Lajmidites.com

Tag: bujar

  • Berisha nuk heq drejtuesit politikë që humbën: Pranova dorëheqjen e Leskajt në Vlorë, por…

    Berisha nuk heq drejtuesit politikë që humbën: Pranova dorëheqjen e Leskajt në Vlorë, por…

    I pyetur për dorëheqjen e Bujar Leskajt si drejtues i qarkut politik të Vlorës, Berisha u shpreh se e pranoi këtë.

    Ai u shpreh se Leskaj gjithsesi do të vazhdojë të japë kontributin e tij, por jo më si drejtues politik i qarkut.
    “Është e vërtetë. Bujar Leskaj ka dhënë dorëheqjen dhe unë ja pranoj dorëheqjen. Nuk kam koment për sa kohë ai e ka bërë publike. Unë e pranoj dorëheqjen Sugjerimi i tij është sugjerimi i tij. Por si hap unë këtë deklaroj. Ai do japë kontributin e tij, natyrisht jo si drejtues qarku”, tha Berisha.

  • Berisha: Kam pranuar dorëheqjen e Bujar Leskajt si drejtues politik i qarkut të Vlorës

    Berisha: Kam pranuar dorëheqjen e Bujar Leskajt si drejtues politik i qarkut të Vlorës

    “Kam pranuar dorëheqjen e Bujar Leskaj si drejtues politik i qarkut të Vlorës”. Është kjo përgjigjja që kreu i Partisë Demokratike Bujar Leskaj u dha gazetarëve, një ditë pasi deputeti demokrat deklaroi përmes një statusi në Facebook se i kishte paraqitur dorëheqjen kryedemokratit. Në deklaratën për mediat Berisha tha se Leskaj do të japë kontributin në PD, por jo si drejtues qarku.

    “Tani, e vërtetë është ajo. Bujar Leskaj ka ardhur dhe më ka dhënë dorëheqjen si drejtues qarku. Nuk kam ndonjë koment tjetër gjersa ai e ka bërë publike dhe unë e vlerësoj dorëheqjen e tij dhe kaq mund të them. Sugjerimi i tij është sugjerim i tij. Por si hap unë këtë deklaroj. Ai do të japë kontributin në PD, natyrisht jo si drejtues qarku”, ushpreh Berisha.
    Një ditë më parë deputeti demokrat Bujar Leskaj përmes një postimi në Facebook ku bëri një analizë të gjatë të situatës ku ndodhet Partia Demokratike dhe opozita, njoftoi se i ka komunikuar kryetarit Sali Berisha, dorëheqjen e tij nga posti i drejtuesit politik për qarkun e Vlorës.
    Leskaj po ashtu sqaroi se do të largohet edhe nga jeta parlamentare në të ardhmen e afërt duke lënë mandatin e deputetit.

  • Bujar Leskaj tërhiqet nga Partia Demokratike: “Do lë mandatin për t’i hapur rrugë brezit të ri politik”

    Bujar Leskaj tërhiqet nga Partia Demokratike: “Do lë mandatin për t’i hapur rrugë brezit të ri politik”

    Bujar Leskaj tërhiqet nga Partia Demokratike: “Do lë mandatin për t’i hapur rrugë brezit të ri politik”
     
    Deputeti Bujar Leskaj ka bërë të ditur tërheqjen e tij nga Partia Demokratike, menjëherë pas publikimit të raportit përfundimtar të OSBE/ODIHR mbi zgjedhjet e 11 majit. Në një reagim të gjatë në rrjetet sociale, ai thekson se raporti ekspozon devijime serioze nga standardet demokratike, duke e cilësuar procesin zgjedhor si “një garë të pabarabartë dhe të manipuluar”.
     
    Sipas Leskajt, raporti është një pasqyrë e qartë e krizës së thellë politike në vend dhe një alarm për domosdoshmërinë që Partia Demokratike të reflektojë. “Ky është momenti që PD të kryejë një analizë të thellë dhe një reformim të gjithanshëm të vetes. Duhet të rikthehemi te parimet e fillimit, te transparenca, llogaridhënia dhe përfshirja e bazës”, shkruan ai.
     

