Lajmidites.com

Tag: bayern

  • Klinsmann sulmon Bayern para ndeshjes me Interin: “Tani e gjetët të hiqni Muller?!”

    Klinsmann sulmon Bayern para ndeshjes me Interin: “Tani e gjetët të hiqni Muller?!”

    8 Prill 2025

    18:58

    Telesport

    Jurgen Klinsmann ka kritikuar ashpër Bayern për vendimin lidhur me kontratën e Thomas Muller. Sulmuesi gjerman është në fund të kontratës dhe klubi ka njoftuar zyrtarisht se nuk do të rinovojë.
    “Koha kur u vendos të shpallej vendimi ishte e gabuar. Drejtuesit duhej të kishin pritur deri në qershor, pas finales së Champions League, dhe më pas të nisnin bisedimet”.
    “Kjo nuk do të ndikojë te ndeshjet me Interin, sepse Bayern është mësuar me presion. Muller gjithashtu. Thjesht dua të theksoj se nuk ishte një veprim i zgjuar në këtë moment”.
    “Kur flet për Thomas, nuk di nga t’ia nisësh. Ai ka patur një karrierë të jashtëzakonshme. Ai luan si lojtar shahu, gjithmonë me mendjen te dy lëvizjet e ardhshme. Nuk shqetësohet vetëm për të sulmuar vetë, por edhe për t’u shërbyer të tjerëve”.

  • “Bild” çfarë gafe para Bayern Munich-Inter! “Fenomeni Inzaghi”, por fotoja është e…. Pippos

    “Bild” çfarë gafe para Bayern Munich-Inter! “Fenomeni Inzaghi”, por fotoja është e…. Pippos

    Një gabim aspak i këndshëm, aq më tepër kur bëhet fjalë për një nga trajnerët më të suksesshëm të momentit në Europë. Në prag të supersfidës së Champions League mes Bayern Munich dhe Interit, gazeta prestigjioze gjermane “Bild” i ka kushtuar vëmendje të veçantë duelit dhe protagonistëve, duke përfshirë edhe një intervistë të gjatë me ish-sulmuesin e madh të të dyja klubeve, Karl-Heinz Rummenigge, sot anëtar i bordit drejtues të Bayernit.
    Në qendër të vëmendjes ishte padyshim Simone Inzaghi, trajneri i Interit, që prej kohësh po fiton vlerësime në rritje për rezultatet dhe stilin e lojës që ka ndërtuar me skuadrën zikaltër. Rummenigge nuk i kurseu fjalët e mira për të: “Për mua është një surprizë pozitive.
    Ka fituar në Itali, po bën shumë mirë edhe në Europë. Kam qenë në Stamboll për finalen e Champions-it kundër Manchester City dhe me pak më shumë fat, Interi do ta fitonte atë ndeshje. Simone është një fenomen. Askush të mos mendojë se Bayerni është favorit, sepse nuk është kështu”.

    Deri këtu gjithçka shkonte në mënyrë perfekte, por kur erdhi momenti që gazeta gjermane ta ilustronte artikullin me një foto të trajnerit zikaltër ndodhi gafa. Në vend të një fotoje të Simone Inzaghit, redaksia e “Bild” vendosi një foto të vëllait të tij, Filippo (Pippo) Inzaghi, ish-sulmues legjendar i Milanit dhe i kombëtares italiane, sot trajner në Serie B.
    Një ngatërrim që në Itali është mëse i kuptueshëm për shkak të ngjashmërisë së tyre fizike dhe lidhjes së përhershme me futbollin. Megjithatë, për një gazetë ndërkombëtare si “Bild”, që shquhet për seriozitetin në raportimet sportive, një gafë e tillë ngre vetvetiu pikëpyetje; aq më tepër kur artikulli kishte në fokus një figurë aktuale si Simone Inzaghi dhe përfshinte fjalë të mëdha nga një ikonë si Rummenigge.
    Ironia është se, ndërsa Rummenigge lavdëronte “fenomenin Simone”, gjermanët ia veshën lavdet “fenomenit” tjetër, Pippos.

