Lajmidites.com

Tag: bashku

  • Mund të çojnë në anemi: Këto 6 kombinime suplementesh mos i merrni së bashku

    Mund të çojnë në anemi: Këto 6 kombinime suplementesh mos i merrni së bashku

    Përdorimi i parregullt i suplementeve nganjëherë mund të sjellë më shumë dëm sesa dobi

    Mjekët thonë se suplementet duhet të merren vetëm kur ekziston një mungesë e provuar e ndonjë vitamine apo minerali, në doza të përshtatshme dhe nën mbikëqyrjen e profesionistëve shëndetësorë. Kombinimet e gabuara mund ta zbehin efektin e suplementit të mëparshëm ose të çojnë në mungesë të mineraleve kryesore.

    Për shembull, konsumimi i kafesë së bashku me suplementet e hekurit nuk jep rezultatin e dëshiruar. Kirurgu Dr Karan Rajan paralajmëron se sasitë e mëdha të kalciumit, qoftë nga ushqimi apo suplementet, mund të ndikojnë në përthithjen e hekurit. Po ashtu, përdorimi i njëkohshëm i suplementeve të caktuara mund të shkaktojë komplikime.

    1. Kalcium dhe hekur

    Rekomandimi unanim është që suplementet e kalciumit dhe hekurit të mos merren kurrë në të njëjtën kohë. Këshillohet që të ketë një interval prej të paktën dy orësh midis tyre. Mayo Clinic gjithashtu sugjeron që kalciumi të mos merret së bashku me ushqime të pasura me hekur. Nga ana tjetër, hekuri përthithet më mirë kur merret me vitaminë C.

    2. Zink dhe kalcium

    Marrja njëkohësisht e zinkut dhe kalciumit shkakton “garë” mes tyre në zorrë për përthithje, gjë që ul efikasitetin e të dy mineraleve. Dr. Rajan rekomandon t’i marrim me interval prej 2 orësh, nëse është e nevojshme t’i përdorim të dy.

    3. Zink dhe hekur
    Hekuri në doza më të larta se 25 mg mund të ulë përthithjen e zinkut. Nëse po përdorim hekur në këto doza, zinku duhet të merret vetëm pas disa orësh, transmeton Telegrafi.

     shutterstock

    4. Çaj jeshil / ekstrakt çaji jeshil dhe hekuri
    Kjo kombinim ul përthithjen e hekurit. Dr Rajan këshillon që, nëse po marrim hekur si suplement, të shmangim çajin jeshil ose ekstraktin e tij. Një studim i vitit 2016 raporton se konsumimi i tepruar i çajit jeshil mund të çojë në anemi nga mungesa e hekurit.

    5. Vitamina C dhe vitamina B12
    Këto nuk janë një kombinim i mirë kur merren së bashku. Vitamina C në doza të larta mund të ulë përthithjen e vitaminës B12. Rekomandimi është që vitamina C të merret të paktën dy orë pas marrjes së vitaminës B12.
    6. Zink dhe magnez

    Marrja njëkohësisht e zinkut dhe magnezit, sidomos kur zinku merret në doza mbi 140 mg/ditë, mund të ndikojë negativisht në përthithjen e magnezit. Për këtë arsye, duhet të merren në kohë të ndryshme të ditës, thekson Dr Rajan. /Telegrafi/

  • Katy Perry bën “paraqitjen e saj të parë politike” në Japoni përkrah Trudeau-s

    Katy Perry bën “paraqitjen e saj të parë politike” në Japoni përkrah Trudeau-s

    Katy Perry bëri hapat e parë në botën e partnerit të saj të ri Justin Trudeau këtë javë, duke shoqëruar ish-kryeministrin kanadez në një vizitë diplomatike në Japoni.

    Çifti u takua me ish-kryeministrin japonez Fumio Kishida dhe gruan e tij, Yuko, të mërkurën, më 3 dhjetor. Kishida ndau një foto të të katërve pranë një peme Krishtlindjesh në një postim në X, duke e quajtur Perry “partneren” e Trudeau. “Ish-kryeministri kanadez @JustinTrudeau vizitoi Japoninë me partneren e tij dhe drekoi me mua dhe gruan time”, shkroi ai në japonisht. “Gjatë mandatit të tij si kryeministër, u takuam shumë herë si udhëheqës të tjerë, dhe kur vizitova Kanadanë, punuam së bashku për të forcuar marrëdhëniet dypalëshe, duke përfshirë zhvillimin e ‘Planit të Veprimit Japoni-Kanada’, duke punuar shumë së bashku”, vazhdoi Kishida, 68 vjeç. “Jam i lumtur që vazhdojmë ta ruajmë këtë miqësi në këtë mënyrë.”

