Lajmidites.com

Tag: brazili

  • “Brazili fiton Botërorin vetëm nëse Neymar është aty”

    “Brazili fiton Botërorin vetëm nëse Neymar është aty”

    2 Nëntor 2025

    12:09

    Telesport

    Legjenda e futbollit, Romario, ka folur për shanset e kombëtares së Brazilit për të fituar Kupën e Botës 2026. Edhe pse 5 herë kampionë bote dhe me skuadër të shkëlqyer, besimi nuk është i madh.
    “Probabiliteti, sado i vogël, që Brazili të jetë kampion i Kupës së Botës vitin e ardhshëm do të jetë i mundur vetëm nëse Neymar zbret në fushë. Nëse ai luan, po”, ka deklaruar Romario.
    Deri tani, ish-ylli i Barcelonës dhe PSG nuk ka bërë asnjë paraqitje për Brazilin që kur Carlo Ancelotti mori timonin e ekipit.
    Titulli i fundit i fituar nga Selecao është në vitin 2002.

  • Statistika të pabesueshme me trajnerin italian, Ancelotti ka gjetur “Toni Kroos e ri” te Brazili

    Statistika të pabesueshme me trajnerin italian, Ancelotti ka gjetur “Toni Kroos e ri” te Brazili

    14 Tetor 2025

    10:44

    Alfred Lleshi

    Brazili po përshpejton drejt Botërorit 2026. Mini-cikli i Carlo Ancelottit ka sjellë frymë të re te “Seleção”, pas tri vitesh të vështira. Nën drejtimin e “Carlinhos”, siç e quajnë me dashuri teknikun italian, Brazili ka rigjetur stabilitetin dhe identitetin. Në qendër të këtij projekti qëndron një figurë; Bruno Guimarães.
    Mesfushori i Newcastle është i vetmi që ka luajtur titullar në 5 ndeshjet me Ancelottin, duke u bërë shtylla e kombëtares. Statistikat flasin qartë: 67% duele të fituara, 5 topa të rikuperuar për ndeshje, 87% saktësi pasimesh, një gol dhe një asist në 439 minuta lojë. Për shumëkënd, “Brazili i së ardhmes do të jetë Bruno dhe 10 të tjerë”.
    “Ancelotti më ka dhënë besim, po jetoj momentin më të mirë timin me kombëtaren”, – tha Bruno, i cili pritet të bëhet një nga kapitenët e 5 herë kampionëve të botës. Vetë Ancelotti e kishte kërkuar që në kohën e Real Madridit për të zëvendësuar Casemiron. Sot e ka më në fund nën urdhrat e tij. Bruno është “zgjatimi” i Ancelottit në fushë; ai që mendon, organizon dhe udhëheq. Me të, Brazili ka rigjetur ekuilibrin dhe besimin për triumf më 2026.

  • Tension te Brazili, Neymar përgënjeshtron Ancelottin për mos thirrjen e tij në kombëtare

    Tension te Brazili, Neymar përgënjeshtron Ancelottin për mos thirrjen e tij në kombëtare

    1 Shtator 2025

    12:40

    Alfred Lleshi

    Periudha inauguruese e Carlo Ancelottit si trajner i Brazilit ka hasur “turbulencat” e para. Pas barazimit 0-0 ndaj Fluminense, Neymar folirreth mungesës së tij në listë për ndeshjet kundër Kilit dhe Bolivisë. Ylli brazilian u shpreh se vendimi i trajnerit italian ishte “teknik” dhe nuk kishte lidhje me gjendjen e tij fizike.
    Megjithatë, versioni i Ancelottit ishte ndryshe. Në momentin e shpalljes së listës, italiani theksoi se Neymar kishte pasur një problem të vogël fizik, ndaj nuk kishte arsye të rrezikohej në këto sfida, pasi Brazili tashmë është i kualifikuar për Botërorin 2026.
    Ky interpretim i ndryshëm mes lojtarit dhe trajnerit ka ndezur diskutime në media, duke shtuar presionin mbi Ancelottin në fillimin e aventurës së tij me “Seleçãon”. Neymar, i cili mbetet një nga figurat më të rëndësishme të kombëtares braziliane, duhet të rikthehet në 100% të formës për të qenë pjesë e kompeticionit më të madh, Botërorit të vitit të ardhshëm.

