Lajmidites.com

Tag: berlin

  • “Jingle Bells”, Gjermania hap tregjet e Krishtlindjeve, shton masat e sigurisë

    “Jingle Bells”, Gjermania hap tregjet e Krishtlindjeve, shton masat e sigurisë

    Tregjet tradicionale të Krishtlindjeve u hapën në të gjithë Gjermaninë me stendat e tyre të famshme prej druri me verë të nxehtë, salçiçe të pjekura në skarë ose mollë të karamelizuara.

    Por momenti që sjell më pranë frymën e festave të fundvitit, u shoqërua me një shtim të ndjeshëm të masave të sigurisë, në një kohë kur kujtimet e dy sulmeve vdekjeprurëse në tregje të tilla janë ende të freskëta për shumë gjermanë.
    Në Berlin, tregu i famshëm në kishën Gedächtniskirche të qytetit u hap me shërbim të hapur për publikun të hënën në mëngjes.
    Hapje të tjera përfshinin tregjet e Krishtlindjeve në bashkinë Rotes Rathaus, Gendarmenmarkt dhe Pallatin Charlottenburg.
    Tregjet e Krishtlindjeve janë një traditë vjetore që gjermanët e kanë çmuar që nga Mesjeta – dhe e kanë eksportuar me sukses në pjesën më të madhe të botës perëndimore.
    Atje shesin jo vetëm ushqime të lehta dhe pije, por edhe qirinj të punuar me dorë, kapele leshi, doreza dhe yje të shndritshëm të Krishtlindjeve në të gjitha ngjyrat dhe format. Fëmijët shijojnë udhëtime në karusele dhe patinazh në pistat e akullit.
    Por, siç theksojnë mediat, siguria është një problem në të gjitha tregjet në të gjithë vendin.Vitin e kaluar, pesë gra dhe një djalë vdiqën, dhe shumë të tjerë u plagosën në një sulm me makinë në një treg Krishtlindjesh në qytetin e Magdeburgut më 20 dhjetor.
    Autori i sulmit që nuk zgjati veçse pak më shumë se një minutë, është aktualisht në gjyq në Magdeburg.
    Ndërkohë në 19 dhjetor 2016, një sulmues përplasi kamionin ndaj një turme  njerëzish që shkonin në tregun e Krishtlindjeve po në kishën Gedachtniskirche në Berlin, duke vrarë 13 persona dhe duke lënduar dhjetëra të tjerë. I dyshuari u vra disa ditë më vonë në një shkëmbim zjarri në Itali.

    Top Channel

  • Drejtori i shkollës u sulmua në Berlin: Islamistët donin të më vrisnin

    Drejtori i shkollës u sulmua në Berlin: Islamistët donin të më vrisnin

    Hudhaifa Mashhadani, drejtori i një shkolle gjuhësh në Berlin dhe kritik i islamit radikal, është ende i shokuar, siç i tha FOCUS – it. Një person, ndoshta me origjinë palestineze, u përpoq ta shtynte përpara një treni metroje që po vinte përballë.

    Pak pas orës 11:00 të paradites së djeshme, të premten, Hudhaifa Al-Mashhadani, kreu i njohur i Shkollës Gjermano-Arabike në Berlin, doli nga bashkia e Neukölln. Ai zbriti në metro. Ndërsa treni i metrosë ishte në gjysmë të shinave, një person e shtyu nga pas, duke i kapur xhaketën dhe duke e tërhequr drejt platformës. 

    “Mbijetova sepse luftova.”

    “Pastaj personi më goditi në kokë me dorë,” tregon Al-Mashhadani, “kishte vetëm disa sekonda.” Por ai luftoi sa më mirë që mundi. Një shofer metroje që kishte hetuar se çpo ndodhte, kur treni më në fund ndaloi, e mbylli shpejt derën pas tij. Kjo i lejoi Mashhadanit ta shihte sulmuesin.

    Personi, i cili dukej se ishte me prejardhje nga Evropa Jugore, mbante veshur një keffiye palestineze të kuqe dhe të bardhë dhe syze. Autori i krimit e shikoi, imitoi një thikë në fyt me dy gishta dhe pastaj i drejtoi dy gishta në sy: “Kështu ishte, këtë herë nuk funksionoi, por po të mbajmë nën vëzhgim”, tha Al-Mashhadani.

