Lajmidites.com

Tag: braziliani

  • Te Reali nuk ndihet “rehat”, Man. City, Arsenal dhe Liverpool në garë për yllin madrilen

    Te Reali nuk ndihet “rehat”, Man. City, Arsenal dhe Liverpool në garë për yllin madrilen

    8 Korrik 2025

    20:46

    Telesport

    Aventurës së Rodrygo te Real Madrid i ka ardhur fundi, braziliani ka humbur rëndësinë e dikurshme që ka pasur në ekip dhe roli i tij është zvogëluar gjithnjë e më shumë, sidomos pas ardhjes së Xabi Alonso-s.
    Ndaj, braziliani po mendon për një largim të mundshëm nga Madridi. Drejtuesit e “Los Blancos” nuk janë kundër largimit të yllit brazilian, por mjafton të paguhet shifra që ata kanë vendosur për kartonin e tij, që është 90 milionë euro.
    Duke parë situatën aktuale të lojtarit, interesi për të nga klubet e mëdha po vjen duke u shtuar, sidomos nga gjigantët e Premier League. Arsenali duket se është në një pozicion të favorshëm, pasi po kërkon të forcojë krahun e majtë me një lojtar që mund të bëjë diferencën që nga minuta e parë. Mikel Arteta beson se braziliani mund të jetë çelësi i sistemit të tyre ofensiv, dhe londinezët tashmë kanë treguar gatishmëri për të përmbushur kushtet ekonomike të kërkuara nga Real Madridi.

  • VIDEO: Ky asist nga Vinicius Junior është arsyeja pse e duam futbollin

    VIDEO: Ky asist nga Vinicius Junior është arsyeja pse e duam futbollin

    27 Qershor 2025

    15:24

    Telesport

    Vinícius Junior nuk është lojtar normal. Braziliani e tregoi këtë edhe në ndeshjen e Real Madridit në Kupën e Botës për Klube kundër RB Salzburg, kur dha një asist mahnitës me thembër për Federico Valverde (goli i dytë i mesfushorit).
    Klasi i brazilianit nuk mund të mohohet. Ai vetëm mund të admirohet, sepse është lojtar special. “Më vjen mirë që dhashë atë asist, ndër më të bukurit në karrierë për mua. I dhashë një lojtari që më motivon shumë si Federico”, tha braziliani pas ndeshjes.

     

  • “Dorë” italiane te Letonia, Sylvinho: Ka nisur numërimi mbrapsht

    “Dorë” italiane te Letonia, Sylvinho: Ka nisur numërimi mbrapsht

    Trajneri i Shqipërisë, Sylvinho, ka vlerësuar punën që ka bërë kolegu i tij te Letonia, skuadër me të cilën Shqipëria do të ndeshet të martën në mbrëmje në kualifikueset e Kupës së Botës 2026. Ai shtoi se ndeshja është tepër e rëndësishme, për të dy skuadrat.
    “Ka nisur tashmë numërimi mbrapsht. Nuk e di a është vendimtare, por shumë e rëndësishme. Letonia ka një trajner italian, Paolo Nicolato, luajnë në mënyrë të kodifikuar. Letonia ka lojtarë të gjatë dhe mund të luajë në disa mënyra. Nuk e di se si do të përkthehet termi “i kodifikuar” te trajneri, por nesër do flas vetë me të në fushë”, tha braziliani në konferencë për mediat.
    I pyetur se cili do të jetë kapiten nesër, duke qenë se mungon për shkak dëmtimi Berat Gjimshiti, Sylvinho tha: “Varet, nëse luan një lojtar, zgjidhet ai. Nëse nuk luan, do jetë një tjetër”. Në mungesë të Gjimshitit, kapiten i Shqipërisë ka qenë Hysaj, ndërsa në disa raste edhe Ardian Ismajli. Duket se braziliani nuk e ka ndarë ende mendjen nëse të martën do të luajë Balliu apo shkodrani që fitoi penalltinë kundër Serbisë.
    Sylvinho iu përgjigj edhe pyetjes për mundësinë e përdorimit të Mario Mitajt në mesfushë, duke parë aftësitë e tij me topin. “Është lojtar shumë teknik. Por  nuk është e lehtë. Në Kombëtare nuk ke kohë për të parë lojtarin. Nuk kemi kohë për të provuar. Ai është mbrojtës i majtë, ka shumë cilësi dhe jep më të mirën në kombëtare dhe klubin ku luan. Kështu që do të vazhdojë kështu për momentin”, tha braziliani.
    Pas barazimit 0-0 të shtunën ndaj Serbisë, Shqipëria renditet në vend të dytë në grupin kualifikues për Kupën e Botës, me 4 pikë. Sfida e radhës për kuqezinjtë është ajo në Riga kundër Letonisë të martën në 20:45.

