Lajmidites.com

Tag: dhëmb

  • Andi Bejtja: E vetmja që më dhemb është zemra…

    Andi Bejtja: E vetmja që më dhemb është zemra…

    Sot, çdo dashuri e reMë zë mbi një të vjetërndaj këtë strofë e këndoj për tyRefrenin e kam për një tjetër Ndoshta, unë dashuroj më shumëmë shumë se ç’dashuron vetë zemraNdoshta nuk kam zemër fareDhe kam frikë se kjo është e vërteta Edhe buza përmbi buzëPo prek skanimet e gjithë puthjeve të vjetraMos kërko të dish më shumë e dashurSe pa fund do jenë dilemat Kot shpërthen në lot dhe në psherëtimaGjyshja më pat thënë dikurSe në çdo dashuri ndikon dhe klima Sot, çdo çmenduri e remë zë mbi një të vjetërPër dreq pse jam krijuar kështuSederli që rri në breshër Vazhdoj të eci dhe kur fle gjumëVazhdoj të eci nëpër ëndrraNë mëngjes nuk më dhembin këmbëtPor e vetmja që më dhemb është zemra…

    *Titulli i origjinalit: “Për dreq”

    ObserverKult

    Lexo edhe:

    ANDI BEJTJA: KAM NJË JETË TË TËRË QË KËRKOJ T’I GJEJ ATA SY…

    Nga Andi Bejtja

    Nuk e mbaj në mend se në çfarë qyteti isha dhe për ku po shkoja. Di vetëm që po prisja të vinte treni me numër 23 dhe duhej të hapja sytë për të hipur vetëm në trenin me këtë numër, pasi çdo tren me numër tjetër nuk më çonte atje për ku isha nisur. Isha ulur në një nga stolat e stacionit të metrosë, duke lexuar një libër që gjithashtu nuk e mbaj mend se kush e kishte shkruar dhe për çfarë bënte fjalë. Kur dëgjova zhurmën e rrotave të trenit që po afrohej në peron, e mbylla librin, u çova në këmbë dhe u mundova të dalloj numrin.Ishte numri 37. Duhej të prisja trenin tjetër. U ula sërish në stol dhe hapa librin. Treni ndaloi.Në një pjesë të shikimit tim filluan të hynin siluetat e njerëzve që zbrisnin dhe njerëzvë që po prisnin të hipnin. Isha gjysmë i përqendruar te libri dhe instinktivisht gjysmë i përqendruar te kjo panoramë  më se e rëndomtë e stacioneve të metrosë. Ndërkohë, pa dashje, thitha shikimet e njerëzve që ndodheshin në tren.

    Tekstin e plotë mund ta lexoni KËTU:

    ObserverKult

  • “Një dorë e ligë më goditi ku më dhemb më shumë”/ Reagon sërish pronarja e biznesit në Theth: S’më ndalin dot

    “Një dorë e ligë më goditi ku më dhemb më shumë”/ Reagon sërish pronarja e biznesit në Theth: S’më ndalin dot

