Lajmidites.com

Tag: besim

  • Kujdes, mos e mbani telefonin në dorë sepse nuk do t’ju besojnë…

    Kujdes, mos e mbani telefonin në dorë sepse nuk do t’ju besojnë…

    Njerëzit priren të ndërveprojnë më pak me të tjerët kur mbajnë një celular në dorë, mjafton të futesh në një autobus apo edhe në një restorant për ta vënë re. Por, përveç se na bën më të ftohtë nga ana sociale, telefoni na bën edhe më mosbesues: na vështirëson aftësinë për t’u besuar të tjerëve.

    Këtë e ka zbuluar një studim i Universitetit të Kalifornisë, Berkeley.

    Para dhe besim

    Studiuesit iu kërkuan dy grupeve të studentëve (të gjithë të panjohur me njëri-tjetrin) të luanin në çift një lojë besimi, në të cilën vihej në lojë një shumë parash. Loja ishte konceptuar në mënyrë që, nëse partnerët kishin besim se tjetri do të kthente një shumë të caktuar, të dyja palët do të përfitonin.

    Studentët ishin mbajtur për një kohë të gjatë në dhomën e pritjes para lojës. Por njëri grup kishte telefon, ndërsa grupi tjetër jo. Ata që i kishin parë njëri-tjetrit fytyrën para fillimit të lojës, më pas kishin besuar më shumë./ bota.al

    ObserverKult

    Lexo edhe:

    FUND I NJË EPOKE: NDAHET NGA JETA DYSHJA LEGJENDARE, ALICE DHE ELLEN KESSLER

  • Horoskopi për ditën e sotme, 17 nëntor 2025

    Horoskopi për ditën e sotme, 17 nëntor 2025

    Showbiz E Hënë, 17 Nëntor 2025 08:54
    Dashi
    Aktualisht je i zënë me një sfidë të vështirë me dikë tjetër ose me diçka tjetër. Je në një bllokim të plotë për shkak të këtij problemi të vetëm. Përqafo fuqinë tënde, drejtohu nga intuita dhe ngrihu më lart. Mos e lejo këtë gjë të vetme të të konsumojë.

    Demi

    Ekziston një element misteri që duket se nuk arrin ta kuptosh. Harta që po shikon nuk ka asnjë ngjashmëri me peizazhin përpara teje. Kjo nuk është koha për të ecur përpara. Kjo është koha për t’u tërhequr dhe për të treguar kujdes.

    Binjakët
    Qartësia vjen kur je në gjendje të mbështetesh në vetvete dhe të mendosh në një mënyrë racionale dhe praktike. Stabiliteti do të jetë çelësi i lojës, kështu që nëse mund ta përqafosh vetëm këtë koncept të vetëm, do të jesh në harmoni të përsosur me të gjithë dhe me gjithçka.
    Gaforrja
    Një grua në pushtet është me rëndësi të madhe për ju sot. Kjo grua mund të jetë një kolege ose punëdhënëse femër. Dëgjojeni atë dhe respektojeni. Ajo ka këshilla të rëndësishme për t’ju dhënë.
    Luani
    Ndihesh i vetmuar në një farë mënyre. Ndoshta rrethanat të kërkojnë të punosh vetëm. Duke qenë person shoqëror dhe i hapur, kjo mënyrë veprimi nuk funksionon pikërisht për ty. Tregohuni të kujdesshëm.
    Virgjëresha
    Do të humbasësh në mendime të kota dhe fantazi. Nëse e ke zemrën të lidhur me një person të veçantë, mund ta gjesh veten duke menduar për të gjitha gjërat e mrekullueshme që mund të bësh, vendet ku mund të shkosh dhe në fund të fundit për të ardhmen tuaj së bashku. Por duhet të jesh më i vendosur përpara se të fillosh të mendosh kaq larg.
    Peshorja
    Ti ke aftësinë të jesh një udhëheqës efektiv dhe praktik. Mund mbledhësh fuqinë dhe të kryesh punën ashtu siç do ti. Mos fito vetëm favorin e njerëzve pa bërë asgjë. Fito favorin e tyre dhe më pas paraqit një qëllim ose një projekt. Rezultatet do të jenë fantastike.
    Akrepi
    Ndërkohë që të gjithë duket se po ngadalësojnë, ju në të vërtetë po përshpejtoni. Të tjerët janë të hutuar dhe të ngatërruar, ndërsa gjithçka është mjaft e qartë dhe e lehtë në mendjen tuaj. Ju jeni pikërisht aty ku duhet të jeni. Lëvizni drejt qëllimeve tuaja me shpejtësi dhe besim.
    Shigjetari
    Mos e analizo çdo detaj të vogël që të del përpara. Pasi ta fillosh këtë trend, nuk do të mund të ndalesh më. Do të humbasësh shumë kohë kot. T’u kushtosh vëmendje detajeve është e rëndësishme, por fiksimi pas tyre është i dëmshëm.
    Bricjapi
    Kurajo fitohet duke qenë i sigurt, i fortë dhe me këmbë në tokë. Pasi të keni këtë themel të fortë për të punuar, do të keni besim për të kapërcyerr me besim në të panjohurën. Sot, mendimi juaj është mjaft praktik. Do të jeni në gjendje të gjeni stabilitetin që dëshironi.
    Ujori
    Ka të ngjarë të zhytesh aq shumë në punë sot sa të mbingarkohesh. Mund të mos e kuptosh fare, por thellë-thellë, emocione të vështira po të ngarkojnë mendjen. Deri në fund të ditës, mund të jesh një rrënim emocional.
    Peshqit
    Njerëzit po bëjnë një përpjekje shtesë për t’ju kontaktuar dhe ju duhet të bëni të njëjtën gjë. Në shumë mënyra, ju po përpiqeni për pavarësi, kur në të vërtetë duhet të synoni të bashkëpunoni. Keni nevojë për njerëz të tjerë. Pranojeni këtë të vërtetë dhe punoni drejt këtij qëllimi.

