Sot zgjidhet kreu i ri i SPAK-ut.
Teksa në mbledhjen që do të mbahet paraditen e sotme në orën 09:00, Këshilli i Lartë i Prokurorisë do të zgjedhë drejtuesin e ri të Prokurorisë së Posaçme, që do të zëvendësojë Altin Dumanin.
Katër kandidatët në garë për kreun e ri të SPAK janë prokurorët Klodian Braho, Elvin Gokaj, Doloreza Musabelliu dhe Adnan Xholi.
Drejtuesi i ri i Prokurorisë së Posaçme do të zgjidhet mes prokurorëve të SPAK për një mandat 3-vjeçar pa të drejtë rikandidimi.
Në një deklaratë të fortë para Këshillit të Sigurimit të OKB-së, Mbretëria e Bashkuar ka akuzuar Rusinë për një “përpjekje sistematike” për të zhdukur identitetin ukrainas dhe deportuar me forcë mijëra fëmijë dhe për t’i nënshtruar përmes indoktrinimit dhe militarizimit.
Sipas të dhënave të qeverisë ukrainase, të mbështetura edhe nga mekanizma të pavarur ndërkombëtarë, mbi 19.500 fëmijë ukrainas janë zhvendosur me dhunë drejt Rusisë ose në territoret e pushtuara.
Më shumë se 1.6 milionë fëmijë të tjerë jetojnë nën pushtimin rus, ku detyrohen të ndjekin programe shkollore ruse dhe ekspozohen ndaj propagandës dhe trajnimeve ushtarake.
“Rusia po i përdor fëmijët si pengje lufte dhe po përpiqet të shkatërrojë të ardhmen e Ukrainës,” u shpreh përfaqësuesi britanik.
Gjithashtu, Mbretëria e Bashkuar denoncoi bombardimet e vazhdueshme ruse, duke theksuar se mbi 3 mijë fëmijë janë në mesin e 53.000 viktimave civile të verifikuara që nga fillimi i pushtimit në shkallë të gjerë.
358 shkolla dhe kopshte janë shkatërruar plotësisht, përfshirë një sulm të fundit ajror ndaj një kopshti në Kharkiv.
Londra i ka bërë thirrje Rusisë që të ndalojë menjëherë transferimet e dhunshme të fëmijëve, të tërheqë të gjitha trupat nga territori i Ukrainës, të lejojë kthimin e menjëhershëm dhe të sigurt të të gjithë fëmijëve ukrainas, me mbikëqyrje të OKB-së.
“Çdo sekondë që Rusia vazhdon këtë luftë të pajustifikueshme, një fëmijë tjetër ukrainas humb fëmijërinë e tij,” përfundon deklaratë Britania e Madhe.
Qeveria britanike po shqyrton ofrimin e më shumë se 3 mijë paundëve për qindra familje shqiptare, me qëllim nxitjen e largimit të tyre vullnetar nga Mbretëria e Bashkuar, në kuadër të masave të reja për ashpërsimin e politikave të emigracionit.
Nisma vjen pasi Ministrja e Brendshme, Shabana Mahmood, njoftoi në Parlament se rreth 700 familje shqiptare, përfshirë edhe ato me fëmijë, pritet të deportohen si pjesë e reformës së qeverisë në këtë fushë. Shumë prej tyre kanë marrë tashmë refuzim për kërkesat e azilit, por kanë vijuar të qëndrojnë në vend.
Zëvendësministri britanik për Sigurinë e Kufijve, Alex Norris, deklaroi për median vendase se pagesa e ofruar — e cila aktualisht është rreth 3 mijë paund — shihet si “një investim i mirë për taksapaguesit britanikë”, duke qenë se shteti vazhdon të mbulojë kostot e strehimit për familjet të cilave u është refuzuar azili. Norris nuk specifikoi shumën finale, duke theksuar se ajo mund të jetë më e lartë.
Marrëveshja e riatdhesimit dhe sfondi politik
Plani lidhet ngushtë me marrëveshjen e riatdhesimit Shqipëri–Britani, të firmosur në vitin 2022 nga kryeministri Edi Rama dhe ish-kryeministri britanik Rishi Sunak, e cila lehtëson kthimin e shtetasve shqiptarë me kërkesa të refuzuara.
