Lajmidites.com

Tag: britania

  • Britania e Madhe u shpall “luftë” emigrantëve, plani i ri i masave

    Britania e Madhe u shpall “luftë” emigrantëve, plani i ri i masave

    Në sfondin e protestave anti-emigracion në Londër dhe qytete të tjera që nga 13 korriku, Sekretarja e Brendshme e Britanisë, Yvette Cooper, i ka paraqitur Parlamentit një paketë të re masash për politikën e emigracionit.

    Debati vjen në mes të një periudhe konfrontimi të fortë shoqëror dhe politik, ndërsa protestat vazhdojnë jashtë hoteleve që strehojnë azilkërkues.
    Tema kryesore e fjalimit ishte shtrëngimi i kushteve për ribashkimin familjar të refugjatëve. Aplikantët tani do të duhet të plotësojnë kritere shtesë, siç janë mjaftueshmëria financiare, njohja e gjuhës angleze dhe një periudhë minimale qëndrimi në Mbretërinë e Bashkuar. Cooper theksoi se qëllimi është të balancohet dimensioni humanitar me kohezionin social dhe aftësitë e shtetit.

    Qeveria konfirmoi angazhimin e saj për të mbyllur gradualisht të gjitha hotelet që përdoren për të strehuar azilkërkuesit deri në vitin 2029. Cooper la të hapur mundësinë që procesi të përshpejtohet, me kusht që të jetë në vend infrastruktura e duhur e akomodimit.
    Sekretarja e Brendshme përsëriti se Britania do të mbetet e përkushtuar ndaj Konventës Evropiane për të Drejtat e Njeriut, duke mohuar thashethemet për tërheqje. Ajo tha se angazhimet ndërkombëtare të vendit janë një themel i sigurisë dhe legjitimitetit.

  • Gjermania, Franca dhe Britania planifikojnë të rivendosin sanksionet ndaj Iranit për shkak të armëve bërthamore

    Gjermania, Franca dhe Britania planifikojnë të rivendosin sanksionet ndaj Iranit për shkak të armëve bërthamore

    Britania e Madhe, Franca dhe Gjermania po planifikojnë të rivendosin sanksionet e mbështetura nga OKB-ja ndaj Iranit për shkak të frikës se po zhvillon armë bërthamore, shkruajnë mediat e huaja.

    Tri vendet evropiane, të njohura si E3, po ndërmarrin kete hap pasi përpjekjet për të rinisur bisedimet diplomatike mbi programin bërthamor të Teheranit kanë ngecur.
    Irani këmbëngul se programi i tij bërthamor është për qëllime paqësore, por ka pasuruar uranium në nivele që tejkalojnë ato të kërkuara për energjinë bërthamore civile.

    Kjo është një shkelje e një marrëveshjeje të rënë dakord me vendet perëndimore në vitin 2015, kur një sërë sanksionesh u pezulluan.
    Megjithatë, E3 tani dëshiron të rivendosë ato sanksione, të cilat u vendosën me rezolutë të OKB-së.
    Ata i shkruan sekretarit të shtetit të SHBA-së, Marco Rubio, duke e informuar atë për qëllimin e tyre dhe të enjten pasdite njoftuan OKB-në.
    Para se të zbatohen sanksionet, do të ketë një periudhë 30-ditore kur Britania e Madhe, Franca dhe Gjermania shpresojnë se bisedimet mund të zhvillohen dhe Irani do të bjerë dakord të tërhiqet nga ambiciet e tij bërthamore.
    Rivendosja nuk është pritur mirë nga iranianët, me një zyrtar të lartë iranian që i tha Reuters se vendi “nuk do të lëshojë pe nën presion”.
    Ata thanë se bisedimet diplomatike do të vazhdojnë me E3 dhe Teherani do të vendosë për masat reciproke të Iranit nëse vendosen sanksionet.
    Zyrtari tha se Irani kishte përdorur “të gjitha kapacitetet e tij” për ta bindur E3 të mos ndërmerrte këtë hap.