  • Brazili publikon listën zyrtare për dy ndeshjet e radhës, Barcelona acarohet me Ancelotti-n

    Brazili publikon listën zyrtare për dy ndeshjet e radhës, Barcelona acarohet me Ancelotti-n

    26 Gusht 2025

    18:12

    Telesport

    Ditën e djeshme, Brazili ka publikuar listën me futbollistët e grumbulluar për dy sfidat e radhës eliminatore për Kupën e Botës 2026, por “Selecao” e ka siguruar kualifikimin.
    Në këtë listë ra në sy lënia jashtë e tre lojtarëve të Real Madrid: Eder Miliato, Vinicius Junior dhe Rodrygo. Carlo Ancelotti ka zbuluar se i ka lënë jshtë tre lojtarët në fjalë për të pushuar.
    Ky vendim i Ancelotti-t nuk është pritur mirë nga Barcelona, pasi lojtari i tyre kryesor, Raphinha, është grumbulluar dhe do luajë në këto dy ndeshje. Drejtuesit e Barcelonës e kanë konsideruar si të padrejtë këtë gjë nga Ancelotti. Megjithatë, deri tani nuk ka pasur ndonjë reagim nga ana e Ancelotti-t për këtë akuzë të Barcelonës.

  • Brazilianët protestë kundër tarifave të Trump, djegin dollarët amerikanë të falsifikuar

    Brazilianët protestë kundër tarifave të Trump, djegin dollarët amerikanë të falsifikuar

    Brazilianët në Sao Paolo protestuan kundër tarifave të presidentit amerikan Donald Trump përpara ambasadës amerikane
    Vendi përballet me një nga normat më të larta, 50% për shumë eksporte.
    Qeveria e Brazilit ka bërë me dije se do të njoftojë disa masa emergjente javën e ardhshme për të ndihmuar bizneset të përballen me tarifat prej 50% që ka vendosur Trump.
    Disa produkte si lëngu i portokallit dhe disa vajra, të cilat tashmë i nënshtrohen tarifave sektoriale, janë të përjashtuara. Por disa nga eksportet më të mëdha të Brazilit, si mishi i viçit dhe kafeja, do të vazhdojnë të preken. Brazili është eksportuesi më i madh i kafesë dhe SHBA-të marrin rreth një të tretën e kafesë së tyre, analizon BBC.
    Ministri i Financave i Brazilit, Fernando Haddad, u tha gazetarëve se qeveria po finalizon shifrat, duke përfshirë shumat e nevojshme për të ndihmuar kompanitë e prekura, por se shpenzimet do të jenë në përputhje me rregullat fiskale lokale.
    Ky është një tjetër shenjë se Brazili nuk po i nënshtrohet presionit që Trump po përpiqet të ushtrojë – i cili është politik, jo ekonomik.
    SHBA-të i shesin më shumë Brazilit sesa blejnë, por Trump i ka paraqitur këto tarifa si hakmarrje për gjyqin e aleatit të tij – ish-presidentit brazilian të krahut të djathtë Jair Bolsonaro. Bolsonaro përballet me akuza për planifikimin e një grushti shteti pasi humbi zgjedhjet e fundit, të cilat ai i mohon.
    Këto tarifa dhe masa të tjera ishin hartuar për të ushtruar presion mbi autoritetet braziliane, por kjo nuk duket se po funksionon. Presidenti i Brazilit ka këmbëngulur që gjyqësori është i pavarur, se Brazili nuk do të frikësohet dhe ka kërkuar negociata.
    Nuk ka asnjë shenjë përparimi në këtë drejtim tani për tani. Në vend të kësaj, duket se qeveria e Brazilit planifikon të përpiqet të mbështesë vetë bizneset ndërkohë.

  • SHBA vendosi tarifa prej 50%, presidenti Lula sfidon Trump: Brazili nuk do të përkulet

    SHBA vendosi tarifa prej 50%, presidenti Lula sfidon Trump: Brazili nuk do të përkulet

    Presidenti brazilian Luiz Inácio Lula da Silva ka reaguar ashpër ndaj vendimit të presidentit amerikan Donald Trump për vendosjen e tarifave 50% ndaj Brazilit, duke theksuar se nuk do të frikësohet dhe se vendi i tij do të veprojë si një shtet sovran.

