Aktorja britanike Sophie Turner (29 vjeç), e njohur për rolin e saj si Sansa Stark në serialin Game of Thrones, duket se ka nisur një romancë të re me vokalistin e grupit Coldplay, Chris Martin (48 vjeç). Lajmi është bërë i ditur nga mediat e huaja, të cilat raportojnë se dyshja është parë së fundmi në një takim privat në Londër, duke ngjallur menjëherë thashetheme për një lidhje mes tyre.
Sipas burimeve pranë aktores, marrëdhënia e saj me ish-partnerin Peregrine Pearson ka përfunduar përfundimisht në fund të shtatorit, pas një përplasjeje që ndodhi gjatë një dasme luksoze. Edhe pse qarkulluan zëra për një ribashkim të mundshëm, miqtë e çiftit kanë konfirmuar se ndarja është e pashmangshme.
Nga ana tjetër, Chris Martin është gjithashtu beqar, pasi i dha fund lidhjes dhe fejesës së gjatë me aktoren Dakota Johnson (35 vjeçe) në qershor të këtij viti. Dyshja e Coldplay dhe Fifty Shades of Grey u ndanë në mënyrë miqësore, pas disa vitesh bashkëjetese.
Interesante është fakti që Sophie Turner është një fanse e hershme e Coldplay. Në vitin 2020, ajo u emocionua deri në lot kur ish-bashkëshorti i saj Joe Jonas e surprizoi me një videomesazh nga Chris Martin. Turner dhe Jonas u martuan në vitin 2019 dhe kanë dy vajza: Willa (4 vjeçe) dhe Delphine (2 vjeçe).
Burime pranë aktores thonë se Sophie po e jeton këtë periudhë me më shumë qetësi dhe gëzim, duke iu rikthyer muzikës, këtë herë, ndoshta për arsye më personale se kurrë.
Tag: chris
-
Sophie Turner dhe Chris Martin, çifi më i ri i Hollywood-it?
-
Gjykata në Londër vendos për fatin e Chris Brown pas incidentit në klubin “Tape”
Chris Brown bëri një paraqitje të papritur në një gjykatë të Londrës këtë të premte, në kuadër të një seance paraprake për gjyqin e tij që do të mbahet vitin e ardhshëm. Ai akuzohet për sulm ndaj një producenti muzikor me një shishe në një klub nate në Londër.
Brown, 36 vjeç, mohoi më herët këtë vit akuzat për përpjekje për të shkaktuar dëmtime të rënda fizike dhe një akuzë më të lehtë për sulm që shkakton lëndim fizik real, të cilin prokuroria e përshkroi si një “sulm të paprovokuar”.
Sipas akuzës, incidenti ndodhi më 19 shkurt 2023 në klubin “Tape” në Hanover Square, Mayfair. Viktima e dyshuar është producenti muzikor Abraham Diaw.
Brown nuk ishte i detyruar të paraqitej në seancë, por vendosi të ishte i pranishëm në Southwark Crown Court, ku foli vetëm për të konfirmuar emrin e tij. Ai doli para gjykatës së bashku me bashkë-të-pandehurin e tij, reperin dhe producentin nga Dallas Omololu Akinlolu, 38 vjeç, i cili gjithashtu mohoi akuzat.
Gjyqi i tyre pritet të nisë në tetor 2026.
Sipas prokurorisë, Diaw po qëndronte në barin e klubit kur u godit disa herë me një shishe. Më pas, ai u ndoq në një zonë tjetër të klubit dhe u godit me grushta e shqelma, ndërsa ishte në tokë. Ngjarja është filmuar nga kamerat e sigurisë, ndërsa prokurorja Hannah Nicholls e ka cilësuar atë si “një sulm jashtëzakonisht serioz”.
Brown u arrestua më 15 maj 2025 në një hotel në Manchester, pak orë pasi mbërriti në Britani me avion privat, pas turneut të tij “Breezy Bowl XX”. Ai u lirua më 21 maj nga HMP Forest Bank në Salford kundrejt një garantie prej 5 milionë paundësh, me kusht që të mund të largohej nga Britania për të vijuar turneun.
Këngëtari, fitues i dy çmimeve Grammy, është i njohur për hitet “Run It!”, “Loyal”, “Under the Influence” dhe “No Air” (në bashkëpunim me Jordin Sparks). Ai publikoi albumin e tij të parë “Chris Brown” në vitin 2005 dhe që prej asaj kohe ka nxjerrë dhjetë albume të tjera dhe mbi 60 këngë të suksesshme.
