Lajmidites.com

Tag: dënim

  • Vangjush Dako lë spitalin, kthehet në qelinë e burgut të Durrësit për të kryer dhe 6 ditë dënim

    Vangjush Dako lë spitalin, kthehet në qelinë e burgut të Durrësit për të kryer dhe 6 ditë dënim

    Vangjush Dako

    DURRËS- Vangjush Dako, ish-kryetar i Bashkisë Durrës është në gjendje të mirë shëndetësor. Sot, Dako ka lënë ambientet e spitalit dhe është kthyer në qelinë e burgut ku duhet të kryejë edhe 6 ditë dënim.
    Apeli i GJKKO vendosi më 16 shtator se Dako duhet të vuante dënimin me 2 vite e 8 muaj burg. Llogaritja e paraburgimit dhe arrestit të shtëpisë doli në përfundimin se Dako kishte dhe 10 ditë burg për të kaluar, 4 nga të cilat i kaloi në spital, pasi në momentin kur u bë ekzekutimi i masës pati aritmi dhe gjendje ankthi. 
    Vangjush Dako u dënua me shpërdorim detyre në 2 raste, për ndërtimin e një pallati 12 katësh që u shemb nga tërmeti.  Leja e ndërtimit të pallatit u zbardh, tre vjet pasi ndërtimi kishte përfunduar dhe kishin hyrë banorët, duke legalizuar 4 kate pa leje. Rasti i dytë lidhej me abuzimin e një tenderi për ndërtimin e një shëtitoreje me një dëm shkaktuar shtetit në vlerën e 18 milionë lekëve./ZËRI

  • Italia miraton ligjin e ri, dënim me 5 vite kush krijon ‘deepfake’ me Inteligjencë Artificiale

    Italia miraton ligjin e ri, dënim me 5 vite kush krijon ‘deepfake’ me Inteligjencë Artificiale

    Italia është bërë vendi i parë në Bashkimin Evropian që miraton një ligj gjithëpërfshirës për Inteligjencën Artificiale, ligj i cili konsiston në dënim me burg për ata që përdorin teknologjinë për të shkaktuar dëm të tilla si ‘deepfakes’.

    Kryeministria Giorgia Meloni është shprehur se legjislacioni, i cili përputhet me Aktin historik të BE-së për Inteligjencën Artificiale, është një hap vendimtar në mënyrën e përdorimit të Inteligjencës Artificiale.
    Projektligji prezanton dënime me burgim nga një deri në pesë vjet për përhapjen e paligjshme të përmbajtjes së gjeneruar ose të manipuluar nga Inteligjenca Artificiale .
    Ligji parashikon dënime më të ashpra për përdorimin e teknologjisë për të kryer krime, duke përfshirë mashtrimin dhe vjedhjen e identitetit, si dhe rregulla më të rrepta për transparencën dhe mbikëqyrjen njerëzore që rregullojnë mënyrën se si përdoret teknologjia në vendet e punës
    Sipas kryeministres, qëllimi i ndryshimit është të promovohet përdorimi i Inteligjencës Artificiale i përqendruar te njeriu, transparent dhe i sigurt”, duke theksuar “inovacionin, sigurinë kibernetike dhe mbrojtjen e privatësisë”.
    Për më tepër, fëmijët nën moshën 14 vjeç do të kenë nevojë për miratimin e prindërve për të aksesuar inteligjencën artificiale.
     

    Top Channel

  • Prokuroria kërkon dënim me vdekje për vrasësin e Charlie Kirk

  • Vrasja e Charlie Kirk, guvernatori i Utah: Do të kërkojmë dënim me vdekje!

    Vrasja e Charlie Kirk, guvernatori i Utah: Do të kërkojmë dënim me vdekje!

    Guvernatori i Utah, Spencer Cox, ka deklaruar se autoritetet po mbledhin të gjitha provat e nevojshme për të ndjekur penalisht me dënim kapital personin përgjegjës për vrasjen fatale të komentatorit politik, Charlie Kirk.
    Sipas Death Penalty Information Center, dënimi me vdekje aplikohet në 27 shtete amerikane, por ligjet dhe procedurat ndryshojnë nga shteti në shtet. Në Utah, vrasja e rënduar është një nga veprat penale që mund të dënohet me ekzekutim.
    Utah është gjithashtu shteti i parë që rifilloi zbatimin e dënimit me vdekje pas rikthimit të tij në Shtetet e Bashkuara në vitin 1976. Ekzekutimi i parë ndodhi në vitin 1977, kur Gary Gilmore, një i dënuar për vrasje, u ekzekutua me skuadër pushkatimi, një metodë që sot është e autorizuar vetëm në pesë shtete amerikane.

