Lajmidites.com

Tag: dhjetëra

  • Zyrtarët amerikanë: Turistët që hyjnë në SHBA, do tregojnë historikun e 5 viteve të fundit të rrjeteve sociale

    Zyrtarët amerikanë: Turistët që hyjnë në SHBA, do tregojnë historikun e 5 viteve të fundit të rrjeteve sociale

    Turistëve nga dhjetëra vende, mund t’u kërkohet historiku pesëvjeçar i mediave sociale, si kusht për të hyrë në Shtetet e Bashkuara, sipas një propozimi të ri të zbuluar nga zyrtarët amerikanë.

    Kushti i ri do të prekë njerëz nga dhjetëra vende që kanë të drejtë të vizitojnë SHBA-në për 90 ditë pa vizë, për sa kohë që kanë plotësuar një formular të Sistemit Elektronik për Autorizimin e Udhëtimit (ESTA).
    Sipas propozimit, vizitorëve do t’u kërkohet të japin të dhënat e mediave të tyre sociale nga 5 vitet e fundit”, pa dhënë detaje të mëtejshme se cilat informacione specifike do të kërkohen.
    Që kur u kthye në Shtëpinë e Bardhë në janar, Presidenti Donald Trump ka ndërmarrë hapa për të forcuar kufijtë e SHBA-së, duke përmendur sigurinë kombëtare si një arsye kryesore.
    Analistët thonë se plani i ri mund të paraqesë një pengesë për vizitorët potencialë ose të dëmtojë të drejtat e tyre dixhitale.
    SHBA-të presin një fluks të madh turistësh të huaj vitin e ardhshëm, pasi do të organizojnë Kupën e Botës në futboll së bashku me Kanadanë dhe Meksikën, si dhe Lojërat Olimpike të vitit 2028 në Los Angeles.
    Dokumenti i propozimit u paraqit nga Dogana dhe Mbrojtja Kufitare (CBP) dhe Departamenti i Sigurisë Kombëtare (DHS), pjesë e të cilit është edhe agjencia.

    Top Channel

  • Indonezi/ Zjarr i madh në një ndërtesë shtatëkatëshe në Xhakarta, 17 të vdekur dhe dhjetëra të bllokuar në godinë

    Indonezi/ Zjarr i madh në një ndërtesë shtatëkatëshe në Xhakarta, 17 të vdekur dhe dhjetëra të bllokuar në godinë

    Një zjarr ka përfshirë të dielën një ndërtesë shtatëkatëshe në kryeqytetin indonezian, Xhakartë, duke shkaktuar të paktën 17 viktima. Lajmi u konfirmua nga radioja lokale Kompas TV, e cila raportoi se disa persona të tjerë vijojnë të jenë të bllokuar brenda godinës.

    Zjarri tashmë është shuar, ndërsa ekipet e shpëtimit po vazhdojnë operacionet për evakuimin e plotë të ndërtesës.

    Objekti ku ndodhi ngjarja strehon zyrat e Terra Drone Indonesia, kompani që ofron shërbime me dronë për mbikëqyrje ajrore, me një gamë klientësh që përfshin bujqësinë dhe industrinë minerare.

    Pamjet e transmetuara nga Kompas TV tregojnë dhjetëra zjarrfikës që ndërhyjnë për të shpëtuar personat e mbetur në ndërtesë, si dhe ekipe të tjera që transportojnë trupat e viktimave jashtë godinës.

    Innalillahi. Gedung Terra Drone di Kemayoran kebakaran, diduga 17 orang meninggal dunia. pic.twitter.com/zCwtsTJAo8— Bang Gatse (@gatse8) December 9, 2025

  • Forcat izraelite vrasin 6 terroristë, arrestohen dhjetëra të tjerë

    Forcat izraelite vrasin 6 terroristë, arrestohen dhjetëra të tjerë

    Forcat Mbrojtëse të Izraelit vranë gjashtë terroristë dhe arrestuan dhjetëra individë të kërkuar gjatë dy javëve të fundit në Bregun Perëndimor verior, në atë që ushtria e quajti “Operacioni Pesë Gurë”, tha ushtria në një deklaratë të premten.

