Tag: derbin

Adriatik BALLA
Dje u mbyll java e nëntë e Kategorisë Superiore, pra mbyllet një nga katër fazat e garës, ku pati rezultate befasuese si në Vlorë, ashtu dhe në Tiranë. Ndeshja kryesore e kësaj jave ishte ajo mes Dinamos dhe Partizanit. Një duel derbi që u fitua nga “nëndetësja” dinamovite me rezultatin 2-0, duke bërë që blutë të ngjiten në vend të tretë duke qenë fare pranë Vllaznisë dhe Egnatias kryesuese, kurse Partizani vijon të zhytet në vendet e fundit të tabelës së bashku me Tiranën, e cila dje pësoi një disfatë të rëndë 4-1 në kryeqytet ndaj Elbasanit. Padyshim, befasia e madhe e kësaj jave ishte fitorja e Flamurtaritt ë vendit të fundit ndaj Vllaznisë kryesuese, ku vlonjatët gjetën 3-pikëshin e parë të sezonit.
Dinamo “kockë” e fortë”për Partizanin
Derbin e kryeqytetit e vendos në favor të saj “nëndetësja”. Kështu, Dinamo e Ilir Dajës triumfoi me rezultatin 2 me 0 në derbin e kryeqytetit ndaj Partizanit. Autogoli i Atanaskoskit në minutën e 54-t si dhe goli i Nezirit në minutën e 75-të, i dhuruan 3 pikë të arta bluve, në sfidën e zhvilluar në “Elbasan Arena”. Ndërkohë në krahun tjetër, për trajnerin e Partizanit, Oltjon Kërnaja, kjo ishte disfata e parë nën drejtimin e “demave”. Duhet theksuar se partizani ka një start jo të mirë të sezonit aktual, pasi mbrojtja fut ujë dhe sulmi nuk e ka efikasitetin e dëshiruar.
Tirana në pikiatë
Elbasani ka marrë një fitore të madhe dje në transfertë në “Air Albania”, duke u kthyer përsëri mes skuadrave pretendente për kreun e Superiores pas suksesit 4-1 ndaj Tiranës. Bardheblutë e nisën ndeshjen duke qenë më kërkues, por 10 minutat e fundit të pjesës së parë ishin të tmerrshëm teksa pësuan dy gola dhe rrezikuan të pësonin edhe të tjerë. Ishte pikërisht Blaise Tsage që shënoi dy gola për miqtë në minutën e 38-të dhe të 43-të, duke bërë që pjesa e parë të mbyllej 0-2. Në pjesën e dytë Tirana e rihapi ndeshjen, pas golit të shënuar nga Tabeku në minutën e 66-të. Por ky ishte një iluzion i shkurtër, pasi rezultatin e fiksuan miqtë nga Elbasani që shënuan edhe dy gola të tjerë në fund të takimit me Ze Gomes dhe Diallo në minutën e 2-të dhe të 6-të shtesë. Pra 4-1 për Elbasanin që ngjitet bashkë me Dinamon në rennditje, ndërsa Tirana në vend të parafundit në krizë të plotë e të thellë.
Flamurtari regjistron fitoren e parë sezonale
Në Vlorë ndodhi dje surpriza më e madhe e fazës së parë të kampionatit, pasi Flamurtari i Vlorës regjistroi trepikëshin e parë sezonal. Këtë suskes Flamurtari e arriti në javën e nëntë të Superiores dhe mundi ta bëjë këtë pikërisht ndaj kryesuesve të garës, Vllaznisë së Shkodrës. Vlonjatët kanë fituar me shifrat minimale 1-0, pas një ndeshje të luftuar, ku e kërkuan me ngulm golin derisa e gjetën atë me një penallti të pazakontë të realizuar nga ish-i Herald Marku. Më pas ata administruan lojën përballë kuqebluve të cilët u shfaqën më pak kërkues se në ndeshjet e tjera, duke marrë tri pikë të arta për moralin më shumë, pasi nuk ndryshojnë vendin e vlonjatëve në fundin e renditjes dhe as të shkodranëve në kreun e saj. Ata rihapën ndeshjen me Tabeku në pjesën e dytë duke dhënë shenja ringjalljeje. Por kundërsulmet e Elbasanit ishin vdekjeprurëse dhe verdheblutë goditën dy herë të tjera në shtesë për të vulosur suksesin 4-1.