    Që nga ajo kohë, në Utah janë kryer gjithsej gjashtë ekzekutime të tjera, përfshirë edhe atë të Ronnie Lee Gardner në vitin 2010, i cili po ashtu u ekzekutua me pushkatim.
    Ka pasur përpjekje për të shfuqizuar dënimin me vdekje në Utah. Në vitin 2022, dy ligjvënës republikanë që më parë e kishin mbështetur këtë dënim, përfaqësuesi i shtetit V. Lowry Snow dhe senatori Daniel McCay, propozuan një projektligj për ta hequr këtë praktikë.
    Megjithatë, projektligji nuk kaloi, duke dështuar për vetëm një votë.
    Ekzekutimi më i fundit në Utah ndodhi në gusht të vitit 2024, kur Taberon Honie, i dënuar për vrasje dhe përdhunim, u ekzekutua, duke shënuar ekzekutimin e parë në shtet pas 14 vitesh.

  • Gruaja e ish-senatorit amerikan dënohet me 4.5 vjet burg për ryshfet

    Gruaja e ish-senatorit amerikan dënohet me 4.5 vjet burg për ryshfet

    Nadine Menendez u dënua për ryshfet gjatë gjyqit të saj, ku u zbuluan dhurata të pranuara prej saj, që përfshinin para dhe shufra ari, makina luksoze dhe pagesa hipotekare.

    Prokurorët kërkuan një dënim prej të paktën shtatë vjetësh, ndërsa mbrojtja kërkoi një dënim prej një viti, duke përmendur trajtimet e vazhdueshme për kancerin dhe shqetësimet lidhur me kujdesin shëndetësor në burg. Gjykatësi vendosi të japë një dënim “dukshëm më të ulët”, duke caktuar datën e lirimit të Menendez për 10 korrik 2026.
    Vendimi përfshin një dënim prej 4.5 vitesh burgim dhe tre vite lirim me mbikëqyrje, si dhe një gjobë prej 1,400 dollarësh.
    Gjatë seancës dëgjimore, Menendez iu drejtua gjykatës me lot në sy, duke thënë se e konsideronte bashkëshortin e saj, Bob Menendez, një “shpëtimtar” pas një martese abuzive dhe se, ndonëse nuk e kishte imagjinuar kurrë që dikush në pozicionin e tij do ta shtynte të bënte diçka të paligjshme, ajo merr përgjegjësi të plotë për veprimet e saj.
    Gjyqi i saj erdhi pas dënimit të Bob Menendez për rolin e tij në skandalin e ryshfetit, i cili dha dorëheqjen nga Senati. Ai tashmë po vuan një dënim prej 11 vitesh.
    Gjatë një kontrolli nga FBI-ja në shtëpinë e çiftit, u gjetën më shumë se 480,000 dollarë në para të gatshme, lingota ari dhe 70,000 dollarë në kasafortën e Menendez. Mbrojtja e saj deklaroi se familja ishte e shkatërruar nga vendimi, ndërsa Bob Menendez është zotuar të apelojë dënimin e tij.

    Top Channel

  • Ish-kryeministri i Tajlandës dënohet me burg, akuzohet për korrupsion gjatë kohës kur ka ushtruar detyrën

    Ish-kryeministri i Tajlandës dënohet me burg, akuzohet për korrupsion gjatë kohës kur ka ushtruar detyrën

    Gjykata më e lartë e Tajlandës ka vendosur që ish-kryeministri Thaksin Shinawatra duhet të vuajë një vit burg, në një tjetër goditje për dinastinë e fuqishme politike që ai përfaqëson, raporton BBC. 

    Vendimi u mor pasi u konstatua se ai kishte shërbyer një pjesë të një dënimi të mëparshëm me burg në një spital në mënyrë të paligjshme, dhe për rrjedhojë duhet ta vuajë këtë dënim në burg.

    Rasti lidhet me një dënim të mëparshëm për korrupsion gjatë kohës që Thaksin ishte në pushtet.

    Thaksin dhe familja e tij kanë dominuar politikën tajlandeze që nga viti 2001, kur ai u zgjodh për herë të parë kryeministër. Vajza e tij, Paetongtarn, e cila më parë ka shërbyer si lidere e partisë Pheu Thai, u shkarkua nga posti muajin e kaluar pasi Gjykata Kushtetuese e shpalli fajtore për shkelje të standardeve etike. Rasti i saj lidhej me një telefonatë të përgjuar me kryeministrin e Kamboxhias, Hun Sen.

    Pas vendimit të gjykatës, Paetongtarn, e cila shoqëroi babain e saj 76-vjeçar në gjykatë të martën, u shpreh për mediat se ishte “e shqetësuar” për të atin, por shtoi se ai dhe familja ishin me “moral të lartë”. Ajo premtoi gjithashtu të vazhdojë drejtimin e partisë Pheu Thai në opozitë.

