Lajmidites.com

Tag: britani

  • Daily Mail artikull për Dorian Pukën: Nga ‘Influenceri’ i Krimit në Britani te turpi i familjes në Shqipëri

    Daily Mail artikull për Dorian Pukën: Nga ‘Influenceri’ i Krimit në Britani te turpi i familjes në Shqipëri

    DORIAN PUKA

    BRITANI E MADHE-  Daily Mail ka kushtuar një artikull të gjatë Dorian Pukës dhe familjes së tij. Këtë herë, gazeta e njohur britanike është fokusuar tek jeta luksoze e të riut shqiptar, i cili vazhdon të sfidojë autoritetet britanike.
    Në një pjesë të artikullit shkruhet se pasuritë që Puka ka fituar në mënyra të paligjshme, përfshirë Lamborghini-n, orët Rolex dhe pushimet e shtrenjta në hotelet më luksoze të Londrës, i ka shfaqur shpesh herë në Instagram dhe TikTok, duke krijuar një imazh të jetës së jashtëzakonshme që tërheq mijëra ndjekës.
    Mirëpo, Mail shkruan edhe për realitetin e hidhur të familjes së tij, duke theksuar se prindërit e Dorianit, Leke dhe Gentjana Puka, janë dy mësues të respektuar në qytetin e Laçit. Artikulli thekson se ata janë detyruar të distancohen nga sjelljet e djalit të tyre për shkak të turpit që ka sjellë për familjen dhe reputacionin e tyre.
    Artikulli i plotë nga Daily Mail:
    Ai është hajduti shqiptar, i pasionuar pas luksit, që ka kaluar vitin e fundit duke sfiduar policinë dhe Ministrinë e Brendshme përmes videove në rrjetet sociale, ku krenohet me stilin e tij të jetesës extravagante në Mbretërinë e Bashkuar. Por, jo të gjithë janë të impresionuar nga mburrjet e këtij hajduti të njohur, Dorian Puka.
    Siç ka zbuluar Daily Mail, në atdhenë e tij, ky “influencer” i devijuar ka sjellë turp dhe poshtërim për prindërit e tij – të dy mësues të respektuar, të cilët tani e kanë mohuar. Leke Puka, 63 vjeç, dhe bashkëshortja e tij Gentjana, 51 vjeç, janë lënë të shkatërruar dhe të turpëruar nga djali i tyre i humbur.
    Doriani, 31 vjeç, u bë i njohur pasi u burgos dhe u deportua dy herë për një varg hajdutërish, para se sërish të kalonte në Britani në barkun e një kamioni, duke treguar “aventurat” e tij gjatë udhëtimit.
    Që kur u kthye, duket se ka kaluar shumicën e kohës duke drejtuar Lamborghini-n e tij prej 185,000 paund, duke treguar koleksionin e orëve Rolex ndërkohë që niset për të shijuar restorante të shtrenjta dhe pushime në disa nga hotelet më të mira të Britanisë. Të habitshme është që tani zyrtarët kanë pranuar se, pavarësisht se ai është i ndaluar të qëndrojë në Britani, ata janë të pafuqishëm për ta deportuar pasi ai ka bërë një kërkesë për azil gjatë kthimit të tij të fundit.
    Pa dyshim, veprimet e Pukës i kanë bërë ata që janë në botën e krimit shqiptar të Britanisë të mendojnë se ai është një “heroit” i botës kriminale, e cila ka shënuar një rritje të dominimit të saj dhe përbën një “kërcënim akut” sipas agjencive të ligjit.
    Por është një histori krejt tjetër në qytetin e Dorian Pukës në Shqipëri.
    Doriani është nga një qytet i vogël në Laç, një rajon i njohur për peizazhet e tij piktoreske që ndodhen pranë Detit Adriatik dhe terrenit malor të veriut të Shqipërisë. Ai është njëri nga dy vëllezërit që jetojnë ilegalisht në Britani. Vëllai i tij më i vogël, Denis, 28 vjeç, gjithashtu është përballur me burgim për një seri hajdutërish.
    Në gusht, Denis u shpall fajtor në Gjykatën e Kurorës së Çester për pesë vepra të komplotit për të kryer vjedhje. Ndërkohë, në Shqipëri, Leke dhe Gentjana kanë kaluar jetën e tyre duke u kushtuar arsimit, duke jetuar në një apartament 35,000 eurosh në një bllok të periudhës komuniste, që është shtëpia e tyre që nga vitet ’80.
    Çifti ka një djalë tjetër, Gertin, 26 vjeç, i cili, sipas fqinjëve, ka ndjekur gjurmët e prindërve dhe është bërë mësues. Djali i katërt është vetëm 5 vjeç dhe jeton me ta në apartamentin ku, kur i vizituam, mund të shihnim rrobat që ishin varur nga ballkoni.
