Lajmidites.com

Tag: biseda

  • Qindra mijëra biseda me chatbot-in Grok të ekspozuara në rezultatet e kërkimit në Google

    Qindra mijëra biseda me chatbot-in Grok të ekspozuara në rezultatet e kërkimit në Google

    Qindra mijëra biseda të përdoruesve me chatbot-in me inteligjencë artificiale (AI) Grok, i krijuar nga Elon Musk, janë ekspozuar në rezultatet e motorëve të kërkimit, duket se pa dijeninë e përdoruesve.

    Kur përdoruesit e Grok shtypin një buton për të ndarë një transkript të bisedës së tyre, krijohen lidhje unike, por përveç ndarjes me personin e synuar, ky buton gjithashtu e bën bisedën të aksesueshme në internet përmes kërkimit.

    Një kërkim në Google të enjten zbuloi se ishin indeksuar gati 300,000 biseda me Grok.

    Kjo situatë ka bërë që një ekspert ta përshkruajë fenomenin si një “katastrofë e privatësisë në zhvillim.”

    BBC i është drejtuar kompanisë X për një koment. Ndërkohë, Forbes, një publikim i njohur për teknologji, ishte i pari që raportoi për këtë shkelje të privatësisë, duke numëruar më shumë se 370,000 biseda të përdoruesve të shfaqura në Google.

    Ndër bisedat që pa BBC, përfshiheshin raste ku chatbot-i i Musk jepte: krijimin e një fjalëkalimi të sigurt, plane ushqimore për humbje në peshë, përgjigje të detajuara për çështje mjekësore

    Disa transkripte gjithashtu tregonin përpjekjet e përdoruesve për të testuar kufijtë e asaj që Grok mund të thotë apo të bëjë.

    Në një rast të veçantë, chatbot-i jepte udhëzime të detajuara për prodhimin e një droge të klasës A në një laborator.

    Nuk është hera e parë që bisedat me chatbot-ët e AI shfaqen më gjerësisht nga sa përdoruesit mund të kenë menduar kur përdorin funksione të ndarjes së bisedave.

    Kohët e fundit, OpenAI u tërhoq nga një “eksperiment” që lejonte bisedat e ndara të ChatGPT të shfaqeshin në rezultatet e motorëve të kërkimit.

    Një zëdhënës i OpenAI tha për BBC se po eksperimentonin me mënyra më të lehta për të ndarë biseda të dobishme, duke mbajtur përdoruesit në kontroll.

    Ata theksuan se bisedat e përdoruesve janë private në mënyrë të parazgjedhur, dhe vetëm përdoruesit që japin pëlqimin i bëjnë ato publike.

    Më herët gjatë këtij viti, Meta u përball me kritika pasi bisedat e përdoruesve me chatbot-in Meta AI u shfaqën në një “feed” publik të quajtur “discover” në aplikacionin e saj.

    Edhe kur detajet e llogarisë së përdoruesve janë anonimë apo të fshehura në transkriptet e chatbot-it, pyetjet që ata shtrojnë mund të përmbajnë informacione personale ose të ndjeshme, duke përbërë një rrezik të madh për privatësinë.

    Ekspertët thonë se kjo situatë thekson shqetësimet në rritje për privatësinë e përdoruesve.

    “Chatbot-ët me AI janë një katastrofë e privatësisë që po zhvillohet,” tha Prof. Luc Rocher, profesor i asociuar në Oxford Internet Institute, për BBC-në.

    Ai shtoi se “bisedat e rrjedhura” nga chatbot-ët kanë nxjerrë informacione të përdoruesve që përfshijnë emra të plotë, vendndodhje, detaje për shëndetin mendor, aktivitetet e bizneseve, apo marrëdhënie personale.

    “Pasi të rrjedhin online, këto biseda mbeten atje përgjithmonë,” paralajmëroi ai.

    Ndërkohë, Prof. Carissa Veliz, profesoreshë e filozofisë në Institutin për Etikën e AI në Universitetin e Oksfordit, tha se fakti që përdoruesit nuk informohen se bisedat e ndara do të shfaqen në rezultatet e kërkimit, është “shqetësues.”

