Lajmidites.com

Tag: burgut

  • Jep dorëheqjen drejtori i burgut të sigurisë së lartë, nuk dihen motivet që e shtynë për këtë akt…

    Jep dorëheqjen drejtori i burgut të sigurisë së lartë, nuk dihen motivet që e shtynë për këtë akt…

    Drejtori i burgut të sigurisë së lartë të Peqinit, Florenc Doka ka dhënë dorëheqjen nga posti i tij. Vendimi është bërë publik ditën e sotme, ndërsa nuk dihen ende arsyet e largimit të Florenc Dokës nga ky detyra.
    Sipas informacioneve të siguruara, Florenc Doka ka dorëzuar zyrtarisht kërkesën e tij për dorëheqje, e cila është pranuar dhe miratuar nga Ministri i Drejtësisë.
    Dorëheqja vjen në një moment kur institucioni që ai drejtonte ka qenë pjesë e vëmendjes për çështje të ndryshme që lidhen me administrimin dhe funksionimin e burgjeve në vend, megjithatë nuk ka të dhëna që e lidhin këtë vendim me ndonjë ngjarje të veçantë.
    Florenc Doka kishte një eksperiencë disa-vjeçare në sistemin penitenciar dhe gjatë kohës së drejtimit të IEVP Peqin ka qenë i angazhuar në implementimin e disa masave reformuese në këtë institucion.
    Aktualisht nuk është bërë ende e ditur se kush do ta zëvendësojë atë në këtë post, ndërsa Ministria e Drejtësisë pritet të bëjë një emërim të ri në ditët në vijim.
    Ministria, nga ana e saj, ka theksuar se do të vijojë të monitorojë nga afër funksionimin e IEVP-ve në të gjithë vendin dhe të ndërmarrë masa për përmirësimin e kushteve dhe standardeve të administrimit të tyre.

    Mund të udhëtosh me qerre, Fiat ose Ferrari. Zgjedhja është në dorën tuaj! Lidhu me SHKODRAWEB, mjafton të klikoni Kontaktoni për të mësuar më shumë.
    Ju mirëpresim!

  • Jep dorëheqjen drejtori i burgut të Peqinit

    Jep dorëheqjen drejtori i burgut të Peqinit

    Florenc Doka ka dhënë dorëheqjen nga detyra e tij si Drejtor i Institucionit të Ekzekutimit të Dënimeve Penale (IEVP) në Peqin.
    Vendimi është bërë publik ditën e sotme, ndërsa nuk është bërë e ditur arsyeja e largimit të tij nga ky post.
    Florenc Doka ka dorëzuar zyrtarisht kërkesën e tij për dorëheqje e cila është pranuar dhe miratuar nga Ministri i Drejtësisë.

  • “Kur personazhet VIP protestonin brenda burgut 313, si kontrollova tentativat për arratisje”

    “Kur personazhet VIP protestonin brenda burgut 313, si kontrollova tentativat për arratisje”

    Xhemal Qefalia i ftuar në emisionin Dekalog nga Roland Qafoku në DritareTv foli për zgjedhjet, kandidimin e tij në qarkun e Tiranës, në listat e hapura më 11 maj. Po ashtu Qefalia tregoi edhe për kohën kur qe 8 vjet drejtor i burgut 313.
    Roland Qafoku: Keni qenë 10 vjet drejtor i burgut 313. Na tregoni si ishin ato vite si drejtor burgu.
    Xhemal Qefalia: Unë kam qenë 8 vjet drejtor burgu nga 1998-ta në 2005-ën. Ka pasur shumë revolta në atë burg, të personazheve shumë të njohura.Gjatë kohës që kam qenë drejtor burgu ka pasur tentativa për t’u arratisur. Por në kohën time nuk është arratisur njeri.
    Nuk ishte detyrë e lehtë për mua. Po unë jam munduar që njerëzit që ishin të privuar nga liria, të mos i shihja në kontekstin e veprës që kanë kryer. Mundohesha ta lija jashtë krimin që kishin kryer dhe aty të mbetej njeriu që do jetë pjesë e shoqërisë, pavarësisht akuzës që ka.
    Për mua nuk burgosen ata që janë brenda qelisë, por familjarët që presin radhët e gjata për të sjellë ushqim, ndërresa. Ata e vuajnë më shumë dënimin.
    Një ngjarje që më ka prekur shumë ishte kur fëmija erdhi të takojë të atin. Familja e të burgosurit ishte shpërbërë, gruaja ishte larguar, fëmijët ishin dërguar në një shtëpi fëmijësh. Një ditë, një punonjëse sociale solli fëmijën 7 vjeç për ta takuar të atin në burg. Ata kishin mall për t’u përqafuar, por nuk mundeshin për shkak të hekurave të burgut.
    Pasi pashë atë skenë mallëngjyese, i nxora në një lokal në oborr, që i burgosuri të mos e ndiente peshën dhe të mos i ngulitet në mëndje fëmija brenda hekurave. Ishte një emocion, një ngashërim që i ati përqafonte të birin. E mora djalin te zyra pastaj, edhe fola me të.