    Tarifat pritet të hyjnë në fuqi javën e ardhshme, si pjesë e një vendimi të nënshkruar nga Trump këtë të mërkurë. Presidenti amerikan ka justifikuar masën si përgjigje ndaj një “gjuetie shtrigash” të supozuar kundër aleatit të tij të ekstremit të djathtë, ish-presidentit Jair Bolsonaro, i cili përballet me akuza të rënda për komplot ndaj shtetit pas humbjes së zgjedhjeve në vitin 2022.
    Në një intervistë për New York Times, Lula u shpreh se SHBA-ja dhe Brazili nuk duhet të kenë një marrëdhënie “humbëse”, duke shtuar se vendi i tij nuk do të negociojë me frikë:
    “Nuk ka arsye për t’u frikësuar. Brazili nuk do të sillet si një vend i vogël. Do të negociojmë si një komb sovran,” u shpreh ai.
    Ai tha se është i hapur për negociata, por se nuk do të pranojë presion politik që cenon drejtësinë. Lula theksoi se çështja e Bolsonaros është në duart e gjyqësorit dhe se procesi ndaj tij po zhvillohet në përputhje me kushtetutën.
    Vendimi i Trump për të përfshirë fatin e Bolsonaros si pjesë të arsyetimit për vendosjen e tarifave ka ndezur debat në të dyja vendet. Ekspertët besojnë se ky qëndrim është reflektim i përvojës personale të Trump me drejtësinë në SHBA dhe përpjekjet për të përmbysur rezultatin e zgjedhjeve të 2020-ës.
    Megjithatë, Lula nuk e përjashton mundësinë e një tërheqjeje nga pala amerikane, duke e krahasuar situatën me panikun e viteve 2000 për virusin e mijëvjeçarit:
    “Të gjithë prisnin katastrofë… por asgjë nuk ndodhi,” tha ai, ndërsa theksoi se nuk mund të garantojë të njëjtin skenar.
    Tarifat e reja rrezikojnë të thellojnë tensionet tregtare mes dy prej ekonomive më të mëdha të Amerikës dhe të trazojnë marrëdhëniet diplomatike SHBA–Brazil në një moment të ndjeshëm ndërkombëtar.

    Top Channel

  • Neto nga Brazili te Besa, kavajasit ndihen ‘top’

    Neto nga Brazili te Besa, kavajasit ndihen ‘top’

    Njoftimi i Besës:

    Bianor Neto verdhezi

    Ju njoftojme se kemi arritur marreveshje me qender mbrojtesin brazilian Bianor Neto , i cili bashkohet me ne per aventuren e re ne futbollin shqiptar .

    Mbrojtesi vjen pas aventures ne kampionatin tailandez dhe pritet te jete nje vlere e shtuar per ekipin tone

    Vazhdo leximin

  • Shefi i NATO-s: Brazili, Kina dhe India mund të goditen rëndë nga sanksionet

    Shefi i NATO-s: Brazili, Kina dhe India mund të goditen rëndë nga sanksionet

    Sekretari i përgjithshëm i NATO-s, Mark Rutte paralajmëroi sot se vende si Brazili, Kina dhe India mund të goditen shumë rëndë nga sanksionet nëse vazhdojnë të bëjnë biznes me Rusinë.
    Deklarata e Rutte erdhi gjatë një takimi me senatorët në Kongresin e SHBA-së – një ditë pasi presidenti amerikan, Donald Trump njoftoi dërgimin e armëve të reja në Ukrainë.
    Gjithashtu, Trump paralajmëroi se do të vendoste tarifa të reja “të ashpra” prej 100% për blerësit e eksporteve ruse, nëse nuk arrihej një marrëveshje paqeje brenda 50 ditësh.
    Sekretari i përgjithshëm i NATO-s, Mark Rutte u takua dje me presidentin amerikan, Donald Trump – si pjesë e vizitës së tij dyditore në Uashington

  • Tarifat ndaj Brazilit, konsumatorët amerikanë do ta paguajnë më shtrenjtë kafenë dhe lëngun e portokallit

    Tarifat ndaj Brazilit, konsumatorët amerikanë do ta paguajnë më shtrenjtë kafenë dhe lëngun e portokallit

    Konsumatorët amerikanë do të përballen me rritje të ndjeshme të çmimeve për artikuj të caktuar, të tillë si kafeja dhe lëngu i portokallit, nëse administrata Trump vazhdon të vendosë një tarifë prej 50% për importet nga Brazili, thonë tregtarët dhe analistët ekonomikë.

