Është gazeta britanike ‘Financial Times’ që njofton atë është spekuluar prej kohësh se qeveria e re laburiste pritet të njoftojë planet që këtë muaj skemën e futjes se kartave digjitale të identifikimit, në përpjekje për të luftuar dhe pakësuar emigracionin ilegal.
Një nga modelet që po konsiderohen është ajo e pasjes së kartave digjitale për çdo shtetas britanik dhe person që ka të drejtën e qëndrimit në Britani përmes legalizimit të statusit të tyre ligjor. Britanikët ndryshe nga shtetasit e kontinentit evropian nuk kanë karta identiteti, përveç pasaportës. Ish-kryeministri me jetëgjatë laburist Toni Bler në fillim të viteve 2000 tentoi aplikimin e sistemit të letrave të njoftimit, por nuk pati sukses.
Letrat ose kartat e identitet me shumë gjasa do përdoren në përpjekje për të pakësuar dhe kontrolluar emigrimin ilegal, ku mes tyre do kenë probleme edhe shumë shqiptarë të Britanisë, ashtu si dhe kombësi të tjera, që jetojnë dhe punojnë ilegalisht në Britani, kur të bëhen verifikime, nëse kanë të drejtë të punojnë, apo nëse një person ka të drejtë të marr shtëpie ose banesë me qira, apo edhe për të verifikuar në spitale nga stafet mjekësore të statusit të emigracionit të pacienteve.
Problem mbetet kur të huajt që jetojnë ilegalisht do mund të përdorin karta identiteti falco të vendeve të tjera të Bashkimit Evropian, siç ndodh rëndom në Britani, edhe nga shqiptarë, por edhe emigrantë të ardhur nga vende të tjera.
Sipas Kryeministrit Starmer këto karta dixhitale do të luajnë një rol të rëndësishme në pakësimin e atraksionit të Britanisë si një destinacion ku emigrantët mund të vijnë të jetojnë dhe punojnë ilegalisht. Sipas një sondazhi që i referohet Financial Times e Londrës, 53 përqind e publikut britanik është në favor të identifikimit digjital, ndërkohë që një e pesta janë kundër.
Në fillim të këtij viti Britania njoftoj për krijimin e një aplikacioni qeveritar që do u lejonte Britanikëve aksesimin e mijëra shërbimeve publike në smartphonet e tyre, pak a shume si sistemi e-Albania ne Shqipëri.
Tag: britani
-
Lajm i keq për shqiptarët në Britani? Qeveria angleze pritet të aplikojë letërnjotimet dixhitale
-
Deportimi i parë nën marrëveshjen Britani-Francë: Emigranti dëbohet pas kalimit të Kanalit La Mansh
Vjen edhe deportimi i parë i një emigranti, i cili me varkë të vogël kaloi Kanalin La Mansh. Tashmë ai ka zbarkuar në Paris, sipas marrëveshjes Britani-Francë, raporton BBC.
Burri, një shtetas indian, u largua nga Britania e Madhe të enjten në mëngjes me një aeroplan të Air France.
Qeveria britanike po nis një apel kundër një vendimi të Gjykatës së Lartë për të bllokuar përkohësisht deportimin e një burri eritrean për shkak të “skllavërisë moderne”.
Mbërritja në Francë, e konfirmuar nga Ministria e Brendshme, vjen pak më shumë se një muaj pasi vendet ranë dakord për një skemë pilot njëvjeçare të shkëmbimeve të emigrantëve me shpresën se kjo do të ndihmojë në pengimin e kalimeve me varka të vogla.
“Ky është një hap i parë i rëndësishëm për të siguruar kufijtë tanë”, tha Sekretarja e Brendshme Shabana Mahmood.
“Kjo u dërgon një mesazh njerëzve që kalojnë kufirin me anije të vogla: nëse hyni në Mbretërinë e Bashkuar ilegalisht, ne do të përpiqemi t’ju largojmë”, shtoi ajo.
Më herët të enjten, Presidenti i SHBA-së Donald Trump u pyet në një konferencë të përbashkët për shtyp në Chequers se çfarë këshille do t’i ofronte Sir Keir Starmer për kontrollin kufitar.
“I thashë kryeministrit se do ta ndaloja, dhe nuk ka rëndësi nëse thërrisni ushtrinë, nuk ka rëndësi se çfarë mjetesh përdorni”, tha Trump.
