Lajmidites.com

Tag: crosetto

  • BE i përgjigjet Trump: Për rregullat tona vendosim ne! Brukseli i përgjigjet strategjisë së SHBA-ve: Aleatët janë më të fortë bashkë

    BE i përgjigjet Trump: Për rregullat tona vendosim ne! Brukseli i përgjigjet strategjisë së SHBA-ve: Aleatët janë më të fortë bashkë

    “Kur bëhet fjalë për vendime që lidhen me Bashkimin Europian, ato merren nga Bashkimi Europian, për Bashkimin Europian, përfshirë edhe ato që prekin autonominë tonë ligjore, mbrojtjen e lirisë së shprehjes dhe rendin ndërkombëtar të bazuar në rregulla.”

    Kështu shprehet një zëdhënës i Komisionit Europian, në përgjigje të strategjisë së sigurisë kombëtare të Shteteve të Bashkuara.

    “Partneriteti transatlantik është unik dhe, si gjithmonë, aleatët janë më të fortë së bashku,” thekson ai.

    Ministri i Mbrojtjes së Italisë, Guido Crosetto, në një postim në X, komenton Strategjinë e re të Sigurisë Kombëtare të SHBA-ve:

    “Kjo trajektore e politikës amerikane ishte e dukshme edhe para ardhjes së Trump; ai thjesht e përshpejtoi një proces të pakthyeshëm. SHBA-të janë në një garë gjithnjë e më të vështirë, komplekse dhe të ashpër me Kinën, dhe çdo veprim, vendim apo sjellje e tyre duhet lexuar në këtë kontekst. Trump vetëm sa e bëri të qartë se BE-ja u shërben pak ose aspak në këtë përballje.”

    Lexo dhe: Elon Musk pas vendosjes së gjobës ndaj platformës X: Shfuqizoni Bashkimin Evropian

    Sipas Crosetto-s, për presidentin amerikan, Bashkimi Europian nuk është i domosdoshëm sepse “nuk ka burime natyrore të rëndësishme, po humbet garën në inovacion dhe teknologji, nuk ka fuqi ushtarake dhe, krahasuar me aktorët e rinj globalë, është i vogël, i ngadaltë dhe ‘i vjetër’.”

    Ai shton se kritikat e Trump dhe të shumë figurave republikane ndaj qëndrimeve të BE-së janë të njohura prej vitesh.

    Megjithatë, ministri nënvizon se “çështja kryesore nuk është BE-ja”, gjë që shihet edhe nga hapësira e vogël që i është kushtuar Europës në dokumentin e ri strategjik. Sipas tij, çdo vendim i ardhshëm amerikan do të ketë një qëllim të vetëm: forcimin e SHBA-ve në garën me Kinën.

    Crosetto e përshkruan këtë qasje si “pragmatike, pa emocione apo lidhje, të udhëhequr vetëm nga interesi dhe orientuar drejt epërsisë ekonomike dhe teknologjike, sepse ajo përcakton epërsinë në këtë shekull.” Ai shton se kjo ishte e parashikueshme prej kohësh dhe nuk përbën asgjë të papritur për ata që kanë ndjekur zhvillimet amerikane.

    Në fund, ministri thekson se edhe vendet më të vogla, si Italia, duhet të përcaktojnë zgjedhjet dhe strategjitë e tyre brenda këtij realiteti të ri global:

    “Edhe ne kemi nevojë për burime, për teknologji, për të rritur ekonominë dhe për të mbrojtur hapësirën tonë të mirëqenies. Jo për të ushtruar epërsi mbi dikë, por për të garantuar të ardhmen tonë” shkruan ANSA. 

