Lajmidites.com

Tag: bashkim

  • Marrëveshja e 72 miliardë dollarëve mes Netflix dhe Warner Bros, Trump paralajmëron: Probleme…

    Marrëveshja e 72 miliardë dollarëve mes Netflix dhe Warner Bros, Trump paralajmëron: Probleme…

    Presidenti Donald Trump ka ngritur shqetësime të mëdha në lidhje me marrëveshjen e fundit prej 72 miliardë dollarësh mes Netflix dhe Warner Bros Discovery, duke e quajtur mundësinë që ky bashkim të krijojë një problem të madh në tregun e transmetimit.

    Në një deklaratë për gazetarët gjatë një aktiviteti në Qendrën John F. Kennedy, Trump theksoi se madhësia e kombinuar e dy kompanive mund të rrisë dominimin e Netflix dhe të krijojë pengesa të mëdha për konkurrencën në industri.
    Të premten, Netflix dhe Warner Bros Discovery njoftuan arritjen e një marrëveshjeje të madhe që do të sjellë françiza të njohura si Harry Potter, Game of Thrones, Looney Tunes, The Matrix, dhe Lord of the Rings në platformën e Netflix. Ky bashkim do të krijojë një gjigant të ri mediatik, duke e forcuar pozicionin e Netflix si lider global në industrinë e transmetimit.
    Trump theksoi se Netflix, që tashmë ka një “pjesë shumë të madhe të tregut”, do të shohë një rritje të mëtejshme të këtij dominimi nëse marrëveshja kalon. Ai e quajti këtë një “problem të madh” dhe njoftoi se mund të përfshihej personalisht në vendimin për miratimin e kësaj marrëveshjeje. Trump gjithashtu vuri në dukje se Ted Sarandos, CEO i Netflix, e kishte vizituar atë në Zyrën Ovale, duke theksuar punën e shkëlqyer të tij në kompaninë e transmetimit.
    Marrëveshja ka ngjallur gjithashtu shqetësime në radhët e shkrimtarëve dhe sindikatave të industrisë, të cilët kërkojnë të bllokojnë bashkimin, duke argumentuar se kjo do të shkaktonte humbje të vendeve të punës, ulje të pagave, dhe do të krijonte një ndikim negativ në diversitetin e përmbajtjes së ofruar për konsumatorët. Ata po ashtu theksuan se një bashkim i tillë do të reduktonte mundësitë për konkurentët më të vegjël dhe do të rriste çmimet për shikuesit.

    Top Channel

  • Gramsh/ Zjarr masiv në Kukur, digjet biznesi i Bashkim Senkos – dëmet rreth 100 mijë euro

    Gramsh/ Zjarr masiv në Kukur, digjet biznesi i Bashkim Senkos – dëmet rreth 100 mijë euro

    Një zjarr i fuqishëm ka përfshirë mbrëmjen e sotme një biznes në fshatin Kukur, duke shkaktuar dëme të mëdha materiale. Biznesi në pronësi të Bashkim Senkos është djegur pothuajse totalisht, ndërsa humbjet vlerësohen të arrijnë deri në 100 mijë euro. Biznesi ishte si magazine shumice plera kimike miell hime dhe industriale te ndryshme. Ai sherbente si pike shumice per te 9 fshatrat e njesise administrative ne Kukur.
    Flakët janë përhapur me shpejtësi, duke përfshirë të gjithë godinën, ndërsa zjarrfikësit kanë mbërritur në vendngjarje, por zjarri kishte marrë tashmë përmasa të mëdha. Banorët e zonës raportojnë se gjithçka është shkrumbuar brenda pak minutash.
    Fatmirësisht, nuk ka të lënduar, por dëmet materiale janë shumë të konsiderueshme. Ende nuk dihen shkaqet e zjarrit, ndërsa grupet hetimore vijojnë punën për të zbardhur rrethanat.
    Ngjarja ka tronditur komunitetin e Kukurit, pasi biznesi ishte një prej burimeve kryesore të punësimit dhe shërbimit në zonë.