  • Sulmet ruse mbi Kiev, Britania e Madhe dhe BE thërrasin diplomatët e lartë rusë

    Sulmet ruse mbi Kiev, Britania e Madhe dhe BE thërrasin diplomatët e lartë rusë

    Britania e Madhe thërret ambasadorin rus pas sulmeve të natës në Kiev. Lajmi u bë me dije nga Sekretari i Jashtëm i Mbretërisë së Bashkuar, David Lammy, teksa i bëri thirrje Rusisë të ndalonte sulmet mbi Kiev.
    “Sulmet e Putinit mbrëmë vranë civilë, shkatërruan shtëpi dhe dëmtuan ndërtesa, përfshirë Këshillin Britanik dhe Delegacionin e BE-së në Kiev. Ne e kemi thirrur ambasadorin rus. Vrasjet dhe shkatërrimet duhet të ndalen.”, shkroi ai në X.
    Nga ana e tij, Sekretari i përgjithshëm i NATO-s, Mark Rutte, është vënë në kontakt me shefen e politikës së jashtme të BE-së, Kaja Kallas, dhe presidenten e Komisionit të BE-së, Ursula von der Leyen, në lidhje me sulmin e Rusisë që dëmtoi edhe ndërtesën ku ndodhet delegacioni i BE-së në Ukrainë. Rutte, duke folur në një takim të partive qeveritare gjermane në qytetin jugor të Wuerzburgut, tha se nuk mund të komentojë mbi thashethemet e fundit rreth spiunazhit rus në Evropë.
    Po ashtu, edhe presidenti turk, Tayyip Erdogan, ka zhvilluar një telefonatë me homologun e tij ukrainas, Volodymyr Zelensky ku i shprehu gatishmërinë e Ankarasë për të ndihmuar në zhvillimin e çdo bisedimesh të nivelit të lartë midis Ukrainës dhe Rusisë. Erdogan garantoi gjithashtu se Turqia do të vijojë kontributin në sigurinë e Ukrainës pasi të arrihet paqja.
    Sulmet ruse mbi Kiev u dënuan gjithashtu edhe nga Komisionerja e BE-së për Zgjerimin, Marta Kos dhe Presidentja e Komisionit Evropian, Ursula von der Leyen.

  • Britania dhe çështja shqiptare gjatë rënies së Perandorisë Osmane

    Britania dhe çështja shqiptare gjatë rënies së Perandorisë Osmane

    – Vështrim për librin e Daut Dautit Britain, the Albanian Question and the Fall of the Ottoman Empire, 1876-1914 [Britania dhe çështja shqiptare gjatë rënies së Perandorisë Osmane 1876-1914], botuar nga shtëpia e njohur botuese, Bloomsbury Academic – Nga: Robert C. Austin, profesor në Universitetin e Torontos / Canadian Slavonic Papers
    Përktheu: Agron Shala / Telegrafi.com

    Ky është një libër i shkëlqyer. Pikë. Dauti është një autor dhe studiues i jashtëzakonshëm, puna e të cilit për periudhën para shpalljes së pavarësisë së Shqipërisë tashmë është e njohur gjerësisht. Ky botim, tejet i kuptueshëm dhe i lehtë për t’u lexuar, është plot me të xhevahire që na ndihmojnë të kuptojmë se si mbijetuan (por, rrallëherë lulëzuan) shtetet e vogla në fund të shekullit të nëntëmbëdhjetë dhe në fillim të shekullit të njëzetë.

    Fokusi te Britania është çelësi i origjinalitetit të librit. Dauti ka të drejtë kur thekson se Mbretëria e Bashkuar nuk kishte interesa të mëdha apo të drejtpërdrejta në Shqipëri, dhe pikërisht kjo ishte arsyeja se pse shqiptarët shpresuan për ndihmë prej saj. Kush më mirë sesa një fuqi e paanshme për t’i shpëtuar ata nga fqinjët e këqij? Sidoqoftë, aty ku Dauti pasuron njohurinë tonë për atë periudhë është pikërisht roli që luajti Mbretëria e Bashkuar në çështjet shqiptare.

