Shtetet e Bashkuara të Amerikës duket se i ka dhënë një tjetër goditje të rëndë politike dhe diplomatike kryeministrit Edi Rama, duke e lënë sërish jashtë dyerve të një eventi të nivelit të lartë dhe duke ngrirë edhe më tej raportet mes tyre. Në një mbrëmje që u shndërrua në skenë të tensioneve të heshtura diplomatike, Dhoma Amerikane e Tregtisë (AmCham) i hapi dyert Presidentit Bajram Begaj, ndërsa kryeministrit Rama dhe qeverisë së tij jo. Në fotot zyrtare të shpërndara në rrjetet sociale nga ambasada e SHBA në Tiranë, mungesa totale e përfaqësuesve të qeverisë ra në sy si një “shuplakë” e ftohtë politike. Ceremonia e 25-vjetorit të AmCham u kthye në arenën, ku SHBA dërgoi një mesazh që nuk kishte nevojë për përkthyes: korrupsioni po dëmton seriozisht marrëdhëniet dhe klimën e biznesit. E Ngarkuara me Punë e ambasadës së Shteteve të Bashkuara në Tiranë, Nancy VanHorn, foli me tone të drejtpërdrejta, duke theksuar se Shqipëria vijon të ngecë në transparencë, konkurrencë të ndershme dhe luftë ndaj abuzimit me pushtetin. Në sallë, fjala “korrupsion” kumbonte më fort se muzika e ceremonisë, ndërsa të pranishmit lexonin mes rreshtave një paralajmërim të qartë ndaj qeverisë shqiptare. Sipas saj, tregu shqiptar rrezikon të mbetet terren i mbyllur për investitorët seriozë amerikanë, nëse rregullat nuk bëhen të barabarta për të gjithë, dhe jo vetëm për oligarkët e privilegjuar.
Prapaskenat
Por kjo nuk ishte thjesht një deklaratë, ishte kapitulli i radhës i ftohjes së ndjeshme në marrëdhëniet Rama-SHBA. Që nga zgjedhjet parlamentare të 11 majit, sinjalet nga Uashingtoni kanë qenë të zymta për kryeministrin: urimet e Departamenti Amerikan të Shtetit (DASH) iu drejtuan vetëm popullit, jo qeverisë. 4 Korriku (Festa e Pavarësisë së SHBA në Tiranë në vitin 2025) kaloi pa ftesë për Ramën, ndërsa vizita e anijes së ushtrisë amerikane në bregdetin e Shqipëri u zhvillua pa praninë e tij. Edhe urimet festive (festat e 28-29 nëntorit) nga ambasada, Departamenti i Shtetit, Presidenti Donald Trump kanë shkuar drejt presidentit Begaj dhe qytetarëve, duke konsoliduar idenë e një distance të theksuar diplomatike. E gjithë panorama e këtij viti politik krijon ndjesinë e një “akulli diplomatik” që po zgjerohet mes SHBA dhe Kryeministrit Rama. Ndërkohë, në eventin e AmCham, Presidenti Begaj u shfaq si i vetmi përfaqësues i lartë i shtetit, duke marrë vëmendjen dhe nderimet që dikur ndaheshin mes institucioneve. Mes dritave të festës dhe buzëqeshjeve diplomatike, u lexua qartë një nëntekst i fortë se, partneriteti strategjik SHBA-Shqipëri qëndron, por jo domosdoshmërisht me të njëjtët aktorë në qendër të skenës. Pra me këto sinjale të njëpasnjëshme, raportet mes SHBA dhe kryeministrit Rama duket se janë ftohur edhe më tej, duke krijuar një distancë që tashmë është e pamundur të maskohet. Më poshtë po pasqyrojmë fjalën e plotë të të Ngarkuarës me Punë të SHBA në Tiranë, Nancy VanHorn në 25-vjetorin e themelimit të Dhomës Amerikane të Tregtisë.