     
    Në mesazhin e tij, Leskaj shkon edhe më tej duke paralajmëruar një akt personal simbolik: “Pas dy vitesh do të lë mandatin tim të deputetit tek kandidati pasardhës në listë, për të inkurajuar rinovimin, për të motivuar deputetët e rinj dhe për të sjellë një frymë të re në politikë.”Ai nënvizon se ky gjest duhet të ndiqet nga të gjithë deputetët aktualë të PD-së, si një formë e hapjes dhe frymës së re që duhet të karakterizojë partinë në të ardhmen.

     
    Leskaj thekson se PD duhet të përballet me vetveten dhe të analizojë me sinqeritet shkaqet e humbjes. Ai propozon një analizë të detajuar “SËOT” (forcat, dobësitë, mundësitë dhe kërcënimet), për të kuptuar se ku gaboi partia dhe si mund të rifitojë besimin e qytetarëve. “Duhet një planifikim i qartë dhe i ndershëm për të korrigjuar gabimet e bëra. Vetëm kështu mund të ndërtohet një PD e besueshme”, shton ai.

     
    Në shkrimin e tij, deputeti rikujton frymën e viteve 2021–2022, kur nisi procesi i rithemelimit të Partisë Demokratike, duke bërë thirrje për rikthim te parimet që i dhanë energji të re forcës opozitare. Ai kërkon që përzgjedhja e drejtuesve dhe strukturave të reja të bazohet te vota e bazës dhe transparenca e plotë. “PD duhet të jetë më pranë njerëzve, më shumë në terren, duke dëgjuar hallet e qytetarëve dhe duke u bërë zëri i tyre i drejtpërdrejtë”, nënvizon ai.

     
    Leskaj kërkon që në procesin e rinovimit të PD-së të përfshihen më gjerësisht shoqëria civile, ish të përndjekurit politikë, studentët e dhjetorit ‘90, si dhe forumet rinore e të grave. Ai e sheh këtë si mënyrën më të mirë për të krijuar një strukturë të shëndetshme politike, të lidhur fort me idealet e demokracisë dhe lirisë.

     
    Në përfundim, deputeti demokrat thekson se objektivi kryesor i PD-së duhet të mbetet organizimi i zgjedhjeve të parakohshme, por “pa Edi Ramën kryeministër”.Ai kërkon një reformë të thellë zgjedhore dhe territoriale, që të garantojë konkurrencë të ndershme dhe lista 100% të hapura, si mënyrë për të rikthyer besimin e qytetarëve tek procesi demokratik.Leskaj e cilëson idenë e parlamentit me dy dhoma si të panevojshme dhe të dëmshme për sistemin politik shqiptar.
     
    Bujar Leskaj e quan këtë moment “më të rëndësishmin në 35 vitet e pluralizmit”, duke i bërë thirrje demokratëve që të kalojnë “nga fjalët në veprime konkrete” për të rikthyer besimin dhe për të ndërtuar një Parti Demokratike moderne, të fortë dhe të hapur ndaj brezave të rinj.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb
     

  • Shakespeare: Dashuria e vërtetë fillon atëherë kur jemi të gatshëm të japim gjithçka pa kërkuar asgjë

    Shakespeare: Dashuria e vërtetë fillon atëherë kur jemi të gatshëm të japim gjithçka pa kërkuar asgjë

    ObserverKult ju sjell disa thënie nga autorë të ndryshëm:

    “I dua ata që mund të qeshin në vështirësi, ata që mund të fitojnë forcë nga vuajtja dhe të rriten trimërisht nga reflektimi.” / Leonardo da Vinci

    “Dashuria e vërtetë fillon atëherë kur jemi të gatshëm të japim gjithçka pa kërkuar asgjë.” /William Shakespeare

    “Kur pushteti i dashurisë do tejkalojë dashurinë për pushtet, bota do njohë paqen.”/ Jimmy Hendrix