Brown u bë i famshëm në moshë të re për zërin e tij R&B dhe më pas përfshirjen në zhanrin rap, si dhe për marrëdhënien e tij të dikurshme me këngëtaren Rihanna. -
“Po kalojnë gjëra të tmerrshme…”/ Mesazhi i Chris Martin për familjen e Charlie Kirk
Vrasja e Charlie Kirk ka shkaktuar një valë reagimesh në të gjithë botën. Nga politika te muzika, shumë personazhe të famshëm kanë folur hapur për një krim që ka tronditur Shtetet e Bashkuara dhe pjesën tjetër të planetit. Një nga mesazhet më të përfolura në lidhje me këtë ngjarje tragjike ishte ai i Chris Martin, këngëtarit kryesor të Coldplay, gjatë koncertit të tyre në Londër.
Duke iu drejtuar audiencës në stadiumin Wembley, Chris Martin u kërkoi të pranishmëve të ngrinin duart: “Dërgoni dashuri kudo që dëshironi. Ka shumë vende që mund të kenë nevojë për të sot. Mund t’ia dërgoni vëllait ose motrës suaj, familjeve të njerëzve që po kalojnë gjëra të tmerrshme. Mund t’ia dërgoni familjes së Charlie Kirk, familjes së kujtdo.”
Mesazhi i unitetit i Chris Martin
Këngëtari i Coldplay, menjëherë pas këtyre fjalëve, e bëri të qartë se këto urime të mira mund t’u drejtohen “njerëzve me të cilët nuk jeni dakord, por gjithsesi dërgoni dashuri”. Publiku i respektoi kërkesat e tij dhe ishte respektues ndërsa artisti mbajti fjalimin në Wembley.
Chris Martin kujtoi gjithashtu luftërat e mëdha që kanë shënuar lajmet ndërkombëtare për vite me radhë: “Mund t’u dërgoni dashuri njerëzve paqësorë nga Lindja e Mesme, në Ukrainë, Rusi, Azerbajxhan, Sudan, Somali… Kudo që mendoni se mund të kenë nevojë për dashuri nga Londra.”
Policia ka arrestuar të dyshuarin kryesor për vrasjen e Charlie Kirk. Ai është Tyler Robinson, i lindur në Utah 22 vjet më parë, dhe u dorëzua nga familja e tij. Të afërmit e tij shpjeguan se kohët e fundit Tyler Robinson ishte radikalizuar politikisht. Plumbat e qëlluar mund të lexohen me mbishkrime me fjalët “Hej, fashist” ose “Bella Ciao”, kënga popullore e rezistencës antifashiste italiane. -
VIDEO/ Mediu: Chris La Civita-n e solla unë, do fitonim po na vodhën
Kreu i PR-së, Fatmir Mediu, deklaroi në një intervistë televizive se ishte ai që solli në Shqipëri strategun amerikan Chris La Civita, duke theksuar se marrëdhënia me të vijon ende.
“Unë jam marrë me Chris La Civita-n dhe ai e la të qartë situatën në Shqipëri. Grupi i tij nuk ishte vetëm ai, por shtatë persona. Ne donim të bënim betejën për opozitën, sepse nëse do të kishim një proces zgjedhor të lirë dhe të ndershëm, Partia Socialiste nuk do të arrinte 71 mandate. Kjo ishte lufta. Por pas asaj që iu bë opozitës me gjykatë, prokurori, ‘non grata’ dhe gjithçka tjetër, ndryshimi u bë i pamundur. Chris La Civita erdhi me mision për të forcuar opozitarizmin. Marrëdhënia vazhdon”, u shpreh Mediu.
Megjithatë, mbetet ende e paqartë fatura e angazhimit të La Civita-s. Ajo nuk është bërë publike dhe as është depozituar në KQZ, siç parashikojnë detyrimet ligjore për shpenzimet e fushatës. TemA -
Berisha: Fatura për amerikanin Chris LaCivita do të bëhet publike kur ta kërkojë KQZ
Ish-kryeministri Sali Berisha ka dhënë një deklaratë për mediat pas paraqitjes së tij në SPAK, ku është pyetur në lidhje me shpenzimet e fushatës elektorale dhe pagesën për drejtuesin amerikan të fushatës së PD-së, Chris LaCivita.
Berisha theksoi se nuk ka shpenzuar asnjë qindarkë nga fondet personale, pasi sipas tij, të gjitha shpenzimet e fushatës janë mbuluar nga Partia Demokratike.“Sali Berisha nuk ka shpenzuar asnjë qindarkë personale, sepse fushatën time e ka mbuluar PD. Çfarë shpenzimesh kam bërë unë në turneun në mbarë Shqipërinë, është bërë nga PD. Ka një ligj që përcakton afatin kur Partia Demokratike do të deklarojë shpenzimet dhe unë të garantoj se PD do të deklarojë çdo qindarkë,” – deklaroi Berisha.
