Lajmidites.com

Tag: çmimi

  • Ekskluzive/ “E priste me shumë entuziazëm”, ishte konfirmuar si banor i “BBV5”, vëllai i Shpat Kasapit: E mori me qejf, jemi të shokuar nga vdekja e tij

    Ekskluzive/ “E priste me shumë entuziazëm”, ishte konfirmuar si banor i “BBV5”, vëllai i Shpat Kasapit: E mori me qejf, jemi të shokuar nga vdekja e tij

    Ka humbur jetën në moshën 40-vjeçare këngëtari i njohur Shpat Kasapi.

    Lajmi tragjik familjarëve u ka ardhur në orët e vona të së martës, ndërsa ai ndodhej në Itali me bashkëshorten dhe djalin e tij të vogël, për një kontroll mjekësor për të birin.
    Në një intervistë për gazetaren e Top Channel Ana Kurti, vëllai i këngëtarit u shpreh se ndihma e shpejtë i është dhënë në banesë, por mjekët nuk kanë mundur ta shpëtojnë, ndërsa dyshohet për një atak kardiak.
    Shpat Kasapi ishte konfirmuar si një nga banorët e Big Brother Albania VIP 5, që do të nisë në dhjetor, ndërsa sipas të vëllait Albinit, ai e priste me shumë entuziazëm.
    “E kishe me qejf, e pranoi me entuziazëm… jemi të shokuar, jemi të dëshpëruar. Iku!”, u shpreh ai.
    Në gjendje të rënduar dhe të shokuar nga lajmi, ai tha se po shpresonin që ky lajm që u erdhi nga Italia të mos ishte i vërtetë, por për fat të keq vdekja e tij u konfirmua.
    I pyetur nëse më parë këngëtari ka pasur probleme shëndetësore, vëllai i tij tha se ka pasur disa shqetësime të vogla nga zemra, por jo diçka serioze.
    Trupi i tij ndodhet në Itali, ndërsa në vijim pritet që të kryhen procedurat për të mbërritur pranë familjarëve.
    Artisti Shpat Kasapi ka lindur më 1 maj 1985 në Tetovë, Maqedoninë e Veriut. Ndër vite ai është njohur dhe është pëlqyer për këngët pop folk. Karrierën muzikore e filloi që në moshë të re, ku pas disa prezantimeve në festivalet për fëmijë, fitoi çmimin e parë në festivalin “Bletëzat 98” në Tetovë në moshën 13 vjeçare.
    Sukseset e para që paraqesin një urë kaluese nga kënga për fëmijë në atë për të rritur ishin prezantimet dhe çmimi i parë në festivalin Këngët e Stinës 2002 në Tiranë, çmimi i publikut në festivalin Nota Fest 2003 në Shkup dhe çmimi i publikut në Albafest 2003 në Shkup.
    Menjëherë pas këtyre ai fitoi çmime të tjera në disa nga festivalet në Shqipëri, mes tyre dhe çmimi si interpretuesi më i mirë ne “Top Fest 1”.
    Shpat Kasapi deri më tani ka realizuar disa albume të sukseshme dhe mjaft të dëgjuara, si “Tash po Kthehesh”, “Medikament”, “Axhamiu” (2003), “Do të vijë një ditë” (2004), “Pa ty s’jetoj” (2005), “Kush të ndau prej meje” (2006), “S’e pranon” (2007), “Medikament” (2010).
    Artisti do t’i mungojë familjes, miqve e të afërmve, skenës shqiptare dhe publikut.

     

    Top Channel

  • Përmbyllet në Gjakovë Mitingu i 61-të i Poezisë- Eduard Frrokaj fiton Çmimin “Ali Podrimja”

    Përmbyllet në Gjakovë Mitingu i 61-të i Poezisë- Eduard Frrokaj fiton Çmimin “Ali Podrimja”

    Eduard Frrokaj

    Nga Blerim Valla

    Mitingu i Poezisë është një ngjarje e rëndësishme kulturore (letrare) që mbahet në qytetin e Gjakovës dhe i cili tashmë ka hyrë edhe në analet historike si festivali letrar shqiptarë që ka mbijetuar më së shumti – qe 61 vite, e mbase do të vazhdoj siç e meriton edhe në vitet që do vijnë!Kjo traditë e pasur dhe e njohur ka nisur në qytetin e Gjakovës që nga viti 1964, për të vazhduar deri më tani, duke promovuar letërsinë – poezinë e mirëfilltë dhe duke shënuar një nga manifestimet më të rëndësishme në kulturën dhe letërsinë shqiptare.Përkundër sfidave e problemeve të ndryshme qoftë politike (të para luftës nga regjimi serb meqë shihej dhe ishte si rezistencë kulturore) por edhe arsyeve të mungesës së financimit, në këto vitet e fundit nga institucionet tona kulturore që duhet ta përkrahin si e sa duhet mbarëvajtjen e tij!