    カナダのトルドー前首相(@JustinTrudeau)がパートナーと来日され、私たち夫妻と昼食をご一緒しました。
    総理時代には首相同士何度もお会いし、カナダ訪問時には「日加アクションプラン」の策定など、二国間関係強化に共に汗をかいた仲です。
    こうして交友を続けられていることを嬉しく思います。 pic.twitter.com/t9RkbMyip5
    — 岸田文雄 (@kishida230) December 4, 2025

    Trudeau e përsëriti këtë ndjenjë kur ripostoi postimin e Kishidës. “Ishte shumë mirë të të shihja, @kishida230”, shkroi ai. “Unë dhe Katie ishim shumë të lumtur që patëm mundësinë të të vizitonim ty dhe Yukon. Faleminderit, Fumio, për miqësinë tënde dhe angazhimin tënd të palëkundur për një rend ndërkombëtar të bazuar në rregulla dhe një të ardhme më të mirë për të gjithë.”
    Perry, 41 vjeç, dhe Trudeau, 53 vjeç, u panë për herë të parë së bashku korrikun e kaluar. Këngëtarja njoftoi së fundmi ndarjen e saj nga ish-i fejuari i saj, Orlando Bloom, në qershor. Trudeau u nda nga gruaja e tij, Sophie Gregoire, në vitin 2023 pas 18 vitesh martesë.
    Më 25 tetor, çifti bëri paraqitjen e tyre të parë publike së bashku, duke marrë pjesë në një shfaqje në Crazy Horse Paris për ditëlindjen e 41-të të Perry-t.

    Top Channel

  • Xi zhvillon vizitë miqësore me Macron në Chengdu

    Xi zhvillon vizitë miqësore me Macron në Chengdu

    Xi Jinping prezantoi historinë dhe rëndësinë e Dujiangyan, duke theksuar se Sistemi i Ujitjes Dujiangyan është i vetmi projekt i lashtë i ruajtjes së ujit në botë, i cili është ende në përdorim edhe sot. Gjjithashtu, është një nga praktikat më të hershme të suksesshme të bashkëjetesës harmonike midis njerëzimit dhe natyrës. Ndërtimi i tij pasqyron plotësisht shpirtin e vetëmbështetjes, këmbënguljes dhe pionierizmit të kombit kinez. Kombi francez zotëron gjithashtu këtë shpirt të pathyeshëm. Ndaj Kina dhe Franca duhet të jenë në gjendje ta kuptojnë dhe ta respektojnë njëra-tjetrën më mirë se vendet e tjera.
    Macron deklaroi se zelli dhe mençuria e popullit kinez janë të admirueshme. Si Franca ashtu edhe Kina, kanë një histori dhe kulturë të gjatë. Popujt e dy vendeve ndajnë një ndjekje të përbashkët për një jetë më të mirë. Bashkëpunimi midis Francës dhe Kinës, mund të promovojë së bashku zhvillimin dhe prosperitetin, duke u sjellë përfitime të dy popujve.Xi Jinping theksoi se Kina dhe Franca janë përfaqësuese të shquara të qytetërimeve Lindore dhe Perëndimore, përkatësisht. Fryma e përbashkët e pavarësisë dhe vetëmbështetjes, buron nga trashëgimia e tyre e thellë kulturore. Përballë një situate ndërkombëtare komplekse dhe në ndryshim të vazhdueshëm, ai beson se Kina dhe Franca, dy kombe të mëdha historike dhe kulturore, mund të japin kontribute më të mëdha për paqen, stabilitetin botëror dhe përparimin e zhvillimit njerëzor përmes dialogut dhe bashkëpunimit.
    Macron deklaroi se situata aktuale ndërkombëtare po evoluon me shpejtësi dhe është e mbushur me pasiguri. Franca është e gatshme të forcojë komunikimin dhe koordinimin me Kinën, t’i përmbahet zgjidhjes së konflikteve përmes dialogut dhe konsultimit, si dhe të mbrojë së bashku paqen dhe stabilitetin botëror.
    Xi Jinping dhe bashkëshortja ftuan për drekën Macron së bashku me bashkëshorten e tij. Krerët e dy vendeve ranë dakord të mbajnë komunikim të ngushtë dhe të promovojnë së bashku zhvillimin e vazhdueshëm të partneritetit strategjik gjithëpërfshirës Kinë-Francë.
    Gjatë vizitës, të dy palët lëshuan një deklaratë të përbashkët mbi forcimin e qeverisjes globale, bashkëpunimin në adresimin e sfidave klimatike dhe mjedisore, avancimin e vazhdueshëm të bashkëpunimit në përdorimin paqësor të energjisë bërthamore, shkëmbimet dhe bashkëpunimin bujqësor dhe ushqimor, situatën në Ukrainë dhe në Palestinë.

