Lajmidites.com

Tag: çiklizmit

  • Nis gara ndërkombëtare e çiklizmit ‘Tour of Kosova 2025’

    Nis gara ndërkombëtare e çiklizmit ‘Tour of Kosova 2025’

    Sot, në Prishtinë, ka nisur gara ndërkombëtare e çiklizmit “Tour of Kosova 2025”, e cila do të zhvillohet deri më 6 shtator, nën organizimin e Federatës së Çiklizmit të Kosovës dhe me mbështetjen e Ministrisë së Sportit.

    Ministri i Kulturës, Rinisë dhe Sportit, Hajrulla Çeku ka thënë se “Tour of Kosova 2025” dëshmon potencialin e Kosovës, duke shënuar gjithashtu një hap të rëndësishëm drejt Lojërave Mesdhetare 2023.

    “Në ceremoninë hapëse mori pjesë Ministri Çeku, i cili u uroi mirëseardhje ekipeve pjesëmarrëse nga vende të ndryshme të botës. Ai theksoi se gara të tilla janë dëshmi e potencialit të madh sportiv që ka Kosova dhe një hap i rëndësishëm drejt përgatitjes për Lojërat Mesdhetare 2030, ku pritet pjesëmarrje e gjerë ndërkombëtare”, thuhet në njoftimin e MKRS.

    “Tour of Kosova 2025” është garë e kategorisë 2.2 të Unionit Ndërkombëtar të Çiklizmit (UCI). Starti u dha sot, në orën 12:00, nga sheshi “Ibrahim Rugova” në Prishtinë, duke vazhduar rrugën nëpër autostradën “Ibrahim Rugova” dhe autostradën “Arbën Xhaferi”.

    Në këtë edicion po marrin pjesë 16 ekipe me gjithsej 124 çiklistë nga skuadra elitare evropiane, duke garantuar garë të fortë dhe spektakël sportiv./ KultPlus.com

  • Çiklizmi shqiptar në zi, ndahet nga jeta Besim Balla

    Çiklizmi shqiptar në zi, ndahet nga jeta Besim Balla

    Federata Shqiptare e Çiklizmit me dhimbje të thellë njofton se u nda jeta Besim Balla, një nga figurat e shquara të sportit shqiptar të Çiklizmit.
    Njoftimi i federatës:

    Nesër, më 25 gusht, ora 11:00, nga ambientet e agjencisë “Alba 2000”, te Rruga e Dibrës, do të bëhet përcillja për në banesën e fundit e ikonës së çiklizmit në vendin tonë. Balla përfundoi studimet e larta si Inxhinier Mekanik, por pasioni i tij i vërtetë ishte sporti.
    Si ish-sportist i ekipit të çiklizmit Partizani, ai ia kushtoi jetën përgatitjes së brezave të rinj dhe zhvillimit të këtij sporti fisnik. Nga viti 1986 deri në 2001, ai shërbeu me përkushtim si trajner i Ekipit Kombëtar Shqiptar të Çiklizmit, duke lënë gjurmë të pashlyeshme në historinë e këtij sporti.
    Gjatë viteve 1986–1990, ai ishte Trajner Shteti në Komitetin e Fiskulturës, në Qendrën Metodike të Përgatitjes së Ekipeve Kombëtare. Nga 1990 deri më 2001, ai ishte trajner profesionist i ekipit të çiklizmit “17 Nëntori”, duke udhëhequr sportistët drejt suksesit dhe trofeve të shumta.
    Në periudhën 1991–1994, si trajner i ekipit të Sportklub Tiranës, Balla udhëhoqi ekipin drejt titullit të Kampionit Kombëtar të Shqipërisë, si në nivel individual, ashtu edhe ekipor. Në vitin 1997, ai përfaqësoi me krenari Shqipërinë si trajner i ekipit kombëtar në Lojërat Mesdhetare në Bari, ndërsa gjatë viteve 1994–1999, nën drejtimin e tij, ekipi i Tiranës u shpall fitues i disa tureve çiklistike brenda dhe jashtë vendit.
    Në vitin 2001, ai udhëhoqi ekipin e Tiranës drejt një tjetër titulli të Kampionatit Kombëtar Shqiptar, duke përmbyllur një karrierë të ndritur, të mbushur me arritje, përkushtim dhe dashuri të pakushtëzuar për sportin. Me ndarjen nga jeta të Besim Ballës, Shqipëria humbet një nga emblemat e çiklizmit, një figurë të respektuar që ka kontribuar jo vetëm në arenën kombëtare, por edhe në atë ndërkombëtare. Familja dhe të afërmit humbën një bashkëshort dhe prind shembullor, ndërsa miqtë dhe kolegët humbën një njeri model, të përkushtuar, të ndershëm dhe të dashur.Lamtumirë Besim Balla. Do të mbetesh përherë në kujtesën dhe zemrat tona, si një njeri i madh dhe një profesionist i rrallë. Do të të kujtojmë me nderime dhe respekt, ashtu siç ti na nderove ne me jetën dhe veprën tënde.
    “Ngushëllime të sinqerta familjes dhe të gjithë të afërmve” – shkruan në rrjetin social facebook, Skënder Anxhaku, President i Federatës Shqiptare të Çiklizmit.