  • Shaqiri: Nuk mbaj anë sonte. Tripleta për Interin? E vështirë, por jo e pamundur. Duhet edhe fat

    Shaqiri: Nuk mbaj anë sonte. Tripleta për Interin? E vështirë, por jo e pamundur. Duhet edhe fat

    Xherdan Shaqiri, ish-lojtari i Bayern Munich dhe Interit, ka folur për “Gazzetta dello Sport” në prag të supersfidës së sotme çerekfinale në Champions League mes dy ish-skuadrave të tij. Përmes një qëndrimi diplomatik, ai theksoi:
    “Kam luajtur për të dyja klubet dhe kam përjetuar momente të mëdha me të dyja fanellat. Kjo e bën të vështirë për mua të zgjedh. Nuk mund të bëj një parashikim. Do të mbështes thjesht skuadrën më të mirë”.
    Sa i përket mundësisë që Interi të përsërisë tripletën historike të vitit 2010, Shaqiri thotë: “Është shumë e vështirë, por jo e pamundur. Për të arritur një objektiv të tillë, duhet sezoni perfekt, me siguri edhe një dozë e mirë fati. Interi ka një skuadër shumë të mirë dhe shpirt gare të lartë, prandaj nuk mund të përjashtohet si mundësi”.
    Për mungesat e shumta që po përballon Bayern Munich, ai komentoi: “Kjo është diçka që mund të ketë ndikim, sidomos kur mendon që mbrojtja e tyre ishte ndërtuar mirë. Sidoqoftë, Bayerni ka shumë cilësi edhe në stol. Mungesat mund të ndikojnë, por nuk duhet të jenë vendimtare”.

    🔍 Formacionet e mundshme për mbrëmjen e sotme:🟥 Bayern MunichTrajneri Vincent Kompany duhet të përballojë plot 7 mungesa. Pikëpyetja më e madhe mbetet zëvendësimi i Davies në të majtë, ku ka balotazh mes Stanisic dhe Guerreiro. Në qendër do të jenë Dier dhe Kim, ndërsa Laimer do të jetë në të djathtë. Urbig në portë. Pa Musiala, favorit për të nisur është Müller, përkrah Olise dhe Sané, pas shpinës së Kane.
    ⚫ InteriEdhe Simone Inzaghi ka mungesa të rëndësishme. Dimarco nuk është në formë optimale, ndaj në të majtë pritet Carlos Augusto. Në të djathtë do të jetë Darmian, ndërsa mesfusha përbëhet nga Calhanoglu, Barella dhe Mkhitaryan. Nëse turku nuk ia del, armeni do kalojë në “regji” dhe do të startojë Frattesi. Në sulm “ThuLa”; Thuram dhe Lautaro. Mbrojtja përpara Sommer do të përbëhet nga Acerbi, Pavard dhe Bastoni.

  • Liga e Kampionëve / Precedentët në favor të bavarezëve, por Interi i ka eliminuar dy herë

    Liga e Kampionëve / Precedentët në favor të bavarezëve, por Interi i ka eliminuar dy herë

