Lajmidites.com

Tag: brexit

  • Macron vizitë shtetërore në Britani: Mbretëria, migracioni dhe siguria pas Brexit

    Macron vizitë shtetërore në Britani: Mbretëria, migracioni dhe siguria pas Brexit

    Presidenti francez Emmanuel Macron do të mbërrijë të martën në Londër për një vizitë shtetërore tre-ditore, e cila do të ndërthurë ceremoni mbretërore me diskutime të forta politike mbi imigracionin dhe sigurinë evropiane. Kjo është vizita e parë shtetërore nga një udhëheqës i Bashkimit Evropian në Mbretërinë e Bashkuar që nga Brexit dhe shihet si një hap i rëndësishëm në përpjekjet e kryeministrit të ri Keir Starmer për të rivendosur marrëdhëniet me bllokun evropian.

    Vizita vjen me ftesë të Mbretit Charles III dhe përfshin një roje nderi ushtarake dhe një banket shtetëror në pallatin mbretëror, ku Macron do të pritet nga Mbreti dhe Mbretëresha Camilla. Përtej protokollit, bisedimet do të fokusohen te çështje kyçe si migracioni përmes Kanalit Anglez, mbrojtja dhe investimet e përbashkëta.

    Të enjten, zyrtarët e lartë nga të dyja vendet pritet të diskutojnë për kalimet e paligjshme me varka të vogla nga Franca drejt Britanisë – një sfidë që vazhdon të krijojë tensione. Vetëm në vitin 2024, afro 37,000 persona u zbuluan duke kaluar Kanalin, ndërsa në gjysmën e parë të këtij viti janë evidentuar mbi 20,000 kalime, një rritje prej 50% krahasuar me të njëjtën periudhë të vitit të kaluar.

    Qeveria britanike kërkon masa më të forta nga pala franceze, përfshirë lejimin e ndërhyrjeve në ujëra më të thella nga oficerët kufitarë britanikë – kërkesa që aktualisht përplaset me kufizimet ligjore franceze. Franca po shqyrton ndryshime në ligjet e saj për të zgjeruar autoritetin e policisë detare.

    Përveç migracionit, Macron dhe Starmer do të diskutojnë edhe mbi krijimin e një force sigurie ndërkombëtare për Ukrainën në rast të një armëpushimi. Të dy liderët mbështesin idenë e një “koalicioni të vullnetshëm” të përbërë nga trupa evropiane dhe garanci sigurie nga SHBA-të. Sidoqoftë, Presidenti amerikan Donald Trump ka treguar hezitim për këtë nismë.

    Vizita e Macron pritet të kulmojë të enjten me një videokonferencë ndërkombëtare për koordinimin e forcës paqeruajtëse, ku ai dhe Starmer do të diskutojnë më tej me liderët aleatë. Zyra e kryeministrit britanik njoftoi se Starmer ka zhvilluar një bisedë me presidentin ukrainas Volodymyr Zelenskyy, duke theksuar “progresin e rëndësishëm” në planifikimet ushtarake.

    Vizita vjen në një moment kyç për marrëdhëniet franko-britanike, të cilat janë përballur me sfida të mëdha pas Brexit, por që tani duket se janë në rrugë rikuperimi përmes diplomacisë së nivelit të lartë.

  • Deputeti britanik Farage: Shqiptarët e këqinj i dua jashtë, vijnë në Londër për qëllime të mbrapshta

    Deputeti britanik Farage: Shqiptarët e këqinj i dua jashtë, vijnë në Londër për qëllime të mbrapshta

    Deputeti britanik Nigel Farage, thotë se 1 në 50 shqiptarë në Britani janë në burg. Pasi deputeti njoftoi se kishte pranuar ftesën për të vizituar Shqipërinë, kryeministri Edi Rama i kërkoi që të caktonin datën, ndërsa i tha se nuk mund t’i përdorë shqiptarët si mish për propagandën lidhur me Brexit.
    Më shumë se sa meraku për 1200 shqiptarë në burgjet angleze të cilët ai po i përdor si hedhje benzinë zjarrit të debatit me Ramën, halli i Farage qëndron pse kryeministri shqiptar është shprehur kundër Brexit. Më shumë se një debat shifrash, Farage i njohur i babai i Brexit që ndau Britaninë nga BE disa vite me parë, duket se po hakmerret për qëndrimet pro evropiane të Ramës.