    – Lexo po ashtu shkrimin e profesorit Andrew Thomas Park për veprën e Daut Dautit: Një vepër e vlefshme për procesin e krijimit të shtetit shqiptar dhe për rolin e shqiptarëve në rënien e Perandorisë Osmane
    Pasi përshkruan shqiptarët më 1878 me themelimin e Lidhjes së Prizrenit, Dauti analizon se si u pasqyrua e gjithë kjo në Londër dhe në Stamboll. Dauti e vendos politikën e jashtme britanike ndaj shqiptarëve brenda pozicioneve liberale dhe konservatore. Liberalët e shihnin fenë si “një element thelbësor në ngritjen e ndjenjës kombëtare në Ballkan” (32). Kjo qasje nuk paralajmëronte gjë të mirë për shqiptarët me shumicë myslimane, pasi Britania i paramendonte të krishterët si të jetonin në një shtet “barbar” mysliman. Për më tepër, siç shton Dauti, udhëtarët britanikë që kishin ndikim shpeshherë i kishin sharë shqiptarët.

    Sa për Britaninë, kur shpërtheu Lufta e Parë Ballkanike gjërat nuk u përmirësuan, pasi mbizotëroi qasja liberale dhe lufta u pa në thelb si një luftë e drejtë për të çliruar të krishterët.

    Duke parë se gjithçka ishte kundër shqiptarëve, është e jashtëzakonshme që ata arritën pavarësinë. Kjo histori, megjithëse e treguar mirë më parë, rrëfehet sërish me vështrime të reja nga Dauti. Përderisa Shqipëria dhe shqiptarët kishin qenë kryesisht dytësorë për Britaninë, më 1912 gjërat ishin ndryshe. Shqipëria nuk mund të injorohej.

    Në kapitullin 7, “Ballkani për popujt ballkanikë”, më pëlqeu shumë shkrimi i Dautit mbi kontributin e Edith Durhamit në çështjen shqiptare. Për të qenë i sinqertë, nuk lodhem kurrë nga analiza e saj shpesh therëse dhe e drejtpërdrejt për Ballkanin dhe shqiptarët në veçanti. Edhe pse fillimisht mendonte se rajoni kishte nevojë për një sundimtar të krishterë, më vonë u bë mbështetëse e kauzës kombëtare shqiptare, të cilën e shihte si qendrore për zgjidhjen e problemit ballkanik.
    Në fund, ishte Austro-Hungaria ajo që shpëtoi Shqipërinë dhe shqiptarët, pasi ishte e vetmja fuqi gjatë Konferencës së Londrës që tregoi se mund të shkonte në luftë për Shqipërinë.

    Në anën e shqiptarëve ishte parlamentari dhe diplomati i palodhur britanik, Aubrey Herbert, i cili me këmbëngulje mbrojti parimin etnik në përcaktimin e kufijve të rinj të Shqipërisë – kufij të cilët, në fund, sipas Herbertit, fatkeqësisht u dhanë atyre vetëm “shkëmbinj, gryka dhe përrenj malorë” (147). Britania, siç vëren Dauti, nuk kishte interes për një Shqipëri etnike që përfshinte të gjithë shqiptarët dhe qëndroi besnike ndaj synimeve të veta strategjike.

    Kur Konferenca e Londrës përfundoi punën në gusht të vitit 1913, gjithçka që i duhej ishte të gjente ndonjë princ të papunë gjerman për të sunduar vendin. Herberti paralajmëroi me zgjuarsi se gjetja e dikujt që ishte i përshtatshëm do të ishte punë e vështirë. Ai i shkroi vëllait të vet: “Çdo princ do të ishte budalla ta pranonte po ta dinte vështirësinë, dhe edhe më budalla po të mos e dinte” (151). Kështu filloi një varg i gjatë e budallenjve që sunduan Shqipërinë.

