Lajmidites.com

Tag: conte

  • Ranocchia kujton: Conte u përplas edhe me Lautaron tek Interi. O je me të, o nuk ke vend në ekipin e tij

    Ranocchia kujton: Conte u përplas edhe me Lautaron tek Interi. O je me të, o nuk ke vend në ekipin e tij

    30 Shtator 2025

    14:34

    Alfred Lleshi

    Andrea Ranocchia kujtoi episodin mes Contes dhe De Bruyne, duke e krahasuar me një rast tek Interi: “Lautaro, në Inter-Roma 3-1 të vitit 2005, mbeti i pakënaqur nga zëvendësimi dhe pati përplasje. Sidoqoftë, Conte është trajneri, merr përgjegjësitë kur gjërat shkojnë mirë ose keq. Ka fituar 7 nga 8 kampionate, e di si të fitojë. Metoda e tij është grupi, jo individi. O je me të, o nuk funksionon në ekipin e tij. Kjo është forca e tij”.
    Mbi kampionatin: “Kanë kaluar vetëm 5 javë, është shumë herët. Napoli, pavarësisht humbjes me Milanin, mbetet një siguri dhe do të luftojë deri në fund. Edhe Interi ka ekip të fortë dhe trajner të aftë, do të jetë garë e bukur. Te Milani shihet dora e Allegrit. Kuqezinjtë janë kompaktë, me Modric e Rabiot që plotësojnë njëri-tjetrin. Kanë vetëm një ndeshje në javë, ndaj konsumojnë më pak energji”.
    Për Juven: “E shoh një shkallë më poshtë. Sipër janë Napoli dhe Interi. Conte bën diferencën nga njëra anë, nga tjetra Chivu është i fortë, kam luajtur me të. Njeri i madh, me koncepte të qarta futbolli”.

  • Conte për De Bruyne: Kush më njeh e di si e shoh disiplinën. Nëse tolerohet një herë…

    Conte për De Bruyne: Kush më njeh e di si e shoh disiplinën. Nëse tolerohet një herë…

    30 Shtator 2025

    13:45

    Alfred Lleshi

    Pas debutimit me humbje ndaj Manchester City, skuadra e tij rikthehet në Champions kundër Sporting CP në “Maradona”. Trajneri Antonio Conte u shpreh: “Është një ndeshje e rëndësishme, përballë një ekipi të madh, kampion i Portugalisë dhe pjesë e elitës. Në Manchester humbëm pas daljes me karton të kuq të Di Lorenzo, pas 16 minutash lojë. Tani duhet të reagojmë shpejt”.
    Për disfatën ndaj Milanit: “E analizuam të hënën, këtë herë luajtëm më mirë se sezonin e kaluar, madje dominuam, por nuk ishim të kujdesshëm në disa situata. Duhet të përmirësohemi, sidomos te golat e tyre”.
    Mbi gjendjen e Spinazzola dhe Olivera: “U stërvitën veçmas, shpresojmë të rikuperohen. Nuk kemi shumë alternativa, mund të luajë Elmas si mbrojtës i majtë. Nëse duhet të rrezikojmë, do ta bëjmë”. Për De Bruyne: “Rregullat nuk lidhen me një lojtar të vetëm. Kush më njeh e di si e shoh disiplinën. Nëse një herë tolerohet diçka, herën e dytë jo…”

  • Benitez: Barazimet e Juves nuk janë shenjë e mirë, Conte nuk heq dorë nga De Bruyne

    Benitez: Barazimet e Juves nuk janë shenjë e mirë, Conte nuk heq dorë nga De Bruyne

    30 Shtator 2025

    13:55

    Alfred Lleshi

    Rafael Benítez, në një intervistë për “Gazzetta dello Sport”, foli mbi barazimet e Juventusit: “Nuk është shenjë e mirë, por fakti që nuk humbet e bën gotën gjysmë plot. Kundër Borussia Dortmundit u duk i humbur, por tregoi guxim në fund. Edhe me Atalantën ishte në disavantazh, por e rimori ndeshjen. Këto janë sinjale që vlejnë. Vlahovic shënon kur duhet, Koopmeiners po rikthehet me vazhdimësi”.
    Mbi Villarrealin: “Nuk është kundërshtar i lehtë. Kam respekt për Marcelino, e di që do ta përgatisë mirë ndeshjen. Netë të tilla janë sprovë. Në Spanjë, Juventusi mund ta kuptojë rolin e vet real në Europë, ndoshta edhe në kampionat”.
    Për rastin De Bruyne në “San Siro”: “Unë nuk do ta bëja çështje. Janë reagime të çastit, pas një dite gjithçka harrohet. Conte nuk do heqë dorë prej tij”.