  • Armand Duka: Të fitojmë ndaj Anglisë për të kapur vazon e dytë

    Armand Duka: Të fitojmë ndaj Anglisë për të kapur vazon e dytë

    Presidenti i Federatës Shqiptare të Futbollit, Armand Duka pas ndeshjes deklaroi se Kombëtarja do të përpiqet të kapë vazon e dytë në kuadër të “playoff”-it të Botërorit.
    “Djemtë kishin presion dhe kur ka presion nuk ka asgjë të lehtë. Në fushë kishin besim të gjithë dhe goli i Asllanit ka qetësuar të gjithë shqiptarët. Një gol që çon në “playoff” mbahet mend gjatë. Uroj të na çojë në Botëror dhe kam bindje se do të kemi ndeshje të vështira, por gjithsesi kam besim sepse jemi skuadër e fortë dhe kompakte”, tha Duka.
    Kreu i FSHF tha se aktualisht jemi në vazon e tretë në shortin e “playoff”-it, por, sipas tij, “mund edhe të kalojmë në vazon e dytë duke mundur Anglinë”.

  • Mori Serbinë, Paunoviç: Kam besim, djemtë dinë si fitohet

    Mori Serbinë, Paunoviç: Kam besim, djemtë dinë si fitohet

    Veljko Paunoviç bëri hapat e parë si trajner me Serbinë, megjithëse në ekipet e të rinjve (U18, U19 dhe U20). Ai ka pasur periudha të ndryshme si trajner në të gjithë botën, duke përfshirë edhe Çikago, Tigres dhe Real Oviedo, ndër të tjera.

    Paunoviç ka marrë përsipër sfidën e drejtimit të ekipit kombëtar të të rriturve, duke tentuar ndoshta kualifikimin për Kupën e Botës 2026. Shumë e konsiderojnë këtë një mision të pamundur, duke pasur parasysh rezultatet në Grupin K të kualifikuesëve të Botërotit 2026 aty ku Shqipëria mban aktualisht vendin e dytë pas Anglisë së kualifikuar zyrtarisht.

    “Që nga fundi i vitit 2015, kanë kaluar pothuajse dhjetë vjet që kur nuk isha më në Qendrën Sportive Stara Pazova”, tha ai për kanalet zyrtare të Federatës së Futbollit të Serbisë për t’u prezantuar. “Ndihem mirë”, vazhdoi tekniku i ri. “Kaq shumë kujtime të mrekullueshme… Jam pak i emocionuar. Jam i lumtur që shoh njerëz me të cilët kam punuar në të kaluarën në Qendrën Sportive, të cilët janë ende në Federatë dhe me të cilët kemi mundësinë të jemi përsëri pjesë e një misioni të përbashkët dhe të një detyre të re”.

