Shumica e amerikanëve po përgatiten për çmime më të larta në një gamë të gjerë mallrash të konsumit pas njoftimit të presidentit Donald Trump për të vendosur tarifa të reja gjithëpërfshirëse ndaj importeve nga pjesa më e madhe e botës, thuhet në një sondazh të Ipsos, shkruan agjencia e lajmeve “Reuters”.
Sondazhi treditor, zbuloi se 73% e të anketuarve mendonin se çmimet në gjashtë muajt e ardhshëm do të rriteshin për artikujt që blejnë çdo ditë – pasi tarifat e reja të hynin në fuqi pothuajse ndaj të gjitha importeve.
Vetëm 4% e të anketuarve mendonin se çmimet do të binin dhe pjesa tjetër nuk priste asnjë ndryshim ose nuk i ishin përgjigjur pyetjes. Njoftimi i Trump javën e kaluar për rritjen më të madhe të tarifave të SHBA-së ndër dekada tronditi “Wall Street” pasi shumë ekonomistë parashikuan se ato do të shkaktonin rritjen e çmimeve dhe një recesion në SHBA dhe në pjesën tjetër të botës.
Rreth 57% e të anketuarve në sondazh – duke përfshirë një të katërtën e të anketuarve nga Partia Republikane e Trump – kundërshtuan tarifat e reja, të cilat përfshijnë tarifa prej të paktën 10% për importet nga pothuajse çdo vend.
Rreth 39% e të anketuarve mbështetën tarifat e reja dhe 52% thanë se ishin dakord me argumentin e administratës Trump, se vendet e tjera kishin përfituar nga SHBA-ja kur bëhej fjalë për tregtinë ndërkombëtare.
Trump, shpesh e ka përmendur këtë pikëpamje, si një arsye për të vendosur barriera të reja tregtare – duke thënë se ato do të nxisin një bum në prodhimin e SHBA-së.
Ndërsa 44% e të anketuarve thanë se nuk ishin dakord me këtë pikëpamje. Amerikanët janë ndarë kryesisht sipas linjave partiake – lidhur me vendimin për tarifa më të larta ndaj importeve.
Gjysma e të anketuarve , duke përfshirë pothuajse të gjithë republikanët thanë se ishin dakord me deklaratën se çdo “dhimbje” ekonomike afatshkurtër ia vlente për ta bërë SHBA-në më të fortë në terma afatgjatë”.
Gjysma tjetër duke përfshirë pothuajse të gjithë demokratët nuk ishin dakord. Sondazhi, i cili u krye në internet dhe në mbarë vendin anketoi 1027 të rritur amerikanë.
Tag: dakord
-
Vendosja e tarifave nga Donald Trump/ Sondazhet: 73% e amerikanëve presin rritje të çmimeve
-
Qeveria gjermane drejt formimit, partitë gjejnë koalicionin me njëra-tjetrin, ja për çfarë ranë dakord palët
Liderët e partive konservatore dhe socialiste gjermane thuhet se kanë rënë dakord për një marrëveshje koalicioni për të formuar qeverinë e ardhshme, raportojnë mediat gjermane.
Agjencia gjermane e shtypit DPA tha se liderët e dy partive do të marrin pjesë në një konferencë të përbashkët shtypi në orën 15:00 për të paraqitur rezultatin e bisedimeve të tyre.
Por marrëveshja do të duhet ende të miratohet me një votim të 357,000 anëtarëve të SPD-së, gjë që pritet të zgjasë të paktën dhjetë ditë, që do të thotë se kreu i CDU Friedrich Merz nuk ka gjasa të konfirmohet zyrtarisht si kancelari i ardhshëm gjerman përpara majit.
Spekulimet e medias sugjerojnë se CDU/CSU do të marrë ministritë e brendshme dhe të jashtme, duke marrë përsipër detyrën kritike për zgjidhjen e krizës së migracionit të vendit dhe gjetjen e vendit të Gjermanisë në botë, pavarësisht pasigurisë globale që rrethon administratën e re amerikane.
Raportet e hershme sugjerojnë se SPD, e cila drejtoi qeverinë në largim të Olaf Scholz, do të mbajë portofolin e financave dhe të mbrojtjes, duke lënë ministrin popullor të mbrojtjes Boris Pistorius në kabinetin e ardhshëm.Top Channel
-
‘Nëse jeni dakord, do jap paratë dhe…’, prindërit e Ilaria Sulës tregojnë mesazhin e fundit zanor që morën nga vajza para se të vritej
Prindërit e Ilaria Sulës, Flamur dhe Gëzime Sula kanë folur lidhur me vrasjen e vajzës së tyre nga iash-dashuri, i cili pas krimit trupin e saj e futi në një valixhe dhe e hodhi në greminë.