Në përgjigje, Starmer tha: “Kjo është një çështje që po e marrim jashtëzakonisht seriozisht, kemi arritur një numër marrëveshjesh bashkëpunimi me vende të tjera sepse ky është një problem në të gjithë Evropën.
“Ne arritëm marrëveshjen e kthimit me Francën dhe pavarësisht sfidave ndaj asaj skeme që keni parë në ditët e fundit, një fluturim u nis në orën 06:15 të mëngjesit të sotëm duke kthyer me sukses dikë në atë skemë.”
-
Përfundojnë vizitën në Britani, Donald dhe Melania Trump nisen drejt SHBA-së
Presidenti Donald Trump dhe Zonja e Parë e SHBA Melania Trump, kanë përfunduar vizitën zyrtare në Britani të Madhe.
Kreu i Shtëpisë së Bardhë përfundoi vizitën 2-ditore, me një axhendë të ngjeshur takimesh.
Së bashku me anëtarët e lartë të stafit të Presidentit, Donald dhe Melania Trump u nisën drejt SHBA-së.
Takimi i fundit për Trump në Britani ishte ai me Kryeministrin Keir Starmer, teksa të dy bashkë dolën në një konferencë për shtyp. -
Gjigandët amerikanë të teknologjisë do të investojnë në Britani. Trump dhe Stramer nënshkruajnë marrëveshjen
Gjatë vizitës së tij në Britani, presidenti amerikan Donald Trump dhe kryeministri britanik Starmer kanë nënshkruar një marrëveshje të re partneriteti teknologjik midis Mbretërisë së Bashkuar dhe SHBA-së.
Një numër kompanish të mëdha amerikane të teknologjisë kanë njoftuar se do të bëjnë investime në Mbretërinë e Bashkuar.
Microsoft është investitori më i madh i vetëm, duke njoftuar një paketë shpenzimesh prej 30 miliardë dollarësh (22 miliardë paund) – më e madhja ndonjëherë jashtë SHBA-së.
Google ka premtuar 5 miliardë paund për kërkimin dhe infrastrukturën e inteligjencës artificiale gjatë dy viteve të ardhshme, ndërsa kompania e çipave kompjuterikë Nvidia njoftoi 500 milionë paund për ndërtimin e më shumë qendrave të të dhënave për të ndihmuar në funksionimin e inteligjencës artificiale në Britani.
Liderët e teknologjisë, përfshirë Jensen Huang të Nvidia-s, shefin e OpenAI, Sam Altman dhe Satya Nadella të Microsoft-it, shoqëruan Trump-in në banketin shtetëror në Kështjellën Winds.
“Tech Prosperity Deal”, është një plan që synon të garantojë epërsi ekonomike dhe inovacion në dekadat e ardhshme. Po ashtu, është arritur një marrëveshje për energjinë bërthamore civile, që do të furnizojë me energji miliona biznese dhe do të ulë faturat e konsumatorëve.
Trump gjatë fjalës së tij theksoi “lidhjen e pathyeshme” midis SHBA dhe Mbretërisë së Bashkuar
“Mendoj se është një lidhje e pathyeshme që kemi pavarësisht nga ajo që po bëjmë sot. Në maj, Mbretëria e Bashkuar u bë vendi i parë që bëri një marrëveshje tregtare me Shtetet e Bashkuara gjatë mandatit tim të dytë, dhe ne në një farë mënyre donim ta bënim të parën, sepse lidhja është kaq e fortë dhe marrëdhënia kaq e gjatë”, tha ai.
Një nga objektivat kryesore të Starmer me Trump ishte arritja e një marrëveshjeje të re tregtare, diçka që ai arriti ta realizonte shpejt, edhe pse vendet e tjera u përpoqën me javë të tëra të negocionin plane për të shmangur tarifat gjithëpërfshirëse. -
Trump në Britani/ “Më pëlqen kryeministri juaj”, miqësia e papritur mes presidentit amerikan dhe Keir Starmer
Presidenti i Shteteve të Bashkuara, Donald Trump, ndodhet sot në Britani për një takim zyrtar me kryeministrin Keir Starmer, në rezidencën qeveritare të Chequers.
Takimi vjen mes një klime të çuditërisht pozitive mes dy liderëve që, ndonëse vijnë nga bindje politike krejtësisht të kundërta, kanë ndërtuar një marrëdhënie të ngrohtë dhe respektuese.