    Muhamed Veliu: A po i përdorni shqiptarët në Mbretërinë e Bashkuar për përfitime politike?
    ”Jo. Kjo nuk ka kuptim. Është një shifër që flet vetë. Siç edhe ju e përmendët. Mes dy shteteve tona ka nisur një bashkëpunim i mirë që duhet të avancohet”, shton ai.
    Nigel Farage e priti jo fort komod pyetjen se kur do ta shikojmë atë një ditë të flasë për shqiptarët në Mbretërinë e Bashkuar që punojnë në City of London në tregjet financiare (siç ai vetë ka punuar dikur), për ata që punojë në universitetet LSE, King’s College, ata shumë shqiptarë që punojnë në NHS si infermierë dhe mjekë, në Policinë Metropolitane si oficerë policie, disa madje shërbejnë edhe në Ushtrinë Britanike – duke dhënë një kontribut të rëndësishëm për Mbretërinë e Bashkuar.
    “Në lavdërojmë njerëzit e mirë por nuk duam ata të këqijtë. Është shumë e thjeshtë. Ne jemi një vend mikpritës për Shqiptarët dhe shumë të tjerë por po sillemi shumë butësisht kur vjen puna tek ata që vinë dhe përfshihen në krime. Nuk duam ata të vijojnë së qëndruari këtu. Unë kam ndenjur dhe kam pirë në pub me shqiptarë”, tha Farage.
    Natyrisht gjatë këtyre viteve jam takuar me shqiptarë. Të kuptohemi. Çdo vend ka njerëzit e tyre të këqij. Londra është kthyer në një magnet për njerëz të këqij nga e gjithë Europa. Boll është boll. Nuk ka të bëjë me ju për ta bërë shembull vendin tuaj.
    Muhamed Veliu: A keni ndonjë plan për të marrë votën e shqiptarëve britanikë në zgjedhjet e ardhshme parlamentare nga ku ambicia juaj është të jeni kryeministër?
    “Pak prej tyre do të kenë të drejtë vote. Vetëm ata që kanë shtetësi britanike mund të votojnë. Do të shikojmë çdo ndodhë. Po ndodh një revolucion politik në Britaninë e Madhe dhe unë ndjehem shumë optimist për këtë”, përfundon ai.

  • Rama i përgjigjet sërish deputetit britanik: Mos i ktheni shqiptarët në kurban të propagandës pas Brexit-it

    Rama i përgjigjet sërish deputetit britanik: Mos i ktheni shqiptarët në kurban të propagandës pas Brexit-it

    Reagimi i plotë i Kryeministrit Rama:
    Nigel, Nigel, Nigel… Nga “një kriminel në pesëdhjetë shqiptarë”, pretendimi juaj tani është shndërruar në: “Ndoshta është një në tre, ndoshta një në katër, nuk e di…” Vërtet?! Nuk e dini? Dhe kjo vjen pasi thoni se i keni kontrolluar dy herë shifrat? Unë tashmë u drejtova te të dhënat e vetë The Telegraph (me bujari, mund të shtoj) duke zgjedhur referencën tuaj, megjithëse një referencë vetëkontradiktore. Por dukeni të vendosur të vazhdoni në gabim.

    Pra, më lejoni t’ju ndihmoj me sqarime të mëtejshme. Sipas të dhënave nga Ambasada e Shqipërisë në Mbretërinë e Bashkuar, një institucion që merret me njerëz të vërtetë, jo me fraza të Brexit, numri i shqiptarëve në vendin tuaj nuk është 53,000, siç sugjeron fillimisht The Telegraph. Në fakt, në të njëjtin artikull, ajo pranon, dhe citoj, “analiza ka të ngjarë ta ketë nënvlerësuar  numrin e popullsisë shqiptare”. Pastaj spekulon se shifra mund të jetë deri në 140,000.
    Në fakt, Nigel Farage, e dini çfarë? Shifra është mbi 300,000, vëlla! Këta janë njerëz që mësojnë fëmijët tuaj, që ndërtojnë shtëpitë tuaja, që kujdesen për të moshuarit dhe të sëmurët tuaj. Ata nuk janë mish për dhëmbët e propagandës së shpëlarjes së trurit pas Brexit-it. Ata janë pjesë e strukturës së gjallë dhe që merr frymë e shoqërisë suaj. Edhe pa kontrolluar moshën, gjininë apo statusin socio-ekonomik, raportet tuaja bien. As një në pesëdhjetë. Dhe sigurisht jo një në tre ose katër. Këto nuk janë statistika, janë taktika frikësimi të maskuara si të dhëna. Pra, më lejoni t’ju pyes qartë: pse është kaq e vështirë të pranosh se ke gabuar, pa zvarritur në baltë një komunitet të tërë njerëzish të shkëlqyer dhe punëtorë që i shërbejnë atdheut tënd me dinjitet sikur të ishte i tyri? Britania është tashmë e madhe dhe jo më pak për shkak të diversitetit, qëndrueshmërisë dhe forcës së saj shumëkulturore.
    Një komb në stres politik post-traumatik nuk ka nevojë për kurbane. Nuk ka nevojë për goditje të kota. Dhe sigurisht nuk ka nevojë për mite në vend të fakteve. Shpresoj sinqerisht që vizita juaj e ardhshme në Shqipëri t’ju frymëzojë të luftoni për ide, në vend që të luftoni kundër njerëzve, në frymën e traditës së madhe liberale për të cilën vendi juaj ka qëndruar prej kohësh. Pres me padurim t’ju mirëpres në vendin tonë të bukur si mysafir nderi. Por, përpara se të arrini për të shijuar diellin e vërtetë dhe mikpritjen e sinqertë, a mund të biem dakord të diskutojmë faktet, jo fantazitë tuaja pas së vërtetës?
    Le të caktojmë datën.