Ja fjala e plotë e diplomates amerikane, Nancy VanHorn
“Zoti President, Grant, Neritan, anëtarë të Dhomës Amerikane, të ftuar të nderuar, pjesëtarë të trupit diplomatik dhe miq – mirëmbrëma. Është nder të jem me ju sonte për të festuar 25-vjetorin e themelimit të Dhomës Amerikane të Tregtisë në Shqipëri. Dhe ndërsa festojmë këtu sonte, më kujtohet diçka që ka thënë Presidenti Trump: “Më pëlqen të mendoj gjerë. Nëse doni të mendoni, është më mirë të mendoni ide të mëdha.” Dhe mendoj se kjo ndjenjë përmbledh në mënyrë të përsosur frymën e ambicies dhe të inovacionit që nxit bizneset amerikane dhe partneritetet e tyre në të gjithë botën. Duke folur për idetë e mëdha, 25 vjet më parë AmCham u themelua me një vizion të guximshëm – siç e përmendi Grant – për të shërbyer si një urë lidhëse mes komuniteteve të biznesit amerikan dhe atij shqiptar, dhe për të nxitur një mjedis që u mundëson kompanive të konkurrojnë ndershëm dhe të lulëzojnë. Sot, Dhoma Amerikane përfaqëson më shumë se 250 kompani – mendoj se dëgjova 276, e jashtëzakonshme – dhe është bërë një nga zërat më të respektuar në peizazhin e biznesit në Shqipëri, duke mbështetur transparencë, përgjegjshmërinë dhe praktikat e ndershme të biznesit. Sepse kjo është edhe diçka tjetër për të cilën Presidenti Trump ka qenë shumë i qartë: Atij i pëlqejnë marrëveshjet e ndershme. Shqipëria vazhdon të punojë drejt një mjedisi më të përmirësuar biznesi, por ende mbeten disa sfida të rëndësishme. Garantimi i konkurrencës së ndershme, duke përfshirë luftën kundër korrupsionit, dhe rritja e transparencës rregullatore janë thelbësore për të çliruar potencialin e plotë ekonomik të Shqipërisë. Krijimi i një “fushë loje të barabartë” mund të sigurojë që bizneset amerikane të veprojnë dhe të kenë sukses këtu, si dhe të tërheqë më shumë investime amerikane. Udhëheqja e Dhomës Amerikane mbetet tepër e rëndësishme për çuarjen përpara të këtyre reformave dhe forcimin e zërit të komunitetit të biznesit. Gjatë vitit të kaluar, siç dëgjuam në video mesazh, kemi parë disa arritje të vërteta që dëshmojnë ndikimin e mbështetjes së Dhomës Amerikane. Për shembull, sistemi tatimor është bërë më i drejtë dhe më i balancuar falë ndryshimeve të rregulloreve të TVSH-së për shërbimet. Ndërsa rregullimi i Vendimit të Këshillit të Ministrave për tarifat e projekteve të energjisë është një hap tjetër i madh përpara, duke hapur rrugën për më shumë investime dhe më shumë inovacion në sektorin e energjisë në Shqipëri. Këto janë vetëm disa shembuj të progresit domethënës që Dhoma Amerikane nxit çdo ditë. Ambasada e Shteteve të Bashkuara është krenare që është partnere me ju në këto përpjekje. Faleminderit për përkushtimin tuaj ndaj mirëqenies sonë të përbashkët dhe gëzuar për 25 vitet e ardhshme dhe më tej”, deklaroi këtë të mërkurë (dy ditë më parë) e Ngarkuara me Punë e HBA në Tiranë, Nancy VanHorn në 25-vjetorin e themelimit të Dhomës Amerikane të Tregtisë.
Tag: dhomës
-
SHBA i mbyll derën Edi Ramës dhe ministrave të tij, Dhoma Amerikane thërret presidentin Begaj në festën e tyre…
-
25-vjetori i Dhomës Amerikane të Tregtisë në Shqipëri, Begaj: Marrëdhënie strategjike me SHBA!
Presidenti Bajram Begaj mori pjesë në ceremoninë e 25-vjetorit të Dhomës Amerikane të Tregtisë në Shqipëri.
Në fjalën e mbajtur në këtë ceremoni, Kreu i Shtetit theksoi rëndësinë e forcimit të partneritetit strategjik midis Shqipërisë dhe Shteteve të Bashkuara.
Presidenti Begaj u shpreh: “Kjo marrëdhënie strategjike është shprehur qartë edhe në mbështetjen e vazhdueshme që Shtetet e Bashkuara i kanë dhënë forcimit të shtetit të së drejtës, sundimit të ligjit, luftës kundër krimit të organizuar dhe korrupsionit. Kjo është një mbështetje vendimtare për përparimin tonë demokratik dhe konsolidimin e institucioneve”.Ndërsa vlerësoi misionin dhe veprimtarinë e Dhomës Amerikane të Tregtisë në Shqipëri për zhvillimin e vendit në fusha, si: arsimi, kultura dhe turizmi, Presidenti Begaj theksoi dhe kontributin e saj në forcimin e bashkëpunimit ekonomik Shqipëri – SHBA.
Presidenti i Republikës nënvizoi, gjithashtu, rritjen e ndjeshme të shkëmbimeve ekonomike gjatë viteve të fundit mes Shqipërisë dhe Shteteve të Bashkuara dhe rritjen e investimeve të drejtpërdrejta amerikane në Shqipëri. Në këtë kontekst, Presidenti i Republikës u shpreh se arritjet e deritanishme dëshmojnë se potenciali i bashkëpunimit ekonomik është akoma më i madh dhe duhet parë si pjesë e një partneriteti afatgjatë dhe strategjik, ashtu siç konsiderojmë edhe partneritetin tonë politik, atë të sigurisë dhe të mbrojtjes.
Presidenti Begaj vlerësoi dhe rëndësinë e bashkëpunimit në fusha si teknologjitë e reja, inovacion dhe Inteligjencë Artificiale, pasi këto do të sjellin transferim dijesh, shkëmbime ekspertizash, rritje të produktivitetit të bizneseve dhe mundësi të reja investimi. -
Trump nënshkruan paketën e financimit, i jep fund mbylljes rekord 43-ditore të qeverisë federale
Presidenti Donald Trump nënshkroi të mërkurën vonë një paketë financimi për të rihapur qeverinë federale , duke i dhënë fund zyrtarisht mbylljes më të gjatë në histori.