    Një burim i afërt i familjes i tha Daily Mail se çifti ishte lënë në dëshpërim pasi djemtë e tyre zgjedhën të arratisen nga qyteti i varfër përmes parave të lehta, në vend që të punonin me mund. Duke folur anonimisht, ai tha: “Dorian dhe Denis janë djemtë e Leke dhe Gentjanës – ata janë mësues, kanë punë të mira dhe punojnë shumë. “Po jetojmë në kushte të vështira këtu, qiraja është e shtrenjtë, ushqimi është i shtrenjtë dhe ata fitojnë vetëm 1400 Euro në muaj si mësues – Leka është mësues fizike në shkollën lokale dhe gruaja e tij punon aty.”
    “Çdokush e di për Dorian dhe Denis. Ka qenë në lajmet televizive shqiptare dhe në gazeta këtu, dhe është një qytet i vogël, kështu që çdo njeri e di se ata janë djemtë e Leke dhe Gentjanës dhe ata janë shumë të turpëruar.”
    Një ish-nxënës i babait të Dorianit shtoi: “Profesori Puka ka qenë mësuesi më i mirë që kam pasur, ai është njeri i mirë, dhe mësimet e tij kanë qenë gjithmonë interesante. “Unë kam mësuar shumë prej tij dhe ai ka mbajtur shumicën prej nesh në rrugën e drejtë, dhe besoni mua, këtu është shumë e lehtë të shkosh keq. “Mendoj se kjo është arsyeja që ai dhe gruaja e tij janë kaq të turpëruar nga ajo që ka ndodhur me dy djemtë e tyre që shkuan në Britani. Kur thua Profesori Puka në Laç, të gjithë e dinë dhe çfarë njeriu i mirë ka qenë ai.”
    Përballë gazetarit të Daily Mail këtë javë, Doriani nuk ishte shumë i kënaqur që u shqyrtua pasuria e tij familjare. Ndërkohë që flisnim me familjen e tij në Shqipëri, hajduti i shquar telefonoi një nga ndërmjetësuesit lokal dhe kërkoi që ai t’i jepte telefonin reporterit tonë. Nga ana tjetër e linjës, nga Britania, ai shpërtheu: “E kam prishur jetën time disa vite më parë, por tani jam pastruar. Ishte pesë vjet më parë, nuk ka asgjë.”
    Për deportimet e tij të përsëritura dhe kthimet, Puka tha: “Unë nuk jam i pari, ka shumë si unë që deportohen dhe kthehen.”
    Laçi, me një popullsi prej rreth 13,000 banorësh dhe rreth një orë larg nga kryeqyteti Tiranë, dikur ishte i njohur si një qendër industriale. Por, me rënien e komunizmit në vitet ’90, fabrikat u mbyllën dhe qyteti tani ofron pak mundësi për njerëzit që kërkojnë punë.
    Krimi është përhapur në Laç për shkak të papunësisë së lartë dhe shumica e banesave janë në kushte të dobëta.
    Grupet e qenve të egër enden nëpër rrugë, duke përtypur mbeturina nga kazanët e mbeturinave të mbushur, ndërsa banorët e dyshimtë vështrojnë me vëmendje të huajt që kalojnë. Siç fillon të perëndojë dita, rrugët janë të pustura, me vendasit që tërhiqen për të gjetur siguri në shtëpitë e tyre. Ndërsa prindërit e Pukës kanë kushtuar jetën për arsimit të rinisë, Laçi ka fituar një reputacion si një qendër e shkëlqyer e mësimdhënies për një arsye tjetër. Ka fituar emrin si shtëpi për një “akademi hajdutësh” që quhen “Shqiponjat” dhe janë përgjegjës për një valë ndërkombëtare të krimit që synon shtëpitë e futbollistëve dhe të famshmëve në mbarë Evropën. /ZËRI

  • Shqiptarët e deportuar po paguajnë deri në 20 mijë paund për t’u rikthyer ilegalisht në Britani

    Shqiptarët e deportuar po paguajnë deri në 20 mijë paund për t’u rikthyer ilegalisht në Britani

    Të dhëna nga gjykatat britanike tregojnë se shumë shtetas shqiptarë të deportuar po arrijnë të rikthehen ilegalisht në Mbretërinë e Bashkuar duke paguar deri në 20 mijë paund për trafikantët, përpara se të kapen sërish duke kryer vepra të tjera penale. Sipas “The Telegraph”, fenomeni po përshkallëzohet pavarësisht ndëshkimeve të ashpra që parashikon ligji britanik, përfshirë deri në pesë vjet burg për shkeljen e urdhrave të deportimit.

