Lajmidites.com

Tag: dëmtojnë

  • Streset e vogla të përditshme që duken të padëmshme, por lënë pasoja serioze në shëndet

    Streset e vogla të përditshme që duken të padëmshme, por lënë pasoja serioze në shëndet

    Ndoshta shpesh i injorojmë, por streset e vogla të përditshme lënë gjurmë të thella në organizëm.

    Të grumbulluara së bashku, ato krijojnë inflamacion kronik të shkallës së ulët, që lidhet drejtpërdrejt me rrezikun për sëmundje të zemrës, diabet dhe plakje të parakohshme.

    Sipas një raportimi të Živim.hr, nuk janë vetëm ngjarjet e mëdha si humbja e punës, divorci apo sëmundjet që dëmtojnë shëndetin, por edhe faktorët e vazhdueshëm e të “padukshëm” të stresit.

    Cilësia e gjumit – Orari i çrregullt dhe drita blu rrisin shënuesit inflamatorë, madje edhe kur flini mjaftueshëm.

    Udhëtimi për në punë – Trafiku i bllokuar apo transporti publik i mbushur shkaktojnë çlirimin e kortizolit, të cilin trupi e percepton si kërcënim.

    Zhurma e vazhdueshme – Zhurmat e qytetit, zyrave apo edhe shtëpisë nxisin stres mendor dhe dëmtojnë funksionin vaskular.

    Barra mendore – Kujtesa për takime, orare dhe lista të pafundme detyrash prish ciklin natyral të hormoneve të stresit.

    Koha e tepërt para ekranit – Drita blu, fushat elektromagnetike dhe mbingarkesa dixhitale sjellin zgjuarje kronike mendore.

    Ekspertët paralajmërojnë se këta faktorë të përditshëm, edhe pse shpesh i shpërfillim, ndikojnë në mënyrë të padukshme por të rrezikshme në shëndetin tonë afatgjatë.
     

  • Studimi alarmues: Goditjet me kokë në futboll dëmtojnë trurin

    Studimi alarmues: Goditjet me kokë në futboll dëmtojnë trurin

    Sporti më i popullor në botë po përballet me shqetësime serioze shëndetësore. Një studim i gjerë, i botuar në JAMA Network Open, ka zbuluar se goditjet e përsëritura me kokë të topit të futbollit mund të shkaktojnë ndryshime në tru dhe të dëmtojnë funksionin njohës, madje edhe tek lojtarët amatorë që nuk kanë raportuar kurrë tronditje.

    Në një grup prej 352 lojtarësh amatorë, ata që kishin pasur mbi një mijë goditje me kokë brenda vitit treguan ndryshime mikroskopike në palosjet e jashtme të trurit, veçanërisht në zonën frontale, pavarësisht moshës apo gjinisë. Këta lojtarë gjithashtu kishin rezultate më të dobëta në testet e kujtesës dhe të të nxënit.

    “Për herë të parë shohim prova të qarta se ekspozimi i përsëritur ndaj goditjeve të kokës shkakton dëmtime specifike në tru që lidhen drejtpërdrejt me rënie të funksioneve njohëse”, shpjegon Michael Lipton, neuroshkencëtar në Universitetin e Kolumbias, i cili ka udhëhequr studimin.

    Ekipi i tij përdori një teknikë të re imazherie për të analizuar ndërfaqen e lëndës gri-të bardhë (GWI) – një zonë delikate e trurit që shpesh nuk identifikohet në skanerat klasikë MRI. Rezultatet treguan se kufiri midis këtyre indeve ishte më i paqartë tek ata që kishin përjetuar më shumë goditje, duke sugjeruar dëmtime të grumbulluara me kohën.

    Studiuesit paralajmërojnë se këto ndryshime mund të lidhen me çrregullime serioze si encefalopatia traumatike kronike (CTE), një gjendje e hasur shpesh tek sportistët profesionistë të sporteve me kontakt.

    Ekspertët kërkojnë më shumë hulumtime, por nënvizojnë se edhe goditjet e lehta e të shpeshta në futboll nuk janë aq të padëmshme sa besohej deri tani.