  • TURI I FRANCËS/ Pogacar është mbreti i ri i çiklizmit botëror, fiton për herë të katërt turneun më prestigjioz

    TURI I FRANCËS/ Pogacar është mbreti i ri i çiklizmit botëror, fiton për herë të katërt turneun më prestigjioz

    Çiklisti slloven Tadej Pogacar është konfirmuar sot përsëri si fituesi i Turit të Francës. 26-vjeçari ka hyrë në histori sot, duke u bërë më i riu që arrin në 4 suksese në këtë tur prestigjioz, më i famshmi në historinë e çiklizmit, duke u konfirmuar pas edicioneve të fituara në vitet 2020-2021 dhe 2024.
    Ai ka lënë pas krahëve danezin Jonas Vingegard, që është rivali i tij i madh i karrierës, si dhe gjermanin Florian Lipovitz. Pogacar, i pari që ka regjistruar 6 edicione radhazi të Turit të Francës në podium, ka siguruar edhe fanellën me pika të ngjitësit më të mirë.

    Ai tentoi të bënte edhe arritje e madhe, që të kalonte i vetëm shiritin duke tentuar fitoren në etapën e fundit që zhvillohej në rrugët e Parisit. Por edhe pse ia doli të shkëputej bashkë me një grup të vogël, në ngjitjen e fundit të vogël në Montmartre ishte belgu Vut Van Aert ai i cili bëri shkëputjen vendimtare, duke marrë fitoren e kësaj etape.

  • Tjetër vlerësim për Policinë e Shtetit, për masat e shkëlqyera në Giro d’Italia dhe në edicionin e 82-të

    Tjetër vlerësim për Policinë e Shtetit, për masat e shkëlqyera në Giro d’Italia dhe në edicionin e 82-të

    Policia e Shtetit vlerësohet sërish për masat e shkëlqyera në Giro d’Italia dhe në edicionin e 82-të, të Turit Çiklistik të Shqipërisë.Pas vlerësimit të parë nga RCS Sport & Events, organizatorja ndërkombëtare e Giro d’Italia, Policia e Shtetit ka marrë një tjetër vlerësim të rëndësishëm për angazhimin e saj maksimal dhe profesionalizmin në garantimin e sigurisë gjatë dy eventeve të mëdha sportive: Giro d’Italia dhe Turi i 82-të Çiklistik i Shqipërisë.Presidenti i Federatës Shqiptare të Çiklizmit, z. Skënder Anxhaku, me porosi të Presidentit të Unionit Europian të Çiklizmit (UEC), Enrico Della Casa, dhe Presidentit të Unionit Ndërkombëtar të Çiklizmit (UCI), David Lappartient, i dhuroi Drejtorit të Përgjithshëm të Policisë së Shtetit, Drejtues Madhor Ilir Proda, kaskën e një prej çiklistëve të ekipit Movistar që mori pjesë në Giro d’Italia, si shenjë simbolike mirënjohjeje për punën dhe kontributin e Policisë Shqiptare.Takimi u zhvillua në Drejtorinë e Përgjithshme të Policisë së Shtetit, ku u theksua roli i jashtëzakonshëm i strukturave policore në mbarëvajtjen e të dy garave.

    Presidenti i Federatës së Çiklizmit, z. Skënder Anxhaku, ka thënë:“Është kënaqësi që ndodhem në Drejtorinë e Përgjithshme të Policisë së Shtetit dhe pranë zotit Proda. Ndihem mirë për vlerësimet që janë bërë nga Federata Botërore, si për Giro d’Italia, ashtu edhe për xhiron e Shqipërisë. Një nga komisarët më të rëndësishëm të gjithë gjykimeve që ka bërë në Evropë dhe në Ballkan, më ka thënë dy fjalë në Vlorë që më janë ngulitur në kokë. Kur erdha, tha, për në Shqipëri, më kishin folur jashtëzakonisht, në kuptimin që ky shtet ka probleme, por në organizimin e Policisë së Shtetit është një nga policitë që mund të merren shembull në Ballkan dhe në Evropë. Më e rëndësishmja ishte që nuk pati asnjë rrëzim. Ky është një lloj sporti që ka shumë probleme, me rrezik, dhe u mbyll Giro d’Italia në mënyrë të shkëlqyer. Dhe erdhi qershia mbi tortë: xhiroja e Shqipërisë. Ndaj jemi këtu për të falënderuar Policinë, nga punonjësi më i thjeshtë deri te Drejtori i Përgjithshëm, zoti Proda. Kemi sjellë një kaskë të Giro d’Italia, të një prej çiklistëve të ekipit Movistar, në emër të Presidentit të UCI-së, si një dhuratë për Policinë Shqiptare.”Drejtori i Përgjithshëm i Policisë së Shtetit, Drejtues Madhor Ilir Proda, ka thënë:“Faleminderit, vlerësim i madh për Policinë e Shtetit. Jam i nderuar të kem sot në Drejtorinë e Policisë Presidentin e Federatës së Çiklizmit, zotin Anxhaku. E kam thënë edhe më parë: ta shikoje garën, ishte spektakolare, por të shërbeje për të marrë masat e sigurisë që gara të zhvillohej, ishte akoma edhe më spektakolare. Falënderoj për vlerësimin Federatën e Çiklizmit. Është një nder i veçantë dhe siguroj që Policia e Shtetit është e gatshme të ofrojë shërbime sigurie për çdo lloj aktiviteti sportiv në vend, jo vetëm për çiklizmin.”Në përfundim të takimit, z. Anxhaku i ka dorëzuar zyrtarisht Drejtorit të Përgjithshëm kaskën e çiklistit të ekipit Movistar që mori pjesë në Giro d’Italia, si shenjë vlerësimi në emër të drejtuesve të UEC dhe UCI.