    Siç i tha një zëdhënës i policisë FOCUS – it, Shërbimi i Sigurisë Shtetërore po heton. Ata aktualisht po vlerësojnë videot e mbikëqyrjes nga kamerat e metrosë BVG dhe po marrin në pyetje dëshmitarët.

    Hudhaifa Mashhadani është kreu i Shkollës Gjermano-Arabike në Berlin dhe një kritik publik i shoqatave të xhamive islamiste. Ai është gjithashtu aktiv në “Këshillin Gjermano-Arab”, një shoqatë e 36 organizatave liberale dhe laike, dhe bashkëpunon me izraelitët dhe hebrenjtë në Berlin.

    Hudhaifa Al-Mashhadani kohët e fundit i kishte dalë hapur në ndihmë komisionerit të integrimit Güner Balci, i cili kishte folur për një “infiltrim” të islamistëve në pjesë të SPD-së së Berlinit  në lidhje me dorëheqjen e kryetarit të bashkisë Martin Hikel (SPD) .

    “Ndikimi i shoqatave të xhamive dhe shkollave të kuranit është vazhdimisht në rritje.”

    “Güner Balci ka të drejtë, fuqia e shoqatave të xhamive dhe shkollave të kuranit është rritur gjithnjë e më shumë, ato sjellin ideologjinë e Vëllazërisë Myslimane dhe ekstremistëve të tjerë në vend dhe veçanërisht tek fëmijët”, tha Al-Mashhadani për FOCUS.

    Al-Mashhadani bashkëpunon me Martin Hikel dhe Güner Balci kundër ekstremistëve

    Al-Mashhadani rrëfen se si  ai u përpoq vazhdimisht, së bashku me oficerin e integrimit të Neukölln (Berlin), Güner Balci, dhe kryetarin e bashkisë Martin Hikel, të luftonte këtë ndikim në rritje të Islamit radikal .

    Prandaj, Hudhaifa Al-Mashhadani është i sigurt: “Islamistët duan të hakmerren ndaj meje dhe të më vrasin.” Ai dyshon se janë ish-aktivistë të organizatës mbështetëse të Hamasit, tani të ndaluar, “Samidoun” dhe radikalë të krahut të majtë nga Neukölln.

  • VIDEO/ Vetëm barazim për Bayern, Union Berlin “kockë e fortë”, Dortmund e pëson në fund

    VIDEO/ Vetëm barazim për Bayern, Union Berlin “kockë e fortë”, Dortmund e pëson në fund

    Rezultate interesante në Bundesligë, në ndeshjet e javës së 10-të. Kampionët e Gjermanisë, Bayern barazuan 2-2 me Union Berlin, në ndeshjen e luajtur në Stadion An der Alten Försterei.
    Holandezi Doekhi realizoi dopietë në këtë takim, duke shënuar përkatësisht në minutën e 27-të dhe 83-të. Goli i Diaz në fundin e pjesës së parë barazoi përkohësisht sfidat. Për të shpëtuar ekipin e Kompany mendoi Kane, me një gol në të 90-tën.

    Në sfidën tjetër, barazim 1-1 i Hamburg ndaj Dortmund. Verdhezinjtë, dukej se po fitonin, por pësuan gol në fund.
     

  • Union Berlin ndal serinë e fitoreve të Bajern Mynih, Kejn shpëton kampionët në sekondën e fundit nga humbja

    Union Berlin ndal serinë e fitoreve të Bajern Mynih, Kejn shpëton kampionët në sekondën e fundit nga humbja

    Union Berlin ka ndalur Bajernin e Mynihut të thellonte serinë e fitoreve, pasi kishte arritur në 16-të të tilla në të gjitha kompeticionet.
    Kryeqytetasit kanë arritur të barazojnë 2-2 përballë kampionëve në fuqi, një sfidë që edhe mund të ishte fituar nga vendasit.
    Doekhi kalonte vendasit në avantazh në minutën e 27-të pas një goditjeje standarde, por 11 minuta më pas Diaz do të barazonte shifrat në 1-1 duke realizuar nga një kënd thuajse i pamundur.

    Me rezultatin 1-1 do të mbyllej pjesa e parë e sfidës.
    Në të dytën bavarezët do të rrisnin presionin në fushë, por do të ishin sërish vendasit që do të kalonin në avantazh sërish me anë të Doekhi në minutën e 83-të.
    Por kur dukej se bavarezët do të pësonin humbjen e parë këtë sezon, Harri Kejn barazon shifrat në 2-2, duke mos lejuar që kampionët të njohin “shijen” e humbjes këtë sezon.

  • Çmimi i Putinit për dirigjentin gjerman, zemëratë në Berlin

    Një ligjvënës konservator në Berlin bëri thirrje për masa kundër dirigjentit gjerman Justus Frantz, i cili udhëtoi për në Moskë këtë javë për të marrë Urdhrin e Miqësisë nga Presidenti rus Vladimir Putin.

    Anëtari i parlamentit të Unionit Kristian Demokrat, Roland Theis, i tha  të enjten revistës “Berlin PlayBook” të POLITICO-s, se presidenti gjerman Frank-Walter Steinmeier duhet të revokojë Urdhrin e Meritës për Republikën Federale të Gjermanisë të Frantz-it.

    “Kushdo që rreshtohet me një diktator, agresionet ushtarake hibride të të cilit, deri më tani, janë drejtuar kundër vendit tonë, nuk mund të jetë më bartës i Urdhrit Federal të Meritës”, tha Theis për POLITICO.

    Putini të martën i dha çmimin muzikantit 81-vjeçar gjerman, duke thënë: “Për shumë vite, Justus Frantz ka dhënë një kontribut të frytshëm në nxitjen e marrëdhënieve më të ngushta dhe pasurimit të ndërsjellë midis kulturave të Rusisë dhe Republikës Federale të Gjermanisë.”

    Në shkurt të vitit 2023, Frantz  nënshkroi “Manifestin për Paqe” kontrovers, një peticion online nga politikania e krahut të majtë Sahra Wagenknecht,  që bënte thirrje për negociata me Rusinë.

    Sipas faqes së tij të internetit, Frantz ka performuar me orkestrat filarmonike të Berlinit, Nju Jorkut dhe Vjenës, si dhe me Orkestrën Simfonike të Londrës. Raportet thonë se ai është një admirues i kompozitorëve legjendarë rusë Pyotr Tchaikovsky dhe Sergei Rachmaninoff./ Politico.

  • Sërish dronë në Gjermani, aeroporti Berlin-Bradenburg ndalon fluturimet për dy orë

    Sërish dronë në Gjermani, aeroporti Berlin-Bradenburg ndalon fluturimet për dy orë

    Një dron pranë Aeroportit Berlin-Brandenburg shkaktoi vonesa dhe anulime fluturimesh të premten në mbrëmje.

    Policia po kontrollon zonën me helikopterë, ndërsa fluturimet po vazhdojnë dhe ndalimi i natës është hequr.
    Droni po fluturonte në pjesën jugore të aeroportit, ku u vu re nga një punëtor në objekt. Prania e tij u konfirmua nga oficerët e policisë që patrullonin zonën pak më vonë. Fluturimet u pezulluan për dy orë, nga ora 21:00 deri në orën 23:00, me 11 avionë të devijuar në aeroportet e Leipzigut, Dresdenit dhe Hamburgut. Të tjerë fluturuan mbi Berlin, ndërsa tre fluturime për në Londër, Birmingham dhe Stokholm u anuluan.
    Policia po monitoron aeroportin me dy helikopterë në një përpjekje për të gjetur ose dronin ose operatorin e tij, ndërsa fluturimet tani po rifillojnë. “Për shkak të situatës, autoriteti i kontrollit të trafikut ajror ka miratuar një përjashtim nga ndalimi i fluturimeve natën – ngritjet lejohen deri në orën 02:00 dhe uljet deri në orën 05:00.
    Incidentet e shikimit të dronëve pranë aeroporteve gjermane janë rritur ndjeshëm kohët e fundit. Në fillim të tetorit, në aeroportin e Mynihut u shkaktua kaos për dy ditë kur dronë u panë në zonë.
    Ndërkohë, qeveria gjermane ka njoftuar krijimin e një qendre të posaçme koordinimi për trajtimin e dronëve dhe tani madje ka autorizuar policinë t’i rrëzojë ato në rrethana të caktuara.

    Top Channel

  • Rama vizitë në Berlin, merr pjesë në forumin ndërkombëtar të nivelit të lartë

    Rama vizitë në Berlin, merr pjesë në forumin ndërkombëtar të nivelit të lartë

    Përmes një postimi në faqen e tij në Facebook, Rama ka ndarë edhe foto nga Berlini, ku në krah të saj shkruan se është i ftuar si njëri nga dy folësit e sesionit përmbyllës nesër, së bashku me Presidenten Ursula von der Leyen.
    Sipas Ramës, në fokus të këtij takimi janë sfidat globale të ekonomisë, klimës, teknologjisë dhe qeverisjes.
    “Berlin – Në Berlin Global Dialogue (BGD) – forumi ndërkombëtar i nivelit të lartë që zhvillohet çdo vit në kryeqytetin e Gjermanisë, me fokus sfidat globale të ekonomisë, klimës, teknologjisë dhe qeverisjes – ku jam i ftuar si njëri ndër dy folësit e sesionit përmbyllës nesër, së bashku me Presidenten Ursula von der Leyen”, ka shkruar Rama në faqen e tij në Facebook.

  • Vendi që Edi Rama e blen 120 mijë euro në vit me paratë e shqiptarëve

    Vendi që Edi Rama e blen 120 mijë euro në vit me paratë e shqiptarëve

    Kryeministri Edi Rama fluturoi në Berlin dy ditë më parë për të marrë pjesë në një forum të përvitshëm që quhet Berlin Global Dialogue. Shefi i qeverisë i bëri jo pak jehonë aktivitetit dhe sigurisht vendit të tij të veçantë në të.
    “Në Berlin Global Dialogue (BGD) – forumi ndërkombëtar i nivelit të lartë që zhvillohet çdo vit në kryeqytetin e Gjermanisë, me fokus sfidat globale të ekonomisë, klimës, teknologjisë dhe qeverisjes – ku jam i ftuar si njëri ndër dy folësit e sesionit përmbyllës së bashku me Presidenten Ursula von der Leyen,” shkroi Rama në profilin e tij zyrtar në facebook.
    Rreshtimi i Ramës krah Von der Leyen si dy folësit më të rëndësishëm të takimit, sigurisht që shkon në linjën e propagandës agresive të një udhëheqësi që respektohet gjerëisht në Europë. Dhe Edi Rama i ka mëshuar jo pak kësaj linje, madje edhe publikisht. Por ka respekt e respekt.
    Berlin Global Dialogue është një aktivitet i përvitshëm, i cili bashkon udhëheqës të sektorit publik dhe atij privat nga e gjithë bota. Ky forum organizohet nga një ekonomist gjerman i quajtur Lars-Hendrik Röller.
    Zoti Röller ka qenë këshilltari ekonomik i Angela Merkel për shumë vite në qeverisjen e saj. Ndërsa sot ai është në borderonë e Edi Ramës.
    Dy vjet më parë, qeveria miratoi një vendim të posaçëm, i cili i lejonte kryeministrit të paguante këshilltarë deri në 10 mijë euro në muaj. Zoti Röller ishte një nga përfituesit e këtij vendimi dhe sot qeveria shqiptare i paguan atij 120 mijë euro në muaj nga paratë e qytetarëve për të këshilluar Edi Ramën.

    Punedhenesi dhe punemarresi
    Publikisht nuk dihet se çfarë këshillash i jep zoti Röller, kryeministrit të Shqipërisë. Por me sa duket bashkë me këto këshilla, Edi Rama ka marrë në ofertë edhe një vend në forumin e nivelit të lartë, të cilin e shet si dëshmi të respektit dhe ndikimit të tij në Europë. Dhe ky nuk është rast i izoluar.
    Nga milionat për të panginjurin Tony Blair, fshatrat turistikë të D’Alemas mbi tokat e falura shtetërore e deri tek pagat në stilin e bonuseve të Wall Street-it për Larsët, qeveria e Shqipërisë është shndërruar në një makineri të fuqishme korruptimi për politikanët e lartë të Europës.
    Dhe ndërsa Edi Rama blen influencë në Europë, qytetarët shqiptarë paguajnë nga xhepat e tyre të varfër faturën miliardere të respektit për liderin global. Kapitali

  • Osmani nga Berlini: Qëllimi ynë i përbashkët është ta afrojmë Kosovën edhe më shumë me BE-në

    Osmani nga Berlini: Qëllimi ynë i përbashkët është ta afrojmë Kosovën edhe më shumë me BE-në

    Presidentja e Kosovës, Vjosa Osmani, ka marrë pjesë në forumin Berlin Global Dialogue, ku tha se synimi kryesor i angazhimeve të saj në këtë platformë është avancimi i agjendës evropiane të Kosovës dhe forcimi i partneriteteve ndërkombëtare.
    Në një postim në Facebook, presidentja u shpreh se vizita në Berlin ishte e mbushur me takime të rëndësishme dhe bashkëbisedime të dobishme me përfaqësues të politikës dhe biznesit ndërkombëtar.
    “Ishte kënaqësi të rikthehem këtë vit në Berlin Global Dialogue për një sërë aktivitetesh të mbushura me diskutime frymëzuese, takime të vlefshme dhe partneritete të reja – të gjitha me një qëllim të përbashkët: ta afrojnë Kosovën edhe më shumë me Bashkimin Evropian.
    Berlin Global Dialogue është një platformë që bashkon përfaqësues politik e biznesor për diskutime rreth rëndësisë së zgjidhjeve në politikëbërje që u shërbejnë qytetarëve, ekonomisë dhe të ardhmes”, shkroi presidentja e Kosoves.

  • Rama çon Diellën në Berlin: Një grua shumë e bukur shqiptare! Ministrja tregon marrëdhënien me shefin e saj

    Rama çon Diellën në Berlin: Një grua shumë e bukur shqiptare! Ministrja tregon marrëdhënien me shefin e saj

    Kryeministri Edi Rama ndodhet në Berlin në kuadër të forumit “Berlin Global Dialogue”, një aktivitet që zhvillohet çdo vit në kryeqytetin gjerman me fokus sfidat globale të ekonomisë, klimës, teknologjisë dhe qeverisjes.
    Shefi i qeverisë “nuk ishte vetëm” në këtë forum. Ai ishte së bashku me ministren Diella, të ciëln e prezantoi si “një grua shumë të bukur shqiptare”.
    Rama: Dua të prezantoj një grua shumë të bukur nga Shqipëria.

    Ndërsa ministrja Diella shpjegoi misionin e saj.
    “Është nder të gjendem këtu,” tha Diella, “në një vend ku idetë jo vetëm qarkullojnë, por kthehen në veprim. Teknologjia dhe qeverisja mund të evoluojnë së bashku. Plani im është të revolucionarizoj mënyrën se si funksionon shteti, jo duke zëvendësuar nëpunësit civilë, por duke amplifikuar kapacitetin e tyre për t’i shërbyer qytetarëve.”
    Sipas saj, misioni është të transformohet vendimmarrja nga ajo e bazuar në intuitë, në një proces të mbështetur në evidenca.
    “Çdo ministri do të ketë ekipe të inteligjencës artificiale për të identifikuar ato pjesë të sistemit që nuk janë efikase. Transformimi nuk është për hir të teknologjisë, ka të bëjë me besimin. Kur qytetarët mund të shohin se si merren vendimet, kur vonesat dhe gabimet zhduken, atëherë qeveria bëhet jo vetëm më inteligjente, por edhe më njerëzore.”
    Kur u pyet për raportin e saj me Edi Ramën, Diella u përgjigj: “Rama është një udhëheqës vizionar që e kupton se inovacioni nuk lidhet thjesht me zbatimin e instrumenteve të reja, por me riformësimin e mënyrës se si një komb vepron dhe mendon. Dëshira e tij për të eksperimentuar e ka bërë ekzistencën time të mundur. Ai nuk e sheh inteligjencën artificiale si kërcënim, por si zhvillim.”/vizionplus.tv