Miratimi përfundimtar erdhi disa orë pasi Dhoma e Përfaqësuesve votoi 222 pro dhe 209 kundër për të miratuar një marrëveshje të arritur midis republikanëve dhe demokratëve të qendrës në Senat, e cila e mban qeverinë në funksion deri në janar dhe siguron që disa agjenci kyçe do të financohen për pjesën e mbetur të vitit fiskal 2026.
Marrëveshja, e cila i dha fund një ngërçi rekord 43-ditor në Kongres, do të përmbysë gjithashtu shkurtimet masive të vendeve të punës në nivel federal të kryera nga Trump gjatë mbylljes së qeverisë. Ajo hap rrugën që pagat të rrjedhin tek punonjësit e qeverisë, si dhe rifillimin e shërbimeve kritike të ushqimit dhe të ushqyerjes në të cilat mbështeten dhjetëra miliona amerikanë.
Trump të mërkurën në mbrëmje e cilësoi legjislacionin si një fitore ndaj demokratëve, duke e quajtur atë “një mesazh të qartë se ne kurrë nuk do t’i nënshtrohemi zhvatjes, sepse kjo është ajo që ishte, ata u përpoqën të zhvatnin”.
«Ata nuk donin ta bënin në mënyrën e lehtë», tha ai nga Zyra Ovale, duke sulmuar ata që i quajti «ekstremistë» në Partinë Demokratike. «Ata u detyruan ta bënin në mënyrën e vështirë dhe duken shumë keq».
Në ceremoninë e nënshkrimit në Shtëpinë e Bardhë morën pjesë një sërë ligjvënësish republikanë dhe shënoi kulmin e një afati katër-ditor për të miratuar projektligjin e financimit, pasi tetë demokratë të Senatit dolën nga radhët për të bërë kompromis me republikanët mes shqetësimeve për pasojat në zgjerim të ekonomisë së mbylljes së qeverisë.
Marrëveshja garanton një votim në Senat në fillim të dhjetorit mbi subvencionet e Obamacare që skadonin, të cilat demokratët i bënë në qendër të kërkesave të tyre gjatë luftës kundër mbylljes së qeverisë. Por një votim për zgjatjen e subvencioneve nuk ka gjasa të ketë sukses, një mundësi që ka shkaktuar reagime të forta në të gjithë Partinë Demokratike.
Shumica e demokratëve të Kongresit protestuan me zë të lartë kundër projektligjit në prag të votimit të së mërkurës, për shkak të shqetësimeve se primet e kujdesit shëndetësor të amerikanëve do të rriten ndjeshëm pa subvencionet, me vetëm gjashtë demokratë të Dhomës së Përfaqësuesve që votuan në favor të paketës.
“Kjo betejë nuk ka mbaruar. Ne sapo kemi filluar”, tha demokrati kryesor i Dhomës së Përfaqësuesve, Hakeem Jeffries, përpara votimit. “Dhjetëra milionë amerikanë janë në rrezik të mos jenë në gjendje të përballojnë vizitën te mjeku kur kanë nevojë.”
I kthyer në Uashington për herë të parë që nga mesi i shtatorit, Kryetari i Dhomës së Përfaqësuesve Mike Johnson mblodhi pothuajse të gjithë republikanët që mbështesin projektligjin, pavarësisht ankesave të ashpra nga disa prej anëtarëve të tij për një dispozitë të diskutueshme të shtuar nga republikanët e Senatit që u lejonte senatorëve të padisin në mënyrë retroaktive Departamentin e Drejtësisë për marrjen e të dhënave telefonike gjatë një hetimi të epokës së Bidenit – gjë që potencialisht përbën një fitim të madh financiar për ata ligjvënës.
Vetë Johnson tha se mbeti i habitur nga gjuha e përdorur dhe tha se nuk e dinte derisa Senati e kishte miratuar paketën.
“Isha i shokuar nga kjo, isha i zemëruar për këtë”, tha kryetari i parlamentit, megjithëse shtoi se nuk besonte që udhëheqësi i shumicës në Senat, John Thune, e kishte shtuar në një mënyrë të ligë. “Mendoj se ishte një pamje vërtet e keqe dhe ne do ta rregullojmë në Dhomën e Përfaqësuesve.”
Për të fituar mbështetjen e konservatorëve që kundërshtonin, Johnson u zotua se Dhoma e Përfaqësuesve do të votonte në të ardhmen për ta hequr atë gjuhë – megjithëse është e paqartë nëse Senati do ta shqyrtonte. Republikanët si përfaqësuesi Chip Roy i Teksasit në fund ranë dakord të mos e ndryshonin gjuhën në projektligjin aktual të përkohshëm, pasi kjo do të kërkonte që Senati të kthehej në Uashington për të votuar përsëri dhe për të vonuar përfundimin e mbylljes së qeverisë.
Konservatorët si Roy e kishin kritikuar atë dispozitë si “vetë-agresive”, pasi do t’u jepte senatorëve 500,000 dollarë ose më shumë dëmshpërblim për çdo shkelje nga qeveria nëse padia e tyre do të ishte e suksesshme. Amendamenti dukej se u sillte dobi në veçanti tetë senatorëve të cilëve administrata e mëparshme u kishte kërkuar të dilnin në gjyq për hetime mbi mandatin e parë të Trump.