    “Teknologjia jonë as që na tregon çfarë po bën me të dhënat tona, dhe kjo është një problem,” tha ajo./BBC/KultPlus.com

  • Zelensky refuzon ofertën, zbardhet biseda telefonike me Trump

    Zelensky refuzon ofertën, zbardhet biseda telefonike me Trump

    Presidenti i Ukrainës, Volodimir Zelenski ka refuzuar propozimin rus për të dorëzuar rajonin lindor të Donbasit. Agjencia e lajmeve ”Reuters” ka zbardhur detaje nga biseda telefonike që presidenti amerikan, Donald Trump pati me homologun ukrainas, pas samitit të Alaskës.
    Zelensky ishte i prerë në qëndrimin e tij dhe ka refuzuar të lëshojë territorin e pushtuar tashmë në pjesën më të madhe të tij, në duart e rusëve. Putin ka kërkuar pikërisht Donbasin në takimin me Trump për të ndaluar avancimin e trupave të tij më thellë në Ukrainë.

    Donbasi ka qenë burim përplasjesh territoriale mes Ukrainës dhe Rusisë që prej vitit 2014. Rajoni është kryesisht rusishtfolës dhe, pasi Rusia aneksoi Krimenë në vitin 2014, forcat e saj pushtuan më shumë se një të tretën e lindjes së Ukrainës në një luftë që nuk përfundoi kurrë.

  • Publikohet biseda / Trump i ulëriti Netanjahut: Mos gënjeni për urinë në Gaza, pashë faktet!

    Publikohet biseda / Trump i ulëriti Netanjahut: Mos gënjeni për urinë në Gaza, pashë faktet!

    Presidenti amerikan Donald Trump i ulëriti në një telefonatë të fundit kryeministrit izraelit Benjamin Netanyahu për krizën humanitare në Rripin e Gazës.
    Sipas NBC News, e cila citoi zyrtarë të lartë amerikanë të paidentifikuar, biseda e ndezur telefonike u zhvillua më 28 korrik, pasi Netanyahu tha në një aktivitet se, pavarësisht raporteve të përhapura për urinë në Rripin e Gazës, njerëzit atje në fakt nuk po vuajnë për bukë.
    Trump u përgjigj publikisht të nesërmen se “nuk ishte shumë i bindur” për deklaratat e Netanyahut. Ai u shpreh se në enklavë ka “një uri të vërtet”, dhe kjo është diçka që nuk mund të falsifikohet. Pas këtyre komenteve të Trumpit, Netanyahu sipas të njëjtave burime kishte kërkuar një telefonatë me shefin e Shtëpisë së Bardhë, e cila nuk shkoi megjithatë ashtu sic kishte shpresuar ai. Gjatë telefonatës, kreu i ekzekutivit izraelit i tha Trumpit se raportet për urinë në Gaza ishin “fabrikuar” nga Hamasi dhe se uria nuk është e përhapur realisht në territor.
    Trump, sipas NBC-së e ndërpreu dhe filloi të bërtiste, duke thënë se ndihmësit e tij i kishin paraqitur prova që dëshmonin se fëmijët në Gaza po vuajnë vërtet nga uria dhe se ai nuk donte të dëgjonte informacione “të rreme”. Sipas raportit, biseda ka qenë shumë e e drejtpërdrejtë, dhe e fokusuar tek situata e ndihmës humanitare, ndërsa pjesën më të madhe ka qenë Trumpi ai që fliste, e Netanyahu dëgjonte në heshtje.
    Zyra e këtij të fundit megjithatë e hodhi poshtë këtë pretendim si “fake news”, duke mos pranuar ngritjen e toneve të presidentit amerikan ndaj kryeministrit izraelit. Fakti mbetet që pas telefonatës, Trumpi nisi të dërguarin e tij të posacëm Steve Witkoff për të inspektuar vendet e shpërndarjes së ndihmave në Gaza.

  • Trump ‘i ulërin’ Netanyahut! Publikohet biseda: Mos gënjeni për urinë në Gaza! Ndihmësit më paraqitën faktet

    Trump ‘i ulërin’ Netanyahut! Publikohet biseda: Mos gënjeni për urinë në Gaza! Ndihmësit më paraqitën faktet

    Presidenti amerikan Donald Trump i ulëriti në një telefonatë të fundit kryeministrit izraelit Benjamin Netanyahu për krizën humanitare në Rripin e Gazës.