Britania synon të ulë kostot afatgjata të akomodimit të familjeve që kanë humbur të gjitha rrugët ligjore, por që ende nuk janë larguar vullnetarisht.
Edhe fëmijët e lindur në Britani mund të deportohen
Në një intervistë për gazetën The Telegraph, Norris theksoi se fëmijët e lindur në Mbretërinë e Bashkuar nga prindër me kërkesa të refuzuara për azil nuk përjashtohen nga procesi i deportimit. Sipas tij, rastet do të trajtohen “rast pas rasti”, por ligji i emigracionit lejon largimin e të gjithë anëtarëve të familjes.
“Për momentin mund t’u paguajmë rreth 3 mijë stërlina dhe nuk kërkoj ndjesë për këtë. Fëmijët e azilkërkuesve të dështuar do të largohen nga Britania edhe nëse janë lindur këtu,” deklaroi Norris.
Kosto për taksapaguesit britanikë
Taksapaguesit vazhdojnë të paguajnë për strehimin e këtyre familjeve, të cilave u është refuzuar azili, por që nuk kanë pranuar kthimin vullnetar në Shqipëri. Ky mbetet një nga argumentet kryesore të qeverisë së Londrës për të rritur presionin ndaj rasteve të pazgjidhura.
Sipas burimeve qeveritare, ministrja Mahmood po shqyrton gjithashtu rritjen e shumës së ofertës financiare për ata që pranojnë të largohen me dëshirë.
Nisma pritet të jetë një nga lëvizjet më të forta të autoriteteve britanike ndaj shtetasve shqiptarë në sistemin e azilit që prej vitit 2022.
Familjeve shqiptare që përmendi Ministrja britanike e Punëve të Brendshme, Shabana Mahmood, se do deportohen nga Britania, pasi u ka mbaruar e drejta e qëndrimit në ishull, mund tu ofrohen më shumë se 3 mijë stërlina për t’u larguar vullnetarisht nga Britania e Madhe.
Kjo pasi Shqipëria ka nënshkruar në 2022-in, marrëveshjen e riatdhesimit të shqiptarëve mes kryeministrit Rama dhe ish-kryeministrit britanik Rishi Sunak. Ka qenë këtë të premte, Zv- Ministri për Sigurinë e Kufijëve, Alex Norris, i cili deklaroje për median vendase se kjo shumë prej më shumë se 3 mijë stërlinash përbën një investim të mire për taksapaguesit britanik, por nuk pranoj të specifikoj se sa e lartë do jetë kjo shumë që do u jepet.
Qartazi britanikët synojnë të ulin shpenzimet e mbajtjes së familjeve, nëse ata do vazhdonin të qëndronin sado gjatë në Britani, përmes dhënies së kësaj shume. ”Për momentin ne mund t’u paguajmë rreth 3 mijë stërlina”, tha zv-Ministri i Brendshëm britanik “dhe nuk kërkojë ndjesë për një fakt të tillë”.
Ndërkohë në një lajm tjetër, fëmijët e azilantëve që kanë dështuar me kërkesat e tyre të azilit do të largohen nga Britania edhe nëse ata kanë lindur në ishull ,deklaroj Alex Norris. Duke folur për gazetën The Telegraph të Londrës, ai tha se “do deportohen edhe fëmijët e lindur në Britani, dhe rastet do shikohen rast pas rasti dhe në bazë të meritës, sipas ligjeve të emigracionit, por kur ka raste të tilla dhe rrethana të tilla, njerëzit do deportohen”.
Taksapaguesit britanikë vazhdojnë të paguajnë për strehimin e azilkërkuesve me fëmijë të cilëve u është refuzuar azili dhe nuk kanë pranuar të largohen vullnetarisht nga Britania drejt Shqipërisë. Lajmin në fillim për dëbimin e 700 familjeve shqiptare e bëri Ministrja laburiste e Punëve të Brëndshme, Shabana Mahmood, në parlamentin britanik, kur njoftoj reformën në fushën e emigracionit, ndërkohë ajo po shqyrton mundësinë e rritjes së shumës që do u jepet këtyre familjeve, nëse pranojnë të largohen vullnetarisht nga ishulli.
Familjeve shqiptare që përmendi Ministrja britanike e Punëve të Brendshme, Shabana Mahmood, se do deportohen nga Britania, pasi u ka mbaruar e drejta e qëndrimit në ishull, mund tu ofrohen më shumë se 3 mijë stërlina për t’u larguar vullnetarisht nga Britania e Madhe.