Në lidhje me faturën për strategun amerikan Chris LaCivita, Berisha u shpreh se ajo do të bëhet publike në momentin që Komisioni Qendror i Zgjedhjeve të kërkojë zyrtarisht deklaratat e shpenzimeve nga partitë politike.
“Tani, unë nuk them se nuk kam deklaruar. Tani deputetët po deklarojnë shpenzimet personale… KQZ-ja ka shpërndarë formularë për deputetët për të deklaruar shpenzimet, por jo për partitë. Partitë kanë një afat ligjor,” – shtoi ai.
Para 11 majit janë hedhur akuza për faturën e pagesës së Chris LaCivita i cili menaxhoi fushatën e PD, ku flitej për shuma në disa milioan dollarë, por deri me tani asgjë nuk ka dalë publike.
Ka dhe një hetim në SPAK për këtë kontratë të PD-së në lidhje me financimin e Chris LaCivita. -
Chris Martin reagon pas skandalit me “Kiss Cam” në koncertin e Coldplay: Do ta vazhdojmë
Chris Martin ka sqaruar pse grupi Coldplay nuk do të heqë dorë nga përdorimi i “kiss cam” në koncertet e tyre, pavarësisht polemikës që shpërtheu muajin e kaluar.
Në korrik, gjatë një koncerti në Boston, kamera kapi në ekranin gjigant Andrew Byron, CEO i kompanisë së inteligjencës artificiale Astronomer, me krahun rreth shefes së burimeve njerëzore të kompanisë, Kristin Cabot. Çifti u përpoq menjëherë të fshihte fytyrat, duke nxitur një batutë nga Martin:“Ose po kanë një aferë, ose janë thjesht shumë të turpshëm.”
Videoja u bë virale. Regjistrat publikë zbuluan se Byron (50) dhe Cabot (56) ishin të martuar me persona të tjerë, megjithëse jetonin veçmas nga bashkëshortët. Të dy dhanë dorëheqje nga kompania, e cila më pas angazhoi Gwyneth Paltrow, ish-bashkëshortja e Martin, si zëdhënëse e përkohshme në një fushatë marketingu ironike.
Pavarësisht situatës, Martin konfirmoi gjatë koncertit të fundit në Hull se “kiss cam” nuk do të largohet:“Vetëm së fundmi ndodhi… e dini ju,” tha ai, duke iu referuar incidentit. “Kur jeta të jep limona, bën limonadë. Do ta vazhdojmë, sepse duam të takohemi me ju.”
Në të njëjtin koncert, Martin vuri re një fans me pankartën “tre herë në tre muaj” dhe komentoi me humor:“Ke qenë edhe në atë koncert në Boston. Mirë atëherë, faleminderit që erdhe sërish pas gjithë asaj situate.”
Skandali ka tërhequr vëmendje edhe jashtë fansave të Coldplay. Këngëtari country Morgan Wallen bëri shaka gjatë një koncerti në Arizona:“Nëse jeni këtu me të dashurën në hije apo diçka tjetër, besoj se jeni të sigurt. Nuk mbështes tradhtinë… më.” -
Trump nderon Chris LaCivita me dekoratën e lartë ushtarake
Presidenti i Shteteve të Bashkuara të Amerikës nderon bashkëdrejtuesin e fushatës së vitit 2024, Chris LaCivita.Arkitekti i fitores së Donald Trump, një veteran i dekoruar i Korpusit të Marinës së SHBA-së u nderua me medaljen “Purple Heart” për plagët e marra gjatë Luftës së Gjirit Persik në vitin 1991.
Kujtojmë se LaCivita udhëhoqi dhe fushatën e PD-së në Shqipëri zgjedhjet parlamentare të 11 majit 2025.
Ceremonia e nderimit u mbajt në Shtëpinë e Bardhë me rastin e Ditës Kombëtare të “Purple Heart” më 7 gusht 2025.
“Na bashkohet edhe marinsi veteran që bashkëmenaxhoi fushatën time të vitit 2024, një talent fantastik në shumë aspekte, i plagosur në betejë për vendin tonë gjatë Operacionit Stuhia e Shkretëtirës, Chris LaCivita” thotë Trump në videon e postuar në rrjetin social në X. Në ceremoninë e dekorimit Chris La Civita shoqërohej nga vajza e tij, Victoria.