    Një përballje titanësh pritet sonte në “Allianz Arena”, ku Bayern Munich pret Interin për çerekfinalen e parë të Champions League. Dy nga skuadrat më të mëdha të kontinentit do të përplasen në një sfidë që premton ritëm të lartë, intensitet dhe emocione. Me mungesa të rëndësishme në të dyja kampet, gjithçka mbetet e hapur për një natë europiane të paharrueshme.
     STATISTIKAT E BAYERN-INTER
    Kjo do të jetë përballja e 10-të mes Bayern Munich dhe Interit në kompeticionet europiane, me skuadrën gjermane që ka fituar 5 nga 9 takimet e mëparshme (1 barazim, 3 humbje), përfshirë edhe përballjen më të fundit në Champions League (fitore 2-0, si në vajtje, ashtu edhe në kthim, në fazën e grupeve 2022/23).
    Interi ka humbur 4 nga 7 ndeshjet kundër Bayern Munich në Champions League (2 fitore, 1 barazim), megjithatë e ka likujduar skuadrën bavareze në të dy rastet kur janë përballur në fazën me eliminim direkt të turneut: 2-0 në finalen e edicionit 2009/10 dhe me rregullin e golit jashtë fushe në 1/8 finale të sezonit 2010/11 (3-3 në total).
    Vetëm Real Madridi (7 herë) e ka likujduar Bayern Munich më shumë herë në fazat me eliminim direkt të Champions League sesa Interi (2 herë). Skuadra italiane është njëra nga vetëm 5 skuadrat që e ka arritur këtë më shumë se një herë (2 herë gjithashtu Barcelona, Chelsea dhe Milani).
    Bayern Munich nuk ka pësuar humbje në 22 ndeshjet e fundit në shtëpi në Champions League (17 fitore, 5 barazime). Humbja e fundit në shtëpi në këtë kompeticion ishte në prill të vitit 2021, kundër Paris Saint-Germain (3-2 në ndeshjen e parë çerekfinale).
    Ndër skuadrat që kanë luajtur të paktën 10 ndeshje në një edicion të vetëm të Kupës së Kampionëve/Champions League, përqindja e ndeshjeve pa pësuar gol nga Interi (80%) këtë sezon është më e larta ndonjëherë e regjistruar nga një skuadër në një edicion të vetëm (8 ndeshje pa pësuar gol nga 10 të luajtura për Interin).
    Bayern Munich ka regjistruar nivelin më të lartë të intensitetit të presionit në një të tretën e fundit të fushës mesatarisht për ndeshje në këtë edicion të Champions League (121.8). Në fakt, mesatarja prej 12.8 rikuperimeve ofensive për ndeshje nga bavarezët këtë sezon është më e larta që nga ajo e vetë Bayern Munich në edicionin 2021/22 (13.2).
    Harry Kane ka qenë i përfshirë drejtpërdrejt në 50 gola në 55 paraqitje të Champions League (39 gola, 11 asistime), përfshirë 12 gola në 11 ndeshje në këtë edicion. Vetëm Robert Lewandowski ka kontribuar në më shumë gola në një sezon të vetëm me fanellën e Bayern Munich në këtë turne (20 më 2019/20, 16 më 2021/22).
    Lautaro Martínez ka shënuar 6 gola në 9 paraqitje në këtë Champions League. Lojtari i fundit i Interit që ka shënuar më shumë në një edicion të vetëm të këtij turneu ka qenë Samuel Eto’o më 2010/11 (8), goli i fundit i të cilit atë sezon erdhi pikërisht në fushën e Bayernit në 1/8 finale.
    Joshua Kimmich ka kompletuar 1015 pasime në këtë Champions League. Shifër rekord për një edicion të vetëm që nga sezoni 2013/14 (1080 nga Toni Kroos dhe 1020 nga Xavi në atë rast). Njëkohësisht, gjermani është mesfushori që ka krijuar më shumë raste për shokët e skuadrës (35) dhe ka bërë më shumë pasime vertikale që kalojnë linjën e presionit të kundërshtarit (201) në këtë turne.
    Në tri edicionet e fundit të Champions League (që nga 2022/23), Achraf Hakimi (8) është i vetmi mbrojtës/anësor që ka dhënë më shumë asistime se Federico Dimarco i Interit (6). Të gjashtë asistimet e italianit kanë shkuar për lojtarë të ndryshëm (Dzeko, Çalhanoglu, Mkhitaryan, Correa, Martínez, Thuram).

  • Sommer për Bayern Munich-Inter: Pres ndeshje intensive, të dyja skuadrat ushtrojnë presion të lartë

    Sommer për Bayern Munich-Inter: Pres ndeshje intensive, të dyja skuadrat ushtrojnë presion të lartë

    8 Prill 2025

    8:43

    Alfred Lleshi

    Yann Sommer, portieri i Interit, foli për “Sky Sport” në prag të ndeshjes së “Allianz Arena” kundër Bayern Munich, e vlefshme për çerekfinalet e Champions League: “Sigurisht që do të jetë një ndeshje intensive, përballen dy skuadra që e duan topin dhe kanë shumë cilësi. Të dyja ushtrojnë presion të lartë, kështu që do të jetë një ndeshje interesante”.
    Bayerni dhe Interi e nisin të barabarta për sa iu përket mundësive për t’u kualifikuar…Po, do të shohim, por të dyja palët kemi skuadra të thella. Atyre iu mungojnë lojtarë të rëndësishëm, por edhe neve. Jemi të barabartë, do ta tregojë fusha e lojës forcën e secilit.
    A ka diçka në kokën tuaj, që ju bën të mbroni më mirë në Champions sesa në Serie A?Është e vështirë të shpjegohen këto gjëra. Nuk jemi të kënaqur me ndeshjet e fundit në kampionat, sonte është shumë e rëndësishme të jemi skuadër në fushë, që mbron mirë dhe e bën të vështirë për kundërshtarin të krijojë raste. Në Parma ishte shumë e lehtë për ta, tani jemi shumë të përqendruar për sot.
    A ke folur me ndonjë ish-shok skuadre?Jo shumë para kësaj ndeshjeje, por i njoh të gjithë dhe gjithçka. Jemi të përqendruar.

  • Përballja me Bayern: Interi me 4 mungesa, por 3 janë lojtarë stoli. Sa keq që nuk luan Asllani!

    Përballja me Bayern: Interi me 4 mungesa, por 3 janë lojtarë stoli. Sa keq që nuk luan Asllani!