    “Lumturia është sikur ato kështjellat e përrallave, portat e të cilave ruhen nga dragonjtë: ne duhet të luftojmë për ta pushtuar atë.”/ Alexandre Dumas

    “Më të lumturit janë ata që bëjnë më së shumti për të tjerët.”/ Booker T. Washington

    “Lumturia gjendet edhe në veprim, e jo vetëm në posedim.”/ Napoleon Hill

    ObserverKult

    ==============================

    LEXO EDHE:

    DASHURIA QË THEU TABUTË NË VITET ‘70, SI TENTUAN TA NDANIN BUJAR LAKON NGA STUDENTJA E PIANOS

    Studiuesi dhe kritiku Josif Papagjoni ka studiuar në degën e dramës, në të njëjtin kurs, me aktorin Bujar Lako.

    Siç ishte e zakonshme të ndodhte, sidomos në një kurs me pak studentë, asokohe kishin marrëdhënie miqësore.

    Të gjithë, studentë e pedagog, e kishin pikasur menjëherë talentin e mençurinë e aktorit që do të bëhej Bujar Lako.

    Këtë bindje të të gjithëve nuk arriti ta zhbëjë as zhurma e madhe që bëri në Institutin e Arteve, dashuria e tij me Mirën, pianisten studente, atë që, pavarësisht gjithçkaje, pak kohë më pas do të bëhej gruaja e tij!

    Papagjoni ka folur në këtë intervistë, të dhënë kohë më parë, për të gjitha rolet që e kthyen Lakon në yllin e kinematografisë shqiptare.

    Duke filluar nga i pari që e luajti kur ishte ende student. Për të vazhduar më tej deri atë të kohëve të fundit te “Syri Magjik”, ku mori çmimin më të madh që ka marrë ndonjëherë një aktor shqiptar….

    Tekstin e plotë e gjeni KËTU

  • ‘Në 2017 erdhëm në Tiranë nën patronazhin e Ramës’/ Kasami: BDI doli me koncept etnik, jo me zgjidhje reale

    ‘Në 2017 erdhëm në Tiranë nën patronazhin e Ramës’/ Kasami: BDI doli me koncept etnik, jo me zgjidhje reale

    Kryetari i Komunës së Tetovës, Bilall Kasami, i ftuar në emisionin “Çim Peka Live”, deklaroi se shqiptarët në Maqedoninë e Veriut pas luftës së vitit 2001 kanë fituar disa të drejta të sanksionuara me kushtetutë dhe me ligj, ndërsa situata aktuale është më pozitive se në të kaluarën. Ai theksoi se tashmë në procedurë është ligji për përfaqësimin adekuat, i cili sipas tij, është një hap i rëndësishëm që nuk ka qenë në fuqi më parë.

    Kasami theksoi se presioni që ndjejnë shqiptarët lidhet me numrat në Kuvend, ku partitë maqedonase kanë shumicën, ndërsa shqiptarët, megjithëse mund ta kundërshtojnë këtë shumicë, nuk e kanë bërë. Ai kritikoi BDI-në për fushatën e saj në zgjedhjet lokale, duke thënë se në vend të fokusimit në çështjet e përditshme si uji, kanalizimet, pastërtia publike dhe arsimi, ajo doli me një koncept etnik dhe nacionalist.

    “Sot po shihet se qytetarët kërkojnë kandidat të mirë, programe të mira dhe zgjidhje të problemeve të tyre të përditshme, por kjo nuk ndodhi,” deklaroi Kasami.

    Ai komentoi edhe kandidaturën e Bujar Osmanit për komunën e Çairit, duke e cilësuar atë si të papërshtatshëm për këtë zonë. “Bujar Osmani mund të jetë një ministër i Jashtëm i mirë apo një kandidat i denjë për president, por nuk është kandidat i mirë për Çairin, sepse nuk njeh problemet e përditshme të kësaj komune,” tha Kasami.

    Më tej, ai nënvizoi se përçarja brenda komunitetit shqiptar është më e dukshme sesa ndarja ndër etnike mes shqiptarëve dhe maqedonasve, duke theksuar se “më shumë bëhet fjalë për luftë për pushtet sesa për dallime etnike”.