  • Skandal në burg, drejtori kapet duke kryer marrëdhënie me infermieren gjatë orarit të punës

    Skandal në burg, drejtori kapet duke kryer marrëdhënie me infermieren gjatë orarit të punës

    Një drejtues i lartë në burgun HMP Low Moss në Bishopbriggs, të Skocisë, është pezulluar pasi është kapur në flagrancë duke kryer marrëdhënie seksuale me një infermiere brenda ambienteve të institucionit të vuajtjes së dënimit, ndërkohë që të dy ishin në detyrë.
    Burime nga brenda burgut thanë për TheSun se shefi i martuar dhe infermierja kishin një lidhje sekrete, por “nuk i kontrollonin dot më ndjenjat ndaj njëri-tjetrit” dhe përfundimisht u zbuluan duke kryer aktin në një nga dhomat e institucionit.
    Një zëdhënës i Shërbimit Skocez të Burgjeve deklaroi: “Kërkojmë standardet më të larta të sjelljes nga stafi. Nuk do të ishte e përshtatshme të komentojmë më tej.”
    Edhe NHS Greater Glasgow and Clyde, që punëson infermieren, konfirmoi se “çdo pretendim për sjellje të pahijshme do të hetohet plotësisht dhe, nëse është e nevojshme, do të merren masat e duhura.”

    Shefi i burgut, i cili nuk është bërë publikisht i njohur, besohet se ka mbajtur një post të rëndësishëm për disa vite dhe është shoqëruar jashtë ambienteve të burgut menjëherë pas incidentit.
    “Të gjithë po flasin për këtë – edhe vetë të burgosurit e kanë marrë vesh. Është turp që një figurë e lartë në institucion të sillet kështu. Infermierja është pjesë e stafit mjekësor, por punësohet nga NHS, kështu që edhe ata po hetojnë”, tha një burim i medias britanike.
    Në burgun Low Moss vuajnë dënimin rreth 900 të burgosur, përfshirë edhe figura të rrezikshme të krimit, si Martyn Fitzsimmons, i dënuar për përfshirje në banda droge, trafik armësh dhe tortura.

  • Plani në burgun grek, 20 të burgosur do të merrnin peng gardianin për t’u arratisur. Mes tyre edhe shqiptarë

    Plani në burgun grek, 20 të burgosur do të merrnin peng gardianin për t’u arratisur. Mes tyre edhe shqiptarë

    Një grup të burgosurish në Greqi kishin planifikuar që të arratiseshin nga burgu, duke marrë peng një punonjës të burgut. Por plani u tyre u prish pasi policia greke zbulori planet e të burgosurve në qelitë e Koridhalosit.
    Siç raportojnë mediat greke, pas një operacioni policor në një ambient publik të fshehura brenda një pajisjeje elektrike, janë gjetur një pistoletë e markës “Glock” dhe një karikator me 15 gëzhoja. Gjithashtu në pranga kanë përfunduar 20 të burgosur, por identiteti i tyre nuk është bërë me dije.
    Bëhet fjalë për persona me origjinë turke, shqiptare dhe greke, të cilët kishin krijuar këtë “ortakëri” me një qëllim të përbashkët; madje kishin arritur që të fusnin në burg edhe një armë zjarri. Tashmë hetimet kanë nisur për të mësuar sesi është gjetur dhe futur arma e zjarrit brenda burgut.

  • SKEMA nga burgu i Korydallos/ 20 të burgosur planifikonin arratisjen, do merrnin peng gardianin. Mes tyre dhe shqiptarë

    SKEMA nga burgu i Korydallos/ 20 të burgosur planifikonin arratisjen, do merrnin peng gardianin. Mes tyre dhe shqiptarë

    Arma e zjarrit

    GREQI- Plani për t’u arratisur nga burgu i Koridhalosit nuk u finalizua kurrë! Policia greke ka zbuluar planin e disa të burgosurve për të lënë qelitë e Koridhalosit. Efektivët kishin marrë informacione se një grup të burgosurish po planifikonin arratisjen, por duke marrë peng një punonjës të burgut. Sipas mediave greke, në pranga kanë përfunduar 20 të burgosur, por identiteti i tyre nuk është bërë me dije. 
    SENDET E SEKUESTRUARA BRENDA QELISË:

    Sipas ERT, bëhet fjalë për persona me origjinë turke, shqiptare dhe greke, të cilët kishin krijuar këtë “ortakëri” me një qëllim të përbashkët; madje kishin arritur që të fusnin në burg edhe një armë zjarri. Tashmë hetimet kanë nisur për të mësuar sesi është gjetur dhe futur arma e zjarrit brenda burgut.
    Njoftimi i Policisë:
    Drejtoria për Luftën kundër Krimit të Organizuar ka kryer një operacion në orët e para të së shtunës, 5 prill 2025, në një krah të burgut të Korydallos, gjatë të cilit, ndër të tjera, është gjetur një pistoletë dhe municione. Konkretisht, punonjësit e policisë së Prokurorisë së Shkallës,  ushtruan kontroll në një ambient të përbashkët të një qelie, ku brenda një pajisjeje elektrike u gjetën dhe sekuestruan: pistoletë, karikator me -15- fishekë, celular me kartë SIM, karikues celulari dhe një palë kufje me valë. Në këtë kuadër, -20- të burgosur të IEVP-së u arrestuan për shkelje rast pas rasti të legjislacionit për armët, drogën dhe ligjin për masat për sigurimin e paqes sociale në kombinim me nxitjen. Arma e sekuestruar do t’i dërgohet Drejtorisë së Hetimeve Penale për ekzaminim të mëtejshëm laboratorik, ndërsa dosja përkatëse do t’i kalojë organeve përkatëse”./ZËRI

  • “Romeo” i burgjeve, në lidhje me oficeren dhe infermieren, arrestohet pas një jave në arrati

    “Romeo” i burgjeve, në lidhje me oficeren dhe infermieren, arrestohet pas një jave në arrati

    Një i burgosur në Britaninë e Madhe, i njohur për marrëdhëniet e tij romantike me punonjëset e burgut është arrestuar pasi kaloi një javë në arrati. Harri Pullen, 27 vjeç, ishte në kërkim nga policia pas lirimit nga burgu, ku akuzohej për lidhje të papërshtatshme me dy punonjëse të institucionit të vuajtjes së dënimit.
    Pullen, i cili ishte i arrestuar për dyshime mbi trafikimin e drogës, arriti të arratisej nga spitali Grange në Cwmbran teksa mbante pranga, duke u ndihmuar nga katër gra.
    Policia e Gwent konfirmoi se ai u arrestua një javë pas arratisjes. Një gjykatë në Uells kishte dëgjuar më parë se Pullen kishte pasur një marrëdhënie të papërshtatshme me infermieren e burgut Elyse Hibbs, 27 vjeç, si dhe kishte bërë thirrje të shpeshta telefonike me oficeren e burgut Ruth Shmylo, 26 vjeç, duke i shprehur dashurinë e tij.
    Shmylo u akuzua për një lidhje pesë-mujore me Pullen, dhe thirrjet e tyre u regjistruan nga administrata e burgut. Ajo u përshkrua në gjykatë si një oficere “shumë tërheqëse” dhe u shkarkua nga puna e saj në burgun HMP Parc në Bridgend pas dyshimeve për marrëdhënien me Pullen.
    Pas kësaj, Pullen u transferua në burgun HMP Manchester, ku e shtoi Shmylo në listën e tij të kontakteve të lejuara. Thirrjet mes tyre, të dëgjuara në gjykatë, përfshinin Pullen që i thoshte vazhdimisht atij: “Të dua.”
    Ndërkohë, policia raportoi se Pullen u largua nga parkimi i spitalit Grange në një makinë të zezë, Vauxhall Insignia, pasi u ndihmua nga një grup grash të cilat më pas u arrestuan për ndihmë ndaj një të arratisuri. Katër gratë, të moshave 28, 31, 41 dhe 58 vjeç, u morën në pyetje, ndërsa 58-vjeçarja u lirua me kusht.
    Në gjykatë u dëgjua gjithashtu se Shmylo ishte përfshirë në thirrje me përmbajtje seksuale me Pullen. Prokurori Matthew Cobbe tha se ajo e pranoi gjatë marrjes në pyetje se kishte bërë telefonata me përmbajtje seksuale me të. Ajo u mbrojt duke thënë se nuk kishte ndonjë kënaqësi nga këto biseda dhe madje kishte qarë kur Pullen tentonte të iniciativonte një bisedë të tillë.
    Në fund të gjyqit, Shmylo u shpall e pafajshme për akuzën e keqpërdorimit të detyrës në shërbimin publik. Ajo argumentoi se kishte qenë viktimë e një trajtimi të padrejtë nga kolegët dhe se kishte denoncuar raste korrupsioni brenda burgut, duke e bërë atë objekt sulmesh dhe përjashtimi nga puna.
    Ndërkohë, pas një jave arrati, Pullen është arrestuar nga policia dhe po përballet me akuzat e tij për trafik droge dhe arratisje nga paraburgimi.