    Kështu ishte edhe këtë vit, këtë fundjavë, kur u mbajt dhe përfundoi, ndonëse i reduktuar sa i përket akviteteve dhe me mungesë të theksuar të poetëve të njohur vendor dhe të huaj, e që këtë vit u mbajtë në Bibliotekën “Ibrahim Rugova” të Gjakovës!Në programin e sivjetëm të Mitingut të Poezisë fillimisht ashtu siç ishte paraparë u mbajt Tribuna tradicionale Letrare me temën “Letërsia, pasqyrim i kohës moderne” ku me kumtesën e saj shumë interesante dhe tejet në nivel u paraqit Dr. Migena Arllati.Më pas në kuadër të mitingut të sivjetëm, u bë promovimi i romanit më të ri “Udhëtimi në kohë” i shkrimtarit e historianit të njohur Jusuf Buxhovi. Për vlerat e mirëfilta estetike të romanit në fjalë, për stilin e veçantë të të shkruarit të Buxhovit (një përzierje fenomenale mes letërsisë dhe fakteve historike), dhe për figurat e fuqishme letrare të këtij romani të Buxhovit, referuan me kompetencë shkrimtarët Agim Byci dhe Muharrem Kurti.Pas dy referuesve fjalën e mori autori i romanit të promovuar Jusuf Buxhovi, i cili falenderoi referuesit, klubin letrar të Gjakovës “Gjon Nikolë Kazazi” për promovimin e librit të tij më të ri në kuadër të mitingut të sivjetëm dhe gjithë ata të pranishëm si dhe anëtarët e klubit e dashamirët e poezisë që po e mbajnë gjallë mitingun e poezisë në Gjakovë.

    Dhe si aktivitet i fundit, më pas u mbajt ora poetike, akt tradicional ky i mitingut të poezisë që nga themelimi, këtu e 61 vite më parë, e ku poezitë e tyre i lexuan shumë poetë vendorë.

    Për shkak të mungesës së përkrahjes financiare, (për të cilat arsye opinioni artdashës tashmë veç është i njoftuar), janë ndarë vetëm dy çmime letrare e jo edhe ato tri të tjerë tradicional si:“Çmimi Din Mehmeti” për veprën më të mirë poetike të vitit, pastaj “Çmimi Teki Dërvishi” për veprën më të mirë të vitit në prozë, as “Çmimi Ndërkombëtar Nëna Terezë” që i ndahet poetit më të mirë të huaj që merr pjesë në këtë manifestim letrar!

    Këtë vit çmimi kryesor i orës poetike të mitingut “Çmimi Ali Podrimja” për poezinë më të mirë, juria e klubit letrar “Gj. N. Kazazi” ja ndau poezisë “Shtëpia në vendlindje” të poetit Eduart Frrokaj.Kurse “Çmimi Yllka Domi” për poeteshën më të mirë debutante në miting, juria e klubit letrar të Gjakovës, për herë të parë që nga themelimi i këtij çmimi, këtë vit ju ndau dy poeteshave : Nita Bardhi – Bokshi për poezinë “Lutje” dhe Hyrë Fazliu për poezinë “Kur do t’plakem”!Përndryshe “Çmimi Letrar Yllka Domi” u themelua pas luftës me nismën e poetëve gjakovar Blerim Valla, Shkëndije Hoda dhe Agim Bycit dhe deri tani me këtë çmim janë nderur shumë poetesha nga mbarë hapësira shqiptare.