    Kasami kujtoi edhe vitin 2017, kur sipas tij, nën patronazhin e kryeministrit Edi Rama, u mbajt në Tiranë një takim që synonte koordinimin e partive politike shqiptare në Maqedoninë e Veriut. Ai tha se publikimi i atij takimi dhe marrëveshjes për bashkëpunim politik dëmtoi procesin. “Nga ai moment kur u publikua, marrëveshja u prish dhe asnjëherë nuk u jetësua,” u shpreh ai.

    Kasami shtoi se ndërhyrjet nga Tirana nuk kanë ndihmuar realisht në avancimin e të drejtave të shqiptarëve në Maqedoninë e Veriut, duke theksuar se prioritetet duhet të jenë politike konkrete dhe jo simbolike.   

    Kasami:

    Shqiptarët në Maqedoninë e Veriut pas luftës së 2001-shit kanë disa të drejta të sanksionuara me kushtetutë dhe me ligj, dhe për këto të drejta nuk ka zhvillime negative, përkundrazi, ne kemi një situatë ku tashmë në procedurë kemi ligjin për përfaqësimin adekuat që nuk ka qenë deri më tani. Po ashtu kemi edhe disa zhvillime të tjera të cilat përmirësojnë gjendjen e shqiptarëve si komunitet atje.

    Ajo që po ndjehet si presion i shqiptarëve ka të bëjë me numrat që janë në Kuvend, ku partitë maqedonase kanë shumicën në Kuvend, e shqiptarët edhe po të duan mund t’i majorizojnë shqiptarët, por në fakt kjo nuk ka ndodhur.

    Në zgjedhjet lokale, kur duhet të flasim për tema lokale — për ujë, kanalizime, pastërti publike, shkolla e çerdhe — BDI doli me një koncept etnik, me një koncept nacionalist, ku po thirrej në një referendum për përfaqësimin e shqiptarëve, dhe kjo po i ndodhi. Pra, atë që e kërkoi e fitoi, dhe sot, duke mos përkuar me realitetin, sepse njerëzit për zgjedhjet lokale kërkojnë kandidat të mirë, kërkojnë program të mirë, kërkojnë zgjidhjen e halleve të përditshme të tyre, dhe kjo nuk ndodhi.

    Ali Ahmeti, kini parasysh, në komunën kryesore në kryeqytet, në Shkup, nxori Bujar Osmanin. Bujar Osmani nuk e njeh Çairin. Bujar Osmani mund të jetë një ministër i Jashtëm i mirë, mund të jetë një udhëheqës i OSBE-ODIHR-it i mirë, mund të jetë një kandidat për president i mirë, por jo një kandidat i mirë për Çairin, sepse Çairi ka probleme thelbësore të përditshmërisë që Bujar Osmani nuk i di.

    Unë vlerësoj se nuk është problem tek ndarja brenda etnike, që mund të jetë më e theksuar në dukje sesa ndarja ndër etnike mes shqiptarëve dhe maqedonasve; më shumë është lufta për pushtet.

    Në vitin 2017 ne ishim në Shqipëri, nën patronazhin e kryeministrit Edi Rama, ku doli se nuk ishte vërtet një përkujdesje për të drejtat e shqiptarëve, sa ishte një përkujdesje që duhej të përkrahje një koncept konkret politik dhe jo shqiptarët si shqiptarë, sepse nga ai moment kur ky takim që ndodhi këtu në Tiranë nuk duhej publikuar, sepse publikimi i atij takimi dhe asaj marrëveshjeje që kishte të bënte me koordinimin e partive politike parlamentare shqiptare, nga ai moment kur u publikua, ajo marrëveshje u prish; asnjëherë nuk u jetësua.