    Në dallim nga shtetet e tjera, Shqipëria është vendi i vetëm ku Britania kryen fluturime të rregullta deportimi, shpesh çdo javë, për personat që kanë kryer krime apo kanë përfunduar dënimet në burgjet britanike. Megjithatë, rikthimet ilegale po ndodhin në mënyrë të vazhdueshme, përcjell A2 CNN.

    Një sërë rastesh të fundit e ilustrojnë qartë këtë fenomen. Dorian Puka, 29 vjeç, i dënuar dhe i deportuar dy herë për vjedhje, është rikthyer sërish në Britani ku për një vit ka provokuar autoritetet me video luksoze në rrjetet sociale, ndërkohë që procesi i tij i azilit është ende i hapur.

    Një tjetër rast është ai i Dilaver Domit, 31 vjeç, i deportuar dy herë për prodhim kanabisi, por i rikthyer përsëri këtë vit përpara se të arrestohej në Penrith dhe të dënohej me 20 muaj burg. Në Bradford, dy shtetas të tjerë shqiptarë, Fatos Demucaj dhe Daniel Kabali, të deportuar më parë, u kapën duke menaxhuar një plantacion kanabisi me vlerë rreth 1 milion paund.

    Rikthimet ilegale janë realizuar përmes metodave të ndryshme: furgonëve të mallrave, jahteve, fluturimeve indirekte, madje edhe gomoneve të përdorura zakonisht nga emigrantët që kalojnë Kanalin e La Manshit. Në shumë raste, trafikantët u kërkojnë kriminelëve pagesa që shkojnë deri në 20 mijë paund, ose ua mundësojnë udhëtimin falas në këmbim të kryerjes së detyrave kriminale në Britani, shkruan “The Telegraph”.

    Sipas gazetës britanike faktet tregojnë se edhe pas vendimeve të shumta të deportimit, disa individë kthehen për të kryer të njëjtat krime, kryesisht prodhim e shpërndarje droge, përpara se të kapen përsëri nga policia.

  • Ndoqi me sharrë elektrike oficerin në Britani, arrestohet 32-vjeçari shqiptar

  • Kush është Dorian Puka, ‘skifteri’ që sfidon autoritetet britanike, The Telegraph: Tregon në TikTok 6 ora Rolex dhe një Lamborghini

    Kush është Dorian Puka, ‘skifteri’ që sfidon autoritetet britanike, The Telegraph: Tregon në TikTok 6 ora Rolex dhe një Lamborghini