    Mbi potencialin e Serbisë, duke shpresuar të sigurojë një vend në Kupën e Botës:

    “Në sytë e publikut, kjo është një detyrë e vështirë, por unë e di që ka një grup djemsh që dinë si të fitojnë dhe si të përballojnë vështirësitë. Kjo më jep besim: do të ndërtojmë unitet dhe gjithçka tjetër.”/Foto ‘X’/Sportiim.al/

    Vazhdo leximin

  • Nuhiu: Tirana të kthehet te identiteti i saj fitues, me Vorën kërkohet përqëndrim

    Nuhiu: Tirana të kthehet te identiteti i saj fitues, me Vorën kërkohet përqëndrim

    Ardian Nuhiu do të drejtojë për herë të dytë Tiranën e tij në këtë edicion. Nesër në “Selman Stërmasi” ora 14:00, bardheblutë përballen me Vorën me të cilët pikët janë detyrë shtëpie. Paraditen e sotme tekniku shkupian foli për rëndësinë e takimit. “Pikët janë më të rëndësishme, dua të shoh luftë, grintë dhe dëshirë për të fituar nesër”,nënvizon trajneri.

    Nuhiu:

    “Jemi të vetëdijshëm për mënyrën që skuadra nuk ka filluar mirë, por vështirësitë të rrisin në jetë, çdo futbollist rrit veten e vet, kam besim te grupi se do të dalin te kualiteti i tyre, po mundohemi në këto pak ditë sa kemi me skuadrën që të ringrihemi në aspektin psikologjik, të besojmë te grupi se thjesht na duhet të bashkojmë forcat për të përballuar ndeshjen e nesërme.

    Duhet që ndeshjen e nesërme ta zhvillojmë me përqëndrim të madh pasi nesër është “kockë e fortë”, vendoset mirë dhe lufton shumë, i kemi analizuar futbollistët besoj jemi të përgatitur, shpresoj të shoh një grup të bashkuar, duhet ta nxjerrim skuadrën nga kjo situatë, kam besim.

    Besoj fuqishëm, mbështetem te potenciali I grupit, të kthehet skuadra te identiteti i saj. Janë të gjjithë të gatshëm, për mua të gjithë janë startues, ata që do jenë në stol të jenë të gatshëm. Duhet ende kohë që të futet filozofia e një trajneri te një grup nuk po e them për justifikim, por e dimë sa e vështirë është të heqësh gjërat e vjetra dhe të vendosësh idetë e reja, pasi nuk kemi kohë për të humbur.

    Në këtë moment pikët janë më të rëndësishme, dua të shoh, luftë, grintë dhe dëshirë për të fituar nesër. Pashë një skuadër kompakte që lufton si grup, do marrim masat për të goditur pikat e tyre, nuk do të jetë e lehtë. Presioni është privilegj, na ngre më lart, kemi gjithçka në dorë, shpresoj të rikthejmë buzëqeshjen sa më shpejt te tifozët tanë, duhet të menaxhojmë grupin dhe presionin, nëse fitojmë do të jemi të lumtur dhe bashkuar për të vazhduar. I futem kësaj situate me besim të plotë te puna të angazhimi, te kualiteti i grupit”

    Vazhdo leximin

  • Ali Podrimja: Koha është të duhemi…

    Ali Podrimja: Koha është të duhemi…

    Poezi nga Ali Podrimja

    Koha është të duhemi,të kesh besim në mua kur të them: Trime,të kem besim në ty kur më thua: Trim.Për kokën time kryeneçe shumë kurthe ngrite,shumë e pushkët mbushi babai yt, fisi yt,një mijë e një të zeza kurdise ku do t’ma zije pritën.E nën një kulm banonim,nga frëngjia me ditë më peshove,me ditë lexoja Shekspirin në hijen e Kullës,se mos do të takoj te kroni i shpresave.Ma ruaj syrin, dashuria ime,ma ruaj shpinën nga dielli, nga acari!Kam frikë se ma therin syrin cubat e territ,kam frikë se më vrasin pas shpine të pabesët.Dashuria ime, ma zgjat dorën ta kapërcejmë këtë ujë të madh,i huaj s’jam as vij nga tokë e vdekshme.Në fund të livadhit të kositur a po sheh:ai kali i bardhë është yni tash e përgjithmonë.Më shikon drejt në sy, lëri zënkat, fjalët, sharjet.Unë do të sjell Lulen nga zemra e bjeshkës,do ta ndez llambën në kullë,do ta hedh farën në tokën e re.Kur të desha, çoje dashuri pas shtatë katundevee të rënat të forta i kishe.Kur më deshe, çoja dashuri me një grua të marrëe mëhalla jehonte nga shpifjet.Na iku jeta, trime, si s’menduam pak edhe për vete.Koha është të duhemi.