  • “Arsen Preçi i çonte armët Dumanit’ Xhuljan Hoxha-Erjon Alibejt: Spiun i talentuar, për çfarë e do Kei Piun

    “Arsen Preçi i çonte armët Dumanit’ Xhuljan Hoxha-Erjon Alibejt: Spiun i talentuar, për çfarë e do Kei Piun

  • “Je kapur me njeriun e gabuar”! Autoriteti i Conte-s është tjetër nivel, ia thotë hapur De Bryunes

    “Je kapur me njeriun e gabuar”! Autoriteti i Conte-s është tjetër nivel, ia thotë hapur De Bryunes

    Milani ka arritur të fitojë kundër Napolit në shifrat 2-1 në një ndeshje shumë të rëndësishme për javët që po luhen në kampionatin italian. Sikur të mos mjaftonte shija e hidhur e rezultatit, Conte duhet të përballej edhe me probleme që nuk i ka aspak qejf kur vjen puna për të vendosur në dyshim autoritetin e tij.
    De Bryune u largua nga fusha në minutën e 70 pasi kishte shënuar golin e vetëm për Napolin nga penalltia. Mesfushori belg nuk ishte aspak i lumtur dhe hodhi disa fjalë në drejtimin e trajnerit në momentin e ndërrimit. Publike ishte sjellja e tij dhe publike ishte mënyra sesi i reagoi Antonio Conte: “Shpresoj që zhgënjimi i tij të ketë qenë për rezultatin. Nëse ka qenë për zëvendësimin, atëherë ai zgjodhi personin e gabuar për t’u mërzitur”, tha Conte. /Elio Hajdari-Sport Ekspres/

  • A është De Bruyne si Eriksen apo Fabregas? Conte dhe talenti i pastër nuk shkojnë gjithmonë krah për krah…

    A është De Bruyne si Eriksen apo Fabregas? Conte dhe talenti i pastër nuk shkojnë gjithmonë krah për krah…

    29 Shtator 2025

    13:48

    Alfred Lleshi

    Pas humbjes ndaj Milanit, në kampin e Napolit ka ngjallur debat sjellja e Kevin De Bruyne në momentin kur Conte e zëvendësoi me Elmas. Belgu reagoi me një gjest të lehtë të dorës, që menjëherë tërhoqi vëmendje. Deklarata e teknikut salentin e bëri çështjen edhe më të nxehtë: “Shpresoj të ishte i pakënaqur për rezultatin, sepse nëse bëhet fjalë për diçka tjetër, atëherë ka gjetur personin e gabuar”.
    Fjalë të forta, që sollën ndër mend precedentët mes Contes dhe lojtarëve të mëdhenj e të talentuar. Rasti i parë i njohur ishte ai i Cesc Fabregas te Chelsea. Spanjolli qëndroi gjatë në pankinë para se marrëdhënia të përmirësohej dhe të sillte sukses. Në Itali, më i freskët është kapitulli me Christian Eriksen tek Interi. Mesfushori danez nuk u bë kurrë pjesë thelbësore e planeve të Contes.
    Kulmi u arrit më 21 gusht 2020 në finalen e “Europa League”, kur preferoi Gagliardini titullar dhe e futi Eriksen vetëm në minutën e 78-të. Së fundi, Conte ka pranuar se është bërë më fleksibël taktikisht për t’u përshtatur me lojtarë të cilësisë së lartë. Te Napoli shpresojnë që ky të mos mbetet vetëm një premtim… A do të arrijë De Bruyne të bëhet pika e fortë e Contes, apo historia rrezikon të përsëritet?

  • Conte dhe De Bruyne, përplasje “gjelash” te Napoli? Pra, belgu po kthehet në problem…

    Conte dhe De Bruyne, përplasje “gjelash” te Napoli? Pra, belgu po kthehet në problem…

    Antonio Conte ka treguar qartë se kush e sfidon udhëheqjen e tij nuk ka vend në fushë. Rasti me Kevin De Bruyne, pas zëvendësimit, në humbjen ndaj Milanit, është ilustrativ. “Shpresoj se ishte i pakënaqur me rezultatin. Nëse ishte për ndonjë gjë tjetër, ka zgjedhur personin e gabuar”, – tha Conte. Mesazhi është i qartë: ai vendos, të tjerët ekzekutojnë, kushdo qofshin.
    Rikthimi në normalitet i marrëdhënies me De Bruyne, një profesionist shembullor dhe blerja kryesore e Napolit, është thelbësor. Nag belgu pritet diferenca, për ta bërë Napolin konkurrent serioz në kampionat dhe Champions, por deri tani, përveç 3 golave të shënuar, nuk e ka ndryshuar thelbësisht lojën e skuadrës. Për më tepër, Conte ka qenë i detyruar të rishpërndajë role, duke vendosur McTominay në pozicion që limiton efektivitetin e tij në zonën e golit.
    Pra, nuk është e sigurt që Conte do të rikthehet menjëherë te De Bruyne; mund t’i japë një pushim ose të provojë zgjidhje taktike të tjera. Për shembull, Neres solli ritëm, hapësira dhe rrezik në minutat kur luajti. Pozicioni i De Bruyne në fushë mund ta vendosë përsëri mes zëvendësimeve gjatë ndeshjes, a do ta pranojë këtë? Përgjigjja e parë do të vijë të mërkurën, në Champions kundër Sporting.

