Bylisi është një “kockë e fortë” në një kampionat të Superiroes ku të gjithë janë të etur për tre pikë, mes objektivave të larta për të kapur Final Four. Ndryshe nga e kaluara kur vendet e fundit të jepnin sadopak qetësi për të fituar, këtë herë ka tjetër situatë.
Bylis nuk është një kafshat e lehtë për t’u përtypur dhe në javën e fundit Partizani vuajti deri në sekondën e fundit për të fituar. Ndërkohë sot ndeshja me Teutën u ndal në barazimin 1-1. Boci shënoi në minutën e 75 pas një gabimi të Brunos te durrsakët dhe vetëm gjashtë minuta më vonë, pas gabimit të lojtarëve të Teutës, Mustafa barazoi ndeshjen. /Sport Ekspres/
Tag: bylisi
-
Bylisi është “kockë e fortë”! Teuta nuk del dot me tre pikë, vendosin dy gabime
-
Rast i rrallë për “demat”, Bylisi e sheh Partizanin si shpëtim në sfidën e golave
Partizani është kthyer në rival të preferuar për Bylisin, që nga edicioni i kaluar. Si me asnjë kundërshtar tjetër në vitet e fundit, Partizani e shikon veten me katër humbje radhazi në përballjet direkte me Bylisin.
Bëhet fjalë për sfida që tregojnë dominim të ekipit që tani drejton Mirel Josa, dhe jo fitore të rastësishme. Pas sfidës me Dinamon, u vu re që Bylisi e kaloi menjëherë vëmendjen te takimi me Partizanin. Për këtë mund të thuhet se Bylisi është sërish gati për një përballje të rëndësishme për mbijetesën.Pikët e grumbulluara me Partizanin ishin faktor i rëndësishëm, që Bylisi në siguronte mbijetesën në edicionin e kaluar. Fakt është se tashmë numëron tri fitore, po aq sa Partizani, dhe një prej tyre në 13 javët e para e regjistron me “demat”. Fitore bindëse me rezultatin 3 me 1 në stadiumin “Adush Muçaj”.
GOLAT- Nga 9 dhjetori i vitit të kaluar është tashmë një vit. Katër ndeshje në total ku Bylisi festoi nëntë gola të shënuar. Ndërkohë që “demat” e provuan katër herë shijen e golit. Partizani është vendosur në avantazh përgjatë dy sfidave, megjithatë mallakastriotët janë rikthyer me fitore. Mesatare e frikshme, që mund ta tregojë këtë takim si sfidën e golave për Superioren.
BARAZIMI- Partizani dhe Bylisi luajnë të mërkurën në përballjen që duket se garanton një fitues. Nga 6 shkurti i vitit 2021 numërohen 12 ndeshje të vlefshme për Superioren. Bëhet fjalë për tetë fitore që i përkasin Partizanit dhe katër të tjera miqve për sfidën e ardhshme. Asnjë barazim, plot 34 gola të shënuar në 12 ndeshje. Kështu tregohet një standard i pazakontë për Superioren mes dy skuadrave. Me vetëm 1 pikë më tepër se Bylisi i zonës së ftohtë, Partizani qëndron në garë për mbijetesën. Për këtë edhe ky takim është një nga më interesantet që premton java e 14-të e Superiores. -
VIDEO/ Bylisi zhyt më keq Tiranën në krizë, bardheblutë rrezikojnë më shumë se kurrë këtë sezon
Bylisi ka arritur që të fitojë ndaj Tiranës në shifrat 0-2. Trajneri Ardian Nuhiu ka debutuar me humbje te bardheblutë dhe nuk ka arritur dot që të bëjë mrekullinë në fare pak ditë që pas uljes së tij në pankinë.
Përgjoni do të shënonte golin e parë të ndeshjes në minutën e 9, ndërsa autogoli i Veras vendosi gjithçka në të 71. Me këtë rezultat, Tirana mban vendin e parafundit me gjashtë pikë, por me një ndeshje më shumë të luajtur se Partizani dhe Vora që gjenden përpara. Për fat të mirë për Tiranën, këto dy ekipe do të kenë një ndeshje direkte dhe kështu humbet mundësia që të dyja skuadrat të shkëputen për të krijuar mirazhin e frikshëm të fund sezonit për Tiranën. /Sport Ekspres/ -
Tiranës i mbetet vetëm fanella, Bylisi ‘e fundos’ me rezultatin
Ndeshja nisi më mirë për miqtë, që rrezikuan disa herë para se Arli Përgjoni të përfitonte nga një gabim i kapitenit Dembele dhe i vetëm përballë Tafas nuk mund të gabonte duke i dhënë epërsinë ballshiotëve. Edhe pas golit të pësuar Tirana nuk “u zgjua” dhe rrezikoi që të pësonte sërish gol, por Tafas ndali mirë këtë herë Përgjonin.