  • Sukses në menaxhimin e eventeve sportive/ Vlerësimi i dytë për Policinë e Shtetit, për masat në Giro d’Italia

    Sukses në menaxhimin e eventeve sportive/ Vlerësimi i dytë për Policinë e Shtetit, për masat në Giro d’Italia

    Presidenti i Federatës Shqiptare të Çiklizmit, Skënder Anxhaku, me porosi të Presidentit të Unionit Europian të Çiklizmit (UEC), Enrico Della Casa, dhe Presidentit të Unionit Ndërkombëtar të Çiklizmit (UCI), David Lappartient, i dhuroi Drejtorit të Përgjithshëm të Policisë së Shtetit, Drejtues Madhor Ilir Proda, kaskën e një prej çiklistëve të ekipit Movistar që mori pjesë në Giro d’Italia, si shenjë simbolike mirënjohjeje për punën dhe kontributin e Policisë Shqiptare.
    Pas vlerësimit të parë nga RCS Sport & Events (organizatorja ndërkombëtare e Giro d’Italia) Policia e Shtetit ka marrë një tjetër vlerësim të rëndësishëm për angazhimin e saj maksimal dhe profesionalizmin në garantimin e sigurisë gjatë dy eventeve të mëdha sportive: Giro d’Italia dhe Turi i 82-të Çiklistik i Shqipërisë.
    Takimi u zhvillua në Drejtorinë e Përgjithshme të Policisë së Shtetit, ku u theksua roli i jashtëzakonshëm i strukturave policore në mbarëvajtjen e të dy garave.
    Presidenti i Federatës së Çiklizmit, Skënder Anxhaku, deklaron:
    “Është kënaqësi që ndodhem në Drejtorinë e Përgjithshme të Policisë së Shtetit dhe pranë zotit Proda. Ndihem mirë për vlerësimet që janë bërë nga Federata Botërore, si për Giro d’Italia, ashtu edhe për xhiron e Shqipërisë. Një nga komisarët më të rëndësishëm të gjithë gjykimeve që ka bërë në Evropë dhe në Ballkan, më ka thënë dy fjalë në Vlorë që më janë ngulitur në kokë. Kur erdha, tha, për në Shqipëri, më kishin folur jashtëzakonisht, në kuptimin që ky shtet ka probleme, por në organizimin e Policisë së Shtetit është një nga policitë që mund të merren shembull në Ballkan dhe në Evropë. Më e rëndësishmja ishte që nuk pati asnjë rrëzim. Ky është një lloj sporti që ka shumë probleme, me rrezik, dhe u mbyll Giro d’Italia në mënyrë të shkëlqyer. Dhe erdhi qershia mbi tortë: xhiroja e Shqipërisë. Ndaj jemi këtu për të falënderuar Policinë, nga punonjësi më i thjeshtë deri te Drejtori i Përgjithshëm, zoti Proda. Kemi sjellë një kaskë të Giro d’Italia, të një prej çiklistëve të ekipit Movistar, në emër të Presidentit të UCI-së, si një dhuratë për Policinë Shqiptare.”
    Drejtori i Përgjithshëm i Policisë së Shtetit, Drejtues Madhor Ilir Proda, ka thënë:
    “Faleminderit, vlerësim i madh për Policinë e Shtetit. Jam i nderuar të kem sot në Drejtorinë e Policisë Presidentin e Federatës së Çiklizmit, zotin Anxhaku. E kam thënë edhe më parë: ta shikoje garën, ishte spektakolare, por të shërbeje për të marrë masat e sigurisë që gara të zhvillohej, ishte akoma edhe më spektakolare. Falënderoj për vlerësimin Federatën e Çiklizmit. Është një nder i veçantë dhe siguroj që Policia e Shtetit është e gatshme të ofrojë shërbime sigurie për çdo lloj aktiviteti sportiv në vend, jo vetëm për çiklizmin.”
    Në përfundim të takimit, Anxhaku i ka dorëzuar zyrtarisht Drejtorit të Përgjithshëm kaskën e çiklistit të ekipit Movistar që mori pjesë në Giro d’Italia, si shenjë vlerësimi në emër të drejtuesve të UEC dhe UCI.

  • Çiklizëm/ Belshi përcjell kampionatin Kombëtar Individual 2025

    Përgatiti: Fatmir Popja

    Belshi është kthyer sërish në epiqendrën kombëtare të çiklizmit duke pritur për të disatin vit radhazi Kampionatin Kombëtar Individual të Çiklizmit, një nga eventet më të rëndësishme sportive në vend. Nën organizimin e Federatës Shqiptare të Çiklizmit në bashkëpunim me Komitetin Olimpik Shqiptar dhe Ministrinë e Arsimit dhe Sportit, kampionati u zhvillua në dy ditë, të enjten me garat në kronometër dhe të premten me garën e rrugës.