Përballja e tyre e parë publike ndodhi në shkurt, gjatë vizitës së parë të Starmer në Shtëpinë e Bardhë. Atmosfera ishte miqësore dhe gazetarët nuk i humbën momentet e afrimit të ndërsjellë. Një moment i veçantë ishte kur Starmer i dorëzoi presidentit një ftesë nga Mbreti për një vizitë shtetërore të dytë në Mbretërinë e Bashkuar.
“Është e shkruar Windsor këtu; kjo është me të vërtetë diçka e veçantë”, u shpreh i surprizuar Trump.
Pas takimit, presidenti e cilësoi Starmer si “një negociator shumë të fortë”, një kompliment që vlen shumë, veçanërisht kur vjen nga një lider që veten e quan “njeriu i marrëveshjeve”.
Marrëdhënia e mirë u thellua më tej gjatë një vizite jozyrtare katërditore të Trump në Skoci, në korrik. Nga atje, ai deklaroi për mediat: “Më pëlqen kryeministri juaj. Është pak më liberal se unë, siç ndoshta keni dëgjuar, por është një njeri i mirë. Ai arriti të finalizojë një marrëveshje tregtare.”
Më tej republikani amerikan shtoi se “Kryeministri ka bërë një punë të shkëlqyer. Dua t’ua them këtë qytetarëve të Mbretërisë së Bashkuar. Ai ka bërë një punë shumë, shumë të mirë.”
Takimi i sotëm në Chequers vjen në një kohë me shumë rëndësi për të dy vendet. Miqësia e papritur mes dy liderëve mbetet një element interesant, por dita e sotme pritet të shënojë gjithashtu diskutime mbi çështje të mëdha si tregtia, mbrojtja dhe politika globale.Top Channel
-
FOTO/ Melania Trump tërheq vëmendjen me pamjen në Britani
Showbiz E Mërkurë, 17 Shtator 2025 21:47
Zonja e Parë e Amerikës, Melania Trump ndodhet bashkë me presidentin në një vizitë zyrtare në Britani. Ajo tërhoqi vëmendjen me zgjedhjen e saj të stilit, një kombinim i rafinuar i modës amerikane me një prekje klasike europiane. Kapele dramatike kanë qenë gjithmonë pjesë e stilit të saj, rikujtuar gjatë inaugurimit të dytë të Presidentit Trump me kapelen austere të Eric Javitts. Melania dhe Donald Trump do të vijojnë agjendën e ngarkuar me vizita dhe angazhime mbretërore, ndërsa vëmendja e mediave mbetet tek pamja e Zonjës së Parë, e cila duket se po përcakton trendin e modës edhe në një mjedis britanik. -
Vizita e Donald Trump në Britani, pritet nga Mbreti, takim edhe me kryeministrin Starmer
Presidenti amerikan, Donald Trump, ka arritur mbrëmjen e të martës në Mbretërinë e Bashkuar për vizitën e dytë shtetërore.
Garda e nderit priti kreun e Shtëpisë së Bardhë dhe zonjën e parë Melanie sapo ata ateruan me avionin presidencial në Stansted, afër Londrës.
“Shumë gjëra këtu ma ngrohin zemrën. Ky është një vend shumë special”, tha Trump.Por një incident është shënuar pas arritjes së tij. Katër persona janë arrestuar nga policia britanike me dyshimin se kanë projektuar imazhe të Jeffrey Epstein, të dënuar për pedofili, së bashku me Donald Trump në muret e Kështjellës Windsor.
Mbreti Charles III do ta presë Trumpin në Kështjellën Windsor për një banket luksoz ditën e sotme para se Trump të takohet me kryeministrin Keir Starmer.
Shefi i qeverisë britanike me liderin amerikan pritet të diskutojnë për shumë çështje, përfshirë ato tregtare si dhe lufta në Ukrainë dhe Gazë.
Kjo vizitë është planifikuar që të përkojë me njoftimet për disa investime në Britani.
Në këtë drejtim, kompania Microsoft është zotuar se do të shpenzojë 30 miliardë dollarë gjatë katër vjetëve.
Zyra e Starmerit tha se vizita e Trumpit do ta çojë “miqësinë e pathyeshme” mes dy shteteve “në lartësi më të mëdha”. -
“Princi Harry kërkon të pajtohet me familjen mbretërore”, Daily Mail zbulon: Është penduar për shumë veprime
Pas një vizite të suksesshme 4-ditore në Britani, Princi Harry ka zhvilluar një takim me Mbretin Charles për herë të parë pas 19 muajsh, duke sinjalizuar një përpjekje për pajtim familjar.
