Lajmidites.com

Tag: conte

  • Ish-drejtori i Napolit për Conten: Deklaratat e tij ishin të nxituara, jo strategjike

    Ish-drejtori i Napolit për Conten: Deklaratat e tij ishin të nxituara, jo strategjike

    19 Nëntor 2025

    15:05

    Alfred Lleshi

    Kampionati italian rikthehet pas pushimit të kombëtareve. Në pritje të shortit të së enjtes për “play off”-et drejt Botërorit, afrohet edhe fundjava e Serie A. Gara në krye është tepër e ngushtë, me disa skuadra ende plotësisht në lojë për titull, të ndara vetëm nga pak pikë. Pierpaolo Marino, ish-drejtues te Napoli dhe Roma, foli për këtë situatë.
    Sa i përket Napolit dhe polemikave pas disa deklaratave të trajnerit Antonio Conte, ai nënvizoi: “Besoj se ato kanë qenë deklarata të dala nga stomaku, pra të nxituara, jo strategjike. E pashë ndeshjen dhe ishte vërtet e papashikueshme. Është e kuptueshme që një person me karakter si Conte, i cili pas ndeshjes shpesh thotë të vërtetën, të ketë folur lirshëm. Më goditi shumë kur tha ‘nuk dua të shoqëroj të vdekurin’. Një frazë shumë e fortë, që linte të nënkuptohej dorëheqja apo një largim.
    Personalisht nuk e shoh situatën aq të rëndë sa të kërkonte një votë besimi, sepse askush nuk e kishte vënë në dyshim Conten. Ambienti napolitan është shumë i lidhur me të, edhe komunikata e De Laurentiis ishte mëse sqaruese, e dobishme për të zbehur përshtypjen, për ne që punojmë në këtë fushë, se mund të kishte një largim”.

  • Antonio Conte “fërkon duart”, Lukaku rikthehet në fushë më herët nga parashikimi pas dëmtimit të gjatë

    Antonio Conte “fërkon duart”, Lukaku rikthehet në fushë më herët nga parashikimi pas dëmtimit të gjatë

    19 Nëntor 2025

    12:48

    Telesport

    Kthimi i Romelu Lukaku në fushë po afron gjithnjë e më shumë, disi më shpejt nga pritshmëritë. Mund të duhen vetëm dhjetë ditë ose pak më shumë për ta parë atë përsëri në skuadrën e Napolit, të paktën të disponueshëm për të qëndruar në stol.
    Sulmuesi belg, i cili ka punuar në Castel Volturno për ditë të tëra për të rifituar gjendjen e tij atletike pas një dëmtimi të rëndë muskulor gushtin e kaluar, më në fund po sheh “dritë në fund të tunelit”.
    Trajneri Antonio Conte mund ta rikthejë atë në skuadër për ndeshjen kundër Romës më 30 nëntor, dhe më vonë ta testojë për ndeshjen  e Kupës së Italisë kundër Cagliari, më 3 dhjetor. Ky do të jetë një hap përgatitor drejt ndeshjes kundër Juventus, e planifikuar për katër ditë më vonë.
    E ardhmja evropiane e Napolit do të jetë në lojë javën e ardhshme kundër Qarabag, duke supozuar një rezultat pozitiv për të shkuar në fazën play off-it (objektivi minimal për kampionët italianë). Ndaj, prania e Lukaku është e rëndësishme për të arritur këtë objektiv.

  • Tifozët e Napoli në ankth, trajneri Conte nuk paraqitet në stërvitje pas sherrit me skuadrën

    Tifozët e Napoli në ankth, trajneri Conte nuk paraqitet në stërvitje pas sherrit me skuadrën

    Kishte një pritje të madhe për rifillimin e stërvitjes së Napolit pas stuhisë së shkaktuar nga trajneri Antonio Conte, pas humbjes së tyre ndaj Bolonjës në kampionat. Megjithatë, do të duhet të presim për të parë se si lojtarët kanë reaguar ndaj ankesës së trajnerit të tyre.
    Lojtarët u rikthyen në punë në Castel Volturno, por Conte nuk ishte i pranishëm dhe ndihmësi i tij, Christian Stellini, ishte përgjegjës për seancën stërvitore. Mungesa e trajnerit ka ngritur kambana alarmi në komunitetin e Napolit pas thashethemeve për dorëheqjen e tij që qarkulluan ditët e fundit.
    Këto zëra u mohuan menjëherë nga presidenti De Laurentiis. Tifozët e Napolit, megjithatë, mund të jenë të qetë. Sipas një deklarate të klubit, pritej prej kohësh që Conte nuk do të drejtonte seancën stërvitore të kësaj jave. Trajneri, siç ishte planifikuar më parë, do të kthehet në qendrën stërvitore të hënën, më 17 nëntor.
    Conte, i cili aktualisht është në Torino, do të ketë kohë të pushojë dhe të largojë stresin e akumuluar në javët e fundit. Nuk do të ketë takim me De Laurentiis, i cili po niset për një udhëtim jashtë vendit. Të dy kishin folur tashmë pas Bolonjës, me presidentin që riafirmoi besimin e tij te trajneri.