Kjo pasi Shqipëria ka nënshkruar në 2022-in, marrëveshjen e riatdhesimit të shqiptarëve mes kryeministrit Rama dhe ish-kryeministrit britanik Rishi Sunak. Ka qenë këtë të premte, Zv- Ministri për Sigurinë e Kufijëve, Alex Norris, i cili deklaroje për median vendase se kjo shumë prej më shumë se 3 mijë stërlinash përbën një investim të mire për taksapaguesit britanik, por nuk pranoj të specifikoj se sa e lartë do jetë kjo shumë që do u jepet.
Qartazi britanikët synojnë të ulin shpenzimet e mbajtjes së familjeve, nëse ata do vazhdonin të qëndronin sado gjatë në Britani, përmes dhënies së kësaj shume. ”Për momentin ne mund t’u paguajmë rreth 3 mijë stërlina”, tha zv-Ministri i Brendshëm britanik “dhe nuk kërkojë ndjesë për një fakt të tillë”.
Ndërkohë në një lajm tjetër, fëmijët e azilantëve që kanë dështuar me kërkesat e tyre të azilit do të largohen nga Britania edhe nëse ata kanë lindur në ishull ,deklaroj Alex Norris. Duke folur për gazetën The Telegraph të Londrës, ai tha se “do deportohen edhe fëmijët e lindur në Britani, dhe rastet do shikohen rast pas rasti dhe në bazë të meritës, sipas ligjeve të emigracionit, por kur ka raste të tilla dhe rrethana të tilla, njerëzit do deportohen”.
Taksapaguesit britanikë vazhdojnë të paguajnë për strehimin e azilkërkuesve me fëmijë të cilëve u është refuzuar azili dhe nuk kanë pranuar të largohen vullnetarisht nga Britania drejt Shqipërisë. Lajmin në fillim për dëbimin e 700 familjeve shqiptare e bëri Ministrja laburiste e Punëve të Brëndshme, Shabana Mahmood, në parlamentin britanik, kur njoftoj reformën në fushën e emigracionit, ndërkohë ajo po shqyrton mundësinë e rritjes së shumës që do u jepet këtyre familjeve, nëse pranojnë të largohen vullnetarisht nga ishulli.
Top Channel
Britania e Madhe dhe Norvegjia kanë nënshkruar një marrëveshje historike të mbrojtjes, e cila parashikon operimin e një flote të përbashkët për të gjurmuar nëndetëset ruse në Atlantikun e Veriut.
Pakti synon mbrojtjen e kabllove nënujore dhe tubacioneve të energjisë, të cilat zyrtarët britanikë i konsiderojnë gjithnjë e më të rrezikuara nga aktivitetet e Moskës.
Sipas Ministrisë britanike të Mbrojtjes, gjatë dy viteve të fundit është shënuar një rritje prej 30% e mjeteve detare ruse të vërejtura në ujërat britanike.
Marrëveshja, e njohur si “Lunna House”, mbështetet nga një kontratë prej 10 miliardë paundësh për ndërtimin e anijeve luftarake mes dy vendeve, e nënshkruar në shtator. Flota e përbashkët do të përfshijë të paktën 13 anije anti-nëndetëse, pesë prej të cilave norvegjeze, që do të patrullojnë zonën mes Groenlandës, Islandës dhe Britanisë.
Kryeministri britanik Keir Starmer e cilësoi marrëveshjen si “historike”, duke theksuar se forcon aftësinë e vendit për të mbrojtur infrastrukturën kritike. Ndërkohë, homologu i tij norvegjez Jonas Støre vizitoi bazën RAF Lossiemouth në Skoci, ku dy liderët u informuan nga ekuipazhet e patrullës detare për lëvizjet e mjeteve ruse, përfshirë anijen spiune Yantar.
Marrëveshja parashikon gjithashtu: Stërvitje të përbashkëta luftarake dhe përdorimin e armëve nënujore britanike Sting Ray, trajnimin e Marinsave Mbretërorë në Norvegji për luftë në kushte ekstreme, zhvillimin e sistemeve pa ekuipazh për gjuajtjen e minave dhe luftën nënujore, si dhe përdorimin nga Marina Mbretërore të raketave norvegjeze Naval Strike Missiles, me rreze mbi 160 km.