  • EMRAT-Kush është zyrtari i lartë që u arrestua së bashku me Federica Mogherinin. Në pranga edhe menaxheri i…

    EMRAT-Kush është zyrtari i lartë që u arrestua së bashku me Federica Mogherinin. Në pranga edhe menaxheri i…

    Ish-shefja e diplomacisë së BE-së dhe aktualisht rektore e “Collegio d’Europa”, Federica Mogherini, është ndaluar në Bruksel si pjesë e një hetimi për mashtrim dhe korrupsion që përfshin një program trajnimi të diplomatëve europianë.
    Sipas mediave belge, së bashku me Mogherinin është ndaluar edhe Stefano Sannino, ish-sekretar i përgjithshëm i Shërbimit Europian të Veprimit të Jashtëm (SEAE) dhe aktualisht drejtues i DG Mediterraneo në Komisionin Europian. Personi i tretë i arrestuar është një menaxher i Collegio d’Europa, identiteti i të cilit nuk është bërë ende publik.
    Prokuroria Europiane ka kryer kontrolle në zyrat e SEAE në Bruksel dhe në disa ambiente të “Collegio d’Europa” në Bruges. Hetimi lidhet me dyshime për favorizim, konkurencë të pandershme dhe shpërndarje të paracaktuar të tenderëve, gjatë periudhës 2021-2022, në lidhje me një program 9-mujor trajnimi për diplomatët e rinj të BE-së.
    Autoritetet po hetojnë nëse përfaqësues të Kolegjit kanë pasur akses paraprak në kriteret e tenderit dhe nëse janë kryer shkelje që përfshijnë korrupsion, konflikt interesi, shkelje të sekretit profesional dhe mashtrim me fondet e BE-së.
    Prokuroria Europiane kishte kërkuar më parë heqjen e imunitetit të disa zyrtarëve, kërkesë që është miratuar para operacionit të sotëm. Ndërkohë, Komisioni Europian ka refuzuar komentet me argumentin se “hetimi është në proces”.

  • Trump dhe kryebashkiaku i New York-ut bëjnë paqe, takohen së bashku në Zyrën Ovale

    Trump dhe kryebashkiaku i New York-ut bëjnë paqe, takohen së bashku në Zyrën Ovale

    Presidenti i SHBA-së, Donald Trump, dhe kryebashkiaku i sapozgjedhur i New York-ut, Zohran Mamdani, janë takuar me njëri-tjetrin.Ata kanë biseduar sëbashku në Zyrën Ovale, aty ku edhe kanë shtjelluar disa çështje.
    Presidenti ka deklaruar se patën një takim të shkëlqyer, duke shtuar se do të punojnë për qytetin. Trump gjithashtu e uroi Mamdanin për fitoren e tij, duke treguar kështu një ndryshim në marrëdhënien e tyre të tensionuar.
    Kreu i Shtëpisë së Bardhë shtoi se ata folën për strehimin, ushqimin dhe një sërë temash të tjera.
    “Çdo gjë që bëj do të jetë e mirë për Nju Jorkun”, tha Trump.
    Presidenti Donald Trump deklaroi se së bashku me Mamdanin ndajnë të njëjtin qëndrim për nevojën e paqes në Lindjen e Mesme, ndërsa iu përgjigj një pyetjeje lidhur me situatën në Liban.
    Ai ka deklaruar se patën një takim të shkëlqyer. Trump gjithashtu e uroi Mamdanin për fitoren e tij, duke treguar kështu një ndryshim në marrëdhënien e tyre të tensionuar. Kreu i Shtëpisë së Bardhë shtoi se ata folën për strehimin, ushqimin dhe një sërë temash të tjera rreth përballueshmërisë.
    “Çdo gjë që bëj do të jetë e mirë për Nju Jorkun”, tha Trump.
    Ai nënvizoi se objektivi i përbashkët është vendosja e stabilitetit në rajon: “Ne duam të shohim paqe në Lindjen e Mesme”.