  • Napoli, zbardhen prapaskenat e krizës dhe 100 milionë eurot që “ngrohin” stolin

    Napoli, zbardhen prapaskenat e krizës dhe 100 milionë eurot që “ngrohin” stolin

    11 Nëntor 2025

    13:03

    Alfred Lleshi

    Pas humbjes në Eindhoven dhe asaj në Bologna, e pesta në 15 ndeshje, të gjitha jashtë fushe, Antonio Conte ka zbuluar tensionet e brendshme te Napoli. Trajneri ka konfirmuar se pati një debat me “senatorët” e skuadrës pas disfatës me PSV-në dhe para fitores ndaj Interit. Tani, me kthimin nga pushimi (kualifikueset e kombëtareve) dhe grupin e plotë, Conte do të duhet të rindërtojë harmoninë, duke kërkuar që çdo lojtar të marrë përgjegjësitë e veta.
    Problemet lidhen me balancën në grup. Disa lojtarë janë të mbingarkuar fizikisht e psikologjikisht, ndërsa të tjerët ndihen të lënë mënjanë. Futbollistë që kushtojnë mbi 100 milionë euro si Lucca (35 milionë), Beukema (31), Lang (25) dhe Marianucci (9) ishin në stol në Bologna.
    Ndërkohë, forma e Neres është në rënie. Në mungesë të De Bruyne, kampionët axurr kanë fituar vetëm një nga katër ndeshjet e fundit, duke shënuar vetëm një gol, nga goditje dënimi. Conte tani duhet të rikthejë ekuilibrin dhe motivimin në një grup që po përjeton tension të brendshëm.

  • A ka dhënë Conte dorëheqjen? De Laurentiis “thyen” heshtjen, “shpërthen” në rrjetet sociale

    A ka dhënë Conte dorëheqjen? De Laurentiis “thyen” heshtjen, “shpërthen” në rrjetet sociale

    Në Napoli, ambienti po “zien” pas humbjes kundër Bologna-s, humbja e 5-të sezonale në të gjithë turnet. Që nga dita kur Conte zbarkoi në Napoli, ky është momenti i tij më i vështirë, dhe në të tilla raste, as Conte nuk qëndron pasiv, por “shpërtheu” në konferencë për shtyp, ku ndër të tjera nuk nguroi as të merrte përgjegjësi.
    Mediat raportuan për një situatë të rendë në dhomat e zhveshjes, ndërsa nuk kishte munguar dhe një telefonatë ndërmjet Contes dhe De Laurtentiis, shkuan deri aty se aluduan se Conte kishte paraqitur dorëheqjen.

    Për të zbutur situatën ka menduar bosi i Napolit, i cili në një reagim në rrjetin social X hodhi poshtë këto variante: “Lexoj në përrallën se Conte ka dhënë dorëheqjen. Mes meje dhe Contes ekziston një sintoni speciale, është një nga ato burra që në Napoli pëlqehet shumë. Tifozëve që mund të kenë lexuar budallaqe në rrjetet sociale u them se jam krenar që Napoli dhe unë kemi në krah një si Antonio Conte, një person i aftë të sakrifikojë çdo sekondë të jetës së tij për këtë profesion”, shkroi ndër të tjera De Laurentiis në rrjetet sociale duke i dhënë fund aludimeve në lidhje me të ardhmen e Contes.
    ()

  • Kaos total te Napoli! Përplasje e fortë pas ndeshjes, Conte lëshon ‘bombën’: Disa lojtarë s’kanë…

    Kaos total te Napoli! Përplasje e fortë pas ndeshjes, Conte lëshon ‘bombën’: Disa lojtarë s’kanë…

    Kriza te Napoli duket se është e thellë. Për këtë foli fillimisht fusha e lojës, me Napolin që ndaj Bolognës pësoi humbjen e 5 sezonale e më pas ishte vetë Antonio Conte që e pohoi me deklaratën e fortë pas ndeshjes.