  • “Protestat e dobëta, dëmtojnë imazhin e opozitës”/ Reagon analisti: ‘McGonigal’ do ta çonte Ramën në opozitë, nëse…

    “Protestat e dobëta, dëmtojnë imazhin e opozitës”/ Reagon analisti: ‘McGonigal’ do ta çonte Ramën në opozitë, nëse…

    Analisti Ergys Mërtiri, në një lidhje të drejtëpërdrejtë, ka komentuar ngjarjet e fundit politike në vend. Lidhur me vendimet e marra sot në Kryesisë e PD, Mërtiri u shpreh se gjithçka po bëhet për të fshehur krizën e vërtetë ku ndodhet PD.
    “PD në krizë të thellë, më shumë se luftë për zgjedhjet është luftë për të fshehur krizën dhe për të mbuluar zërat kritikë.
    Berisha duhet të ishte larguar moralisht dhe politikisht. Premtoi vetëm dhe caktoi në Statut që kush humbet zgjedhjet duhet të largohet. Kur kjo është sanksionuar në Statut nuk parashikohej se kjo humbte fuqinë në rast se zgjedhjet humbeshin apo vidheshin”, tha ai.
    Analisti shtoi se PD është kthyer në një parti totalitare ku askush nuk del kundër liderit, mbështetur kjo nga fakti që në analizën që pritet të mbahen për zgjedhjet e 11 majit, ‘nuk preket” kreu i PD Berisha.
    “Premtojnë analizë por analiza nuk prek drejtuesin, kjo tregon se kjo është një parti totalitare ku askush nuk ngre zërin. Në forumet e tyre nuk ka asnjë zë që thotë Berisha ka faj”, tha ai.
    Lidhur me protestat e paralajmëruara, analisti u shpreh se në të vërtetë dëmtojnë opozitën, dhe nuk e rëndojnë aspak pozitën e mazhorancës.
    “Në 4 vite pamë rrugën qorre ku hyri opozita. Protestat e dobëta dhe mosbindjet civile vetëm dëmtojnë imazhin e opozitës. Edhe tani që do të përsërisin atë që kanë bërë, e bëjnë sepse janë në krizë të brendshme dhe kanë nevojë t’i mbijetojnë asaj”, u shpreh Mërtiri.
    Ai u ndal edhe në çështjen McGonigal, ku tha se në kushte të tjera, ku në krye të opozitës nuk do të ishte Berisha si persona që sipas tij është i pa dëshiruar nga ndërkombëtarët, do të kishte çuar në një rezultat të ndryshëm në zgjedhje.

  • Katër fajtorët befasues që shkaktojnë rrudha: Shmangni këto gabime!

    Katër fajtorët befasues që shkaktojnë rrudha: Shmangni këto gabime!

    Fajtorët që s’i shihni.

    Përderisa lëkura juaj është duke u plakur vazhdimisht, sasitë e tepërta të sheqerit mund t’jua shpejtojnë edhe më shumë këtë proces.

    Ka disa gjëra në jetën tuaj ditore të cilat e shpejtojnë procesin e plakjes, dhe shpeshherë nuk vërehen menjëherë.

    Prandaj ekspertët kanë treguar se cilët janë shkaktarët kryesorë të rrudhave.

    Sheqeri

    A ju pëlqejnë gjërat e ëmbla? Epo, e vërteta e hidhur është se kur konsumoni shumë sheqer, lëkura futet në një proces të quajtur glication.

    Kjo e shkakton trupin të ndalojë të prodhojë proteina si kolagjeni dhe elastini, ku që të dyja e bëjnë lëkurën të duket e re dhe e bukur.

    Veç kësaj, sheqeri është agjent dehidratues, që nënkupton se vetëm e dobëson më shumë shëndetin e lëkurës, transmeton Telegrafi.

    Ndotja

    Nëse jetoni në një zonë me ajër të ndotur apo jeni duhanpirëse, shanset janë se lëkura juaj vuan nga stresi oksidativ që shkaktohet nga mos balancimi i rrezatimeve të lira – molekula që i dëmtojnë qelizat.

    Stresi oksidativ gjithashtu i zvogëlon rreziqet e kolagjenit dhe elastinit në indet e lëkurës.