Ministri britanik i Mbrojtjes, John Healey, deklaroi se “në këtë epokë të re kërcënimesh, forca vjen nga fuqia e fortë dhe aleancat e forta.”
Ekspertët paralajmërojnë se sulmet ndaj infrastrukturës nënujore mund të shkaktojnë ndërprerje katastrofike në sistemet financiare dhe të komunikimit, duke e bërë këtë aleancë një hap të rëndësishëm për sigurinë e rajonit.
Mbretëria e Bashkuar dhe Norvegjia kanë nënshkruar një marrëveshje mbrojtjeje, sipas së cilës ato do të operojnë së bashku një flotë të përbashkët për të gjurmuar nëndetëset ruse në Atlantikun e Veriut.
Marrëveshja është hartuar për të mbrojtur kabllot nënujore, të cilat zyrtarët britanikë thonë se janë gjithnjë e më shumë nën kërcënim nga Moska, me një rritje prej 30% të anijeve ruse të vërejtura në ujërat e Mbretërisë së Bashkuar gjatë dy viteve të fundit, sipas Ministrisë së Mbrojtjes.
Kryeministri i Mbretërisë së Bashkuar, Keir Starmer, e quajti marrëveshjen “historike”, duke thënë se ajo forcon aftësinë e Mbretërisë së Bashkuar për të mbrojtur infrastrukturën kritike.
Njoftimi erdhi ndërsa Sir Keir priti homologun e tij norvegjez, Jonas Store, në Skocinë veriore të enjten.
Kryeministri u tha gazetarëve gjatë qëndrimit atje se Mbretëria e Bashkuar duhet të “mbetet vigjilente ndaj kërcënimit të përhershëm” që paraqet Rusia, duke iu referuar rezultatit të një hetimi për vdekjen e Dawn Sturgess.
Britania është shumë e varur nga rrjeti i saj i kabllove nënujore që transportojnë të dhëna. Ekzistojnë gjithashtu tubacione të rëndësishme nafte dhe gazi që lidhin Britaninë me fqinjët e Detit të Veriut, siç është Norvegjia.
Britania e Madhe tha se do ta bëjë statusin e refugjatit të përkohshëm dhe pritja për vendosje të përhershme do të katërfishohet në 20 vjet, sipas rishikimit më të gjerë të politikës për kërkuesit e azilit në kohët moderne.
Britania e Madhe ashpërson politikat e emigracionit, statusi i refugjatit bëhet i përkohshëm, pritja për vendosje të përhershme zgjatet në 20 vite.
Qeveria laburiste ka ashpërsuar politikat e saj të imigracionit, mbi të gjitha për kalimet e paligjshme me varka të vogla nga Franca, në përpjekje për të frenuar popullaritetin në rritje të partisë populiste Reform UK, e cila ka shtyrë përpara agjendën e imigracionit.
Qeveria tha se do të marrë frymëzim nga qasja e Danimarkës, një nga më të rreptat në Evropë — ku ndjenjat anti-migracionit janë rritur dhe kanë çuar në kufizime të shtuara në shumë vende — dhe e kritikuar gjerësisht nga grupet e të drejtave.
Status i përkohshëm i nënshtruar rishikimit
Si pjesë e ndryshimeve, detyrimi ligjor për të ofruar mbështetje për disa kërkues azili, përfshirë strehimin dhe pagesat javore, do të shfuqizohet, tha Ministria e Brendshme në një deklaratë të lëshuar të shtunën vonë.
Departamenti, i drejtuar nga Shabana Mahmood, tha se masat do të zbatohen për kërkuesit e azilit që mund të punojnë por zgjedhin të mos e bëjnë këtë, si edhe për ata që shkelin ligjin. Ai tha se mbështetja e financuar nga taksapaguesit do të ketë përparësi për ata që kontribuojnë në ekonomi dhe komunitetet lokale.
Ministria e Brendshme tha gjithashtu se mbrojtja për refugjatët “tani do të jetë e përkohshme, rishikohet rregullisht dhe revokohet” nëse vendi i tyre i origjinës konsiderohet i sigurt.