    Sipas NBC News, e cila citoi zyrtarë të lartë amerikanë të paidentifikuar, biseda e ndezur telefonike u zhvillua më 28 korrik, pasi Netanyahu tha në një aktivitet se, pavarësisht raporteve të përhapura për urinë në Rripin e Gazës, njerëzit atje në fakt nuk po vuajnë për bukë.
    Trump u përgjigj publikisht të nesërmen se “nuk ishte shumë i bindur” për deklaratat e Netanyahut. Ai u shpreh se në enklavë ka “një uri të vërtet”, dhe kjo është diçka që nuk mund të falsifikohet. Pas këtyre komenteve të Trumpit, Netanyahu sipas të njëjtave burime kishte kërkuar një telefonatë me shefin e Shtëpisë së Bardhë, e cila nuk shkoi megjithatë ashtu sic kishte shpresuar ai. Gjatë telefonatës, kreu i ekzekutivit izraelit i tha Trumpit se raportet për urinë në Gaza ishin “fabrikuar” nga Hamasi dhe se uria nuk është e përhapur realisht në territor.
    Trump, sipas NBC-së e ndërpreu dhe filloi të bërtiste, duke thënë se ndihmësit e tij i kishin paraqitur prova që dëshmonin se fëmijët në Gaza po vuajnë vërtet nga uria dhe se ai nuk donte të dëgjonte informacione “të rreme”. Sipas raportit, biseda ka qenë shumë e e drejtpërdrejtë, dhe e fokusuar tek situata e ndihmës humanitare, ndërsa pjesën më të madhe ka qenë Trumpi ai që fliste, e Netanyahu dëgjonte në heshtje.
    Zyra e këtij të fundit megjithatë e hodhi poshtë këtë pretendim si “fake news”, duke mos pranuar ngritjen e toneve të presidentit amerikan ndaj kryeministrit izraelit. Fakti mbetet që pas telefonatës, Trumpi nisi të dërguarin e tij të posacëm Steve Witkoff për të inspektuar vendet e shpërndarjes së ndihmave në Gaza.

    Top Channel

  • Biseda sekrete e Adolf Hitlerit: Ja çfarë kishte thënë për shqiptarët para 74 vitesh. Publikohet për herë të parë

    Biseda sekrete e Adolf Hitlerit: Ja çfarë kishte thënë për shqiptarët para 74 vitesh. Publikohet për herë të parë

     

    Në një bisedë të regjistruar me 4 qershor të vitit të 1942 mes Adolf Hitler dhe Presidentit të Finladës, Mannerheim, në një siguri tërësisht private, lideri nazist duke folur për dështimin e planit ‘’Babarossa’’ dhe dështimet e pushtimeve italiane në Afrikë nuk lë pa përmendur edhe rastin e Shqipërisë.

    Ai i thotë Mannerheim se do të futej në Ballkan drejt Greqisë dhe Shqipërisë, pikërisht aty ku Italia kishte pushtuar.
    Në fakt Hitleri vetë nuk e ka konsideruar më parë Shqipërinë si një vend për t’u pushtuar, por ai ishte krejtësisht kundër pushtimit të Shqipërisë nga italianët, prandaj së shpejti duhej të dërgonte forcat e tij në këtë vend.

    Hitleri fliste i qetë rreth kësaj bisede private sepse ishte i sigurt që nuk po inçizohej, por dikush po dëgjonte me interes.
    Biseda sekrete e Adolf Hitlerit, çfarë kishte thënë për shqiptarët para 74 vitesh

  • “Inteligjenca Artificiale” mik i adoleshentëve, mbi 70 përqind e zgjedhin për biseda serioze dhe këshilla

    “Inteligjenca Artificiale” mik i adoleshentëve, mbi 70 përqind e zgjedhin për biseda serioze dhe këshilla

    Inteligjenca Artificiale është bërë një “mik” i pandashëm i njerëzve, sidomos adoleshentëve. Një studim i Common Sense Media zbuloi se mbi 70% e adoleshentëve ndihën po aq mirë nga ndërveprimi me inteligjencën artificiale, sa edhe kur flasin me miq të vërtetë.

