Kreu i grupit parlamentar demokrat, Gazment Bardhi, ka ndarë në rrjetin social facebook një mesazh nga takimet me përfaqësues republikanë dhe demokratë në Capitol Hill, në Washington.
“Është gjithmonë kënaqësi të jesh në Kongresin Amerikan, ku kisha mundësi të diskutoja me përfaqësues republikan dhe demokrat.
SHBA mbetet lider botëror në garantimin e paqes, sigurisë dhe demokracisë në botë. Shqipëria është krenare që ka një aleat të çmuar si SHBA”, shkruan Bardhi.
Kulti i Sali Berishës po duket se po humbet terren edhe mes mbështetësve më të zellshëm të tij. Së fundmi, Ilir Vrenozi, një nga figurat më të njohura të rrjeteve sociale në kampin demokrat, korçari i pagëzuar nga vetë Berisha si “STARI” i ASHM gjatë fushatës së 11 majit, ka bërë një thirrje të drejtpërdrejtë për reflektim.
Vrenozi u kërkon demokratëve të kuptojnë se identiteti i së djathtës nuk lidhet me adhurimin e një individi, duke theksuar se “të jesh i djathtë nuk do të thotë të duash Berishën”. Mesazhi i tij shënon një distancim domethënës nga lideri historik i PD-së dhe një thirrje për t’u rikthyer tek vlerat, jo tek personifikimet politike.
Kryedemokrati Sali Berisha i është përgjigjur ish deputetit të PD, Ervin Salaianji, lidhur me deklaratat e këtij të fundit nga Durrësi.
Berisha e cilësoi një mashtrim të madh nga ana e Salianjit, që zëri i militantit demokrat nuk dëgjohet.
‘Të vazhdojë me agjendën personale’, ritheksoi edhe njëherë Berisha në kundërpërgjigjen ndaj ish deputetit të PD.
“Është një anëtar kryesie që në asnjë mbledhje kryesie nuk ka shtruar asnjë nga këto probleme. Do të ketë një agjendë personale. Sa ishte salla, atë e di unë. I falënderoj grupet e punës që nuk u mashtruan nga një takim me agjendë private.
Të deklarosh se militanti demokrat nuk dëgjohet nuk ka mashtrim më të madh. Para jush, militanti demokrat ka votuar sa kurrë në ekzistencën e tij. Të ndjekësh një agjendë personale është një zgjedhje që unë nuk kam kundërshti. Ai po ndjek një agjendë personale dhe kaq. I përgëzoj demokratët e Durrësit që e braktisën. Ata ishin një grup të pakënaqurish sepse nuk u futën në listat për deputetë. Kishte të tjerë që punuan për PS-në dhe kanë frikë për analizën që u bë.
Prandaj duhet analiza në parti, sepse ata që i kanë tradhtuar militantët, sigurisht që do japin hesapin para strukturave. Ata që morën pushimet turistike në fushatë. Do ketë një llogaridhënie të plotë nga të gjithë strukturat,” tha Berisha.
Nga qyteti i Durrësit, ish-deputeti demokrat u shpreh se demokratët kërkojnë reagim dhe përgjigje për situatën aktuale në të cilën ndodhet sot forca më e madhe e opozitës në vend.
Salianji tha se PD nuk po ndiqet as nga demokratët dhe as nga qytetarët, gjë që e tregoi dhe superskandali me zv/kryeministren Belinda Balluku e cila është marrë e pandehur nga SPAK për shkelje të barazisë në tenderin e tunelit të Llogarasë.
Sipas ish-deputetit demokrat, në çdo vend të Evropës, në Rumani e Bullgari kjo do të shkaktonte revoltë popullore ndërsa në Shqipëri nuk ndodhi.
“Ne nuk i mbyllim as sytë e veshët si një superskandal si kapja në korrupsion për 50 mln euro sic ishte rasti i zv/kryeministres Belinda Balluku nuk bëri që njerëzit të shpërthenin në revoltë të bënte të vërshonin njerëzit në rrugë.
