Lajmidites.com

Tag: brugge

  • Inter i jep “një dorë” Milanit për të transferuar Ardon Jasharin

    Inter i jep “një dorë” Milanit për të transferuar Ardon Jasharin

    17 Korrik 2025

    14:17

    Telesport

    Ardon Jashari ka refuzuar të dalë në stërvitje te Club Brugge, pasi lojtari kërkon të transferohet te Milan. Oferta e fundit e kuqezinjve për mesfushorin shqiptar ishte 32.5 milionë euro plus bonuse, por klubi belg nuk lëviz nga shifra 40 milionë euro.
    Por transferimin e Ardon Jasharit te Milan mund ta afrojë Inter. Sipas asaj që raporton “TuttoSport”, klubi zikaltër është në negociata me Club Brugge për të shitur Aleksandar Stankovic, një mesfushor i ri, që mbulon të njëjtin pozicion si Jashari.
    Me transferimin e mundshëm të Stankovic, hapet rruga për transferimin e Jasharit te Milan. Edhe vetë Inter ka pasur interes për mesfushorin shqiptar, por klubi zikaltër është tërhequr duke ditur qëndrimin dhe vendimin e lojtarit për t’u transferuar te Milan.
    Marrëveshja mes Inter dhe Club Brugge pritet të mbyllet brenda javës që vjen, në këtë datë po ashtu pritet të konfirmohet edhe transferimi i Ardon Jasharit te kuqezinjtë.

  • Sinjale pozitive rreth transferimit të Jashari te Milan, skuadra e Brugge nuk e grumbullon në miqësore

    Sinjale pozitive rreth transferimit të Jashari te Milan, skuadra e Brugge nuk e grumbullon në miqësore

    17 Korrik 2025

    8:10

    Telesport

    Presioni i Milan për Ardon Jashari vazhdon. Ditët e fundit, kuqezinjtë i paraqitën një ofertë prej 32.5 milionë eurosh, plus bonuse, Club Brugge dhe ende presin një përgjigje zyrtare nga Belgjika.
    Kjo situatë po e mban gjithçka pezull, por ka lajme të rëndësishme në sfond që mund të paralajmërojnë një pikë kthese të mundshme në marrëveshje. Pasi u shfaq në fillim të sezonit dhe kaloi një seancë stërvitore të personalizuar, Jashari nuk u përfshi në skuadër për miqësoren kundër Lokomotiv Zagreb.
    Mungesa e tij mund të interpretohet si një shenjë hapjeje për transferimin e lojtarit nga Club Brugge. Kjo shkëndijë e vogël shprese mund të nxisë një dialog të ri midis palëve dhe të ofrojë njohuri interesante mbi negociatat dhe qëllimet e vërteta të klubit belg.
    Oferta e Milan për mesfushorin 23-vjeçar zviceran është aktualisht ende e vlefshme dhe nuk ka një datë specifike skadimi. Tare nuk do të jetë në gjendje të presë përgjithmonë për Bruges, por përshtypja është se diçka po fillon të lëvizë në frontin e Jasharit.

