Lajmidites.com

Tag: diasporë

  • Hapen aplikimet për mësuesit e gjuhës shqipe e të kulturës shqiptare në diasporë

    Hapen aplikimet për mësuesit e gjuhës shqipe e të kulturës shqiptare në diasporë

    Ministria për Evropën dhe Punët e Jashtme njoftoi sot mësuesit shqiptarë në diasporë se janë hapur aplikimet në regjistrin shtetëror të mësuesve të gjuhës shqipe e të kulturës shqiptare në diasporë për vitin 2025.
    MEPJ i drejtohet me një mesazh mësuesve që duan të japin kontributin e tyre.

    “A e ndien se gjuha jonë është më shumë se fjalë? Ajo është rrënjë, kujtim, identitet! Nëse dëshiron të japësh kontributin tënd, atje ku gjuha shqipe dëgjohet më rrallë, por ndihet më fort, është koha të bëhesh pjesë e Regjistrit Shtetëror të Mësuesve të Diasporës”, theksoi MEPJ në një postim në rrjetet sociale.
    MEPJ thekson se afati i aplikimit është deri më 30 shtator 2025 dhe dokumentet do të dorëzohen me postë ose elektronikisht.

  • ‘Rama bëri regjistrime masive në diasporë’/ Haçkaj: Ne i kemi denoncuar të gjitha në SPAK

    ‘Rama bëri regjistrime masive në diasporë’/ Haçkaj: Ne i kemi denoncuar të gjitha në SPAK

    Përfaqësuesi i Diaspora për Shqipërinë e Lirë, Florian Hackaj, i ftuar në emisionin A SHOW me moderator Adi Krastan, theksoi se Ed Rama bëri regjistrime masive në diasporë për zgjedhjet e 11 majit. 

    Haçkaj tha se të gjitha këto regjistrime të Ramës në diasporë që janë kapur nga Diaspora e Lirë janë denoncuar në SPAK.

    “Duke parë se na janë sulur shumë njerëz dhe duke luftuar votën e diasporës,  Është shumë e rëndësishme të flasim. Unë si përpara betejës, jam shumë krenar që Diaspora për Shqipërinë e lirë bëri dhe ja doli. Është historike që shqiptarët votuan në të gjithë historinë e Shtetit Shqiptar. Aktet nënligjore të cilat duhet të jenë sa më shpjet të bëshme, që  në Diasporë të flitet me kohë, mos të flitet si në kjo fushatë e fundit, si kryeministri i vendit që e dimë shumë mirë se çfarë bëri. Ne e dimë që ka të gjithë mekanizmin e shtetit, ka gjithë paratë e krimit, ka bërë regjistrimi masive gjëra që ne i kemi denoncuar dhe para ligjit dhe në SPAK me emër mbiemër.”  tha Haçkaj.

  • “Procesi në diasporë nuk ishte transparent”/ Lubonja: Zgjedhjet nuk ishin të ndershme

    “Procesi në diasporë nuk ishte transparent”/ Lubonja: Zgjedhjet nuk ishin të ndershme

    Analisti Fatos Lubonja foli mbrëmjen e sotme në  një studio televizive për përfundimin e procesit të numërimit të votave preferenciale të diasporës.
    Lubonja theksoi se procesi me diasporën nuk është transparent.

    “Kam bërë një parantezë nuk besoj në këtë sistem zgjedhor. Nuk besoj se Shqipëria bën zgjedhje të ndershme me këtë regjim. Ku diskutoj për këtë më duket sikur i bëj fasadën regjimit. Do marr pjesë, se kjo është jo vetëm puna, por fjala na ka mbetur. Kam thënë se diaspora për një arsye të thjeshtë është tregues i asaj që është zhvilluar në Shqipëri.
    Forca, shteti që kontrollon procesin që ka në kontroll administratën, ekonominë, nuk është treg i lirë. Që ka në kontroll drejtësinë, krimin e organizuar, që nuk ka nevojë për opozitën, policinë. Të gjitha këto bëjnë që zgjedhjet të mos jenë të ndershme. I tha dhe OSBE ODIHR. Në këtë, kur kontrollohet ky proces, edhe mbledhja e votës së diasporës, ishte e qartë, kam thënë do ketë kolpo në diasporë. Me një kontroll merren votat.”
    Lubonja shtoi më tej, se edhe procesi i votimeve në diasporë mund të jetë manipuluar, pasi administratës i është kërkuar të japin emra të të afërmve të tyre që jetojnë jashtë vendit përpara fushatës elektorale.
    “Kemi të dhëna, njerëz që na flasin. Një nga format, njerëzit që punojnë në administratë u është thënë na sjell emrat e atyre që ke jashtë. Na sill 5 apo 10. Mundësitë ekonomike që ka pushteti për të shkuar atje. Vetë procesi i seleksionimit të votuesit të diasporës. Dikujt i ka shkuar zarfi, dikujt jo. Këta kanë njerëzit e tyre gjithandej. I ka regjimi. Do bëjmë këtë analizë.”