  • Ded Gjon Luli dhe Sokol Baci së bashku me princ Danillon dhe Janko Vukotiqin në Grudë gjatë vitit 1912?!

    Ded Gjon Luli dhe Sokol Baci së bashku me princ Danillon dhe Janko Vukotiqin në Grudë gjatë vitit 1912?!

    Damir Dibra

    Ded Gjon Luli dhe Sokol Baci së bashku me princ Danillon dhe Janko Vukotiqin në Grudë gjatë vitit 1912.

    Nji fotografi që mbart nji peshë të rëndë historike. Është nji moment që më lë me nji ndjenjë keqardhjeje, sepse tregon atë kapitull të hidhur kur udhëheqës të Malsisë, u gjetën në anën e gabuar të historisë; duke hyrë në bashkëpunim me Malin e Zi në drejtim të Shkodrës.
    Edhe pse rrethanat e kohës ishin të turbullta dhe të mbushura me presion, kjo pamje na kujton se jo çdo aleancë ka qenë krenari dhe se Malsia ka paguar shpesh çmimin e gabimeve të bëra nën trysninë e kohës. Është nji kujtim që prek, nji histori që rëndon dhe nji mësim që duhet mbajtur mend.

  • Chris Martin dhe Brittany Broski fotografohen së bashku në Los Angeles. Ç’po ndodh mes tyre?

    Chris Martin dhe Brittany Broski fotografohen së bashku në Los Angeles. Ç’po ndodh mes tyre?

    Këngëtari 48-vjeçar i Coldplay, Chris Martin, dhe ylli i rrjeteve sociale dhe komedias, 28-vjeçarja Brittany Broski, janë fotografuar së bashku të hënën më 17 nëntor, duke u drejtuar për të ndjekur koncertin e Tame Impala Deadbeat Tour në Los Angeles.
    Pas publikimit të fotografive, Brittany ndau pamjet në Instagram Story, duke shkruar: “Çfarë është kjo tani LMFAO” me emoji që qajnë. Ajo shtoi: “Unë nuk kisha asnjë ide që Chris Martin ishte pranë meje. Jam një fanse e madh, përshëndetje Chris!”
    Brittany ka nisur kohët e fundit karrierën muzikore. Ajo publikoi këngën e saj të parë, “The Sun”, në prill 2025, vetëm dy javë pas versionit të saj të këngës “Adore You” të Harry Styles. Për shumëkënd, Brittany mbetet e njohur për videon virale të vitit 2019, ku provoi “kombucha” për herë të parë.
    Chris Martin ishte lidhur më parë me aktoren Dakota Johnson, me të cilën u nda zyrtarisht këtë verë, pas disa vitesh lidhjeje.
    Fotografitë e çiftit të mundshëm kanë nxitur spekulime mes fansave, ndërsa Brittany duket qartë e surprizuar dhe e lumtur nga takimi i papritur. Ndërkohë që nuk ka asnjë konfirmim për një romancë, pamjet dhe reagimi i Brittany kanë ngjallur kureshtje dhe komentet e fansave në rrjete sociale.

  • Rama: Manastirliu kandidatja e PS për Tiranën kurdo që të mbahen zgjedhjet

    Rama: Manastirliu kandidatja e PS për Tiranën kurdo që të mbahen zgjedhjet

    Kryeministri Edi Rama konfirmoi se Ogerta Manastirliu do të mbetet kandidatja e Partisë Socialiste për të drejtuar Bashkinë e Tiranës, kurdo që të mbahen zgjedhjet.
    Rama theksoi se Manastirliu do të udhëheqë fushatën e PS, duke i dhënë kështu “vizën” aktualit kryetar të bashkisë, Erion Veliaj, i cili u rikthye në detyrë pas vendimit të Gjykatës Kushtetuese, e cila rrëzoi vendimin e qeverisë për shkarkimin e tij.
    “Njerëzit që jetojnë në këtë qytet duan shërbimet, rrugën, kopshtin, çerdhen, pastrimin etj., gjë që ne duhet të bëjmë çmos t’i kenë dhe duke vlerësuar maksimalisht rëndësinë e kësaj detyre, jemi edhe sot këtu, së bashku me Ogertën që ishte dhe mbetet kandidatja jonë për të drejtuar Tiranën kur të vijnë zgjedhjet së bashku me Delinën, ministrja e Ekonomisë dhe Inovacionit që ka barrën e drejtimit politik të skuadrës së deputetëve apo të përfaqësuesve të PS në këtë njësi dhe natyrisht së bashku me ju”, theksoi Rama.

