Lajmidites.com

Tag: centralit

  • Polonia do të nisë ndërtimin e centralit të saj të parë bërthamor

    Polonia do të nisë ndërtimin e centralit të saj të parë bërthamor

    Ndërtimi i centralit të parë bërthamor të Polonisë do të fillojë tani, pasi Komisioni Evropian miratoi kërkesën e Varshavës për të ndarë 14.2 miliardë euro ndihmë shtetërore për projektin.
    Vendimi u mirëprit nga kryeministri Donald Tusk, i cili tha në një mbledhje të kabinetit se kjo do të thotë që “ndërtimi do të jetë në gjendje të fillojë menjëherë”, që këtë muaj.
    Centrali bërthamor, i cili do të ketë një kapacitet deri në 3.75 gigavat (GW), do të ndërtohet në bregdetin verior të Detit Baltik të Polonisë.

    Pritet të fillojë funksionimin në gjysmën e dytë të viteve 2030.

  • Mburoja mbrojtëse e centralit të Çernobilit jashtë funksionit, shkak dronët rusë

    Mburoja mbrojtëse e centralit të Çernobilit jashtë funksionit, shkak dronët rusë

    Agjencia e Kombeve të Bashkuara për Energjinë Bërthamore njoftoi e alarmuar se mburoja mbrojtëse e termocentralit bërthamor në Çernobil ka dalë jashtë funksionit si pasojë e dëmeve të shkaktuara nga sulmet me drone, për të cilat Ukraina fajëson Rusinë.

    Mburoja, e njohur si “Konvoji i Sigurisë” ose Arka, u ndërtua pas katastrofës së vitit 1986 me qëllimin të frenohej përhapja e rrezatimit nga reaktori i dëmtuar. Sipas Agjencisë Ndërkombëtare për Energjinë Atomike (IAEA), një sulm me dron i muajit shkurt e ka dëmtuar strukturën e kësaj mburoje, e kjo u verifikua tani, gjate inspektimit te kompleksit nga ana e nje ekipi ekspertesh te saj.
    Reuters citon kreun e IAEA, Rafael Grossi, të pohojë se mburoja nuk po kryen më funksionin e saj kryesor mbrojtës. Ai sqaron se, megjithëse nuk ka dëmtime të përhershme në strukturën mbajtëse ose në sistemet e monitorimit, nevojiten ndërhyrje të thella për të ndaluar degradimin dhe për të garantuar sigurinë bërthamore afatgjatë. Disa riparime paraprake tashmë janë kryer.
    Më 14 shkurt, OKB-ja informoi autoritetet ukrainase se centrali ishte goditur nga një dron i pajisur me kokë me mbushje eksplozive, i cili shkaktoi zjarr dhe dëmtoi mburojën në zonën e reaktorit numër katër –më i godituri  në tragjedinë e vitit 1986. Rusia ka mohuar çdo përgjegjësi për këtë sulm.
    Pavarësisht dëmeve, OKB-ja njoftoi se për fat të mirë, është arritur që niveli i rrezatimit të mbahet i qëndrueshëm dhe brenda kufijve normalë, pa shenja rritjeje. Reaktori i fundit funksional i centralit u mbyll një cerek shekulli më parë. Rusia e pushtoi këtë objekt dhe zonën përreth tij një muaj pas fillimit të agresionit ndaj Ukrainës në shkurt të vitit 2022.

    Top Channel

  • Bombardimi i centralit bërthamor të Iranit, Pentagoni publikon momentin e sulmit nga SHBA

    Bombardimi i centralit bërthamor të Iranit, Pentagoni publikon momentin e sulmit nga SHBA

    Pentagoni ka publikuar pamje të sulmit amerikan ndaj centralit bërthamor Fordow të Iranit.

    Sulmi ndodhi natën e 21-22 qershorit. Sekretari i Mbrojtjes Pete Hegseth dhe Kryetari i Shtabit të Përbashkët të Ushtrisë, Gjenerali Dan Caine, dolën para shtypit për të treguar videon.
    (VIDEO)
    Në këto pamje shfaqet ndikimi i njërës prej gjashtë bombave “shkatërruese të bunkerëve” të hedhura dhe shpërthimin e madh që pasoi.