    Operacioni u krye nga Brigadat Menashe dhe Samaria të IDF-së, në bashkëpunim me Shin Bet, Policinë Kufitare dhe Forcat Ajrore.

    Sipas IDF-së, forcat gjithashtu morën në pyetje dhjetëra të dyshuar të tjerë. Individët e kërkuar, si dhe të gjitha armët e zbuluara gjatë operacionit, u transferuan në Policinë e Qarkut dhe Shin Bet.

    Trupat izraelite zbuluan gjithashtu qindra mijëra shekel që kishin për qëllim financimin e aktiviteteve terroriste. Armët, duke përfshirë pistoleta, pushkë, M-16, thika dhe municione, u zbuluan gjithashtu në fshatin Tammun nga Njësia Maglan e IDF-së. Në vendngjarje u gjetën libra që nxisnin dhunë dhe mbështesnin Hamasin.

  • Seanca/ Tritan Shehu kërkon që të bllokohet shitja e fotoksinës në farmacitë bujqësore: Çdo vit humbasim dhjetëra të rinj prej saj

    Seanca/ Tritan Shehu kërkon që të bllokohet shitja e fotoksinës në farmacitë bujqësore: Çdo vit humbasim dhjetëra të rinj prej saj

    Deputeti i PD Tritan Shehu ka kërkuar sot një vendim nga Kuvendi për bllokimin e shitjes së fotoksinës në farmacitë bujqësore. 
    Në fjalën tij në Kuvend, ai u shpreh se është një substancë që lidhet shpesh me vetëvrasjen dhe u merr jetën dhjetëra të rinjve çdo vit. 
    “Sot një adoleshent ka ndërruar jetë në Elbasan sepse ka konsumuar fotoksinë. E kam diskutuar disa herë që të hiqet nga farmacitë bujqësore, edhe atje ku përdoret përdoret në masa të rrepte sigurie, e jo pa asnjë masë duke shtuar dëshirën për akte të tilla të rënda të rinjve. Çdo vit me dhjetëra njerëz largohen nga kjo jetë prej saj. E kam kërkuar disa herë të hiqet, por jam hasur me një heshtje të plotë.Ta zëvendësojmë me të tjera substanca jo të dëmshme, sepse është krijuar një lidhje psikologjike mes fotoksinës dhe vetëvrasjes. Ai që e merr, ka para vetëm një rrugë, një vdekje shumë të llahtarshme. Nuk ka kthim pas. Kërkoj një vendim nga Kuvendi për këtë çështje”, tha ai. 

  • “Mafiozë, jepni dorëheqjen”, dhjetëra mijëra njerëz mbushin rrugët e Sofjes, tronditet qeveria

    “Mafiozë, jepni dorëheqjen”, dhjetëra mijëra njerëz mbushin rrugët e Sofjes, tronditet qeveria

    Dhjetëra mijëra protestues mbushën rrugët e Sofjes dhe më shumë se një duzinë qytetesh në Bullgari mbrëmjen e djeshme, duke mbajtur një nga marshimet më të mëdha të viteve të fundit dhe duke kërkuar tërheqjen e buxhetit të ri dhe dorëheqjen e qeverisë.
    Në qendër të Sofjes, sheshi i madh përpara ndërtesës së Asamblesë Kombëtare ishte i mbushur me qytetarë që mbanin nw duar slogane dhe flamuj bullgarë e evropianë. Sipas agjencisë bullgare të lajmeve BTA, organizatorët vlerësuan pjesëmarrjen në rreth 50,000 njerëz.
    Protestuesit brohoritën “Dorëheqje!” dhe projektuan fjalët “Dorëheqje” dhe “Mafia” në ndërtesat qeveritare. Po ashtu dy pankarta të mëdha shkruanin përkatësisht “Gjenerata Z po vjen” dhe “Bullgaria e Re pa mafien”.