  • Pato “vë bast” për suksesin e Allegrit: E njeh ambientin dhe lojtarët, do të bëjë mirë te Milani

    Pato “vë bast” për suksesin e Allegrit: E njeh ambientin dhe lojtarët, do të bëjë mirë te Milani

    Alexandre Pato dhe Milani, një dashuri që vazhdon ende sot. Braziliani nuk e ka fshehur kurrë admirimin e tij për fanellën kuqezi, të cilën e ka veshur me sukses dhe me më shumë se një peng.
    Një sërë dëmtimesh të pabesueshme ia kanë kufizuar potencialin e jashtëzakonshëm, me Pato që vetëm pjesërisht ka arritur të tregojë gjithë talentin e tij të madh.
    Në një intervistë për GOAL, sulmuesi brazilian është rikthyer të flasë për dashurinë e tij të madhe, Milanin, duke komentuar rikthimin në pankinën kuqezi të Allegrit, trajner që e ka drejtuar pikërisht gjatë aventurës së tij me “Djallin”.
    Pyetjes si e ka përjetuar këtë sezon të Milanit, braziliani iu përgjigj: “Mendoj se Milani do të jetë gjithmonë Milani, por tani po bën ndryshime të rëndësishme. Së fundi ka marrë Allegrin, ndaj jam i sigurt që do të bëjë një kampionat të mirë sezonin e ardhshëm”.
    Pato nuk e fsheh optimizmin e tij për sezonin e ardhshëm të Milanit: “Shikoj ndryshimet që po bëjnë, pastaj siç thashë më lart, kanë marrë një trajner si Allegri, i cili e njeh Milanin, i njeh lojtarët dhe ka marrëdhënie të mirë me Ibrahimovic. Shpresoj dhe jam i sigurt se Milani mund të bëjë mirë”.
    Pato “dribloi” në mënyrë ironike dhe me buzëqeshje një pyetje lidhur me një krahasim të së kaluarës: “A ishte më i fortë Milani yt apo ai që fitoi titullin e fundit?” “Ti më the që pyetjet do të ishin vetëm dy…”, – u përgjigj me të qeshur braziliani.
    Nën drejtimin e Max Allegrit, Pato ka veshur fanellën e Milanit në 58 ndeshje, në të gjitha kompeticionet, duke shënuar 22 gola dhe dhënë 9 asiste. Së bashku, Pato dhe Allegri kanë fituar një titull kampion (2010-2011) dhe një Superkupë të Italisë (2011-2012).

  • Raphinha, pasi rinovoi deri më 2028: Shpresoj ta mbyll karrierën time te Barcelona

    Raphinha, pasi rinovoi deri më 2028: Shpresoj ta mbyll karrierën time te Barcelona

    Raphinha po rrezaton lumturi nga të gjitha anët. Braziliani firmosi të enjten rinovimin e merituar me Barcelonën deri në vitin 2028, çka i garanton të paktën edhe tri sezone të tjera si blaugrana. Megjithatë, anësori dëshiron më shumë, sepse në deklaratat e tij të para për mediat e klubit, pranoi se ëndrra është të tërhiqet nga futbolli pikërisht te klubi që i ka rrëmbyer zemrën.
    “Kam folur me familjen time dhe ëndrra është të qëndroj këtu deri në fund të karrierës. Shpresoj ta bëj këtë në nivelin tim më të mirë”, – rrëfeu Raphinha, i cili në moshën 28-vjeçare ka ende shumë futboll për t’i dhënë Barçës.
    Braziliani vlerëson veçanërisht besimin që i ka dhënë Joan Laporta: “Kam folur me presidentin dhe ndjej se klubi dhe të gjithë përgjegjësit kanë besuar tek unë për herë të dytë. Kjo është shumë domethënëse për mua.