  • Flakë për flakë/ Rama replikon me Farage: Gabove me shifrat! Shqiptarët s’janë mish i propagandës së Brexit

    Flakë për flakë/ Rama replikon me Farage: Gabove me shifrat! Shqiptarët s’janë mish i propagandës së Brexit

    Replikat në distancë mes kreut të qeverisë shqiptare, Edi Ramës dhe politikanit britanik Nigel Farage, mesa duket nuk kanë për të ndaluar.
    Ka qenë kryeministri ai i cili mëngjesin e kësaj të marte e ka nisur me një reagim të ashpër ndaj deklaratave të bëra nga deputeti Farage, i cili ka përsëritur pretendimet e tij mbi përfshirjen e shqiptarëve në krimet në Mbretërinë e Bashkuar.
    Reagimi i plotë:
    Nigel, Nigel, Nigel… Nga “një kriminel në pesëdhjetë shqiptarë”, pretendimi juaj tani është shndërruar në: “Ndoshta është një në tre, ndoshta një në katër, nuk e di…” Vërtet?! Nuk e dini? Dhe kjo vjen pasi thoni se i keni kontrolluar dy herë shifrat? Unë tashmë ju drejtova te të dhënat e vetë The Telegraph (me bujari, mund të shtoj) duke zgjedhur referencën tuaj, megjithëse një referencë vetëkontradiktore. Por dukeni të vendosur të vazhdoni në gabim.
    Pra, më lejoni t’ju ndihmoj me sqarime të mëtejshme. Sipas të dhënave nga Ambasada e Shqipërisë në Mbretërinë e Bashkuar, një institucion që merret me njerëz të vërtetë, jo me fraza të Brexit, numri i shqiptarëve në vendin tuaj nuk është 53,000, siç sugjeron fillimisht The Telegraph. Në fakt, në të njëjtin artikull, ajo pranon, dhe citoj, “analiza ka të ngjarë ta ketë nënvlerësuar madhësinë e popullsisë shqiptare”. Pastaj spekulon se shifra mund të jetë deri në 140,000.
    Në realitet, z. @Nigel_Farage E di çfarë? Shifra është mbi 300,000, vëlla! Këta janë njerëz që mësojnë fëmijët tuaj, që ndërtojnë shtëpitë tuaja, që kujdesen për të moshuarit dhe të sëmurët tuaj.
    Ata nuk janë mish për dhëmbët e propagandës së shpëlarjes së trurit pas Brexit-it. Ata janë pjesë e strukturës së gjallë dhe që merr frymë e shoqërisë suaj. Edhe pa kontrolluar moshën, gjininë apo statusin socioekonomik, raportet tuaja bien. As një në pesëdhjetë. Dhe sigurisht jo një në tre ose katër. Këto nuk janë statistika, janë taktika frikësimi të maskuara si të dhëna.
    Pra, më lejoni t’ju pyes qartë: pse është kaq e vështirë të pranosh se ke gabuar, pa zvarritur në baltë një komunitet të tërë njerëzish të shkëlqyer dhe punëtorë që i shërbejnë atdheut tënd me dinjitet sikur të ishte i tyri? Britania është tashmë e madhe dhe jo më pak për shkak të diversitetit, qëndrueshmërisë dhe forcës së saj shumëkulturore. Një komb në stres politik post-traumatik nuk ka nevojë për kurbane. Nuk ka nevojë për goditje të kota. Dhe sigurisht nuk ka nevojë për mite në vend të fakteve.
    Shpresoj sinqerisht që vizita juaj e ardhshme në Shqipëri t’ju frymëzojë të luftoni për ide, në vend që të luftoni kundër njerëzve – në frymën e traditës së madhe liberale për të cilën vendi juaj ka qëndruar prej kohësh. Pres me padurim t’ju mirëpres në vendin tonë të bukur si mysafir nderi. Por, përpara se të arrini për të shijuar diellin e vërtetë dhe mikpritjen e sinqertë, a mund të biem dakord të diskutojmë faktet, jo fantazitë tuaja pas së vërtetës? Le të caktojmë datën.