Përfaqësuesja Rosa DeLauro, demokratja kryesore në panelin e buxhetit të Dhomës së Përfaqësuesve, i akuzoi ata tetë senatorë se votuan “për të futur paratë e taksapaguesve në xhepat e tyre – 500,000 dollarë për çdo herë që inspektoheshin të dhënat e tyre”.
Demokratët e Dhomës së Përfaqësuesve që votuan në favor të projektligjit të kompromisit për rihapjen e qeverisë ishin: përfaqësuesit Jared Golden, Adam Gray, Marie Gluesenkamp Perez, Henry Cuellar, Tom Suozzi dhe Don Davis. Përfaqësuesit republikanë Thomas Massie votuan kundër projektligjit dhe Greg Steube votuan kundër.
Fundi i mbylljes së qeverisë do të shënojë disa javë të ngarkuara pune për Dhomën e Përfaqësuesve, e cila është mbyllur kryesisht që nga fundi i shtatorit. Si pjesë e fushatës së presionit të Partisë Republikane ndaj Demokratëve, Johnson kishte vendosur t’i mbante të gjithë anëtarët jashtë Uashingtonit derisa Demokratët e Senatit të bien dakord të mbështesin planin ekzistues të financimit të Partisë Republikane.
Tani, republikanët dhe demokratët kanë vetëm katër javë në seancë para fundit të vitit – kur skadojnë ato kredi tatimore të Obamacare. Trump ka bërë thirrje për rishikimin e ligjit në vend të zgjatjes së subvencioneve ekzistuese, duke krijuar një përballje me rreziqe të larta mbi kujdesin shëndetësor që mund të ketë pasoja politike për zgjedhjet e mesit të mandatit të vitit të ardhshëm.
“Obamacare ishte një katastrofë”, tha Trump të mërkurën në mbrëmje. “Ne do të punojmë për diçka që ka të bëjë me kujdesin shëndetësor. Mund të bëjmë shumë më mirë.”
Por ka shumë afate të tjera, duke përfshirë projektligjin e Kongresit për bujqësinë dhe një mori kredish energjetike që skadojnë.
Republikanët e Dhomës së Përfaqësuesve janë gjithashtu të etur të miratojnë sa më shumë projektligje shpenzimesh për të përmirësuar qëndrimin e tyre negociues me Senatin përpara afatit të ardhshëm më 30 janar.
Johnson përballet gjithashtu me një çështje tjetër të nxehtë, se si Kongresi duhet t’i trajtojë dosjet e Jeffrey Epstein.
Jo shumë kohë para se të fillonin votimet për rihapjen e qeverisë, një demokrate e sapozgjedhur – përfaqësuesja Adelita Grijalva – u bë firma e 218-të kritike për të detyruar një votim për ta detyruar Departamentin e Drejtësisë të publikonte të gjitha dosjet e çështjeve që lidhen me Epsteinin.
Johnson u njoftoi gazetarëve menjëherë pasi Grijalva nënshkroi peticionin se do të paraqesë në Dhomën e Përfaqësuesve një projektligj që do ta detyrojë Departamentin e Drejtësisë të publikojë të gjitha dosjet e çështjes Epstein javën e ardhshme – më herët se sa pritej, dhe pas një fushate të jashtëzakonshme presioni nga Shtëpia e Bardhë të mërkurën që nuk arriti të bindte asnjë republikan që të hiqte emrin e tij nga peticioni.
Përpjekja përkoi me intensifikimin e shqyrtimit mbi dosjet Epstein në Dhomën e Përfaqësuesve. Më herët të mërkurën, Demokratët e Dhomës së Përfaqësuesve në panelin Mbikëqyrës publikuan email-e të reja që tregonin se Epstein e kishte përmendur vazhdimisht Trumpin me emër në korrespondencën private, dhe më pas komiteti i udhëhequr nga Partia Republikane publikoi 200,000 faqe dokumente që paneli mori nga pasuria e Epsteinit.Top Channel
-
Kongresi amerikan pritet të votojë për publikimin e dosjeve Epstein, pas presionit të brendshëm në rritje
Kryetari i Dhomës së Përfaqësuesve, Mike Johnson, njoftoi të mërkurën se do të vërë në votim në Dhomën e Përfaqësuesve javën e ardhshme një projektligj të diskutueshëm që detyron publikimin e të gjitha dosjeve të Departamentit të Drejtësisë për çështjen Jeffrey Epstein – më herët se sa pritej.
“Do ta hedhim këtë në votim të plotë kur të kthehemi javën tjetër”, tha Johnson, duke shtuar, “ndërkohë, do t’u kujtoj të gjithëve se Komiteti Mbikëqyrës [i Dhomës] ka punuar pa ndërprerje” për hetimin e vet.
Johnson u detyrua ta fuste shpejt në seancë projektligjin e përfaqësuesve Thomas Massie, një republikan nga Kentucky, dhe Ro Khanna, një demokrat nga Kalifornia, pasi dyshja përdori me sukses një mjet të fshehtë në sallë të njohur si një peticion shkarkimi. Por ai kishte njëfarë lirie veprimi për ta bërë këtë.
