Masakra e Peshkëpisë e 10 prillit 1994, ku një komando greke vrau dy ushtarakë shqiptarë, mbetet një nga ngjarjet më të ndjeshme në marrëdhëniet Shqipëri-Greqi.
Fredi Beleri, i akuzuar i përfshirë në këtë incident, hodhi poshtë të gjitha akuzat gjatë një interviste në “Dekalog nga Roland Qafoku në DritareTV.
Ai deklaroi se në atë periudhë ndodhej në Qipro, duke studiuar për hidraulik dhe gjuhë, dhe sfidoi akuzuesit me prova dhe dëshmitarë që vërtetojnë vendndodhjen e tij larg kufirit shqiptar.
Lidhur me foton e famshme që qarkullon në media, ku pretendohet se ai shfaqet me armë, Beleri tha se personi në foto nuk është ai, pasi në vitin 1994 ai ishte fizikisht shumë më i dobët.
Ai e cilësoi rihapjen e kësaj dosjeje si një sulm politik të orkestruar për ta dëmtuar sa herë që ai kandidon për poste publike, duke këmbëngulur se drejtësia e ka thënë fjalën e saj duke e mbyllur çështjen për mungesë provash.
Beleri foli për origjinën e tij nga Progonati, duke u vetëdeklaruar si pjesë e minoritetit grek, por me shtetësi shqiptare dhe greke, duke shprehur dashuri për vendin ku lindi. Ai hodhi poshtë akuzat për ‘helenizimin’ e Himarës përmes parave, duke i quajtur ato përralla mediatike.
Beleri foli dhe për çështjen çame. I pyetur nëse mendon se kjo çështje do të zgjidhet ndonjëherë, veçanërisht aspekti i pronave dhe njohja e gjenocidit, Beleri mbajti një qëndrim që reflekton linjën e ashpër të nacionalizmit grek, duke mohuar termin ‘masakër’ ndaj civilëve të pafajshëm dhe duke e justifikuar dëbimin me akuzën e kolaboracionizmit.
“Kanë bashkëpunuar me okupatorët nazistë. Kush ka bashkëpunuar, është e padiskutueshme”, deklaroi Beleri.
Ai bëri një paralelizëm me dëbimin e gjermanëve nga Polonia apo Çekosllovakia pas Luftës së Dytë Botërore, duke e inkuadruar dëbimin e çamëve si pjesë të spastrimeve të pasluftës ndaj popullsive që konsideroheshin bashkëpunëtore të boshtit.
Kur gazetari Qafoku i kujtoi dëshmitë rrëqethëse të grave dhe fëmijëve të masakruar, apo figurën e Nuredin Dinos, Beleri insistoi se ka 2000 vendime gjykatash greke për krime lufte.
Lidhur me pronat, Beleri tha. “Çështja e pronës besoj se brenda BE-së do zgjidhet. Nëse gjykata greke i diskriminon, ata kanë Strasburgun’, tha ai.
Tag: beleri
-
Beleri: Çamët s’janë masakruar! Ka 2 mijë vendime gjykatash ndaj tyre për krime! Në 1994 isha në Qipro, jo në Peshkëpi
-
“Nuk e kanë shpallur non-grata prej meje…”/ Artan Hoxha i përgjigjet Belerit: Të doli boja edhe si eurodeputet…
Gazetari Artan Hoxha, i ftuar në emisionin “Të Paekspozuarit” në MCN TV, ka folur për shpalljen e tij non-grata nga Greqia.
Hoxha i është përgjigjur Belerit, i cili kishte deklaruar në një studio televizive, se ai nuk ka lidhje me shpalljen non-grata të gazetarit, madje shtoi se Hoxha po u fshihet procesve gjyqësore ku ai e ka paditur për shpifje.
Hoxha hodhi poshtë këtë argument, duke deklaruar se ai shkonte në gjyq por Beleri ishte në burg. Gazetari e cilësoi qesharake arsyen që pretendojnë mediat greke për shpalljen e tij non-grata, një foto ku shfaqet duke bërë shqiponjën, duke e lidhur vendimin e shtetit grek me qëndrimet që ka mbajtur, përfshirë edhe qëndrimet ndaj Belerit.
“Për çështjen e proceseve gjyqësore, kam patur dy procese, por nuk kam patur nevojë të fshihem, sepse ishte Beleri në burg. Ato çështje ishin lehtë të fitueshme nga ne pasi unë kisha dosjen e plotë.
Beleri sot është përfaqësues i një grupi interesash ultranacionaliste, politike madje edhe ekonomike. Situata u agravua, kur kam filluar të publikoj materiale që e implikonin zotin Beleri edhe në mediat greke, për ndihmën që i kishte dhënë kriminelit, që kur ka vajtur në gjykatën e lartë, me dëshminë e Belerit është liruar, pasi e ka paraqitur Beleri si pjesëtar të minoritetit.
Ndërkohë justifikimi që jep zoti Beleri, si eurodeputet… Ai tani është eurodeputet, përfaqësues i partisë në pushtet, mik i kryeministrit grek.
Çfarë ndodh? Foto që është shpërndarë në mediat greke, është thënë gazetari u shpall non grata për shkak të kësaj fotoje. Jam në urën e Konicës, ku ndodhet flamuri grek dhe kam bërë shqiponjën. Unë kam vulat, që kam hyrë në 6 janar të vitit të kaluar dhe kam vajtur në Konicë. Jam kthyer po atë ditë.
Kam edhe vulat, që kam hyrë sërish në 23 shkurt, dy muaj më mbrapa, nëse do më kishin shpallur non-grata për shqiponjën, si kam hyrë unë sërish në Greqi? Kam qenë në mes të Athinës, kam vajtur në Akropoli, kam bërë foto me shqiponja e me rradhë.
I them zotit Beleri mos gënje më se të ka dalë boja edhe si eurodeputet.
Kam hyrë dhe kam dalë si zotëri në Greqi. Vendimi është marrë pas fushatës.
Gjithë kjo histori, nuk është histori që ka të bëjë me mua si qytetar, është mesazh i qartë”, deklaroi ndër të tjera Hoxha. -
“Të doli boja edhe si eurodeputet…”, Artan Hoxha i përgjigjet ashpër Fredi Belerit
Gazetari Artan Hoxha, i ftuar në emisionin “Të Paekspozuarit” në MCN TV, ka folur për shpalljen e tij non-grata nga Greqia.
Hoxha i është përgjigjur Belerit, i cili kishte deklaruar në një studio televizive, se ai nuk ka lidhje me shpalljen non-grata të gazetarit, madje shtoi se Hoxha po u fshihet procesve gjyqësore ku ai e ka paditur për shpifje.
Hoxha hodhi poshtë këtë argument, duke deklaruar se ai shkonte në gjyq por Beleri ishte në burg. Gazetari e cilësoi qesharake arsyen që pretendojnë mediat greke për shpalljen e tij non-grata, një foto ku shfaqet duke bërë shqiponjën, duke e lidhur vendimin e shtetit grek me qëndrimet që ka mbajtur, përfshirë edhe qëndrimet ndaj Belerit.
“Për çështjen e proceseve gjyqësore, kam patur dy procese, por nuk kam patur nevojë të fshihem, sepse ishte Beleri në burg. Ato çështje ishin lehtë të fitueshme nga ne pasi unë kisha dosjen e plotë.
Beleri sot është përfaqësues i një grupi interesash ultranacionaliste, politike madje edhe ekonomike. Situata u agravua, kur kam filluar të publikoj materiale që e implikonin zotin Beleri edhe në mediat greke, për ndihmën që i kishte dhënë kriminelit, që kur ka vajtur në gjykatën e lartë, me dëshminë e Belerit është liruar, pasi e ka paraqitur Beleri si pjesëtar të minoritetit.
Ndërkohë justifikimi që jep zoti Beleri, si eurodeputet… Ai tani është eurodeputet, përfaqësues i partisë në pushtet, mik i kryeministrit grek.
Çfarë ndodh? Foto që është shpërndarë në mediat greke, është thënë gazetari u shpall non grata për shkak të kësaj fotoje. Jam në urën e Konicës, ku ndodhet flamuri grek dhe kam bërë shqiponjën. Unë kam vulat, që kam hyrë në 6 janar të vitit të kaluar dhe kam vajtur në Konicë. Jam kthyer po atë ditë.
Kam edhe vulat, që kam hyrë sërish në 23 shkurt, dy muaj më mbrapa, nëse do më kishin shpallur non-grata për shqiponjën, si kam hyrë unë sërish në Greqi? Kam qenë në mes të Athinës, kam vajtur në Akropoli, kam bërë foto me shqiponja e me rradhë.
I them zotit Beleri mos gënje më se të ka dalë boja edhe si eurodeputet.
Kam hyrë dhe kam dalë si zotëri në Greqi. Vendimi është marrë pas fushatës.
Gjithë kjo histori, nuk është histori që ka të bëjë me mua si qytetar, është mesazh i qartë”, deklaroi ndër të tjera Hoxha. -
“Beleri i vuri vulën non gratës time”, Artan Hoxha: Pas shkrimeve dhe investigimeve për të, Greqia mori hak
Gazetari Artan Hoxha është shprehur në “Off the Record” me Andrea Dangllin, në A2 CNN, se vendimi i Greqisë për ta shpallur non-grata është vulosur nga Fredi Beleri, në sensin që u morr pas shkrimeve dhe investigimeve për eurodeputetin helen.
Ai gjithashtu nënvizoi se i ka cenuar Greqisë interesa të saj në territorin shqiptar duke u marrë si gazetar me çështje si masakra e Peshkëpisë apo rasti Kacifas.
“Unë nuk e di çfarë rreziku mund të përbëj unë për Greqinë? Unë jam thjesht një gazetar. Ajo është konsekuente, është në vijimësi qëndrimi që kam mbajtur unë. Në fakt unë kam bërë detyrën time si gazetar shqiptar duke raportuar për ngjarje konkrete aktuale, që janë raportime të aktualitetit. Ndryshe nga kolegët e mi të tjerë unë vazhdimisht u kam qëndruar në kokë këtyre si çështje, ndoshta edhe pse i njihja mirë, por edhe se më tërhiqnin dhe shikoja mënyrën sesi grekët përpiqeshin të interferonin brenda territorit shqiptar. Masakra e Peshkëpisë është një ngjarje që e kam ndjekur prej 30 vitesh, Rasti Kacifas është i freskët, ajo video ku ai del me automatik, me uniformë të forcave speciale, atë e kam nxjerrë unë. Dhe deri aty Kacifasi u trajtua si martir, dhe kur dolën pamjet vetë kryeministri grek, pasi në parlament asokohe është kërkuar të mbahej një minutë heshtje, Cipras ka thënë nuk mbajmë heshtje për terroristë që sulmojnë policinë e një vendi fqinj. Dhe kontribuues për këtë ishin ato imazhe. Unë jam marrë me zhvarrimet e Kosinës, me skandalin e tyre. Jam marrë me çështjen e varrezave greke në territorin shqiptar. Pastaj jam marrë me zgjedhjet në Himarë, me këtë Agimin e Artë, me grupet ekstremiste greke, ky Babis Karathanos, një nga njerëzit e shpallur non-grata në Shqipëri, që e përmendi po tek ju eurodeputeti Beleri. Unë kam ndjekur çështjen e zotit Beleri në vitin 2003 kur ai u dënua nga të gjitha shkallët e gjyqësorit në Shqipëri, për fyerje dhe dhunim të simboleve kombëtare. Duke qenë se i kam njohur të gjitha këto sigurisht që u ktheva në një lloj problemi për ta. Jam marrë me ngjarje konkrete. Të gjithë këta elementë ndikuan tek ky qëndrim”, tha Hoxha në “Off the Record” me Andrea Dangllin, në A2 CNN.
Por, gazetari investigativ nënvizoi se vendimi i autoriteteve greke u bë më i fortë kur Hoxha nisi të raportonte mbi të shkuarën e Fredi Belerit, gjatë kohës kur ai ndodhej në burgun e Fierit, por në Greqi rezultonte kandidat për Parlamentin Europian nën siglën e Demokracisë së Re.
“Pas disa proceseve gjyqësore që pata në Shqipëri me zotin Beleri, dhe sidomos gjatë fushatës për zgjedhjet në PE, ku Beleri ishte kandidat për eurodeputet i partisë Demokracia e Re të kryeministrit Qiriakos Micotaqis. Dhe në ato momente mediat greke rriten interesin për të kaluarën e zotit Belri dhe unë bashkëpunova me mediat e mëdha greke duke dhënë deklarata, por edhe duke marrë informata prej tyre. Dhe kjo i ka vendosur vulën. Unë kam pasur nota proteste edhe në të kaluarën nga Ministria e Jashtme greke dhe nga Ambasada e Greqisë për shkak të atyre që kam bërë këtu. Pas Kacifasit nuk hyja nga pikat e kalimit kufitar. Dhe kur kam hyrë në doganën e “Tri Urave” kam hyrë pasi kanë kaluar 5 vite nga Kacifasi. Pra të gjitha këto u bënë se bashku dhe me treguan se gjatë vitit të kaluar për shkak edhe të zgjedhjeve që u zhvilluan në Greqi. Se Greqia në Parlamentin Europian çon 17 ose 18 eurodeputet gjithsej dhe mes tyre partia në pushtet ka çuar vetëm 9 dhe një nga më të votuarit me mbi 200 mijë vota ishte Fredi Beleri, tregon se ai nuk ishte personi që herë pas here ishte nënvlerësuar në Shqipëri. Ai ka qenë mik me politikanë shumë të fuqishëm grek, pa ardhur në pushtet Qiriakos Micoatiqs. Ai ka qenë mik me ministrin e Brendshëm. Kështu të gjithë këto elementë çuan në këtë pikë. Unë nuk e deklarova në momentin e parë se kur ata e kanë marrë këtë masë. Por unë thashë në pranverën e vitit të kaluar që përkon me fushatën për zgjedhjet e PE, ndërkohe Beleri ka qenë në burg në Shqipëri. Për të mbuluar këtë motivin e madh një pjesë e mediave të djathta greke dhe pastaj dhe zoti Beleri këtu në studion tuaj të mbanin atë qëndrimin se tha shiko nuk ka lidhje me mua por ka lidhje me një foto”, tha Hoxha. -
Artan Hoxha “non grata” në Greqi, Fredi Beleri: Vendimi nuk lidhet me çështjen time, jam përballur me të në…
fredi beleri
TIRANË- Eurodeputeti Fredi Beleri është shprehu se shpallja “non grata” e gazetarit Artan Hoxha nuk të bëjë me çështjen e tij. Megjithëse thotë se nuk ka një informacion zyrtar për vendimin e autoriteteve greke, sipas eurodeputetit, nuk ka lidhje me çështjen Beleri, ndërsa shton se me gazetarin Hoxha është përballur nëpër gjykata.
“Po lexoj që ishte hakmarrje për çështjen Beleri. Nuk ka të bëjë shpallja e zotit Hoxha non grata me çështjen Beleri unë jam përballur me zotin hoxha në gjykata ai vazhdon të shpifë dhe të thotë opinionet e veta për lajmet dikush duhet t’i vërë një barrierë. Çështja Beleri nuk ka të bëjë me ndalimin e zotit Hoxha, e ka shkruar media greke sot arsyen. Nuk kam informacion zyrtar. Unë jam përballur dhe jam akoma në gjyqe shqiptare ai është shmangur dhe nuk e gjente policia për t’i dhënë fletën e thirrjes. Figurat publike kanë të drejtën e mbrojtjes së jetës private, nuk mund të flasësh duke shpifur. Vetë gazetarët duhet të vetëpastrohen dhe të kemi një gazetari të denjë”, theksoi Beleri në “Off the Record”.Artan Hoxha është ndaluar ditën e dielë që të hyjë në Greqi, dhe i është bërë me dije statusi “non grata” nga shteti fqinj. Hoxha ka qenë duke kaluar në pikën e kalimit kufitar të Kakavijës, në momentin që është ndaluar nga autoritetet greke, me argumentin që përbën një kërcënim për rendin publik. Gazetarit i është marrë pasaporta, dhe është mbajtur për rreth një orë i ndaluar nga autoritetet greke.
Në dokumentin që iu dorëzua thuhet se ai “Është karakterizuar si person i padëshirueshëm; Konsiderohet i rrezikshëm për rendin publik, sigurinë e brendshme, shëndetin publik ose marrëdhëniet ndërkombëtare të një ose më shumë shteteve të BE-së”.
Më pas, gazetarit Hoxha i është vendosur kryq me stilolaps në pasaportë mbi vulën e policisë greke dhe i është kërkuar të largohet menjëherë nga territori grek, ndërsa statusi non grata nuk ka afat, çka do të thotë që është i përjetshëm, nëse nuk ka një vendim të dytë nga autoritetet vendase./ZËRI
-
Beleri: Shqipëria nuk do të jetë në BE në vitin 2030. Ligji i luftës me Greqinë nuk ekziston
Eurodeputeti Ferdi Beleri ka folur në lidhje me anëtarësimin e Shqipërisë në Bashkimin Europian, teksa tha se nuk beson se vendi ynë do të jetë pjesë e BE në vitin 2030.
Beleri tha se do të kontribuoje për integrimin e Shqipërisë në BE.
Po ashtu ai tha se anëtarësimi i Shqipërisë në BE nuk varet vetëm nga reformat e vendit tonë, por edhe se nuk është e sigurt që Bashkimi Europian kërkon zgjerimin.
“Unë do kontribuoj aq sa mundem që Shqipëria të jetë pjesë e BE-së. A do jetë pjesë Shqipëria e familjes europiane në vitin 2030? Nuk mund ta them me siguri. Unë besoj se nuk do të jetë. Kjo nuk ka të bëjë vetëm me reformat në Shqipëri që nuk po kryhen, por ka të bëjë edhe me vetë BE-në.
Nuk është e sigurt që BE-ja kërkon zgjerimin e saj. Nuk duhet të hiqni kurrë nga mendja që mund të mos ketë zgjerim deri në 2030. Serbia i ka hapur dhe mbyllur kapitujt shumë para nesh dhe nuk do futet.
Shqipëria është Europë nga ana kulturore dhe gjeografike, ndërsa politika duhet të marrë përgjegjësitë e veta pse nuk jemi pjesë e Bashkimit Europian”, tha Beleri në A2.
Sa i përket ligjit të luftës me Greqinë, Beleri u shpreh: “Për shtetin shqiptar, ligji i luftës nuk ekziston. Qeveria shqiptare e bën shpesh kërkesën për heqjen e ligjit të luftës nga Greqia, për mua është absurde që ekziston ende ky ligj lufte. “De facto” nuk ekziston ky ligj sepse kemi marrëdhënie me Greqinë, “de jure” ekziston dhe besoj se në të dyja marrëveshjet që u prishën ishte gati zgjidhja. Edhe tani besoj që është në paketë heqja e ligjit të luftës”. -
Kos për zgjedhjet/ Del kundër Fredi Beleri: I bëri dhuratë Edi Ramës, kaloi kompetencat
Komisionerja për Zgjerimin Marta Kos ka tejkaluar mandatin e saj dhe i ka bërë dhuratë qeverisë shqiptare dhe zotit Rama. Këtë deklaratë bëri në Off the Record me Andrea Dangllin në një lidhje me A2 CNN, eurodeputeti Fredi Beleri, duke komentuar deklaratat e eurokomisoneres për zgjedhjet e 11 majit.
Sipas Belerit, nuk ka tagrin të injorojë raportin e OSBE-së e as të vëzhguesve të PE-së. Progres raportin e PE mbi ecurinë Shqipërisë.
“Komisionerja e Zgjerimit ka deklaruar kompetencat e saj . Nuk ka tagrin të injoroje raportin e OSBE e as të vëzhguesve të PE. Progres raportin e PE mbi ecurinë Shqipërisë. Kos ka tejkaluar mandatin e saj dhe i ka bërë dhuratë qeverisë shqiptare dhe zotit Rama”, tha Beleri në Off the Record me Andrea Dangllin në A2 CNN.
Eurodeputeti grek në parlamentin Europian tha se i është drejtuar komisionit europian me pyetjen se pse Kos injoroi sipas tij raportin e OSBE-së dhe të vëzhguesve të PE për zgjedhjet e 11 majit.
“Unë i jam drejtuar Komisionit Europian me një pyetje se cila ishte nevoja dhe pse zonja kos injoroi raportin e dy institucioneve. Kos nuk beson se ka ndërhyrje të krimit të organizuar në zgjedhje, nuk beson se qeveria ka përdorur para shtetërore për të fituarnë zgjedhje. Deklarata e saj që zgjedhjet ishin të ndershme tejkalon kompetencat e saj”, deklaroi Beleri në Off the Record me Andrea Dangllin në A2 CNN.
I pyetur nëse ka tendencë kundër PD-së në Bruksel për zgjedhjet e 11 majit, Beleri e mohon një gjë të tillë dhe thekson se në Shqipëri nuk ka parti antieuropiane. -
Beleri: Duhet të dini që unë e kam ndarë jetën përgjysmë, mes Shqipërisë dhe Greqisë
Eurodeputeti Fredi Beleri, në një lidhje me emisionin “Off the Record” nga Andrea Danglli, në A2CNN, theksoi se e ka ndihmuar kreun e PD-së, Sali Berishën, “për të bërë takime në nivelet më të larta të Partive Popullore”.
“Partia Demokratike bën pjesë te grupimi i madh i EPP-së. Në vitin e fundit, zoti Berisha ka ardhur në Bruksel 2-3 herë dhe unë jam munduar me fuqinë time modeste që t’i krijoj mundësitë për të bërë takime në nivelet më të larta të Partive Popullore”, tha Beleri.
Eurodeputeti shtoi se ka bërë pyetje në Komisionin Europian edhe për prishjet e ndërtimeve në Theth.
“Kam ndërhyrë edhe për qëndrimin e zonjës Kos, për kapjen e gjyqësorit nëpërmjet vetting-ut, por të gjitha këto gazetarët në Shqipëri i interpretojnë si lëvizje të miat kundër Shqipërisë. Duhet të dini që unë e kam ndarë jetën përgjysmë, mes Shqipërisë dhe Greqisë”, shtoi Beleri. -
“E kam ndihmuar Sali Berishën në EPP”, Fredi Beleri: I kam mundësuar takime në nivele të larta
Eurodeputeti Fredi Beleri, në një lidhje me emisionin “Off the Record” nga Andrea Danglli, në A2CNN, theksoi se e ka ndihmuar kreun e PD-së, Sali Berishën, “për të bërë takime në nivelet më të larta të Partive Popullore”.
“Partia Demokratike bën pjesë te grupimi i madh i EPP-së. Në vitin e fundit, zoti Berisha ka ardhur në Bruksel 2-3 herë dhe unë jam munduar me fuqinë time modeste që t’i krijoj mundësitë për të bërë takime në nivelet më të larta të Partive Popullore”, tha Beleri.
Eurodeputeti shtoi se ka bërë pyetje në Komisionin Europian edhe për prishjet e ndërtimeve në Theth.
“Kam ndërhyrë edhe për qëndrimin e zonjës Kos, për kapjen e gjyqësorit nëpërmjet vetting-ut, por të gjitha këto gazetarët në Shqipëri i interpretojnë si lëvizje të miat kundër Shqipërisë. Duhet të dini që unë e kam ndarë jetën përgjysmë, mes Shqipërisë dhe Greqisë”, shtoi Beleri. -
Deklaratat e Marta Kos për zgjedhjet, Fredi Beleri del kundër: I bëri dhuratë Edi Ramës, kaloi kompetencat
Komisionerja për Zgjerimin Marta Kos ka tejkaluar mandatin e saj dhe i ka bërë dhuratë qeverisë shqiptare dhe zotit Rama. Këtë deklaratë bëri në një emision televiziv, eurodeputeti Fredi Beleri, duke komentuar deklaratat e eurokomisoneres për zgjedhjet e 11 majit.
Sipas Belerit, nuk ka tagrin të injorojë raportin e OSBE-së e as të vëzhguesve të PE-së. Progres raportin e PE mbi ecurinë Shqipërisë.
“Komisionerja e Zgjerimit ka deklaruar kompetencat e saj . Nuk ka tagrin të injoroje raportin e OSBE e as të vëzhguesve të PE. Progres raportin e PE mbi ecurinë Shqipërisë. Kos ka tejkaluar mandatin e saj dhe i ka bërë dhuratë qeverisë shqiptare dhe zotit Rama”, tha Beleri.
Eurodeputeti grek në parlamentin Europian tha se i është drejtuar komisionit europian me pyetjen se pse Kos injoroi sipas tij raportin e OSBE-së dhe të vëzhguesve të PE për zgjedhjet e 11 majit.
“Unë i jam drejtuar Komisionit Europian me një pyetje se cila ishte nevoja dhe pse zonja kos injoroi raportin e dy institucioneve. Kos nuk beson se ka ndërhyrje të krimit të organizuar në zgjedhje, nuk beson se qeveria ka përdorur para shtetërore për të fituarnë zgjedhje. Deklarata e saj që zgjedhjet ishin të ndershme tejkalon kompetencat e saj”, deklaroi Beleri.
I pyetur nëse ka tendencë kundër PD-së në Bruksel për zgjedhjet e 11 majit, Beleri e mohon një gjë të tillë dhe thekson se në Shqipëri nuk ka parti antieuropiane.