  • Milan rrit ofertën për Jasharin, tani nuk ka më justifikime për Club Brugge

    Milan rrit ofertën për Jasharin, tani nuk ka më justifikime për Club Brugge

    13 Korrik 2025

    17:04

    Telesport

    Milan nuk i ndahet Ardon Jasharit, pasi të paktën dy ofertat e parë janë refuzuar nga Club Brugge, klubi kuqezi ka përmirësuar shifrat dhe ka dërguar një ofertë të fundit për mesfushorin me origjinë shqiptare.
    Sipas asaj që raporton “Sport Mediaset”, kuqezinjtë ofrojnë 32.5 milionë euro në tavolinë dhe 5.5 milionë euro të tjera bonuse, në total 38 milionë euro, shumë afër shifrës 40 milionë euro që pretendon ekipi belg.
    Vetë lojtari nuk ka marrë pjesën fazën parapërgatitore me pjesën tjetër të ekipit, pasi do vetëm transferimin te Milan. Në anën tjetër, drejtuesit e Club Brugge duket se ia kanë arritur qëllimit të tyre dhe këtë herë pritet që t’i thonë “po” ofertës së Milanit.
    Klubi belg është i detyruar të pranojë ofertën e Milanit duke ditur vendimin e lojtarit që dëshiron të bashkohet vetëm me kuqezinjtë. Kanë mbetur ende disa detaje të vogla për t’u diskutuar, por marrëveshja mes palëve duket shumë afër.

  • Jashari nuk luan në miqësore për Brugge, te Milan shpresojnë në transferimin e tij

    Jashari nuk luan në miqësore për Brugge, te Milan shpresojnë në transferimin e tij

    12 Korrik 2025

    8:09

    Telesport

    Ardon Jashari, në qendër të një negociate të pafundme midis Milan dhe Club Brugge, nuk mori pjesë dje në ndeshjen miqësore të klubit belg kundër ekipit polak Rakow Czestochowa.
    Mbetet të shihet nëse kjo është një shenjë pozitive për kuqezinjtë, të cilët ishin qartësisht të bezdisur nga intervista e zhvilluar të enjten nga zyrtarët e Club Brugge. Ata thanë se lojtari do të qëndrojë.
    Për momentin, është e sigurt se drejtori sportiv Tare nuk do ta përmirësojë ofertën e fundit që paraqiti disa ditë më parë, 33 milionë euro plus 5 milionë euro në bonuse.
    Milani shpreson për lajme pozitive këtë fundjavë, falë shtytjes së fortë nga mesfushori zviceran, që konsiderohet si një përforcim i rëndësishëm për skuadrën e trajnerit Allegri.

  • Prapaskena e bujshme: Inter kërkon të “rrëmbejë” objektivin e madh të Milanit, por merr refuzimin e prerë

    Prapaskena e bujshme: Inter kërkon të “rrëmbejë” objektivin e madh të Milanit, por merr refuzimin e prerë

    Gazetari i njohur, Sacha Tavolieri, ekspert i merkatos, ka zbuluar një prapaskenë të bujshme në lidhje me futbollistin me origjinë shqiptare, Ardon Jasharin, të cilin e kërkon me ngulm Milan.
    Sipas Tavolieri-t, ka qenë pikërisht Inter, që i ka bërë Club Brugge një ofertë konkrete për Jasharin: 30 milionë euro plus të riun Aleksandar Stankovic.
    Por, propozimi i klubit zikaltër është refuzuar nga vetë lojtari, i cili mesa duket do transferimin vetëm te Milan. Momentalisht marrëvehja mes Club Brugge dhe Milan duket e largët, belgët nuk lëshojnë terren dhe duan 35-40 milionë euro bashkë me bonuset, ndërsa italianët ofrojnë deri në 30 milionë euro.
    Në anën tjetër, duke qenë se mori refuzimin e Ardon jasharit, Inter është hedhur në sulm për një tjetër lojtar të Club Brugge, qendërmbrojtësin ekuadorian Joel Ordonez, 19 vjeç, për të cilin klubi zikaltër ofron 22 milionë euro dhe kartonin e Aleksander Stankovic. Deri tani nuk ka ende një përgjigje nga klubi belg, për këtë propozimt të dytë të Interit.