    Sa herë ka pasur ndërhyrje nga Tirana…

     

  • “Kush po e rruan për urdhëra”/ Bujar Leskaj pas deklaratës për Berishën në protestën e UÇK-së: Shqipëria dhe Kosova janë mbi partinë

    “Kush po e rruan për urdhëra”/ Bujar Leskaj pas deklaratës për Berishën në protestën e UÇK-së: Shqipëria dhe Kosova janë mbi partinë

    “Kush po e rruan për urdhëra”, tha demokrati Bujar Leskaj kur u pyet nëse kishte thyer urdhërin e Sali Berishës për të mos marrë pjesë në protesën në mbështetje të ish-krerëve të UÇK-së. 
    Në një prononcim për “Euronews Albania”, Bujar Leskaj ka intepretuar dhe deklaratën virale duke thënë se “Shqipëria dhe Kosova janë mbi partitë”. 
    “Shqipëria dhe Kosova janë mbi partinë. Jam mik i Presidentit Thaçi dhe fans i Presidentit Rugova. Madje nga dashuria për Kosovën unë në një ndërtesë të vjetër pranë ndërtesës së flamurit në Kosovë po ngre muzeun Kosova ku gjenden arkiva dhe suvenire nga nga Lidhja e Prizrenit deri sot.”-ka thënë Leskaj. 

  • “Nuk e rr*aj për urdhra politikë”/ Myslym Murrizi komenton deklaratën e Bujar Leskajt: Kur rr*hesh dy herë rresht

    “Nuk e rr*aj për urdhra politikë”/ Myslym Murrizi komenton deklaratën e Bujar Leskajt: Kur rr*hesh dy herë rresht

    Demokrati Myslym Murrizi ka reaguar për deklaratën e bërë dje nga deputeti i PD Bujar Leskaj në protestën e mbajtur në Tiranë në mbështetje të ish-krerëve të UÇK-së që po mbahen të paraburgosur në Hagë.

    Deputeti u shpreh se nuk i interesonte për urdhrat politikë, pasi PD doli në deklaratë që nuk do të merrte pjesë në protestë.
    Lidhur me këtë deklaratë, ka reaguar sot Myslym Murrizi, i cili shkruan ndër të tjera se Bujar Leskaj “ka të drejtë që nuk e rr*an për urdhra politikë, sepse është rr*ajtur në dy palë zgjedhje rresht.
    “Bujar Leskaj ‘ka të drejtë’ që nuk e rr*an, se është rr*ajtur dy palë zgjedhje rresht: në 2021 te Luli, në 2025 te Muli, për të qenë drejtues i Qarkut Vlorë dhe numri 1 në listë të mbyllur.Pra, kur rr*hesh dy herë rresht për të marrë mandat pa vota, nuk mund ta rr*ash për asnjë berber.
    E dyta, partia nuk është repart ushtarak që të funksionojë me urdhra l*shi, por bashkim vullnetar individësh që mbrojnë interesat e tyre dhe të shtresës që përfaqësojnë.
    Partia ka kushtetutën e saj që quhet STATUT, dhe në STATUT thuhet që partia funksionon me VENDIME që i marrin organet që drejtojnë partinë, dhe çdo vendim duhet të jetë publik, i argumentuar për kauzën që merret dhe në interesin politik të partisë.
    Kur të tjerët nuk e rr*ajnë për organet e partisë dhe nuk i mbledhin, sepse mendojnë që i bëjnë të gjitha vetë, atëherë Bujari dje, por edhe Bujarë e Hajdarë të tjerë në vazhdim, nuk do ta rr*ajnë fare, derisa leshi i tyre të fshijë oborrin dhe zyrat e PD-së si fshesë korenti.”-shkruan Murrizi.

  • “Nuk e rr*aj për urdhra politikë”/ Myslym Murrizi komenton deklaratën e Bujar Leskajt: Ka të drejtë, në dy palë zgjedhje rresht…

    “Nuk e rr*aj për urdhra politikë”/ Myslym Murrizi komenton deklaratën e Bujar Leskajt: Ka të drejtë, në dy palë zgjedhje rresht…

    Demokrati Myslym Murrizi ka reaguar për deklaratën e bërë dje nga deputeti i PD Bujar Leskaj në protestën e mbajtur në Tiranë në mbështetje të ish-krerëve të UÇK-së që po mbahen të paraburgosur në Hagë.