    Ata i drejtohen gjithnjë e më shumë për këshilla, mbështetje emocionale dhe vendimmarrje.

    “Common Sense Media” zbuloi se gati një e treta e adoleshentëve thanë se bisedat me inteligjencën artificiale janë të paktën po aq të kënaqshme sa ato me njerëz të vërtetë. Dhe një e treta e përdoruesve adoleshentë, preferojnë më shumë inteligjencën artificiale se njerëzit, për biseda serioze.Ekspertët paralajmërojnë se ky trend mund të dëmtojë aftësitë sociale dhe shëndetin mendor, pasi adoleshentët mbështeten në inteligjencën artificiale për vlerësim dhe shmangin sfidat e botës reale. Shqetësimet përfshijnë gjithashtu përmbajtje të papërshtatshme dhe mungesën e rregullimit të platformave të inteligjencës artificiale.Platformat që gjejnë më shumë përdorim tek adoleshentët janë Replika ose edhe faqet e njohura ChatGPT apo Claude, te cilat kryesisht u përgjigjen pyetjeve.Rreziqet e mundshme të fëmijëve që krijojnë marrëdhënie me chatbot-e morën vëmendje të madhe në Shtetet e Bashkuara vitin e kaluar kur një djalë 14-vjeçar nga Florida vdiq nga vetëvrasja pasi zhvilloi një lidhje emocionale me një Chatbot.

  • Për Ali Podrimjen, në ditën e shkuarjes në amshim

    Për Ali Podrimjen, në ditën e shkuarjes në amshim

    Nga Mehmet Kraja

    Si sot një ditë e trembëdhjetë vjet më parë, jam i ulur në të njëjtin vend, pranë tavolinës së shkrimit. Ali Podrimja thirri me telefon, nga larg, nga Lodeve e Francës. Ishte ajo biseda e fundit që bëri me familjarë apo me këdo tjetër. Biseda ishte e shkurtër, e trazuar; zëri i tij vinte i largët, humbte pas sinkopave të errëta të heshtjes, sikur tashmë kishte marrë arratinë në përmasat e trishtuara të mungesës…Por, imazhi i Ali Podrimjes vazhdon të bredhë nëpër Prishtinë, të tillë siç e shihja në ato ditë vere, me kasketë të bardheme, syza dielli, pak i shpërqendruar, sikur ikë me ngut nga ndonjë ëndërr që e ndiqte pas. Edhe të folurit e tij disi gungor, me ca zanore të zemëruara, që merrnin në thua herë në një fjalë herë në një tjetër, dëgjohet ende nëpër etër…

    ObserverKult

    Lexo edhe:

    ALI PODRIMJA: HISTORIA E NJË NËNE

  • Zelensky zbardh detaje nga biseda me Trump: Ishte më e mira që kam patur ndonjëherë

    Zelensky zbardh detaje nga biseda me Trump: Ishte më e mira që kam patur ndonjëherë

    Presidenti ukrainas Volodymir Zelensky ka zbardhur detaje nga biseda telefonike që pati një ditë më parë me presidentin e SHBA-ve, Donald Trump.

    Zelensky është shprehur se biseda e tij e fundit me presidentin amerikan Donald Trump këtë javë ishte më e mira dhe më produktive që ka pasur ndonjëherë.
    “Sa i përket bisedës me Presidentin e Shteteve të Bashkuara, e zhvilluar dje, ajo ishte ndoshta më e mira që kemi pasur gjatë gjithë kësaj kohe, më produktive,” tha Zelensky gjatë mesazhit të tij të mbrëmjes.

    Ai tha se diskutuan për çështje të mbrojtjes ajrore, ndërsa shprehur mirënjohje për gatishmërinë e tij për ta ndihmuar.
    “Sistemi Patriot në veçanti është çelësi për mbrojtjen nga kërcënimet balistike,” shtoi ai.