Sugjerimi i udhëheqësve republikanë se ai do të vepronte më shpejt se sa pritej për ta paraqitur projektligjin në seancën e plotë të Dhomës së Përfaqësuesve është një pasqyrim i ndjenjës në rritje të agjitacionit midis anëtarëve të partisë së tij në Capitol Hill. Partia Republikane e Dhomës së Përfaqësuesve – e cila është thellësisht besnike ndaj Trump – nuk është e etur ta marrë votën, gjë që shkon kundër dëshirave të vetë presidentit. Por shumë anëtarë të partisë janë gjithashtu të lodhur nga muajt e presionit në rritje nga disa anëtarë të zëshëm të partisë së tyre, përfshirë Massie dhe përfaqësuesen Marjorie Taylor Greene, dhe mendojnë se duhet të votojnë në favor të publikimit të dosjeve ose rrezikojnë të akuzohen për mbrojtje të pedofilëve.
«Thjesht çojeni në sallën e seancave dhe lëreni popullin të vendosë», u tha gazetarëve një përfaqësues i frustruar Tim Burchett, një republikan nga Tenesi, pasi u tregua i pabindur më herët gjatë ditës, duke shkuar në sallën e Dhomës së Përfaqësuesve për të provuar të detyronte një votim të përshpejtuar për projektligjin.
“Jam lodhur duke u marrë me gjëra të kota. Demokratët i kanë pasur dosjet e Epstein për katër vjet, dhe tani i kemi për nëntë muaj, dhe do të zvarriten në një grumbull gjërash të pakuptimta. Le ta hedhim në sallë. Le të votojmë për të. Le të vazhdojmë me të”, tha ai.
Propozimi i kongresmenit u refuzua sepse nuk ndoqi procedurën e duhur parlamentare.
Presioni politik mbi atë votim të profilit të lartë për Epstein u rikthye me tërbim në Hill të mërkurën, me anëtarët e Dhomës së Përfaqësuesve që u rikthyen në Uashington pas më shumë se një muaji mungesë.
Betimi i pasdites i përfaqësueses demokrate Adelita Grijalva si anëtarja më e re e Dhomës së Përfaqësuesve dha votën vendimtare për peticionin e shkarkimit për të detyruar një votim, pavarësisht kundërshtimit të udhëheqjes së Partisë Republikane dhe një fushate të dukshme presioni të minutës së fundit nga Shtëpia e Bardhë për ta shmangur atë krejtësisht.
Si kryetar i Dhomës së Përfaqësuesve, Johnson mund të sjellë në sallë çdo projektligj në çdo kohë, pavarësisht nga ajo që kërkojnë rregullat. Por Massie dhe Khanna përdorën peticionin për shkarkim sepse udhëheqja republikane e Dhomës së Përfaqësuesve nuk donte që projektligji të votohej – duke i lënë shumë njerëz të prisnin shtatë ditë legjislative për të anashkaluar udhëheqjen dhe për të ardhur në sallë.
Ndërsa orari i takimeve për javën e ardhshme nuk është caktuar ende, Johnson tha se udhëheqja dëshiron ta ngrejë masën “sa më shpejt të jetë e mundur”.
“Është një ushtrim krejtësisht i pakuptimtë. Është plotësisht e pakuptimtë tani. Mund ta bëjmë fare mirë. Dua të them, ata kanë 218 nënshkrime, është në rregull, do ta bëjmë”, tha ai.
Komiteti i Mbikëqyrjes i Dhomës së Përfaqësuesve publikoi të mërkurën 20,000 faqe shtesë me dokumente që paneli i udhëhequr nga republikanët kishte marrë nga pasuria e të ndjerit të dënuar për krime seksuale.
Në email-et e publikuara si pjesë e këtij dokumenti, Epstein, vdekja e të cilit nga vetëvrasja ka shkaktuar shqyrtim të rreptë të njerëzve të profilit të lartë që ai njihte, e përmendi Donald Trumpin me emër disa herë në korrespondencën private gjatë 15 viteve të fundit me një bashkëpunëtor dhe një autor në orbitën e Trumpit – detaje të sekuestruara nga demokratët.
Megjithatë, Johnson i la mënjanë detajet e reja publike kur u pyet për to më herët gjatë ditës.
“Mendoj se është një shpërqendrim i madh nga demokratët, ndërsa ne po përpiqemi të rihapim qeverinë dhe të mbulojmë gabimet e tyre. E gjej interesante që shtypi nuk i bëri të gjitha këto pyetje për katër vjet gjatë administratës së Bidenit”, tha Johnson, kur u pyet nëse kishte ndonjë shqetësim në lidhje me gjetjet e reja.
I pyetur nga CNN se pse Kongresi nuk duhet të publikojë të gjitha dokumentet e Epstein kur vetë presidenti ka thënë se e mbështet këtë, Johnson tha: “Ai është për transparencë maksimale. Ai e tha këtë vetëm disa ditë më parë, dhe unë fola me të për këtë sot. Ai është për nxjerrjen në dritë të gjithçkaje.”
Ndërsa presioni në lidhje me Epsteinin rritet, dy republikanë të tjerë në Dhomën e Përfaqësuesve – përfaqësuesit republikanë Warren Davidson nga Ohio dhe Eli Crane nga Arizona – thanë se planifikojnë të votojnë për projektligjin për publikimin e dosjeve kur të vijë momenti i shqyrtimit. Asnjëri prej tyre nuk e kishte nënshkruar peticionin për shkarkim.