    dorian puka

    BRITANI E MADHE- “The Telegraph” i ka kushtuar një artikull shqiptarit Dorian Puka, që sipas kësaj mediaje bën “karshillëk me ora të shtrenjta e mjeti luksi, ndërsa kundërshton dëbimin në Shqipëri”.
    Pjesë nga shkrimi:
    Dorian Puka, 29 vjeç, është burgosur dhe deportuar dy herë për vjedhje, përpara se të kthehej fshehurazi në Britani, ku e ka kaluar vitin duke tallur Ministrinë e Brendshme me video të stilit të tij luksoz të jetesës në TikTok.
    Ministria e Brendshme ka pranuar se është e pafuqishme ta largojë përsëri Pukën derisa kërkesa e tij për azil të jetë dëgjuar plotësisht, por ka paralajmëruar se kriminelët e huaj nuk duhet të kenë “asnjë dyshim” për zbatimin e ligjit.
    Në videot e tij të fundit, shqiptari ka filmuar veten duke drejtuar një Lamborghini Urus V8 të vitit 2022, me vlerë 184,950 paund.
    Ai ka publikuar gjithashtu video të koleksionit të tij të orëve, duke filluar nga një Rolex Day-Date, shpesh i quajtur Rolex President, me vlerë 53,000 £, deri te më e lira, me çmim nga 5,000 deri në 10,000 £. Vlera totale e gjashtë orëve vlerësohet në 162,500 £.
    Kjo vjen më pak se një javë pasi Shabana Mahmood, Sekretarja e Brendshme, njoftoi masat e saj të rrepta ndaj azilit, duke përfshirë një rishikim të sistemit të apelimit për të përshpejtuar deportimet dhe një premtim për të kthyer familjet shqiptare që nuk kanë kërkuar azil në vendin e tyre.
    Ajo njoftoi gjithashtu plane për t’u kërkuar azilkërkuesve të paguajnë për mbështetjen e tyre nëse kanë asete të tilla si makina, biçikleta elektrike, para të gatshme ose investime.
    Ka kaluar më shumë se një vit që kur Puka promovoi videon e tij të parë duke ngarë një Ferrari të kuq. Kjo video u pasua menjëherë nga një foto e postuar në mediat sociale në të cilën ai tallte Nigel Farage pasi kreu i Reform UK e përshkroi atë si një “njeri të gabuar” që duhet të deportohet.
    Puka iu kundërpërgjigj me një foto të tij, së bashku me një imazh të modifikuar në Photoshop të z. Farage duke i bërë dolli fotografit që po bënte “foto”.
    Ai gjithashtu postoi një video të tij në Ferrari, me kritikat e udhëheqësit të Reform UK që luheshin në sfond.
    Ai u burgos fillimisht për nëntë muaj në vitin 2016 dhe u deportua vitin pasardhës për përpjekje për të hyrë me forcë në një pronë. Pronari e pa atë në kamerA, ndërsa ishte me pushime në Francë.
    Brenda një viti, ai arriti t’i shmangej kontrolleve kufitare dhe të kthehej në Mbretërinë e Bashkuar, duke kryer një sërë vjedhjesh në periferi të Londrës.
    Puka u kap përfundimisht nga oficerë të veshur civilë që patrullonin Surbiton, në jugperëndim të kryeqytetit.  Ai mbante një orë të shtrenjtë që e kishte vjedhur. Ai u burgos për tre vjet e gjysmë dhe më pas u deportua në mars të vitit 2020.
    Gjatë kohës që kaloi në një burg në Mbretërinë e Bashkuar, ai fitoi famë të keqe për përdorimin e një telefoni celular të futur ilegalisht në burg për të postuar foto të vetes në Instagram.
    Ai pozoi përkrah udhëheqësit të një grupi të krimit të organizuar, i cili po vuante një dënim me 12 vjet burg për furnizim me kokainë dhe pastrim parash.
    Pasi u kthye në Shqipëri për disa muaj, ai udhëtoi nëpër Gjermani, Belgjikë dhe Holandë përpara se të kalonte kontrollet kufitare për të hyrë përsëri në Britani në dhjetor 2020, sipas llogarisë së tij në Instagram.
    I përballur me deportimin, ai paraqiti një kërkesë për azil dhe ka qenë me kusht për imigracionin dhe i nënshtruar një etikete elektronike që nga viti 2023, ndërsa pret një gjykatë të vendosë për kërkesën e tij.
    Përveç videos së Ferrarit, ai ka postuar foto dhe video nga koha e tij me pushime në hotelin Carbis Bay pranë St Ives, Cornëall, ku shfaqet duke ecur në plazh.
    Llogaria e tij në rrjetet sociale përfshin gjithashtu imazhe me makina të tjera luksoze, duke përfshirë një Porsche Cayenne, një Mercedes G-Wagon, një Bentley Bentayga, një BMW X5, një Mercedes AMG dhe një Jaguar XF.
    Burimet e tij të financimit mbeten të panjohura, por raportet shqiptare sugjerojnë se ai ka qëndruar në një apartament me dy dhoma gjumi me vlerë 250,000 paund në Hounsloë, në perëndim të Londrës.