  • “Dera rrotulluese” e Allegrit dhe Contes, ja pse ky Milan-Napoli mund të mos kishte ndodhur  

    “Dera rrotulluese” e Allegrit dhe Contes, ja pse ky Milan-Napoli mund të mos kishte ndodhur  

    27 Shtator 2025

    11:13

    Alfred Lleshi

    Milan-Napoli i së dielës i ka “rrënjët” më 30 maj, edhe pse mund të mos kishte ndodhur kurrë. 4 muaj më parë, pas titullit të fituar në garë me Interin, tifozët napolitanë kishin frikë të humbnin Conte, i cili mund të largohej, madje edhe për t’u rikthyer te Juventusi me një plan ambicioz.
    Aurelio De Laurentiis, duke mos dashur të mos zihet në befasi si me Spalletti, kontaktoi Allegrin, duke arritur marrëveshje 2-vjeçare. Megjithatë, surpriza ndodhi më 29 maj. Conte rinovoi me Napolin, duke marrë gjithçka që kërkonte. Një ditë më vonë, Milani zyrtarizoi Allegrin, ndoshta duke qenë në dijeni të skenarit.
    121 ditë më pas, Allegri dhe Conte do të përballen në “San Siro”. Njëri stërvit Milanin, tjetri Napolin. Historia mund të kishte qenë ndryshe, por tani nuk ka rëndësi. Do të jetë një spektakël i madh mes specialistëve të titujve. Ata kanë fituar 11 nga 16 kampionatet e fundit italianë. Pyetja mbetet: a do të jetë e njëjta gjë edhe këtë herë?
     

  • “Zgjedh Allegri-n para Conte-s për një arsye”, Hernanes: De Bruyne? Nuk është akoma në…

    “Zgjedh Allegri-n para Conte-s për një arsye”, Hernanes: De Bruyne? Nuk është akoma në…

    Hernanes, ish-mesfushori i Lazio-s dhe Inter-it, foli për Radio Marte dhe foli për Napolin:
    “Do të kisha dashur të luaja për Napolin. Ata janë një ekip me lojtarë të shkëlqyer, që luftojnë gjithmonë për të fituar titullin, dhe në vitet e fundit ata madje kanë filluar të fitojnë. Ata gjithmonë kanë qenë një klub i madh në Serie A.
    “Te Napoli, nëse do të luanim shah, mbretëresha duhet të ishte De Bruyne, – vazhdoi ‘Profet’, – por deri më tani ai nuk është në nivelin që njohim.
    “Anguissa erdhi si një lojtar plotësues, por ai është bërë një lojtar i rëndësishëm i cili, përveç asisteve dhe golave, po tregon gjithashtu cilësi të shkëlqyer në lojën ndërtuese.
    “Mbretëresha i bën të tre punët: ndihmon në mbrojtje, në fazën sakrifikuese, dhe gjithashtu krijon lojë dhe finalizon. Anguissa po i bën të gjitha këto.
    “Allegri apo Conte? Nuk mund të bëj një vlerësim të plotë sepse nuk kam punuar kurrë me Conte-n. Allegri është një nga trajnerët më të mirë që kam pasur në karrierën time.
    “Do të doja të luaja për këtë ekip të Napoli-t plot me kampionë. Conte është një profesionist i shkëlqyer që të mëson të punosh për të fituar. Bleva librin e Conte-s dhe më pëlqen shumë shprehja: jep gjithçka dhe kërko gjithçka”.

  • Conte: Napoli s’është mësuar ende me kaq shumë ndeshje, nuk jemi ende të fortë në Champions

    Conte: Napoli s’është mësuar ende me kaq shumë ndeshje, nuk jemi ende të fortë në Champions

    25 Shtator 2025

    11:09

    Telesport

    Antonio Conte mendon se Napoli nuk është mësuar me mbingarkesën e ndeshjeve dhe nuk ka një skuadër të mirë-korrigjuar për të garuar në Champions League. Këtë gjë e konfirmoi edhe humbja kundër Manchester City, ndërkohë që në Serie A situate është më mirë.
    “Ndryshe nga skuadrat e tjera, ne nuk kemi një skuadër që të jetë e përgatitur mirë për të garuar në të gjitha turnetë”, deklaroi Antonio Conte. “Ne kemi lojtarë të rinj që e gjejnë veten duke veshur një fanellë të rëndë, me pritshmëri të larta. Ne nuk kemi një skuadër të përgatitur mire, ndaj duhet të përmirësohemi ndeshje pas ndeshje”, shtoi ai.
    “Ka djem që duhet të rriten dhe të rrisin nivelin e tyre. Ne kemi sjellë shumë lojtarë. Ky sezon do të jetë më kompleksi për ne sepse kemi sjellë kaq shumë lojtarë të rinj nga prejardhje të ndryshme”, deklaori trajneri i ekipit kampion të Italisë.
    Më tej, Conte, shtoi: “Duhet të presim, të jemi të duruar dhe të pranojmë gabimet. Krahasuar me ata që luajnë vazhdimisht në Evropë, ne nuk jemi aq të kompletuar. Të luash çdo tre ose katër ditë sjell stres fizik dhe mendor.”