    Është diçka e veçantë të ndihesh njëri nga ju (në referencë për tifozët e Barçës) edhe për një vit më shumë. Më bën shumë të lumtur, një nga objektivat e mi personalë që kur erdha ka qenë t’iu jap shumë gëzime tifozëve”.
    “Dëshira për të fituar me këtë fanellë është gjithmonë objektivi kryesor, – shpjegoi Raphinha, i cili gjithashtu pranoi se nuk e priste një sezon kaq të mirë. – Gjithmonë kam thënë se do të jap gjithçka për këtë fanellë. Ndonjëherë jam mirë, ndonjëherë jo aq shumë, por gjithmonë jap gjithçka në stërvitje dhe në ndeshje”.
    Këtë sezon ka mbajtur shumë herë shiritin e kapitenit dhe roli i tij në dhomën e zhveshjes po rritet vazhdimisht: “Tani do të jem Raphinha babai, kapiteni, tipi që duhet të jetë më i përgjegjshëm. Jo se nuk isha, por me kalimin e viteve bëhesh më i pjekur. Mund të piqem edhe më shumë me ndihmën e stërvitjeve dhe ndeshjeve, shpresoj të bëhem një person dhe futbollist më i mirë”.

  • Rodrygo është ‘zhdukur’, vetëm 2 gola në vitin 2025. Braziliani, jo më i paprekshëm

    Rodrygo është ‘zhdukur’, vetëm 2 gola në vitin 2025. Braziliani, jo më i paprekshëm

    Sezoni i trazuar i Real Madridit ka fytyrën e Rodrygo Silva de Goes. Dikur i pazëvendësueshëm dhe lojtar kyç në ndeshjet më të rëndësishme, gjithmonë vendimtar kur bëhej fjalë për sfida me peshë, braziliani është zbehur muajt e fundit, duke humbur gradualisht rëndësinë në skuadrën e drejtuar nga Carlo Ancelotti.
    Rritja e Arda Güler dhe një sistem loje tepër i përqendruar rreth Mbappé e kanë detyruar të luajë rol dytësor në këtë vit 2025: vetëm 2 gola të shënuar, një në derbin e vajtjes së 1/8-ave të Ligës së Kampionëve dhe tjetri në kampionat kundër Las Palmas (më 19 janar).
    Shifra të varfra për një sulmues mbi të cilin në të kaluarën Real Madridi ishte mbështetur shumë, por sot nuk duket më i domosdoshëm apo i paprekshëm. Nëse klubi madrilen do të ketë nevojë të bëjë një shitje, mes tij dhe Vinicius, ai që mund të largohet është pikërisht 24-vjeçari nga Osasco.
    Sipas shtypit spanjoll, Xabi Alonso ka lënë të kuptohet se mund të bëjë pa të, pasi synon ta ndërtojë ekipin rreth Bellingham, Mbappé dhe Vinicius. Një situatë krejtësisht e re për Rodrygon, i cili ka luajtur 50 ndeshje në të gjitha kompeticionet (38 si titullar), duke realizuar 13 gola dhe dhënë 10 asistime, shumica e tyre para muajit shkurt.
    Tani duhet të shohë përreth dhe të kuptojë nëse ka hapësirë për largim nga “Los Blancos”. Braziliani ka kontratë deri në vitin 2028 dhe nuk i mungojnë admiruesit. Diçka mund të lëvizë në këtë drejtim pas disa javësh.
     

  • Man. City përgatit dy goditjet e para të verës: Ylli portugez dhe braziliani që po kalon momentin më të vështirë në karrierë

    Man. City përgatit dy goditjet e para të verës: Ylli portugez dhe braziliani që po kalon momentin më të vështirë në karrierë