    Garat e këtyre dy ditëve përfshinë të gjitha kategoritë,Kadetë, Juniorë, të Reja, të Rritura, Elitë dhe U-23. Itinerari i garave ishte i përbashkët për të gjitha kategoritë duke filluar nga qendra e qytetit të Belshit dhe duke kaluar në Grekan, Dëshiran, Dumre, Kodrat e Lulit, për t’u kthyer më pas sërish në Belsh. E gjitha në formë cirkuiti me numër të ndryshëm xhirosh sipas kategorive.Për Kadetët, gara përfshinte 73.2 kilometra me fitues Nicolas Persiani nga Elbasani, me kohën 1h40’05”.Kategoria Junior zhvilloi 4 xhiro me një total prej 97.6 km, ku triumfoi Leo Piku i ekipit Studenti me kohën 1h47’57”.

    Në garën e femrave, një përfundim emocionues: Nelia Kabetaj (Studenti) dhe Nikol Dollaku (Flamurtari) ndanë vijën e finishit me të njëjtën kohë, 3h05’47”. Kabetaj u shpall fituese për të rritura, ndërsa Dollaku për kategorinë e të rejave.Kategoria Elitë dhe U-23, me një distancë totale 146.4 km dhe një ritëm të lartë gare, u fitua nga Lucas Sulaj Kloppenborg (Studenti), duke i dhënë një tjetër trofe të rëndësishëm klubit të tij.Në këtë aktivitet morën pjesë rreth 70 çiklistë nga ekipet më të njohura shqiptare si: Vllaznia, Tirana, Teuta, Skënderbeu, Studenti, Apollonia, Flamurtari, Besa, si dhe çiklistë të kombëtares shqiptare që garojnë jashtë vendit, veçanërisht nga Italia.

    Eventi u zhvillua nën masa të forta sigurie të ndërmarra nga Drejtoria Vendore e Policisë së Elbasanit dhe Policia Bashkiake e Belshit të cilat siguruan bllokimin e rrugëve gjatë kalimit të çiklistëve dhe ruajtjen e rendit në çdo segment të itinerarit. Gjithçka u menaxhua me përpikmëri, duke garantuar sigurinë e pjesëmarrësve dhe sportdashësve.Kushtet atmosferike në prag të fundit të garës çiklistike ishin sfidë shtesë për organizatorët dhe sportistët

    Pavarësisht kushteve atmosferike të papritura me një përzierje të temperaturave mbi 34°C dhe një rrebeshi të fuqishëm shiu e breshëri në minutat e fundit të garës aktiviteti u përmbyll me sukses. Për shkak të stuhisë, ceremonia e ndarjes së çmimeve nuk u mbajt në sheshin qendror të Belshit siç ishte planifikuar, por në një ambient të mbyllur, për të garantuar mbarëvajtjen dhe sigurinë e pjesëmarrësve.Ky kampionat i çiklizmit ishte ngjarje mjaft e rëndësishme sportive që e konfirmon Belshin si një qendër të rëndësishme të sportit shqiptar.

    Zhvillimi i Kampionatit Kombëtar në Belsh, tashmë për disa vite me radhë dëshmon për potencialin dhe rëndësinë që ky qytet dhe e gjithë zona e Dumresë po merr në kalendarin sportiv kombëtar, veçanërisht në sportin e çiklizmit. Infrastruktura natyrore dhe përkrahja institucionale po e kthejnë Belshin në një pikë referimi për garat elitare të këtij sporti.Nga ana e tij Presidenti i Federatës Shqiptare të Çiklizmit, z. Skënder Anxhaku në mbyllje të garave u shpreh i kënaqur që Belshi po shndërrohet në një stacion të përhershëm për çiklizmin shqiptar.

    “Ky kampionat tregoi jo vetëm cilësi dhe përgatitje të lartë sportive, por edhe një bashkëpunim të shkëlqyer mes institucioneve. Dua të falënderoj sportistët, trajnerët, ekipet pjesëmarrëse dhe strukturat vendore që garantuan një organizim të shkëlqyer. Pavarësisht kushteve të vështira atmosferike, treguam se çiklizmi në Shqipëri ka një të ardhme të ndritur dhe se jemi të gatshëm të rrisim standardet çdo vit.”

    Vazhdo leximin

  • Giro d’Italia në Shqipëri: Një moment historik u shndërrua në fasadë politike

    Giro d’Italia në Shqipëri: Një moment historik u shndërrua në fasadë politike

    Nga Jerina Luka/

    Më 9 maj 2025, Shqipëria për herë të parë në historinë e saj organizoi një nga ngjarjet më prestigjioze të çiklizmit botëror: Giro d’Italia, një garë mbi 100-vjeçare që deri më sot nuk kishte nisur kurrë jashtë Italisë. Starti nga Durrësi dhe i gjithë itinerari 3-ditor ishte një moment krenarie për vendin, një shans për ta vendosur Shqipërinë në qendër të vëmendjes së sportit ndërkombëtar dhe një mundësi për promovimin e turizmit.