    Top Channel

  • Miratohet ndërtimi i centralit fotovoltaik në Taç të Kolonjës

  • VKM/ Miratohet ndërtimi i centralit fotovoltaik 62 MW në Taç të Kolonjës, do të prodhojë energji për 49 vite

    VKM/ Miratohet ndërtimi i centralit fotovoltaik 62 MW në Taç të Kolonjës, do të prodhojë energji për 49 vite

    Këshilli i Ministrave ka miratuar ditën e sotme ndërtimin e centralit gjenerues të energjisë elektrike fotovoltaike me kapacitet 62 megavatë, në fshatin Taç Lartë, Bashkia Kolonjë, Qarku Korçë. Ky projekt është iniciativë e shoqërisë “Fortis Energy and Construction” sh.p.k. dhe nuk është objekt koncesioni, as nuk përfiton nga masat mbështetëse.
    “Miratimin e ndërtimit të centralit gjenerues të energjisë elektrike fotovoltaike dhe veprave ndihmëse, i cili nuk është objekt koncesioni dhe nuk përfiton nga masat mbështetëse, në fshatin Taç Lartë, Bashkia Kolonjë, Qarku Korçë, nga shoqëria ‘Fortis Energy and Construction’, sh.p.k., me elementet, si më poshtë vijon:a) Emri i aplikuesit: Shoqëria ‘Fortis Energy and Construction’, sh.p.k.;b) NIPT/NUIS: M11821012G;c) Tipi i centralit: Fotovoltaik;ç) Kapaciteti i instaluar: 62MW;d) Afati i pritshëm i vënies në punë dhe pajisja me leje ndërtimi: brenda 36 muajve nga hyrja në fuqi e këtij vendimi.”-thuhet në vendim.
    Në bazë të dokumentit zyrtar, koha e ndërtimit dhe pajisjes me lejen përkatëse do të zgjasë maksimumi 3 vjet, ndërsa afati i operimit të centralit është i përcaktuar për 49 vjet nga hyrja në fuqi e vendimit.
    “Ministria e Infrastrukturës dhe Energjisë dhe Agjencia Kombëtare e Burimeve Natyrore kanë të drejtë të ushtrojnë mbikëqyrje të përgjithshme, me afate 3-mujore gjatë realizimit, vënies në punë dhe operimit, me synim që të verifikojnë se ecuria e punimeve, cilësia, konformiteti dhe operimi janë në përputhje me programin e përgjithshëm të realizimit dhe të dokumentacionit të projektit.”
    Shoqëria “Fortis Energy and Construction” ka detyrime të qarta ndaj institucioneve përkatëse, duke përfshirë raportimin periodik dhe respektimin e të gjitha kushteve mjedisore dhe ligjore:
    “Shoqëria ‘Fortis Energy and Construction’, sh.p.k., ka detyrimin që:i. të paraqesë periodikisht (çdo tre muaj) pranë Ministrisë së Infrastrukturës dhe Energjisë dhe Agjencisë Kombëtare të Burimeve Natyrore informacion për ecurinë e ndërtimit të centralit fotovoltaik;ii. të respektojë kushtet e cituara në lejet, licencat dhe autorizimet paraprake mjedisore;iii. të dorëzojë sigurimin e kontratës në masën jo më pak se 5% të vlerës së investimit, para nënshkrimit të kontratës me ministrinë.”
    Një tjetër pikë e rëndësishme e vendimit është edhe ajo që përcakton detyrimin e kompanisë që t’i japë falas ministrisë përgjegjëse për energjinë një pjesë të prodhimit.
    “Shoqëria duhet t’i japë falas, në formë royalty, ministrisë përgjegjëse për energjinë sasinë e energjisë elektrike në masën 2% të sasisë vjetore të prodhimit ose konvertimin e saj në vlerë monetare. Në rast konvertimi, shuma duhet të derdhet tërësisht në buxhetin e shtetit.”-thuhet më tej në vendim. 
    Në fund të vendimit, nënvizohet se ky projekt nuk është objekt koncesioni dhe nuk përfiton mbështetje financiare nga shteti, por është i rëndësishëm për zhvillimin e sektorit të energjisë së ripërtëritshme në Shqipëri.
    Çfarë dimë më shumë për projektin?
    Projekti për ndërtimin e centralit fotovoltaik në Taç të Kolonjës është pjesë e strategjisë kombëtare për të rritur kapacitetet e energjisë së pastër dhe për të diversifikuar burimet e energjisë në vend. Kapaciteti prej 62 MW do të kontribuojë në uljen e varësisë nga burimet fosile dhe në rritjen e prodhimit të energjisë me origjinë natyrale.
    Sipas dokumenteve, koha e ndërtimit është afër 3 vjet, që e bën një prej investimeve më të mëdha të energjisë fotovoltaike në rajonin e Juglindjes së Shqipërisë.