  • Emigrantët, qeveria britanike merr masa të reja shtrënguese

    Emigrantët, qeveria britanike merr masa të reja shtrënguese

    Me një energji super-turbo që nga analistët justifikohet me presionin sa nga partia pro-Brexit e Nigel Farage, e cila është lart në sondazhet e opinionit publik, por edhe nga pritshmëria për të konkurruar vetë Shabana Mahmood, Ministrja e Brendshme britanike, edhe për postin e kryeministres nëse Sir Keir Starmer e heq nga posti herët a vonë, politikania me origjinë pakistaneze ka njoftuar masa të reja për ata të huaj që jetojnë legalisht në Britani dhe synojnë të vendosen përgjithmonë në ishull.
    Sipas këtyre masave, pritet të dyfishohet koha për shumicën e punonjësve të huaj në Britani për një status të përhershëm deri në 10 vjet kohë pritje, duke shtuar se disa emigrantë ilegalë do të duhet të presin për 30 vjet për një status të tillë. (Në bazë të parimit të shpallur prej Shabana Mahmood, që disa guxojnë ta konsiderojnë argumentueshëm edhe si Margaret Thatcher e re, vendosja përgjithmonë në Britani nuk është një e drejtë, por një privilegj i cili duhet fituar dhe padyshim edhe financiarisht, përveç kontributeve të tjera për shoqërinë britanike). Përjashtim do të bëjnë ata që kanë të ardhura të larta dhe biznesmenët, të cilët do të përfitojnë nga vendosja përmes korsisë së shpejtë, ndërkohë që mjekët dhe infermierët në Shërbimin Shëndetësor Publik në Britani do të jenë ende si edhe sot në korsinë e afatit 5-vjeçar (pasi pa mjekët dhe infermierët ku dy të tretat e mjekëve dhe 50 përqind e infermierëve janë të ardhur nga jashtë, ky shërbim do të falimentonte).
    Qeveria, përmes gojës së Shabana Mahmood, ka propozuar gjoba dhe ndëshkime për ata që shfrytëzojnë dhe abuzojnë me sistemin, duke theksuar se ata që marrin ndihma sociale do të duhet të presin 20 vite, ose trefishin e kohës dhe kohëzgjatja më e madhe në Evropë. Ndërsa ata që mbërrijnë ilegalisht apo thyejnë vizën do të duhet të presin deri në 30 vite.
    Ndër propozimet e reja përfshihen rregulla të reja që thonë se migrantët mund të kualifikohen për ndihma sociale dhe strehim, nëse u jepet shtetësia britanike, sesa kur marrin statusin e qëndrimit të përhershëm. Punonjësit me paga të ulëta, si 610 mijë të ardhurit dhe personat në vartësi të tyre të mbërritur me viza si punonjës të kujdesit social apo shëndetësor, në periudhën 2022–2024, do të duhet të presin 15 vite përpara se t’u jepet statusi i përhershëm i qëndrimit në Britani.
    Sipas Ministres së Brendshme, ata që ndërkohë e kanë fituar këtë status, si ata të ardhur nga vendet e BE-së para Brexit, këto ndryshime nuk do të aplikohen. Ata që do të aplikojnë për leje të përhershme qëndrimi duhet të mos kenë precedent penal, të flasin anglishten në standardet e Niveli A dhe të mos kenë borxhe. Mbetet të shihet sa nga këto propozime do të mund të materilizohen pas sfidave politike në parlament dhe atyre ligjore.