    Por, pas këtij imazhi festiv, ngjarja u shoqërua me një sërëproblematikash ku sipas raportimeve në media, mijëra qytetarë shqiptarë përjetuan ditë kaosi, bllokimesh dhe nervozizmi. Qytetarët, bizneset, transporti publik, ambulancat, madje edhe procesi i shpërndarjes së materialeve zgjedhore nga KQZ, u përballën me vonesa e pengesa pikërisht në prag të zgjedhjeve të 11 majit, një moment jetik për jetën institucionale të vendit.

    Vetë gara nuk kaloi pa incidente. Në zbritjet e shpejta të etapës së parë u regjistruan rrëzime dhe lëndime, përfshirë një dëmtim serioz të çiklistit spanjoll Mikel Landa, që u tërhoq nga gara pas një frakture në shtyllën kurrizore. Gjithashtu, çiklistë të tjerë komentuan për cilësinë jo të mirë të asfaltit dhe vështirësitë e kushtet jo të favorshme të garës.

    Por çfarë fshihet pas kësaj fasade? Vendimi për këtë event u mor në të njëjtën mënyrë si shumë vendime të tjera gjatë këtyre 12 viteve, në favor të interesave të kryeministrit. 

    Për herë të parë, ky event referohet në aktin normativ Nr.5, datë 19.12.2024 për ndryshimin e buxhetit të vitit 2024 ku përcaktohen 100 milionë lekë për realizimin e turit. Pesë ditë më pas, me VKM Nr. 796, datë 23.12.2024miratohet përbërja e grupit ndërinstitucional të punës dhe procedurat e përdorimit të fondeve. Produkti i këtij grupi pune mbetet i panjohur për publikun dhe nuk janë të qarta procedurat e punës apo kriteret e përzgjedhjes së itinerarit që do të përshkonte ‘Giro d’Italia’ dhe aspekte të tjera me interes për publikun.

    Nuk ka asnjë bilanc a parashikim publik për shpenzimet dhe përfitimet e eventit që realizohet nga taksat e qytetarëve. Ndërsa gjithë menaxhimi i aktivitetit duket i personalizuar, i ndërtuar sipas shijeve dhe interesave personale të kryeministrit. ‘Rëndësia politike e këtij nisjeje të Giro d’Italia në tokën shqiptare bëhet edhe më e qartë nga mbivendosja e datave të garës me ato të zgjedhjeve parlamentare të mbajtura në Shqipëri më 11 maj, ditën kur gara mbërrin në Vlorë. Prania e karvanit rozë bëhet kështu një vend i fuqishëm elektoral në avantazh të plotë të qeverisë’ – shkruan ‘Il Fatto Quotidiano’ në një shkrim të datës 9 maj (Il Giro d’Italia 2025 parte in Albania: chiara la partita politica che si gioca alle spalle dei corridori)

    Në vijim, në pranverë të 2025 me VKM Nr. 147, datë 6.3.2025, miratohet një shtesë fondi prej 400 milionë lekësh për realizimin e ‘Giro d’Italia 2025’. Duke u emërtuar në këtë rast si kësti i dytë i shpenzimeve për eventin. Në këtë rast shihet qartë situata kaotike e planifikimit financiarë dhe jo transparent për këtë garë prestigjoze.

    ‘Loja politike që po luhet pas shpinës së çiklistëve e jo vetëm është pra e qartë. Megjithatë, të shohësh fanellën rozë duke vrapuar në rrugët shqiptare sigurisht që ngjall emocione edhe në zemrat e atyre që e shikojnë garën me zhgënjimin e duhur. Mbetet e vërtetë, në fakt, se konsiderata e re që Shqipëria ka fituar në Itali dhe Europënuk është vetëm fryt i strategjive politike cinike. Kjo është gjithashtu falë punës së palodhur të një brezi emigrantësh shqiptarë që kanë punuar shumë për tridhjetë vjet, jo vetëm në shumë sektorë të rëndësishëm të tregut italian të punës, por edhe në fushën kulturore. Shoqatat e diasporës shqiptare kanë promovuar ngjarje kulturore dhe binjakëzime në të dy brigjet e Adriatikut, ndërsa italo-shqiptarët e gjeneratës së dytë kanë hapur rrugën e tyre në botën e artit, kulturës dhe argëtimit.’- sjell në vëmendje i njëjti shkrim i sipërpërmendur në të përditshmen italiane.

    Edhe për shqiptarët, ngjarja ngjan me një spektakël tëdizenjuar për propagandë. Giro d’Italia, një mundësi e artëqë përfaqëson një moment historik, u shndërrua në një makth të imponuar. Eventi 3-ditorë ekspozon hendekun mes realitetit dhe fasadës, mes qytetarit të zënë ngushtdhe liderit që kërkon duartrokitje për arritjet personale. Kështu, eventi në vend që të mbetet një histori suksesisportiv, do të mbetet në histori si simboli i një shteti që shpenzon tmerrësisht shumë për imazh.

    Giro d’Italia 2025

    Aktiviteti i ‘Giro d’Italia’, u zyrtarizua më 23 dhjetor 2024 nga organizatori i garës, RCS Sport, kompania italiane përgjegjëse për planifikimin dhe realizimin e garës që nga krijimi saj. Për edicionin e vitit 2025, RCS Sport bashkëpunon me autoritetet shqiptare.