  • Agjencia për Energjinë Bërthamore: Një sulm ndaj centralit në Bushehr do të ishte katastrofik

    Agjencia për Energjinë Bërthamore: Një sulm ndaj centralit në Bushehr do të ishte katastrofik

    Drejtori i Agjencisë Ndërkombëtare për Energjinë Atomike (IAEA), Rafael Grossi, paralajmëroi të premten se një sulm i drejtpërdrejtë ndaj centralit bërthamor iranian në Bushehr do të shkaktonte një “çlirim shumë të lartë të radioaktivitetit”, me pasoja për njerëzit që jetojnë në një rreze prej qindra kilometrash nga objekti.
    Duke folur para Këshillit të Sigurimit të OKB-së, Grossi tha se Bushehr është “qendra bërthamore në Iran ku pasojat e një sulmi do të ishin më seriozet”.
    Ai sqaroi se si një central aktiv për prodhimin e energjisë, Bushehr përmban “mijëra kilogramë material bërthamor”.
    Vendndodhja e centralit në jug të Iranit e bën atë më afër kryeqyteteve të disa aleatëve të SHBA-ve në rajon sesa vetë Teheranit. Grossi deklaroi se vende të rajonit i janë drejtuar atij drejtpërdrejt për të shprehur shqetësimet e tyre.
    “Dua ta bëj absolutisht të qartë: në rast të një goditjeje të drejtpërdrejtë ndaj centralit bërthamor në Bushehr, do të kishte një çlirim shumë të madh të radioaktivitetit në mjedis,” theksoi ai.
    Grossi shtoi se edhe një sulm që do të dëmtonte linjat e furnizimit me energji të centralit mund të shkaktonte shkrirjen e bërthamës së reaktorit, çka do të çonte gjithashtu në një çlirim të lartë radioaktiviteti.
    Ai paralajmëroi se popullsitë brenda një rrezeje prej qindra kilometrash do të ishin të rrezikuara nga rrezatimi, dhe në rast të një sulmi të tillë do të nevojiteshin evakuime masive, trajtime me jod dhe kontrolle të rrepta të ushqimeve.

  • Nisin sulmet në Iran, dëgjohen dy shpërthime pranë centralit bërthamor

    Nisin sulmet në Iran, dëgjohen dy shpërthime pranë centralit bërthamor

    Iran

    IRAN- Agjencia e lajmeve Fars, e lidhur me IRGC-në, raporton se dy shpërthime janë dëgjuar disa minuta më parë pranë centralit bërthamor Fordow.
    Fordou ndodhet në jug të Teheranit dhe rreth 32 km në verilindje të qytetit qendror të Qomit. Shtrihet rreth 100 metra nën tokë.
    Kishte disa raportime të mëparshme për njerëz që kishin dëgjuar shpërthime pranë vendit.
    SHBA-të dhe fuqitë kryesore evropiane kishin shprehur më parë alarm për zbulimin e grimcave të uraniumit të pasuruara në pastërti 83.7% në këtë vend specifik.
    Izraeli shënjestroi centralin bërthamor të Natanzit në provincën Isfahan të Iranit më herët gjatë ditës së sotme.
    Agjencia Ndërkombëtare e Energjisë Atomike thotë se nivelet e rrezatimit jashtë atij objekti kanë mbetur të pandryshuara, por kontaminimi radioaktiv brenda mund të menaxhohet me “masa të përshtatshme mbrojtëse”.