  • ‘Flakë për flakë’/ Rama i përgjigjet Farage: Të ngulmosh në gabim është djallëzore! Humbët! Ju pres në Tiranë

    ‘Flakë për flakë’/ Rama i përgjigjet Farage: Të ngulmosh në gabim është djallëzore! Humbët! Ju pres në Tiranë

    Edi Rama, Nigel Farage

    TIRANE- Kryeministri Edi Rama ka replikuar sërish me deputetin britanik Nigel Farage. Në një reagim të fuqishëm ndaj deklaratave të Farage, Rama, ka hedhur poshtë pretendimet se “1 në 48 shqiptarë në Britani është i burgosur”, duke e cilësuar këtë si “iluzion post-Brexit-ian” dhe absurditet të qartë. Ai e quajti statistikat e Farage “absurde”, dhe këmbënguli se shifra reale është shumë më e ulët (1 në 100, jo 1 në 48), pasi popullsia aktuale shqiptare në Mbretërinë e Bashkuar është rreth 140 000, shumëfish më e madhe se 53 000–a e pretenduar. 
    REAGIMI I PLOTË: 
    Edi Rama: Gjyshja ime katolike, Zoti ia pushoftë shpirtin, më kujtonte proverbin latin: Errare humanum est, sed perseverare diabolicum. Kjo mendoj se është diçka e tillë: Të gabosh është njerëzore, por të ngulmosh në gabim është djallëzore. Kështu që, në vend që ta shqetësoni Sekretarin e Brendshëm, tashmë të zënë, ndoshta duhet të më njoftoni kur mund t’ju mirëpres në Tiranë, si mysafirin tim të nderit. Sepse, i dashur Nigel, shifrat nuk janë qartësisht pika juaj e fortë dhe kështu, le të jemi të qartë – JU HUMBËT. “Regjistrimi” juaj i shqiptarëve në Britani është veçanërisht qesharak.
    Ju pretendoni se janë 53,000. Në realitet, numri është shumë më i lartë – shumëfish i kësaj. Por le të mbetemi vetëm te burimi juaj: The Telegraph, e cila ishte e para që trumbetoi teorinë “një në 50”, dhe më vonë e ka pranuar: “Analiza ka të ngjarë të ketë nënvlerësuar madhësinë e popullsisë shqiptare pasi nuk merr parasysh migrantët e paligjshëm, përfshirë më shumë se 12,000 që mbërritën me anije të vogla në vitin 2022.
    Disa vlerësime sugjerojnë se popullsia e vërtetë shqiptare mund të jetë deri në 140,000 – që do të thotë se më pak se një në 100 janë në burg.” Tani, sa i përket shifrës së të burgosurve, ja një pyetje më e rëndësishme: sa prej tyre janë dënuar në të vërtetë për krime që nuk lidhen me sistemin tuaj të vjetëruar të imigracionit dhe vizave? Po, numrat mund të jenë të mërzitshëm – por janë gjithashtu kokëfortë.
    Dhe kur dikush vazhdon t’i gabojë, pyetja e vërtetë është: Pse të vazhdosh? Sepse sinqerisht, të jesh djallëzor duket nën edhe talentin tënd të zakonshëm. Shqiptarët në Britani nuk janë një statistikë që duhet shtrembëruar për teatrin politik pas Brexit-it, i nderuar Z. Farage.
    Ata janë studentë, akademikë, ndërtues, shoferë, pronarë biznesi dhe partnerë. Dhe nëse një në një mijë dështon, kjo nuk e kthen turmën në kurban për konfuzionin tuaj kombëtar. Ne kemi qëndruar krah për krah me qeverinë e Mbretërisë së Bashkuar në uljen dramatike të migracionit të paligjshëm dhe në goditjen e krimit. Numrat realë e vërtetojnë këtë dhe kjo quhet bashkëpunim. Por “një në 50 shqiptarë në burgjet e Mbretërisë së Bashkuar”? Ky nuk është fakt – kjo quhet iluzion pas Brexit-it. Pres me padurim t’ju mirëpres në Shqipëri siç u premtua, për të ndarë shumë diell të mrekullueshëm, mikpritje të ngrohtë dhe fakte reale./ZËRI

  • “1 në 50 emigrantë shqiptarë janë në burg”/ Edi Rama sfidon deputetin britanik: Nëse ke të drejtë zotohem t’i marr mbrapsht, në të kundërt do vish në Shqipëri

    “1 në 50 emigrantë shqiptarë janë në burg”/ Edi Rama sfidon deputetin britanik: Nëse ke të drejtë zotohem t’i marr mbrapsht, në të kundërt do vish në Shqipëri