    ObserverKult

    Lexo edhe:

    GABRIEL GARCIA MARQUEZ: DO HUMBASËSH SHUMË NJERËZ NË RRUGËTIMIN TËND…

  • Si mund të dëmtojë karrierën zakoni për të thënë gjithmonë ‘Po’

    Si mund të dëmtojë karrierën zakoni për të thënë gjithmonë ‘Po’

    Të thuash gjithmonë “po” në punë mund të duket pozitive, por në fakt mund të çojë në lodhje ekstreme, ngarkesë të pabarabartë dhe dëmtim të reputacionit profesional.Ky zakon shpesh e bllokon një person në rolin e ndihmuesit, jo të drejtuesit. Të mësosh të thuash “jo” në mënyrë të zgjuar, përmes vendosjes së kufijve të qartë, rrit respektin, ndikimin dhe përgatit terrenin për avancim në karrierë.Pse “po” e tepërt bëhet problemTë ndihmosh të tjerët është një mënyrë e shpejtë për të fituar besim në punë. Ai që gjithmonë pranon bëhet personi i besueshëm që të gjithë kërkojnë kur afron afati.Por ajo që nis si forcë mund të kthehet në dobësi: ata që janë tepër bujarë me kohën e tyre rrezikojnë të shpërqendrohen, të mos përparojnë dhe të ndihen të shfrytëzuar.E vërteta është se të thuash po nuk është gjithmonë shenjë përkushtimi, por shpesh shenjë frike, frikë nga zhgënjimi i të tjerëve, nga mungesa e mundësive apo nga paragjykimi si “i painteresuar”. Por ky zakon mbart kosto të fshehta që mund ta formësojnë karrierën.Kur bujaria kthehet në mbingarkesëFillimisht, “po”-ja jep ndjesinë e vlerësimit: kolegët të falënderojnë, drejtuesit të konsiderojnë të besueshëm. Por me kalimin e kohës, ngarkesa e punës shpërndahet padrejtësisht.Ata që ndihmojnë më shumë përfundojnë duke mbajtur peshën më të rëndë. Ajo që nisi si bujari, kthehet në pritshmëri.Performanca bie, afatet vonohen dhe krijimtaria shuhet, sepse nuk mbetet hapësirë për mendim të thellë. Kështu lind burnout i heshtur.Kostoja e fshehtë për reputacioninTë thuash gjithmonë po nuk të bën vetëm të lodhur, dëmton edhe mënyrën si të shohin të tjerët. Kolegët të shohin si “ndihmues”, jo si lider. Menaxherët mund të të mbajnë për zbatues, por jo për strateg.Ky quhet “kurthi i kompetencës”: je aq i mirë në ndihmë, sa përkufizohesh prej saj. Vlera jote shihet në ruajtjen e sistemit, jo në krijimin e ideve të reja.Pse “jo”-ja rrit ndikiminNë të vërtetë, të mësosh të refuzosh është një nga strategjitë më të fuqishme për karrierën. Të thuash “jo” nuk do të thotë të jesh egoist, por të mbrosh aftësinë për të dhënë punë cilësore.Një “po” e zgjedhur me kujdes ka më shumë peshë sesa dhjetë “po” automatike. Kur vendos kufij të qartë, njerëzit fillojnë të respektojnë gjykimin dhe prioritetet e tua.Liderët që dinë të thonë “jo” tregojnë besim dhe qartësi, duke fituar besim dhe detyra më të rëndësishme.Si të vendosësh kufij pa prishur marrëdhënietRefuzimi mund të duket i rrezikshëm, por mënyra si e formulon është thelbësore. Në vend të një “jo”-je të thatë, mund të thuash:“Dua t’i kushtoj këtij projekti vëmendjen që meriton, por tani jam përqendruar në një afat tjetër. Mund ta rishikojmë javën tjetër?”Kjo tregon respekt dhe kufij.Ose mund të ofrosh alternativa, duke e drejtuar kërkesën te një koleg tjetër, një mënyrë për të ruajtur bashkëpunimin pa humbur kontrollin e kohës.Me kalimin e kohës, ky ndryshim perceptimi të kthen nga “njeriu që gjithmonë thotë po” në profesionistin që zgjedh me kujdes, dhe ky është dallimi mes të qenët ndihmues dhe të qenit lider. / Forbes, Shqip.alKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Manastirliu, Binaj apo Qori? SONDAZHI- Për kë do të votojnë qytetarët e Tiranës