    Fotografitë: Shkëlzen Rexha

    ObserverKult

    Lexo edhe:

    JAVA KULTURORE SHQIPËRI-KOSOVË, EKSPOZITA, DOKUMENTARË E KONCERTE DERI MË 5 DHJETOR

  • ‘Çmendet’ tregu i qirave në Tiranë, çmimet e apartamenteve në nivele rekord

    ‘Çmendet’ tregu i qirave në Tiranë, çmimet e apartamenteve në nivele rekord

    Sipas të dhënave të indeksit “Keydata”, të vëna në dispozicion për Monitor në 32 zonat kadastrale të Tiranës për 11 njësitë bashkiake, rezultojnë se çmimet mesatare të shitjes të apartamenteve në 20 vite janë 2 deri 3-fishuar.
    Indeksi përfshin të dhëna për çmimet mesatare të apartamenteve mbi bazë të dhënash për apartamentet ekzistuese, pra për ndërtesë të ndërtuara 5, 10 apo 15 vite më parë, por dhe një numër të ulët të apartamenteve të reja. Llogaritja e çmimeve mesatare përfshin periudhën nga janar 2005 deri në muajin qershor 2025.
    Referuar të dhënave të indeksit “Keydata” deri në qershor 2005 në njësinë bashkiake nr.1 çmimi mesatar i shitjes së apartamenteve është 670 euro për metër katror. Në 6-mujorin e parë të 2025 në këtë njësi çmimi mesatar ka arritur 1,522 euro për metër katror. Në 20 vite çmimet mesatarë të shitjes së apartamenteve janë rritur 127% apo gati 1.3 herë më shumë. Njësia nr.1 është e ndarë në dy zona kadastrale: 1/1 Kinema “Ali Demi”, Fusha e Sportit, fshati Shkozë, Depo e Ujit; 1/2 Poligrafiku, Shkoza, Autotraktorët, fshati Shkozë, Lana Bregas, Linzë, Sauk.
    Në njësinë bashkiake nr.2 për 6 mujorin e parë të 2005 çmimi mesatar i shitjes së apartamenteve ishte 720 euro për metër katror. Në 6 mujorin e parë 2025, sipas të dhënave të Keydata, çmimi mesatar ka arritur 1,988 euro për metër katror. Në 20 vite çmimet në këtë njësi janë rritur 176% apo gati është arritur 3-fishim i tyre. Njësia nr.2 është e ndarë në zonat kadastrale, si : 2/1 Piramida, ish stadiumi “Qemal Stafa”; 2/2 Pazari i Ri, 9-katëshet, shkolla “Avni Rustemi”; 2/3 Ministria e Jashtme, Ambulanca nr.1, Bërryli; 2/4 Shkolla e Baletit, Ambasada Amerikane; 2/5 Qyteti “Studenti”, Fakulteti Ekonomik, Varrezat e Dëshmorëve, Sauk, Selitë.
    Në njësinë bashkiake nr.3, për 6 mujorin e parë të 2005 çmimi mesatar i shitjes së apartamenteve ishte 520 euro për metër katror. Në 6 mujorin e parë 2025 sipas të dhënave të “Keydata” çmimi mesatar ka arritur 1,503 euro për metër katror. Në 20 vite çmimet në këtë njësi janë rritur 189% apo gati 3-fishim i tyre. Njësia nr.3 është e ndarë në këto zona kadastrale: 3/1 Xhamllëku, Profarma, rruga “Bardhyl”, rruga “Kongresi i Manastirit”, Bulevardi “Zhan D’Ark”; 3/2) Porcelani, IK V, Kinostudio, rruga “Hoxha Tahsim”, Lana e vjetër, fshati Linzë.
    Në njësinë bashkiake nr.4 çmimi mesatar në qershor 2025 arriti 1,524 euro për metër katror nga 576 euro për metër katror që ishin në qershor 2005. Çmimet janë shtrenjtuar 1.6 herë më shumë për 20 vite. Njësia përfshin zona kadastrale, si: 4/1 Kompleksi i spitaleve, SHIK, Oxhaku, Allias i ri, fshati Tufinë; 4/2 Allias, rruga “Njazi Meka”, Bregu i Lumit, Alliasi i Ri, rruga “Myslym Keta” “5 Maji”.
    Si kanë ndryshuar çmimet në zonat e ish Bllokut, komunës së Parisit dhe Liqenit artificial
    Në njësinë bashkiake nr.5 që përfshin disa zona pranë qendrës, çmimi mesatar i shitjes së apartamenteve deri në 6 mujorin e parë 2005 ishte 742 euro për metër katror. Në 2025 për këtë njësi çmimi ka arritur 2,153 euro për metër katror. Çmimet janë 3-fishuar për periudhën 2005 deri qershor 2025. Njësia nr.5 përfshin zonat kadastrale, si: 5/1 Ish–Blloku, Libri Universitar, Vodafone; 5/2 Stadiumi “Selman Stermasi”, Shushica, Liqeni Artificial; 5/3 Kopshti Botanik, rruga “Komuna e Parisit” Liqeni artificial; 5/4 Hotel “Diplomat”, blloku “Vasil Shanto”, Selitë e Vogël.
    Për zonën e ish Bllokut, indeksi llogarit çmime më vete, ku çmimi mesatar në 2025 ka arritur 2,660 euro për metër katror. Krahasuar me 2005 çmimet gati 3.4 herë më të larta.
    Si kanë ndryshuar çmimet në njësitë e tjera bashkiake
    Për njësitë bashkiake nr.6 që përfshin zonat si shkolla teknologjike, Kombinat dhe Sharrë çmimi mesatar i shitjes së apartamenteve deri në qershor 2025 arriti 1,419 euro për metër katror dhe njësia te njësia nr.7 që përfshin zona rreth ish Ekspozitës, Unaza e Re, fakulteti i Inxhinierisë së Ndërtimit, NSHRAK çmimi mesatr ka arritur 1,850 euro për metër katror. Edhe në këto njësi çmimet në 20 vite janë 3-fishuar.
    Deri në qershor 2025 në njësinë bashkiake nr.8 çmim mesatar i shitjes së apartamenteve arriti 1,915 euro për metër katror. Krahasuar me 6-mujorin e parë 2005 çmimet janë 1.5 herë më të larta. Për njësinë nr.9 çmim mesatar i shitjes së apartamenteve arriti 1,915 euro për metër katror. Krahasuar me 6-mujorin e parë 2005 çmimet janë 1.5 herë më të larta. Për njësinë nr.9, çmimi mesatar i shitjes në 2025 arriti 1,825 euro për metër katror gati 1,6 herë më të shtrenjta sesa 2005. Këto njësi bashkiake përfshijnë zona si: pranë tregut të Medresë, gjimnazit Partizani, Selvisë, Bulevardi Zogu I etj.
    Për njësinë nr.10 që përfshin zona kadrastrale, si: 10/1 PTT, Telekomi, ish-Lidhja e Shkrimtarëve; 10/2 Rruga “Myslym Shyri”, Drejtoria e Policisë, Kisha katolike; 10/3 Blloku i Ambasadave, Prokuroria, Rruga e Durrësit, çmimet e shitjes arritën në qershor të 2025 në 2,316 euro. Krahasuar me 20 vite më parë çmimet në këtë njësi janë shtrenjtuar 177%, gati 3-fish më shumë.
    Në njësinë nr.11 që përfshin disa zona si Don Bosku, Zogu i Zi etj deri në qershor të 2025 çmimi mesatari shitjes së apartamenteve ka arritur 1,572 euro për metër katror. Krahasuar me 2005 edhe për këtë njësi çmimet janë 3-fishuar.
     