Në intervistën për median italiane, ata kanë treguar edhe mesazhin e fundit zanor që kishin marrë nga e bija. Sipas tyre, Ilaria i kishte kontaktuar për t’i thënë se do t’u japë para për të zgjdhur një problem që ata kishin.
“Shikoni pak nëse jeni dakord! Pastaj unë do jap paratë dhe i zgjidhim problemet. Ok, me thuaj sërish”, dëgjohet të thotë Ilaria në audiomesazhin dërguar prindërve.
Këta të fundit kanë kërkuar që drejtësia të vihet në vend dhe që autori i ngjarjes së rëndë, 23-vjeçar Mark Samson, të dënohet me burgim përjetë. Gjithashtu janë shprehur se edhe nëna e filipinezit, e cila fshiu gjurmët e gjakut në dhomën e djalit ku ndodhi vrasja, të mbahet përgjegjëse për krimin.
-
VIDEO / “Na jep ndonjë lek”, transportuesi i rreshton Ramës kërkesat, bien dakord në 1 pikë
Gjatë bashkëbisedimit në Portin e Durrësit, një transportues parashtroi shqetësimet e tij ndaj kryeministrit Edi Rama. Fillimisht për sheshin e trageteve dhe moskoordinimin me efektivët e Policisë.
Pjesë nga diskutimi mes tyre:
-Unë kisha 2 shqetësime. Ta shikojë gjithë Shqipëria urdhrin për heqjen e skanerit, kjo për mua ka rëndësi. Na bëri nder! Me Drejtorinë e Doganave ligjet janë të përsosura, por nuk i zbatojnë këta.
Edi Rama: Tregohu konkret!
-Konkret jam unë! Një kamion ka ngarkuar për 3 qytete, për çfarë është kjo? Një kamion është, lekët i merr shteti.
-Edi Rama: Kjo është shumë teknike për mua.
-Shqetësimi i dytë është për sheshin e trageteve, nuk merr më shumë se 200 makina.
Edi Rama: Do durojmë dhe pak sa të kemi portin e ri.
– Jo ajo është urgjente, të paktën me zhavorr të spostohet pak gardhi…
Edi Rama: Po të na japësh ndonjë lek e bëjmë ne. (Qesh)
-Dhe e treta, puna e Policisë. Policia, do fillojë kap makina e sill këtu, nuk kemi 2 policë që të rrijnë aty dhe të përpunojmë, se ne kemi materiale të ndryshme.
Edi Rama: Marrëveshja për këtë do nënshkruhet.
Ministrja Delina Ibrahimaj: Drejtoria e Doganave dhe Policia do funksionojnë si një e vetme.Më tej, ai vuri theksin edhe tek një pagesë ditore që sipas tij është tejet problematike.
“E di që një qytetar të vijë në Portin e Durrësit duhet të japë lekë për një zhdoganim?! Kjo s’bën, nuk është sens! Leje ditore personale”, tha ai drejtuar kreut të qeverisë. Ky i fundit iu përgjigj me humor: Ç’a është ky 600 lekëshi? Na vure para, t’i marrim me radhë! Tani të lutem, çfarë të të them?! Ky nuk është bulevard, që po vë tarifë. Këtu vihet për të marrë shërbime, jo për të ecur. Kjo infrastrukturë bëhet dhe mbi bazë tarifash, kështu funksionon në të gjitha vendet e botës.
Pika ku ranë dakord transportuesi dhe kryeministri ishte ajo për sjelljen e Policisë.
“Tani ajo gjëja që unë jam 1000% dakord me ty është te Policia, s’mund të thotë policia hajde në 7..Drejtor! Duhet të jetë këtu që të sigurohet që operacionet vijojnë pa ndërprerje. S’e cakton policia orarin se kur punon ai. Koordinimi i njësive është punë më vete”, tha Rama drejtuar Kreut të Policisë së Shtetit Ilir Proda. -
Zbardhet biseda mes Starmer dhe Macron, dy liderët bien dakord: Lufta tregtare nuk është në interesat e askujt! Asgjë nuk duhet të…
Kryeministri britanik Kier Starmer ka biseduar sot me presidentin francez, Emmanuel Macron për tarifat e SHBA.
Dowining Street thotë se dy liderët ranë dakord se një luftë tregtare nuk është në interesat e askujt.
“Starmer dhe Macron ranë dakord se asgjë nuk duhet të jetë jashtë tryezës dhe se ishte e rëndësishme që biznesi të përditësohej mbi zhvillimet. Ata ndanë po ashtu shqetësimet për ndikimin global ekonomik të sigurisë, veçanërisht në Azinë Juglindore”, tha një zëdhënës i Dowining Street.
Ata kanë folur edhe për luftën në Ukrainë, ku diskutuan përparimin e mirë që është bërë në koalicionin e valltarëve.