    Manastirliu, Binaj apo Qori? SONDAZHI- Për kë do të votojnë qytetarët e Tiranës

    Arlind Qorri, Ogerta Manastirliu dhe Florjan Binaj

    TIRANË-Janë publikuar rezultatet e sondazhit të fundit të realizuar nga “Notosondaggi”, përpara se të zhvillohen zgjedhjet lokale në Tiranë.
    Sondazhi, i drejtuar nga eksperti i njohur italian Antonio Noto, publikuar nga News24, paraqet prirjet elektorale dhe preferencat e votuesve në bashkinë më të madhe të vendit, ku do të votohet për pasardhësin e Erion Veliajt në krye të saj.
    Sipas pyetjes së katërt të sondazhit, “Kryetar i Bashkisë së Tiranës: Orientimi i votimit”, rezultatet tregojnë një garë shumë të ngushtë mes kandidates së Partisë Socialiste, Ogerta Manastirliu, dhe kandidatit të pavarur, të mbështetur nga opozita e bashkuar, Florjan Binaj.

    –Ogerta Manastirliu (Partia Socialiste e Shqipërisë) merr 44,0% të mbështetjes, me një interval mes 42% dhe 46%.
    –Florjan Binaj (I mbështetur nga Partia Demokratike, Partia Mundësia, Nisma Thurje, Lëvizja Shqipëria Bëhet) rezulton me 42,0%, në një interval nga 40% deri në 44%.
    –Arlind Qorri (Lëvizja BASHKË) renditet i treti me 12,5%, ndërsa
    –Marko Dajti (Partia e Punës së Shqipërisë e Riorganizuar) merr 1,5% të preferencave.
    Rezultatet tregojnë se diferenca mes dy kandidatëve kryesorë është vetëm 2 pikë përqindje, çka e bën garën për Tiranën tepër të hapur.
    Sipas të dhënave, ish-ministrja e Shëndetësisë Ogerta Manastirliu gëzon nivelin më të lartë të besimit ndër qytetarët e Tiranës.

    30% e të anketuarve janë shprehur se “kanë besim” te ajo si kandidate e mundshme, 51% “nuk kanë besim”, ndërsa 19% thonë se “nuk e dinë” ose “nuk e njohin”.
    Në vend të dytë për nivel besimi renditet aktori dhe aktivisti Florjan Binaj, me:

    28% “kanë besim”,50% “nuk kanë besim”,dhe 22% “nuk e dinë / nuk e njohin”.
    Nga ana tjetër, Arlind Qori, aktivist dhe lider i Lëvizjes BASHKË, rezulton me:

    11% që kanë besim,63% që nuk kanë besim,dhe 26% që nuk e njohin ose nuk janë të sigurt.
    Ndërsa Marko Dajti, drejtues i Partisë së Punës së Riorganizuar, ka rezultuar me nivelin më të ulët të besimit publik:

    vetëm 5% e qytetarëve shprehen se kanë besim,45% nuk kanë besim,ndërsa 50% nuk e njohin.
    11% që kanë besim,63% që nuk kanë besim,dhe 26% që nuk e njohin ose nuk janë të sigurt.

  • Manastirliu, Binaj apo Qori? Sondazhi zbulon sa besim kanë votuesit e Tiranës te secili kandidat për kryebashkiak

    Manastirliu, Binaj apo Qori? Sondazhi zbulon sa besim kanë votuesit e Tiranës te secili kandidat për kryebashkiak

    Në emisionin televiziv janë bërë publike rezultatet e sondazhit më të fundit të realizuar nga “Notosondaggi”, përpara zhvillimit të zgjedhjeve lokale për Bashkinë e Tiranës.
    Sondazhi, i drejtuar nga eksperti i njohur italian Antonio Noto, paraqet prirjet elektorale dhe perceptimin që kanë qytetarët për disa figura publike që mund të shihen si kandidatë potencialë për kryetar bashkie, pas përfundimit të mandatit të Erion Veliajt.