  • PS mbyll fushatën, Balla thirrje Diasporës: 200 mijë vota e kanë shtuar fitoren, nisini dhe ato pak vota që kanë mbetur

    PS mbyll fushatën, Balla thirrje Diasporës: 200 mijë vota e kanë shtuar fitoren, nisini dhe ato pak vota që kanë mbetur

    Në takimin përmbyllës të Partisë Socialiste në Tiranë në Parkun Olimpik, ministri dhe drejtuesi politik i PS- për Diasporën, Taulant Balla përshëndeti dhe falenderoi votuesit në diasporë për pjesëmarrjen e tyre të kënaqshme në zgjedhjet e 11 majit.
    “Plot 200 mijë vota e vulosën në Diasporë e kanë shtruar fitoren e PS dhe është një fitore si askund tjetër më e fortë se të tre mandatet që kemi pasur deri tani.

    Kemi edhe pak orë në dispozicion nesër në mëngjes, nisni ato pak vota që kanë mbetur për ta shtuar fitoren si askund tjetër, sepse Rama dhe PS i kanë ngritur dinjitetin Shqipërisë dhe flamurit tonë kombëtar.
    Tani kemi mundësinë që flamurin tonë ta ngremë në nderin e BE”,-tha Balla.

  • PD: Probleme me zarfet në diasporë! Opozita kërkon ndërhyrjen e KQZ për zgjidhjen e ngatërresave

    PD: Probleme me zarfet në diasporë! Opozita kërkon ndërhyrjen e KQZ për zgjidhjen e ngatërresave

    Partia Demokratike ka denoncuar parregullsi në procesin e shpërndarjes së fletëve të votimit në Diasporë.
    Në një komunikim me gazetarët, drejtuesja politike për diasporën Jozefina Topalli dhe juristi Franc Nuri listuan problemet që kanë shoqëruar shpërndarjen e zarfeve me fletën e votimit duke nisur nga fakti që postieri i kanë lënë këto zarfe tek dera, tek fqinjët, në oborr edhe pse kontrata parashikon dorëzimin individualisht në dorë çdo qytetari.
    PD ka denoncuar raste ku zarfi që kanë marrë emigrantet nuk e ka pasur fletën e votimit si dhe ndërhyrjen sipas opozitës të Partisë Socialiste tek qytetarët në procesin e votimit.

    “I bëj thirrje KQZ që të kërkojë DHL të përmbushin ligjoret logjistike. Thyerja e afateve dhe standardeve të vendosura në ligj është cenim i votës së shqiptarëve dhe do cenonte integritetin e zgjedhjeve”, tha Jozefina Topalli, drejtuese politike për diasporen, PD.
    Por pavarësisht shqetësimit për procesin e shpërndarjes së fletëve të votimit, opozita ka inkurajuar të gjithë shqiptarët që jetojnë jashtë vendit të shprehin vullnetin e tyre me votë.
    “Me votën e tyre, me zarfin që e dërgojnë në Shqipëri, ata duket se do të përmbysin regjimin që i përjashtoi, që i dëboi nga vendi i tyre. Ndoshta janë pikërisht këto dy momente kyçe që do të sjellin ndryshimin e madh: diaspora nga njëra anë, dhe nga ana tjetër, ato familje të thjeshta shqiptare që nuk pranojnë kurrë t’u thonë baballarëve të tyre, apo vetes së tyre, se ishin “të tepërt”, se ishin “të padëshiruar”, tha më tej.
    Nga ana tjetër Topalli shmangu komentet për kontratën e lobimit me kompaninë amerikane “Continental Strategy” me vlerë 6 milionë dollarë
    “Partia e ka sqaruar këtë çështje”, u përgjigj ajo.
    /vizionplus.tv

  • PS-PD të shqetësuar për votimin në diasporë

    PS-PD të shqetësuar për votimin në diasporë

    Si një proces që ndodh për herë të parë, votimi i emigrantëve, përveçse nga KQZ, monitorohet intensivisht edhe nga partitë politike.
    Partia Socialiste ka evidentuar disa problematika që kryesisht lidhen me dërgimin e zarfeve pa fletë votimi, për të cilat ka vendosur në dijeni dhe Komisionin Qendror të Zgjedhjeve.
    Ndërkohë, Partia Demokratike pretendon se numri i problematikave është më i lartë nga sa raportohet zyrtarisht.
    Nga përfaqësuesit ligjorë, kërkohet një vëmendje më e shtuar ndaj procesit të mbërritjes së votave. Deri më tani, kanë mbërritur mbi 22 mijë zarfe me votat e diasporës.
    Klan News