Pjesa e parë u mbyll me këto shifra dhe kur pritej që Tirana të reagonte, sërish një gabim në prapavijë dhe mosmarrëveshja mes Veras dhe Tafas bëri që Bylisi të gjente golin e dytë.Tirana pëson humbjen e tretë radhazi dhe me vetëm gjashtë pikë mban vendin e parafundit në renditje. Nga ana tjetër Bylis gjen fitoren e dytë radhazi dhe ngjitet në kuotën e 12 pikëve për vendin e gjashtë momental.
Ndeshja e radhës për Tiranën është kundër Vorës, ndërsa Bylis luan kundër Flamurtarit.
Superliga, raundi 10-të:
E hënë, 03 nëntor 2025
14:00 Tirana 0-2 Bylis
17:00 Dinamo – Teuta
17:00 Flamurtari – AF Elbasani
Renditja: -
Fitore me pasoja, Bylisi udhëton pa dy qendërmbrojtës në transfertën e kryeqytetit
Bylisi gjeti fitoren me Vorën, në një duel ku ballshiotët edhe pse me 10 veta dhanë shpirtin në fushë dhe sakrifikuan për 3-pikëshin, ndërsa duke rikuperuar disi edhe pozitat e pikaverazhit në renditje.
Faza e parë e gjen Bylisin me 9-të pikë dhe tashmë mallakastriotët edhe më të konsoliduar nisin fazën e dytë, e cila u rezervon një kalendar shumë të fortë që në start. Dy fitore, ndaj Partizanit e Vorës dhe barazim me Tiranën, Flamurtarin dhe me Dinamon në transfertë, ky është bilanci i nëntë javëve të para të skuadrës bardhëkuqe.Bylisin e pret në fundjavë transferta me Tiranën, një duel mjaft i fortë. Kujtojmë që sfida e parë në Ballsh përfundoi 0-0, por që jo ndeshje do të jetë ndryshe. Ballshiotët duan që të mos dalin pa pikë, e vështirë por jo e pamundur, e megjithatë trajneri Mirel Josa e njeh mirë mentalitetin e skuadrës bardheblu, ndaj edhe përgatitjet te Bylisi në prag të këtij dueli, kanë nisur fill pas Vorës. Ballshiotët kanë pak ditë në pozicion ndaj edhe kërkojnë që të shfrytëzojnë në maksimum afati kohë për ta nisur mbarë pjesën e dytë të garës.
MUNGESAT – Ballshiotëve nuk po u ndahen mungesat nëjavët e fundit, madje lojtarë titullarë. Në Tiranë do të ketë mungesën e dy mbrojtësve të qendrës, siç janë Marin Abazaj dhe braziliani Bruno. Në dyshim edhe Abubakar Kamara, ndërsa pjesa tjetër e skuadrës janë në rregull.
Mallkastriotët janë në kushte grumbullimi, ndërsa synimi është që të vijojnë me ecuri pozitive edhe ndaj Tiranës, të dielën në “Selman Stërmasi”. Por fakti që janë gati disa lojtarë të tjerë si Idrisu, Uankeuai e Sanogo, bën stafin të jetë pak më i qetë. Pa thënë se edhe Sulovari është në formën e tij optimale. Pra, faza e dytë e gjen Bylisin më të plotë si skuadër dhe ballshiotët synojnë që të ngjiten renditje. -
Egnatia i shkakton Teutës humbjen e parë, Bylis mund Vorën
Java e 9-të e Kategorisë Superiore nisi dje me dy duelet e paera të saj, ku ra në sy humbja parë sezonale e Teutës, humbje 1-0 që ia shkaktoi Egnatia, kurse Bylisi mori tri pikë pasi mundi Vorën 2-1. Konkretisht, Egnatia ka marrë dje një fitore historike përballë Teutës, pasi për herë të parë ia ka dalë të mposhtë durrsakët në Rrogozhinë në Superiore. Për ta bërë këtë i është dashur një gol i shënuar nga Albaneze në fundin e pjesës së parë, pas një gjuajtje mjeshtërore që nuk i la mundësi të reagonte Selmanit. Ky gol i dha tre pikët rrogozhinasve, duke i shkaktuar humbjen e parë të këtij sezoni në kampionat Teutës.