  • Italia, alarm për sulme hibride – Roma kërkon reagim të shpejtë të Perëndimit ndaj kërcënimeve dhe sabotimeve ruse

    Italia, alarm për sulme hibride – Roma kërkon reagim të shpejtë të Perëndimit ndaj kërcënimeve dhe sabotimeve ruse

    Ministri italian i Mbrojtjes, Guido Crosetto, paralajmëron se Europa po përballet çdo ditë me sulme hibride nga Rusia dhe thotë se rreziku po rritet me shpejtësi. Në një dokument prej 125 faqesh, ai ka krititkuar ashpër “inercinë” e vendeve të BE-së dhe NATO-s përballë, siç thotë, agresionit gjithnjë e më të hapur rus.
    Crosetto tha se është “absurde” që Perëndimi reagon kaq pak, ndërsa nëse do të kishte një sulm tokësor, askush nuk do të mbyllej thjesht në shtëpi duke pritur që rreziku të kalonte. Ai shpjegon se Perëndimi ndodhet në një konflikt asimetrik dhe ka mjetet për t’u mbrojtur, por proceset e gjata demokratike e lënë gjithmonë një hap pas Rusisë.
    Sipas tij, Kremlini po përdor mjete ushtarake dhe jo-ushtarake për të destabilizuar Evropën dhe për të ndikuar në vullnetin politik të vendeve që mbështesin Ukrainën. Në dokument listohen raste konkrete, si sulmet kibernetike ndaj kompanive të mbrojtjes, zjarrvëniet në depot me pajisje për Ukrainën dhe përdorimi i emigrantëve për të destabilizuar kufijtë e Polonisë. Përmenden edhe dronët e panjohur në aeroportet evropiane dhe akuzat për ndërhyrje në zgjedhjet në Rumani.
    Ministri paralajmëron se Rusia po përpiqet të fitojë “përmes tretjes”, duke lodhur gradualisht Perëndimin me akte të vazhdueshme presioni. Ai thotë se Kremlini po përdor edhe dezinformimin për të ndikuar në opinionin publik të vendeve evropiane.
    Për të frenuar këtë kërcënim, Crosetto propozon krijimin e një qendre evropiane kundër luftës hibride, një forcë kibernetike me 1,500 trupa dhe ekipe të specializuara në inteligjencën artificiale, mbrojtjen e zinxhirit të furnizimit dhe luftën kundër manipulimit mediatik.

  • “Jemi në sulm hibrid”, ministri italian: Lufta e Rusisë ndaj Perëndimit ka nisur

    “Jemi në sulm hibrid”, ministri italian: Lufta e Rusisë ndaj Perëndimit ka nisur

    Ministri italian i mbrojtjes, Guido Crosetto, konsideron se shtimi i sulmeve hibride nga Rusia tregon se lufta ka nisur me pasoja potencialisht “katastrofike”.

    Në një dokument prej 125 faqesh, Crosetto dënoi “inercinë” e shteteve europiane dhe të NATO-s përballë agresionit në rritje të Moskës. “Lufta hibride po shënjestron infrastrukturën kritike, qendrat e vendimmarrjes, shërbimet thelbësore dhe strukturën e secilit vend, me rreziqe të përditshme dhe në rritje të dëmeve katastrofike”, shkroi ai në raport, ku insiston se jemi nën sulm, dhe koha për të vepruar është tani. Është “absurde” dhe “e paqëndrueshme” që Perëndimi po bën kaq pak për të reaguar ndaj sulmeve ruse, nënvizon ai, teksa shpjegon se mjetet për reagim nuk mungojnë, por pengohen nga proceset e brendshme demokratike dhe vendimmarrja e ngadaltë dhe e bazuar në konsensus e BE-së dhe NATO-s.
    Frekuenca e sulmeve hibride po rritet, ndërsa Kremlini i Vladimir Putinit përdor “përdorimin e integruar të mjeteve ushtarake dhe jo-ushtarake për të destabilizuar konkurrentët e tij, për të gërryer kohezionin e tyre të brendshëm dhe për të ndikuar në vullnetin e tyre politik”, mendon ministri. Polonia e cilësoi si sabotim shpërthimin e një linje të saj hekurudhore të dielëndhe fajësoi për ngjarjen dy ukrainas që punonin për Rusinë.
    Crosetto propozoi krijimin e një Qendre Evropiane për Kundërshtimin e Luftës Hibride, një forcë kibernetike me 1,500 trupa, si dhe personel ushtarak të specializuar në inteligjencën artificiale, mbrojtjen e zinxhirëve të furnizimit dhe ekspertë të dezinformimit.