  • Artan Fuga, “Autori më i mirë i vitit”! Në panair vlerësohen edhe Muçi, Nerguti dhe Banka

    Artan Fuga, “Autori më i mirë i vitit”! Në panair vlerësohen edhe Muçi, Nerguti dhe Banka

    I kthyer në një traditë të përvitshme, Panairi i Librit 2025 vlerësoi autorët dhe përkthyesit që kanë spikatur për kontributet e tyre në letërsinë shqipe dhe atë të përkthyer.
    Juria ndau pesë çmime kryesore, duke nderuar vepra që sollën qasje origjinale, mendim të thelluar dhe mjeshtëri të veçantë gjuhësore. 
    Çmimi “Autori më i mirë i vitit” i shkoi shkrimtarit Artan Fuga për romanin Ndëshkimi i dytë i Evës. Romani u veçua për strukturën mbresëlënëse që bashkon mitin e zanafillës me dramën familjare e urbane, si edhe me sfidat teknologjike të sotme.

    Çmimi “Përkthyesi më i mirë i vitit” u fitua nga Virgjil Muçi për përkthimin romanit “Xhejmsi” të Percival Everett. Përkthimi u vlerësua për pasurinë gjuhësore, aftësinë për të sjellë dy regjistrat e veçantë të veprës dhe ruajtjen e kompleksitetit e ngjyrimeve të tekstit origjinal.
    Çmimi për përkthimin më të mirë letrar nga frëngjishtja në shqip u akordua përkthyesit Urim Nerguti për sjelljen në shqip të romanit Hyrija të Kamel Daoud.
    Pas një mungese një vjeçare për shkak të mosprurjeve të reja u rikthye Çmimi “Autori i librit më të mirë për fëmijë” i cili iu dha shkrimtares Valbona Banka për romanin “Aria, në dorën time”.
    Ndërsa Çmimi “Autori i librit më të mirë studimor” iu akordua studiuesit Ali Xhiku për veprën Faqeve të historiografisë shqiptare. /vizionplus.tv