  • Zhvillimi i energjisë diellore, miratohet ndërtimi i centralit fotovoltaik 82 MW në Fier

    Zhvillimi i energjisë diellore, miratohet ndërtimi i centralit fotovoltaik 82 MW në Fier

    Këshilli i Ministrave miratoi ndërtimin e centralit gjenerues të energjisë elektrike fotovoltaike me kapacitet 82 MW në fshatin Boçovë, bashkia Fier.Reklama në FieriWeb – “BREGU CLIMA”

    Investimi do të realizohet nga shoqëria “ALBANIA SOLAR POWER” sh.p.k., dhe nuk është objekt koncesioni apo masash mbështetëse.Reklama në FieriWeb – “COVIM CAFFE”

    Afati i ndërtimit dhe vënies në punë është 36 muaj nga data e hyrjes në fuqi të vendimit, ndërsa afati i operimit është 49 vjet.Reklama në FieriWeb – “PASTIÇERI “RUSTEMAJ”

    Ministria e Infrastrukturës dhe Energjisë së bashku me Agjencinë Kombëtare të Burimeve Natyrore do të ushtrojnë mbikëqyrje të rregullt gjatë realizimit dhe operimit të impiantit. Reklama në FieriWeb – “STREET FOOD S.O.A”

    Shoqëria “ALBANIA SOLAR POWER” ka detyrimin të raportojë çdo tre muaj për ecurinë e ndërtimit, të respektojë kushtet mjedisore dhe ligjore, si dhe të sigurojë një depozitë sigurimi prej së paku 5% të vlerës së investimit.Reklama në FieriWeb – “Oazi i Pishave”

    Gjithashtu, do t’i japë falas ministrisë përgjegjëse për energjinë 2% të prodhimit vjetor të energjisë, në formë royalty, ose vlerën monetare përkatëse.

    Në Shqipëri, prodhimi i energjisë nga dielli po rritet me ritme të shpejta falë potencialit të madh diellor dhe investimeve në energji fotovoltaike. Përdorimi i paneleve diellore për prodhimin e energjisë elektrike është duke u zgjeruar, duke kontribuar në diversifikimin e burimeve energjetike dhe uljen e varësisë nga burimet tradicionale.

  • Imazhet satelitore zbulojnë planin sekret rus për termocentralin bërthamor në Zaporizhia

    Imazhet satelitore zbulojnë planin sekret rus për termocentralin bërthamor në Zaporizhia

     Imazhet satelitore tregojnë se Rusia po ndërton linja transmetimi energjie drejt centralit bërthamor të vendosur në Zaporizhia, me qëllim shfrytëzimin e objektit të çaktivizuar duke e lidhur atë me rrjetin e vet të energjisë elektrike. Konkretisht, sipas New York Times, duke cituar një raport të Greenpeace, Rusia ka ndërtuar tashmë afërsisht 80 kilometra linja elektrike midis Mariupolit të pushtuar dhe Berdnyaskut të pushtuar deri në Detin e Azov që nga fillimi i shkurtit.

    Vërehet se Rusia e hodhi poshtë kategorikisht lajmin, me Ministrin e Jashtëm Sergei Lavrov i cili i tha CBS News se uzina e Zaporizhias operohet nga gjigandi bërthamor rus Rosatom dhe se ai beson se “asnjë ndryshim nuk është i mundur”.

    Çfarë thonë ekspertët

    “Plani i Putinit për të rinisur centralin bërthamor Zaporizhia varet nga sigurimi i linjave të reja të transmetimit të energjisë – kjo është prova e parë fizike e këtyre planeve”, tha në një intervistë Sean Burney, një ekspert bërthamor në Greenpeace Ukraine.

    Olga Kosarna, një eksperte e pavarur ukrainase për energjinë bërthamore, tha se lidhja e centralit me rrjetin e vet është një qëllim afatgjatë i Moskës, siç është shprehur në deklaratat zyrtare gjatë gjithë luftës. Vërehet se rinisja e centralit bërthamor Zaporizhia do të sjellë rreziqe të konsiderueshme.