Lajmidites.com

Tag: bieber

  • Janë ndarë? Video që tregon shumë për raportin mes Hailey dhe Justin Bieber

    Janë ndarë? Video që tregon shumë për raportin mes Hailey dhe Justin Bieber

    Justin Bieber zgjodhi veprimet në vend të fjalëve për të treguar dashurinë e tij për gruan e tij Hailey Bieber, pasi nuk dje nuk postoi asgjë për ditëlindjen e saj.
    Ndjekësit pyesnin veten pse ylli 32-vjeçar i popit nuk kishte postuar asgjë për gruan e tij, e cila mbushi 29 vjeç të shtunën, më 22 nëntor, duke shkaktuar thashetheme për martesën e tyre.
    Megjithatë, çifti, i cili u martua në vitin 2018, e mbylli shpejt dramën me një gjest që tregonte shumë për to dhe martesën e tyre.
    Edhe pse krijuesi i hitit “Baby” ende nuk ka folur në rrjetet sociale, pronarja e Rhode, pra Hailey ndau në Instagram të dielën,  momente nga festimi i ditëlindjes së saj, përfshirë një video të ëmbël të çiftit.

    E kapur nga një kënd sipër, videoja përqendrohet në këmbët dhe duart e tyre, ndërsa Hailey dhe Justin bëjnë një shëtitje brenda shtëpisë.
    Ajo i shkroi serisë së fotove dhe videove, “java më e mirë që mbush 29 vjeç [emoji me zemra dhe krahë të bardhë]”, duke konfirmuar se bashkëshorti i saj ishte pranë saj ndërsa ajo filloi një vit të ri.
    Karuseli i ditëlindjes përfshinte edhe një foto të saj dhe të djalit, Jack Blues Bieber.
    Çifti mirëpritën fëmijën e tyre të parë në gusht të vitit 2024 dhe që atëherë e ruajtën privatësinë e tij duke mos e treguar fytyrën.

  • Justin zhduket sërish kur është radha e Hailey-t: xhelozi, sabotim emocional apo një krizë që s’fshihet dot më?

    Justin zhduket sërish kur është radha e Hailey-t: xhelozi, sabotim emocional apo një krizë që s’fshihet dot më?

    Në vend që ditëlindja e 29-të Hailey Bieber të ishte një festë e qetë dhe e bukur për çiftin më të komentuar të showbiz-it, u kthye në një skenë tjetër të çuditshme, të diskutueshme dhe të përsëritur, ku Justin Bieber u zhduk pikërisht në momentin kur duhej të ishte më i dukshëm se kurrë.

    Teksa Hailey festonte me stafin e saj të Rhode, Justin nuk u pa askund: as në festë, as në ndonjë postim urimi, as në një gjest minimal të partnerit mbështetës. Asgjë. Heshtje totale. Dhe më pas, kur dikush do të mendonte se ai po ruhej për të shfaqur ndonjë surprizë private apo ndonjë urim publik, doli se Justin thjesht kishte qëndruar në shtëpi duke kënduar në livestream-in e tij. Ndërsa gruaja e tij festonte, ai zgjodhi të mos jetë pjesë e asnjë momenti. Ditëlindja kaloi, festa përfundoi dhe Justin vazhdoi të mos shfaqej.