Ministra, kryebashkiakë dhe zyrtarë përballen çdo ditë me drejtësinë, por nuk i lëshojnë postet. Por PD përsëri nuk po rritet. A duhet që ne të hyjmë në revoltë dhe pse nuk po na ndjekin në revoltë? Personalisht e ndjej plagën e çdo demokrati”, tha Salianji.
Po ashtu, ish-deputeti demokrat përmendi dhe zgjedhjet e pjesshme lokale, që sipas tij, ishin sinjal i fortë se PD ishte e paaftë të bindte elektoratin të dilte në zgjedhje.
“Edi Rama arriti të nxirrte 15 mijë votues në Vlorë ne nuk nxorrëm as 2 mijë. E njëjta gjë në Berat, Cërrik e Tepelenë. Më bëri të reflektoj se duhet ti dëgjojmë demokratët pse nuk i motivojmë të dalin të votojnë”, tha Salianji.
Ervin Salianji: Sot pritshmëritë e shqiptarëve janë të mëdha, do të na urrejë cdo demokrat nëse nuk i përgjigjemi shqetësimit të tyre në kohë.
Është e vërtetë si drita e diellit që Edi Rama dhe PS nuk zhvillojnë zgjedhje të lira. I kanë rrethuar votuesit, kanë patronazhim kapilar të cdo qendre dhe njohin emër për emër duke gjurmuar votuesit deri në kutinë e votimit. E ka bërë politikën të papërgjegjshme.
Zgjedhjet janë si shtrëngim për vendin e punës dhe përdorimin e krimit të organizuar. Por ta themi hapur një tjetër shkak është paaftësia e opozitës si forca më e madhe në vend për të qenë bindëse. Zgjedhjet e pjesshme lokale janë një sinjal i fortë që duhet ta lexojë secili prej nesh. Edi Rama arriti të nxirrte 15 mijë votues në Vlorë ne nuk nxorrëm as 2 mijë. E njëjta gjë në Berat, Cërrik e Tepelenë. Më bëri të reflektoj se duhet ti dëgjojmë demokratët pse nuk I motivojmë të dalin të votojnë. Ne nuk i mbyllim as sytë e veshët si një superskandal si kapja në korrupsion për 50 mln euro sic ishte rasti i zv/kryeministres Belinda Balluku nuk bëri që njerëzit të shpërthenin në revoltë të bënte të vërshonin njerëzit në rrugë.
Ministra, kryebashkiakë dhe zyrtarë përballen çdo ditë me drejtësinë, por nuk i lëshojnë postet. Por PD përsëri nuk po rritet. A duhet që ne të hyjmë në revoltë dhe pse nuk po na ndjekin në revoltë? Personalisht e ndjej plagën e çdo demokrati.
Na kanë gërryer shpirtin, e di zhgënjimin, harresën dhe i di problemet nga listat e mbyllura. Kam reaguar dhe nga burgu. I di një pjesë të aleatëve pa peshë. Largimin nga realiteti i njerëzve. Mungesën e shpresës, mosdhënien e llogarisë dhe mosmbajtjen e asnjë përgjegjësie 7 muaj pas zgjedhjeve. E ndiej dhimbjen e militantëve, që lufton por nuk dëgjohet.
Berishës i është kërkuar në forma të ndryshme të rinovojë apo rifreskojë strukturat drejtuese të PD-së, ndërsa ka një përplasje sa në rrjetet sociale aq edhe në media ndaj klaneve apo grupimeve që duket se janë kristalizuar në këtë parti dhe që synojnë të fitojnë terren…
Kreu demokrat Sali Berisha nis këtë javë turin e “Foltoreve”, duke përsëritur në këtë mënyrë atë që bëri 4 vite më parë, kur zbarko në bazën e militantëve dhe mbështetësve të PD-së, për të marrë drejtimin e partisë.
