Dy kullat gjigante, të ndërtuara me rreth 56 mijë tonë beton, në një termocentral bërthamor në jug të Gjermanisë, u rrëzuan me shpërthim të kontrolluar ditën e sotme, një fund simbolik për këtë impiant.
Sipas burimeve, kullat i përkisnin stacionit bërthamor të prodhimit të energjisë në Gundremmingen, në Bavari.Ky stacion kishte qenë një pikë referimi për qytetin për gati gjashtë dekada, duke krijuar vende pune dhe duke forcuar ekonominë lokale.
Në kuadër të shuarjes së energjisë bërthamore në Gjermani dhe kalimit drejt burimeve të rinovueshme, stacionet bërthamore Gundremmingen, Brokdorf dhe Grohnde ishin ndalur nga funksionimi që në dhjetor të vitit 2021.
Mijëra njerëz u mblodhën për të ndjekur nga një distancë e sigurt procesin e shembjes. Në total u kryen tre shpërthime: i pari për të trembur kafshët dhe jetën e egër të zonës, ndërsa dy të tjerët për të rrëzuar plotësisht kullat.
Sipas autoriteteve lokale, pas prishjes do të vazhdojë çmontimi i plotë i stacionit, një proces që pritet të përfundojë deri në vitin 2040.
Tag: bërthamor
-
Pamje spektakolare në Gjermani, shemben live dy kullat gjigante të ish-centralit bërthamor (VIDEO)
-
Video/ Kullat e një ish-centrali bërthamor në Gjermani shemben me shpërthim të kontrolluar
Dy kullat masive të ftohjes, të ndërtuara me rreth 56,000 ton beton, në një central bërthamor në Gjermaninë jugore u shembën gjatë një shembjeje të kontrolluar të shtunën, një fund simbolik i objektit.
Kullat i përkisnin centralit elektrik në Gudermingen, Bavari.
Shikoni videon e shembjes:Stacioni ishte një pikë referimi për qytetin për gati gjashtë dekada, duke krijuar vende pune dhe duke nxitur ekonominë lokale, raporton Euronews. Si pjesë e heqjes graduale të energjisë bërthamore të vendit dhe kalimit në burime të rinovueshme, termocentralet bërthamore Gudrmingen, Brokdorf dhe Grondet u çmontuan në dhjetor 2021.
Mijëra njerëz u mblodhën për të parë shembjen nga një distancë e sigurt. Gjithsej u bënë tre shpërthime. E para për të trembur kafshët dhe faunën në zonë dhe dy të tjerat për të rrafshuar kullat.
Pas shembjes, çmontimi i stacionit do të vazhdojë dhe do të përfundojë në vitin 2040.Top Channel
-
Irani: S’jemi të detyruar të respektojmë “kufizimet” për programin bërthamor
Irani tha se nuk është më i detyruar që të respektojë kufizimet mbi programin e tij bërthamor, pasi ka skaduar marrëveshja 10-vjeçare mes tij dhe fuqive botërore, ndonëse Teherani përsëriti më 18 tetor “angazhimin tonë ndaj diplomacisë”.
Marrëveshja e vitit 2015 – e nënshkruar në Vjenë nga Irani, Kina, Britania, Franca, Gjermania, Rusia dhe Shtetet e Bashkuara – parashikonte heqjen e sanksioneve ndërkombëtare kundër Republikës Islamike në këmbim të kufizimeve mbi programin bërthamor të Teheranit.
Por, nga marrëveshja Uashingtoni u tërhoq në mënyrë të njëanshme gjatë mandatit të parë të presidentit Donald Trump, ndërsa më pas edhe Irani u tërhoq nga angazhimet e tij.Muajin e kaluar, ndaj Iranit u rivendosën sanksionet e Kombeve të Bashkuara. Mekanizmin e vendosjes automatike të sanksioneve e aktivizuan nënshkrueset evropiane të marrëveshjes së vitit 2015.
Nga tani, “të gjitha dispozitat [e marrëveshjes], përfshirë kufizimet mbi programin bërthamor iranian dhe mekanizmat përkatës, konsiderohen të përfunduara”, tha Ministria e Jashtme e Iranit në një deklaratë në ditën e skadimit të paktit.
“Irani shpreh fuqishëm përkushtimin e tij ndaj diplomacisë”, shtoi ajo.
Prej kohësh, fuqitë perëndimore e kanë akuzuar Iranin se po synon të zhvillojë armë bërthamore, akuzë që Teherani e ka refuzuar vazhdimisht dhe ka këmbëngulur se programi i tij bërthamor është vetëm për qëllime civile, si prodhimi i energjisë.