“Kryeministri i Britanisë dhe presidenti i Francës ranë dakord të qëndrojnë në kontakt të ngushtë gjatë javëve të ardhshme”, thuhet më tej në deklaratë.
Top Channel
-
Bisedë telefonike mes Donald Trump dhe Sir Keir Starmer, për çfarë ranë dakord Presidenti amerikan dhe Kryeministri britanik
Sir Keir Starmer dhe Donald Trump kanë diskutuar mbi negociatat produktive për një marrëveshje të pasurisë ekonomike mes Mbretërisë së Bashkuar dhe Shteteve të Bashkuara, ka njoftuar Zyra e Kryeministrit britanik.
Dy liderët diskutuan mbi mundësinë e një marrëveshjeje gjatë një bisede telefonike të dielën dhe ranë dakord që negociatat do të “vazhdojnë me shpejtësi”, sipas një deklarate.
Një zëdhënës i Zyrës së Kryeministrit tha: “Kryeministri ka biseduar me presidentin Trump këtë mbrëmje.
Presidenti e ka nisur bisedën duke i uruar Madhërisë së Tij, Mbretit, shëndet të mirë dhe urime të mira.
Ata diskutuan mbi negociatat produktive mes grupeve të tyre për një marrëveshje të pasurisë ekonomike mes Mbretërisë së Bashkuar dhe Shteteve të Bashkuara, duke rënë dakord që ato të vazhdojnë me shpejtësi këtë javë.
Sa i përket Ukrainës, kryeministri e përditësoi presidentin për diskutimet produktive në takimin e Koalicionit të Vullnetarëve në Paris këtë javë. Liderët ranë dakord për nevojën për të ushtruar presionin kolektiv mbi Putin.
Ata ranë dakord që të qëndrojnë në kontakt në ditët në vijim”.
Më herët këtë javë, Trump shpalli një tarifë të re prej 25% për të gjitha makinat e importuara – duke kërcënuar tregun më të madh të eksporteve për prodhuesit britanikë.
Duke firmosur një urdhër ekzekutiv të mërkurën, Trump tha se taksa do të hyjë në fuqi më 2 Prill – ditën që ai e ka quajtur “dita e çlirimit”.Top Channel
-
Paralajmërimi i Trump për Iranin/ ‘Nëse nuk bien dakord për armët bërthamore, do të ketë bombardime’
Presidenti i SHBA Donald Trump ka paralajmëruar Teheranin për bombardime dhe tarifa shtesë nëse nuk ka marrëveshje për programin bërthamor të Iranit.
“Nëse ata nuk bëjnë një marrëveshje, do të ketë bombardime.”
“Ekziston gjithashtu mundësia, nëse ata nuk bëjnë një marrëveshje, që unë do të vendos tarifa shtesë ndaj tyre siç bëra katër vjet më parë”, tha presidenti amerikan në një deklaratë telefonike për NBC News.
Precedenti i mandatit të parë të Trump
Kujtojmë se, gjatë mandatit të tij të parë, Donald Trump tërhoqi Shtetet e Bashkuara nga një marrëveshje e vitit 2015 midis Iranit dhe fuqive ndërkombëtare, e cila vendosi kufizime të rrepta për programin e diskutueshëm bërthamor të Teheranit në këmbim të heqjes së sanksioneve.
Më pas ai rivendosi sanksione të rrepta amerikane.
Që atëherë, Teherani ka tejkaluar kufijtë e rënë dakord për programin e tij të pasurimit të uraniumit.
-
SHBA: Rusia dhe Ukraina kanë rënë dakord për një armëpushim në Detin e Zi
Volodymir Zelenskyy, Donald Trump dhe Vladimir Putin
SHBA- Rusia dhe Ukraina kanë rënë dakord të ndalojnë sulmet në Detin e Zi, duke bërë një tjetër hap të rëndësishëm drejt një armëpushimi. Njoftimi u bw me dije nga Shtëpia e Bardhë pas përfundimit të raundit të fundit të negociatave midis Uashingtonit dhe Kievit në Riad. Shtetet e Bashkuara, Rusia dhe Ukraina kanë rënë dakord në bisedimet në Arabinë Saudite për të siguruar një armëpushim të pjesshëm, lundrim të sigurt dhe përjashtimin e përdorimit të forcës në Detin e Zi.
Propozimi për një armëpushim të kufizuar në Detin e Zi, siç shpreson Uashingtoni, do të hapë rrugën për negociata më të gjera të paqes. Uashingtoni thotë se Amerika synon të promovojë aksesin e zgjeruar të Rusisë në portet dhe sistemet e pagesave për eksportet e plehrave dhe ushqimeve.