    Një dorë e ligë vendosi të më godasë aty ku më dhemb më shumë, duke djegur restorantin tim në zemër të Thethit, shkruan Gjeçaj në një postim në rrjetin social “Facebook”. Ajo distancohet nga aksioni i shembjeve të ndërtimeve pa leje në Theth. Aida Gjecaj, që zotëronte restorantin që u dogj një ditë më parë në Theth, thotë se zjarri në biznesin e saj ishte i qëllimtë.
    Reagimi i plotë:
    “Aty ku unë dhe familja ime kemi ndërtuar me vite sakrifice një hapësirë mikpritjeje, një vatër nderi për traditën, natyrën dhe turizmin shqiptar. Në të njëjtën kohë, disa zëra në media, të nxituar ose të painformuar, kanë zgjedhur të hedhin baltë mbi emrin tim, duke më lidhur padrejtësisht me aksionin e shembjes së ndërtimeve pa leje në Theth. Dua të jem shumë e qartë:
    -Unë kurrë nuk kam kërkuar shembjen e askujt. E di sa e vështirë është të ndërtosh në këto male, e di çfarë do të thotë të ngresh një çati me mundin dhe djersën e familjes.
    -Unë kam lobuar e ngritur zerin gjithmone në media per hallet e komunitetit si mungesa energjisë elektrike, plehrat apo rruga e keqe.
    -Unë kam qenë gjithmonë për zhvillimin e qëndrueshëm, për ndërtimin me standard dhe për ruajtjen e identitetit arkitektonik e kulturor të Thethit – që ai të bëhet një Trentino i Shqipërisë, një destinacion model në Ballkan.
    Emisioni i datës 8 Mars 2024, ku është përmendur emri im në mënyrë të pasaktë, ishte një podkast kushtuar grave në biznes. Aty nuk është përmendur asnjë fjalë për ndërtime në Theth. Është minimumi profesional që një analist ta dëgjojë emisionin për të cilin flet, përpara se të shpërndajë hamendësime.
    Kam dhënë qindra intervista për mediat shqiptare ndër vite. Kam folur për mikpritjen, për zhvillimin, për turizmin, për femrën që ndërton në një fshat malor. Por kurrë nuk kam kërkuar të shembet mundi i tjetrit. Kam luftuar që të mos shkatërrohet ai i imi.
    Në këtë moment të vështirë, dua të falënderoj nga zemra të gjithë ata që më kanë qëndruar pranë – familjarë, miq, fqinj, turistë dhe bashkëpunëtorë që më kanë shkruar, më kanë telefonuar, më kanë dhënë kurajo dhe fjalë ngushëllimi. E keni bërë dhimbjen më të lehtë për ta përballuar.
    Zjarri i dikujt tjetër nuk do të më ndalë. Përkundrazi – do të rindërtoj më bukur, më fort dhe më me dashuri, sepse Thethi nuk do njerëz që ndajnë, por duar që ndërtojnë bashkë“.

  • Tekniku i Vllaznisë pas ndeshjes: Humbje që dhemb, besoj te përmbysja

    Tekniku i Vllaznisë pas ndeshjes: Humbje që dhemb, besoj te përmbysja

    Tekniku i Vllaznisë pas ndeshjes: Humbje që dhemb, besoj te përmbysjaTekniku i Vllaznisë, Edi Martini dha mendimin e tij pas humbjes 1-0 ndaj Daugavpils në Conference League.
    “Normalisht i mërzitur, kishim rastet tona dhe duhet të shënonim. E zotëruam të gjithë lojë, por pësuam një gol në fundin e lojës që duhet ta evitonim. Kemi ndryshuar 4 lo…

  • “Na dhemb shumë se shënuan me një gjuajtje në portë, e vumë poshtë rivalin”, Martini beson: E kthejmë në Letoni

    “Na dhemb shumë se shënuan me një gjuajtje në portë, e vumë poshtë rivalin”, Martini beson: E kthejmë në Letoni

    Vllaznia shtanget në shtëpi. Shkodranët janë mposhtur me rezultatin minimal 0-1 nga Daugavpilsi. Kuqeblutë patën rastet e tyre gjatë lojës, por pa mundur të gjejnë rrugën e rrjetës. Goli i vetëm i takimit u shënua në minutën e 85 dhe mban autorësinë e Lizunovsit. Pas përfundimit të ndeshjes, Edi Martini ka dhënë përshtypjet e tij të para për mikrofonin e “RTSH”-së.
    “Kishim rastet tona. Duhet ta shënonim ne. E kontrolluam lojën. Patëm rastet tona, por ky ishte futbolli. Të përgatitesh një muaj dhe në fund 4 lojtarë ikin ose dëmtohen… Normalisht që nuk është e lehtë. Një goditje në portë dhe shënuan? Kjo më dhemb më shumë. Rezultati 0-0 do të ishte më mirë se sa 0-1. E vumë kundërshtarin poshtë gjatë gjithë lojës. Por kam besim, është një ndeshje tjetër dhe besoj se mund ta kthejmë atje. Është një kundërshtar i vështirë. Janë shtatlartë dhe rrinë 10 lojtarë pas në 30 metrat e fundit. Është e vështirë t’i çash. Nuk e di a u pa në televizor, por pati edhe moviolë për penallti. Është shumë i rëndësishëm për ne kalimi i këtij turi, si për financat, si për lojtarët”, ka thënë Edi Martini./Sport Ekspres/

  • Më dhemb shumë/ Aktori Xhevdet Jashari: Më mirë thuaj jam serb, se kosovar, s’ka kosovarë, ka vetëm shqiptarë