    Trajneri mori përsipër përgjegjësitë e tij, por fjalët e tij ishin edhe një akt akuzë kundrejt një grupi futbollistësh që sipas tij nuk i përgjigjen më me intensitetin e duhur në lojë. ‘Një trajner mund të bëjë gjithçka dhe ka detyrën të hyjë në mendjen dhe zemrën e lojtarëve të tij, gjithnjë nëse kjo zemër është sepse trampiant nuk mund të bëj-ishin fjalët e Contes. Me fjalë të tjera, problemi nuk është vetëm teknik por edhe psikologjik dhe menaxherial
    Ndërkaq, sipas të përditshmes ‘La Repubblica’ pas humbjes me Bolognan, në dhomat e zhveshjes pati një përplasje të fortë në dhomat e zhveshjes dhe mesa duket nuk ishte hera e parë që një gjë e tillë ndodhte. ‘Nuk është alkimia që shërben për të luftuar së bashku e për të kaluar momentet e vështira-shtoi ndër të tjerat Conte që kërkoi menjëherë një takim me drejtuesit e klubit.
    Dhe sipas të përditshmes ‘Il Mattino’, ka pasur një bisedë telefonike mes trajnerit dhe presidentit të Napolit, Aurelio De Laurentiis, ndërkohë që mes të martës e të mërkurës është parashikuar zhvillimi i një takimi kokë më kokë mes tyrë. Gjithsesi, De Laurentiis i ka shfaqur mbështetjen totale trajnerit, i sigurt se Conte i ka të gjitha armët për të rigjetur identitetin e skuadrës së tij dhe kompaktësinë që e karakterizoi Napolin sezonin e kaluar, por që këtë vit në mënyrë të pabesueshme ka humbur
    A do të mjaftojë? Çdo skenar është i hapur. Takimi mes Contes dhe De Laurentiis do të duhet të përcaktojë rrugën e duhur për të ndryshuar gjërat dhe për të evituar që sezoni të dështojë totaliaht. Por jo vetëm kaq, duhet bindur vetë trajneri që ekzistojnë mjetet për t’ia dalë mbanë në këtë objektiv.

  • Conte: Ky Napoli nuk ka dëshirën dhe energjinë e vjetshme, secili prej nesh duhet të shohë brenda vetes

    Conte: Ky Napoli nuk ka dëshirën dhe energjinë e vjetshme, secili prej nesh duhet të shohë brenda vetes

    Trajneri Antonio Conte është i hidhëruar pas humbjes 2-0 të Napolit në Bolonja. “Ata kishin më shumë energji në gjithçka, por ajo që është zhgënjyese është se ata kishin më shumë dëshirë dhe entuziazëm se ne. Është diçka që duhet të na bëjë të reflektojmë. Kjo është zhgënjyese. Duhet të ketë një energji të ndryshme“, tha Conte.
    Deri më tani këtë sezon, Napoli ka pësuar tashmë pesë humbje, tre prej tyre në Serie A. Një trend që, ndoshta, nuk është i mjaftueshëm për të fituar përsëri: “Jam i shqetësuar, nuk ka shumë për të thënë. Nëse një ekip i etiketuar si protagonisti absolut humbet pesë ndeshje, kjo do të thotë se diçka nuk po shkon mirë”.
    “Nuk duhet të harrojmë se disa sezone më parë, pasi Napoli fitoi titullin përfundoi në vendin e dhjetë. Po vazhdojmë të punojmë, por duhet të pyesim veten a po e bëjmë me entuziazmin e duhur dhe dëshirën e duhur? Energjia ka ndryshuar padyshim. Djemtë e dinë shumë mirë se çfarë mendoj unë, më vjen keq që nuk mund ta ndryshoj këtë energji“, tha Conte.
    “Po flas për zemrën, pasionin, entuziazmin, dëshirën: Këto janë dinamikat jashtë futbollit. Këtë vit, po vuajmë shumë sepse nuk jemi një ekip. Marr përgjegjësi të plotë, por do të jetë e vështirë edhe për trajnerin nëse ai arrin ta ndryshojë këtë. Secili prej nesh duhet të rizbulojë shpirtin, zemrën, vendosmërinë e tij. Nuk dua të jem me dikë që vdes”, shtoi Conte.