  • Panairi i Librit/ “Autori më i mirë i vitit” shpallet akademiku Artan Fuga, ja si u ndanë çmimet e tjera

    Panairi i Librit/ “Autori më i mirë i vitit” shpallet akademiku Artan Fuga, ja si u ndanë çmimet e tjera

    Këtë të shtunë është bërë ndarja e çmimeve në Panairin e Librit, ku “Autori i Vitit” është shpallur akademiku Artan Fuga me veprën “‘Ndëshkimi i dytë i Evës”.

    Çmimi “Autori i librit më të mirë studimor”, iu dha autorit Ali Xhiku, për veprën Faqeve të historiografisë shqiptare, ndërsa çmimi “Përkthyesi më i mirë i vitit” iu dha autorit Virgjil Muçi për përkthimin e veprës “Xhejmsi të Percival Everett”, fitues i Çmimit Pulitzer 2025.
    Ndarja e plotë e çmimeve në Panairin e Librit 2025:
    Çmimi “Autori i librit më të mirë studimor”
    I jepet z. Ali Xhiku, për veprën Faqeve të historiografisë shqiptare, botuar nga “Onufri”, për kontributin e vyer për ndriçimin teorik dhe metodologjik të çështjeve kyçe të historisë së letërsisë shqipe, në një vepër ku ndërthuren njohja e thellë e sistemit letrar shqiptar, analiza e teksteve themelore të historisë së letërsisë sonë dhe angazhimi i përkushtuar jetësor në studimet letrare.
    Çmimi “Autori më i mirë i vitit”
    I jepet z. Artan Fuga, për romanin Ndëshkimi i dytë i Evës, botuar nga “Papirus”, një strukturë romaneske mbresëlënëse, ku ndërthuren miti i zanafillës,  dramat e jetës familjare e urbane dhe zhvillimet teknologjike të bashkëkohësisë. Ndërthurja e dimensionit filozofik dhe psiko-social me një letraritetit të spikatur dëshmojnë një të kuptuar të thellë të njeriut, të shoqërisë dhe të kohës, kur jetojmë.
    Çmimi “Përkthyesi më i mirë i vitit”
    I jepet z. Virgjil Muçi për përkthimin mjeshtëror të veprës Xhejmsi të Percival Everett,  fitues i Çmimit Pulitzer 2025, botuar nga “Dituria”, ku reflektohen njohuritë e thella të natyrës së shqipes, por edhe talenti i tij prej shkrimtari. Gjuhësimi me zhdërvjelltësi të admirueshme i dy regjistrave të idiomës së romanit, e bën këtë vepër madhore të bashkëkohësisë t’i flasë lexuesit shqiptar, duke ruajtur ngjyresat dhe kompleksitetin e tekstit origjinal.
    Çmimi “Autori i librit më të mirë për fëmijë”
    I jepet znj. Valbona Banka për romanin për fëmijë Aria, në dorën time, botuar nga “Dita Books”, për rrëfimin e këndshëm dhe me humor, që ndërkall në tekstin letrar edhe shenja identitare të vendit dhe të gjuhës sonë, që nxisin formimin e identitetit kombëtar te lexuesit e vegjël, dhe edukimin emocional përmes letërsisë.
    Çmimi për përkthimin më të mirë letrar nga frëngjishtja në shqip
    I jepet Z. Urim Nergutit për përkthimin e romanit “Hyrija” të Kamel Daoud, fitues i çmimit Goncourt 2024, botuar nga “Buzuku”.  Përmes nuancimeve të larmishme të fjalës e sintaksës së zhdërvjellët përkthyesi sjell besnikësërisht në shqip një histori drithëruese duke ruajtur stilin e autorit me heshtjet, belbëzimet dhe shumësinë e zërave të këtij romani tronditës.