  • Dëbimi i 700 familjeve shqiptare/ Rama: Vendim për të fituar pikë politike

    Dëbimi i 700 familjeve shqiptare/ Rama: Vendim për të fituar pikë politike

    Në një fjalim të mbajtur në Kolegjin e Evropës, Kryeministri Edi Rama reagoi sërish ndaj deklaratës së Sekretares së Brendshme të Britanisë, e cila së fundmi njoftoi publikisht dëbimin nga vendi të rreth 700 familje shqiptare që jetojnë në strehime, pas refuzimit të kërkesave të tyre për azil.
    Rama e cilësoi këtë referencë si një përpjekje për të justifikuar “një valë të re dëbimesh”, duke theksuar se bëhet fjalë për një numër të papërfillshëm në raport me popullsinë 67-milionëshe të Britanisë.
    Kryeministri kujtoi se që prej vitit 2022, falë bashkëpunimit mes autoriteteve shqiptare dhe britanike, mbërritjet e shqiptarëve në Britani janë ulur ndjeshëm, ndërsa vetë shqiptarët në Britani “janë kontribuues neto”.
    “E sidoqoftë, faktet janë të qarta, qe nga 2022, falë një punë të përbashkëta, mbërritjet në Britani, thuajse janë ulur. Shqiptarët janë kontribuues neto në Britani, ata që përfitojnë janë në numër të papërfillshëm. Këtu vjen lidhja të dashur studentë, zgjerimi dështon kur do herë që stereotipet vazhdojë”, tha ai.
    Kreu i qeverisë nuk kurseu as ironitë, ndërsa e cilësoi Britaninë e Madhe ti “të divorcuarën e hidhur të Evropës”, ndërsa më tej u shpreh se ministrja, “pas Brexit, mund ta kuptojmë se ka traumë”.
    “Kur një ministër evropian, edhe pas Brexit, që mund ta kuptojmë se ka traumë, zgjedh të veçojë në bashkësi të vogël për të fituar pikë politike, kuptojmë diçka shumë e rëndësishme, se frika flet më shumë se faktet, sterotipet udhëtojnë ende më shpejt se e vërteta”, tha ai.
    Edi Rama: Evropa nuk është gjeografi, është një zgjedhje, nuk është një vend, është një vendim. Vendimi për të zgjedhur bashkëpunimin kundrejt përplasjes, ligjin kundrejt forcës, dialogun në vend të të bërtiturave, të vërtetën në vend të stereotipave. Më lini t’ju jap një shembull.
    Pak ditë më parë, sekretarja e Brendshme e Britanisë, përmendi publikisht rreth 700 familje shqiptarë që jetojnë në strehime të financuara nga paratë e tatimpaguesve pas refuzimit të aplikimeve për azil, për të justifikuar një valë të re të dëbimeve të familjeve.
    700 familja në një vend prej 67 milionë banoresh. Një pëshpërimë statistikore, e fryrë në një sirenë politike. Tani, pse po e përend këtë në Kolegjin e Evropës? Jo për ta dramatizuar dhe për ta ngatërruar BE me të divorcuarën kaq të hidhur, por pikërisht se është ky lloj reflektimi politik i cili Evropa duhet t’i rezistojë dhe t’i mbetet besnike vetes.
    Kur një ministër evropian, edhe pas Brexit, që mund ta kuptojmë se ka traumë, zgjedh të veçojë në bashkësi të vogël për të fituar pikë politike, kuptojmë diçka shumë e rëndësishme, se frika flet më shumë se faktet, sterotipet udhëtojnë ende më shpejt se e vërteta. Demagogjia vijon ende.
    E sidoqoftë, faktet janë të qarta, qe nga 2022, falë një punë të përbashkëta, mbërritjet në Britani, thuajse janë ulur. Shqiptarët janë kontribuues neto në Britani, ata që përfitojnë janë në numër të papërfillshëm. Këtu vjen lidhja të dashur studentë, zgjerimi dështon kur do herë që stereotipet vazhdojë.

  • Emigrantëve iu vështirësohet jeta, qeveria britanike merr masa të reja shtrënguese për të dekurajuar emigracionin në ishull

    Emigrantëve iu vështirësohet jeta, qeveria britanike merr masa të reja shtrënguese për të dekurajuar emigracionin në ishull

    Me një energji super-turbo që nga analistët justifikohet me presionin sa nga partia pro-Brexit e Nigel Farage, e cila është lart në sondazhet e opinionit publik, por edhe nga pritshmëria për të konkurruar vetë Shabana Mahmood, Ministrja e Brendshme britanike, edhe për postin e kryeministres nëse Sir Keir Starmer e heq nga posti herët a vonë, politikania me origjinë pakistaneze ka njoftuar masa të reja për ata të huaj që jetojnë legalisht në Britani dhe synojnë të vendosen përgjithmonë në ishull.

    Sipas këtyre masave, pritet të dyfishohet koha për shumicën e punonjësve të huaj në Britani për një status të përhershëm deri në 10 vjet kohë pritje, duke shtuar se disa emigrantë ilegalë do të duhet të presin për 30 vjet për një status të tillë. (Në bazë të parimit të shpallur prej Shabana Mahmood, që disa guxojnë ta konsiderojnë argumentueshëm edhe si Margaret Thatcher e re, vendosja përgjithmonë në Britani nuk është një e drejtë, por një privilegj i cili duhet fituar dhe padyshim edhe financiarisht, përveç kontributeve të tjera për shoqërinë britanike). Përjashtim do të bëjnë ata që kanë të ardhura të larta dhe biznesmenët, të cilët do të përfitojnë nga vendosja përmes korsisë së shpejtë, ndërkohë që mjekët dhe infermierët në Shërbimin Shëndetësor Publik në Britani do të jenë ende si edhe sot në korsinë e afatit 5-vjeçar (pasi pa mjekët dhe infermierët ku dy të tretat e mjekëve dhe 50 përqind e infermierëve janë të ardhur nga jashtë, ky shërbim do të falimentonte).
    Qeveria, përmes gojës së Shabana Mahmood, ka propozuar gjoba dhe ndëshkime për ata që shfrytëzojnë dhe abuzojnë me sistemin, duke theksuar se ata që marrin ndihma sociale do të duhet të presin 20 vite, ose trefishin e kohës dhe kohëzgjatja më e madhe në Evropë. Ndërsa ata që mbërrijnë ilegalisht apo thyejnë vizën do të duhet të presin deri në 30 vite.
    Ndër propozimet e reja përfshihen rregulla të reja që thonë se migrantët mund të kualifikohen për ndihma sociale dhe strehim, nëse u jepet shtetësia britanike, sesa kur marrin statusin e qëndrimit të përhershëm. Punonjësit me paga të ulëta, si 610 mijë të ardhurit dhe personat në vartësi të tyre të mbërritur me viza si punonjës të kujdesit social apo shëndetësor, në periudhën 2022–2024, do të duhet të presin 15 vite përpara se t’u jepet statusi i përhershëm i qëndrimit në Britani.
    Sipas Ministres së Brendshme, ata që ndërkohë e kanë fituar këtë status, si ata të ardhur nga vendet e BE-së para Brexit, këto ndryshime nuk do të aplikohen. Ata që do të aplikojnë për leje të përhershme qëndrimi duhet të mos kenë precedent penal, të flasin anglishten në standardet e Niveli A dhe të mos kenë borxhe. Mbetet të shihet sa nga këto propozime do të mund të materilizohen pas sfidave politike në parlament dhe atyre ligjore.