  • Ankesat për shpërndarjen e fletëve të votimit në diasporë, AKEP kërkesë KQZ-së:Publikoni kontratën me kompaninë postare

    Ankesat për shpërndarjen e fletëve të votimit në diasporë, AKEP kërkesë KQZ-së:Publikoni kontratën me kompaninë postare

    AKEP kërkon transparencë nga KQZ për kontratën me DHL mbi shpërndarjen e fletëve të votimit në diasporë
    Agjencia e Komunikimeve Elektronike dhe Postare (AKEP) i ka kërkuar zyrtarisht Komisionit Qendror të Zgjedhjeve (KQZ) një kopje të kontratës me operatorin postar DHL, i cili ka marrë përsipër shpërndarjen e fletëve të votimit për qytetarët shqiptarë jashtë vendit.
    Kjo lëvizje vjen në mes të ankesave në rritje nga partitë politike dhe votuesit jashtë vendit, të cilët pretendojnë se kompania nuk po respekton rregullat për dorëzimin personal të zarfeve zgjedhore.
    Në shkresën drejtuar KQZ-së, AKEP thekson se është autoriteti ligjor që mbikëqyr shërbimet postare në vend dhe mbron interesat e konsumatorëve, duke përfshirë dhe rastet e ankesave për dërgesat ndërkombëtare zgjedhore.
    AKEP kërkon konkretisht një kopje të plotë të kontratës së lidhur ndërmjet KQZ-së dhe DHL-së, si dhe një pasqyrë të problematikave të konstatuara gjatë zbatimit të kësaj kontrate.
    Në kërkesë thuhet se, nisur nga interesi i lartë publik për procesin dhe funksioni mbikëqyrës i agjencisë, është e nevojshme që AKEP të ketë akses të plotë në dokumentacionin përkatës, me qëllim vlerësimin e përputhshmërisë me ligjin dhe garantimin e të drejtave të votuesve në diasporë.
    Kontrata me DHL nuk është bërë publike nga KQZ-ja, duke shtuar dyshimet dhe pakënaqësitë e disa forcave politike, të cilat pretendojnë se procesi i shpërndarjes po bëhet me shkelje dhe pa transparencë. Ata thonë se zarfi zgjedhor nuk po u dorëzohet drejtpërdrejt në dorë votuesve, ashtu siç kërkojnë rregullat zgjedhore.
    AKEP në përfundim thekson se kërkesa ka për qëllim sigurimin e ligjshmërisë dhe mbrojtjen e interesave të qytetarëve, ndërsa pritet reagimi i KQZ-së për të zbardhur detajet e kontratës dhe problematikave që mund të kenë lindur në zbatim.

  • Probleme me shpërndarjen e votave në diasporë, AKEP i kërkon KQZ kontratën me kompaninë postare (Dokument)

    Probleme me shpërndarjen e votave në diasporë, AKEP i kërkon KQZ kontratën me kompaninë postare (Dokument)

    Agjencia e Komunikimeve Elektronike dhe Postare (AKEP) ka ndërhyrë në procesin e zgjedhjeve në diasporë, duke i kërkuar Komisionit Qendror të Zgjedhjeve, një kopje të kontratës me operatorin postar DHL.
    Kontrata nuk është bërë publike nga KQZ, dhe PS e PD, të dyja u ankuan për shkeljen e rregullave nga ana e kompanisë, e cila nuk po e dorëzon në çdo rast zarfin zgjedhor, në përputhje me rregullat dhe personalisht në dorën e votuesit.
    AKEP thotë se ka marrë ankesa, dhe siç thuhet në dokumentin e siguruar nga Report TV, “është autoritet që mbron interesat e konsumatorëve”, ndaj i kërkon KQZ-së:
    -Kontratën me DHL
    -Problematikat e hasura deri më tani në zbatim të kontratës
    Kjo shkresë mban firmën dhe vulën e kreut të AKEP, Gentian Sala.
    Dhjetëra qytetarë janë ankuar në rrjetet sociale se zarfet zgjedhore ju janë lënë në kutinë postare, poshtë derës, tek të afërmit e komshinjtë, ose pa ju kërkuar ndonjë mjet identifikimi.
    Kërkesa e plotë e AKEP:
    “Autoriteti i Komunikimeve Elektronike dhe Postare (AKEP), bazuar në përcaktimet e ligjit nr. 46/2015 “Për shërbimet postare në Republikën e Shqipërisë”, është organi mbikëqyrës i sektorit të shërbimeve postare në RSH dhe ndjek zbatimin e detyrimeve ligjore dhe nënligjore nga çdo subjekt që ofron shërbime postare, përfshirë trajtimin e ankesave të përdoruesve të këtyre shërbimeve në rolin e palës dërguese dhe/ose palë marrëse të objekteve postare.
    Nisur nga ankesat e përcjella në AKEP si dhe për shkak të interesit të lartë në lidhje me procesin e shpërndarjes së objekteve postare ndërkombëtare për zgjedhjet parlamentare 2025, që përfshin jo vetëm KQZ por edhe qytetarët shqiptarë në rolin e palës marrëse dhe njëkohësisht të palës dërguese të këtyre objekteve postare ndërkombëtare, në mënyrë që AKEP së ushtrojë kompetencat në mbrojtje të interesave të përdoruesve, kërkojmë nga ana juaj:
    Depozitimin e një kopje të kontratës së lidhur ndërmjet KQZ dhe DHL, si dhe
    Të na vini në dijeni në lidhje me çdo problematikë të hasor gjatë zbatimit të kontratës për këto objekte postare
    Duke ju falënderuar për bashkëpunimin”.