    Top Channel

  • Ndahen çmimet e Panairit të 28-të të Librit, Artan Fuga fiton ‘Autori më i mirë i vitit’ për romanin Ndëshkimi i dytë i Evës

    Ndahen çmimet e Panairit të 28-të të Librit, Artan Fuga fiton ‘Autori më i mirë i vitit’ për romanin Ndëshkimi i dytë i Evës

    Në Pallatin e Kongreseve po ndahen çmimet e Panairit të 28-të të Librit. Çmimi “Autori më i mirë i vitit” i është dhënë Artan Fugës për romanin “Ndëshkimi i dytë i Evës”, botuar nga “Papirus”, një strukturë romaneske mbresëlënëse, ku ndërthuren miti i zanafillës, dramat e jetës familjare e urbane dhe zhvillimet teknologjike të bashkëkohësisë. Ndërthurja e dimensionit filozofik dhe psiko-social me një letraritetit të spikatur dëshmojnë një të kuptuar të thellë të njeriut, të shoqërisë dhe të kohës, kur jetojmë.
    Çmimi për “Përkthimin më të mirë” i jepet Virgjil Muçit për përkthimin mjeshtëror të veprës Xhejmsi të Percival Everett, fitues i Çmimit Pulitzer 2025, botuar nga “Dituria”, ku reflektohen njohuritë e thella të natyrës së shqipes, por edhe talenti i tij prej shkrimtari. Gjuhësimi me zhdërvjelltësi të admirueshme i dy regjistrave të idiomës së romanit, e bën këtë vepër madhore të bashkëkohësisë t’i flasë lexuesit shqiptar, duke ruajtur ngjyresat dhe kompleksitetin e tekstit origjinal.
    Çmimi për përkthimin më të mirë letrar nga frëngjishtja në shqip i jepet Urim Nergutit për përkthimin e romanit “Hyrija” të Kamel Daoud, fitues i çmimit Goncourt 2024, botuar nga “Buzuku”. Përmes nuancimeve të larmishme të fjalës e sintaksës së zhdërvjellët përkthyesi sjell besnikësërisht në shqip një histori drithëruese duke ruajtur stilin e autorit me heshtjet, belbëzimet dhe shumësinë e zërave të këtij romani tronditës.
    Çmimi “Autori i librit më të mirë studimor”, i jepet Ali Xhikut për veprën Faqeve të historiografisë shqiptare, botuar nga “Onufri”, për kontributin e vyer për ndriçimin teorik dhe metodologjik të çështjeve kyçe të historisë së letërsisë shqipe, në një vepër ku ndërthuren njohja e thellë e sistemit letrar shqiptar, analiza e teksteve themelore të historisë së letërsisë sonë dhe angazhimi i përkushtuar jetësor në studimet letrare. Çmimi u mor nga botuesi i veprës Bujar Hudhri.
    Çmimi “Autori i librit më të mirë për fëmijë” i është dhënë Valbona Banka për romanin për fëmijë Aria, në dorën time, botuar nga “Dita Books”, për rrëfimin e këndshëm dhe me humor, që ndërkall në tekstin letrar edhe shenja identitare të vendit dhe të gjuhës sonë, që nxisin formimin e identitetit kombëtar te lexuesit e vegjël, dhe edukimin emocional përmes letërsisë.
    Po ashtu u ndanë edhe dy diploma mirënjohjeje, e para nga ambasada e Bullgarisë për përkthyesen Janka Trifonova Selimi, e cila u mor nga e bija Melina Selimi. Ndërsa diploma e dytë e mirënjohjes u dha nga ambasada e Polonisë për profesorin Arqile Teta.

  • Çmimet e Panairit të 28-të të Librit, “Autori më i mirë i vitit” i jepet Artan Fugës

    Çmimet e Panairit të 28-të të Librit, “Autori më i mirë i vitit” i jepet Artan Fugës

    Në Pallatin e Kongreseve në sallën Ovale është zhvilluar ceremonia e ndarjes së çmimeve për Panairit të 28-të të Librit. Çmimi “Autori më i mirë i vitit” i është dhënë Artan Fugës për romanin “Ndëshkimi i dytë i Evës”.
    Çmimi për “Përkthimin më të mirë” iu dha Virgjil Muçit për përkthimin mjeshtëror të veprës Xhejmsi të Percival Everett,  fitues i Çmimit Pulitzer 2025, botuar nga “Dituria”, ku reflektohen njohuritë e thella të natyrës së shqipes, por  edhe talenti i tij prej shkrimtari. Gjuhësimi me zhdërvjelltësi të admirueshme i dy regjistrave të idiomës së romanit, e bën këtë vepër madhore të bashkëkohësisë t’i flasë lexuesit shqiptar, duke ruajtur ngjyresat dhe kompleksitetin e tekstit origjinal.
    Çmimi për përkthimin më të mirë letrar nga frëngjishtja në shqip i jepet Urim Nergutit për përkthimin e romanit “Hyrija” të Kamel Daoud. Çmimi “Autori i librit më të mirë studimor”, i jepet Ali Xhikut për veprën “Faqeve të historiografisë shqiptare”. Çmimi “Autori i librit më të mirë për fëmijë” i është dhënë Valbona Banka për romanin për “Fëmijë Aria, në dorën time”.