    Kryeministri Edi Rama i është përgjigjur deputetit britanik dhe reformatorit të Brex-it, Nigel Farage, i cili është shprehur se shqiptarët në Britaninë e Madhe janë aktorë kryesorë në kriminalitet, duke pretenduar se 1 në 50 shqiptarë në territorin anglez, janë në burg.
    Kryeministri Rama sfidon deputetin britanik për një përballje shifrash reale, duke theksuar se pretendimi i Farage është i tejfryrë. “Basti” i kreut të qeverisë shqiptare shkon më tej, duke u zotuar se nëse vërtetë “1 në 50 shqiptarë” në Britaninë e Madhe, është i burgosur, atëherë ai do t’i marrë të gjithë në Shqipëri.
    Postimi i plotë i kryeministrit Edi Rama:
    Ooopsss… Zoti @Nigel_Farage sapo më ka sfiduar për faktet!
    Çfarë nderi — për një “burrë gjigant”, siç më përshkroi ai (duke nënkuptuar, sigurisht, nga një “vend i vogël”) — të tërheq vëmendjen e virtuozit të padiskutueshëm të politikës britanike të titujve bombastikë.
    Ai tha — dhe po e citoj fjalë për fjalë:
    “Ja ç’të them, z. Rama, e dije që një në çdo 50 shqiptarë në Britani është në burg? Ndaj, trego pak vullnet të mirë dhe merr të gjithë mbrapsht nesër, sepse kjo është hipokrizi.”
    Epo, z. Farage — më lejoni t’jua kthej sfidën me diçka jashtëzakonisht të mërzitshme për stilin tuaj: shifra reale.
    Ajo që thatë, se “një në 50 shqiptarë në burg” — nuk është fakt. Është absurde. Një klasik i recetës pas-Brexit të “post-së-vërtetës”: “Nëse tingëllon frikshëm, duhet të jetë e vërtetë.”
    E dini çfarë del kur i kontrollon vërtet numrat? Befasi! Edhe po të supozonim që çdo shqiptar aktualisht në burg në Mbretërinë e Bashkuar është realisht fajtor (edhe pse shumë prej tyre janë thjesht viktima të një sistemi vizash të vjetruar dhe kufizues), shkalla e kriminalitetit mes shqiptarëve në MB nuk është më e lartë se ajo e vetë popullsisë britanike — përkundrazi, ndoshta edhe më e ulët.
    Tani, meqë të dy duket se e vlerësojmë “vullnetin e mirë” dhe jemi të ndjeshëm ndaj “hipokrizisë”, ja çfarë propozoj:
    Të sjellim të dy shifrat tona në tavolinë. Nëse pretendimi juaj “një në 50” rezulton i saktë — unë, personalisht, angazhohem t’i marr të gjithë mbrapsht. Nuk është një titull konkurrues — është një angazhim publik.
    Por nëse ajo statistikë frikësuese del të jetë thjesht karburant për tabloidë — nuk ka nevojë për falje. As për dramë. Thjesht do të vini në Shqipëri — si i ftuari im i nderit.
    Do të përjetoni diell të vërtetë, mikpritje të vërtetë dhe, më e rëndësishmja, fakte të vërteta — për Shqipërinë dhe njerëzit e saj të mrekullueshëm. Dhe e vetmja gjë që do t’ju kërkoj, është një angazhim i thjeshtë publik nga ana juaj, bërë ndërsa shijoni vendin tonë: që herën tjetër kur dikush përgojon shqiptarët, të jeni i pari që t’i thoni me stilin tuaj dramatik: “Mos e bëj më!”
    Pra, çfarë thoni? Një verifikim faktesh në këmbim të një deportimi total — ose një pushim i plotë, me disa nga njerëzit më të ngrohtë që do të takoni ndonjëherë. Eja, Nigel. Edhe po të humbni në faktet, do të fitoni një komb të tërë miqsh përjetë.
    Po pres t’ju dëgjoj.
    “Shpërthimi” i deputetit Farage ndaj emigrantëve shqiptarë, erdhi pasi kryeministri Rama gjatë një interviste për The Guardian, tha se plani i Sir Keir Starmer për të dërguar azilkërkuesit e dështuar jashtë vendit tregon se Britania post-Brexit ndodhet në “një vend shumë të errët”.
    Ai argumentoi se Brexit-i e ka ndryshuar në mënyrë themelore diskursin publik britanik, duke deklaruar se “80 për qind e gjërave që thuhen, që shkruhen, apo që pranohen si pjesë normale e diskutimit në Britaninë e sotme, janë gjëra që [para Brexit-it] do të kishin qenë krejtësisht të papranueshme, krejtësisht qesharake, krejtësisht të turpshme.”
    Nigel iu përgjigj komenteve të Ramës në GB News duke theksuar se “një në çdo 50 shqiptarë në Britani ndodhet në burg” dhe duke bërë thirrje për kthimin e menjëhershëm të tyre në atdhe.
    “Kryeministri shqiptar na ofendon për Brexit-in dhe thotë se Britania është ‘në një vend të errët, duke kërkuar vende ku të hedhë emigrantët’”, tha Farage.
    Rikujtojmë se deputeti Farage është një ndër reformatorët e Brexi-t.

  • Refuzoi Starmer, palamentari britanik sulmon Ramën: Hajde merr kriminelët që ke këtu!

    Refuzoi Starmer, palamentari britanik sulmon Ramën: Hajde merr kriminelët që ke këtu!