    Protestuesit po kërkojnë që qeveria të përmbushë premtimin e saj për të tërhequr buxhetin e vitit 2026, i cili përfshin rritje të taksave dhe kontribute shtesë të sigurimeve shoqërore. Ata gjithashtu po shprehin pakënaqësi të fortë me korrupsionin në sektorin publik, duke kërkuar dorëheqjen e qeverisë së pakicës të udhëhequr nga Rosen Zhelezkov.
    Bullgaria, me një popullsi prej 6.4 milionë banorësh, renditet vazhdimisht ndër vendet më të korruptuara në Bashkimin Evropian, sipas Indeksit të Perceptimit të Korrupsionit të Transparency International. Vetëm Hungaria renditet më keq midis 27 shteteve anëtare.
    Edhe pse tubimi kryesor në qendër të Sofjes ishte paqësor, tensionet u rritën pas përfundimit të tij, pasi disa protestues u përleshën me policinë, duke hedhur gurë, shishe dhe fishekzjarre drejt forcave të rendit. Policia u përgjigj me sprej me piper dhe bëri të paktën dhjetë arrestime, ndërsa dy oficerë u plagosën.

    Sipas BTA-së, kazanëve të plehrave iu vu flaka, ndërsa një furgon policie u dëmtua rëndë. Dëme u shkaktuan edhe në zyrat e partisë në pushtet, si dhe në një parti tjetër që mbështet qeverinë.
    Presidenti i vendit, Rumen Radev, i dënoi incidentet dhe u bëri thirrje si protestuesve ashtu edhe autoriteteve të shmangin dhunën. Në një deklaratë publike, ai bëri thirrje që qeveria të japë dorëheqjen, duke vënë në dukje se “ka vetëm një rrugëdalje: dorëheqja dhe zgjedhjet e parakohshme“.

  • “Mafiozë, jepni dorëheqjen”/ Dhjetëra mijëra njerëz dalin në rrugët e Bullgarisë kundër qeverisë, kundërshtojnë rritjen e taksave

    “Mafiozë, jepni dorëheqjen”/ Dhjetëra mijëra njerëz dalin në rrugët e Bullgarisë kundër qeverisë, kundërshtojnë rritjen e taksave

    Dhjetëra mijëra persona mbushën rrugët e Sofjes mbrëmjen e djeshme, në një nga protestat më të mëdha të viteve të fundit.
    Ata kërkojnë tërheqjen e buxhetit të ri dhe dorëheqjen e anëtarëve të qeverisë.
    Në qendër të Sofjes, sheshi i madh përpara ndërtesës së Asamblesë Kombëtare ishte i mbushur me qytetarë që mbanin slogane dhe flamuj bullgarë e evropianë.

    Sipas agjencisë bullgare të lajmeve BTA, organizatorët thanë se në protestë morën pjesë rreth 50 mijë njerëz.
    Protestuesit brohoritën “Dorëheqje!” dhe projektuan fjalët “Dorëheqje” dhe “Mafia” në ndërtesat qeveritare. Dy pankarta të mëdha shkruanin përkatësisht “Gjenerata Z po vjen” dhe “Bullgaria e Re pa mafien”.

    🇧🇬 | Bulgaristan’ın başkenti Sofya’da protestolar yeniden başladı.
    Göstericiler, tartışmalı yeni bütçe planına ve hükümetin politikalarına karşı tepkilerini sokaklarda dile getiriyor.
    Protesto, bizim unuttuğumuz en demokratik haktır.#Bulgaria #Sofia #Protesto #Protesti pic.twitter.com/gGurihp6og
    — Balkan Futbolu (@BalkanFutbolu) December 1, 2025

    Protestuesit po kërkojnë që qeveria të përmbushë premtimin e saj për të tërhequr buxhetin e vitit 2026, i cili përfshin rritje të taksave dhe kontribute shtesë të sigurimeve shoqërore. Ata gjithashtu po shprehin pakënaqësi lidhur me korrupsionin në sektorin publik.
    Bullgaria, me një popullsi prej 6.4 milionë banorësh, renditet vazhdimisht ndër vendet më të korruptuara në Bashkimin Evropian, sipas Indeksit të Perceptimit të Korrupsionit të Transparency International. Vetëm Hungaria renditet më keq midis 27 shteteve anëtare.
    Edhe pse tubimi kryesor në qendër të Sofjes ishte paqësor, tensionet u rritën pas përfundimit të tij. Disa protestues u përleshën me policinë, duke hedhur gurë, shishe dhe fishekzjarre.