  • Dyfishohet çmimi i ujit në Librazhd, banorët kundërshtojnë rritjen

    Dyfishohet çmimi i ujit në Librazhd, banorët kundërshtojnë rritjen

    Banorët e Librazhdit janë përballur me një lajm të pakëndshëm pasi çmimi  i ujit të pijshëm në qytet është dyfishuar, vendim ky i miratuar nga Këshilli Bashkiak.
    Ndërsa uji është burim i pastër dhe buron nga malet përreth, qytetarët shprehen të zhgënjyer dhe të alarmuar nga rritja e papritur e tarifave, sidomos në një qytet ku niveli i papunësisë është shumë i lartë dhe shumica e rinisë punon ose kërkon punë jashtë.
    Një çift pensionistësh nga Librazhdi bëjnë apel, duke denoncuar rritjen e ndjeshme të faturës së ujit për muajin aktual, e cila është dy herë më e lartë se sa zakonisht. Ata tregojnë se në disa muaj më parë, faturat nuk kalonin kurrë mbi 1000 lekë, ndërsa këtë muaj kanë paguar mbi 2050 lekë.
    Banorët shtojnë se nuk janë të përgatitur për këtë rritje dhe se e shohin atë si një barrë të jashtëzakonshme për familjet që përballen me vështirësi financiare çdo ditë. Ata theksojnë se protesta dhe ankesat e tyre kanë qenë të shpeshta gjatë muajve të fundit, por autoritetet lokale kanë shmangur të dëgjojnë kërkesat e tyre.
    Sipas burimeve, në mbledhjet e Këshillit Bashkiak ka pasur mosmarrëveshje të shumta për vendimmarrjen rreth çmimit të ujit, por kryetari i qytetit, Mariglen Disha, ka vazhduar me vendimin për rritje pa marrë parasysh kundërshtimet dhe ankesat e shumta.
    Banorët e shohin këtë vendim si të padrejtë, duke kërkuar të rishikohet dhe të reflektohet në mënyrë që të shmanget rreziku i përkeqësimit të kushteve të jetesës së qytetarëve të zakonshëm. Ata kërkojnë që qeverisja vendore të dëgjojë mendimin e popullit dhe të gjejë zgjidhje alternative për menaxhimin e çmimit të ujit, duke respektuar interesat e komunitetit, sidomos në këtë kohë të vështirë për fat ekonomik dhe papunësi të lartë.

  • Çmimi “Jakov Xoxa”, përzgjidhen autorët e rinj dhe do të shpallen edhe fituesit në fund të muajit dhjetor

    Çmimi “Jakov Xoxa”, përzgjidhen autorët e rinj dhe do të shpallen edhe fituesit në fund të muajit dhjetor

    Çmimi “Jakov Xoxa”, i kthyer tashmë në traditë për të vlerësuar autorët e rinj, nis edicionin e dytë.

    Juria prej pesë anëtarësh, e kryesuar nga Rexhep Qosja do të gjykojë kandidatët mbi disa kritere, sidomos origjinaliteti e qëndrueshmëria e veprës, humanizmi dhe përcjellja e realitetit.

    “Ky çmim vjen si mundësi për të gjithë autorët e rinj shqiptarë, që këto vite kanë shkruar vepra, proza apo poezi. Është mundësi e mirë që ne të njohim përmes gjykimit të një jurie të dedikuar, që drejtohet nga një personalitet si Rexhep Qosja për të parë cilat janë vokacionet e letërsisë së re shqipe”, u shpreh Alda Bardhyli.

    Juria e përzgjedhur bën një analizë në veprat e botuara ndër vite për të evidentuar një figurë që ka spikatur më shumë dhe që me veprën e tij ka sjellë një qasje ndryshe, një evoluim në kulturën e shkrimit shqip.

    Procesi i vlerësimit është ndarë në tre faza, në të cilat përzgjidhen kandidatët deri në 10 dhjetor dhe në fund të vitit do të shpallet fituesi, që do të përfitojë një shumë monetare dhe mundësinë e botimit të një libri.