    Gara në Shqipëri përfshin tre etapa të para, të cilat zhvillohen nga data 9 deri më 11 maj 2025:

    Etapa 1 (9 maj): Një itinerar prej 160 km që nis në Durrës dhe përfundon në Tiranë. Kjo etapë përfshin disa ngjitje, duke përfshirë dy herë ngjitjen në kodrat e Surrelit, duke e bërë atë një sfidë të vërtetë për çiklistët .

    Etapa 2 (10 maj): Një prova individuale kundër kohës prej 13.7 km që zhvillohet në rrugët e Tiranës. Ky itinerar teknik përfshin kthesa të shumta dhe një ngjitje të shkurtër, duke testuar aftësitë e çiklistëve në kontrollin dhe shpejtësinë e tyre .

    Etapa 3 (11 maj): Një etapë prej 160 km që nis dhe përfundon në Vlorë, duke përfshirë ngjitjen e njohur të Llogarasë, e cila ofron një sfidë të veçantë për çiklistët për shkak të pjerrësisë dhe terrenit malor .

    Pas përfundimit të etapës së tretë, karvani i Giro d’Italia do të largohet nga Shqipëria për të vijuar rrugëtimin drejt jugut të Italisë dhe më tej në Alpet italiane, në një garë që përmbyllet më 1 qershor në Romë.

    Çfarë është Giro d’Italia?

    Është një nga garat më të rëndësishme të çiklizmit rrugor në botë, e krahasueshme për nga fama dhe vështirësia me ‘Tour de France’ dhe ‘Vuelta a España’. Një kompeticion shumëditor që zhvillohet çdo vit në Itali, që prej vitit 1909, dhe zgjat rreth tre javë.

    Gjatë kësaj gare, qindra çiklistë profesionistë nga e gjithë bota përshkojnë mijëra kilometra në rrugët italiane, nga qytetet historike e deri në malet e ashpra të Alpeve apo Apenineve. Gara ndahet në ‘etapa’, ku çdo ditë zhvillohet një garë më vete dhe kohët e çiklistëve mblidhen për të shpallur fituesin e përgjithshëm.

    ‘Giro d’Italia’ është një spektakël sportiv ndërkombëtar: përfshin ekipe elitare dhe emrat më të mëdhenj të çiklizmit botëror. Një periudhë kohore që shërben si pasqyrë e Italisë: itineraret kalojnë përmes peizazheve të bukura, qyteteve historike dhe trashëgimisë kulturore, duke promovuar vendin në nivel global. Një sfidë fizike dhe mendore: për shkak të terreneve të vështira në alpe dhe ritmit të lartë. Gara me biçikleta konsiderohet një nga provat më ekstreme të qëndrueshmërisë njerëzore.Simboli i garës është fanella rozë (Maglia Rosa) që i jepet çiklistit që ka kohën më të mirë në renditjen e përgjithshme. Është simboli më prestigjioz i ‘Giro’-s, njësoj si fanella e verdhë në ‘Tour de France’. Ka gjithashtu fanella të tjera për çiklistët më të mirë të rinj, më të mirë në ngjitje malore, dhe më të mirë në sprint.

    Turi Çiklistik i Shqipërisë dhe Giro d’Italia

    Këto dy evente ndajnë të njëjtën filozofi sportive: të jenë gara shumëditore që sfidojnë qëndrueshmërinë dhe aftësinë taktike të çiklistëve përmes itinerareve të ndryshme rrugore, ku çdo etapë ka specifikat e veta. Të dyja garat organizohen nga federatat përkatëse dhe shërbejnë si platforma promovuese për sportin e çiklizmit në nivel kombëtar. Megjithatë, ndryshimi qëndron në shkallën dhe ndikimin e tyre: Giro d’Italia është një garë me traditë mbi 100-vjeçare, pjesë e kalendarit botëror të Unionit Ndërkombëtar të Çiklizmit (UCI), me pjesëmarrjen e ekipeve më të mëdha dhe ndjekje mediatike globale. Ndërkohë, Turi i Shqipërisë ka një karakter më modest, i përqendruar kryesisht në arenën kombëtare dhe rajonale, por mbetet një nga ngjarjet më të rëndësishme të sportit shqiptar dhe një pasqyrë e vlerave lokale të çiklizmit. Gara përfshin disa etapa që përshkojnë qytete dhe zona të ndryshme të vendit, duke ofruar një sfidë të vërtetë për çiklistët dhe një spektakël për shikuesit. Itineraret ndryshojnë çdo vit, por zakonisht përfshijnë qytete si Tirana, Shkodra, Durrësi, Vlora, Elbasani, Korça, Pogradeci, Berati etj.

    Fillesat në Shqipëri – çiklizmi në fillim të shekullit XX

    Çiklizmi në Shqipëri lindi shumë kohë përpara se të njihej si sport zyrtar. Në qytetet e mëdha si Shkodra, Tirana, Durrësi dhe Korça, biçikleta filloi të shfaqet si mjet transporti që në fillim të shekullit XX (1920- 1930), e sjellë nga tregtarët dhe shtresat e pasura që kishin lidhje me Perëndimin. Në atë kohë, përdorimi i biçikletës përfaqësonte një mënyrë moderne jetese dhe një element emancipimi në rrugët e qyteteve shqiptare.