    Top Channel

  • Rusia mund të nisë front të ri lufte në rajon? Habit ministri i shtetit fqinj: Jemi të papërgatitur

    Rusia mund të nisë front të ri lufte në rajon? Habit ministri i shtetit fqinj: Jemi të papërgatitur

    Mungesa e përgatitjes së Italisë për t’u përballur me një sulm të mundshëm nga Rusia u deklarua sot nga Guido Crosetto, Ministër i Mbrojtjes në qeverinë Meloni.
    “Italia nuk është e gatshme të përballet me një sulm të mundshëm nga Rusia apo nga një vend tjetër, e kam thënë këtë për një kohë të gjatë”, tha ai në mënyrë karakteristike.
    “Unë besoj se duhet të veprojmë në mënyrë që vendi ynë të jetë në gjendje të mbrohet nëse ndonjë i çmendur vendos të na sulmojë. Nuk e kam fjalën për Putinin, e kam fjalën për këdo”, shtoi Crosetto.
    “Nuk jemi gati, sepse në njëzet vitet e fundit nuk kemi investuar në mbrojtje. Që do të thotë se nuk i kompenson njëzet vjetët në një ose dy vjet”, përfundoi kreu i Ministrisë italiane të Mbrojtjes.

  • Thënë nga një anëtar i NATO-n: Kjo aleancë, jo më arsye për të ekzistuar!

    Thënë nga një anëtar i NATO-n: Kjo aleancë, jo më arsye për të ekzistuar!

    Ministri italian i Mbrojtjes, Guido Crosetto, tha se NATO në formën e saj aktuale “nuk ka më arsye për të ekzistuar” dhe se Bashkimi Evropian si një lojtar global nuk llogaritet më, raporton Al Jazeera.
    Crosetto i bëri këto deklarata në margjinat e një konference në Padova, dhe ato u raportuan nga agjencia italiane e lajmeve ANSA, ndërsa portali Politico thekson rëndësinë e tyre.
    “Më parë, SHBA-të dhe Evropa ishin qendrat e botës. Tani ka shumë gjëra të tjera me të cilat duhet të ndërtosh një marrëdhënie,” tha Crosetto. Ai shtoi se “shpesh flasim sikur jetojmë para 30 vitesh, por gjithçka ka ndryshuar”.
    Këto deklarata vijnë pak para samitit të liderëve të NATO-s që do të mbahet në Hagë javën e ardhshme, ku pritet të arrihet një marrëveshje për rritjen e objektivit të shpenzimeve ushtarake në pesë përqind të PBB-së, në përputhje me kërkesat e presidentit amerikan Donald Trump.
    Midis të pranishmëve do të jetë kryeministrja italiane Giorgia Meloni, zyra e së cilës, pas një takimi të kohëve të fundit me Sekretarin e Përgjithshëm të NATO-s Mark Rutte në Romë, konfirmoi mbështetjen e saj të vazhdueshme për Ukrainën dhe NATO-n si një shtyllë kyçe e mbrojtjes kolektive.
    Megjithatë, Crosetto beson se NATO ka dështuar në misionin e saj kryesor.
    “Nëse NATO u krijua për të garantuar paqen dhe mbrojtjen e ndërsjelltë, ajo duhet ose të bëhet një organizatë që merr përsipër këtë detyrë duke u angazhuar me jugun global – dhe kështu të bëhet diçka shumë e ndryshme, ose nuk do ta arrijmë qëllimin e sigurisë që vlen për të gjithë”, tha ai.
    Shumica e anëtarëve të NATO-s ende e shohin aleancën si një lojtar kyç në riarmatosjen dhe forcimin e mbrojtjes së Evropës, veçanërisht në dritën e kërcënimit në rritje nga Rusia.
    Megjithatë, Italia tradicionalisht ka qenë ndër shpenzuesit më të ulët ushtarakë në aleancë, megjithëse njoftoi në prill se do të përmbushte objektivin aktual prej dy përqind të PBB-së për mbrojtje këtë vit. /tesheshi.com/

  • Ministri italian: Bota po ndryshon, NATO nuk ka arsye ekzistence në gjendjen natyrale

    Ministri italian: Bota po ndryshon, NATO nuk ka arsye ekzistence në gjendjen natyrale

    “Në të kaluarën, qendra e botës ishte Oqeani Atlantik. Sot, është e gjithë bota.” Kështu u shpreh ministri italian i Mbrojtjes, Guido Crosetto, duke theksuar se “NATO-ja nuk ka më arsye ekzistence në formën aktuale”.