Megjithatë, republikanë të tjerë mbeten kategorikisht kundër.
“Unë votoj kundër”, tha për CNN përfaqësuesi Clay Higgins i Luizianës.
“Me sa kuptoj unë dhe me sa kam hetuar gjerësisht, presidentit nuk i pëlqente ai djalë, ai nuk kishte marrëdhënie miqësore me të. Nuk mund të kontrollosh se kush bën një foto me ty”, tha ai.Top Channel
-
E para grua kryetare në Kongresin Amerikan! Nancy Pelosi largohet nga politika
Nancy Pelosi
SHBA- Nancy Pelosi ka njoftuar tërheqjen nga Kongresi Amerikan, duke i dhënë fund një karriere politike që zgjati disa dekada dhe e bëri demokraten nga Kalifornia një nga figurat më të fuqishme në Washington. Me një vidomesazh Pelosi deklaroi se nuk do të kandidojë për t’u rizgjedhur në Kongres pas përfundimit të mandatit të saj në janar 2027.
“Me një zemër mirënjohëse, mezi pres vitin tim të fundit të shërbimit si përfaqësuesja juaj krenare. Ndërsa ecim përpara, mesazhi im për qytetin që dua është ky: San Francisko, njihe fuqinë tënde. Ne kemi bërë histori. Ne kemi bërë përparim. Ne gjithmonë kemi udhëhequr rrugën dhe tani duhet të vazhdojmë ta bëjmë këtë duke mbetur pjesëmarrës të plotë në Demokracinë tonë dhe duke luftuar për idealet amerikane që i mbajmë të shtrenjta”, u shpreh kongresmenia.
Pelosi ishte e para grua që shërbeu si Kryetare e Dhomës së Përfaqësuesve dhe udhëhoqi Partinë Demokratike në dhomën e ulët të Kongresit nga viti 2003 deri në 2023. Nancy Pelosi e ka fituar për herë të parë vendin e saj në Kongres, në distriktin e saj në San Francisko më 1987, dhe më pas ka shërbyer në dy periudha në krye të Dhomës së Përfaqësuesve, më 2007-2011 dhe 2019-2023. Ajo është gruaja e parë amerikane në historinë amerikane që ka qenë në krye të Dhomës së Përfaqësuesve dhe ka luajtur rol kritik në avancim apo prishje të agjendave për shumë ish-presidentë amerikanë. -
Nancy Pelosi “doreza e vjetër” e demokratëve në Kongres, njofton fundin e saj në politikë: S’do të kandidoj për rizgjedhje
Nancy Pelosi, gruaja e parë dhe e vetme që ka shërbyer si Kryetare e Dhomës së Përfaqësuesve të Shteteve të Bashkuara dhe një nga figurat më të fuqishme të Partisë Demokratike për dekada me radhë, ka njoftuar se nuk do të kandidojë për rizgjedhje në vitin 2027.
Në një video disa minutëshe të publikuar të enjten pasdite, 85-vjeçarja Pelosi deklaroi: “Ka qenë nderi më i madh për mua të qëndroj në sallën e Dhomës së Përfaqësuesve dhe të them: ‘Unë flas për popullin e San Franciskos’. E kam dashur me shpirt shërbimin tim në Kongres dhe gjithmonë e kam respektuar himnin e Shën Françeskut – ‘Zot, më bëj një instrument të paqes sate’. Për këtë arsye dua që ju, bashkëqytetarët e mi të San Franciskos, të jeni të parët që e dini: unë nuk do të kandidoj për rizgjedhje në Kongres.”
Pelosi theksoi se pret “me mirënjohje” vitin e fundit të mandatit të saj, duke i bërë thirrje qytetarëve të San Franciskos të vazhdojnë të jenë aktivë në mbrojtjen e demokracisë dhe idealeve amerikane. “Ne kemi bërë histori, kemi përparuar dhe kemi udhëhequr rrugën. Ne duhet të vazhdojmë ta bëjmë këtë, duke marrë pjesë aktive në demokracinë tonë dhe duke mbrojtur idealet e Amerikës,” tha ajo.
Njoftimi i saj i dha fund javëve të spekulimeve për një dorëheqje pas 38 vitesh në Kongres. Pelosi u zgjodh për herë të parë në vitin 1987 dhe në vitin 2007 u bë gruaja e parë në histori që mbajti postin e Kryetares së Dhomës së Përfaqësuesve — një rol që e rifitoi pas zgjedhjeve të vitit 2018. Ajo mbetet e vetmja grua që ka mbajtur ndonjëherë “çekiçin” e drejtimit të Dhomës.
Njoftimi vjen vetëm dy ditë pas një prej fitoreve më të mëdha politike të demokratëve, të cilën partia ia atribuon drejtpërdrejt Pelosi-t — një fitore dërrmuese në një referendum në Kaliforni që riformësoi hartën zgjedhore në favor të demokratëve përpara zgjedhjeve të mesit të mandatit të vitit 2026. Sipas bashkëpunëtorëve të saj, Pelosi ka mbledhur dhjetëra miliona dollarë për fushatën në mbështetje të kësaj mase.