    Nigel Farage, anëtar i Parlamentit të Mbretërisë së Bashkuar ka nisur një sulm të ashpër ndaj kryeministrit të Shqipërisë, Edi Rama, duke kërkuar që ai “të marrë të gjithë kriminelët shqiptarë mbrapsht”, pasi udhëheqësi socialist kritikoi Britaninë e Madhe për daljen nga Bashkimi Evropian.
    Farage iu përgjigj komenteve të Ramës në GB News duke pretenduar se “një në 50 shqiptarë në Britani janë në burg”, dhe duke bërë thirrje për riatdhesimin e tyre të menjëhershëm.
    “Kryeministri shqiptar na kritikon për Brexit-in dhe thotë se Britania është ‘në një vend të errët, duke kërkuar vende për të lënë emigrantët’”, tha politikani populist britanik.
    Ai shtoi se Rama pretendoi se “shumë nga ato që themi pas Brexit-it janë bërë ‘krejtësisht të papranueshme, krejtësisht qesharake, krejtësisht të turpshme’”.
    Kritikat e Ramës ndaj Britanisë u shfaqën gjatë një interviste me The Guardian, ku ai paralajmëroi se plani i Sir Keir Starmer për të dërguar azilkërkuesit jashtë vendit tregon se Britania pas Brexit është në “një vend shumë të errët”.
    Kryeministri shqiptar tha se Britania po “kërkonte vende për të braktisur emigrantët” – një koncept që ai pretendoi se do të kishte qenë i paimagjinueshëm një dekadë më parë.
    “Është një nga ato gjëra që 10 vjet më parë thjesht nuk do të kishte qenë e imagjinueshme… që Britania të kërkonte vende për të braktisur emigrantët”, deklaroi Rama.

    Nigel Farage skewers Albania’s Brexit-hating PM and demands ‘take all your criminals back’ after dig at Britainhttps://t.co/30Spaj21XU
    — GB News (@GBNEWS) June 26, 2025

  • Refuzoi Starmer, palamentari britanik sulmon ashpër Ramën: Merrni mbrapsht të gjithë kriminelët tuaj

    Refuzoi Starmer, palamentari britanik sulmon ashpër Ramën: Merrni mbrapsht të gjithë kriminelët tuaj

    Nigel Farage, anëtar i Parlamentit të Mbretërisë së Bashkuar ka nisur një sulm të ashpër ndaj kryeministrit të Shqipërisë, Edi Rama, duke kërkuar që ai “të marrë të gjithë kriminelët shqiptarë mbrapsht”, pasi udhëheqësi socialist kritikoi Britaninë e Madhe për daljen nga Bashkimi Evropian.
    Farage iu përgjigj komenteve të Ramës në GB News duke pretenduar se “një në 50 shqiptarë në Britani janë në burg”, dhe duke bërë thirrje për riatdhesimin e tyre të menjëhershëm.
    “Kryeministri shqiptar na kritikon për Brexit-in dhe thotë se Britania është ‘në një vend të errët, duke kërkuar vende për të lënë emigrantët’”, tha politikani populist britanik.
    Ai shtoi se Rama pretendoi se “shumë nga ato që themi pas Brexit-it janë bërë ‘krejtësisht të papranueshme, krejtësisht qesharake, krejtësisht të turpshme’”.
    Kritikat e Ramës ndaj Britanisë u shfaqën gjatë një interviste me The Guardian, ku ai paralajmëroi se plani i Sir Keir Starmer për të dërguar azilkërkuesit jashtë vendit tregon se Britania pas Brexit është në “një vend shumë të errët”.
    Kryeministri shqiptar tha se Britania po “kërkonte vende për të braktisur emigrantët” – një koncept që ai pretendoi se do të kishte qenë i paimagjinueshëm një dekadë më parë.
    “Është një nga ato gjëra që 10 vjet më parë thjesht nuk do të kishte qenë e imagjinueshme… që Britania të kërkonte vende për të braktisur emigrantët”, deklaroi Rama.

  • Rama refuzon skemën britanike të qendrave të kthimit të emigrantëve: Ideja që “të gjejmë një vend ku t’i hedhim”, e paimagjinueshme para 10 vitesh

    Rama refuzon skemën britanike të qendrave të kthimit të emigrantëve: Ideja që “të gjejmë një vend ku t’i hedhim”, e paimagjinueshme para 10 vitesh

    Një plan i Mbretërisë së Bashkuar për të dërguar azilkërkuesit e refuzuar në “qendra kthimi” në vende të treta tregon që Britania pas Brexit-it është “në një vend shumë të errët”, ka deklaruar kryeministri i Shqipërisë.