    Shkodra – djepi i çiklizmit shqiptar

    Shkodra, si një qytet me lidhje të hershme me qytetërimin europian dhe me një shoqëri më të hapur ndaj zhvillimeve të reja, ka pasur ndikime të mëdha kulturore nga Italia dhe vendet përreth që në periudhën e fund shekullit XIX dhe fillim shekullit XX. Një nga rrëfimet e hershme është që biçikleta e parë erdhi në Shkodër në fund të shekullit XIX, dhe u pa si një simbol prestigji. Kjo ndihmoi që çiklizmi të hynte shumë herët në jetën publike të qytetit, qoftë si mjet transporti, qoftë si aktivitet sportiv. 

    Viti 1925 shënon një moment të rëndësishëm, pasi organizohet në Shkodër një nga garat e para të njohura zyrtarisht nga çiklistë vendas me biçikleta të importuara kryesisht nga Italia. Gara çiklistike e vitit 1925 përshkonte itinerarin e gjatë rreth 30 kilometra: Shkodër – Koplik – Shkodër. Pas këtij kompeticioni, Shkodra do të mbetej për dekada qendra e garave çiklistike dhe ‘shkolla’ e çiklistëve shqiptarë. 

    Klubi sportiv ‘Vllaznia’ u bë qendra kryesore për zhvillimin e çiklizmit në Shkodër pas viteve 1945. Ky klub kontribuoi në identifikimin, përgatitjen dhe afirmimin e dhjetëra çiklistëve të njohur shqiptarë që përfaqësuan Shqipërinë në nivele kombëtare dhe ndërkombëtare. Disa nga emrat e njohur janë: Skënder Daja, një nga çiklistët më të njohur të viteve ‘70–’80, Ismet Zaganjori, Gjovalin Shtjefni, HysniGega. Ky i fundit më vonë u bë trajner dhe kontribuoi në formimin e brezave të rinj, e shumë të tjerë të cilët fituan gara të shumta brenda dhe jashtë Shqipërisë.

    Sot, vazhdon të mbetet qendra më e rëndësishme e çiklizmit në Shqipëri, me aktivitete të organizuara çdo vit, me klube që vazhdojnë traditën, dhe me interes të shtuar të të rinjve, pasi çiklizmi në Shkodër është një element identiteti.

    Turi Çiklistik i Shqipërisë, vitet e institucionalizimit – pas 1945 e deri në vitet ‘90

    Pas vitit 1945 u krijuan klubet sportive të mëdha si:Vllaznia (Shkodër), Partizani (Tiranë), Dinamo (Tiranë), Skënderbeu (Korçë), Tomori (Berat), Teuta (Durrës). Këto klube filluan të organizojnë kampionate vendore në at q edhe sot quhet ‘Turi Çiklistik i Shqipërisë’, ndërsa trajnerët dhe sportistët stërviteshin në mënyrë sistematike. Federata Shqiptare e Çiklizmit (FSHÇ) u themelua për të organizuar aktivitetet kombëtare dhe për të përfaqësuar vendin jashtë kufijve. Gjatë kësaj periudhe u vendos një nga garat më të rëndësishme të çiklizmit shqiptar duke nisur me turin e parë çiklistik kombëtar, i cili u zhvillua në vitin 1946. Përfshinte disa etapa që përshkonin qytete të ndryshme të Shqipërisë si Tirana, Shkodra, Vlora, Korça, Elbasani, etj. Ishte një eveniment i ndjekur nga publiku dhe shërbente si promovim sportiv dhe patriotik.

    Në vitet 1960–1980, Shqipëria përjetoi një izolim të plotë nga bota perëndimore dhe më pas edhe nga vendet komuniste. Si rezultat, çiklistët shqiptarë nuk kishin mundësi të merrnin pjesë në gara ndërkombëtare. Gjithsesi, brenda vendit, sporti vazhdoi të zhvillohej përmes garave të përvitshme të rrepta në qytete të vogla dhe fshatra.

    Pas viteve ’90, sporti shqiptar u përball me sfida të mëdha: shkatërrimi i infrastrukturës, emigrimi i sportistëve, dhe mungesa e mbështetjes financiare. Por çiklizmi arriti të mbijetojë dhe të përshtatet. Filluan të shfaqen klube të reja lokale dhe private, gara rajonale me pjesëmarrje nga Kosova, Maqedonia, Mali i Zi, përfaqësime në ngjarje ndërkombëtare si Ballkaniada, Lojërat Mesdhetare dhe Kampionatet Evropiane. Shumë shqiptarë që jetonin jashtë, sidomos në Itali, Belgjikë, Francë dhe Zvicër, krijuan ekipe çiklizmi që mbanin flamurin kuqezi në garat amatore e profesionale europiane.