    Kjo sjellje e tij është një model i përsëritur sa herë që vëmendja shkon te Hailey.
    Kohët e fundit, tabloidet kanë shtuar zërat për tensione të brendshme në martesën e tyre. Raportime të Globe Magazine pretendojnë se Hailey i është drejtuar babait të saj, Stephen Baldwin, për mbështetje në një moment të vështirë, ndërsa çifti po përpiqej të përballonte presionin e ardhjes së foshnjës së tyre, Jack Blues.
    Sipas burimeve, ndryshimi i menjëhershëm drejt prindërimit e ka tronditur Justin-in, i cili është përballur me frikë, pasiguri emocionale dhe një barrë që nuk ka ditur si ta menaxhojë. Të njëjtat burime flasin për këshillim të përbashkët, për të gjetur një ekuilibër mes punës, jetës me një të porsalindur dhe marrëdhënies së tyre.
    Por nëse këto raporte mbeten të pakonfirmuara, ajo që është e dukshme është sjellja publike e Justin-it. Kjo nuk është hera e parë që ai hesht në momentet e Hailey-t. Vetëm pak kohë më parë, kur ajo doli në kopertinën e Vogue, në vend të një urimi të qartë e të pastër, ai postoi një kujtim të hidhur nga e kaluara, ku i thoshte Hailey-t se “nuk do të ishte kurrë në kopertinë të Vogue”. (LEXO KËTU)
    Një koment pasiv-agresiv që i riktheu botërisht një pasiguri, në një ditë që duhej të ishte triumf i saj. Me Kendall Jenner-in, në të njëjtën situatë, ai pati shkruar një urim të ngrohtë, të thjeshtë dhe të admiruar. Me Hailey-n, ai zgjodhi dramën dhe kujtimet negative.
    Këto veprime të Bieber krijojnë një model ku suksesi i Hailey-t e vendos atë në prapavijë dhe i nxit sjellje mbizotëruese të xhelozisë dhe pasigurisë. Ndërkohë që Hailey punon, rrit markën e saj, shfaqet në kopertina, ndërton imazh profesional dhe ruan qetësi publike, Justin shfaq një lloj reagimi emocional që shpesh e devijon vëmendjen nga ajo drejt tij.
    Heshtja e tij në ditëlindjen e saj, mosprezenca në festë, mungesa e një postimi urimi dhe fakti që preferoi të këndonte live nga shtëpia, flasin shumë më tepër sesa çdo status i munguar. Kjo është një sjellje që shihet shpesh në marrëdhënie ku partneri ndien nevojën të mbajë kontroll emocional duke u tërhequr pikërisht kur tjetri shkëlqen.
    Në publik, Justin dhe Hailey shfaqen shpesh të lumtur, por këto detaje të vogla, të shpeshta dhe të përsëritura krijojnë kontrast të mprehtë me imazhin që duan të transmetojnë. Në momentet kur Hailey ka më shumë të drejtë se kurrë të ndjehet e mbështetur, ajo shfaqet e vetme, ndërsa ai ose zhduket, ose përdor momentet e saj për të rrëfyer gabimet e veta. Nuk është çudi që fansat po ngrenë sërish pyetjen që nuk shuhet dot: mos vallë kjo martesë ka më shumë krisje sesa pranojnë?
    Në fund të ditës, partneriteti i vërtetë tregohet në momente të thjeshta: në një urim, në një praninë, në një gjest që nuk kërkon vëmendje por jep vëmendje. Dhe Justin, për të disatën herë, zgjodhi të mos jetë aty kur Hailey kishte ditën e saj.
    /Iconstyle

  • Erewhon heq emrin e Hailey Bieber nga smoothie-i i famshëm “Strawberry Glaze”, përse vallë?

    Erewhon heq emrin e Hailey Bieber nga smoothie-i i famshëm “Strawberry Glaze”, përse vallë?

    Smoothie-i tepër i njohur “Strawberry Glaze” në rrjetin kalifornian Erewhon nuk mban më emrin e Hailey Bieber. Sipas L.A. Times, ndryshimi u bë “qetësisht” në fund të tetorit, pasi kontrata mes Bieber dhe Erewhon ka përfunduar. Në faqen zyrtare të marketit, por edhe në tabelat brenda dyqaneve, siç u pa në degën e Pasadena-s më 14 nëntor, pija quhet tashmë thjesht Strawberry Glaze Skin Smoothie.
    .
    Një punonjës i Erewhon i tha TMZ se marrëveshja me Bieber-in “e ka mbyllur ciklin e saj”, ndërsa vetë modelja nuk ka bërë ende një koment publik. Erewhon nuk ka dhënë një deklaratë zyrtare mbi ndryshimin e emrit.
    Smoothie-i u lançua për herë të parë në vitin 2022, njëkohësisht me prezantimin e markës së kujdesit të lëkurës Rhode, themeluar nga Bieber. Falë lidhjes me influenceren dhe përbërësve “miqësorë për lëkurën”, pija fitoi shpejt statusin e kultit. Receta përfshin kolagjen, xhel sea moss, flokëlarë me manaferra, krem kokosi, qumësht bajamesh, banane, hurma, avokado dhe shurup panje.
    Në vitin 2024, Bieber solli edhe një akullore vegane të krijuar në bashkëpunim me Coconut Bliss, e cila sipas saj “ka të njëjtin shije” me smoothie-in e famshëm.
    Hailey Bieber ishte e para nga një sërë personazhesh të njohura që krijuan smoothie ekskluzive për Erewhon. Pas saj u bashkuan Bella Hadid, Gisele Bündchen, Heidi Klum dhe influencuesja Nara Smith. Së fundmi, edhe legjenda e R&B, Erykah Badu, prezantoi pijën e saj “Mama’s Bang Bang”.