“Dita e përfundimit” të marrëveshjes ishte përcaktuar për 18 tetor 2025, saktësisht 10 vjet pas miratimit të saj në rezolutën 2231 të Këshillit të Sigurimit të OKB-së.
Marrëveshja e kufizonte pasurimin e uraniumit të Iranit në 3.67 për qind pastërti, në këmbim të lehtësimit të sanksioneve. Sipas Agjencisë për Energji Bërthamore, Irani është i vetmi vend pa program të armëve bërthamore që pasuron uraniumin deri në 60 për qind pastërti. Ky nivel është pranë pragut prej 90 për qind që nevojitet për një bombë bërthamore./REL -
NATO fillon stërvitjet bërthamore
NATO ka filluar stërvitjen vjetore të parandalimit bërthamor “Steadfast Noon”.
Stërvitja është një aktivitet trajnimi rutinë i planifikuar prej kohësh dhe pjesë e përpjekjeve më të gjera të aleancës për të ruajtur gatishmërinë dhe për të siguruar transparencë rreth pozicionit të saj bërthamor. Nuk është e lidhur me asnjë ngjarje aktuale botërore dhe nuk përdoren armë të vërteta.
Duke njoftuar stërvitjen, Sekretari i Përgjithshëm i NATO-s, Mark Rutte, tha: “Ne duhet ta bëjmë këtë sepse na ndihmon të sigurohemi që parandaluesi ynë bërthamor të mbetet sa më i besueshëm, i sigurt, i mbrojtur dhe efektiv të jetë e mundur.”
Holanda është vendi pritës për stërvitjen Steadfast Noon të këtij viti. Baza Ajrore Volkel do të jetë baza kryesore e fokusit, me elementë të tjerë mbështetës në Bazën Ajrore Kleine-Brogel në Belgjikë dhe në Forcën Ajrore Mbretërore Lakenheath në Mbretërinë e Bashkuar.Pjesëmarrja në Steadfast Noon bëhet me rotacion midis aleatëve çdo vit.
-
“Sistemi më i fuqishëm bërthamor strategjik”, koreanët zbulojnë në paradën ushtarake raketën e re balistike
Koreja e Veriut zbuloi raketën e saj balistike ndërkontinentale Hwasong-20, e përshkruar nga media shtetërore si “sistemi më i fuqishëm bërthamor strategjik”.
Gjatë paradës ushtarake për 80-vjetorin e Partisë Punëtore, me pjesëmarrjen e zyrtarëve të lartë rusë dhe kinezë, u shfaqën dronë, raketa tokë-ajër dhe raketa tokë-tokë u shfaq për t’i treguar botës kapacitetet “të pakapshme” të ushtrisë së izoluar, ndërsa qytetarët e detyruar të merrnin pjesë brohoritnin nën ngjyrat e flamurit kombëtar.
Udhëheqësi Kim Jong Un përmendi gjithashtu pjesëmarrjen e trupave koreano-veriore në Ukrainë pranë forcave ruse, ku rreth 600 ushtarë janë vrarë dhe mijëra të tjerë janë plagosur, sipas Seulit.
Ekspertët vënë në dukje se kjo shfaqje nuk është thjesht propagandë, ajo reflekton një ndryshim struktural në politikën rajonale, duke treguar gatishmërinë e Phenianit për të sfiduar aleancën Seul-Washington me mbështetje të Rusisë dhe Kinës.
Analistët kritikojnë qëndrimin e izoluar dhe militarizimin ekstrem të Koresë së Veriut, duke paralajmëruar se shpenzimet masive për armë bërthamore ndërkohë që qytetarët vuajnë nga varfëria dhe represioni, nuk janë vetëm të rrezikshme për rajonin, por edhe për popullsinë e vet. -
Moska: BE dhe NATO po vënë në rrezik centralin bërthamor të Zaporizhias
Bashkimi Evropian dhe NATO po rrezikojnë termocentralin bërthamor të Zaporizhzhisë. Akuza u ngrit nga Maria Zakharova, zëdhënëse e Ministrisë së Jashtme ruse.
“Kujtojmë se si rezultat i bombardimeve nga forcat ukrainase më 23 shtator, linja e tensionit të lartë ZNPP-Dniprovska u dëmtua, gjë që çoi në ndërprerjen e furnizimit me energji të jashtme. Duke mbuluar veprime të tilla të pamatura nga Kievi, vendet e BE-së dhe NATO-s jo vetëm që po e inkurajojnë Ukrainën të nisë sulme të reja kundër objekteve bërthamore paqësore, por po bëhen edhe bashkëpunëtorë të drejtpërdrejtë të tyre”, theksoi Zakharova .
Zakharova më pas hodhi poshtë kritikat e Përfaqësueses së Lartë të BE-së Kaja Kallas.
