini dhe kastraveci, si dhe antioksidantë për të luftuar plakjen nga rrezet UV.

    Bëni dushe të freskëta dhe të buta

    Uji i nxehtë dëmton barrierën natyrale të lëkurës dhe shpejton humbjen e ngjyrës. Zgjidhni ujë të vakët ose të ftohtë dhe përdorni produkte larëse me pH neutral. Pas dushit, thajeni lëkurën me peshqir lehtë, jo duke fërkuar.

    Piling pas pushimeve? Po, me kujdes

    Një eksfolim i lehtë një herë në javë ndihmon të hiqni qelizat e vdekura pa prekur pigmentin. Provo një skrab shtëpie me sheqer të kaftë dhe vaj ulliri, ose një maskë enzimatike për fytyrën me papaja.

    Ushqimet që e zgjatin nxirjen

    Konsumoni beta-karoten nga karotat, kungulli dhe patatja e ëmbël; yndyrna të shëndetshme nga avokado dhe vaji i ullirit; si dhe likopen nga domatet – të gjitha këto përforcojnë pigmentin natyral dhe ruajnë elasticitetin e lëkurës.

    Depilim pa “zhveshje” të nxirjes

    Shmangni dyllin dhe shiritat, pasi ato heqin shtresën sipërfaqësore të lëkurës. Preferoni briskun, epilatorin ose kremrat depilues që janë më të butë.

    Truket për “rikthim të shpejtë” të nxirjes

    Vetënxirësit në formë shkumë apo pika japin efekt të menjëhershëm kur nxirja fillon të zbehet. Bronzuesit me SPF nënvizojnë ngjyrën ekzistuese dhe krijojnë një shkëlqim natyral. Ndërkohë, veshjet e bardha dhe pastel e theksojnë më shumë kontrastin e lëkurës tuaj të nxirë.

    Pra, mos e lini të zbehet ndjesia e verës! Me pak kujdes, mund ta mbani nxirjen tuaj edhe pasi të keni veshur kostumin e zyrës – dhe ndoshta edhe deri në pushimin e radhës./TAR

  • Fshati ku askush nuk guxon të hyjë pas perëndimit të diellit: Paralajmërimi që frikëson edhe taksistët

    Fshati ku askush nuk guxon të hyjë pas perëndimit të diellit: Paralajmërimi që frikëson edhe taksistët

    Një paralajmërim i frikshëm qëndron në hyrje të këtij fshati, për të cilin ka dëgjuar i gjithë bota. Megjithatë, ata që e kanë vizituar thonë se të jep një ndjesi të çuditshme

    India është vend i tregimeve. Në të jetojnë miliona legjenda popullore dhe mite, në të cilat një pjesë e mirë e njerëzve ende besojnë. Një nga vendet më misterioze në vend është fortesa Bhangarh, për të cilën thuhet se është e banuar nga fantazmat. Ajo është monument i mbrojtur nën kujdesin e Institutit Arkeologjik të Indisë (ASI), gjë që është njëkohësisht arsyeja pse qëndrimi aty natën është i ndaluar.

    Fantazma, të paktën sipas rojeve nuk ka. Megjithatë, pas perëndimit të diellit në fortesë ndonjëherë hyjnë ata që duan të binden vetë si duket ai vend, pavarësisht se hyrja është e paligjshme. Përjetimet e tyre shpesh i ndajnë në forume dhe blogje, duke pohuar se rojat i kanë lënë të kalojnë kundrejt ryshfetit. Për hyrjen natën nevojitet leje e veçantë nga autoritetet indiane.

    Nëse rruga ju çon në këtë pjesë të Indisë, Bhangarh ndodhet 78 km nga Jaipur. Mund të merrni një taksi, më së miri atë që ka një gomë rezervë, pasi rrugët nuk janë fort të mira. Fortesa ndodhet mes Jaipurit dhe Alwarit, në shtetin federal Rajasthan. Edhe pse në rrënoja, ajo vazhdon të jetë magjepsëse për shkak të ambientit të qetë e të gjelbër, mbetjet e braktisura dëshmojnë për një mbretëri dikur madhështore, të cilën e ndërtoi Madho Singh, vëllai më i vogël i gjeneralit të famshëm Man Singh.

    Kujtime nga e kaluara

    Njohësit pohojnë se peizazhi që të çon deri te fortesa është i shkretë dhe ngulfatës, dhe të jep një ndjesi të çuditshme, por jo edhe takim me fantazma. Megjithatë, tregimet lokale flasin për njerëz të zhdukur dhe zëra të çuditshëm që dëgjohen nga rrënojat. Në vetë hyrjen vizitorët i pret një paralajmërim nga Instituti Arkeologjik i Indisë:

    “Hyrja në Bhangarh para agimit dhe pas perëndimit të diellit është rreptësishtë e ndaluar.”

    Hyrja kryesore të çon përmes mbetjeve të qytetit të vjetër, dhe brenda mureve ndodhen mbetje pallatesh, tempujsh dhe tregjesh të braktisura.

    Banorët vendas besojnë se ata që kanë hyrë në fortesë natën nuk janë gjetur kurrë më. Një nga legjendat flet për një magjistar të fuqishëm që ndaloi që ndonjë shtëpi në Bhangarh të ishte më e lartë se e tija. Nëse hija e saj do të binte mbi shtëpinë e tij, qyteti do të zhdukej. Nipit të Madho Singut, Ajab Singh, nuk i interesoi ky paralajmërim dhe ndërtoi një ndërtesë të lartë. Hija ra mbi shtëpinë e magjistarit dhe qyteti u zhduk.

    Një version tjetër i legjendës thotë se ai magjistar ishte i dashuruar me princeshën Ratnavati. Një ditë, ai zëvendësoi parfumin e saj me një eliksir që do ta detyronte ta dashuronte. Ratnavati zbuloi mashtrimin dhe hodhi enën me eliksirin mbi një gur, i cili u rrokullis dhe e vrau magjistarin. Para se të vdiste, ai mallkoi tërë qytetin, duke thënë se Bhangarh do të shkatërrohej dhe askush nuk do të mund të jetonte më aty.