    Anëtari i bordit ekzekutiv të Çmimit “Jakov Xoxa”, Fatos Çoçoli tha: “Juria kërkon zërat e rinj, krijuesit e rinj, energji të reja në nivel të lartë letrar. Autorët e rinj kanë shumë botë, kanë shumë përsiatje të modernizmit, kështu që gjykoj se edicioni i dytë do të jetë më i mirë se i pari. Do të japë atë që kemi nevojë, një traditë, një dimension të traditës, të letrave tona të mrekullueshme, që çdo vit përjetojnë një zhvillim të ri”.

    “Për ne është kënaqësi e madhe të mbështesim këtë lloj letërsie, këta autorë që pas viteve ’90, po çlirojnë talentin e tyre”, u shpreh Agron Xoxa.

    Ky çmim që mbështet dhe motivon autorët e rinj, njëkohësisht nderon një ndër romancierët më të rëndësishëm të shekullit XX, që biri, Agron Xoxa, e kujton me emocion si krijuesin që i jepte shpirt personazheve që krijonte.

    “Për ne, Jakovi mbetet gjithmonë po ai njeri modest, shumë familjar, me një pasion të jashtëzakonshëm, për letërsinë në radhë të parë, për personazhet e tij. Kujtoj se kur e ndiente që po largohej, tha ‘unë po iki, por po lë jetim personazhet e mia’”, tha Xoxa.

    Duke paraqitur jetën e myzeqarit me të gjitha sfidat dhe vështirësitë e kohës, Jakov Xoxa la pas një krijimtari të gjerë, por vepra më përfaqësuese e tij është romani “Lumi i Vdekur” që tematizon fenomenin e natyrës dhe kulturës, ku natyralja paraqitet si kundërpeshë e arrogancës së njeriut./tch

    ObserverKult

    Lexo edhe:

    FESTIVALI “FLAUTI MAGJIK” EDICIONI I 12-TË NË RTSH, NË PROGRAM KOMPOZITORË TË MIRËNJOHUR BOTËRORË

  • Çmimet e benzinës në Evropë: ku më lirë dhe ku më shtrenjtë?

    Çmimet e benzinës në Evropë: ku më lirë dhe ku më shtrenjtë?

    Sipas të dhënave të fundit nga portali GlobalPetrolPrices që nga 20 tetori 2025, çmimet e benzinës në Evropë ndryshojnë shumë, me ndryshime të mëdha midis vendeve, gjë që është rezultat i taksave të ndryshme, kostove të shpërndarjes dhe faktorëve të tjerë ekonomikë.
    Diapazoni i çmimeve në vendet evropiane varion nga vetëm 0.66 € për litër në Bjellorusi deri në 1.94 € në Holandë.
    Çmimet më të larta, në Evropën Perëndimore
    Benzina më e shtrenjtë në Evropë është aktualisht në Holandë, ku çmimi për litër është një shifër e pabesueshme prej 1.94 €. Danimarka vjen pas me një çmim prej 1.92 € dhe Zvicra me 1.83 € për litër. Norvegjia është gjithashtu midis liderëve me një çmim prej 1.76 € për litër benzinë. Vendet e Evropës Perëndimore, në përgjithësi, regjistrojnë çmime që variojnë nga 1.55 € deri në 1.73 € për litër, që është dukshëm më e lartë se në pjesët lindore dhe jugore të kontinentit.

    Çmime më të favorshme, në rajonin e Ballkanit dhe Evropës Lindore
    Nga ana tjetër, çmimet e benzinës në vendet e Ballkanit dhe Evropës Juglindore rezultuan të jenë më të favorshme. Në Kroaci, çmimi i benzinës është 1.43 € për litër, ndërsa në Bosnjë dhe Hercegovinë është pak më i ulët, në 1.19 € për litër. Mali i Zi gjithashtu regjistron çmime të favorshme me 1.39 € për litër benzinë. Edhe pse çmimet janë disi më të favorshme krahasuar me pjesën tjetër të Evropës, ato prapë pasqyrojnë kushtet specifike ekonomike dhe të tregut të këtyre vendeve.
    Çmimet më të ulëta, në Evropën Lindore
    Në fund të listës së çmimeve të benzinës në Evropë janë Bjellorusia dhe Rusia, ku çmimet janë shumë më të ulëta se në pjesën tjetër të kontinentit. Në Bjellorusi, çmimi i benzinës është vetëm 0.66 € për litër, ndërsa në Rusi çmimi është pak më i lartë, por prapë ndër më të ulëtit në Evropë, në 0.68 € për litër. /tesheshi.com/