“Këto fjalë tingëllojnë veçanërisht cinike që vijnë nga një përfaqësuese e Bashkimit Evropian, një shoqatë që vazhdon t’i ofrojë Kievit mbështetje politike, financiare dhe ushtarake, pa të cilën këto provokime nuk do të ishin të mundura”, tha ajo. -
Sulmi rus ndërpret energjinë elektrike në centralin bërthamor të Çernobilit
Një sulm ajror rus ka dëmtuar rrjetin elektrik që furnizon me energji strukturën mbrojtëse të re në termocentralin bërthamor të Çernobilit, objekt që mbulon pjesën e reaktorit të dëmtuar gjatë katastrofës së vitit 1986. Lajmi është bërë i ditur nga Ministria e Energjisë së Ukrainës.
Sipas njoftimit zyrtar, “si pasojë e luhatjeve në furnizimin me energji, Këllëfi Mbrojtës i Ri, një strukturë thelbësore që izolon njësinë e katërt të dëmtuar dhe ndalon lirimin e materialeve radioaktive në mjedis, ka mbetur pa energji elektrike”.
Më herët gjatë ditës, një dron rus ka goditur një nënstacion elektrik në qytetin Slavutych, duke shkaktuar ndërprerje të gjera të energjisë në qytet dhe në disa zona të krahinës Chernihiv, sipas autoriteteve lokale.Nuk është hera e parë që kjo strukturë goditet. Në muajin shkurt, një tjetër dron rus i tipit Shahed kishte goditur të njëjtin objekt mbrojtës mbi reaktorin e katërt. Edhe pse struktura pësoi dëmtime, nuk pati atëherë rrjedhje serioze radioaktive.
Ndërkohë, situata në termocentralin tjetër bërthamor në Zaporizhia, më i madhi në Evropë, vijon të jetë kritike. Ky impiant ndodhet nën kontrollin e forcave ruse që nga marsi i vitit 2022 dhe aktualisht është i shkëputur nga rrjeti elektrik i Ukrainës për më shumë se 100 orë – një rekord i rrezikshëm.
Presidenti ukrainas Volodymyr Zelensky deklaroi më 30 shtator se situata në Zaporizhia është “kritike”, duke shtuar se stacioni po mbahet funksional nga gjeneratorë me naftë, prej të cilëve një është tashmë jashtë funksionit. -
Sulmi rus ndërpret energjinë elektrike në centralin bërthamor të Çernobilit, Zelenskyy: Situata kritike, e përsëritur nga 2022
Një sulm ajror rus ka shkaktuar ndërprerje të energjisë elektrike në strukturën mbrojtëse të centralit bërthamor të Çernobilit, sipas Ministrisë së Energjisë së Ukrainës.
Predha e re mbrojtëse, kupola që mbulon reaktorin e katërt të dëmtuar në vitin 1986 dhe parandalon përhapjen e materialeve radioaktive, mbeti pa energji për shkak të luhatjeve në rrjet, njoftoi ministria përmes Telegramit.
Më herët gjatë ditës, një sulm me dron rus goditi një nënstacion elektrik në qytetin Slavutych, duke shkaktuar ndërprerje të energjisë në qytet dhe në pjesë të rajonit fqinj të Chernihiv, sipas autoriteteve lokale.
Ky nuk është incidenti i parë që prek Çernobilin. Në shkurt, një dron Shahed goditi Murin e Ri të Përmbajtjes mbi reaktorin e katërt të shkatërruar. Struktura pësoi dëmtime, por nuk u raportua për rrjedhje serioze rrezatimi.
Situata vjen ndërsa siguria e centralit bërthamor të Zaporizhias, më i madhi në Evropë dhe i pushtuar nga Rusia që prej marsit 2022. Termocentrali u shkëput nga rrjeti elektrik ukrainas për një periudhë rekord prej mbi 100 orësh.
Presidenti Volodymyr Zelenskyy e përshkroi situatën në Zaporizhia si “kritike”, duke theksuar se centrali po furnizohet nga gjeneratorët me naftë, por njëri prej tyre tashmë është nxjerrë nga shërbimi.
Top Channel
-
“Emergjencë bërthamore në Ukrainë”/ Zelensky paralajmëron për rrezik pas ndërprerjes më të gjatë të energjisë në centralin e Zaporizhzhias
Presidenti i Ukrainës, Volodymyr Zelensky, ka paralajmëruar për një situatë kritike në centralin bërthamor të Zaporizhzhias, i cili ndodhet nën kontrollin e forcave ruse dhe është shkëputur nga rrjeti elektrik për shtatë ditë me radhë, për herë të parë që nga fillimi i pushtimit rus.