    Rrezet ultravjollcë

    Shpeshherë mendohet se gjendja e lëkurës kryesisht ka të bëjë me gjenet, por gjenet e mira nuk nënkuptojnë se ju nuk mund ta dëmtoni ADN-në dhe ta shpejtoni procesin e plakjes.

    Dëmi gjenetik, apo mutacioni i ADN-së, kryesisht shkaktohet nga inflamacioni dhe dëmet e rrezeve ultravjollcë.

    Përgjatë kohës, rrezet ultravjollcë të diellit i dëmtojnë fibrat e elastinit në lëkurë , e që pastaj e dëmtojnë shëndetin e lëkurës.

    Kujdesi ndaj lëkurës

    A jeni duke i përdorur produktet e gabuara?

    Lëkura nga natyra është acidike, prandaj produktet e gabuara mund ta dëmtojnë atë më shumë.

     

  • Sa shpesh duhet ta karikoni telefonin? Gabimet që po dëmtojnë baterinë pa e kuptuar

    Sa shpesh duhet ta karikoni telefonin? Gabimet që po dëmtojnë baterinë pa e kuptuar

    Në një kohë kur telefoni është bërë pjesë e pandashme e jetës sonë, shumë prej nesh vazhdojnë të bëjnë gabime të vogla që në afat të gjatë dëmtojnë baterinë.
    Ekspertët rekomandojnë që karikimi i telefonit të mos bëhet gjithmonë nga 0% në 100%, por të mbahet midis 20%-80% për jetëgjatësi më të madhe të baterisë.
    Gabimet më të shpeshta që dëmtojnë baterinë:
    •Mbajtja e telefonit të lidhur gjatë gjithë natës
    •Përdorimi i karikuesve jo origjinalë
    •Ekspozimi në temperatura të larta gjatë karikimit
    •Mbajtja e mbulesave të trasha që nxehin pajisjen
    Një tjetër mit që po bie është ideja se telefoni duhet “shkarkuar plotësisht herë pas here” – kjo ishte e vërtetë për bateritë e vjetra, por jo për litium-jonët e sotëm.
    A duhet ta karikosh telefonin gjatë natës?Nëse telefoni juaj është i mençur (dhe shumica janë), ai ndalon së karikuari sapo të arrijë 100%. Por, qëndrimi i zgjatur në këtë nivel, çdo natë, për muaj me radhë, mund të ndikojë te jetëgjatësia afatgjatë e baterisë.

  • Sa e dëmtojnë PD-në partitë e Shehajt, Alibeajt dhe Bashës? Tabaku: Ata kanë ambicie vetëm për kryetar

    Sa e dëmtojnë PD-në partitë e Shehajt, Alibeajt dhe Bashës? Tabaku: Ata kanë ambicie vetëm për kryetar

    Kandidatja e PD në listën e hapur në Qarkun e Tiranës, Jorida Tabaku, e ftuar në Vizion Plus, ka folur për situatën zgjedhore, dhe forcat politike të dala nga PD.
    E pyetur se sa e dëmtojnë PD-në eksponentët e saj të larguar tashmë dhe që kanë krijuar parti të reja si Lulzim Basha, Agron Shehaj dhe Enkelejd Alibeaj, Tabaku tha se të gjithë këta paskan patur vetëm një ambicie të bëhen kryetarë, por oferta e vetme për qytetarët është PD.

    Pjesë nga biseda:
    Borakaj: Plus apo minus një listë me kaq shumë aleatë?
    Tabaku: Në 2021 bëmë gabim në ndarjen me LSI, Jemi në betejë dhe do të maksimizojmë votën.
    Borakaj: Forcat e reja, një pjesë të dala nga PD mendoni se do ju gërryejnë?
    Tabaku: Është në të drejtën e tyre të kenë ambicie personale. Në këtë PD të gjithë paskan patur ambicie të jenë kryetarë. Për shqiptarët ka vetëm një ofertë është vetëm PD. Edhe po nuk u pëlqeu Jorida le të voptojnë Ildën. Vota patjetër duhet të jetë për PD dhe kandidatët e saj. Çdo votë tjetër jashtë kësaj, thjeshtë zvogëlon kuotën opozitare dhe ndihmon qeverisjen.