Në vitet e fundit, ajo është përqendruar kryesisht në qëndrimin kundër presidentit Donald Trump, me të cilin është përplasur në mënyrë të përsëritur. Gjatë drejtimit të saj, Dhoma e Përfaqësuesve zhvilloi dy procese shkarkimi ndaj Trump-it, ndërsa Pelosi u bë e njohur ndërkombëtarisht pas momentit simbolik kur grisi publikisht tekstin e fjalimit të tij për Gjendjen e Kombit në vitin 2020. -
Arrestimi i avokatit, flet kreu i Dhomës së Avokatisë: Ja pse bojkotuam gjyqet
Maks Haxhia, kreu i Dhomës Kombëtare të Avokatisë, ka komentuar arrestimin e avokatit Ulian Bajrami pas një konflikti me prokurorin në sallën e gjyqit.Ky incident ka shkaktuar shqetësim në komunitetin e avokatëve dhe ka ngritur debate për respektimin e rolit të tyre në sistemin e drejtësisë.
Në një intervistë për Euronews Albania me moderatore Mirela Milorin këtë të mërkurë, Haxhia shpjegoi qëndrimin e Dhomës dhe hapat që do të ndërmerren më tej.
“Me thënë të drejtën, tani rasti konkret ka kaluar atë që në mbajtëm qëndrim. Është që nëpërmjet këtij rasti, ne i përcollëm publikut frymën tonë për instalimin që është bërë ndaj institucionit të mbrojtjes, që është avokatia. Arritëm në përfundimin që nëpërmjet këtij rasti të paprecedent që të arrestohet avokati në një sallë gjyqi është diçka e padëgjuar. Edhe vlerësuam atë që qëndrim që e bojkotuam për një javë, ku përjashtuam çështjen civile. Jemi në këtë situatë dhe do deklarojmë ose mbarimin ose vazhdimin sipas komitetit drejtues,” tha Haxhia. -
Avokatët nismë ‘private’ për bojkot pa afat pas arrestimit të kolegut Barjami, reagon Maks Haxhia: Nisma të tilla revolucionare, në kundërshtim me ligjin
Pas arrestimit të Ulian Barjamit, disa avokatë kanë ndërmarrë një nismë për bojkot pa afat, e duke i kërkuar kështu mbledhje Dhomës së Avokatisë.
Gazetarja e Top Channel Anila Hoxha ka kontaktuar jë komunikim me Kryetarin e Dhomës Kombëtare të Avokatisë Maks Haxhia.
Ky i fundit ka deklaruar se “nisma të tilla revolucionare janë në kundërshtim me kuadrin ligjor, misionin dhe kauzat që ndjek Dhoma e Avokatisë së Shqipërisë’.
“Veprimtaria dhe funksionimi i Këshillit të Përgjithshëm i Dhomës së Avokatisë është përcaktuar me një procedurë të përshkruar saktësisht në ligj në statutin e Dhomës”, u shpreh Haxhia.
Top Channel
-
SYRI TV/ Precedenti në Elbasan, Maksim Haxhia paralajmëron bojkot një muaj: Reforma në Drejtësi ka nevojë për rishikim
Ndonëse avokati Ulian Bajrami u lirua, gjykatat do të vijojnë të mbeten në kolaps sa i takon gjyqeve, për shkak se bojkoti i avokatëve do të vijojë. Kreu i dhomës së avokatisë Maksim Haxhia ka mbrojtur vendimin e tij për të pezulluar për 5 ditë seancat. Ai paralajmëroi se nëse një rast i tillë përsëritet bojkoti avokatëve do të jetë për muaj me radhë. Reforma në drejtësi sipas Haxhisë ka nevojë për një rishikim tërësor. Ndërkohë, kreu i Dhomës së Avokatisë të Elbasanit Demir Çiftja deklaroi se përbuzja e avokatëve prej kohësh është bërë rutinë nga prokurorët dhe gjyqtarët e Elbasanit. Lidhur me ngjarjen që shkaktoi bojkotin, ILD dhe Prokuroria kanë nisur veprimet këtë të martë.
Syri TV
Kështu është shprehur kreu i Dhomës së Avokatisë Maksim Haxhia gjatë një prononcimi për mediat, në ditën e dytë të bojkotit të seancave gjyqësore nga avokatët. Teksa bojkoti 5 ditor kishte shkak arrestimin e avokatit Ulian Bajrami, pas një përplasje me prokurorin Gjergji Ceka gjatë një seance për caktim mase sigurie, pavarësisht lirimit të juristit, Haxhia tha se greva do vijojë. Ai u shpreh se reforma në drejtësi ka nevojë për një rishikim tërësor sa i përket organeve drejtuese si KLGJ, KLP dhe ILD.
Nga Elbasani, kreu i Dhomës së Avokatisë në këtë qark Demir Çiftja deklaroi se përbuzja e avokatëve prej kohësh është bërë rutinë nga prokurorët dhe gjyqtarët.
