Lajmidites.com

Tag: bllokuar

  • Indonezi/ Zjarr i madh në një ndërtesë shtatëkatëshe në Xhakarta, 17 të vdekur dhe dhjetëra të bllokuar në godinë

    Indonezi/ Zjarr i madh në një ndërtesë shtatëkatëshe në Xhakarta, 17 të vdekur dhe dhjetëra të bllokuar në godinë

    Një zjarr ka përfshirë të dielën një ndërtesë shtatëkatëshe në kryeqytetin indonezian, Xhakartë, duke shkaktuar të paktën 17 viktima. Lajmi u konfirmua nga radioja lokale Kompas TV, e cila raportoi se disa persona të tjerë vijojnë të jenë të bllokuar brenda godinës.

    Zjarri tashmë është shuar, ndërsa ekipet e shpëtimit po vazhdojnë operacionet për evakuimin e plotë të ndërtesës.

    Objekti ku ndodhi ngjarja strehon zyrat e Terra Drone Indonesia, kompani që ofron shërbime me dronë për mbikëqyrje ajrore, me një gamë klientësh që përfshin bujqësinë dhe industrinë minerare.

    Pamjet e transmetuara nga Kompas TV tregojnë dhjetëra zjarrfikës që ndërhyjnë për të shpëtuar personat e mbetur në ndërtesë, si dhe ekipe të tjera që transportojnë trupat e viktimave jashtë godinës.

    Innalillahi. Gedung Terra Drone di Kemayoran kebakaran, diduga 17 orang meninggal dunia. pic.twitter.com/zCwtsTJAo8— Bang Gatse (@gatse8) December 9, 2025

  • Fermerët në Greqi përshkallëzojnë protestat: Bllokada të autostradave, porteve dhe zyrave doganore

    Fermerët në Greqi përshkallëzojnë protestat: Bllokada të autostradave, porteve dhe zyrave doganore

    Fermerët në Greqi vazhdojnë bllokada në pjesë të ndryshme të vendit, ndërsa kolegët e tyre nga Kreta nisën sot demonstrata të ngjashme. Ata po ndërpresin trafikun në autostrada dhe në zyrat doganore të Greqisë veriore. Plani parashikon gjithashtu bllokimin e portit të Volosit të mërkurën, si nga toka ashtu edhe nga deti, ndërsa porti i Selanikut pritet të bllokohet në 24 orët e ardhshme.

    Vasilis Mavroskas, një fermer nga Epanomi, tha për bllokadën e “Dritave të Gjelbra” pranë aeroportit “Maqedonia”: “Konsideroni se porti është bllokuar tashmë. Këto punë nuk bëhen nga një ditë në tjetrën, por konsideroni se porti është i bllokuar tashmë.”

    Në Karditsa, rreth 25 traktorë dhe qindra fermerë u mblodhën para zyrës së Ministrit të Zhvillimit Rural, Costas Tsiaras, por u përballën me barriera të policisë, duke rezultuar në kundërprotesta.

    LEXO EDHE: Qeveria Mitsotakis kërkon dialog, por prodhuesit mbeten të vendosur: Pa zgjidhje konkrete, nuk tërhiqemi

    Në Thesali, autostrada kombëtare pranë Nikeas mbetet e bllokuar, dhe fermerët nuk do të tërhiqen pa marrë përgjigje për kërkesat e tyre. Të mërkurën, 10 dhjetor, fermerët do të bashkohen me peshkatarët e Magnezisë për të bllokuar portin e Volosit. Ndërsa të enjten, 11 dhjetor, do të zhvillohet një tubim pan-Larisës në bllokadën e Nikeas.

    Fermerët e Thesalisë Perëndimore vazhdojnë bllokadat në Karditës dhe Trikalës, duke shtuar traktorë të rinj çdo ditë, ndërsa paralajmërojnë për përshkallëzim të mobilizimeve.

    Edhe në Greqinë Qendrore, fermerët bllokojnë rrugët anësore në Bralos, Atalanti, Kastros, Thiva dhe Domokos, duke ndaluar trafikun në momente të caktuara gjatë ditës.

    Në Peloponez, fermerët dhe blegtorët kanë bllokuar autostradat Patra-Pirgos dhe Patra-Korinth, si dhe ura dhe kryqëzime në Aigio dhe Pirgos, ndërsa veprimet vijojnë çdo ditë për një kohë të shkurtër.

    Në Selanik dhe Halkidikë, fermerët qëndrojnë te “Dritat e Gjelbra”, ku rruga është mbyllur nga policia. Mavroskas tha: “Ne vazhdojmë pasi kemi një qeveri të pandjeshme. Nuk do të largohemi. 