“Moska dhe Uashingtoni do të vazhdojnë të punojnë drejt arritjes së një paqeje solide dhe të qëndrueshme,”-shkruhet nw njoftimin e Shtwpisw sw Bardhw.
Si pjesë e një nisme më të gjerë në Detin e Zi, Uashingtoni do të ndihmojë Rusinë të kthehet në tregun botëror për eksportet bujqësore dhe plehrat. Me këtë, presidenti amerikan Donald Trump i bëri një tjetër favor të madh liderit rus Vladimir Putin.
Ministria e Mbrojtjes e Ukrainës lëshoi deklaratën e saj mbi marrëveshjen, e cila kryesisht ndjek të njëjtin formulim si Shtëpia e Bardhë./ZËRI -
Rusia dhe Ukraina ranë dakord për armëpushimin detar! Zelensky: Kremlini po gënjen për kushtet
Shtëpia e Bardhë deklaroi sot se Rusia dhe Ukraina kanë rënë dakord të sigurojnë kalim të sigurt për anijet tregtare në Detin e Zi dhe të ndalojnë sulmet ushtarake.
Uashingtoni publikoi më herët deklaratën, pasi zyrtarët amerikanë u takuan me përfaqësues nga të dy vendet në Arabinë Saudite.
Sakaq Rusia tha se disa sanksione ndaj bankave dhe eksportuesve të ushqimit duhet të hiqen përpara se armëpushimi të hyjë në fuqi.
Por presidenti Zelensky akuzoi Rusinë duke thënë se Kremlini “gënjen përsëri” për kushtet e marrëveshjes.
Volodymyr Zelensky tha se Kremlini gënjen kur pretendon se armëpushimi i Detit të Zi nuk do të hyjë në fuqi pa heqjen e sanksioneve perëndimore kundër Rusisë.
“Fatkeqësisht, edhe tani, edhe sot, pikërisht në ditën e negociatave, ne shohim se si rusët tashmë kanë filluar të manipulojnë”, tha ai.
“Ata tashmë po përpiqen të shtrembërojnë marrëveshjet dhe, në fakt, të mashtrojnë ndërmjetësit tanë dhe të gjithë botën”, tha Zelensky.
Pas bisedimeve në Arabinë Saudite, SHBA dhe Rusia ranë dakord për lundrim të sigurt të anijeve në Detin e Zi, i cili ka qenë fokusi kryesor i bisedimeve këtë javë.
Pas dakordësimit SHBA-Rusi, Ukraina pranoi marrëveshjen e armëpushimit detar.Sipas deklaratës të publikuar nga Shtëpia e Bardhë, Uashingtoni do të ndihmojë gjithashtu në rivendosjen e aksesit të Rusisë në tregjet globale për eksportet bujqësore dhe të mbetjeve.
Deklarata e plotë e Shtëpisë së Bardhë:
Shtetet e Bashkuara dhe Rusia kanë rënë dakord të sigurojnë lundrim të sigurt, të eliminojnë përdorimin e forcës dhe të parandalojnë përdorimin e anijeve tregtare për qëllime ushtarake në Detin e Zi.
Shtetet e Bashkuara do të ndihmojnë në rivendosjen e aksesit të Rusisë në tregun botëror për eksportet bujqësore dhe të plehrave, uljen e kostove të sigurimit detar dhe rritjen e aksesit në portet dhe sistemet e pagesave për transaksione të tilla.
Shtetet e Bashkuara dhe Rusia ranë dakord të zhvillojnë masa për zbatimin e marrëveshjes së Presidentit Trump dhe Presidentit Putin për ndalimin e sulmeve kundër objekteve energjetike të Rusisë dhe Ukrainës.
Shtetet e Bashkuara dhe Rusia mirëpresin zyrat e vendeve të treta me synimin për të mbështetur zbatimin e marrëveshjeve energjetike dhe detare.
Shtetet e Bashkuara dhe Rusia do të vazhdojnë të punojnë drejt arritjes së një paqeje të qëndrueshme dhe të qëndrueshme.
Shtetet e Bashkuara përsëritën deklaraëtn e Presidentit Donald J. Trump se vrasja në të dyja anët e konfliktit Rusi-Ukrainë duhet të ndalet, si hapi i nevojshëm drejt arritjes së një zgjidhjeje të qëndrueshme paqeje.
Për këtë qëllim, Shtetet e Bashkuara do të vazhdojnë të lehtësojnë negociatat midis të dyja palëve për të arritur një zgjidhje paqësore, në përputhje me marrëveshjet e bëra në Riad.
Shtetet e Bashkuara i shprehin mirënjohje princit të kurorës Mohammed bin Salman për udhëheqjen dhe mikpritjen e tij në lehtësimin e këtyre diskutimeve të rëndësishme në Mbretërinë e Arabisë Saudite.