    Në intervistën e tij të parë me median ndërkombëtare që nga fitorja historike e mandatit të katërt me partinë e tij socialiste, Edi Rama tha se ideja që Britania të “kërkojë vende ku të hedhë emigrantët” do të ishte e paimagjinueshme dhjetë vjet më parë.
    Por, sipas tij, kjo përputhet me ndryshimin në diskursin publik në Britani pas Brexit-it, ku “e papranueshmja, qesharakja dhe e turpshmja” janë bërë normale.
    Plani i “qendrave të kthimit” u shpall muajin e kaluar nga Keir Starmer gjatë një vizite në Ballkan, dhe parashikon që personat që u është refuzuar azili dhe kanë shteruar rrugët ligjore në Britani, të dërgohen në vende të treta për t’u përpunuar atje kërkesat e tyre.
    “Është një nga ato gjëra që dhjetë vjet më parë thjesht nuk do të ishin të imagjinueshme… që Britania do të kërkonte vende për të hedhur emigrantët,” tha Rama nga Tirana.
    “Fakti që sot jo vetëm që është e imagjinueshme, por po ndodh, nuk është për shkak se Keir Starmer apo [Rishi] Sunak po bëjnë diçka skandaloze; është për shkak se vendi ndodhet në një vend shumë të errët.”Rama, i njohur për qëndrimet e tij të drejtpërdrejta dhe kundër rrymës, shprehu keqardhje për nivelin e diskursit publik në Britani. Si një anglofil i deklaruar, ai tha se i vjen shumë keq për këtë.
    “80 për qind e gjërave që thuhen, shkruhen, apo pranohen si pjesë normale e diskursit në Britaninë e sotme janë gjëra që [para Brexit-it] do të ishin krejtësisht të papranueshme, qesharake dhe të turpshme,” tha ai.
    Gjatë qeverive të kaluara konservatore, marrëdhëniet mes Britanisë dhe Shqipërisë u tensionuan, të errësuara nga kalimet me gomone dhe akuzat për emigrantë të paligjshëm shqiptarë që “pushtonin” brigjet britanike.
    Vizita e Starmer në maj – e para ndonjëherë nga një kryeministër britanik – synonte të vendoste një marrëdhënie të re dypalëshe. Gjatë vizitës në Tiranë, udhëheqësi i Laburistëve tha se ishin në bisedime “me disa vende” për të ngritur këto qendra. Por, në një deklaratë që u pa si qortim i butë për mikun e tij, Rama tha në konferencën e përbashkët për shtyp se Shqipëria nuk do të marrë pjesë në këtë plan.Duke kërkuar të qartësojë pozicionin e tij në intervistë, Rama tha se Starmer ishte “një person shumë i sjellshëm dhe i këndshëm”, dhe nuk kishte bërë një kërkesë të tillë publikisht, as nuk ishte i pari lider britanik që e kishte përmendur këtë në mënyrë private. Rama shtoi se përgjigjja e tij kishte qenë gjithmonë e njëjtë: “Kam qenë i qartë për këtë që kur ma kërkoi Boris Johnson dhe Rishi… Gjithmonë kam thënë jo.”
    Fakti që Shqipëria kishte rënë dakord më parë për një marrëveshje të ngjashme me kryeministren italiane Giorgia Meloni ishte ndryshe, për shkak të “marrëdhënies shumë të veçantë” me Italinë. Kjo marrëveshje parashikon ndalimin e emigrantëve në det dhe dërgimin e tyre në një qendër pritjeje në Shqipëri për shqyrtimin e kërkesave për azil, por aktualisht është bllokuar nga sfida ligjore.Që nga dita kur regjimi brutal stalinist i Shqipërisë u shemb në vitin 1991, Italia ka qenë përkrah saj, tha Rama. Si rezultat, shqiptarët kanë “një dobësi” për Romën.
    “Praktikisht jemi një komb i ndarë në dy shtete të pavarura… Italia ka qenë aty për ne në çdo moment të errët dhe situatë të vështirë që nga dita kur dolëm nga ferri i të qenit ‘Koreja e Veriut’ e Europës,” shtoi ai. “[Ne] kemi një dobësi për Italinë, kështu që kur Italia na kërkon diçka, themi po, pa diskutim.”
    Qëndrimi i Ramës vjen në një moment vetëbesimi të ri për Shqipërinë, një nga vendet më të varfra në Evropë, që po bën hapa të jashtëzakonshëm drejt anëtarësimit në BE. Me një ritëm dhe ton të ndryshuar, që Rama ia atribuon “frymës së re gjeopolitike” të politikëbërësve europianë pas pushtimit të plotë të Ukrainës nga Rusia, negociatat e pranimit janë përshpejtuar, ndërsa Brukseli më në fund kërkon të përqafojë Ballkanin Perëndimor – një rajon që prej kohësh shihet nga Moska si pjesë e sferës së saj të influencës.

    Top Channel

  • Rama refuzon skemën britanike të qendrave të kthimit të emigrantëve: Ideja që “të gjejmë një vend ku t’i hedhim”, e paimagjinueshme!

    Rama refuzon skemën britanike të qendrave të kthimit të emigrantëve: Ideja që “të gjejmë një vend ku t’i hedhim”, e paimagjinueshme!