Por në dallim me turin e parë, në këtë “Foltore2”, Berisha duket se do të synojë të qetësojë militantët, që po shfaqin revoltat e tyre pas humbjes në zgjedhjet e 11 majit, ndaj lidershipit të PD-së.
Sinjalin e revoltës ia dha një zonjë nga Paskuqani, që nuk nguroi t’i kundërvihej Flamur Nokës, Sekretarit të Përgjithshëm në PD dhe një prej më të besuarve të Sali Berishës.
Po kështu një tjetër sinjal është apatia e treguar në pjesëmarrjen e demokratëve në ato që konsiderohen si ‘Parlamenti qytetar’, një formë proteste poshtë zyrës së Edi Ramës në bulevardin “Dëshmorët e Kombit”.
Por komentet dhe reagimet në rrjetet sociale janë një tjetër sinjal që duket se kreu demokrat ka marrë nga baza e PD-së, e zhgënjyer jo thjesht nga rezultati i 11 majit, por edhe mënyra se si lidershipi i forcës më të madhe opozitare, po menaxhon situatën pas humbjes.
Po kështu ka pasur kritika dhe akuza të forta për pazare, kur deputetët hynë në Kuvend, morën mandatet, ndonëse për javë e javë me rradhë deklarohej nga selia e PD se rezultati i farsës zgjedhore nuk do të njihej.
Berishës i është kërkuar në forma të ndryshme të rinovojë apo rifreskojë strukturat drejtuese të PD-së, ndërsa ka një përplasje sa në rrjetet sociale aq edhe në media ndaj klaneve apo grupimeve që duket se janë kristalizuar në këtë parti dhe që synojnë të fitojnë terren.
Por edhe vetë Berisha e ka pohuar se duhet një reformim, një afrim i figurave dhe emrave të rinj, por pa dhënë shpjegime se si mund të arrihet kjo, kur nuk shfaqet asnjë shenjë për spostimin e atyre që ka në krah. Kreu demokrat një ditë më parë i dha fund çdo hipoteze se ai mund të tërhiqej, mund të largohej nga drejtimi i PD-së, për të çelur rrugën e një gare, ndërsa tha se është me mision.
Dhe duket se kjo do të jetë teza që Berisha do të mbajë në ‘Foltoren2’. Ai do e paraqesë veten si një misionar që do të synojë përmbushjen e qëllimit: largimin e Edi Ramës dhe krijimin e kushteve për zgjedhje të parakohshme, dhe rikthimin e PD-së në pushtet.
Dhe po kështu Berisha do të përsërisë apelin drejtuar degëve të PD-së për afrimin e figurave të reja, për analiza, nxjerrje dhe mbajtje përgjegjësish, teza që pothuajse i thotë çdo ditë, por duket se nuk po ngjisin.
Berisha e ka të qartë se militantët i ka në krah, një minorancë ndoshta e papërfillshme mund të shprehë idenë që edhe ai duhet të largohet, por kur vjen puna te emrat e tjerë në kupolën drejtuese të PD-së, kritikat dhe pakënaqësitë janë të pafundme.
Ndaj dhe ajo që nuk dihet dhe mbetet për t’u parë është nëse kreu demokrat do të mundë të qetësojë militantët e tij për ata që i konsideron si ‘bashkëpunëtorët më të ngushtë’.
Deputeti demokrat, Oerd Bylykbashi është paraqitur mëngjesin e kësaj të marte në Prokurorinë e Posaçme, SPAK.
Nuk dihet ende arsyeja e thirrjes së tij në Prokurorinë e Posaçme.
Kjo është hera e dytë që Bylykbashi shkon në SPAK.