    Më dhemb shumë/ Aktori Xhevdet Jashari: Më mirë thuaj jam serb, se kosovar, s’ka kosovarë, ka vetëm shqiptarë

    Aktori i njohur shqiptar nga Maqedonia e Veriut, Xhevdet Jashari, i cili u bë i famshëm me rolin e “Arif Hikmetit” në serialin “O sa mirë”, është rikthyer në skenën e aktrimit pas një pauze pesëvjeçare.
    Pas një qëndrimi në Gjermani, Jashari është rikthyer në rajon dhe i është bashkuar kastës së aktorëve në serialin e ri “Bashkallajk”, duke marrë vëmendje edhe për ndryshimin e madh në pamje.
    Megjithatë, përveç rikthimit të tij artistik, Jashari ka tërhequr vëmendje të madhe me deklaratat e forta që ka dhënë në një intervistë për “Tëvë 1”.
    Ai ka shprehur pakënaqësinë e thellë ndaj përdorimit të termit “kosovar”, duke e konsideruar atë si një produkt të propagandës serbe.
    “Kosovar është serbisht. Kosovar janë ata që vetë fjala Kosovë vjen prej serbëve. Vetë fjala Kosovë, vjen prej serbëve. Duhet m’i ardhë shumë rond atij shqiptari që thotë ‘jam kosovar’. Ndarjes që i bëjnë, fatkeqësisht ka shumë, por për mua janë shumë pak. Më dhemb shumë kur dikush thotë kosovar, shumë shumë më dhemb”, – tha Jashari, me tone të ashpra dhe të ngarkuara emocionalisht.

    Ai theksoi se e do shumë Kosovën dhe shqiptarët e Kosovës, por se nuk pranon ndarjen identitare mes shqiptarëve, duke e parë si të rrezikshme dhe të dëmshme për unitetin kombëtar.
    “Ç`ka me thonë unë që jam shqiptar i Maqedonisë, që e du Kosovën, i du shumë shqiptarët e Kosovës. Ç`ka me thënë ai i Preshevës. Ne jemi shqiptar. Nuk jemi serb, nuk jemi maqedonas. Mallkuar koftë ai që bën ndarjen e shqiptarëve, ai që thotë kosovar jena. Jo bre s’jeni kosovar.
    Ma mirë thuj serb jam, se kosovar. S’je bre kosovar, ti je shqiptar. Terminologji që e ka shpik serbi e ti me pranu. Se di qysh e pranojnë qata. Secili njeri e ka të drejtën e vet me e shpreh qysh ndjehet”, tha aktori.
    Gjithashtu, aktori theksoi se çdo njeri ka të drejtë të ndjehet si dëshiron, por se ai vetë e refuzon plotësisht përdorimin e termit “kosovar”, duke e cilësuar si një “terminologji që e ka shpik serbi”.

  • “Disave ju dhemb, e disa kënaqen”, Murrizi ironizon hapjen e kutive: Kjo punë do kujdes se ku duhet mbështetur “dyfeku”

    “Disave ju dhemb, e disa kënaqen”, Murrizi ironizon hapjen e kutive: Kjo punë do kujdes se ku duhet mbështetur “dyfeku”

    I njohur për qëndrimet e tij të drejtpërdrejta, Myslym Murrizi, ish-deputete dhe kandidat më 11 maj, ka ironizuar vendimet e KAS për hapjen e kutive në disa qarqe. Sipas tij, të hapen kutitë të të gjithë vendin dhe të bien rehat të gjithë ata që garuan në listë të hapur, pasi sipas tij, ata që ishin te lista e mbyllur nuk e vrasin mendjen.
    “Po “zhgënjehem” shumë që anëtarët e KAS nuk po vendosin hapjen e të 5200 kutive të votimit në të gjithë Shqipërinë që të bjerë rehat e gjithë politika dhe të gjithë kandidatët e listave të hapura, se ato të listave të mbyllura as jua ndjen fare çfarë bëhet, jo me kutitë por as për partitë e qytetarët.
    Kjo është një “betejë e madhe” që kërkon mbështetje “logjistike, përgatitje për luftë dhe armatim të rëndë”, por do paaaak kujdes se ku duhet mbështetur “dyfeku”, se ka disa që ju dhemb e disa që kënaqen kur jua mbështet dyfekun në vend delikat. Në fund të fundit, kur je i “bashkuar në diversitet”, do ta pranosh kudo që ta mbështesin dyfekun “diversitet””, shkruan ai.