  • Arrestimi i bosit famëkeq të drogës ‘Fito’, ministri i brendshëm i Ekuadorit tregon detaje

    Arrestimi i bosit famëkeq të drogës ‘Fito’, ministri i brendshëm i Ekuadorit tregon detaje

    Ministri i Brendshëm i Ekuadorit, John Reimberg, ka zbuluar detaje ekskluzive nga biseda e gjatë që zhvilloi me Adolfo Macías, i njohur si “Fito”, bosi famëkeq i drogës, i arrestuar më 25 qershor në provincën Manabí.

    Në një intervistë për televizionin EcuadorTV, Reimberg tha se biseda zgjati 120 minuta dhe kishte karakter hetimor.

    “Ishte një bisedë për të zbuluar disa informacione shtesë që na nevojiteshin,” deklaroi ministri, duke theksuar se qëllimi ishte mbledhja e të dhënave të rëndësishme për rrjetin kriminal që Fito drejtonte.

    Ministri ndau edhe detaje nga momenti i arrestimit të Macías. Sipas tij, “Fito” ishte fshehur në një bunkër, por vendosi të dorëzohej sapo dëgjoi forcat speciale që po i afroheshin.

    “Kur dëgjoi makinën, ai vrapoi jashtë. Hapi çatinë dhe nxori fytyrën aty po e prisnin personeli ushtarak,” rrëfeu Reimberg.

    Një detaj që tërhoqi vëmendje ishte edhe reagimi emocional i Macías pas kapjes: “Fraza që e përsëriste vazhdimisht ishte: ‘Më kanë kapur’. E tha të paktën dhjetë deri në pesëmbëdhjetë herë gjatë bisedës sonë,” tha ministri.

    Sipas Reimberg, biseda e zgjatur nuk ishte vetëm për shkak të pyetjeve, por edhe për faktin se “Fito po mendonte gjatë për çdo përgjigje”. Ministri theksoi se tashmë autoritetet janë në fazën e analizës së të dhënave të mbledhura nga kjo intervistë për të goditur më tej strukturat kriminale në vend.

    Arrestimi i “Fito”-s, një nga figurat më të rrezikshme të botës së krimit në Ekuador, konsiderohet një nga operacionet më të suksesshme të forcave të sigurisë në vitet e fundit.

  • Rrëfimi që po trondit Ekuadorin/ Ja çfarë tha Fito në bisedën 2-orëshe me ministrin e brendshëm

    Rrëfimi që po trondit Ekuadorin/ Ja çfarë tha Fito në bisedën 2-orëshe me ministrin e brendshëm

    Në një intervistë për televizionin EcuadorTV, Reimberg tha se biseda zgjati 120 minuta dhe kishte karakter hetimor.

     “Ishte një bisedë për të zbuluar disa informacione shtesë që na nevojiteshin,” deklaroi ministri, duke theksuar se qëllimi ishte mbledhja e të dhënave të rëndësishme për rrjetin kriminal që Fito drejtonte.

    Ministri ndau edhe detaje nga momenti i arrestimit të Macías.

    Sipas tij, ‘Fito’ ishte fshehur në një bunker, por vendosi të dorëzohej sapo dëgjoi forcat speciale që po i afroheshin.

    “Kur dëgjoi makinën, ai vrapoi jashtë. Hapi çatinë dhe nxori fytyrën aty po e prisnin personeli ushtarak,” rrëfeu Reimberg.

    Një detaj që tërhoqi vëmendje ishte edhe reagimi emocional i Macías pas kapjes: “Fraza që e përsëriste vazhdimisht ishte: ‘Më kanë kapur’. E tha të paktën dhjetë deri në pesëmbëdhjetë herë gjatë bisedës sonë,” tha ministri.

    Sipas Reimberg, biseda e zgjatur nuk ishte vetëm për shkak të pyetjeve, por edhe për faktin se “Fito po mendonte gjatë për çdo përgjigje”.

    Ministri theksoi se tashmë autoritetet janë në fazën e analizës së të dhënave të mbledhura nga kjo intervistë për të goditur më tej strukturat kriminale në vend.

    Arrestimi i ‘Fito’-s, një nga figurat më të rrezikshme të botës së krimit në Ekuador, konsiderohet një nga operacionet më të suksesshme të forcave të sigurisë në vitet e fundit.