Ndërkohë, në ndeshjen tjetër të luajtur dje, Bylis duhet të luante nga minuta e 17-të me një lojtar më pak, pasi kapiteni Marin Abazaj u largua me karton të kuq. Gjyqtari Ditmar Grimci e largoi Abazajn nga loja, pas faullit të shkaktuar ndaj Karricës. Kur pritej që gjithçka të vijon në favor të miqve, çuditërisht Bylisi vazhdoi të ishte më kërkues dhe menjëherë kaloi në avantazh. Rrugën e rrjetës e gjeti Ualison. Barazimi i Vorës erdhi në minutën e 57-të nga Karrica. Gjyqtari anësor sinjalizoi për pozicion jashtë loje fillimisht, por VAR ndërhyri që goli të ishte i rregullt. E njëjta situatë si një pjesën e parë u përsërit, ku Bylisi dhe pse në inferioritet numerik vazhdonte më kërkues. Golin e përmbysjes së rezultatit e solli Sanogo, që detyroi portierin Ruçi të shkaktonte autogol. Ishte një trepikësh me vlera për Bylisin, pasi i largohet për momentin zonës së ftohtë dhe i afrohet Vorës me vetëm një pikë më pak.
Superiore/ Java 9
Të martën
Bylis-Vora 2-1
Egnatia-Teuta 1-0
Të mërkurën
Flamurtari-Vllaznia 17:00
Dinamo-Partizani 19:30
Tirana-Elbasani 19:30
Renditja
Nr.Skuadra Pikë
1.Vllaznia 19
2.Egnatia 18
3.Teuta 14
4.Elbasani 14
5.Dinamo 14
6.Vora 10
7.Bylis 9
8.Partizani 8
9.Tirana 6
10.Flamurtari 2 -
Kurrë i mundur në shtëpi nga Vllaznia, Josa kërkon ta mbajë rekordin gjallë te Bylisi
Bylisi ka dalë triumfator ne çdo sfidë me Vllazninë sidomos kur janë luajtur në Ballsh. Mallakastriotët po e përgatisin me qetësi duelin e radhës me shkodranët, teksa synimi është marrja e tri pikëve.
Ballshiotët kanë shtuar organikën dukshëm, madje ndaj Vllaznisë do të jenë për lojë edhe dy lojtarët e afruar gjatë merkatos së verës, Roni Uankeuai sulmues, por edhe David Karmona, mbrojtës krahu. Trajneri Mirel Josa vazhdon përgatitjet bashkë me stafin e tij, duke përgatitur skuadrën dhe duke punuar shumë edhe psikologjikisht me djemtë.Nga ana tjetër edhe lojtarët janë duke e përballuar më së miri këtë minifazë që do të kryhet deri në sfidën me shkodranët. Ballshiotët kanë afruar disa elementë në orët e fundit të merkatos dhe duket se tashmë grupi është “shkrirë në një”. Ndaj edhe në sfidën me Vllazninë, mallakastriotët do të jenë me grup të plotë.
SKEMA- Bylisi ka provuar që të luajë me një sulmues të deklaruar deri më tani siç është Mustafa, ndërsa duket se me shkodranët skema të ndryshojë. Mund të luhet me dy sulmues edhe pse Mustafa ka mbështetje, teksa janë Peralta dhe Kamara nga krahët apo dhe Malomo nga pas. Megjithatë, mund të luajë këtë herë edhe kamerunasi Uankuai nga minuta e parë, pasi është duke kapur formën e tij më të mirë.
Alternativat tashmë nuk mungojnë te ballshiotët, pa thënë se në çdo repart ka konkurrencë dhe cilësi. Megjithatë vetëm kur të rikthehen lojtarët e grumbulluar me Kombëtaret, do të ketë një vendim për skemën, duke qenë se Marku, Përndreca e Kamara janë titullarë fiks në Ballsh. Kështu që dueli me shkodranët po pritet në Ballsh me optimizëm, ndërsa synimi është marrja e 3-pilëve të shtëpisë, për të mos ndërlikuar edhe më shumë situatën në tabelën e renditjes.
© BalkanWeb -
Vllaznia i sjell fat, Bylisi synon rikthimin te fitorja në kampionat
Kanë kaluar gjashtë javë kampionat, ku Bylisi ka pasur një ecuri me luhatje sa i përket rezultateve, ndërsa loja e skuadrës ka shfaqur përmirësim gradual. Nën drejtimin e trajnerit Mirel Josa, skuadra ka dominuar në mbajtjen e topit dhe ka ushtruar presing të fortë, duke krijuar aksione sulmuese të rrezikshme.