  • Justin Bieber: Të mendosh për dikë tjetër është njësoj si të tradhtosh

    Justin Bieber: Të mendosh për dikë tjetër është njësoj si të tradhtosh

    Këngëtari kanadez dhe fituesi i çmimit “Grammy”, Justin Bieber, ka shkaktuar reagime të shumta në rrjetet sociale pas një diskutimi të bërë gjatë një transmetimi të drejtpërdrejtë në Twitch, ku foli për mënyrën se si ai e koncepton tradhtinë në martesë.
    Gjatë bisedës, Bieber tha se për të, edhe një mendim i dëshirueshëm për një person tjetër mund të konsiderohet si formë tradhtie, duke e krahasuar me një veprim të vërtetë jashtëmartesë.
    “Nëse mendon me dëshirë për dikë tjetër, është njësoj si të veprosh me të,” – tha këngëtari.
    Ai vazhdoi duke bërë një krahasim filozofik: “Ashtu si të ndihesh me zemërim ndaj dikujt është si të kryesh një akt dhune ndaj tij, edhe dëshira për dikë tjetër është tradhti ndaj partnerit tënd.”
    Deklaratat e tij ndezën debate të forta në internet. Reagimet ishin të ndara: disa përdorues e vlerësuan qëndrimin e tij si shenjë respekti për bashkëshorten, ndërsa të tjerë e kritikuan duke e quajtur të tepruar dhe jorealist. Shumë komente theksuan se mendimet janë të pakontrollueshme dhe nuk kanë peshë nëse nuk shndërrohen në veprim.
    Këto deklarata vijnë në një moment të ndjeshëm për çiftin Justin dhe Hailey Bieber, të cilët prej më shumë se një viti janë në qendër të thashethemeve për probleme martesore.
    Megjithatë, pavarësisht spekulimeve, çifti është shfaqur shpesh bashkë në publik. Hailey ka mohuar zërat në TikTok, ndërsa fansat kanë vënë re se disa nga këngët e fundit të Justin në albumin “Swag” përmendin sfida në marrëdhënie.
    Burime pranë çiftit theksojnë se, edhe pse kanë kaluar periudha të vështira, ata mbeten të bashkuar dhe përballen me komentet me humor dhe qetësi.Çifti së fundmi është bërë me një djalë, Jack Blue, dhe duket se po fokusohen në jetën familjare larg zhurmës mediatike.