“Sistemi ynë është veçanërisht bujar krahasuar me vende të tjera në Evropë, ku pas pesë vitesh, ju praktikisht vendoseni automatikisht në këtë vend. Ne do ta ndryshojmë këtë”, i tha Mahmood Sky News të dielën.
Ajo shtoi se, sipas ndryshimeve, statusi i një refugjati do të rishikohet çdo dy vjet e gjysmë, gjatë “një rruge shumë më të gjatë drejt vendosjes së përhershme në këtë vend prej 20 vjetësh”.
Mahmood tha se do të jepte më shumë detaje për ndryshimet të hënën, përfshirë një njoftim mbi Nenin 8 të Konventës Evropiane për të Drejtat e Njeriut.
Qeveria ka thënë se dëshiron të mbetet në KEDNJ, por të ndryshojë mënyrën se si interpretohet dispozita e Nenit 8, që mbulon të drejtën për një jetë familjare.
Mahmood tha se ky nen po zbatohej “në një mënyrë që synon të pengojë largimin e atyre që, sipas rregullave tona të imigracionit, nuk do të kishin të drejtë të ishin në këtë vend”.
Qasja më e ashpër e qeverisë ka hasur kritika. Më shumë se 100 organizata bamirësie britanike i shkruan Mahmood, duke i bërë thirrje të “ndalojë fajësimin e migrantëve dhe politikat performative që shkaktojnë vetëm dëm”, duke thënë se këto hapa po nxisin racizëm dhe dhunë.
Sondazhet sugjerojnë se imigracioni ka kaluar ekonominë si shqetësimi kryesor i votuesve britanikë. Gjatë verës, protesta u mbajtën jashtë hoteleve që strehojnë azilkërkues me shpenzimet e taksapaguesve.
Në total, 109.343 persona kërkuan azil në Mbretërinë e Bashkuar në vitin që përfundoi në mars 2025, një rritje 17% nga viti i mëparshëm dhe 6% mbi kulmin e vitit 2002 prej 103.081 kërkesash.
Mahmood tha se qeveria do të synonte të hapte më shumë rrugë “të sigurta dhe ligjore” për azilkërkuesit, pasi ajo beson se Britania duhet të luajë rolin e saj në ndihmën për ata që ikin nga rreziku.
Ministria e Brendshme tha se reformat e saj do të synonin të “përputhen dhe në disa fusha të tejkalojnë” standardet e Danimarkës dhe vendeve të tjera evropiane, ku statusi i refugjatit është i përkohshëm, mbështetja është e kushtëzuar dhe pritet integrimi në shoqëri.
Azilkërkuesit marrin leje të përkohshme qëndrimi sipas qasjes së Danimarkës, zakonisht për dy vjet, dhe ata duhet të riaplikojnë kur këto skadojnë. Ata mund të riatdhesohen nëse vendi i tyre i origjinës konsiderohet i sigurt, dhe rruga drejt shtetësisë është zgjatur gjithashtu.
Ministria e Brendshme tha se politikat më kufizuese të imigracionit të Danimarkës kishin ulur kërkesat për azil në nivelin më të ulët në 40 vjet dhe kishin rezultuar në dëbimin e 95% të aplikantëve të refuzuar.
Reformat e Danimarkës, të zbatuara ndërsa ajo mbetet nënshkruese e KEDNJ-së, kanë shkaktuar kritika të forta. Grupet e të drejtave thonë se masat krijojnë një klimë armiqësore për migrantët, minojnë mbrojtjen dhe i lënë kërkuesit e azilit në një pasiguri të zgjatur.
Këshilli i Refugjatëve të Britanisë tha në X se refugjatët nuk krahasojnë sistemet e azilit teksa ikin nga rreziku dhe se ata vijnë në MB për shkak të lidhjeve familjare, njohjes së gjuhës angleze apo lidhjeve ekzistuese që i ndihmojnë të nisin jetën e tyre të re në siguri./REL/
Britania planifikon të kryejë reformën më të madhe të politikës së saj të azilit në kohët moderne, duke e bërë statusin e refugjatit të përkohshëm dhe duke katërfishuar pritjen për vendbanim të përhershëm në 20 vjet. Qeveria laburiste e konsideron sistemin aktual si “të thyer”, një situatë që ka nxitur mbështetjen për partitë e djathta.