  • Bologna “spektakël” ndaj Napoli-t, Italiano i jep leksione Conte-s (video)

    Bologna “spektakël” ndaj Napoli-t, Italiano i jep leksione Conte-s (video)

    Bologna ka fituar 2-0 ndaj Napolit në sfidën e luajtur në “Renato Dall’Ara”, e vlefshme për javën e 11-të në Serie A. Fillimisht vendasit e drejtuar nga Vincenzo Italiano u detyruan të bënin dy zëvendësime për shkak dëmtimesh, i pari u largua portieri titullar Lukasz Skorupski, pas vetëm 8 minutash lojë dhe në fillim të pjesës së dytë u largua Jonathan Rowe, po për arsye dëmtimi.
    Pjesa e parë mes dy ekipeve u mbyll në barazim pa gola. Rezultati u zhbllokua në minutën e 50-të, pas një kombinimi të bukur në zonë mes të sapofuturit Nicolo Cambiaghi dhe Thijs Dallinga, holandezi dërgoi topin në rrjetë.
    Në minutën e 65-të, ishte mbrojtësi kolumbian Jhon Lucumi, i cili shënoi me kokë, pas krosimit të Emil Holm. Pas kësaj fitoreje, Bologna ngjitet në vendin e 5-të me 21 pikë, Napoli mbetet në vendin e dytë me 22 pikë, por Antonio Conte ka ende shumë punë për të bërë me ekipin e tij, pasi paraqitjet e fundit ka qenë vërtet shumë të dobëta.
    Në sfidën tjetër, Genoa barazoi 2-2 ndaj Firoentinës. Paolo Vanoli e nis me një pikë në krye të klubit vjollcë, pas shkarkimit të Stefano Pioli-t.
    SHIKOGOLAT

  • “Conte, trajner i duhur për të fituar. Allegri dhe Milani mund të shkojnë më larg se të gjithë”

    “Conte, trajner i duhur për të fituar. Allegri dhe Milani mund të shkojnë më larg se të gjithë”

    8 Nëntor 2025

    11:05

    Alfred Lleshi

    Marco Tardelli, ish-mesfushori i Juventusit dhe kampion bote më 1982, analizoi Serie A për “Il Mattino”: “Kampionatet e fundit ishin të tillë, ku askush nuk dominoi dhe askush nuk komandonte”.
    Për Antonio Conte: “Padyshim është trajneri i duhur për të provuar të fitosh. Ai sjell diçka më shumë në mentalitet, është faktor kyç brenda grupit dhe ekipit”. Për trajnerin e Romës: “Gasperini sjell më shumë fizikisht dhe, si Conte, të mban gjithmonë të përqendruar. Janë njerëz që nuk dorëzohen kurrë”.
    Për kuqezinjtë: “Allegri me Milanin mund të shkojnë shumë larg. Madje, mund të bëjnë më shumë se gjithë të tjerët, sidomos pa angazhime në kupat europiane”. Dhe për Juventusin, pas ardhjes së Spallettit: “Në garën e titullit llogaris edhe rikthimin e bardhezinjve. Juventusin e pashë shumë mirë edhe në ndeshjen e fundit”.

  • “Conte, një nga trajnerët më të fiksuar pas taktikës”. Rrëfehet Fabregas: “Kam mbajtur shënime prej tij”

    “Conte, një nga trajnerët më të fiksuar pas taktikës”. Rrëfehet Fabregas: “Kam mbajtur shënime prej tij”

    Cili ka qenë trajneri më i përpiktë në aspektin taktik gjatë karrierës së tij si futbollist? Kush i qëndronte më afër në çdo detaj? Cesc Fabregas, aktualisht trajner i Como, ish-mesfushor i Chelsea, Arsenal dhe Barcelona, e tha pa hezitim: “Antonio Conte”. Pjesa më e madhe e trashëgimisë që Fabregas ka marrë nga ish-trajneri i tij te Chelsea lidhet pikërisht me vëmendjen ndaj detajeve të vogla në fushë, që nga pozicionimi deri te mënyra e mbulimit të kundërshtarëve.
    “Na bënte të shikonim shumë video, shumë analiza, shumë stërvitje 11 kundër 0, gjithmonë me kujdes për çdo detaj, – kujton Fabregas. – Pa dyshim ishte një nga trajnerët më të ngarkuar me taktikë dhe strukturë”. Spanjolli përmend edhe një shembull konkret nga periudha e përbashkët me Conte (2016–2018), ku së bashku fituan Premier League dhe “FA Cup”: “Punonim shumë me sistemin 3+2, pra me mbrojtje me 5. Me të stërviteshim pafund mbi këtë skemë”.
    Fabregas pranon se kjo “mani taktike” e Contes e ka ndikuar edhe në mënyrën si drejton skuadrën e tij sot: “Po, unë marr nga të gjithë. Gjithmonë mbaj shënim gjërat pozitive, por edhe ato që nuk më pëlqenin, që t’i kem parasysh si trajner. Ka ditë që duhet të bësh gjëra që të pëlqejnë, ditë të tjera duhet të bësh ato që nuk të pëlqejnë aq shumë”. Në fund, Fabregas e përmbylli me një kompliment për ish-trajnerin e tij: “Marr shumë gjëra nga të gjithë ish-trajnerët e mi, por Antonio është një nga më të mirët, pa diskutim”.