  • Hailey Bieber rrëfen sekretin e bukurisë: Nuk kam bërë Botox

    Hailey Bieber rrëfen sekretin e bukurisë: Nuk kam bërë Botox

    Hailey Bieber ka treguar një qasje të sinqertë dhe të balancuar ndaj bukurisë natyrale. Në një intervistë të fundit, modelja dhe sipërmarrësja 28-vjeçare foli hapur për prindërimin krah Justin Bieber, mënyrën si përballet me presionin publik dhe për vendimin e saj për të mos përdorur ende injeksione estetike.
    “Nuk kam bërë Botox në fytyrë, përveç se te nofulla, për shkak të TMJ,” – zbuloi Hailey, duke iu referuar çrregullimit të kyçeve temporomandibulare që lidhin nofullën e poshtme me kafkën, një problem që shpesh shkakton dhimbje dhe tension.
    Modelja shtoi se e ka marrë një vendim personal për të mos eksperimentuar me ndërhyrje estetike deri në një moshë më të pjekur:
    “I kam premtuar vetes që nuk do të bëja Botox derisa të arrija të tridhjetat. Kur t’i mbush, do të vendos nëse dua ta bëj.”
    Hailey rrëfeu se frymëzimin për ta ruajtur lëkurën natyralisht e ka marrë nga nëna e saj, Kennya Baldwin, e cila në moshën 57-vjeçare nuk ka bërë asnjë injeksion.
    “Mami im nuk i ka bërë asgjë lëkurës së saj dhe duket fantastike.”
    Si themeluese e markës së njohur të kujdesit për lëkurën “Rhode”, Hailey është e njohur për pasionin e saj ndaj trajtimeve jo invazive dhe produkteve që ushqejnë lëkurën natyrshëm. Ajo tregon se preferon trajtimet me PRP (Platelet-Rich Plasma), ku gjaku i vetë pacientit përdoret për të rigjeneruar lëkurën.
    “Më pëlqen PRP me microneedling. Është një nga trajtimet e mia të preferuara, sepse ndihmon qelizat të rigjenerohen në mënyrë natyrale.”
    Një tjetër metodë që ajo përdor është PRF (Platelet-Rich Fibrin), e njohur edhe si EZ Gel:
    “Marrin gjakun tënd, e nxehin dhe e ftohin derisa të bëhet xhel, pastaj e injekton. E kam përdorur në vijat e buzëqeshjes dhe te rrathët e syve.”
    Për Hailey-n, trajtimet që bazohen në elementë natyralë të trupit janë më të sigurta dhe më të besueshme se injeksionet me substanca sintetike.
    “Kur di që vjen nga trupi yt, ndihesh më e qetë.”

  • Hailey Bieber pranon se nuk e rrit e vetme djalin

    Hailey Bieber pranon se nuk e rrit e vetme djalin

    Hailey Bieber ka folur hapur për jetën e saj si nënë dhe për ndihmën që merr në përkujdesjen ndaj djalit të saj, Jack Blues. Gjatë një interviste në podcastin In Your Dreams with Owen Thiele, themeluesja e “Rhode Beauty”, 28 vjeç, u shpreh se ka një ekip që e ndihmon me kohë të plotë dhe se nuk ndihet aspak në siklet ta pranojë këtë.
    “Kam ndihmë. Kam ndihmë me kohë të plotë dhe nuk jam aspak e turpëruar ta them këtë,” – tha Hailey. “Nuk do ta fshihja kurrë faktin që kam ndihmë, sepse pa të nuk do të mund të kisha karrierën që kam dhe të bëja gjërat që bëj. Jam shumë mirënjohëse për këtë.”
    Modelja shtoi se djali i saj është gjithmonë në kujdesin e saj ose të bashkëshortit, Justin Bieber.
    “Nëse nuk është me mua, është me babain e tij. Ai gjithmonë është me njërin prej nesh, me familjen ose me kumbaret e tij,” – shtoi ajo.
    Hailey gjithashtu zbuloi se dëshiron të ketë më shumë fëmijë në të ardhmen:
    “E di që dua më shumë se një,” – pranoi ajo.
    Modelja 28-vjeçare foli me dashuri për rolin e saj si nënë:
    “E dija gjithmonë që doja të isha nënë. Që kur isha e vogël, e kam imagjinuar veten me fëmijë,” – tha ajo. “Tani që jam bërë nënë, e kuptoj se çdo vendim që dikush merr për të pasur ose jo fëmijë është krejtësisht i vlefshëm dhe për t’u respektuar.”
    Ajo pranoi se në fillim ndjeu frikë dhe pasiguri, pasi të bëheshe nënë në moshën 27-vjeçare i dukej “sfiduese”.
    “Kishte momente frike. Nuk dija çfarë të prisja, por çdo ditë mësoj diçka të re për mënyrën si të jem nënë dhe çfarë është më e mira për djalin tim,” – rrëfeu Hailey.
    Çifti ka në plan të ndajë dashurinë për udhëtimet edhe me vogëlushin e tyre.
    “Duam që Jack të rritet duke udhëtuar, në vende të ndryshme. Kështu jam rritur edhe unë dhe më ka mësuar shumë,” – përfundoi ajo.