  • Policia ndalon shoferin nga Gjirokastra, transportone zhavorr edhe pse firma ishte bllokuar nga IKMT

    Policia ndalon shoferin nga Gjirokastra, transportone zhavorr edhe pse firma ishte bllokuar nga IKMT

    Drejtoria Vendore e Policisë Gjirokastër njofton se specialistët për Hetimin e Krimeve të Komisariatit Gjirokastër kanë referuar materialet në Prokurori ndaj shtetasit D. A., 47 vjeç, banues në Gjirokastër.
    Procedimi penal ka nisur pasi, në aksin rrugor “Gjirokastër–Kakavijë”, punonjësit e IKMT kanë konstatuar një kamion të ngarkuar me zhavorr, ndonëse aktiviteti i firmës së lidhur me transportin e materialit ishte i bllokuar nga IKMT.
    Materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, e cila do të kryejë veprimet e mëtejshme hetimore.

  • Kaos në aksin Tiranë–Elbasan: Makinat e bllokuara për kilometra të tëra

    Kaos në aksin Tiranë–Elbasan: Makinat e bllokuara për kilometra të tëra

    Një fluks i madh automjetesh ka bllokuar këtë të premte aksin Tiranë–Elbasan, duke shkaktuar kaos të plotë në qarkullim dhe duke paralizuar hyrjen e qytetit të Elbasanit.
    Trafiku i rënduar është shtrirë që nga Tuneli i Krrabës e deri në rrethrrotullimin e Bradasheshit, ndërsa situata është përkeqësuar ndjeshëm në afërsi të qytetit, ku lëvizja e mjeteve është thuajse e pamundur.
    Pavarësisht paralajmërimeve të vazhdueshme për rritjen e fluksit gjatë fundjavave, autoritetet duket se sërish janë kapur të papërgatitura. Raportohet se kolonat e makinave lëvizin me ritëm minimal dhe se në disa momente qarkullimi është bllokuar plotësisht për disa minuta.
    Ndërkohë prania e policisë nuk ndihmon aspak situatën teksa gjenden aty vetëm si spektatorë duke ngritur pikëpyetje mbi aftësinë e strukturave shtetërore për të menaxhuar situata të tilla.
    Ky aks konsiderohet prej vitesh një nga më problematikët në vend, ndërsa investimet e premtuara për zgjerim dhe modernizim kanë mbetur në letër.
    Ndërkohë, qytetarët e bllokuar në trafik shprehen të irrituar, duke theksuar se situata përsëritet çdo fundjavë dhe se institucionet reagojnë vetëm me deklarata, jo me zgjidhje konkrete.

    Për ta, kjo është një tjetër pasojë e neglizhencës së autoriteteve dhe mungesës së përgjegjshmërisë në menaxhimin e trafikut dhe infrastrukturës rrugore.

  • AKU bllokon 51 ton me misër që vinte nga Serbia: Ishin me Aflatoksinë!

    AKU bllokon 51 ton me misër që vinte nga Serbia: Ishin me Aflatoksinë!

    AKU ka bllokuar sot dy ngarkesa me misër që po vinte nga Serbia, pasi ka rezultuar se është i infektuar me Aflatoksinë. Ngarkesë që shkonte deri në 51 ton në total. Këtë e bën të ditur në një njoftim për mediat nga AKU. Njëra prej ngarkesave është kthyer mbrapsht, kurse tjetra është bllokuar këtu.
    Njoftimi i AKU
    Autoriteti Kombëtar i Ushqimit, në vijim të transparencës dhe informimit të publikut, bën me dije se në zbatim të legjilacionit në fuqi dhe Planit Vjetor të Kontrolleve Zyrtare në Pikat e Inspektimit Kufuar ka kryer mostrimin në dy ngarkesa me misër, ushqim për kafshë, të ardhura nga Serbia, të cilat pas kryerjes të analizimit laboratorik, janë konfirmuar me prani të Aflatoksinës B1.
    Për këtë arsye, njëra nga ngarkesat, është kthyer në vendin e origjinës, ndërsa ngarkesa tjetër është bllokuar me destinacion asgjesimin.
    AKU garanton opinionin publik se çdo produkt ushqimor i importuar, i nënshtrohet kontrolleve rigoroze për të garantuar produkte të sigurta ushqimore në mbrojtje të shëndetit të konsumatorëve.

  • Bllokohet 51 ton misër nga Serbia, rezultuan me aflatoksinë/ Shkon në 15 numri i kamionëve të ndaluar

    Bllokohet 51 ton misër nga Serbia, rezultuan me aflatoksinë/ Shkon në 15 numri i kamionëve të ndaluar

    51 ton misër për konsumin e kafshëve, që vinte nga Serbia është bllokuar, pasi ka rezultuar me aflatoksinë.