    7 Prill 2025

    16:36

    Telesport

    Kemi pritur me padurim ta shohim Kristjan Asllanin në një ndeshje magjike në Champions League dhe ajo e nesërma me Bayern do të ishte idealja, por mesfushori është i pafat.
    Ai nuk do të luajë (pezullim), ashtu si tre lojtarë të tjetër zikaltër (të dëmtuar), Denzel Dumfries, Piotr Zielinski dhe Mehdi Taremi.
    Federico Dimarco sot u stërvit veçmas nga pjesa tjetër e skuadrës, por do të jetë gati kundër Bayern. Ndërkohë, Alessandro Bastoni po stërvitet me skuadrën dhe duket 100% gati.
    Interi do të luajë në “Allianz Arena” për ndeshjen e parë çerekfinale të Champions League kundër një skuadre të cunguar në Mynih. Neuer, Upamecano, Davies dhe Musiala janë katër titullarë që Bayern nuk do t’i ketë në dispozicion për shkak dëmtimesh.

  • Belgë, të rinj dhe pa kosto! Bayern ndryshon strategji për të ardhmen. Do të sillet si klub i vogël

    Belgë, të rinj dhe pa kosto! Bayern ndryshon strategji për të ardhmen. Do të sillet si klub i vogël

    Duke qenë se ky është viti i parë financiar i dy dekadave të fundit që nuk do të mbyllet me fitime nga Bayern, në Mynih është hartuar një strategji e re për merkaton.
    Ndryshe nga Thomas Tuchel, Vincent Kompany është një trajner që nuk kërkon blerje spektakolare. Ai ka pranuar kushtet e klubit.
    Mediat kanë zbuluar se tekniku po ndjek dy talente nga Genk, Konstantinos Carezzas dhe Luca Bruckmans. Ata janë ende adoleshentë, por pritet të transferohen për të ardhmen.
    Bayern ka një lidhje të fortë me Genkun jo vetëm pse Kompany është belg, por edhe sepse Thorsten Fink është tashmë trajner i skuadrës belge. Ish-lojtari i Bayern ruan kontakte me drejtuesit bavarezë.
    Duket se blerjet si Harry Kane (100 mln euro) nuk do të ndodhin më, të paktën për disa vite. Bayern planifikon të blejë me pikatore dhe të sillet si klub mesatar, edhe pse objektivat nuk do të ndryshojnë: luhet për trofe.
    Strategjia e re e Bayern është që të mos jetë më në kushte paniku, duke bërë blerje emergjente. Investimet te lojtarët e rinj dhe me paga normale janë mënyra e vetme për të përballuar vitet e ardhshme.
    Bayern do të afrojë shumë talente dhe të përdorë formulën e huazimeve. Në këtë formë, amortizon humbjet dhe ka shumë opsione për pozicione të ndryshme.

  • Musiala mungesa e madhe! Zbulohen 3 variantet sesi do të luajë Bayern kundër Interit

    Musiala mungesa e madhe! Zbulohen 3 variantet sesi do të luajë Bayern kundër Interit

    Musiala është mungesa e madhe e Bayern jo vetëm në ndeshjen me Interin në Champions League, por edhe në shumicën e ndeshjeve të këtij sezoni, që është faza më e rëndësishme.
    Mediat gjermane kanë zbuluar 3 skenare sesi mund të kompensohet mungesa e një lojtari të këtij profili kaq të lartë. Trajneri Kompany po mendon disa variante dhe ka arritur në këto përfundime:
    Thomas Müller – Zgjedhja më e pritshme, sepse ka ndodhur disa herë gjatë sezonit. Gjermani luan historikisht si sulmues i dytë, edhe pse jo domosdoshmërisht si trekuartist. Lidhja e tij me Harry Kane ka funksionuar deri tani. Sigurisht, përvoja vlen në Champions League.
    Serge Gnabry – Ai mund të luajë në të gjitha pozicionet e sulmit. Ka shpejtësinë dhe dinamikën për të përballuar ndeshje të këtij niveli gjithashtu. Problemi është se nuk mbron mjaftueshëm, plus që ky nuk është sezoni i tij më i mirë. Ka dy vite që ka pësuar rënie.
    Leon Goretzka – Mesfushori zakonisht luan si numër 8, por me kombëtaren gjermane disa herë ka luajtur më përpara. Ai nuk është trekuartist krijues, por në ofensivë shpesh ka treguar se ka forcën e mjaftueshme, madje edhe duke gjetur rrugën e rrjetës.
    Bayern pritet të luajë kështu: Urbig – Laimer, Dier, Kim, Stanisic – Kimmich, Goretzka – Olise, Müller, Sané – Kane

  • “Nuk fjeta dot për tre ditë”! Drejtuesi i Bayern tregon sesa e vështirë ishte t’i tregonte largimin nga ekipi Muller: Nuk isha fare rehat kur e takova