    Top Channel

  • Dëbimi i 700 familjeve shqiptare/ Nga 111 mijë kërkesa në vit për azil në Britani, 2% shqiptarë

    Dëbimi i 700 familjeve shqiptare/ Nga 111 mijë kërkesa në vit për azil në Britani, 2% shqiptarë

    Në Mbretërine e Bashkuar, vitin e fundit sipas shifrave qeveritare shqiptarët përbënin 2 përqind të rasteve të azilkërkuesve, rreth 2200 të tilla. Sipas shifrave të vetë qeverisë britanike, rastet nga Shqipëria nuk qëndrojnë më as në 5 kombësitë kryesore që kërkojnë azil atje. Madje faqet qeveritare e paraqesin si një shembulli suksesi në këtë aspekt, pas marrëveshjes midis dy qeverive.
    Hotelet që mbushen me azilkërkues në Britani janë prej kohësh një temë e nxehtë politike. Qeveria e Keir Starmer është zotuar ti boshatisë ato dhe e ka deklaruar atë si një sfidë me veten në sytë e publikut.
    Të martën ministrja e Brendshme Shabana Mahmood, prezantoi në parlament reformën, e cila parashikon ndërhyrje të ashpra për të frenuar fenomenin e migracionit të paligjshëm. Reforma, synon të prekë ligjet dhe procedurat që përcaktojnë azilkërkimin, duke shpallur synimin se hotelet për azilantët do të mbyllen në fund të mandatit aktual të parlamentit në 2029.
    Mahmood veçoi rastin e 700 familjeve shqiptare të cilat sic tha do të dëbohen nga vendi.
    “Në ato raste ku është e mundur ne do të shtyjmë për një kthim vullnetar, por nëse do të jetë I nevojshëm një kthim me forcë, kjo është ajo që do të bëjmë. Nëse barriera për një kthim nuk është individuale, as nga qeveria britanike por nga vendi pritës(origjinës) ne do të veprojmë”, tha Mahmood.
    Por çfarë përbëjnë shqiptarët në numra sipas të dhënave të vetë qeverisë britanike? Kërkesat për azil nga shqiptarët, nuk janë më as në 5-shen kryesore të kombësive që u përkasin azilkërkuesve në britani. Madje deri diku vendi ynë në këtë aspekt paraqitet si një rast suksesi.
    “Shqipëria është prezantuar gjithashtu për të treguar se kishte një numër të madh kërkesash për azil gjatë viteve të fundit, por nuk është më një nga pesë kombësitë kryesore”, thuhet në faqen e qeverisë britanike.
    Ulja e kërkesave për azil nga shqiptarët ka ardhur si efekt i zbatimit të marrëveshjes së dhjetorit 2022 midis dy vendev.
    Gjithsej, vitin e fundit në britani kanë kërkuar azil rreth 111 mijë persona, ndërsa qeveria britanike në të dhënat e saj thotë se vetëm 2 përqind janë shqiptarë, pra rreth 2200 raste.
    Deri në miratimin e kësaj reforme do të duhet të kalojnë ende disa javë. Ajo parashikon që statusi I refugjatit të skanohet ccdo 2 vite e gjysmë nga 5 që është aktualisht dhe ai mund të hiqet në momentin që vendi I origjinës shpallet i sigurtë.
    Reforma e prezantuar nga laburistja Shabana Mahmood, shihet si një ndërhyrje gati drastike aq sa sipas BBC, ka dyshime nëse do të votohet ose jo, edhe nga lideri i Reform UK, Nigel Farage, i cili e ka përdorur temën e emigracionit për politikën e përditshme, duke u përplasur në distancë në disa raste edhe me kryeministrin e shqipërisë.