    Kjo sasi është pjesë e 15 kamionëve me misër të bllokuar në Han të Hotit, që në total po analizohen mbi 500 ton.
    Aflatoksina B1 konsiderohet ndër më të rrezikshmet nga klasa e nykotosinave, pasi dyshohet se shkakton kancer.
    “Autoriteti Kombëtar i Ushqimit, në vijim të transparencës dhe informimit të publikut dhe në zbatim të legjilacionit në fuqi bën me dije se bazuar Planit Vjetor të Kontrolleve Zyrtare, në Pikën Inspektimit Kufitar Hani Hotit ka kryer mostrimin në dy ngarkesa me misër, ushqim për kafshë, origjina Serbi, të cilat pas kryerjes së analizimit laboratorik, janë konfirmuar me prani të Aflatoksinës B1.
    Informojmë se njëra nga ngarkesat, është kthyer në vendin e origjinës, ndërsa ngarkesa tjetër është bllokuar në ambientet e subjektit me destinacion asgjësimin”, thuhet në njoftimin e AKU.

    Top Channel

  • AKU kthen 51 ton misër të ardhur nga Serbia: Rezultoi me aflatoksinë

    AKU kthen 51 ton misër të ardhur nga Serbia: Rezultoi me aflatoksinë

    misri i bllokuar

    TIRANË-Autoriteti Kombëtar i Ushqimit ka konstatuar prani të aflatoksinës B1 në dy ngarkesa misri, me një sasi totale prej 51 tonësh, të importuara nga Serbia dhe të destinuara për ushqim kafshësh. Analizat laboratorike kanë konfirmuar praninë e Aflatoksinës B1, një mykotoksinë e dëmshme për shëndetin.
    Nga totali prej 51 tonësh, njëra ngarkesë është kthyer në Serbi, ndërsa tjetra është bllokuar dhe do të asgjësohet sipas protokolleve të sigurisë ushqimore. Sasia prej 51 tonësh është pjesë e 15 kamionëve me misër të bllokuar në Han të Hotit, që në total po analizohen mbi 500 ton.
    Njoftimi i AKU: Autoriteti Kombëtar i Ushqimit, në vijim të transparencës dhe informimit të publikut dhe në zbatim të legjilacionit në fuqi bën me dije se bazuar Planit Vjetor të Kontrolleve Zyrtare, në Pikën Inspektimit Kufitar Hani Hotit ka kryer mostrimin në dy ngarkesa me misër, ushqim për kafshë, origjina Serbi, të cilat pas kryerjes së analizimit laboratorik, janë konfirmuar me prani të Aflatoksinës B1. Informojmë se njëra nga ngarkesat, është kthyer në vendin e origjinës, ndërsa ngarkesa tjetër është bllokuar në ambientet e subjektit me destinacion asgjësimin. AKU garanton opinionin publik se çdo produkt ushqimor i importuar, i nënshtrohet kontrolleve rigoroze për të garantuar produkte të sigurta ushqimore në mbrojtje të shëndetit të konsumatorëve.
    Kujtojmë se bllokim të ngarkesave me misër të ardhur nga Serbia janë bërë në Shkodër dhe Elbasan, me qëllim kryerjen e analizave laboratorike. Ndërkohë, autoritetet kanë bllokuar edhe një fermë në fshatin Trush, pasi nga sistemi i gjurmueshmërisë ka rezultuar se ajo furnizohej me misër blegtoral nga subjekti i ndaluar në doganë./ZËRI

  • Vinin nga Serbia/ 51 ton misër bllokohen nga AKU, ishin me Aflatoksinë

    Vinin nga Serbia/ 51 ton misër bllokohen nga AKU, ishin me Aflatoksinë

    AKU ka bllokuar sot dy ngarkesa me misër që po vinte nga Serbia, pasi ka rezultuar se është i infektuar me Aflatoksinë. Ngarkesë që shkonte deri në 51 ton në total. Këtë e bën të ditur në një njoftim për mediat nga AKU. Njëra prej ngarkesave është kthyer mbrapsht, kurse tjetra është bllokuar këtu.
    Njoftimi i AKU
    Autoriteti Kombëtar i Ushqimit, në vijim të transparencës dhe informimit të publikut, bën me dije se në zbatim të legjilacionit në fuqi dhe Planit Vjetor të Kontrolleve Zyrtare në Pikat e Inspektimit Kufuar ka kryer mostrimin në dy ngarkesa me misër, ushqim për kafshë, të ardhura nga Serbia, të cilat pas kryerjes të analizimit laboratorik, janë konfirmuar me prani të Aflatoksinës B1.
    Për këtë arsye, njëra nga ngarkesat, është kthyer në vendin e origjinës, ndërsa ngarkesa tjetër është bllokuar me destinacion asgjesimin.
    AKU garanton opinionin publik se çdo produkt ushqimor i importuar, i nënshtrohet kontrolleve rigoroze për të garantuar produkte të sigurta ushqimore në mbrojtje të shëndetit të konsumatorëve.