     

     

    30% e të anketuarve janë shprehur se “kanë besim” te ajo si kandidate e mundshme,
    51% “nuk kanë besim”,
    ndërsa 19% thonë se “nuk e dinë” ose “nuk e njohin”.

    Në vend të dytë për nivel besimi renditet aktori dhe aktivisti Florjan Binaj, me:

    28% “kanë besim”,
    50% “nuk kanë besim”,
    dhe 22% “nuk e dinë / nuk e njohin”.

    Nga ana tjetër, Arlind Qori, aktivist dhe lider i Lëvizjes BASHKË, rezulton me:

    11% që kanë besim,
    63% që nuk kanë besim,
    dhe 26% që nuk e njohin ose nuk janë të sigurt.

    Ndërsa Marko Dajti, drejtues i Partisë së Punës së Riorganizuar, ka rezultuar me nivelin më të ulët të besimit publik:

    vetëm 5% e qytetarëve shprehen se kanë besim,
    45% nuk kanë besim,
    ndërsa 50% nuk e njohin.

     

  • Berisha: PD ka besim të plotë se udhëheqja politike e Kosovës do marrë pafajësinë. Por në skenarët e errët, Edi Rama ka duart e veta të zeza

    Berisha: PD ka besim të plotë se udhëheqja politike e Kosovës do marrë pafajësinë. Por në skenarët e errët, Edi Rama ka duart e veta të zeza

    Gjatë fjalës së tij në Kuvend, lideri i opozitës Sali Berisha deklaroi se Partia Demokratike ka besim të plotë se udhëheqja politike e Kosovës do të marrë pafajësinë.

    Ai akuzoi kryeministrin Edi Rama për përfshirje në “skenarët e errët” kundër drejtuesve të luftës çlirimtare, duke thënë se “Rama ka duart e veta të zeza”. Berisha kujtoi se PD ka qenë organizatore e rezolutës për njohjen e Republikës së Kosovës që në vitin 1991 dhe ka mbështetur fuqishëm si presidentin Ibrahim Rugova, ashtu edhe UÇK-në.

    Ai theksoi se qeveria e asaj kohe u dha strehë dhe ndihmë komandantëve të luftës për t’u aftësuar dhe përgatitur për lirinë. Më tej, Berisha e quajti rreshtimin e mazhorancës me Aleksandër Vuçiçin “tradhtinë më të madhe ndaj shqiptarëve pas asaj të Enver Hoxhës”.

    FJALA E BERISHËS:

    Tani, vetëm dy fjalë do them lidhur me shpifjet e ulëta, amorale që bëri njeriu që di vetëm të shpifë.

    Kjo sallë ka memorie. Kjo parti është organizatore e rezolutës për njohjen e republikës së Kosovës në atë kohë kur ju dridheshit, në vitin 1991.

    Qeveria e saj u dha strehë dhe të gjitha mundësitë Adem Jasharit dhe komandantëve të tjerë të stërviten dhe të aftësohen.

    Qeveria e saj ia doli të kalojë në vitin 1994, rezolutën e miratuar nga 137 vende.

    Qytetarëve të Kosovës u njihej në OKB e drejta e vetëvendosjes, rezolutë që ishte bazë e dokumentit të parë të Rambujesë.

    Kjo parti mbështeti fuqishëm si presidentin Rugova, ashtu edhe UÇK-në dhe ajo i konsideron ata luftëtarë të lirisë.

    Kjo parti ishte promotore kryesore e njohjeve ndërkombëtare dhe shpalljes së pavarësisë së Kosovës në Tiranë.

    Por, rreshtimi juaj me Aleksandër Vuçiçin, shndërrimi i kreut tuaj në argat të Vuçiçit ishte tradhtia më e madh që iu bë shqiptarëve dhe Shqipërisë pas asaj të Enver Hoxhës.

    Kështu që ajo që bëni ju është një karnaval me të cilën dëmtoni palcërisht statusin e udhëheqësve të luftës çlirimtare të Kosovës, e cila për ne ka qenë dhe është faqja më e ndritur e luftërave të shqiptarëve që nga luftërat e Skënderbeut gjer sot.

    PD ka besim të plotë se udhëheqja politike e Kosovës do marrë pafajësinë.

    Se akuzat e rënda të bëra ndaj tyre nuk u faktuan asnjë prej tyre gjer sot.

    Por në skenarët e errët, Edi Rama ka duart e veta të zeza.