ICYMI: President Trump honors 2024 co-campaign manager @ChrisLaCivita—a decorated U.S. Marine Corps veteran who earned the Purple Heart for wounds sustained in the 1991 Persian Gulf War—during a White House ceremony on National Purple Heart Day! 🇺🇸 pic.twitter.com/AtmJMi63WN
— Trump War Room (@TrumpWarRoom) August 9, 2025
Çfarë është medalja “Purple Heart”“Purple Heart”, është dekorata ushtarake më e vjetër ende në përdorim, e cila u jepet pjesëtarëve të forcave të armatosura që vriten ose plagosen gjatë përfshirjes në veprime luftarake kundër armikut ose si pasojë e akteve terroriste. Sipas “National Purple Heart Hall of Honor”, që nga krijimi i saj në vitin 1782, janë dhënë mbi 1.8 milionë medalje.
Është një nga medaljet më të vjetra të SHBA-së, e krijuar fillimisht nga George Washington më 1782 (atëherë si “Badge of Military Merit”), dhe ka formën e një zemre me portretin e Washingtonit në mes. Marrja e saj shihet si një nder i madh në ushtri, pasi simbolizon sakrificën personale në mbrojtje të vendit.
-
Loja ndryshon! Pas skandalit, Astronomer emëron ish-gruan e Chris Martin si ‘Zëdhënëse të Përkohshme’
Gwyneth Paltrow po ndihmon Astronomer.
Gati dy javë pasi Andy Byron, drejtori ekzekutiv i kompanisë teknologjike, u kap në një kamerë puthjeje në koncertin e Coldplay me ekzekutiven e burimeve njerëzore të Astronomer, Kristin Cabot, Paltrow mori pjese në një reklamë të re për kompaninë. Ish-bashkëshortja e Chris Martin, luajti një rol kyç në këtë moment viral.
Videoja u nda në llogaritë e mediave sociale të kompanisë dhe mbishkrimi ishte: “Faleminderit për interesin tuaj për Astronomer”.Paltrow, e cila ishte e martuar me Martinin nga viti 2003 deri në vitin 2016, shfaqet me veshje biznesi të rastësishme, e ulur në një tavolinë për një njoftim të shpejtë.
“Jam punësuar në një bazë shumë të përkohshme për të folur në emër të mbi 300 punonjësve në Astronomer”, tha ajo. Aktorja e “Marty Supreme” shtoi se kompania kishte marrë “shumë pyetje gjatë ditëve të fundit” që kur skandali u bë viral.
Pas prezantimit të saj, Paltrow shpjegoi se do t’u përgjigjej pyetjeve më të zakonshme që Astronomer ka marre.
“Po, Astronomer është vendi më i mirë për të drejtuar Apache Airflow, duke unifikuar përvojën e drejtimit të të dhënave, ML dhe tubacioneve të IA-së në shkallë të gjerë”, tha Paltrow, duke përdorur mundësinë e saj si zëdhënëse e përkohshme për të nxjerrë në pah atë që bën Astronomer.
Pyetja tjetër për Astronomer ishte: “Si po ia del ekipi juaj i mediave sociale…”
Përpara se pyetja e plotë të shfaqej në ekran, Paltrow ndryshoi përsëri qëndrim, duke përmendur se kompania ka ende hapësirë për eventin e saj Beyond Analytics në shtator.
Pa iu përgjigjur asnjërës prej pyetjeve të nxehta, Paltrow përfundoi: “Tani do të kthehemi tek ajo që bëjmë më mirë, që është ofrimi i rezultateve që ndryshojnë rrënjësisht për klientët tanë. Faleminderit për interesin tuaj për Astronomer.” -
Komenti epik i Chris Martin në koncertin e parë të Coldplay pas videos virale
Vokalisti i Coldplay, Chris Martin, bëri një koment humoristik në koncertin e tij të parë që nga videoja virale e një “kamere puthjeje” që tradhtonte një çift në një performancë të mëparshme.
Të shtunën, më 19 korrik, Martin me shaka paralajmëroi audiencën se “kamera e puthjes” do të fillonte regjistrimin. “Do të donim t’ju përshëndetnim disa prej jush në audiencë”, tha ai në një video të postuar në X (më parë Twitter), duke shtuar: “Mënyra se si do ta bëjmë këtë është përmes kamerave tona, duke ju treguar në ekranin e madh. Pra, ju lutemi, nëse nuk jeni lyer ende, bejeni tani.”