    “Nuk fjeta dot për tre ditë”! Drejtuesi i Bayern tregon sesa e vështirë ishte t’i tregonte largimin nga ekipi Muller: Nuk isha fare rehat kur e takova

    Mulleri mbërriti te Bayern Munchen në vitin 2000, kur iu bashkua moshave të kësaj skuadre. Por një ditë më parë, ai bëri të ditur se pas 25 vitesh duhej të ndante rrugët pasi klubi nuk i ofroi mundësinë e vazhdimit të kontratës.
    Gjermani tronditi tifozët e Bayernit duke njoftuar se po largohej nga klubi në verë dhe se thjesht ishte i detyruar ta bënte këtë pasi drejtuesit e këtij gjiganti nuk donin t’i ofronin kontratë të re.
    Drejtuesit e klubit të Mynihut morën kritika të ashpra për atë që i bënë Muller-it dhe u përpoqën të shpjegojnë pse e morën një vendim të tillë, por duket se vetëm sa i shkaktuan vetes më shumë dëm.
    Një nga drejtuesit e Bayernit, Max Eberl, u përpoq të shpjegonte vendimin për të mos zgjatur kontratën e Muller-it dhe tha se ai vetë nuk mund të flinte për tre ditë para se lojtarit me përvojë t’i thuhej se çfarë do të ndodhte më pas.
    “Ky është një vendim për të ardhmen e Bayernit. E kuptoj që Muller ishte shumë i zemëruar pas bisedës sonë, por ne duhet të mendojmë për të ardhmen e ekipit dhe të krijojmë vend për lojtarë të rinj dhe më të rinj. Nuk isha rehat as në atë takim. Nuk mund të flija për tre ditë para atij takimi”, tha Eberl. /Elio Hajdari-Sport Ekspres/

  • Interi “ndez motorët” para supersfidës me Bayern Munich. Stërvitje e personalizuar për Dimarco, Bastoni është gati

    Interi “ndez motorët” para supersfidës me Bayern Munich. Stërvitje e personalizuar për Dimarco, Bastoni është gati

    Dimarco do të udhëtojë gjithsesi me skuadrën për në Mynih, ndërsa përdorimi i tij (nga fillimi ose gjatë ndeshjes) kundër Harry Kane dhe shokëve të tij do të vlerësohet nga minuta në minutë prej Simone Inzaghit dhe stafit të tij. Lajmi i mirë vjen nga Alessandro Bastoni.
    Mbrojtësi zikaltër, pas zëvendësimit në pushimin e ndeshjes kundër Parmës, është stërvitur sot normalisht me shokët e skuadrës, prandaj është në dispozicion për çerekfinalen e parë të Ligës së Kampionëve ndaj gjigantëve bavarezë. Të vetmit të dëmtuar në skuadër janë Denzel Dumfries, Piotr Zielinski dhe Mehdi Taremi, lojtarë që do të jenë “spektatorë” nesër në mbrëmje.
    Situata në kampionat – Një hap fals i Interit dhe një mundësi që nuk duhet humbur për Napolin. Gara për “Scudetto” ka kaluar vetëm 50% të emocioneve, ato të dhëna nga zikaltrit në ndeshjen e së shtunës kundër Parmës.
    Nga 0-2 në 2-2 në “Tardini” për ekipin e Simone Inzaghi, i cili, para sfidës në Ligën e Kampionëve kundër Bayern Munich, nuk mund të mos hedhë një sy nga televizori për të ndjekur nga larg ekipin e Antonio Conte në “Dall’Ara” kundër Bologna.
    Blutë e vendit të dytë, në rast fitoreje, çka nuk është e thjeshtë për t’u arritur kundër një ekipi në formë si ai i Vincenzo Italiano, do të arrinin në kuotën 67 pikë në klasifikim, vetëm -1 pikë nga kampionët e Italisë në fuqi. Prandaj, sfida e kësaj mbrëmjeje do të jetë vendimtare dhe thelbësore, por sigurisht jo përcaktuese, pasi edhe në rast barazimi, Napoli do të mbetet ende në garë për titullin.
    Duke parë kalendarët në vazhdim, rruga e Interit do të jetë shumë më e komplikuar krahasuar me atë të napoletanëve. Ekipi i Inzaghit shpreson të luajë ende 5 ndeshje të tjera në Ligën e Kampionëve dhe 2 në Kupën e Italisë, që do të thotë të luajë dy finale në kompeticione ku Napoli nuk është i pranishëm, për të cilin mbetet vetëm kampionati.