  • “Konkurrenca na bën mirë”, Ekitike: Ja çfarë na duhet në sulm

    “Konkurrenca na bën mirë”, Ekitike: Ja çfarë na duhet në sulm

    Sulmuesi i Liverpool, Hugo Ekitike, u shpreh se e mirëpret konkurrencën për një fanellë si titullar te skuadra e “reds”. Sipas tij, kjo do t’i ndihmojë të gjithë lojtarët të përmirësohen, në një sezon që nuk ka nisur aspak mirë.
    Kampionët e Premier League shpenzuan shumë gjatë verës për të sjellë Ekitike, Alexander Isak dhe Florian Wirtz në klub, duke i shtuar një reparti sulmues që tashmë përfshinte lojtarë si Mohamed Salah dhe Cody Gakpo.
    Skuadra e Arne Slot ende nuk është aktivizuar plotësisht këtë sezon, por Ekitike është e bindur se kombinimet mund të funksionojnë, pasi sulmuesit e Liverpool të kenë pasur kohë të mësojnë lojën e njëri-tjetrit. “Ne luajmë për të njëjtën skuadër”, tha Ekitike.
    “Natyrisht, ka vetëm disa vende në fushë, por luajmë për të njëjtën skuadër, kështu që rritemi së bashku, ndajmë fushën dhe thjesht e shtyjmë njëri-tjetrin për t’u përmirësuar. Kështu e shoh unë konkurrencën”, shtoi sulmuesi francez.
    Më tej, ai tha: “Duhet pak kohë për të parë cilësinë. Ne vijmë nga klube të ndryshme, duhet të gjejmë lidhje, të luajmë së bashku. Duhet kohë për të pasur ekipin perfekt në aspektin e lojës dhe kolektivit. Duhet të stërvitemi së bashku, të luajmë së bashku dhe do të përmirësohet”.

  • Ekitke karikon Liverpool: Konkurrenca na bën mirë, na duhet pak kohë për t’u lidhur në sulm

    Ekitke karikon Liverpool: Konkurrenca na bën mirë, na duhet pak kohë për t’u lidhur në sulm

    Sulmuesi i Liverpool, Hugo Ekitike, u shpreh se e mirëpret konkurrencën për një fanellë si titullar te skuadra e “reds”. Sipas tij, kjo do t’i ndihmojë të gjithë lojtarët të përmirësohen, në një sezon që nuk ka nisur aspak mirë.
    Kampionët e Premier League shpenzuan shumë gjatë verës për të sjellë Ekitike, Alexander Isak dhe Florian Wirtz në klub, duke i shtuar një reparti sulmues që tashmë përfshinte lojtarë si Mohamed Salah dhe Cody Gakpo.
    Skuadra e Arne Slot ende nuk është aktivizuar plotësisht këtë sezon, por Ekitike është e bindur se kombinimet mund të funksionojnë, pasi sulmuesit e Liverpool të kenë pasur kohë të mësojnë lojën e njëri-tjetrit. “Ne luajmë për të njëjtën skuadër”, tha Ekitike.
    “Natyrisht, ka vetëm disa vende në fushë, por luajmë për të njëjtën skuadër, kështu që rritemi së bashku, ndajmë fushën dhe thjesht e shtyjmë njëri-tjetrin për t’u përmirësuar. Kështu e shoh unë konkurrencën”, shtoi sulmuesi francez.
    Më tej, ai tha: “Duhet pak kohë për të parë cilësinë. Ne vijmë nga klube të ndryshme, duhet të gjejmë lidhje, të luajmë së bashku. Duhet kohë për të pasur ekipin perfekt në aspektin e lojës dhe kolektivit. Duhet të stërvitemi së bashku, të luajmë së bashku dhe do të përmirësohet”.