    Një plan i Mbretërisë së Bashkuar për të dërguar azilkërkuesit e refuzuar në “qendra kthimi” në vende të treta tregon që Britania pas Brexit-it është “në një vend shumë të errët”, ka deklaruar kryeministri i Shqipërisë.
    Në intervistën e tij të parë me median ndërkombëtare që nga fitorja historike e mandatit të katërt me partinë e tij socialiste, Edi Rama tha se ideja që Britania të “kërkojë vende ku të hedhë emigrantët” do të ishte e paimagjinueshme dhjetë vjet më parë.
    Por, sipas tij, kjo përputhet me ndryshimin në diskursin publik në Britani pas Brexit-it, ku “e papranueshmja, qesharakja dhe e turpshmja” janë bërë normale.
    Plani i “qendrave të kthimit” u shpall muajin e kaluar nga Keir Starmer gjatë një vizite në Ballkan, dhe parashikon që personat që u është refuzuar azili dhe kanë shteruar rrugët ligjore në Britani, të dërgohen në vende të treta për t’u përpunuar atje kërkesat e tyre.
    “Është një nga ato gjëra që dhjetë vjet më parë thjesht nuk do të ishin të imagjinueshme… që Britania do të kërkonte vende për të hedhur emigrantët,” tha Rama nga Tirana.
    “Fakti që sot jo vetëm që është e imagjinueshme, por po ndodh, nuk është për shkak se Keir Starmer apo [Rishi] Sunak po bëjnë diçka skandaloze; është për shkak se vendi ndodhet në një vend shumë të errët.”Rama, i njohur për qëndrimet e tij të drejtpërdrejta dhe kundër rrymës, shprehu keqardhje për nivelin e diskursit publik në Britani. Si një anglofil i deklaruar, ai tha se i vjen shumë keq për këtë.
    “80 për qind e gjërave që thuhen, shkruhen, apo pranohen si pjesë normale e diskursit në Britaninë e sotme janë gjëra që [para Brexit-it] do të ishin krejtësisht të papranueshme, qesharake dhe të turpshme,” tha ai.
    Gjatë qeverive të kaluara konservatore, marrëdhëniet mes Britanisë dhe Shqipërisë u tensionuan, të errësuara nga kalimet me gomone dhe akuzat për emigrantë të paligjshëm shqiptarë që “pushtonin” brigjet britanike.
    Vizita e Starmer në maj – e para ndonjëherë nga një kryeministër britanik – synonte të vendoste një marrëdhënie të re dypalëshe. Gjatë vizitës në Tiranë, udhëheqësi i Laburistëve tha se ishin në bisedime “me disa vende” për të ngritur këto qendra. Por, në një deklaratë që u pa si qortim i butë për mikun e tij, Rama tha në konferencën e përbashkët për shtyp se Shqipëria nuk do të marrë pjesë në këtë plan.Duke kërkuar të qartësojë pozicionin e tij në intervistë, Rama tha se Starmer ishte “një person shumë i sjellshëm dhe i këndshëm”, dhe nuk kishte bërë një kërkesë të tillë publikisht, as nuk ishte i pari lider britanik që e kishte përmendur këtë në mënyrë private. Rama shtoi se përgjigjja e tij kishte qenë gjithmonë e njëjtë: “Kam qenë i qartë për këtë që kur ma kërkoi Boris Johnson dhe Rishi… Gjithmonë kam thënë jo.”
    Fakti që Shqipëria kishte rënë dakord më parë për një marrëveshje të ngjashme me kryeministren italiane Giorgia Meloni ishte ndryshe, për shkak të “marrëdhënies shumë të veçantë” me Italinë. Kjo marrëveshje parashikon ndalimin e emigrantëve në det dhe dërgimin e tyre në një qendër pritjeje në Shqipëri për shqyrtimin e kërkesave për azil, por aktualisht është bllokuar nga sfida ligjore.Që nga dita kur regjimi brutal stalinist i Shqipërisë u shemb në vitin 1991, Italia ka qenë përkrah saj, tha Rama. Si rezultat, shqiptarët kanë “një dobësi” për Romën.
    “Praktikisht jemi një komb i ndarë në dy shtete të pavarura… Italia ka qenë aty për ne në çdo moment të errët dhe situatë të vështirë që nga dita kur dolëm nga ferri i të qenit ‘Koreja e Veriut’ e Europës,” shtoi ai. “[Ne] kemi një dobësi për Italinë, kështu që kur Italia na kërkon diçka, themi po, pa diskutim.”
    Qëndrimi i Ramës vjen në një moment vetëbesimi të ri për Shqipërinë, një nga vendet më të varfra në Evropë, që po bën hapa të jashtëzakonshëm drejt anëtarësimit në BE. Me një ritëm dhe ton të ndryshuar, që Rama ia atribuon “frymës së re gjeopolitike” të politikëbërësve europianë pas pushtimit të plotë të Ukrainës nga Rusia, negociatat e pranimit janë përshpejtuar, ndërsa Brukseli më në fund kërkon të përqafojë Ballkanin Perëndimor – një rajon që prej kohësh shihet nga Moska si pjesë e sferës së saj të influencës.