    Gjatë një fjalimi në një konferencë të mbajtur në Padova, Crosetto deklaroi se dikur Evropa dhe Shtetet e Bashkuara përbënin pikën qendrore të referencës globale, ndërsa sot, sipas tij, ekziston një botë shumë më e gjerë, me të cilën duhet ndërtuar një marrëdhënie e re.
    “NATO duhet të pësojë një ndryshim të thellë,” tha ai, “duhet të nisë dialogun me Jugun global për të garantuar paqen dhe mbrojtjen e ndërsjellë. Përndryshe, nuk do të arrijmë të sigurojmë sigurinë me rregulla që vlejnë për të gjithë.”

    Ministri italian theksoi gjithashtu se shumë shpesh diskutohet ende sikur bota të ishte e njëjtë me atë të para tridhjetë viteve.
    “Disa flasin për Evropën sikur të kishte ende rëndësi. Dikur, ndoshta, do të kishte pasur nëse do të kishte ndërtuar një rol politik, një politikë të jashtme dhe një mbrojtje të përbashkët, por ajo kohë ka kaluar, dhe e them këtë me keqardhje”, tha ai.
    “Bota ka ndryshuar,” vijoi Crosetto, “dhe sot Kombet e Bashkuara në pjesën tjetër të botës peshojnë po aq pak sa edhe Evropa, domethënë, më pak se një komb i vetëm, më pak se India apo Izraeli.”
    Në përfundim, ai u shpreh se deri më tani Shtetet e Bashkuara nuk kanë kërkuar përdorimin e bazave të tyre në territorin italian për ndonjë operacion që lidhet me zhvillimet e fundit në Lindjen e Mesme.

  • “NATO nuk ka më arsye për të ekzistuar”, ministri i Jashtëm italian: Roli i Evropës ka mbaruar

    “NATO nuk ka më arsye për të ekzistuar”, ministri i Jashtëm italian: Roli i Evropës ka mbaruar

    “NATO nuk ka më arsye të ekzistojë”, deklaroi ministri italian i Mbrojtjes, Guido Crosetto.

    Gjatë fjalimit të tij në një konferencë që po zhvillohej në Padova, ministri italian tha gjithashtu se “dikur Evropa dhe Shtetet e Bashkuara ishin pika qendrore e referencës, ndërsa tani janë të gjithë të tjerët me të cilët duhet të krijohet një marrëdhënie”.
    Crosetto theksoi se NATO duhet të pësojë një ndryshim të thellë, të fillojë një dialog me Jugun Global, në mënyrë që të garantojë paqen dhe mbrojtjen e ndërsjellë. “Përndryshe, nuk do të jemi në gjendje të krijojmë siguri, me rregulla që vlejnë për të gjithë”, shtoi ai.
    “Shpesh flasim sikur ende jetojmë në një epokë që ka kaluar tre dekada më parë. Në realitet, megjithatë, gjithçka ka ndryshuar. Disa njerëz flasin për Evropën sikur ajo ka rëndësi për diçka. Dikur, ndoshta, mund të kishte rëndësi, nëse do të fitonte një rol politik, të cilin nuk e kishte fituar. Nëse do të fitonte një politikë të jashtme dhe mbrojtje. Megjithatë, koha e saj ka kaluar dhe e them këtë me keqardhje“, tha ai.
    Më tej ai shton “Bota ka ndryshuar. Dhe OKB-ja, në pjesën tjetër të botës, ka rëndësi aq sa Evropa. Asgjë, domethënë, më pak se një grup kombëtar, më pak se India dhe Izraeli”.
    Crosetto e mbylli duke thënë se deri më tani Shtetet e Bashkuara nuk kanë kërkuar të përdorin bazat e tyre të vendosura në Itali për operacione që lidhen me zhvillimet në Lindjen e Mesme.

    Top Channel