Një ngjarje e rëndë ka tronditur produksionin e serialit të njohur “Emily in Paris”. Ndihmës-regjisori Diego Borella ka ndërruar jetë në moshën 47-vjeçare pas një incidenti gjatë xhirimeve në Venecia.
Sipas mediave lokale, ngjarja ndodhi të enjten rreth orës 19:00 pranë Hotel Danieli, ku ekipi po realizonte skena për sezonin e pestë. Borella u rrëzua papritur në set dhe, pavarësisht ndërhyrjes së menjëhershme të mjekëve, ai u shpall i vdekur si pasojë e një “sulmi të papritur në zemër”.
Paramount Television Studios konfirmoi lajmin, duke shprehur ngushëllimet më të thella për familjen dhe të afërmit e tij. “Humbja e Diego Borellës është një tronditje e madhe për ne. Ai ishte një profesionist i jashtëzakonshëm dhe një pjesë e çmuar e ekipit tonë”, u shprehën përfaqësuesit e studios.
Pas tragjedisë, xhirimet e serialit u pezulluan për disa ditë, për t’u rifilluar më pas të shtunën. Sezoni i pestë i “Emily in Paris”, me protagonistë Lily Collins, Philippine Leroy-Beaulieu, Ashley Park dhe Lucas Bravo, ka nisur xhirimet në Romë, vijuar më pas në Paris dhe aktualisht po zhvillohen në Venecia.
Ngjarja ka lënë një hije trishtimi mbi kastin dhe ekipin realizues, që po e përjetojnë këtë humbje si një moment tejet të dhimbshëm.
Tag: borella
-
Tragjedi në xhirimet e “Emily in Paris”: Ndërron jetë ndihmës-regjisori Diego Borella
-
Tragjedi gjatë xhirimeve të “Emily in Paris”, vdes në Venecia ndihmësregjisori Diego Borella
Ndihmësregjisori i “Emily in Paris” ka ndërruar jetë gjatë xhirimeve të sezonit të 5-të në Venecia.
47-vjeçari Diego Borella u rrëzua përpara stafit të xhirimeve ndërsa përgatitej për skenat e fundit, duke bërë që xhirimet të ndërpriteshin përkohësisht.
Sipas La Repubblica, mjekët mbërritën me urgjencë në hotelin Danieli rreth orës 19:00 të enjten, më 14 gusht, por nuk arritën ta ringjallnin. Gazeta raportoi se vdekja e tij ka të ngjarë të jetë shkaktuar nga një atak kardiak.
Borella kishte lindur në Venecia në vitin 1978. Ai ishte një regjisor dhe shkrimtar i njohur, i cili kishte studiuar në Romë, Londër dhe Nju Jork. Në rrjetet sociale, ai shpërndante punimet e tij në fushën e tregimeve dhe dramave.Xhirimet për sezonin e pestë të “Emily in Paris” filluan më 15 gusht në Venecia dhe ishin planifikuar të përfundonin të hënën. Pavarësisht humbjes së ndihmësregjisorit, Netflix ka konfirmuar se sezoni i ri do të ketë premierën më 18 dhjetor. Sipas gazetës spanjolle El Mundo, Borella u shpall i vdekur në orën 19:30, pasi përpjekjet për ta ringjallur rezultuan të pasuksesshme.
Emily In Paris ‘assistant director dies during filming for fifth season of hit Netflix show in Venice’ https://t.co/v3kscKnLQy
— Daily Mail Celebrity (@DailyMailCeleb) August 23, 2025Miku i tij i ngushtë, Mattia Bertoton, i dha lamtumirën me fjalë prekëse: “Kam kujtime të bukura për Diegon. Ai ishte një djalë i pashëm, elegant dhe me shumë stil. Herën e fundit që u takuam ishte në një darkë në Paris, së bashku me shoqen e tij më të mirë, e cila është edhe mikja ime. E telefonova të enjten – ishte e shkatërruar. Diego kishte një sens të shkëlqyer humori, ishte brilant dhe shumë i talentuar. Jeta e tij u ndërpre në mes, kështu që nuk ka shumë fjalë. Vetëm një trishtim i madh.”
Sezoni i pestë, me Lily Collins në rolin e Emily Cooper, do të zhvendosë ngjarjet në një qytet të ri – Romën – duke vazhduar aventurën evropiane të heroinës. Seriali ndjek jetën profesionale dhe personale të një amerikaneje që fillon një karrierë të re në Paris si stratege e mediave sociale.Top Channel