  • Arratiset nga burgu i Bolonjës 34-vjeçari shqiptar

    Arratiset nga burgu i Bolonjës 34-vjeçari shqiptar

    Fatbardh Mneraj

    BOLONJA- Një i burgosur shqiptar, Fatbardh Mneraj, 34 vjeç, u arratis mbrëmë nga burgu i Dozzas në Bolonja. Sipas asaj që dihet deri më tani, shqiptari i dënuar për grabitje e kalonte ditën në liri, por i është njoftuar mbrëmjen e djeshme se do të duhej të kthehej në seksionin e brendshëm të burgut, duke humbur privilegjin, pas një dënimi tjetër. Sipas mediave italiane, gjatë transferimit, shqiptari është arratisur dhe është zhdukur pa lënë gjurmë.
    Tashmë policia e burgjeve, e cila ka shpërndarë foto dhe të dhëna personale në të gjitha organet e rendit dhe është vënë në kërkim të shqiptarit.
    Si u arratis?
    Një hipotezë është se gardianët i kanë lënë derën e hapur dhe shqiptari ka përfituar nga fakti që një polic ishte i zënë dhe është arratisur pa lënë gjurmë. Seksioni për të burgosurit “gjysmë të lirë” është brenda oborrit të Dozza-s, por është i ndarë nga ndërtesa e burgut me masa më të rrepte sigurie. 
    Arratisjet nga burgu i Dozza-s në Bolonja nuk janë aspak të shpeshta, përkundrazi. Lajmi i fundit daton në vitin 2011, kur oficerët penguan një tentativë arratisjeje të 8 të burgosurve që u kapën duke gërmuar betonin rreth hekurave të qelisë.
    Si funksionon regjimi i gjysmëlirisë?
    Është një nga përfitimet e parashikuara për të burgosurit që vendoset nga Gjykata. I dënuari lejohet të kalojë një pjesë ose të gjithë ditën jashtë burgut për të marrë pjesë në aktivitete pune, edukative ose të riintegrimit në shoqëri. Por si çdo përfitim, edhe ky mund të revokohet. Për t’u pranuar një lehtësim i tillë, i burgosuri duhet të ketë kryer të paktën gjysmën e dënimit, por gjithashtu duhet që dënimi total të jetë më i gjatë se 6 muaj heqje lirie./ZËRI 

  • Itali/ Kishte përfituar nga regjimi i gjysmëlirisë, arratiset nga burgu 34-vjeçari shqiptar i dënuar për grabitje

    Itali/ Kishte përfituar nga regjimi i gjysmëlirisë, arratiset nga burgu 34-vjeçari shqiptar i dënuar për grabitje

    Një 34-vjeçar shqiptar, Fatbardh Mneraj, është arratisur mbrëmjen e së shtunës nga burgu Dozza në Bolonja të Italisë. Mneraj, i dënuar për grabitje, kishte përfituar nga regjimi i gjysmëlirisë që i mundëson të burgosurve të punojnë ose të marrin pjesë në aktivitete edukative.
    Sipas mediave italiane, 34-vjeçari ka arritur të shpëtojë gjatë transferimit nga një nga godinat e burgut, duke përfituar nga një derë e hapur që i ka mundësuar arratisjen. Pas arratisjes, Mneraj ka humbur çdo gjurmë, ndërkohë që kërkimet nga autoritetet vazhdojnë. Policia e burgjeve ka publikuar fotot dhe të dhënat personale të të arratisurit për të kërkuar ndihmën e qytetarëve në identifikimin dhe kapjen e tij.
    Burgu Dozza ka një seksion të ndarë për të burgosurit në regjimin e gjysmëlirisë, i cili ndodhet brenda oborrit të burgut, por është i ndarë nga pjesa tjetër e burgut.
    Regjimi i gjysmëlirisë është një nga mundësitë për të burgosurit e dënuar për vepra penale më të rënda, që miratohet nga gjykata. Ky regjim lejon të burgosurit të kalojnë pjesën më të madhe të ditës jashtë burgut për të marrë pjesë në aktivitete pune, edukative ose për riintegrimin social. Për t’u pranuar në këtë regjim, të burgosurit duhet të kenë kryer të paktën gjysmën e dënimit të shqiptuar, për dënimet që janë më të gjata se gjashtë muaj.