Princi Harry, Duka i Sussex, ndodhet aktualisht në Ukrainë si pjesë e angazhimeve të tij me Invictus Games dhe për të mbështetur veteranët e plagosur të luftës. Vizita e tij vjen menjëherë pas një qëndrimi katërditor në Londër dhe Nottingham, ku zhvilloi disa angazhime publike dhe – më e rëndësishmja – një takim të shumëpritur me babain e tij, Mbretin Charles.
Sipas një burimi mbretëror për Daily Mail, Princi Harry “është penduar për disa nga veprimet e tij që nga largimi nga familja mbretërore” dhe vizita në Britani kishte për qëllim “rivendosjen e marrëdhënies me familjen dhe popullin britanik”.
Mbretëresha dhe fëmijët në qendër të përpjekjeve për pajtim
Burime pranë familjes mbretërore bëjnë të ditur se Mbretit Charles i mungojnë nipërit e tij, Archie dhe Lilibet, të cilët nuk i ka parë që prej vitit 2022 dhe dëshiron të ketë një rol më të madh si gjysh.
“Mbreti dëshiron të jetë gjysh për fëmijët e Harry-t. Ai ishte shumë i lumtur kur ata erdhën për Jubileun e Platinit të Mbretëreshës dhe mundi të kalonte pak kohë me ta,” – tha burimi.
Takimi i zhvilluar në Clarence House konsiderohet një hap pozitiv për të hapur rrugën për një vizitë të ardhshme familjare në Mbretëri. Por mbetet e paqartë nëse Meghan Markle do të jetë pjesë e këtyre planeve, pasi ajo nuk është kthyer në Mbretëri që nga vdekja e Mbretëreshës Elizabeth II në shtator 2022.
Marrëdhëniet me Princin William mbeten të ngrira
Ndërkohë që Mbreti Charles priti të birin për një takim që zgjati rreth një orë, marrëdhëniet e Harry-t me vëllain e tij, Princin William, mbeten të tensionuara. Edhe pse të dy ndodheshin vetëm disa milje larg njëri-tjetrit, nuk pati asnjë takim apo komunikim mes tyre.
Një burim tha se Mbreti kishte kërkuar më herët që djemtë e tij të mos i “kthejnë vitet e fundit të jetës në një makth”, por për momentin, përpjekjet për pajtim janë të fokusuara vetëm në marrëdhënien e babait me të birin.
Nga Londra në Kiev: Princi Harry mbërrin në Ukrainë
Pas largimit nga Britania, Princi Harry nuk është kthyer në SHBA, por ka udhëtuar drejt Ukrainës, ku ka mbërritur në Kiev për të takuar veteranë të plagosur dhe për të ofruar mbështetje morale për ata që preken nga lufta.
“Nuk mund ta ndalim luftën, por mund të ndihmojmë në procesin e rimëkëmbjes,” – tha ai.
“Duhet të vazhdojmë të humanizojmë njerëzit e përfshirë dhe të mos lejojmë që bota të bëhet e pandjeshme ndaj asaj që po ndodh.”
Gjatë qëndrimit të tij, Harry do të vizitojë Muzeun Kombëtar të Luftës së Dytë Botërore, do të takohet me qindra veteranë dhe do të zhvillojë një takim me Kryeministren e Ukrainës, Yulia Svyrydenko.
Përfundimi i një “mini turneu mbretëror” në Britani
Vizita e Harry-t në Mbretëri u quajt nga disa analistë një “pseudo-turne mbretëror”, ku ai mori pjesë në pesë aktivitete të rëndësishme. Një ndër to ishte një event për The Diana Award, organizatë në të cilën kanë kontribuar të dy vëllezërit për vite me radhë.
Zëdhënësi i Harry-t deklaroi:
“Ai e ka dashur të jetë sërish në Britani, të takojë miqtë e vjetër dhe të mbështesë kauzat që kanë shumë rëndësi për të.”
Gjatë këtyre ditëve, ai foli edhe për rëndësinë e mbështetjes për të rinjtë dhe sfidat që përballen me ndjenjat e izolimit. Takimi me Colleen Harris, ish-sekretaren për shtyp të Mbretit Charles, u përshkrua si përzemër dhe simbolik për lidhjet që vazhdojnë ende midis Harry-t dhe disa figurave mbretërore.
A është kjo një kthesë në marrëdhëniet mbretërore?