Gjatë një koncerti të Coldplay në Boston të mërkurën në mbrëmje, një kamera puthjeje kapi drejtorin ekzekutiv të martuar të Astronomer, Andy Byron, në një përqafim me drejtuesen e burimeve njerëzore të kompanisë, Christine Cabot. Kur kuptuan se ishin në kamera, u larguan nga njëri-tjetri dhe fshehën fytyrat. Çifti u identifikua në mediat sociale dhe videoja e tyre së bashku ka grumbulluar dhjetëra miliona shikime që kur u postua. -
Sa pak mjafton sot për të zbuluar gjithçka për dy të panjohur!
Chris Martin, këngëtari i Coldplay, e mori me shaka: “Shikojini këta dy, ose kanë një lidhje sekrete ose janë shumë të turpshëm”. Por, si duket, pa dashje (ose ndoshta jo), ai qëlloi në shenjë.
Fillimisht, nuk ishte e qartë nëse çifti i kapur nga kiss cam në një koncert në Boston ishte thjesht i turpshëm. Por interneti, i gjithëpushtetshëm dhe gjithmonë i etur për drama, zbuloi shpejt se ata ishin në fakt tradhtarë. Partnerët dhe fëmijët e tyre tashmë e dinë, falë një valë komentesh dhe mesazhesh në rrjetet sociale drejtuar të tradhtuarve.
Si nisi gjithçka: një përqafim dhe një kamera
Gjithçka ndodhi në Gillette Stadium, gjatë një koncerti të Coldplay. Në ekranin gjigant të stadiumit u shfaq një çift që dukej i lumtur dhe shumë i afërt. Kur kuptuan që po transmetoheshin drejtpërdrejt në ekran, ajo mbuloi fytyrën, ndërsa ai u përpoq të fshihej duke u ulur. Në atë moment, Chris Martin e komentoi skenën me humor të lehtë, duke shtuar: “Shpresoj që të mos kem bërë diçka të keqe”. Por, dëmi ishte bërë.
Shpejtësia e rrjeteve: identitetet u zbuluan brenda pak orësh
Çfarë ndodhi më pas? Videoja u bë virale. Përdoruesit e rrjeteve sociale u vunë në kërkim të identitetit të çiftit. Brenda orësh, emrat, kompanitë ku punonin, statusi civil dhe familjet e tyre u zbuluan dhe u publikuan si ushqim për turmën.
Sipas Corriere della Sera, burri ishte CEO i një kompanie që ofron zgjidhje software dhe inteligjencë artificiale. Ajo, drejtuese e burimeve njerëzore në të njëjtën kompani, punësuar vetëm shtatë muaj më parë. Profilët e tyre në LinkedIn u kthyen në një arenë publike, aq sa kompania bllokoi aksesin drejt tyre në faqen zyrtare.
Edhe partnerët e tyre “zyrtarë” u përfshinë në këtë vorbull. Gruaja e CEO-së, për shembull, u bombardua në Facebook me komente dhe video nga TikTok ku dyshja kapeshin mat. Ajo hoqi mbiemrin e burrit nga profili i saj dhe më pas mbylli të gjitha rrjetet sociale, duke dhënë një mesazh të heshtur, por shumë të qartë.
Një tjetër fytyrë e internetit: doxxing dhe teknologji të rrezikshme
Kjo histori tregoi fuqinë dhe rrezikun e praktikës së quajtur doxxing: gjetja dhe publikimi i të dhënave private të dikujt pa lejen e tij. Në këtë rast, mjaftoi një video dhe ndihma e disa mjeteve online për të “demaskuar” çiftin.
Një nga mjetet që dyshohet se është përdorur është PimEyes një program i njohur për kërkimin e fytyrave që mund të gjejë përputhje me një foto të vetme. Ky lloj softueri është i diskutueshëm sepse i lejon kujtdo të gjurmojë imazhe dhe identitete me një saktësi befasuese.
Teknologji të tilla, siç thekson Corriere della Sera, kanë potencialin për t’u keqpërdorur. Në një rast të ngjashëm, studentë të Harvardit demonstruan se mund ta lidhin PimEyes me syze të zgjuara për të njohur dhe identifikuar njerëz në kohë reale në rrugë. Një alarm serioz për privatësinë, pavarësisht përpjekjeve të Big Tech për të kufizuar përdorime të tilla: Google Lens, Gemini dhe madje edhe ChatGPT nuk lejojnë identifikimin e fytyrave të njerëzve jo publikë nga foto të rastësishme.
Mësimi nga kjo histori
Edhe pse gjigantët e teknologjisë vendosin barriera për të ruajtur privatësinë, realiteti është se mjafton një foto, pak kuriozitet dhe disa mjete online që të zbulosh gjithçka për këdo. Çifti i kapur në koncertin e Coldplay tani e di këtë më mirë se kushdo tjetër.