  • VIDEOT-Stuhia në Greqi, ja skenat dramatike/ Rryma tërheq makinën, momenti kur familja shpëtohet nga mbytja

    VIDEOT-Stuhia në Greqi, ja skenat dramatike/ Rryma tërheq makinën, momenti kur familja shpëtohet nga mbytja

    Moti i keq ka gjunjëzuar Greqinë me stuhinë “Vyron”, ku shirat e rrëmbyeshëm kanë përmbytur vendin fqinj, duke shkaktuar dëme katastrofike gjithandej. 
    Skena dramatike po zhvillohen në zonat e Lakonisë dhe Bashkisë së Manit Lindor, ku ekipet e EMAK-ut po shpëtojnë vazhdimisht qytetarët nga shtëpitë dhe automjetet e përmbytura, duke i shpëtuar njerëzit nga rreziku i mbytjes. 
    Në Skala Lakonia, burrat e EMAK-ut shpëtuan tre persona në minutën e fundit nga një automjet që ishte bllokuar dhe i zhytur nga ujërat. Pasagjerët u nxorën nga makina, e cila ishte fundosur në një zonë të përmbytur, me imazhe të operacionit të kapura në video. 
    Pamjet e shpërndara u bënë shumë shpejt virale, teksa dallohet një rrymë e fortë thithëse e ujit në formë spirale që tërheq gjithçka dhe makina e mbetur në mes të rrjedhës. 
    Materiali përkatës i publikuar nga Forecast Weather Greece regjistron përpjekjet e ekipeve të shpëtimit në kushte veçanërisht të vështira, me rrjedhje të fortë uji dhe dukshmëri të kufizuar, ndërsa ata i afrohen automjetit dhe largojnë në mënyrë të sigurt personat e bllokuar. 
    Autoritetet kanë urdhëruar mbylljen e të gjitha shkollave për ditën e nesërme dhe deri në përmirësimin e plotë të motit, ku do ketë njoftim të dytë zyrtar. 

     
     

  • Pezullimi i Ballukut, Rama: Janë bllokuar punët publike

    Pezullimi i Ballukut, Rama: Janë bllokuar punët publike

    Ndërsa në Kuvend u debatua për pezullimin e Belinda Ballukut nga detyra, kryeministri Edi Rama iu përgjigjet në distancë.
    Kreu i qeverisë thotë se nuk po ndërhyn në punën e gjykatësit, por për shkak të pezullimit janë bllokuar punët publike. Janë 36 akte tha kryeministri në pritje të firmës së Ballukut.
    “U bë sebep një mik për të bërë këtë komunikim, kur më shkruan e kuptoj shqetësimin tënd lidhur me precedentin e rrezikshëm që krijon pezullimi i ministrit se nesër bëhet rrugë dhe prokurorët e gjykatësit të heqin kë të duan nga qeveria, ajo linjë ajrore me Kandanë mu duk pak e tepërt. Mbase nuk është pak e tepërt, por shembuj që sjell i sjell për të thënë sa i tepërt është pezullimi i një ministri. Ndryshe nga çdo funksionar publik që mund të pezullohet, ministri jo vetëm nuk firmos dot vetë asgjë por bën që askush tjetër të mos marrë vendim dhe të firmosë gjësendi ne emër të dikasterit. Kushtetua ia jep ministrit autoritet ekskluziv. Pezullimi është bllokim i zinxhirit të vendimmarrjes për sektorët që ministri mbulon. Për gjërat janë bllokuar është edhe marrëveshja me kandanë për fluturimet ajrore, po mundohemi mos  e zgjidhim me ministrinë e jashtme. Po me 35 vendime të tjera të qeverisë si do ja bëjmë? po me lejet e ndërtimit për investimet në infrastrukturë, godina publike, që kanë kaluar në KKT dhe nuk zbardhen dot pa firmën e pezulluar. Si do ja bëjmë,. këto janë punë të bllokuara që di shtohen çdo ditë, prandaj kam shkuar në kushtetuese. Nuk ndërhyj në punë e gjykatësit në fjalë”, tha Rama.