    Deputeti u shpreh se nuk i interesonte për urdhrat politikë, pasi PD doli në deklaratë që nuk do të merrte pjesë në protestë.
    Lidhur me këtë deklaratë, ka reaguar sot Myslym Murrizi, i cili shkruan ndër të tjera se Bujar Leskaj “ka të drejtë që nuk e rr*an për urdhra politikë, sepse është rr*ajtur në dy palë zgjedhje rresht.
    “Bujar Leskaj ‘ka të drejtë’ që nuk e rr*an, se është rr*ajtur dy palë zgjedhje rresht: në 2021 te Luli, në 2025 te Muli, për të qenë drejtues i Qarkut Vlorë dhe numri 1 në listë të mbyllur.Pra, kur rr*hesh dy herë rresht për të marrë mandat pa vota, nuk mund ta rr*ash për asnjë berber.
    E dyta, partia nuk është repart ushtarak që të funksionojë me urdhra l*shi, por bashkim vullnetar individësh që mbrojnë interesat e tyre dhe të shtresës që përfaqësojnë.
    Partia ka kushtetutën e saj që quhet STATUT, dhe në STATUT thuhet që partia funksionon me VENDIME që i marrin organet që drejtojnë partinë, dhe çdo vendim duhet të jetë publik, i argumentuar për kauzën që merret dhe në interesin politik të partisë.
    Kur të tjerët nuk e rr*ajnë për organet e partisë dhe nuk i mbledhin, sepse mendojnë që i bëjnë të gjitha vetë, atëherë Bujari dje, por edhe Bujarë e Hajdarë të tjerë në vazhdim, nuk do ta rr*ajnë fare, derisa leshi i tyre të fshijë oborrin dhe zyrat e PD-së si fshesë korenti.”-shkruan Murrizi.

    Top Channel

  • Bujar Leskaj thyen rregullat e partisë, i bashkohet protestës në mbështetje të UÇK-së në sheshin “Skënderbej”

    Bujar Leskaj thyen rregullat e partisë, i bashkohet protestës në mbështetje të UÇK-së në sheshin “Skënderbej”

    Deputeti i Partisë Demokratike të qarkut të Vlorës, Bujar Leskaj ka thyer rregullin e vendosur nga partia e tij për të mos marrë pjesë në protestën e sotme në sheshin “Skëndërbej”.

    Leskaj pasditen e sotme është shfaqur mes protestuesve, në krah të politikanit kryebashkiakut të Drenasit, Ramiz Lladrovci i cili fitoi mandatin e tij të katërt si kryetar, por këtë herë jo nën siglën e PDK-së, por si kandidat i pavarur.

    Top Channel

  • Nuk iu bind ‘urdhrit të partisë’, Bujar Leskaj iu bashku protestë për UÇK: E kush po e rr*an për….

    Bujar Leskaj

    TIRANË- Deputeti i Partisë Demokratike në qarkun e Vlorës, Bujar Leskaj nuk i është bindur urdhrit të kryedemokratit Sali Berisha për të mos marrë pjesë në protestën e sotme në sheshin Skënderbej”, për ish-luftëtarët e UÇK-së.
    Leskaj u pa në krah të protestuesve e veteranëve, por nuk iu shmang dot pyetjes së gazetarëve “se përse ke thyer urdhrin e partisë”. Leska u shpreh se nuk mund të qëndronte pa marrë pjesë në këtë ditë ku janë bërë bashkë të gjithë shqiptarët, ndërësa sa i përket ‘urdhrit të partisë’, ai u përgjigj shkurt: “Kujt po i rruhet për urdhra”, teksa përpiqej t’i shmangej kamerës dhe shtynte mikrofonin.

    Protesta në mbështetje të ish-krerëve të UÇK-së, mblodhi mijëra qytetarë nga të gjitha trevat. Nuk munguan as figurat politike, ish-president, politikanë aktualë, edhe nga opozita pavarësisht se këta të fundit kishin bërë thirrje për të mos marrë pjesë./ZËRI