Një 34-vjeçar shqiptar, Fatbardh Mneraj, është arratisur mbrëmjen e së shtunës nga burgu Dozza në Bolonja të Italisë. Mneraj, i dënuar për grabitje, kishte përfituar nga regjimi i gjysmëlirisë që i mundëson të burgosurve të punojnë ose të marrin pjesë në aktivitete edukative.
Sipas mediave italiane, 34-vjeçari ka arritur të shpëtojë gjatë transferimit nga një nga godinat e burgut, duke përfituar nga një derë e hapur që i ka mundësuar arratisjen. Pas arratisjes, Mneraj ka humbur çdo gjurmë, ndërkohë që kërkimet nga autoritetet vazhdojnë. Policia e burgjeve ka publikuar fotot dhe të dhënat personale të të arratisurit për të kërkuar ndihmën e qytetarëve në identifikimin dhe kapjen e tij.
Burgu Dozza ka një seksion të ndarë për të burgosurit në regjimin e gjysmëlirisë, i cili ndodhet brenda oborrit të burgut, por është i ndarë nga pjesa tjetër e burgut.
Regjimi i gjysmëlirisë është një nga mundësitë për të burgosurit e dënuar për vepra penale më të rënda, që miratohet nga gjykata. Ky regjim lejon të burgosurit të kalojnë pjesën më të madhe të ditës jashtë burgut për të marrë pjesë në aktivitete pune, edukative ose për riintegrimin social. Për t’u pranuar në këtë regjim, të burgosurit duhet të kenë kryer të paktën gjysmën e dënimit të shqiptuar, për dënimet që janë më të gjata se gjashtë muaj.
Tag: burgosurit
-
Itali/ Kishte përfituar nga regjimi i gjysmëlirisë, arratiset nga burgu 34-vjeçari shqiptar i dënuar për grabitje
-
EMRI/ Arratiset nga burgu i Bolonjës 34-vjeçari shqiptar
Një i burgosur shqiptar, 34 vjeç, i identifikuar si Fatbardh Mneraj, është arratisur nga burgu Dozza në Bolonja.
Policia e burgjeve, ka shpërndarë foto dhe të dhëna personale në të gjitha organet e rendit dhe është në kërkim të tij.
Sipas mediave italiane, shqiptari kishte përfituar nga regjimi i gjysmëlirisë, që i lejon të burgosurit të punojnë ose të marrin pjesë në aktivitete të ndryshme edukative.
34-vjeçari, është arratisur në momentin që do të transferohej nga ndërtesat ku qëndrojnë të burgosurit gjysmë të lirë, të cilat ndodhen jashtë murit rrethues, në godinën qendrore të Dozza-s.
Një hipotezë është ai ka përfituar nga një derë e lënë hapur dhe ka arritur të largohet pa gjurmë.
Arratisjet nga burgu Dozza në Bolonja nuk janë të shpeshta, përkundrazi. Lajmi i fundit daton në vitin 2011, kur oficerët penguan një tentativë arratisjeje të tetë të burgosurve që ishin kapur duke gërmuar betonin rreth hekurave të qelisë.
Cili është regjimi i gjysmëlirisë?
Është një nga përfitimet e parashikuara për të burgosurit që vendoset nga Gjykata. I dënuari lejohet të kalojë një pjesë ose të gjithë ditën jashtë burgut për të marrë pjesë në aktivitete pune, edukative ose riintegrimi shoqëror.
Për t’u pranuar në gjysmëliri, i burgosuri duhet të ketë kryer të paktën gjysmën e dënimit kur dënimi i shqiptuar është më i gjatë se gjashtë muaj./vizionplus.tv