Bylykbashi është paraqitur herën e parë në SPAK për të kallëzuar për aplikacionin Aktivisti. Bylykbashi u shpreh se kallëzimi është kryer për të gjithë zyrtarët e lartë, duke nisur nga vetë kryeministri. Ai kërkon nga SPAK që të veprojë pasi ky aplikacion ka të bëjë me kontrollin e zgjedhëse.
“Duhet të vihen para drejtësisë ata që po pengojnë të drejtat e zgjedhësve. Nuk mund të tërhiqet zvarrë një çështje e tillë. Një kontroll sistematik me një plan kriminal. Ne kërkojmë që nëpërmjet veprimit të SPAK të ndalet dh të vihet përpara përgjegjësisë të gjithë këta individë që po dhunojnë sot të drejtat e qytetarëve shqiptarë. Mjafton të lexoni raportin e ODIHR-it, duhet të ndalet menjëherë. Ne kemi dorëzuar provat që kemi në dispozicion, pjesa tjetër sete barra e prokurorisë. Punonjësit e administratës janë nën presion, shkelje flagrante për të drejtat e zgjedhësve. Kjo është detyra e SPAK, për t’i vënë para drejtësisë. Do ta depozitojmë me postë që mos ketë më alibi.”- tha në atë kohë Bylykbashi.
Është paraqitur mëngjesin e kësaj të marte, 18 nëntor, në ambientet e Prokurorisë së Posaçme AntiKorrupsion, deputeti i Partisë Demokratike, Oerd Bylykbashi.
Kjo është hera e dytë që Bylykbashi shkon në SPAK.
Ende nuk dihen më shumë detaje se pse ai është thirrur në këtë institucion apo nëse bëhet fjalë për ndonjë kallëzim që deputeti mund të ketë bërë.
Albert Malaj, kryebashkiaku demokrat i Memaliajt, ndër më të aftët kryebashkiakë në Shqipëri, ka përcjellë trishtimin e tij për mbylljen e Burgut të Bençës nga qeveria.
Ai rendit pasojat ekonomike dhe sociale që do të ketë e gjithë zona nga ky akt, ku vërtet ngjan i pajustifikuar dhe i palogjikë kalimi i tij në Vlorë.
“Banorët e Bashkisë Memaliaj dhe Tepelenë, çdo ditë po e gjejnë veten më larg shërbimeve dhe institucioneve të domosdoshme.
Pas mbylljes së Hipotekës disa muaj më parë, sot vjen një tjetër goditje për zonën tonë: mbyllja e Institucionit të Ekzekutimit të Vendimeve Penale në Bënçë.
Një vendim i paargumentuar, i pashoqëruar me analiza sociale dhe ekonomike, dhe që rëndon akoma më shumë në një komunitet që ka vite që vuan mungesën e shërbimeve shtetërore.
Pasojat janë të rënda dhe të menjëhershme:
Rreth 100 punonjës policie dhe staf civil mbeten të papunë, duke thelluar braktisjen e zonës.
Familjarët e të dënuarve do të detyrohen të udhëtojnë larg, me kosto dhe vështirësi të shtuara.
Institucioni duhej të ishte restauruar dhe modernizuar, duke ruajtur vendet e punës, jo të mbyllej. Infrastruktura e tij mund të përmirësohej lehtësisht dhe me kosto të arsyeshme.
Mbyllja e një institucioni sjell një zinxhir pasoja:
– largohen punonjësit
– largohen familjet
– bien fëmijet nga shkolla e kopshte
– ️ bie konsumi në biznes
-️ rritet shpopullimi
Për çfarë duhet një burg në Vlorë, kur Vlora ka porte, aeroport, turizëm e qindra mundësi të tjera zhvillimi?
Këto janë lëvizje të pa studiuara dhe të shkëputura nga realiteti i zonave tona.
Si ish-titullar në Paraburgimin 302 Tiranë dhe Fushë-Krujë, si dhe ish-drejtor i këtij institucioni për një periudhë të shkurtër, shpreh indinjatën time për mënyrën se si po trajtohet kjo çështje, pa marrë parasysh pasojat sociale, njerëzore dhe ekonomike.