    E pavarur, por e privuar nga tokat e rëndësishme shqiptare, vendi pa të zbehej mbështetja për procesin e shtetndërtimit. Ana pozitive ishte se sovraniteti i shkurtër të cilin Shqipëria arriti më 1913, padyshim e shpëtoi nga zhdukja pas Luftës së Parë Botërore. /Telegrafi/

  • “Do dëbojmë azilkërkuesit nga Britania e Madhe”/ Babai i Brexit premton që të arrestojë dhe dëbojë 600 mijë persona nga kanë ardhur

    “Do dëbojmë azilkërkuesit nga Britania e Madhe”/ Babai i Brexit premton që të arrestojë dhe dëbojë 600 mijë persona nga kanë ardhur

    Nëse, e gjithmonë nëse, vjen në pushtet në Britani pas afro 4 vjetësh, me partinë e tij Reforma, ai që njihet ndryshe si Babai i Brexit, Nigel Farage, thotë se do të arrestojë dhe deportojë rreth 600 mijë azilantë në vendet nga kanë ardhur, dhe bëhet fjalë kryesisht, dhe jo vetëm, për ata që vijnë me gomone nga La Manshi.

    Farage, një spekulant dhe oportunist politik, që me të pavërtetat e tij shpëlau trutë e britanikëve që votuan pro daljes nga BE, për shkak edhe të këtij fakti sot Britania nuk aplikon dot Konventën e Dublinit, që lejonte çdo azilant të rikthehet në vendin e parë të sigurt në BE ku ai aplikonte për azil!.
    Kjo është edhe arsyeja dhe nënprodukti pse nuk i kthen dot Britania tashmë mijëra të ardhur çdo muaj në Francë, e cila shkarkon emigrantët në brigjet angleze, të cilët më pas strehohen nëpër hotele, dhe britanikët e thjeshtë janë të turfulluar nga paaftësia e qeverisë së sotme, por edhe e paraardhësve, për ta zgjidhur këtë krizë besimi në qeverisje.
    Nigel Farage sheh mundësi përfitimi politik dhe sondazhi më i fundit i The Times tregon se 71 përqind të të anketuarve mendojnë se Starmer nuk po e zgjidh drejt krizën e emigracionit, dhe nga këta 56 përqind janë votues laburist.
    Kjo krizë ka bërë ndër të tjera që partia Reforma e Farage të jetë 22 pikë para laburistëve në pushtet në sondazhe! Laburistët thonë se politikat alla-trampiane të Farage për emigracionin janë politika të shkruara “në një paketë cigaresh”.
    Ndoshta kanë të drejtë, por Farage luan nga tribuna dhe nuk jep asnjë shpjegim se pavarësisht nga 2 miliardët që do vendosë në dispozicion, sesi do të bindë këto vende që të deportojë azilkërkuesit në vende si Afganistani i Talebanëve, Eritrea apo Irani, dhe sa do kushtojnë këto fluturime të shtrenjta dhe në vende të largëta.
    Kjo as nuk ka marrëveshje me Shqipërinë, që përmendet në planet e tij, e cila disa herë ka deklaruar të mos shndërrohet në kosh të emigrantëve të ardhur nga vendet më të pasura të Perëndimit, edhe sikur Londra t’i ofronte po aq ose më shumë se sa Ruandës, ku shkuan vetëm 4 azilantë vullnetarisht për 700 milionë stërlina të dhëna vendit afrikan.
    Politikanët britanikë, për aq kohë sa nuk kuptojnë shkaqet e vërteta pse Britania është shndërruar në El Dorado të emigrantëve, përveç nëse ka një axhendë të tjera ekonomike të paartikuluara, nuk mund të veprojnë. Britania, e cila po ngrohet më shumë nga ngrohja globale, çka shton kalimet me gomone, ka kalime të vështira për t’u frenuar me mjetet dhe politikat shpesh naive të momentit.
    Këto kalime kanë mbetur vetëm të frenohen me anije lufte, në mes të detit, çka do të ishte e paimagjinueshme mes Francës dhe Britanisë, vende të NATO-s.
    Deri në gjetjen e terapisë, Nigel Farage do mbetet kërcënues dhe aspirant pushteti në një Britani e cila humbi reputacionin e dikurshëm, herë prej gjysmë të vërtetave e më shumë prej gënjeshtrave e spekulimeve të dëmshme të kampionit të Brexitit, taktika populiste këto që kanë treguar se funksionojnë edhe në vende me demokraci të konsoliduara.