  • Kancelari gjerman: BE-ja duhet të transformohet në një Bashkim Evropian të Mbrojtjes

    Kancelari gjerman: BE-ja duhet të transformohet në një Bashkim Evropian të Mbrojtjes

    Mesazhet paralajmëruese për kërcënimin rus që Berlini ka dërguar gjatë 24 orëve të fundit kanë qenë të vazhdueshme, pasi Ministri i Jashtëm gjerman Boris Pistorius, cili vuri në dukje se “Evropa mund të ketë përjetuar verën e saj të fundit paqësore” dhe se “një konflikt NATO-Rusi para vitit 2029 është i mundur”.
    Lidhur me këtë deklaratë kancelari gjerman Friedrich Merz tha se Bashkimi Evropian duhet të transformohet në bashkimin evropian të mbrojtjes.
    “Mes sfidave në rritje të sigurisë ndërkombëtare, Bashkimi Evropian duhet të transformohet në një bashkim evropian të mbrojtjes”, sqaroi të hënën kancelari gjerman.
    Merz tha se evropianët duhet të ndërmarrin hapa të rinj në përgjigje të luftës në Ukrainë, ndryshimeve në marrëdhëniet euroatlantike dhe qëndrimit gjithnjë e më agresiv të Kinës.
    “Nuk mund të mbështetemi më te SHBA-ja për të na mbrojtur, te Kina për të na furnizuar me lëndë të para apo te Rusia që më në fund të kthehet në rrugën e paqes. Bota po ndryshon dhe Evropa duhet të përgjigjet”, theksoi Merz.
    “Është e nevojshme ta transformojmë këtë Bashkim Evropian në një bashkim evropian të mbrojtjes. Ne po përballemi me sfida ndërkombëtare që ne si evropianë duhet t’i përballojmë së bashku – me aftësinë për të mbrojtur veten”, vuri në dukje ai.
    Merz theksoi se Gjermania, si ekonomia më e fortë e BE-së dhe vendi më i populluar, duhet të marrë përgjegjësi më të mëdha për Evropën. “Ne kemi një përgjegjësi shumë më të madhe se kushdo tjetër për të marrë udhëheqjen brenda kësaj BE-je. Por kjo mbetet fjalë boshe nëse nuk ka substancë”, tha ai.

  • PS fitoi me 83% në Berat, ish-deputeti Lefter Maliqi: Të ikë Eno Bozdo, duhet riorganizim i PD

    PS fitoi me 83% në Berat, ish-deputeti Lefter Maliqi: Të ikë Eno Bozdo, duhet riorganizim i PD

    Humbja e thellë në Berat, ku kandidati i pavarur, i mbështetur nga opozita mori vetëm 16.65% të votave, duhet të shoqërohet me dorëheqje.

    I këtij mendimi është ish- deputeti i PD-së në Berat, Lefter Maliqi, i cili kërkon largimin e drejtuesit politik të qarkut, Eno Bozdos.
    Sipas tij, Bozdo duhet të bëjë të njëjtën gjë që bëri edhe Bujar Leskaj kur humbi zgjedhjet e 11 majit në Vlorë.
    Statusi
    Qarku Berat “Këmbanë Alarmi” për opozitën dhe dështim pjesëmarrja për Rilindjen. Nga 116 kuti votimi, krenar që ne Lagjen ku kalova femijërinë, kandidati i pavarur doli i pari me 9 vota plus si qendra e vetme e votimit fituese dhe ish Komuna Otllak më e mira falë Lapardhasë, Virjonit e Qereshnikut.
    Vlerësoj për mundin e kurajon Inxhinier Pavlo Shkarpën, i cili pavarësisht rezultatit mbetet vlerë për Beratin. Këto zgjedhje kërkojnë analizë dhe reflektim të thellë. Drejtuesi Politik i PD-së Berat, Eno Bozdo, ndaj së cilit nuk kam asgjë personale pesoi dështimin e dytë të radhës, të rëndë në çdo aspekt, duke e listuar Beratin këtë herë në rezultatin më të dobët nga të 5 Bashkitë në garë.
    Të marrë shembullin e Leskajt në Vlorë, të jap dorëheqje, t’i hap rrugë riorganizimit, bashkimit të PD-së dhe opozitës në Qarkun Berat, në mënyrë që t’i paraprijmë shtimit dhe forcimit të radhëve, bashkimit, kthimit të besimit dhe shpresës për fitore të sigurt në zgjedhjet e ardhëshme lokale dhe parlamentare në Qarkun Berat. Ne do ja dalim! S’ka forcë që na ndalë! Analizë, mobilizim, organizim, shtim radhësh, forcim strukturash, frymë, optimizëm, shpresë, besim, përballje, bashkim, bashkim, bashkim dhe Fitore!