  • Stuhia ‘Claudia’ shkakton tre viktima në Portugali dhe përmbytje të mëdha në Britani

    Stuhia ‘Claudia’ shkakton tre viktima në Portugali dhe përmbytje të mëdha në Britani

    Stuhia e fuqishme “Claudia” ka shkaktuar tre të vdekur dhe dhjetëra të plagosur në Portugali, ndërsa në Britani ekipet e shpëtimit po kryejnë evakuime për shkak të përmbytjeve në Uells dhe Angli.

    Portugalia dhe pjesë të Spanjës fqinje janë goditur prej disa ditësh nga moti ekstrem i sjellë nga stuhia, e cila të shtunën mbërriti edhe në Britani dhe Irlandë.

    Dy nga viktimat në Portugali ishin një çift i moshuar, trupat e të cilëve u gjetën në shtëpinë e tyre të përmbytur në Fernao Ferro, pranë Lisbonës. Sipas ekipeve të emergjencës, ata po flinin dhe nuk arritën të largoheshin pasi niveli i ujit u rrit gjatë natës.

    Të shtunën, një tornado goditi zonën turistike të Albufeirës në jug të Portugalisë, duke shkaktuar dëme të mëdha. Pamje të publikuara online tregonin karavane të shkatërruara në një kamping, ku humbi jetën një grua britanike 85-vjeçare. Komandanti rajonal i mbrojtjes civile, Vitor Vaz Pinto, deklaroi se 28 persona u plagosën në një hotel aty pranë, dy prej tyre në gjendje të rëndë.

    Përmbytje të rënda në Uells dhe Angli

    Në Britani, qyteti Monmouth dhe zona përreth në juglindje të Uellsit u goditën rëndë nga përmbytjet. Shërbimi i Zjarrfikësve dhe Shpëtimit i Uellsit të Jugut konfirmoi se po zhvillonte operacione shpëtimi, evakuime dhe kontrolle të sigurisë.

    “Stuhia Claudia ka shkaktuar përmbytje të konsiderueshme në disa pjesë të Uellsit gjatë natës, duke prekur shtëpi, biznese, transportin dhe infrastrukturën energjetike,” tha një zëdhënës i qeverisë së Uellsit.

  • Britani/ Refugjatët do të përballen me 20 vjet pritje për të aplikuar për leje qëndrimi të përhershme

    Britani/ Refugjatët do të përballen me 20 vjet pritje për të aplikuar për leje qëndrimi të përhershme

    Personat që marrin azil në Mbretërinë e Bashkuar do të duhet të presin deri në 20 vjet për të aplikuar për leje qëndrimi të përhershme, sipas një pakete të re masash që pritet të zyrtarizohet të hënën nga Ministrja e Brendshme, Shabana Mahmood, raporton BBC.

    Kjo reformë e thellë vjen në një kohë kur qeveria kërkon të frenojë kalimet me gomone dhe rritjen e kërkesave për azil.

    Sipas planit, të gjithë personat që fitojnë statusin e azilit do të lejohen të qëndrojnë në Britani vetëm përkohësisht, ndërsa statusi i tyre do të rishikohet në mënyrë periodike. Nëse vendet e tyre të origjinës do të konsiderohen më pas të sigurta, ata do të detyrohen të kthehen.

    Aktualisht, statusi i refugjatit zgjat pesë vjet, pas të cilëve personat mund të aplikojnë për qëndrim të pacaktuar. Mahmood synon ta përgjysmojë këtë periudhë fillestare në dy vjet e gjysmë, ndërsa koha për të fituar rezidencë të përhershme do të shtrihet nga pesë në 20 vjet.

    Në një intervistë për Sunday Times, ministrja theksoi se masat “janë krijuar për t’u dërguar një mesazh të qartë njerëzve: mos vini në këtë vend në mënyrë të paligjshme, mos hipni nëpër varka”.

    Ajo shtoi se “migracioni i paligjshëm po e përçan vendin”, dhe se qeveria ka detyrimin “ta bashkojë shoqërinë”.