    Rasti i fundit ndaj Thaksin lidhet me një dënim për korrupsion gjatë periudhës së tij si kryeministër. Ai u rrëzua nga pushteti në një grusht shteti ushtarak në vitin 2006 dhe më pas kaloi disa vite në mërgim vullnetar, kryesisht në Dubai.

    Kur u rikthye në Tajlandë në vitin 2023, ai u gjykua dhe u shpall fajtor për korrupsion dhe shpërdorim detyre gjatë mandatit të tij. Fillimisht u dënua me tetë vite burg, por pas një kërkese për falje mbretërore, Mbreti i Tajlandës ia uli dënimin në vetëm një vit.

  • 23-vjeçarja dënohet me burgim të përjetshëm në Dubai për një “budallallëk”, nëna nis fushatë për ndihmë ligjore

    23-vjeçarja dënohet me burgim të përjetshëm në Dubai për një “budallallëk”, nëna nis fushatë për ndihmë ligjore

    Mia O’Brien, një 23-vjeçare nga Huyton, Liverpool, është dënuar me burgim të përjetshëm në Dubai për një “gabim shumë të papjekur”, sipas familjes së saj.

    Ajo po mbahet në burgun qendror të qytetit, ndërsa nëna e saj e shpreh dëshpërimin dhe ka nisur një fushatë mbledhjeje fondesh për të mbuluar shpenzimet ligjore dhe udhëtimet për të vizituar vajzën.
    “Mia ka marrë një dënim të përjetshëm dhe tani ndodhet në burgun qendror,” shkroi Danielle McKenna, 46-vjeç, në faqen e GoFundMe që më pas u fshi. “Siç mund ta imagjinoni, si nënë jam absolutisht e shkatërruar. Nuk e kam parë vajzën time që nga tetori i kaluar.”
    McKenna përshkroi të bijën si një vajzë të zakonshme, e cila studionte drejtësinë dhe kishte rënë në shoqërinë e gabuar: “Ajo është vetëm 23 vjeç dhe nuk ka bërë kurrë ndonjë gjë të keqe. Për fat të keq, u përfshi me disa shokë të gabuara dhe bëri një gabim shumë të papjekur, për të cilin tani po paguan çmimin.”
    Nëna e saj shtoi se fondet e mbledhura do të përdoren për shpenzimet ligjore dhe për të vizituar Mia-n. Fushata, me objektiv 1,600 paund, kishte mbledhur pak më pak se 700 paund para se të fshihej.
    Dënimi me burgim të përjetshëm në Emiratet e Bashkuara zakonisht do të thotë 15-25 vjet në burg. Familja nuk ka zbuluar krimin për të cilin Mia është dënuar, por autoritetet lokale zakonisht japin këtë dënim për trafik droge, vrasje, trafikim njerëzish dhe aktivitete terroriste.
    Këshillat e Ministrisë Britanike për Punët e Jashtme (FCDO) paralajmërojnë turistët se “nuk ka tolerancë për shkelje të lidhura me drogë” dhe se edhe sasi të vogla mund të sjellin gjoba të mëdha ose dënim me burg.
    Një zëdhënës i FCDO-së tha për The Sun se autoritetet britanike “po mbështesin familjen e një gruaje britanike të mbajtur në Emiratet e Bashkuara dhe janë në kontakt me autoritetet lokale”.

    Top Channel

  • Prokurorët kundërshtojnë lirimin e Diddy-t dhe paralajmërojnë dënim më të rëndë, ja sa vite burg rrezikon

    Prokurorët kundërshtojnë lirimin e Diddy-t dhe paralajmërojnë dënim më të rëndë, ja sa vite burg rrezikon

    Prokurorët federalë kanë kundërshtuar kërkesën e Sean “Diddy” Combs për t’u liruar nga burgu përpara shpalljes së dënimit, duke paralajmëruar se reperi 55-vjeçar mund të përballet me një dënim më të gjatë se sa ishte parashikuar fillimisht.

    Në një dosje të paraqitur në gjykatën federale të Manhattanit të enjten, më 31 korrik, ata refuzuan kërkesën e ekipit ligjor që Diddy të lirohej me kusht kundrejt një garancie prej 50 milionë dollarësh, përpara dënimit të planifikuar për 3 tetor.
    Fillimisht, pas shpalljes fajtor për dy akuza të lidhura me transportimin e personave për qëllime prostitucioni, prokurorët kishin vlerësuar se ai mund të dënohej me katër deri në pesë vjet burg. Por tani, ata thonë se diapazoni i dënimit “do të jetë dukshëm më i lartë”.
    Reperi u lirua nga akuzat më të rënda për trafikim seksual dhe konspiracion kriminal, që mund t’i sillnin burgim të përjetshëm. Megjithatë, ai u shpall fajtor për organizimin e lëvizjes së punonjëseve të seksit, femra dhe meshkuj, për takime intime që ai vetë i filmoi. Secila nga këto akuza mbart deri në 10 vjet burg.
    Gjykatësi Arun Subramanian ka diskrecion të plotë për caktimin e dënimit dhe nuk është i detyruar të ndjekë udhëzimet federale.
    Ndërkohë, avokatët e Diddy-t argumentojnë se dënimi duhet të variojë mes 21 dhe 27 muajsh burg./ TAR