Pas një vere me protesta jashtë hoteleve që strehojnë azilkërkues, një demonstratë masive kundër imigracionit në Londër dhe kritika të vazhdueshme nga partia e djathtë Reform UK, ministrja e Brendshme Shabana Mahmood njoftoi masa për të ndaluar kalimet e paligjshme me varka të vogla nga Franca dhe për të kthyer refugjatët në vendet e tyre kur të jetë e sigurt.
“Ne kemi një sistem jashtë kontrollit,” tha Mahmood për BBC. “Është i padrejtë dhe po ushtron presion të madh mbi komunitetet. Është e rëndësishme të rivendosim rendin dhe kontrollin në këtë sistem, që të ruajmë besimin publik në ekzistencën e një sistemi azili.”
Plani i qeverisë, që do të prezantohet të hënën, ka dy shtylla kryesore. Së pari, nuk do të ketë më “rrugë automatike” drejt statusit të vendosur pas pesë vjetësh qëndrimi. Statusi i refugjatit do të rishikohet çdo dy vjet e gjysmë gjatë një periudhe 20-vjeçare përpara se të mund të aplikohet për vendbanim të përhershëm.
Mahmood tha se kjo masë do të përmbysë “supozimin e vjetër të brezave” se strehimi për refugjatët çon shpejt në vendbanim të përhershëm “dhe të gjitha të drejtat që vijnë me të.” “Nëse vendi juaj bëhet i sigurt gjatë kësaj periudhe… do të ktheheni,” theksoi ajo. Edhe ata që vijnë ligjërisht do të përballen me një rrugë 10-vjeçare drejt vendbanimit, dyfishin e kohës aktuale.
Së dyti, heqja e mbështetjes për ata që mund të punojnë por zgjedhin të mos e bëjnë. Strehimi dhe ndihmat javore do të hiqen për ata që kanë të drejtë të punojnë dhe mund të mbështesin veten por zgjedhin të mos e bëjnë. Ata që shkelin ligjin do të humbasin gjithashtu mbështetjen.
“Nuk është e drejtë që qytetarët britanikë dhe banorët afatgjatë të ndjekin një grup rregullash, ndërsa një grup tjetër, që gjithashtu ka të drejtë të punojë, t’i shpëtojë zbatimit të tyre,” tha Mahmood.
Modeli danez dhe reagimet politike
Politika e re është frymëzuar nga qasja e Danimarkës, një nga më të ashpra në Europë. Por Britania pritet të shkojë edhe më tej: rruga e re 20-vjeçare do ta bëjë kohën e pritjes më të gjatë në Europë, krahasuar me procesin 8-vjeçar të Danimarkës.
Që nga fitorja e madhe në zgjedhjet e vitit 2024, Partia Laburiste ka tentuar të krijojë një balancë mes përballimit të emigracionit të paligjshëm dhe ruajtjes së mbështetjes nga votuesit progresistë që favorizojnë një qasje më humane.
Të dyja palët ndihen të zhgënjyera: votuesit e djathtë mbështesin masat më drastike të propozuara nga Nigel Farage, lideri i Reform UK, ndërsa shumë të majtë janë alarmuar nga retorika e ashpër e Laburistëve.
Mahmood, vetë bijë emigrantësh nga Kashmiri pakistanez, tha se e refuzon “idenë se përballja me këtë problem është një angazhim me pikëpamjet e ekstremit të djathtë.”
“Ky është një mision moral për mua, sepse shoh që emigracioni i paligjshëm po copëton vendin tonë. Po ndan komunitetet. Njerëzit shohin presion të madh dhe një sistem të thyer, ku rregullat shkelen dhe abuzohet pa pasoja,” tha ajo.
Mahmood kritikoi qeverinë konservatore për humbje kohe dhe fondesh publike në përpjekjet e dështuara për të luftuar imigracionin e paligjshëm. Ligji për deportimin e azilkërkuesve në Ruandë kushtoi 700 milionë paund dhe rezultoi me vetëm katër persona të depërtuar, të gjithë vullnetarë.
Në një shenjë të ashpërsimit të debatit për emigracionin, partitë e tjera kryesore nuk e kritikuan fuqishëm planin e Laburistëve. Ish-ministri konservator Chris Philp tha se partia e tij do ta mbështesë nëse është “i arsyeshëm”, por shtoi se nuk është “mjaftueshëm radikal.”