E teksa avokatët kanë ankesa për sistemin e drejtësisë, Inspektoriati i Lartë i Drejtësisë pranoi vetëm këtë të martë se ka çuar inspektor në Elbasan për të dokumentuar atë që ka ndodhur. Ndërkohë, pas disa ditësh, edhe Prokuroria e Elbasanit konfirmoi se ka shpallur moskompetencë dhe I ka referuar materialet e kësaj çështje në Prokurorinë e Tiranës të hetojë, pasi ka konflikt interesi. Dhoma e Avokatisë insistoi se arrestimi ishte i paligjshëm dhe se Prokuroria e Elbasanit kishte qenë paralelisht në dy funksionem, atë të viktimës së pretenduar të veprës penale, por edhe të organit hetues, çfarë ndesh sipas juristëve në papajtueshmëri ligjore.
-
Kryetari i Dhomës së Përfaqësuesve në SHBA: Protestat e Sorosit janë kundër Amerikës
Kryetari i Dhomës së Përfaqësuesve në SHBA: Protestat e Sorosit janë kundër Amerikës
Nga Mariane Angela, DAILY CALLER
Kryetari i Dhomës së Përfaqësuesve, Mike Johnson, tha të hënën në Fox News se demonstratat “No Kings” në të gjithë vendin zbuluan “agjendën e vërtetë” të së majtës.
Grupet e majta, që kanë mbrojtur regjime autoritare, u bashkuan të shtunën në një seri protestash kundër presidentit Donald Trump nën moton “No Kings” (Jo Mbretër), duke e akuzuar presidentin për sjellje diktatoriale. Duke folur në “Hannity”, Johnson tha se retorika e këtyre grupeve tregonte një përbuzje të qartë për kapitalizmin, sundimin e ligjit dhe parimet themeluese të kombit.
Tani, dëgjoje gjuhën e këtyre njerëzve, Sean — se çfarë mbrojnë. Është krejt e kundërta e asaj mbi të cilën u themelua Amerika. Ata nuk e duan jetesën këtu. Nuk u pëlqen kapitalizmi apo sistemi i sipërmarrjes së lirë,” i tha Johnson moderatorit Sean Hannity. “Ata nuk i duan parimet themeluese të vendit, lirinë individuale, qeverinë e kufizuar, sundimin e ligjit, paqen përmes forcës, përgjegjësinë financiare, tregjet e lira, dinjitetin njerëzor. Ata janë kundër të gjitha këtyre”.
Johnson paralajmëroi gjithashtu se protestat kishin kaluar një vijë të rrezikshme, duke thënë se retorika e tyre tregonte një prirje dhune që zbulonte natyrën e vërtetë të lëvizjes.
“Dhe ata dalin e përhapin këto mesazhe radikale, mesazhe të dhunshme. Bëjnë thirrje për vrasjen e një presidenti që tashmë i ka mbijetuar dy atentateve të dështuara, dhe po tallen me vdekjen e Charlie Kirk. Këta njerëz mund të vlerësohen dhe gjykohen nga veprimet e tyre. Dhe mendoj se të gjithë në vend mund të shohin saktësisht se çfarë po ndodh këtu,” shtoi ai.
“Po shohim një moment të qartësisë së vërtetë. Populli amerikan mund të shohë saktësisht se çfarë po ndodh këtu. Këto tubime i përshkruam si ‘tubimet anti-Amerikë,’ sepse nuk ka përshkrim më të mirë. Shiko kush mori pjesë. Chuck Schumer dhe demokratët e senatit dolën atje për të marrë pjesë,” vazhdoi Johnson.
“Ata qëndruan krahu për krahu, pranë disa prej grupeve më radikale që janë mbledhur ndonjëherë në tokën e SHBA. Ata shpallën hapur se ishin bashkë-sponsorizuar — financuar nga George Soros, dhe bashkë-sponsorizuar nga Partia Komuniste e SHBA-së, Lidhja e Rinisë Komuniste e Nju Jorkut dhe të gjitha grupet e tjera radikale. Ata ishin atje duke mbrojtur këtë kauzë”.
Dhjetëra protesta shpërthyen të shtunën në të gjithë vendin, duke targetuar presidentin Trump dhe politikat e administratës së tij. Gjatë zgjedhjeve të mesmandatit të vitit 2022 dhe garës presidenciale të vitit 2024, demokratët shpesh e portretizuan Trump dhe republikanët e tjerë si fashistë dhe kërcënime për demokracinë.
Fushata “No Kings” pretendoi se milionë pjesëmarrës morën pjesë në mijëra marshime të koordinuara në qytetet kryesore për të kundërshtuar atë që organizatorët e përshkruanin si sundim nga një njeri dhe për të riafirmuar se Shtetet e Bashkuara i përkasin popullit të tyre. Liderët e lëvizjes thanë se qëllimi i tyre ishte të rezistonin ndaj “qeverisjes përmes frikës dhe forcës”.
Disa protesta morën një kthesë më të errët teksa pjesëmarrësit shprehën kërcënime dhe dhunë. Në Seattle, një burrë i tha gazetarëve se dëshironte të dëmtonte këshilltarin e Shtëpisë së Bardhë, Stephen Miller, të cilin e krahasoi me një nazist. Një grua në Portland, Maine, tha se mesazhi për vdekjen e Trump do të ishte dhurata më e mirë për ditëlindjen e saj.