I ftuar në edicionin e mesditës në Syri tv ka qenë Lufti Bilalli njohës i krizave ndërkombëtare dhe çështjeve të gjeopolitikës.
Ai në një bisedë me moderatorin Arnold Kariqi ka komentuar zhvillimet e fundit pas nisjes së një konflikti mes Izraelit dhe Iranit dhe përfshirjes së SHBA ne këtë konflikt.
Lufti Bilalli: Rreziqet janë shumëdimensionale, përpos një lufte. Mund ta them nga goditja që ka filluar me 13 Qershor nga ushtria Izralite në impiantet apo centralet bërthamore të Iranit. Mund të them se kjo e ka cenuar rëndë edhe sigurinë globale, jo vetëm atë të regjionit. Ngaqë puqen interesa të aktorëve të ndryshëm, sidomos të tre aktorëve që sot dominojnë gjeopolitikën botërore dhe atë të sigurisë, siç janë Kina, Rusia dhe SHBA.
SHBA ka një qasje ndaj izraelit e që dihet tashmë publikisht, janë pararoja e shtetit të Izraelit. Por, kjo luftë e tillë mund ta them, konflikti që zhvillohet mes dy vendeve të regjionit që janë edhe si fuqi regjionale, tregon një klasë tjetër. Nga ana izeralite nuk kemi një luftë me Hezbollahun apo me Hamasin, por kemi një klasë tjetër e cila do të jetë si Irani që në kapacitetet raketore sidomos balistike dhe hipersonike është i fuqishëm.
Nga ana tjetër SHBA, nga se ka parë që Izraeli nuk gjendet në një pozitë të mirë ushtarakisht, ka ndërhyrë.
Mund të shikojmë median “Harec” në Tel Aviv që jep të dhëna shumë interesante që thotë se Izraeli ka humbur luftën po të mos ndërhyjë Amerika. Sepse furnizimet ushtarake për Izraelin mund të pakësohen. Por edhe pse Izraeli ka një potencial jashtëzakonisht të madh por me Iranin që është një vend me 1.6 milionë km katrorë me 88 milionë banorë, mund të them me një ushtri të fortë dhe të rregullt, por edhe pjesa tjetër, Garda Islamike që ka rreth 220 mijë trupa, dhe ushtria me rreth 360 mijë trupa. Por nuk është fjala tek sasia, tek cilësia por po shifet se Irani i ka kualitetet e sistemit raketor balistik dhe hipersonik. Dhe këtu mendoj se amerikanët kanë patur qasjen që për shkak edhe të një dobësimi të izraelit. Irani ka dashur kryesisht që të godasë, Haiafën por edhe në jug dhe industrinë ushtarake dhe rafinerinë qendrore të naftës. Edhe SHBA ka thënë që ne nuk jemi në luftë me Iranin….