    Top Channel

  • “Anglia ka mbaruar”, Sunday Times: Shqiptarët po kthehen vullnetarisht. Paguhen me mijëra paund nga shteti

    “Anglia ka mbaruar”, Sunday Times: Shqiptarët po kthehen vullnetarisht. Paguhen me mijëra paund nga shteti

    Këto pamje tregojnë dëbimin e përjavshëm të shqiptarëve pa dokumente nga Anglia për në Shqipëri me avionë charter, paguar nga Ministria e Brendshme, Home Office.
    Krahas tyre gazeta Sunday Times të cilës i referohet Top Channel, i kushton një shkrim të gjatë shqiptarëve të cilët vullnetarisht kthehen dhe marrin nga qeveria angleze shumën e 1.200 stërlinave.

    Gazetari Richard Assheton ka udhëtuar drejt Kukësit dhe sjell historinë e kthimit vullnetar të 32-vjeçarit, Ardit Shehu.
    “Ky shqiptar, azili i të cilit u refuzua, na deklaroi me një theks të rëndë londinez: ‘Bro, tani Anglia është e mbaruar’”.
    Kështu nis artikulli Sunday Times.

    Kjo thuhet në artikull sepse Britania e Madhe dhe Shqipëria kanë bashkëpunuar në një skemë riatdhesimi të përshpejtuar që ka zmbrapsur fluksin e mbërritjeve me gomone që në vitin 2022 arriti në gati 13.000 persona.
    Sipas Sunday Times të Londrës që nga marrëveshja mes Rishi Sunak dhe kryeministrit shqiptar Edi Rama në vitin 2022, Britania ka deportuar mbi 13,000 shqiptarë.
    Kjo është afërsisht trefishi i numrit të atyre që deportoheshin gjatë viteve 2010. Shqiptarët janë tani kombësia më e deportuar dhe mbërritjet e tyre me varka të vogla kanë rënë me 95%.
    “Policia, sa herë që flasim [në rrugë] na ndalon”, ka thënë një shqiptarë në një kafene në Kukës . “E di? Për të arrestuar shqiptarët, vetëm shqiptarët.”
    Ai kishte jetuar në Barking në lindje të Londrës dhe kishte punuar me para në dorë në të zezë, në kantier ndërtimi, por u deportua gjashtë muaj më parë, tha ai.
    Ervin Hoxha, ministri i Brendshëm ka deklaruar për Sunday Times: “Përpjekjet tona të përbashkëta e kanë kthyer këtë çështje në një histori suksesi.” Ai tha se Shqipëria ishte “mirënjohëse” ndaj Britanisë për bashkëpunimin.
    Edval Zoto, i cili deri vitin e kaluar drejtonte një projekt të financuar nga Britania si pjesë e marrëveshjes për kthimet dhe përpiqej të bindte njerëzit nga Kukësi të mos emigronin drejt Britanisë, tha se: “Nuk mendoj se Rama po e përdor këtë marrëveshje për përfitim politik… përveç ruajtjes së marrëdhënieve të mira me Britaninë”.