Duke folur në mesazhin e tij të përnatshëm, Zelensky tha se bombardimet e vazhdueshme ruse po pengojnë punimet për rivendosjen e lidhjeve me rrjetin elektrik, ndërsa një prej gjeneratorëve me naftë, që furnizon centralin me energji emergjente, ka ndaluar së funksionuari.
“Kjo është dita e shtatë. Asnjëherë më parë nuk ka pasur një emergjencë të tillë në centralin e Zaporizhzhias. Situata është kritike”, tha ai.
“Asnjë terrorist në botë nuk ka guxuar të bëjë me një central bërthamor atë që po bën Rusia tani.”
Edhe pse centrali nuk prodhon aktualisht energji elektrike, ai ka nevojë për furnizim të vazhdueshëm me energji për të ftohur reaktorët, në mënyrë që të shmanget një shkrirje fatale e karburantit bërthamor.
Shefi i Agjencisë Ndërkombëtare për Energjinë Atomike (IAEA), Rafael Grossi, tha se po punohet me të dyja palët për të rivendosur lidhjen me rrjetin elektrik, ndërsa aktualisht centrali po mbahet në funksion falë gjeneratorëve emergjentë me naftë, të cilët janë “linja e fundit e mbrojtjes”.
“Nuk ka rrezik të menjëhershëm për sa kohë që gjeneratorët funksionojnë,” tha Grossi, “por kjo nuk është një situatë e qëndrueshme për sigurinë bërthamore.”
Aktualisht, sipas IAEA, 8 gjeneratorë janë në funksion, 9 të tjerë në gatishmëri dhe 3 janë në mirëmbajtje.
Grossi theksoi se aktiviteti ushtarak nga të dyja palët po pengon riparimet e domosdoshme në linjat e energjisë. Ai kërkoi bashkëpunim urgjent nga të dyja palët: “Asnjëra palë nuk përfiton nga një aksident bërthamor. I bëj thirrje të dyja palëve të na lejojnë të realizojmë riparimet thelbësore.”
Qeveria ruse ende nuk ka komentuar mbi situatën aktuale në central.
Zaporizhzhia, që ndodhet pranë qytetit Enerhodar përgjatë lumit Dnipro, është centrali më i madh bërthamor në Evropë, me gjashtë reaktorë, dhe ndodhet afër vijës së frontit. Të dyja palët, Ukraina dhe Rusia, akuzojnë njëra-tjetrën për sulme që rrezikojnë sigurinë bërthamore që prej vitit 2022, kur forcat ruse e pushtuan objektin.
IAEA ka mbajtur monitorë të përhershëm në centralin e Zaporizhzhias, si dhe në tre centralet e tjera bërthamore të Ukrainës.Top Channel
-
OKB rivendos sanksionet ndaj Iranit për programin bërthamor, Rubio: Diplomacia mbetet opsioni më i mirë
Sanksionet e OKB-së ndaj Iranit, për shkak të mospërmbushjes së angazhimeve për programin e tij bërthamor, u rivendosën në orën 3 të mëngjesit, dhjetë vjet pasi ato u hoqën.
Një propozim nga Rusia dhe Kina për të shtyrë rivendosjen e sanksioneve për gjashtë muaj dështoi të miratohej në Këshillin e Sigurimit të OKB-së të premten, pasi vetëm katër vende votuan në favor të projektrezolutës. Nëntë nga 15 anëtarët e Këshillit të Sigurimit të OKB-së votuan kundër saj dhe dy abstenuan.
“Diplomacia mbetet një opsion, një marrëveshje mbetet rezultati më i mirë për popullin iranian dhe bashkësinë ndërkombëtare. Që kjo të ndodhë, Irani duhet të bjerë dakord për bisedime të drejtpërdrejta, të zhvilluara me mirëbesim, pa shmangie ose mashtrim”, theksoi Sekretari i Shtetit i SHBA-së, Marco Rubio, në një deklaratë, duke u bërë thirrje vendeve të tjera që të “zbatojnë menjëherë” sanksionet kundër Teheranit.
Gjermania, Franca dhe Britania e Madhe mirëpritën rivendosjen e sanksioneve ndaj Iranit, duke i bërë thirrje Teheranit të “përmbahet nga çdo veprim përshkallëzues” dhe “të përmbushë detyrimet e tij”. Një deklaratë e përbashkët nga ministrat e jashtëm të tre vendeve theksoi se ata do të vazhdojnë përpjekjet e tyre për të “kërkuar një zgjidhje diplomatike që siguron që Irani të mos pajiset kurrë me armë bërthamore”.
Irani mbron të drejtën e tij sovrane për të pasur një program bërthamor për qëllime civile, veçanërisht për prodhimin e energjisë, ndërsa mohon kategorikisht se kërkon të zhvillojë armë bërthamore.Top Channel