    И в София хиляди българи скандират: “Долу Прасетата!”#bulgaria #българия #политика #ПартияМафия #протест #ДолуПрасетата #обединение #сила #вяра #бг #софия #sofia pic.twitter.com/uxMtYEfkO1
    — Political Party Velichie (@velichie98837) December 1, 2025

    Sipas BTA-së, kazanëve të plehrave iu vu flaka, ndërsa një furgon policie u dëmtua rëndë. Dëme u shkaktuan edhe në zyrat e partisë në pushtet, si dhe në një parti tjetër që mbështet qeverinë. Policia u përgjigj me sprej me piper dhe bëri të paktën dhjetë arrestime, ndërsa dy oficerë policie u plagosën.
    Presidenti i vendit, Rumen Radev, i dënoi incidentet dhe u bëri thirrje si protestuesve ashtu edhe autoriteteve të shmangin dhunën. Në një deklaratë publike, ai bëri thirrje që qeveria të japë dorëheqjen, duke vënë në dukje se “ka vetëm një rrugëdalje: dorëheqja dhe zgjedhjet e parakohshme”.

  • Tunizia dënon me burg dhjetëra figura të opozitës

    Tunizia dënon me burg dhjetëra figura të opozitës

    Bota E Premte, 28 Nëntor 2025 17:08
    Një gjykatë tuniziane ka dënuar me burg dhjetëra figura të opozitës, avokatë dhe biznesmenë, të akuzuar për përpjekje për të përmbysur Presidentin Kais Saied. Dyzet persona, përfshirë liderin e opozitës Jawahar Ben Mbarek, morën dënime që variojnë nga katër deri në 45 vjet për konspiracionin e supozuar për largimin e Presidentit Saied. Njëzet nga të akuzuarit janë arratisur jashtë vendit dhe u dënuan në mungesë, ndërsa të tjerët janë mbajtur në paraburgim që nga viti 2023.
    Grupet e të drejtave të njeriut e kanë kritikuar gjyqin si të motivuar politikisht, duke i cilësuar ndjekjet penale si një përshkallëzim të goditjes së Saied ndaj disidencës që nga pezullimi i parlamentit në vitin 2021. Autoritetet tuniziane, nga ana tjetër, pohojnë se të pandehurit, mes të cilëve ish-kreu i inteligjencës Kamel Guizani, tentuan të destabilizonin vendin dhe të përmbysnin Saied. Ben Mbarek, së bashku me Issam Chebbi dhe Ghazi Chaouachi, morën dënime me 20 vjet burg, ndërsa biznesmeni Kamel Ltaif u dënua me maksimumin 45 vjet.
    Veprimet e gjykatës së apelit, e cila shqiptoi dënimet përfundimtare pas vendimit fillestar në prill, u përshkruan nga një avokat i të pandehurve si një “farsë” me qëllim eliminimin e kundërshtarëve politikë. Sara Hashash e Amnesty International i quajti dënimet “të padrejta” dhe “një aktakuzë tronditëse për sistemin e drejtësisë tuniziane”. Edhe Komisioneri i Lartë i OKB-së për të Drejtat e Njeriut, Volker Turk, shprehu shqetësime serioze. Këto zhvillime vijnë ndërsa mijëra tunizianë protestuan së fundmi në Tunis, duke akuzuar Saied për forcimin e një sundimi autoritar, pas zgjedhjes së tij në vitin 2019, pas Lëvizjes së Pranverës Arabe.

  • Bllokohen rrugët në Gjirokastër dhe Përmet pas reshjeve të shiut, dhjetëra banorë të izoluar

    Bllokohen rrugët në Gjirokastër dhe Përmet pas reshjeve të shiut, dhjetëra banorë të izoluar

    Reshjet e dendura të 12 orëve të fundit kanë shkaktuar probleme serioze në disa akse rrugore të jugut.