  • Hailey Bieber për Selena Gomez: Nuk ndiej konkurrencë me njerëzit që nuk më frymëzojnë

    Hailey Bieber për Selena Gomez: Nuk ndiej konkurrencë me njerëzit që nuk më frymëzojnë

    Modelja dhe sipërmarrësja Hailey Bieber ka reaguar ndaj krahasimeve të vazhdueshme që bëhen mes saj dhe Selena Gomez, ish-partneres së bashkëshortit të saj, Justin Bieber. Në një intervistë për revistën WSJ Magazine, Hailey theksoi se nuk e ndjen aspak se ka ndonjë rivalitet mes tyre dhe se ajo vetë nuk ndjen konkurrencë ndaj njerëzve që nuk e frymëzojnë.
    “Është gjithmonë bezdisëse kur të vendosin në konkurrencë me të tjerët. Unë kurrë nuk e kam kërkuar këtë. Kur njerëzit duan të të shohin në një mënyrë të caktuar dhe kanë krijuar një histori për ty në mendjen e tyre, është e pamundur ta ndryshosh atë”, u shpreh ajo.
    Ajo shtoi gjithashtu: “Besoj se ka vend për të gjithë. Nuk ndjej konkurrencë me njerëz që nuk më frymëzojnë.”

    Deklarata e saj u interpretua nga shumë fansa të Selenës si një thumbim i tërthortë ndaj këngëtares. Kujtojmë se Selena Gomez dhe Justin Bieber patën një marrëdhënie të gjatë dhe shpeshherë të përfolur përpara se ai të martohej me Hailey. Madje, për një periudhë të shkurtër para martesës, u përhapën thashetheme se Justin dhe Selena kishin filluar të afroheshin sërish.
    /vizionplus.tv

    ☕ Hailey Bieber shades Selena Gomez while talking about fans pushing rivalry. https://t.co/1QTOQswskj pic.twitter.com/Q9McoF3qLI
    — TMZ (@TMZ) October 17, 2025

  • Hailey Bieber për Selena Gomez: Nuk ndiej konkurrencë për njerëzit që nuk më frymëzojnë

    Hailey Bieber për Selena Gomez: Nuk ndiej konkurrencë për njerëzit që nuk më frymëzojnë

    Hailey Bieber është ndalur te krahasimi i vazhdueshëm mes saj dhe Selena Gomez, duke theksuar se nuk ka rivalitet mes tyre dhe duke deklaruar se nuk ndjen konkurrencë me njerëzit që nuk e frymëzojnë. Modelja dhe biznesmenja dha një intervistë për revistën “WSJ Magazine” dhe foli për krahasimin që fansat e saj bëjnë ndonjëherë mes saj dhe ish-partnerit të bashkëshortit të saj, Justin Bieber. Siç tha ajo, e shqetëson veçanërisht kur njerëzit përpiqen ta fusin në një përballje me gra të tjera.
    “Është gjithmonë bezdisëse të të detyrojnë të konkurrosh me njerëz të tjerë. Unë kurrë nuk e kam kërkuar këtë. Kur njerëzit duan të të shohin në një mënyrë të caktuar dhe kanë krijuar tashmë një histori për ty në mendjet e tyre, nuk mund ta ndryshosh atë”, tha ajo.
    Hailey Bieber shtoi më pas: “Unë besoj se ka vend për të gjithë. Nuk ndihem konkurruese me njerëzit që nuk më frymëzojnë.”
    Për shumë fansa të Gomez, kjo frazë u pa si një referencë indirekte për të. Vihet re se Justin Bieber dhe Selena Gomez ishin në një lidhje afatgjatë përpara se ai të martohej me Hailey. Madje kishte thashetheme se dy këngëtarët ishin rikthyer së bashku gjatë ndarjes së shkurtër të Bieber me modelen, pak para dasmës së tyre.

  • Shoot-i me Justin Bieber, Kim Kardashian: Nuk do e bëja më kurrë!