    Në thelb, ajo që duhet të kishte qenë një ngjarje sportive për bashkim, frymëzim dhe promovim të vlerave, u përdor si mjet për ndërtimin e një realiteti të rremë (të radhës). Giro d’Italia nuk e solli Shqipërinë më afër Europës që ‘e veshur me një fanellë rozë’, ajo fshehu plagët e një qeverisjeje që në esencën e saj zgjedh spektaklin në vend të substancës, një spektakël që u kushton shtrenjtë xhepave të shqiptarëve. Dhe ndërsa çiklistët garuan për fitore, qytetarët humbën një tjetër mundësi për të parë një shtet që i përfaqëson me dinjitet.

  • Kombëtarja Shqiptare e Çiklizmit në “Giro d’Italia”, përgatitje për garën ballkanike dhe kampionatin kombëtar

    Kombëtarja Shqiptare e Çiklizmit në “Giro d’Italia”, përgatitje për garën ballkanike dhe kampionatin kombëtar

    Gara e parë historike e “Giro d’Italia” në Shqipëri u karakterizua edhe nga pjesëmarrja e Kombëtares shqiptare. Jo si konkurrentë zyrtarë të eventit, por me ftesë.
    Mes dhjetë sportistëve të ekipit përfaqësues janë edhe dy danezë dhe një kolumbian.
    “Në vitin 2017 erdha në Shqipëri si turist. Rashë në dashuri me klimën dhe malet këtu, bëra shokë. Kam qenë çiklist në Danimarkë për 25 vjet, mora biçikletën, u bashkova me ekipin e Tiranës. Rinisa stërvitjet, kam marrë pjesë në kampionatin kombëtar dhe tashmë garuam në etapën e parë të Xhiros së Italisë me Kombëtaren e Shqipërisë. Ishte një eksperiencë e këndshme dhe u kënaqëm që të ndiheshim si profesionistë”, shprehet Bjarke Nielsen, çiklist i kombëtares së Çiklizmit.
    Çiklistët kuqezi kryen itinerarin e etapës së parë nga Durrësi në Tiranë, vetëm pak orë përpara “Nisjes së Madhe”.

  • U përplas me shtyllën në Fresk, jepet diagnoza e kampionit të çiklizmit: I detyruar të qëndrojë në spital në Tiranë

    U përplas me shtyllën në Fresk, jepet diagnoza e kampionit të çiklizmit: I detyruar të qëndrojë në spital në Tiranë

    Një nga protagonistët kryesorë të Xhiros së Italisë, çiklisti spanjoll Mikel Landa, ka përfunduar garën që në etapën e parë të saj, e cila u zhvillua në Shqipëri. 35-vjeçari, një nga emrat më të njohur të çiklizmit botëror dhe kandidat për fitoren përfundimtare, pësoi një aksident të rëndë pak kilometra para fundit të etapës, pranë zonës së Freskut në Tiranë.
    Landa humbi kontrollin në një kthesë të shpejtë dhe u përplas me një shtyllë, duke përfunduar më pas me shumë forcë në trotuar. Për shkak të dëmtimit, ai nuk mundi të lëvizte dhe u transportua menjëherë me barrelë drejt spitalit me ambulancë.
    Skuadra e tij, “Soudal-Quick Step”, konfirmoi më vonë se Landa kishte pësuar një frakturë në vertebrën e toraksit, konkretisht T11. Kjo lëndim kërkon një trajtim të kujdesshëm dhe qëndrimin për një periudhë të gjatë në pozicion horizontal, përpara se të nisë procesi i riaftësimit.
    Landa do të kalojë natën në një spital në Tiranë, ndërsa ditën e shtunë do të vlerësohen mundësitë për transportimin e tij drejt Spanjës, në varësi të këshillave të mjekëve specialistë.

  • “Giro D’Italia” starton në Durrës, marrin pjesë çiklistë nga e gjithë bota

    “Giro D’Italia” starton në Durrës, marrin pjesë çiklistë nga e gjithë bota

    Edicioni i 108-të i garës prestigjioze ndërkombëtare të çiklizmit “Giro d’Italia” startoi sot, më 9 maj, nga qyteti i Durrësit, duke shënuar një moment historik për të gjithë vendin.

    Çiklistët profesionistë nga e gjithë bota përshkuan në mënyrë demonstrative rrugët kryesore të qytetit, duke nisur nga shëtitorja “Taulantia”, pranë Torrës Veneciane, më tej në rrugën e Kalasë, bulevardin “Epidamn”, sheshin “Liria” dhe rrugën “Aleksandër Goga”.
    Pas kësaj xhiroje prezantuese, ata u drejtuan drejt rrugës së Dëshmorëve, “Adria”, “Pavarësia” dhe më pas në zonën e Plepave, ku edhe u dha starti zyrtar i etapës së parë.
    Atmosfera në shëtitoren bregdetare ishte festive, ndërsa me mijëra qytetarë kishin mbushur rrugët për të ndjekur nga afër ngjarjen. Tifozë të çiklizmit ardhur nga vende të ndryshme, qytetarë durrsakë dhe nxënës shkollash u mblodhën për të përjetuar emocionet e këtij eventi të madh sportiv që, për herë të parë, nisi nga Shqipëria.
    Pas Durrësit, deri më 11 maj, edhe Tirana dhe Vlora, do të jenë mikpritëse të çiklistëve të “Giro d’Italia 2025”. Pas 21 etapash dhe një itinerari prej 3,443.3 kilometrash, gara do të mbyllet më 1 qershor në Romë.

    Top Channel