  • “Anglia ka mbaruar”/ Sunday Times, shqiptarët kthime vullnetare nga shteti ishull, zbulohet sa para marrin

    “Anglia ka mbaruar”/ Sunday Times, shqiptarët kthime vullnetare nga shteti ishull, zbulohet sa para marrin

    Këto pamje tregojnë dëbimin e përjavshëm të shqiptarëve pa dokumente nga Anglia për në Shqipëri me avionë charter, paguar nga Ministria e Brendshme, Home Office.

    Krahas tyre gazeta Sunday Times të cilës i referohet Top Channel, i kushton një shkrim të gjatë shqiptarëve të cilët vullnetarisht kthehen dhe marrin nga qeveria angleze shumën e 1.200 stërlinave.
    Gazetari Richard Assheton ka udhëtuar drejt Kukësit dhe sjell historinë e kthimit vullnetar të 32-vjeçarit, Ardit Shehu.
    “Ky shqiptar, azili i të cilit u refuzua, na deklaroi me një theks të rëndë londinez: ‘Bro, tani Anglia është e mbaruar’”.
    Kështu nis artikulli Sunday Times.

    Kjo thuhet në artikull sepse Britania e Madhe dhe Shqipëria kanë bashkëpunuar në një skemë riatdhesimi të përshpejtuar që ka zmbrapsur fluksin e mbërritjeve me gomone që në vitin 2022 arriti në gati 13.000 persona.
    Sipas Sunday Times të Londrës që nga marrëveshja mes Rishi Sunak dhe kryeministrit shqiptar Edi Rama në vitin 2022, Britania ka deportuar mbi 13,000 shqiptarë.
    Kjo është afërsisht trefishi i numrit të atyre që deportoheshin gjatë viteve 2010. Shqiptarët janë tani kombësia më e deportuar dhe mbërritjet e tyre me varka të vogla kanë rënë me 95%.
    “Policia, sa herë që flasim [në rrugë] na ndalon”, ka thënë një shqiptarë në një kafene në Kukës . “E di? Për të arrestuar shqiptarët, vetëm shqiptarët.”
    Ai kishte jetuar në Barking në lindje të Londrës dhe kishte punuar me para në dorë në të zezë, në kantier ndërtimi, por u deportua gjashtë muaj më parë, tha ai.
    Ervin Hoxha, ministri i Brendshëm ka deklaruar për Sunday Times: “Përpjekjet tona të përbashkëta e kanë kthyer këtë çështje në një histori suksesi.” Ai tha se Shqipëria ishte “mirënjohëse” ndaj Britanisë për bashkëpunimin.
    Edval Zoto, i cili deri vitin e kaluar drejtonte një projekt të financuar nga Britania si pjesë e marrëveshjes për kthimet dhe përpiqej të bindte njerëzit nga Kukësi të mos emigronin drejt Britanisë, tha se: “Nuk mendoj se Rama po e përdor këtë marrëveshje për përfitim politik… përveç ruajtjes së marrëdhënieve të mira me Britaninë”.

    Top Channel

  • “Rusia nuk është armiku ynë”, shokon këshilltari i Farage: Do ishte më mirë nëse Britania e Madhe nuk do të merrte pjesë në Luftën e Dytë Botërore

    “Rusia nuk është armiku ynë”, shokon këshilltari i Farage: Do ishte më mirë nëse Britania e Madhe nuk do të merrte pjesë në Luftën e Dytë Botërore

    Një këshilltar që ka ndihmuar Nigel Farage dhe të tjerë në Reform UK për të rritur popullaritetin në mediat sociale ka bërë deklarata të forta rreth historisë dhe politikës së jashtme britanike.