    Edhe pse shpenzoi mbi 200 milionë euro në merkaton e janarit, sërish Manchester City nuk arriti të shpëtonte dot nga dështimi i madh këtë sezon. “Qytetarët” kanë siguruar finalen e FA Cup, ku do të përballen me Crystal Palace dhe janë ende në garë për një vend për në Champions League për sezonin e ri.
    Pep Guardiola nuk ka ndërmend ta ripërsërisë më këtë sezon, ndaj iu ka kërkuar drejtuesve të klubit të tjera përforcime në verë. Përforcimi i parë duket se do të jetë në portë. Ederson ka humbur shkëlqimin e dikurshëm, braziliani pritet të ndahet me “Qytetarët” këtë verë dhe të gjejë një destinacion të ri, që me shumë mundësi do të jetë në ligën arabe.
    Pep Gaurdiola ka piketuar zëvendësuesin ideal të Ederson, bëhet fjalë për Digo Costa-n, portierin e Porto-s. Klubi anglez ka më bërë më parë një përpjepkje për të mbyllur marrëveshjen por propozimi i tyre fillestar prej 40 milionë eurosh, midis pagesave të ndryshueshme dhe fikse, u refuzua nga pala portugeze. Drejtuesit e klubit portugez janë të vendosur se nuk do lejojnë largimin e Diogo Costa-s pa u paguar klauzola e tij e plotë që është rreth 60 milionë euro. Ndërsa objektivi i dytë i “Qytetarëve” është Lucas Paquta, për të cilin ka pasur inters konkret nga ana e City-t që merkaton e vitit të kaluar, por në fund nuk u arrit marrëveshja me est Ham.
    Por këtë herë drejtuesit e Man. City janë të vendosur për transferimin e brazilianit, marrëveshja me ëest Ham mund të mbyllet për shifrën rreth 90 milionë euro. Paqueta po kalon një moment të vështirë në karrierën e tij pasi është nën hetim ku akuzohet për pjesëmarrje në baste, braziliani dyshohet se është ndëshkuar qëllimisht me kartonë të verdhë në disa ndeshje gjatë vitit 2022-2023.
    Braziliani, nga ana e tij, do të ishte i gatshëm të merrte përsipër një sfidë të re sportive nëse vjen një ofertë që i pëlqen si në aspektin konkurrues ashtu edhe financiar. Projekti i Manchester City-t është një nga më tërheqësit në kontinent dhe Paquetá, në moshën 27-vjeçare, është në një moment ideal për të bërë një hap tjetër në karrierën e tij.

  • “Buffon vendoste baste në Serinë C. Kur luaja për Juventusin, ai…”

    “Buffon vendoste baste në Serinë C. Kur luaja për Juventusin, ai…”

    18 Prill 2025

    17:56

    Telesport

    Felipe Melo është një nga ata lojtarë që di të bëjë zhurmë jo vetëm në fushën e lojës, por edhe jashtë saj. Braziliani është tërhequr në fillim të këtij viti nga futbolli i luajtur, por sërish gjen mënyrën për të qenë aktiv, sidomos kur bën deklarata të forta.
    I ftuar së fundmi në “SportTV”, Melo ka zbuluar disa prapaskena nga koha kur luante me Juventusin, 2009-2011. Braziliani ka treguar që portieri i Juventusit, Gianluigi ishte i varur nga bastet.
    “Ne shkonim në qendër tregtare, ai vinte baste. Shkonim në kinema, ai vinte baste. Ulje para kompjuterit ose iPad-it të tij dhe vinte baste. Një ditë më pyeti “Shoku, çfarë mendon për këtë ndeshjen në Serie C braziliane. Ai vuri bast dhe mbaj mend që fitoi shumë para, por pastaj i humbi ë gjitha. Ai nuk ishte lojtari i vetëm që luante baste, kishte edhe të tjerë te Juventusi”, tha Melo.

  • Sërish i dëmtuar, Nejmar del nga fusha i përlotur

    Sërish i dëmtuar, Nejmar del nga fusha i përlotur

    Nëse ka një futbollist që spo zë ‘karar’ me problemet fizike ai është braziliani Nejmar. Ai ka dëmtuar përsëri këmbën e majtë dhe dje ai u largua nga fusha duke qarë gjatë javës së katërt të kampionatit brazilian kundër Atletiko Mineiro.

    Duke debutuar në ligë për Santosin këtë sezon, sulmuesi i ardhur nga Al Hilal, kaloi vetëm 34 minuta në fushë përpara se të detyrohej të largohej për shkak të një dëmtimi.

    Kamerat kapën monetin e dhimbjes së lojtarit. Braziliani 33-vjeçar fillimisht qëndroi në fushë, por u zëvendësua disa minuta më vonë nga argjentinasi Benjamin Rolheiser. I përlotur, Nejmar u duartrokit me zë të lartë nga tifozët e tij.

    Ndeshja e së mërkurës, e fituar 2-0 nga Santos, ishte e para e Nejmar në Brasileirao, ku ai bëri paraqitjen e tij të parë të sezonit të dielën e kaluar, duke luajtur të gjithë pjesën e dytë në ‘Maracana’ kundër Fluminense humbur 1-0.

    Vazhdo leximin