  • Milan gjen akordin me Jasharin, Tare drejt finalizimit me sukses të operacionit me Club Brugge

    Milan gjen akordin me Jasharin, Tare drejt finalizimit me sukses të operacionit me Club Brugge

    Agjenti i Jasharit ka tashmë një marrëveshje me Milanin për një kontratë pesëvjeçare me 2.8 milionë euro neto në sezon. Drejtori sportiv Igli Tare, në këtë pikë, duhet të gjejë një marrëveshje jo të lehtë me Club Brugge, klub që zakonisht nuk bën zbritje, siç e dinë mirë te Milani pas operacionit me De Ketelaere në verën e vitit 2022.
    Dhe në tavolinë diskutohen shifra pak a shumë të njëjta: CDK u blen pas një negociate të gjatë për 32 milionë plus 3 milionë bonus, në total 35, ndërsa tani shuma që kërkojnë belgët është pak më e lartë. Djalli ka rritur ofertën, duke ofruar 33 milionë plus 5 milionë bonus, tani pak larg 35 plus 5 milionë bonus që kërkon pala tjetër.

    Futja në lojë e Borussia Dortmundit nuk shqetëson shumë Milanin, i cili është i sigurt për marrëveshjen me lojtarin. Brugge shpresonte për një ankand për yllin e tyre, por kështu nuk do të ndodhë. Tare dëshiron të mbyllë sa më shpejt negociatat pa zgjatur shumë. Dhe nëse belgët do të ngulin këmbë, ekziston një plan B: Javi Guerra, mesfushor i Valencias që ka një vlerësim prej 25 milionë eurosh.
    Por atmosferë është optimiste, edhe sepse Brugge po kërkon tashmë zëvendësuesin e Jasharit, që mund të vijë pikërisht nga Milano, por nga ana e Interit. Në fakt, klubi belg pëlqen Aleksandar Stankovic, i lindur në 2005, nga Interi, i cili ishte huazuar te Lucerna; priten kontakte të reja mes klubeve, dhe marrëveshja do të ishte përfundimtare me të drejtë riprorëshitje në favor të zikaltërve.

  • Milan mbetet thatë? Gjiganti i Bundesligës gati t’i “rrëmbejë” Ardon Jasharin

    Milan mbetet thatë? Gjiganti i Bundesligës gati t’i “rrëmbejë” Ardon Jasharin

    Lajme aspak të mira nga Zvicra për Milanin. Prej ditësh, kuqezinjtë po tentojnë të gjejnë gjuhën e përbashkët me Club Brugge për transferimin e mesfushorit shqiptar që luan me Zvicrën, Ardon Jasharin.
    Oferta e parë e kuqezinjve për Jasharin që përfshinte 27 milionë euro në tavolinë, plus 3 milionë euro bonuse, u refuzua direkt nga Club Brugge. Belgët nuk lëshojnë terren dhe janë të vendosur, duan 35 milionë euro në tavolinë dhe 5 milionë euro të tjera bonuse.
    Ndërkohë, eksperti i merkatos në Zvicër, Sacha Tavolieri, zbulon se një tjetër klub i madh ka hyrë në garë për Ardon Jasharin dhe është pranë transferimit të tij. Klubi verdhezi është shumë pranë finalizimit të marrëveshjes me Chelsea-n për shitjen e Jamie Gittens për 65 milionë euro, më saktë pritet vetëm zyrtarizimi.
    Me paratë e fituara nga kjo lëvizje, Dortmund ka të gjithë mundësitë që të paguajë klauzolën e vendosur nga Club Brugge për Ardon Jasharin. Mesfushori shqiptar pëlqhet shumë nga trajneri i Dortmundit, Niko Kovac, i cili iu ka kërkuar drejtuesve të klubit të bëjnë të mundur transferimin e tij.
    Në këtë situatë, Milan nuk ka më kohë për të humbur dhe ka vetëm dy rrugë. E para të paguajë kaluzolën e vendosur nga Club Brugge, e dyta të heq dorë nga mesfushori shqiptar dhe të shohë për alternativa të tjera për në mesfushë.