    Jack Anderton, i cili drejtoi llogarinë e suksesshme të Farage në TikTok dhe më pas ndihmoi Luke Campbell të bëhej kryebashkiak i Hull dhe East Yorkshire, tha se Mbretëria e Bashkuar do të ishte më mirë nëse nuk do të kishte luftuar kundër Gjermanisë naziste në Luftën e Dytë Botërore. Ai shtoi gjithashtu se Britania nuk duhet ta mbështesë Ukrainën në luftën kundër agresionit rus.
    Në një postim në blogun e tij, Anderton shkroi: “Po dërgojmë miliarda paund (që nuk i përballojmë dot) për të mbështetur një vend ndaj të cilit nuk kemi besnikëri. Rusia nuk është armiku ynë, ata nuk e kanë sulmuar Britaninë.”
    Ai argumenton gjithashtu se Britania mund të “rifitonte” ish-kolonitë si Australia, Kanadaja dhe Afrika e Jugut, dhe se vendimi i Ministrisë së Jashtme duhet të bazohet vetëm në interesin e drejtpërdrejtë të vendit.
    Anderton shprehet gjithashtu i entuziazmuar për politikat e presidentit të El Salvadorit, Nayib Bukele, duke mbështetur burgosjet masive si mjet për uljen e krimit.
    Ai thotë: “Pushteti shtetëror, kur përdoret në mënyrë efektive, është në thelb i gjithëpushtetshëm. Meritokracia do të vendoset, kriminelët dhe zyrtarët e korruptuar do të burgosen, imigracioni do të bjerë në zero, shtëpitë do të ndërtohen dhe qytetarët tanë do të ndihen përsëri krenarë për vendin që e quajnë shtëpi.”
    Reform UK ka konfirmuar se Anderton nuk është i punësuar nga partia dhe se deklaratat e tij nuk përfaqësojnë pozicionin zyrtar të partisë ose kryetarit të bashkisë.

    Top Channel

  • Mbipopullim dhe kosto të larta/ Deportim gjithë të dënuarve në Angli, të huajt nuk do mbahen në…

    Mbipopullim dhe kosto të larta/ Deportim gjithë të dënuarve në Angli, të huajt nuk do mbahen në…

    Ministrja e Drejtësisë Shabana Mahmood, ka propozuar ndryshimin e legjislacionit për deportimin e çdo të huaji që është shpallur fajtor me vendim gjykate.
    Shumica dërmuese e të huajve që kanë kryer krime dhe që shpallen fajtor nga sistemi i drejtësisë në Britani do të deportohen menjëherë në vendet nga kanë ardhur në bazë të planeve të saponjoftuara nga qeveria.
    Megjithatë terroristët e huaj, vrasësit dhe ata që janë dënuar për krime mjaft të rënda do vazhdojnë ta vuajnë dënimin në burgjet angleze. Aq e rëndë është kriza e popullimit të burgjeve në Britani, saqë ato janë të mbushura në masën 97.5 përqind.
    Britanisë i kushton 45 mijë stërlina mbajtja në burg e një të dënuari, ndërkohë që të huajt përbëjnë 12 përqind të numrit të burgosurve nëpër burgjet britanike. Qeveria britanike ndërkohë ka miratuar ndryshimet ligjore që hyjne në fuqi në shtator, sipas të cilave lejojnë guvernatorët e burgjeve të deportojnë kriminelët e huaj të cilët kanë kryer 30 përqind të dënimit nga 50 përqind që ka qënë më parë. Ndërsa tanimë kërkohet deportimi i menjëhershëm i tyre. Problem mbetet se cilat vende do i pranojnë këta shtetas të tyre që të vuajnë apo edhe qoftë të ripranohen në vendet e origjinës.
    Britania ka marrëveshje riatdhesimi me disa shtete, si Shqipëria dhe shumë pak nga vijnë shumica e të huajve me gomone nga La Manshi dhe shumica e tyre vijnë sepse edhe se Britania nuk i rikthen dot nga kanë ardhur apo qoftë edhe në vendet e para të sigurta evropiane pas daljes nga BE-ja.
    Me Shqipërinë, marrëveshja e Ramës me ish-kryeministrin Sunak e viti 2022, mundëson rikthimin e shqiptarëve nga Britania. Po ashtu, Shqipëria ka marrëveshje me Britaninë edhe për të burgosurit. Çështja që mbetet të shihet është a do vazhdoj ti pranoje pa kushte Shqipëria të gjithë shqiptarët nëpër burgjet britanike, apo Britania do financoj qëndrimin e tyre në burgjet shqiptare, edhe ashtu tejet te mbushura, apo shqiptarët e dënuar në Britani do lihen të lirë në momentin e mbërritjes në Shqipëri.
    Një nga masat e reja të qeverisë britanik është moslejimi i të dënuarve dhe riatdhesuarve për të ardhur ligjërisht në Britani, ç’ka një pjese e atyre që kanë qenë dënuar dhe riatdhesuar në Shqipëri janë rikthyer ilegalisht në Britani, madje edhe kanë kryer vepra të tjera penale.