  • Problematikat me shpërndarjen e fletëve të votimit në diasporë, flet kreu i KQZ: Jemi në kontakt me DHL, por kemi dhe një rast që një qytetar ka…

    Problematikat me shpërndarjen e fletëve të votimit në diasporë, flet kreu i KQZ: Jemi në kontakt me DHL, por kemi dhe një rast që një qytetar ka…

    Kryetari i KQZ Ilirian Celibashi ka mbajtur sot një konferencë me gazetarët, në lidhje me votimin e diasporës.

    Në lidhje me problematikat që janë raportuar për dorëzimin e fletëve në banesat e shqiptarëve në diasporë, ai tha se janë raportuar disa problematika, dhe se janë në komunikim me DHL.
    “Jemi në dijeni, kemi komunikuar me DHL dhe  kemi kërkuar që t’ia bëjnë me dije degëve që ka problematika, që kanë detyrim të shkojnë të tërheqin te banesa e votuesit, në shumicën dërrmuese e kanë bërë, por kas dhe raste kur nuk e kanë bërë.
    Qoftë dhe për arsye procesi i dorëzimit është bërë në bazë protokollit. Ne dimë që është një numër i limituar, por nuk mund të themi që është një numër i lartë, nuk shkon më shumë se 100 numri i rasteve të problematikave, të të gjitha llojeve.
    Në një rast një votues e ka bërë që të duket sikur nuk e ka fletën e votimit brenda zarfit, na është bërë e ditur kështu… ne nuk shohim një zgjidhje për momentin për këtë, është pak e vështirë për të dhënë një zgjidhje, normalisht dikush mund të mendonte që të çojmë një fletë tjetër votimi, por sa të sigurt jemi që ishte gabim i postierit?!”- tha Celibashi.

    Top Channel

  • Çfarë po ndodh me votimin në diasporë? Emigrantja merr zarfin nga KQZ-ja pa fletën e votimit brenda (Video)

    Çfarë po ndodh me votimin në diasporë? Emigrantja merr zarfin nga KQZ-ja pa fletën e votimit brenda (Video)

    Një shqiptare e diasporës që jeton në Itali ka ndarë një problem lidhur me procesin e votimit për emigrantët jashtë vendit. Ajo ka treguar se ka marrë zarfin e KQZ të dërguar në diasporë, por bën me dije se brenda nuk kishte fletën e votimit.
    Ajo thotë, se ka ndjekur të gjitha procedurat e kërkuara për të marrë pjesë në votime dhe se zarfi përmbante vetëm dokumentet shoqëruese, por jo fletën që i mundëson votimin real. Dy ditë më parë u raportua se kompania DHL Express ka pezulluar dërgesat në SHBA me vlerë më shumë se 800 dollarë për shkak regjimit të ri tarifor të Donald Trump. Gjigandi i dërgesave tha se do të ndalojë përkohësisht dërgesat nga kompanitë në të gjitha vendet për konsumatorët amerikanë të hënën deri në një njoftimin të dytë.
    DHL siç shihet dhe në videon e mësipërme është kompania që dërgon dhe zarfet e diasporës, ndërkohë lidhur me këtë ka reaguar dhe Komisioni Qëndror i Zgjedhjeve, ku sqaron se vendimi i kësaj kompanie, nuk ka ndikim te zarfet me fletet e votimit, për shkak se këto nuk kanë vlerë doganore.