    Shoot-i me Justin Bieber, Kim Kardashian: Nuk do e bëja më kurrë!

    Kim Kardashian ka rrëfyer një nga gabimet e saj më të mëdha gjatë një interviste të fundit në podcastin Call Her Daddy. Ajo ka reflektuar mbi një fotosesion të vitit 2010 me këngëtarin Justin Bieber për Elle Magazine, i cili tani i duket si një moment i pazakontë dhe i papërshtatshëm, sidomos duke marrë parasysh diferencën e moshës ndërmjet tyre.
    Bieber ishte vetëm 16 vjeç, ndërsa Kardashian 29 vjeçe kur realizuan shoot-in, një skenë ku ata shfaqeshin duke flirtuar dhe duke vrapuar së bashku në plazh. Ajo e përshkroi këtë moment si diçka që ngjante me filmin The Graduate, me të duke luajtur rolin e “Mrs. Robinson”, ndërsa Bieber ishte i ri dhe i papjekur.
    Në podcast, Kardashian tha: “Nuk di si u miratua kjo, nuk e di kush mendoi se kjo ishte normale. Nuk kishte asgjë të çuditshme gjatë shoot-it, por tani që e shikoj mbrapa, mendoj se ndoshta nuk ishte më e përshtatshme.”
    Megjithatë, ajo theksoi se asgjë nuk ndodhi gjatë shoot-it. “Familja e Justin ishte atje, dhe gjithashtu edhe Selena Gomez, e dashura e tij në atë kohë,” shtoi ajo. “Nuk kishte asgjë të çuditshme, por tani kur e shikoj, pyes vetën kush mendoi që kjo ishte një ide e mirë?”
    Kim po ashtu ndau një detaj nga videoja për shoot-in, ku tregon se e kishte njohur Bieber-in në një darkë të Shtëpisë së Bardhë dhe kishte dashur ta lidhte me motrën e saj, Kendall Jenner. Sipas Kim, Bieber kishte bërë një shaka duke thënë se “ai nuk do të lidhej me motrën time, ai më pëlqente mua”, që gjithçka ishte një humor i pafajshëm.
    Kardashian e përmbylli duke theksuar se tani, pas shumë vitesh, ndjen se ky shoot ishte një situatë që nuk do të ndodhte më, dhe se e ka bërë atë të mendojë dy herë për vendimet që merr.

  • Hailey Bieber flet për rivalitetin me markën e Selena Gomez: Ka vend për të gjithë

    Hailey Bieber flet për rivalitetin me markën e Selena Gomez: Ka vend për të gjithë

    Hailey Bieber ka marrë një qasje diplomatike ndaj spekulimeve dhe debatit mbi markat konkurruese të bukurisë, duke shpjeguar se nuk është e interesuar të nxisë ndonjë lloj konkurrencë ndërmjet markës së saj, Rhode Beauty, dhe Rare Beauty të Selena Gomez. Në një intervistë për revistën WSJ, e botuar më 14 tetor, Hailey shpjegoi se ajo nuk e ka kërkuar kurrë këtë lloj përballjeje dhe se është frustruese kur njerëzit krijojnë histori për të, duke e shpërqendruar nga ajo që është vërtet e rëndësishme për të.
    “Kur njerëzit duan të të shohin në një mënyrë të caktuar dhe krijojnë një histori për ty, nuk është puna jote ta ndryshosh këtë,” tha Hailey, duke theksuar se ajo është përqendruar në zhvillimin e markës së saj dhe arritjen e suksesit në industrinë e bukurisë. Ajo shtoi se “ka vend për të gjithë” dhe që konkurrenca e vërtetë për të është vetëm me veten e saj.
    Pavarësisht thashethemeve për një grindje të mundshme midis Hailey dhe Selena, që buronin nga marrëdhënia e mëparshme e Justin Bieber me këngëtaren, të dy konfirmuan se nuk ka armiqësi mes tyre. Hailey përmendi gjithashtu se ajo nuk sheh personat që nuk e frymëzojnë si konkurrencë dhe ka vendosur të përqendrohet te e ardhmja e markës Rhode.