Tashmë, Bylisi po përqendrohet te sfida e radhës ndaj Vllaznisë në Ballsh, një duel që konsiderohet shumë i fortë dhe ku skuadra ka për qëllim të sigurojë tri pikët. Për më tepër, historikisht, skuadra ka pasur rezultate pozitive ndaj shkodranëve, si në Ballsh ashtu edhe në Shkodër. Përgatitjet për këtë ndeshje janë pak të vështira për trajnerin Josa dhe stafin e tij, pasi katër lojtarë janë të grumbulluar me përfaqësueset.Aurel Marku dhe Fabjan Përndreca me U-21, Aboubakar Kamara me Nigerin dhe Petro Marku me Kombëtaren U-17. Megjithatë, periudha e ndërprerjes së kampionatit përveç që është një sfidë, i mundëson skuadrës të zhvillojë edhe ndeshje miqësore brenda “familjes”, duke përfituar nga ekipi “B” që luan në Kategorinë e Dytë.
Kjo është mënyra më e mirë për të mbajtur lojtarët të karikuar. Kalendari i ardhshëm është sfidues, Bylisi do të presë Vllazninë në shtëpi, më pas luan me Elbasanin në transfertë dhe mbyll fazën e parë kundër Vorës në “Adush Muçaj”. Tri ndeshjet e radhës janë ndaj skuadrave që kanë treguar ambicie dhe paraqitje të mirë këtë sezon.
Pavarësisht se pjesa e parë e kampionatit ka pasur më shumë ndeshje në shtëpi, rezultati nuk ka qenë maksimal. Me rikthimin gradual në formë të lojtarëve kyç dhe me përforcimet e verës që mund të debutojnë së shpejti, trajneri Josa ka mundësinë të eksperimentojë me skema të reja dhe të synojë që Bylisi të grumbullojë sa më shumë pikë në gjysmën e parë të garës.© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
-
Bylisi kërkon reagim, Josa bën analizë për rikthimin te fitoret
Disfata në Durrës nuk ishte aspak e pritshme, sidomos duke parë që Bylisi zhvilloi një ndeshje të mirë, goditi traversën dhe dominoi në mbajtjen e topit.
Për më tepër, ballshiotët patën pretendime te goli vendimtar, pasi sipas tyre ai erdhi pas një faulli të qartë ndaj një lojtari të tyre. Megjithatë, që nga sot skuadra do të zbresë sërish në fushë për të analizuar humbjen në Durrës dhe për t’u përgatitur për ndeshjen e radhës në kampionat, atë kundër Vllaznisë, që do të luhet më 19 tetor në Ballsh.Një tjetër duel mjaft i fortë, ku skuadra e Josës duhet të reagojë për të mos humbur terren në renditje. Kjo periudhë pauze, për shkak të ndeshjeve kualifikuese të Kombëtares A, vjen në ndihmë për Bylisin. Jo vetëm që stafi teknik ka kohë për të bërë analizat e nevojshme, por edhe disa lojtarë që kanë pasur probleme fizike do të kenë mundësi të riaftësohen plotësisht.
Në Ballsh priten shumë nga afrimet e verës, si mbrojtësi Karmona dhe sulmuesi Uankevai, të cilët erdhën me shumë bujë, si edhe nga togolezi Haxhi Idrisu, një mbrojtës shtatlartë e i fortë fizikisht, që për momentin ka marrë minuta me ekipin B në dy javët e para. Trajneri Mirel Josa dhe klubi pritet të zhvillojnë një analizë të thelluar, jo vetëm për humbjen e fundit, por për të gjithë gjashtë javët e para të kampionatit, ku Bylisit nuk i kanë dalë llogaritë me pikët.
Skuadra mallakastriote ka investuar shumë gjatë verës, duke përforcuar çdo repart dhe dubluar çdo rol, çka ka shtuar dukshëm konkurrencën brenda grupit. Megjithatë, përtej lojës së mirë në shumë ndeshje, fati nuk ka qenë në anën e Bylisit, ndërsa në disa raste edhe gjykimi ka ndikuar. Kjo periudhë do të shërbejë si një mini-fazë përgatitore në prag të përballjes me Vllazninë, me skuadrën që pritet të qëndrojë e grumbulluar për të punuar në qetësi.
Deri në fund të fazës së parë, ballshiotët kanë një kalendar të ngjeshur e të vështirë, presin Vllazninë në Ballsh, udhëtojnë drejt Elbasanit dhe e mbyllin fazën sërish në shtëpi ndaj Vorës. Tre sfida që do të tregojnë shumë për ambiciet dhe forcën reale të këtij Bylisi. Të besuarit e trajnerit Josa kanë kohën e duhur për të përgatitur duelin me shkodranët, për shkak të ndërprerjes së kampionatit, dhe në fundjavë mund të zhvillojnë edhe ndonjë ndeshje miqësore,© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb