Nga data 1 tetor në Shqipëri ka nisur përllogaritja e re e pensioneve të cilat u indeksuan në masën 2.5 për qind.
Për të kuptuar më shumë mbi përfitimet konkrete të të moshuarve i ftuar në një intervistë ishte eksperti i sigurimeve shoqërore, Kujtim Hoxha.
“Gjatë këtyre ditëve sytë e pensionistëve ishte tek qeveria dhe shpresa ishte që duke qenë detyrim ligjor indeksimi duhej të bëhej minimalisht në nivelin e inflacionit dhe përtej kësaj të kishte një rritje.
Dhe në këtë drejtim ata janë tejet të zhgënjyer dhe janë të zhgënjyer jo vetëm nga kjo shifër qesharake që u dha qeveria pensionistëve, por edhe për faktin se ata nuk shikojnë ndonjë dritë jeshile për të pasur një përmirësim në financat e qytetarëve”, u shpreh ndër të tjera eksperti i sigurimeve shoqërore, Kujtim Hoxha.
Tag: bëhej
-
Pensionistët të zhgënjyer, Hoxha: Indeksimi duhej të bëhej minimalisht në nivelin e inflacionit
-
‘Mbi të nisa të hedh copëra të shpirtit tim’
Poezi nga Ismail Kadare
Në natën plot acar
Në natën plot acar një zjarr desha të ndezPor, nata ish e ftohtë, ah, ç’tmerr i zi që ish,Ndaj që të mbahej gjallë ky zjarrth n’atë rrebeshDiçka përherë kërkonte, kërkonte vazhdimisht.
Ndaj si shtegtari murg, që shkarpat mblesh në terr,Unë hidhja n’atë zjarr gjymtyrët pa pushim.Por ishin pak ato, ndaj fill pas tyre rreshtMbi të nisa të hedh copëra të shpirtit tim.
Se s’bëhej ndryshe, dot, se s’bëhej ndryshe, eh,Se duhej që dikush ta mbante atë flakë.Në flakëzën-delir që veç vajosja sjellTë frikshme pamje ndritnin e dridheshin përqark.
I shihnit vallë ato, dallonit vallë diçkaNdërsa rreth meje nata me terr e ujq u mbush.Se donin që të gjithë ta fiknin atë zjarr,Dikush me ligësi e me padije dikush.
Të tjerë majë kodrash ku dielli kishte rënëTë tyret zjarre ndrisnin dhe qeshnin që përtej.Se s’donin të kuptonin ç’bëhej këtu brendaSe ç’fli kërkon një flakëz që lindet në një terr.
I lodhur nganjëherë kam thënë: shuhu pra,Në qoftë se nuk të duan, të bjerë natë e pafund.Të verbtit sytë tuaj kështu ndoshta do t’jenëNë terrin absolut pa shqetësim kurrkund.
Po prapë diçka më shtynte të ngrihem si somnambul,Si murgu shkretimtar që shkarpat verbtaz mbledhDhe sipër zjarrit prap’ të hedh gjymtyrët akullDhe copërat një nga një të shpirtit tim të hedh.
1984 / KultPlus.com
-
Si dukej Ibiza Final Boss si adoleshent përpara se të bëhej viral për modelin e tij të flokëve?
Ai është sensacioni i pushimeve në Ibiza, i cili u bë yll në internet me modelin e tij karakteristik të flokëve si ‘Lego’, mjekrën e kuruar me kujdes dhe dhëmbët e shkëlqyeshëm.
Por Jack Kay i njohur më mirë si Bossi i fundit i Ibizës, duket krejtësisht i panjohur në një foto të zbuluar përpara se të bëhej një fenomen viral veror.
Ai shihet duke shijuar një birrë me miqtë e tij, duke u përkulur para kamerës me krahun rreth një shoku përpara makinave të lojërave të fatit në lokal.26-vjeçari, që pëlqen shumë festat, shihet me një model flokësh klasik të shkurtër, një pamje që është në kontrast të fortë me modelin e flokëve të skalitur në mënyrë perfekte në formë tase që ka sot.
Nuk është e qartë se kur është bërë fotografia, por ai duket të jetë në fund të adoleshencës pa mjekër, zinxhirë ari apo syze dielli të mëdha karakteristike. -
Prishja e objektit me shpërthim në Vlorë, reagon Berisha: Të bëhej në vjeshtë, dëm për turizmin
Zhurma e tritolit në Radhimë ndryshoi edhe repertorin e Sali Berishës në seli.
Në tre muaj denoncime të përditshme për procesin e 11 majit, për herë të parë doktori nuk foli për farsë elektorale, por u ndal tek shpërthimi i komanduar i godinës trekatëshe në jug të vendit.
“Sot në mëngjes u njoha me këtë lajm, menjëherë e denoncova turizmin e tritolit të një njeriu të shfazuar që u ofron banorëve dhe pushuesve terrorin e 32 kilogramëve tritol, pluhurin, zhurmën, në kulmin e turizmit, duke krijuar një situatë lufte. Këtë mund ta bëjë vetëm Ramaduro, askush tjetër”, tha Berisha.
Kur nisën shembjet në Theth, Sali Berisha foli për hakmarrje politike pasi banorët e zonës votuan për Partinë Demokratike. Për tritolin në bregdet nuk ka ende asnjë informacion nga qytetari dixhital.
“Nuk di se e kujt është, do pyes, do të informohem patjetër. Nuk kam arritur, por kujtdo që të ishte dhe çfarëdo që të ishte, ajo mund të bëhej në vjeshtë nëse kishte çdo komision të shkelur e me radhë. Por ky është një njeri që udhëhiqet nga urrejtja”, shtoi lideri i opozitës.
Sali Berisha harroi për një ditë farsën elektorale, por të njëjtën gjë nuk e bëri me kreun e SPAK, Altin Dumani, të cilin e akuzon se po mban në sirtar dosjet përvëluese për Kryeministrin. Doktori u zotua se hetimin e Ramës dhe Dumanit opozita do ta bëjë në Parlament, përmes një Komisioni Hetimor.Top Channel
-
“Nuk u kursyem në asnjë aspekt që të bëhej e mundur”, Armand Duka: Faleminderit Presheva dhe Bujanoci!
Turneu i futbollit në Luginën e Preshevës u mbyll mbrëmjen e djeshme, duke finalizuar me sukses një aktivitet të mbështetur plotësisht nga Federata e Futbollit. Takimet finale u ndoqën nga afër edhe nga Presidenti i Federatës, Armand Duka, i cili zhvilloi edhe një bisedë shumë miqësore me fëmijët pjesëmarrës në turne.
Një aktivitet që bashkon shqiptarët kudo ata jetojnë, pavarësisht trojeve tona të cilat nuk janë të bashkuara në Shqipërinë natyrale. Kreu i FSHF, Duka, nuk e fshehu kënaqësinë që i dha një turne të tillë, duke falenderuar Preshevë dhe Bunajocin për mikëpritjen e këtij turneu.
“Kënaqësi të jem në Preshevë dhe të ndjej ngrohtësinë e fëmijëve që luajnë futboll dhe të shoh interesimin e madh të medias për Turneun e Luginës së Preshevës, për të cilin Federata e Futbollit nuk u kursye në asnjë aspekt që të bëhej i mundur. Faleminderit Preshevë & Bujanoc”, shkruan Duka. /Sport Ekspres/
-
52-vjeçarja u vra në banesën e saj, flet kushëriri i viktimës: Ajo jetonte e vetme prej kohësh, nuk…
Sotiraq Teço, kushëriri i viktimës, ka dhënë detajet për tç cilat ai është në dijeni, rreth vrasjes së 52-vjeçares në Pogradec.
“Nuk di gjë, nuk ndërhyj dot në gjëra që nuk më lejohet. Kozeta jetonte e vetme kohët e fundit. Unë kam 20 vite që kam ikur, tre ditë kam që u ktheva nga Anglia. Isha në Niçë, zbrita nga atje, u lajmëruam dhe po vijnë e familjarë të tjerë. Nuk e dija që bëhej fjalë për Kozetën, e dija sikur bëhej fjalë për motrën e madhe se ajo njëherë e ndarë. Për këtë nuk di gjë. Sa i përket kësaj ngjarje, e di shteti. Unë jam me shtetin, të japë drejtësi.”
“Ishte shumë njeri i mirë. Jetonte vetëm. Unë kam dalë nga banesa në orën 4:30, kam ikur në Maqedoni. Nuk pashë gjë kur ika. Tani e mora vesh. Dje ishte e motra këtu, por ajo banon në Tiranë”, është shprehur kushëriri i viktimës.Top Channel
-
“Çdo iftar me lot në sy”, Ylli Dreshaj rrëfen betejën me depresionin pas humbjes së gjyshit
Ylli Dreshaj, një nga emrat më të përfolur të edicionit të dytë të Ferma VIP, ka rrëfyer detaje nga jeta e tij personale.
Mes komenteve për bashkëfermerët dhe eksperiencës në reality show Ferma Vip 2, Ylli ndau një kapitull të dhimbshëm të jetës së tij, humbjen e gjyshit, një ngjarje që e tronditi thellë dhe e çoi drejt një gjendjeje depresive. Ai rrëfeu se gjatë muajit të Ramazanit, çdo iftar e kishte ngrënë me lot në sy.
“Ishte periudha më e errët për mua,” u shpreh Ylli.Pak ditë pas ndarjes nga jeta e gjyshit, ai mori vendimin të bëhej pjesë e Ferma Vip 2. Momenti më prekës ishte ai kur Ylli tregoi se kishte përmbushur amanetin e fundit të gjyshit të tij: të bëhej me një shtëpi. Vetëm një ditë pasi u zhvendos në shtëpinë e re, gjyshi i tij ndërroi jetë.
“Ruaj çdo veshje të gjyshit tim”, tha Ylli mes emocioneve./vizionplus.tv -
“Rakisë iu hodh ujë”, Moisiu: Reforma në drejtësi u prish një natë para votimit. Ja ku “çalon”
Ish-presidenti i Shqipërisë, Alfred Moisiu, ka komentuar mangësitë e reformës në drejtësi, duke e krahasuar me një “raki” të holluar me ujë. I ftuar në emisionin “Off the Record” me Andrea Dangllin në A2 CNN, Moisiu u shpreh se ndryshimet e minutës së fundit i dhanë politikës ndikim të panevojshëm.
“Ujë ju hodh natën e fundit para se të bëhej votimi, i ndërruan disa nene. Me variantin e parë, politika ishte jashtë fare, por s’mund të rrinin jashtë. Bënë disa gjëra, dhanë disa kompetenca të cilat në fillim nuk ishin parashikuar në përzgjedhjen e gjyqtarëve dhe prokurorëve. Pati kosto dhe nuk e di sesi do të rregullohet ajo punë.”
Sipas Moisiut, një nga problemet kryesore është që pas vettingut mungon kontrolli i vazhdueshëm: “Ne hodhëm idenë të bëhej një skanim, vettingu, mirëpo kjo nuk do të thotë se unë, Moisiu, kalova vettingun dhe të fle gjumë. Kjo duhet të jetë e përhershme që t’i ndjekin dhe t’i kontrollojnë që të mos bëjnë gabime të së kaluarës. Kjo e dëmton shumë”, tha Moisiu . -
“Irani donte te vriste Trump”, Karamuço: Ja obsesioni i presidentit amerikan
Eksperti i Kriminalistikës, Ervin Karamuço tha në emisionin Now në Euronews Albania se Irani ka dashur të vrasë Donad Trump përpara se ai të bëhej president, si shenjë hakmarrjeje për vrasjen e kreu të gardës revolucionare iraniane.
Sipas Karamuços ky është një obsesion personal politik i Trump në raport me Iranin.
“Një agjent i ngarkuar i gardës revolucionare islamike të Iranit u arrestua në akuzën e një atentati të organizuar ndaj Trump dhe është rrëfyer se ka qenë si hakmarrje për vrasjen e Sulejmanit dhe ata donin ta vrisnin para se ai të bëhej president. Këtu kemi të bëjmë me një obsesion politik të vetë presidentit Trump. Izraelitët e kanë një problem tjetër jo të lidhur me pasurimin e uraniumit, por me financimin e vazhdueshëm të hezbollahëve dhe Hamasi që bënte Irani. Ngërçi ka ngelur te centrali Fordow, kjo bombë është 13,6 tonë, 6 copë janë në një ishull në oqeanin indian, kanë mbërritur shumë afër Lindjes së Mesme, pritet një avion që të bëjë bombardimi”, tha Karamuço.