  • “Deportim gjithë të dënuarve në Angli”/ Të huajt nuk do mbahen në burgjet angleze, ka mbipopullim dhe kosto të larta

    “Deportim gjithë të dënuarve në Angli”/ Të huajt nuk do mbahen në burgjet angleze, ka mbipopullim dhe kosto të larta

    Shumica dërmuese e të huajve që kanë kryer krime dhe që shpallen fajtor nga sistemi i drejtësisë në Britani do të deportohen menjëherë në vendet nga kanë ardhur në bazë të planeve të saponjoftuara nga qeveria.

    Ministrja e Drejtësisë Shabana Mahmood, ka propozuar ndryshimin e legjislacionit për deportimin e ëdo të huaji që është shpallur fajtor me vendim gjykate.
    Megjithatë terroristët e huaj, vrasësit dhe ata që janë dënuar për krime mjaft të rënda do vazhdojnë ta vuajnë dënimin në burgjet angleze. Aq e rëndë është kriza e popullimit të burgjeve në Britani, saqë ato janë të mbushura në masën 97.5 përqind.
    Britanisë i kushton 45 mijë stërlina mbajtja në burg e një të dënuari, ndërkohë që të huajt përbëjnë 12 përqind të numrit të burgosurve nëpër burgjet britanike. Qeveria britanike ndërkohë ka miratuar ndryshimet ligjore që hyjne në fuqi në shtator, sipas të cilave lejojnë guvernatorët e burgjeve të deportojnë kriminelët e huaj të cilët kanë kryer 30 përqind të dënimit nga 50 përqind që ka qënë më parë. Ndërsa tanimë kërkohet deportimi i menjëhershëm i tyre. Problem mbetet se cilat vende do i pranojnë këta shtetas të tyre që të vuajnë apo edhe qoftë të ripranohen në vendet e origjinës.
    Britania ka marrëveshje riatdhesimi me disa shtete, si Shqipëria dhe shumë pak nga vijnë shumica e të huajve me gomone nga La Manshi dhe shumica e tyre vijnë sepse edhe se Britania nuk i rikthen dot nga kanë ardhur apo qoftë edhe në vendet e para të sigurta evropiane pas daljes nga BE-ja.
    Me Shqipërinë, marrëveshja e Ramës me ish-kryeministrin Sunak e viti 2022, mundëson rikthimin e shqiptarëve nga Britania. Po ashtu, Shqipëria ka marrëveshje me Britaninë edhe për të burgosurit. Çështja që mbetet të shihet është a do vazhdoj ti pranoje pa kushte Shqipëria të gjithë shqiptarët nëpër burgjet britanike, apo Britania do financoj qëndrimin e tyre në burgjet shqiptare, edhe ashtu tejet te mbushura, apo shqiptarët e dënuar në Britani do lihen të lirë në momentin e mbërritjes në Shqipëri. Një nga masat e reja të qeverisë britanik është moslejimi i të dënuarve dhe riatdhesuarve për të ardhur ligjërisht në Britani, ç’ka një pjese e atyre që kanë qenë dënuar dhe riatdhesuar në Shqipëri janë rikthyer ilegalisht në Britani, madje edhe kanë kryer vepra të tjera penale.

    Top Channel