  • “Ka disa që ju dhemb, e disa që kënaqen”, Murrizi ironik për zgjedhjet: Ata të listës së mbyllur as që e vrasin mendjen

    “Ka disa që ju dhemb, e disa që kënaqen”, Murrizi ironik për zgjedhjet: Ata të listës së mbyllur as që e vrasin mendjen

    I njohur për qëndrimet e tij të drejtpërdrejta, Myslym Murrizi, ish-deputete dhe kandidat më 11 maj, ka ironizuar vendimet e KAS për hapjen e kutive në disa qarqe.
    Sipas tij, të hapen kutitë të të gjithë vendin dhe të bien rehat të gjithë ata që garuan në listë të hapur, pasi sipas tij, ata që ishin te lista e mbyllur nuk e vrasin mendjen.
    “Po “zhgënjehem” shumë që anëtarët e KAS nuk po vendosin hapjen e të 5200 kutive të votimit në të gjithë Shqipërinë që të bjerë rehat e gjithë politika dhe të gjithë kandidatët e listave të hapura, se ato të listave të mbyllura as jua ndjen fare çfarë bëhet, jo me kutitë por as për partitë e qytetarët.
    Kjo është një “betejë e madhe” që kërkon mbështetje “logjistike, përgatitje për luftë dhe armatim të rëndë”, por do paaaak kujdes se ku duhet mbështetur “dyfeku”, se ka disa që ju dhemb e disa që kënaqen kur jua mbështet dyfekun në vend delikat.
    Në fund të fundit, kur je i “bashkuar në diversitet”, do ta pranosh kudo që ta mbështesin dyfekun “diversitet””, shkruan ai.

  • “Heqja e flamurit të UÇK-së është prekje e dëshmorëve, na dhemb zemra oj nanë Shqipni”

    “Heqja e flamurit të UÇK-së është prekje e dëshmorëve, na dhemb zemra oj nanë Shqipni”

    Pas heqjes së flamurit të UÇK-së nga stadiumi “Air Albania” gjatë ndeshjes Shqipëri–Serbi, ka reaguar ashpër Organizata e Veteranëve të Luftës së UÇK-së. Sipas saj, kjo ishte një fyerje të rëndë ndaj sakrificës së dëshmorëve dhe historisë së popullit shqiptar.
    OVL e UÇK-së thekson se prekja e flamurit të UÇK-së është njësoj si prekja e gjakut të atyre që dhanë jetën për lirinë. Reagimi i plotë nga OVL e UÇK-së:
    “Na dhemb zemra oj nanë Shqipni. Kur preket flamuri i UÇK-së, preket gjaku i Dëshmorëve tanë. Preket amaneti i tyre, preket liria për të cilën ata ranë.
    Ai flamur është varri i atyre që s’u kthyen kurrë, është kujtimi i atyre që jetojnë përherë në ndërgjegjen tonë. Të na thuhet se nuk ka vend për të në tokë shqiptare, është një therje në shpirt për çdo familje Dëshmori, për çdo luftëtar, për çdo zemër që rreh shqip.
    Nuk kërkojmë asgjë më shumë veçse respekt,për ata që s’kërkuan asgjë, përveç lirisë sonë. Organizata e Veteranëve të Luftës së UÇK-së, jo me mllef, por me zemër të thyer, kërkon ndjeshmëri e kujdes,sepse kjo nuk është politikë, është kujtesë,dhe kujtesa është e shenjtë”.

  • Zola: Kjo Itali më dhemb. Talentet ekzistojnë, por iu ndërpritet karriera 17-18 vjeç

    Zola: Kjo Itali më dhemb. Talentet ekzistojnë, por iu ndërpritet karriera 17-18 vjeç