    Top Channel

  • Diddy drejt lirimit? E papritura: Prokurorët kërkojnë më shumë se 5 vite dënim

    Diddy drejt lirimit? E papritura: Prokurorët kërkojnë më shumë se 5 vite dënim

    Prokurorët kanë kundërshtuar kërkesën e Diddy-t për lirim nga burgu, e cila u paraqit disa ditë më parë nga ekipi i tij ligjor , dhe dënimi i tij pritet në tetor.
    Ata thanë gjithashtu se tani presin që reperi të përballet me një dënim me burg “dukshëm më të gjatë” sesa katër deri në pesë vjet që fillimisht vlerësuan se do të përballej pasi u dënua për dy akuza që lidhen me lëvizjen e grave për qëllime imorale.
    Vlerësimi u bë të enjten në mbrëmje në një dosje me shkrim në gjykatën federale të Manhattanit, ku prokurorët gjithashtu kundërshtuan një kërkesë që Cobbs të lirohej me kusht me një garanci prej 50 milionë dollarësh përpara dënimit të tij të planifikuar për 3 tetor.
    Në fillim të korrikut, reperi 55-vjeçar u lirua nga akuzat për konspiracion kriminal dhe trafikim seksual , vepra penale që mund të kishin rezultuar në burgime të përjetshme, por u shpall fajtor vetëm për akuzat që lidhen me transportimin e personave për qëllime prostitucioni, pasi dyshohet se ai organizoi lëvizjen e punonjëseve të seksit femra dhe meshkuj për takime seksuale që ai vetë i filmoi. Secila prej këtyre akuzave mbart një dënim maksimal deri në 10 vjet burg.
    Pas vendimit, prokurorët kishin thënë se, sipas udhëzimeve federale të hartuara për të parandaluar pabarazi të mëdha në dënime për të njëjtat vepra penale, Cobbs ka të ngjarë të përballet me një dënim me burg prej katër deri në pesë vjet. Por të enjten, më 31 korrik, ata thanë se tani vlerësojnë se diapazoni i udhëzimeve “do të jetë dukshëm më i lartë”.
    Gjykatësi që jep dënimin, Arun Subramanian, ka diskrecion të gjerë në dhënien e dënimit dhe mund të injorojë udhëzimet, të cilat nuk janë të detyrueshme. Avokatët e Cobbs argumentojnë se, nëse llogariten siç duhet, udhëzimet do të parashikonin një dënim me burg prej 21 deri në 27 muaj.

  • Dhunoi për vdekje 80-vjeçarin në Fier, Ilir Nukaj dënohet me 12 vite burgim

    Dhunoi për vdekje 80-vjeçarin në Fier, Ilir Nukaj dënohet me 12 vite burgim

    Gjykata e Fierit ka vendosur sot deklarimin fajtor të të pandehurit Ilir Nukaj, për veprën penale “Plagosje e rëndë me dashje, me pasojë vdekjen”.

    Prokuroria e Fierit kishte kërkuar 12 vite burg, por duke përfituar gjykim të shkurtuar, trupi gjykues vendosi 8 vite dënim për të.
    Burime bëjnë me dije se mbesa e viktimës në shenjë revolte ka thyer xhamin e derës kryesore të gjykatës, kur u dha vendimi, pasi kërkonte më shumë vite dënim për të.

    Ilir Nukaj u arrestua një ditë pas dhunës më 13 tetor 2024.
    Sipas hetimeve 47 vjeçari që njihej edhe me emrin Ledjan, kishte shkuar në dyqanin e të moshuarit dhe i kishte kërkuar birra, por 80-vjeçari ka refuzuar, duke e njohur si person me precedent kriminal.
    Pas refuzimit, Nukaj ka ushtruar dhunë ndaj tij dhe bashkëshortes së të moshuarit.
    Ngjarja që tronditi opinionin publik ndodhi në fshatin Povelçë jashtë ambienteve të dyqanit ushqimor. Ai ka ushtruar dhunë ndaj të moshuarit dhe bashkëshortes së tij, por fatkeqësisht Namik Rustemi pas disa ditëve ndërroi jetë.
    /vizionplus.tv