  • Milan lëviz për mesfushorin shqiptar, oferta për Brugge

    Milan lëviz për mesfushorin shqiptar, oferta për Brugge

    Milani po bën lëvizje konkrete për Ardon Jasharin, mesfushorin e njohur shqiptar, i cili spikati në sezonin e fundit në Belgjikë me Club Brugge.
    Sipas asaj që shkruajnë mediat, kuqezinjtë kanë bërë një propozim formal prej 27 milionë eurosh si një bazë fikse, plus 3 milionë në formën e bonuseve.

    Duke ditur që Brugge nuk ka ndërmend të bëjë zbritje, klubi italian mund të  çojë ofertën deri në një shifër totale prej rreth 35 milionë eurosh.
    Vendimtare në tratativa do jetë vetë dëshira e Jasharit, me kalimin te Milani që do ishte vërtetë një “trampolinë” për karrierën e tij.

  • Finalja Belge, Ardon Jashari i rrëmben kupën Anderlechtit të Besnik Hasit

    Finalja Belge, Ardon Jashari i rrëmben kupën Anderlechtit të Besnik Hasit

    Me një paraqitje të sigurt dhe të pjekur në zemër të mesfushës, Ardon Jashari ka hyrë në histori të dielën mbrëma, duke fituar trofeun e tij të parë si profesionist dhe duke i rrëmbyer Kupën e Belgjikës Anderlechtit të drejtuar nga Besnik Hasi.22-vjeçari, pjesë e përfaqësueses së Zvicrës dhe një nga emrat në ngjitje të futbollit europian, ishte titullar gjatë gjithë ndeshjes finale, ku Club Brugge triumfoi 2-1 ndaj rivalëve nga Brukseli. Jashari mbajti ritmin e lojës dhe dha qetësinë që i duhej skuadrës në një mbrëmje me tension të lartë.Romeo Vermant ishte autor i dy golave për Bruggen në minutën e 40-të dhe të 61-të, ndërsa Anderlecht reagoi vonë me golin e Luis Vazquez në kohën shtesë, por pa mundur të ndryshojë fatin e finales. Kështu, Brugge fitoi për herë të 12-të Kupën e Belgjikës, duke konfirmuar dominimin historik në këtë garë.Për Jasharin, ky nuk ishte vetëm një sukses kolektiv, por edhe një moment personal kulmor. Me 48 ndeshje në këtë sezon, 4 gola dhe 6 asistime, mesfushori me origjinë shqiptare po kalon edicionin më të mirë të karrierës, ndërsa trofeu i Kupës i shton peshë emrit të tij në arenën ndërkombëtare.Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.Me një paraqitje të sigurt dhe të pjekur në zemër të mesfushës, Ardon Jashari ka hyrë në histori të dielën mbrëma, duke fituar trofeun e tij të parë si profesionist dhe duke i rrëmbyer Kupën e Belgjikës Anderlechtit të drejtuar nga Besnik Hasi.22-vjeçari, pjesë e përfaqësueses së Zvicrës dhe një nga emrat në ngjitje të futbollit europian, ishte titullar gjatë gjithë ndeshjes finale, ku Club Brugge triumfoi 2-1 ndaj rivalëve nga Brukseli. Jashari mbajti ritmin e lojës dhe dha qetësinë që i duhej skuadrës në një mbrëmje me tension të lartë.Romeo Vermant ishte autor i dy golave për Bruggen në minutën e 40-të dhe të 61-të, ndërsa Anderlecht reagoi vonë me golin e Luis Vazquez në kohën shtesë, por pa mundur të ndryshojë fatin e finales. Kështu, Brugge fitoi për herë të 12-të Kupën e Belgjikës, duke konfirmuar dominimin historik në këtë garë.Për Jasharin, ky nuk ishte vetëm një sukses kolektiv, por edhe një moment personal kulmor. Me 48 ndeshje në këtë sezon, 4 gola dhe 6 asistime, mesfushori me origjinë shqiptare po kalon edicionin më të mirë të karrierës, ndërsa trofeu i Kupës i shton peshë emrit të tij në arenën ndërkombëtare.