Megjithëse nuk ka asnjë sinjal për pajtim me Princin William, takimi me Mbretin Charles shihet si hapi i parë drejt një riorganizimi të marrëdhënieve brenda familjes mbretërore.
Megjithatë, mbeten pengesa, përfshirë sigurinë – një çështje që ka qenë subjekt i një beteje ligjore mes Harry-t dhe Home Office – dhe qëndrimi i Meghan ndaj kthimit në Britani.
Nëse gjithçka shkon sipas planit, vitin tjetër mund të shohim një rikthim të plotë familjar të Harry-t dhe fëmijëve të tij në Mbretëri, ndoshta në një rezidencë si Balmoral apo Sandringham, brenda perimetrit të sigurisë mbretërore.Top Channel
-
Britani: Shkon në 425 numri i të arrestuarve në tubimin në mbështetje të Veprimit për Palestinën
Policia britanike njoftoi se arrestoi më shumë se 425 persona të shtunën, më 6 shtator, në Londër gjatë një demonstrate në mbështetje të grupit Palestine Action, i cili u klasifikua si “terrorist” dhe u ndalua që nga fillimi i korrikut.
Ky numër përfshin 25 arrestime për dhunë kundër zbatimit të ligjit, tha Policia Metropolitane në një deklaratë, pasi kishte paralajmëruar më parë se do të arrestonte këdo që tregonte mbështetje të qartë për lëvizjen, e cila u ndalua pas akteve të vandalizmit.
-
Kush fitoi ‘bastin’? Farage në drekë me Ramën! Deputeti britanik: Do ta mbush avionin me kriminelë shqiptarë
Nigel Farage dhe Edi Rama
BRITANI E MADHE-Deputeti britanik Nigel Farage duke folur në Konferencën ‘Reform UK’ në Birmingham, ka pohuar se brenda pak javësh do të drekojë me kryeministrin Edi Rama për të folur rreth deportimit të kriminelëve të huaj. Dreka pritet që të mbahet pas ftesës që Rama i bëri Farage disa muaj më parë. Kreu i qeverisë asakohe vendosi një ‘bast’ publik, ku nëse vërtetë “1 në 50 shqiptarë” në Britaninë e Madhe, është i burgosur, atëherë ai do t’i marrë të gjithë në Shqipëri, në të kundërt, Farage do të ishte i ftuari i nderit në Shqipëri.
Teksa dreka pritet të realizohet, Farage ka bërë dhe një provokim, duke thënë se rrugës për të Shqipëri mund të mbush avionin me kriminelë shqiptarë që t’i deportojnë ata këtu.
“Ne do të deportojmë kriminelë të huaj. Do të shkoj për drekë pas disa javësh me kryeministrin e Shqipërisë. Mund të rezervoj një avion shumë të madh dhe të marr një ngarkesë me vete, nuk jam i sigurt ende. Ne do ta ndalojmë atë që është një kërcënim për sigurinë tonë kombëtare, atë që është një rrezik për vajzat dhe gratë në rrugët tona. Ne do t’i ndalojmë anijet dhe do t’i ndalojmë e deportojmë ata që hyjnë ilegalisht në vendin tonë, duke bërë atë që bën pothuajse çdo vend normal në të gjithë botën”,-u shpreh Farage.Rreth dy maj më parë Farage, një figurë e njohur e politikës britanike dhe zë i fortë i fushatës së Brexit-it, hyri në një debat publik me kryeministrin Edi Rama, ku kërkoi që gjithë shqiptarët e burgosur në Britani të deportohen. Farage tha se në Britaninë e Madhe shqiptarët janë aktorë kryesorë në kriminalitet, duke pretenduar se 1 në 50 shqiptarë janë në burg.
Të dhënat e Ministrisë së Brendshme e çojnë numrin total të kërkesave për azil në 111,000 në vitin që përfundon në qershor 2025, gjysma e të cilëve mbërritën nëpërmjet “rrugëve të parregullta”. Kjo është më pak se numri i azilkërkuesve në Gjermani, Spanjë, Itali dhe Francë. Shkalla e dhënies së azilit ishte 48 përqind gjatë asaj periudhe. Sipas të dhënave, rreth 43,000 njerëz mbërritën me varka të vogla në të njëjtën periudhë.Mbetet për tu parë se çfarë do të diskutohet në tryezë për fatin e të burgosurëve shqiptarë në Britani./ZËRI