    Ata vlerësojnë se niveli i tarifave të vendosura nga Presidenti Trump do të çojë në ndërprerjen e rrjedhës së kafesë braziliane në Shtetet e Bashkuara, pasi as kompanitë amerikane dhe as eksportuesit brazilianë nuk do të jenë në gjendje të kapërcejnë hendekun që do të rezultojë.
    Presidenti amerikan njoftoi të mërkurën se do të rriste tarifat për produktet braziliane nga 10% në 50% duke filluar nga 1 gushti, pavarësisht faktit se SHBA-të kanë një suficit tregtar prej 7.4 miliardë dollarësh me Brazilin.
    Rreth një e treta e kafesë së konsumuar në Shtetet e Bashkuara, tregu më i madh i kafesë në botë, vjen nga Brazili – i cili vitin e kaluar eksportoi 8.14 milionë qese 60 kg në SHBA, një rritje prej 30% nga viti 2023, sipas shoqatës së eksportuesve brazilianë Cecafé.
    “Një tarifë e asaj madhësie do ta ndërpriste atë fluks. Eksportuesit brazilianë nuk do ta përthithin atë. Dhe as bizneset amerikane nuk mund ta bëjnë këtë”, thotë konsulenti i investimeve Michael Nugent. “Si përfundim: Brazili do ta shesë kafenë e tij diku tjetër dhe SHBA-të do të blejnë kafe nga vende të tjera – Kolumbia, Hondurasi, Peruja, Vietnami – por jo në sasinë ose me çmimin e kafesë braziliane”, shtoi ai.
    Ndërkohë, më shumë se 50% e lëngut të portokallit të shitur në SHBA vjen gjithashtu nga Brazili. Vendi i Amerikës së Jugut eksporton gjithashtu sheqer, lëndë drusore, naftë dhe produkte nafte.
    Sekretari i Tregtisë i SHBA-së, Howard Latnick, tha muajin e kaluar gjatë një seance dëgjimore në Kongres se disa mallra që nuk janë të disponueshme në SHBA, siç janë frutat tropikale dhe erëzat, mund të përjashtohen potencialisht nga tarifat, pas negociatave me vendet që i eksportojnë ato.
    SHBA-të prodhojnë vetëm një përqindje të vogël të kafesë së konsumuar në vend, në fermat në Hawaii dhe Kaliforni. Në vitet e fundit, varësia nga lëngu i portokallit i importuar është rritur për shkak të klorozës së përhapur të agrumeve, dhe periudhave të zgjatura të të ftohtit.
    Një raport i kohëve të fundit nga Departamenti i Bujqësisë i SHBA-së parashikoi se korrja e portokallit në SHBA do të bjerë këtë vit në nivelin më të ulët në 88 vjet, dhe për këtë arsye prodhimi i lëngut të portokallit do të arrijë në një nivel historik të ulët.

    Top Channel

  • SHBA/ Tarifat ndaj Brazilit sjellin rritjen e çmimit të kafesë dhe lëngut të portokallit

    SHBA/ Tarifat ndaj Brazilit sjellin rritjen e çmimit të kafesë dhe lëngut të portokallit

    Konsumatorët amerikanë mund të përballen me rritje të ndjeshme çmimesh për produkte bazë si kafeja apo lëngu i portokallit, nëse vazhdon plani i tarifave 50% mbi importet nga Brazili. Kështu paralajmërojnë tregtarët dhe analistët ekonomikë.

    Ekspertët vlerësojnë se kjo tarifë, e cila do të hynte në fuqi më 1 gusht, do të ndërpresë praktikisht furnizimin me kafe braziliane drejt SHBA-ve, pasi as eksportuesit brazilianë dhe as blerësit amerikanë nuk do të jenë në gjendje të përballojnë koston shtesë.

    Aktualisht, SHBA importon rreth një të tretën e kafesë së konsumuar nga Brazili, që vetëm vitin e kaluar eksportoi 8.14 milionë thasë me nga 60 kg drejt tregut amerikan, një rritje prej 30% krahasuar me vitin 2023, sipas të dhënave nga Shoqata Braziliane e Eksportuesve të Kafesë (Cecafe).

    “Një tarifë kaq e lartë do ta ndalte këtë furnizim. Eksportuesit brazilianë nuk mund ta përballojnë dhe as tregtarët amerikanë,” deklaroi këshilltari financiar Michael Nagend. “Në fund të fundit, Brazili do ta shesë kafenë diku tjetër, ndërsa SHBA do të detyrohet të blejë nga vende si Kolumbia, Hondurasi, Peruja apo Vietnami – por jo në sasinë dhe çmimin që ofron Brazili,” shtoi ai.

    Po ashtu, më shumë se 50% e lëngut të portokallit që shitet në SHBA vjen nga Brazili. Ky vend i Amerikës së Jugut eksporton gjithashtu sasi të mëdha sheqeri, druri, nafte dhe nënprodukte të saj drejt tregut amerikan.

    Sekretari amerikan i Tregtisë, Hoëard Lutnick, deklaroi muajin e kaluar në një seancë në Kongres se disa produkte të cilat nuk prodhohen në SHBA, si frutat tropikale apo erëzat – mund të përjashtohen nga tarifat, përmes negociatave me vendet eksportuese.

    SHBA prodhon vetëm një sasi shumë të vogël të kafesë së konsumuar, kryesisht në Haëai dhe Kaliforni. Në vitet e fundit, varësia nga importet e lëngut të portokallit është rritur ndjeshëm për shkak të sëmundjeve që kanë prekur agrumet, cikloneve dhe periudhave të gjata me të ftohtë.

    Sipas një raporti të fundit të Departamentit Amerikan të Bujqësisë, prodhimi i portokalleve në SHBA këtë vit pritet të bjerë në nivelin më të ulët të 88 viteve të fundit, çka do të çojë edhe prodhimin e lëngut të portokallit në një rekord historikisht të ulët. Syri.net-iefimerida