Politikat publike duhet të mbështesin komunitetet, jo t’i zbrazin ato.
Tepelena dhe gjithë zona jonë meritojnë institucione funksionale, vende pune dhe vëmendje — jo mbyllje dhe braktisje.
Institucionet duhet të rikthehen në qytete dhe në qarqe.
Ky është detyrim ndaj qytetarëve, jo një opsion”.
Kujtojmë se shumë nga bashkitë e nivelit të dytë e të tretë janë rrënuar pikërisht nga heqja e shumë institucioneve prej aty, duke i zhveshur edhe më shumë nga arsyeja e ekzistencës. /tesheshi.com/
Deputeti demokrat Luçiano Boçi është tallur paq me “barazinë gjinore”, ligjin tejet të diskutuar që sapo është miratuar nga mazhoranca, si dhe me ata që e votuan atë.
Teksa nisi të drejtonte Komisionin e Edukimit, ai prezantoi të ftuarit, mes tyre dhe Delina Ibrahimajn e cila do të raportonte në lidhje me Arsimin Profesional, por deputeti demokrat nuk zgjodhi t’i drejtohej vetëm me emër dhe mbiemër pa “zonjë” para.
Sipas tij, duke mos përcaktuar asnjë term të tillë, shmang të gjitha akuzat ndaj vetes.
“Mirë se erdhët, përfaqësuesit e Ministrisë së Ekonomisë dhe Inovacionit për Arsimin Profesional. Në këtë dëgjesë të Komisionit për Edukimin, Shkencën dhe Sportet janë Delina Ibrahimaj, Ministria e Ekonomisë dhe Inovacionit, Olta Manjani, Albin Gega, Klevis Hysa, Alma Veterniku, Violeta Cara.
Një sqarim të vogël: nëse e vutë re, nuk kam asnjë qëllim negativ. Nuk iu drejtova me cilësimin ‘zonja’ apo ‘zoti’ sepse jemi në një realitet të ri pas miratimit nga ana juaj të ligjit për barazinë gjinore.
Sipas ligjit tuaj, përcaktimet me ‘zoti’ apo ‘zonja’, janë terma me ndjeshmëri të lartë gjinore dhe nuk dua të marr ndonjë akuzë se sipas ligjit barra e provës është dhe tek unë.
Kjo është e vërteta e ndikimit të një ligji që ne e kemi kundërshtuar, që nuk është sqaruar në opinionin publik që ka impakte në edukim, shkencë, universitete, shoqëri, ka ndikime financiare në buxhetin e shtetit. Kjo është e vërteta”, arsyetoi Boçi. /tesheshi.com/
Pavarësisht fushatës së fortë kundër tij dhe thirrjeve të përsëritura të Presidentit Donald Trump drejtuar votuesve që të mos e mbështesin, Zohran Mamdani ka arritur një fitore historike në zgjedhjet për kryebashkiakun e Nju Jorkut.
Në fjalimin e tij të fitores, Mamdani deklaroi se: “Nju Jorku është ndërtuar nga emigrantët dhe do të mbetet i tillë — tani i drejtuar nga një emigrant”.
I përshkruar si demokrat socialist, Mamdani është përballur për muaj me radhë me sulme nga Trump, i cili e ka quajtur “komunist” dhe ka mbështetur kundërshtarin e tij, ish-guvernatorin Andrew Cuomo.
Gjatë fjalimit në Brooklyn, Mamdani u shpreh: “Nëse ka një qytet që mund t’i tregojë një kombi të tradhtuar nga Donald Trump se si ta mposhtë atë, është qyteti që e solli atë në jetë.”
Me këtë fitore, Zohran Mamdani bëhet kryebashkiaku i parë emigrant në historinë e Nju Jorkut, duke shënuar një moment të rëndësishëm për politikën amerikane.
Top Channel