    I pranishëm në “Festivalin e Serie A”, Gianfranco Zola iu përgjigj disa pyetjeve nga skena, duke filluar me një vlerësim për titullin kampion të Napolit: “Kam qenë me fat shumë vite më parë që fitova titullin me Napolin. Edhe lojtarët aktualë kanë bërë një punë të shkëlqyer, duke ia realizuar qytetit këtë ëndërr.
    Unë kisha përpara Maradonën, ndaj e dija se duhej të mësoja shumë. Pra, kisha përpara më të mirin në botë. Kjo ka bërë diferencën. Në vitin që luajta me të, mësova shumë gjëra. Ai mendonte se ishte më i gjatë se unë, por nuk ishte; u morëm menjëherë me simpatinë e njëri-tjetrit. Ai ishte idhulli im”.
    Mungesa e specialistëve të goditjeve të dënimit: “Sot ka shumë më tepër informacion, portierët e dinë si i godasin kundërshtarët goditjet e dënimit, janë më të përgatitur, edhe barrierat janë më të përgatitura. Kësaj i shtohet edhe mungesa e stërvitjes. Kisha intervistuar Cole Palmer dhe ai më tha se nuk stërvitet fare për goditjet e dënimit. Talenti duhet të shoqërohet me praktikë”.
    Për kombëtaren italiane, në krizë totale, sidomos pas humbjes së mbrëmshme 3-0 ndaj Norvegjisë: “Më dhemb që nuk ka cilësi. Historikisht ne si komb kemi prodhuar gjithmonë cilësi. Rivera, Beccalossi, unë, Mancini, Baggio, Antognoni, Giannini, Totti, Del Piero…
    Është një moment i vështirë. Unë vij nga rruga, kam mësuar vetë. Tani strukturat e organizuara punojnë më shumë për të plotësuar lojtarin sesa për ta formuar në cilësi. Duhet të reflektojmë dhe të angazhohemi. Në Spanjë prodhojnë cilësi, në Belgjikë, Francë, Angli, madje edhe në Norvegji… Ne duhet të kthehemi ta prodhojmë përsëri cilësinë. Futbolli pa cilësi nuk është futbolli ynë.
    Si të veprojmë? Nuk është e vërtetë që nuk ka talente në Itali. Deri në moshën 17-18 vjeç, kombëtaret tona funksionojnë mirë. Problemi është që më pas këta djem nuk arrijnë dot në ekipet e para. Fatkeqësisht, ka shumë interesa; duhet të fitosh kampionatin, të mbijetosh dhe për këtë duhen lojtarë me përvojë. Hapësirat për të rinjtë bëhen gjithnjë e më të vogla.
    Imagjinoni Zola që nga Serie C shkon në Serie A, nuk do të kisha luajtur. Është një gjë që duhet rregulluar. E kuptoj që klubet shpenzojnë shumë para, por duhet të mendojnë edhe për produktin tonë të brendshëm. Nuk është se nuk kemi gjëra që të tjerët i kanë, por ndoshta duhet të ndryshojmë mënyrën se si i menaxhojmë”.

  • Ndarja nga jeta e Piro Milkanit, reagon aktori dhe miku i tij Petrit Malaj: Sot më dhemb zemra

    Ndarja nga jeta e Piro Milkanit, reagon aktori dhe miku i tij Petrit Malaj: Sot më dhemb zemra

    Është ndarë nga jeta mbrëmjen e sotme regjisori i mirënjohur Piro Milkani!
    Pas lajmin të trishtë ka reaguar aktori i njohur Petrit Malaj.
    “I dashur Piro,
    Sot zemra më dhemb më shumë se fjalët që mund të shkruaj. Ti ishe ai që, me një buzëqeshje të qetë dhe një besim të palëkundur, hape derën e kinemasë për mua dhe më le të provoja hapin tim të parë si aktor. Nën dritat e setit, ti përcillje qetësi, mirësi dhe një pasion që ngjyroste çdo kornizë filmi.
    Më mësove se arti nuk është thjesht profesion, por mënyrë e të jetuarit me shpirt të hapur. Me kujdesin që tregoje për çdo detaj, me respektin që u jepje të gjithëve dhe me delikatesën me të cilën drejtoje, bëre që të ndihesha i vlefshëm, i përfshirë, i parë.
    Kam ende në vesh zërin tënd që më thoshte: “Beso, pastaj luaj.” Qyteti ynë i vogël kinematografik mbetet më i varfër pa ty, por kujtimet dhe mësimet e tua do të më shoqërojnë gjithë jetën. Faleminderit që besove tek unë, që më dhe zemrën tënde artistike, që më tregove si të jem njeri para se të jem aktor.
    U prehsh në paqe, miku im dhe udhërrëfyesi im. Për mua do të mbetesh gjithmonë dritë në ekranin e kujtimeve.
    Me përqafim nga shpirti,
    Petriti”, shkruan ai.