    Aksi Kolonjë–Golëm, në Bashkinë Gjirokastër, është bllokuar plotësisht si pasojë e inerteve të rëna nga lartësitë dhe terrenit të paqëndrueshëm, duke lënë të izoluar dhjetëra banorë të zonës së Golëmit.
    Situata paraqitet e rënduar edhe në Dropull, ku vijon të jetë e pakalueshme rruga Glinë–Nepravishtë. Probleme të ngjashme raportohen edhe në qarkun e Gjirokastrës dhe Përmetit, ku shkarjet e dherave kanë bllokuar aksin Frashër–Verçisht dhe Frashër–Miçan, duke izoluar lëvizjen në zonë.

  • “Dhjetëra hektarë tokë bujqësore, nën ujë”/ Përmbytjet në Berat, reagon Eno Bozdo: Hajdutëria nuk paska fund

    “Dhjetëra hektarë tokë bujqësore, nën ujë”/ Përmbytjet në Berat, reagon Eno Bozdo: Hajdutëria nuk paska fund

    Dhjetëra hektarë tokë bujqësore në Dimal e Kuçovë mbyten nën ujë, një panoramë e trishtë e dështimit shtetëror para syve të qytetarëve.
    Kështu shkruan në një reagim në rrjetet sociale, deputeti i PD-së, Eno Bozdo. Përmbytjet nuk janë më fatkeqësi natyrore, janë pasojë e drejtpërdrejtë e korrupsionit dhe neglizhencës së pushtetit vendor e qendror, që prej vitesh raporton punë të bëra vetëm në letra, ndërsa kanalet kulluese mbeten të bllokuara, shkruan ai.
    Bozdo ngre alarmin për situatën dramatike dhe kërkon ndërhyrje të menjëhershme për fermerët e goditur.
    Reagimi i plotë:
    Me dhjetëra hektarë tokë bujqësore në Qarkun e Beratit, e në veçanti Dimal dhe Kuçovë, tashmë janë nën ujë.Fermerët po vuajnë përmbytjet jo vetëm si pasojë e motit të ngarkuar, por sepse askush, as bashkitë dhe as qeveria, prej vitesh nuk janë kujdesur të pastrojnë kanalet kulluese.
    Edhe më rëndë akoma, paratë janë dhënë, puna shënohet e bërë derisa vjen përmbytja e radhës. Hajdutëria nuk paska fund! Fermerët kërkojnë ndihmë të menjëhershme për zhbllokimin e kanaleve dhe veprave kulluese.
    Gjithashtu nevojitet alokimi nga buxheti i financave për të mbuluar humbjet e tyre si pasojë e përmbytjes. Nevojitet që ndihma financiare të jetë brenda këtij viti, e plotë dhe e menjëhershme!

  • Reshjet e dendura shkaktojnë kaos, uji ‘mori me vete’ dhjetëra vetura të parkuara në shtratin e një lumi në Budva të Malit të Zi

    Reshjet e dendura shkaktojnë kaos, uji ‘mori me vete’ dhjetëra vetura të parkuara në shtratin e një lumi në Budva të Malit të Zi

    Reshjet e dendura të shiut në Budva kanë shkaktuar përmbytje të menjëhershme gjatë orëve të fundit.

    Si pasojë, siç raportojnë mediat vendase, uji “ka marrë me vete” edhe dhjetëra automjete të parkuara në shtratin e thatë të një lumi në qendër të qytetit, përcjell Telegrafi.

    Siç edhe shihet në pamje, ujin ngrihet me shpejtësi dhe mbart çdo gjë që gjen përpara.
    Kjo zonë thuhet se shfrytëzohet prej vitesh si parking i madh, pasi në Budva mungojnë hapësirat e mjaftueshme për parkim dhe në qytet janë ngritur qindra ndërtesa të reja.

    Përmbytjet kanë goditur rëndë edhe disa lagje të tjera, ku rrugët janë kthyer në lumenj të vegjël dhe qarkullimi është bërë thuajse i pamundur.

    E banorët e zonës thonë se ndërtimet e shumta kanë bllokuar kanalet e dikurshme të ujërave të shiut.