    Top Channel

  • “Muçi – Naçi – Baçi”! Mbledhja historike e KPD-Nano 3 ditë debat me anëtarët e PS: 3 ministra dhanë dorëheqjen

    “Muçi – Naçi – Baçi”! Mbledhja historike e KPD-Nano 3 ditë debat me anëtarët e PS: 3 ministra dhanë dorëheqjen

    Fatos Nano dhe Bashkim Fino

    TIRANË-Fatos Nano, i cili u nda nga jeta një ditë më parë (31 tetor) do të kujtohet si një figurë që la ndikim të fortë në jetën publike dhe në kulturën politike të vendit.
    Nano drejtoi jo përmes forcës së pushtetit, por u imponua përmes betejave të brendshme, duke u tërhequr, për t’u rikthyer në majë, me forcën e votës dhe mbështetjen e anëtarësisë. Kjo metodë mori kuptim edhe në mbledhjen e jashtëzakonshme të Komitetit të Përgjithshëm Drejtues të Partisë Socialiste, KPD në datat 3-5 dhjetor 2001, e cila do të mbahet mend si shembulli më i mirë i vërtetimit të luftës për pushtet brenda partive politike shqiptare. 
    Ish-kryeministri Fatos Nano, asakohe kishte filluar që pas gushtit 2001 kur Ilir Meta u votëbesua sërish si kryeministër i Shqipërisë, të sulmonte ashpër kabinetin qeveritar “Meta 2” për korrupsion, shpërdorim detyre, lidhje me krimin e organizuar, etj. Në shënjestër kryesore, Nano vendosi Metën dhe disa udhëheqës të Partisë Socialiste. Një prej mbledhjeve e cila mund të konsiderohet historike për shkak dhe të akuzave dhe kundër akuzave të forta mes dy kampeve në Partinë Socialiste të vitit 2001 zgjati plot 3 ditë nga data 03 dhjetor deri me 5 dhjetor 2001. 
    Në KPD-në e famshme të dhjetorit 2001 dhanë dorëheqjen tre ministrat e qeverisë Meta, e më konkretisht: Ministri i Financave Anastas Aangjeli; Ministri i Ekonomisë Publike dhe Privatizimit Mustafa Muçi; Ministri i Punëve Publike dhe Turizmit Bashkim Fino.
    Fatos Nano: Kryeministri Ilir Meta, po e drejton qeverinë dhe Shqipërinë, në mënyrë fashiste, duke bërë lidhje vertikale direkte nga zyrat e tij në zyrën e agjensive të specializuara të shtetit, nga policia deri tek Gjykata apo Prokuroria, jashtë vëmendjes së drejtuesve të institucioneve që japin llogari para popullit dhe para ligjit”. Unë nuk do të lejoj, që qeverisja të shkatërohet e sundohet prej Ilir Metës, për shkak të presionit ekzekutiv dhe policor ndaj forumeve të partisë duke i diktuar të heshtin, me metodat që po ushtron Ilir Meta, po e përsëris, që po drejton në mënyrë fashiste.
    Fatos Nano:  Ndërkaq ky largim i yni, ty Bashkim, ty Arben e shumë shokë të tjerë iu ndihmoi të dilni nga goditja e zjarrit të opozitës dhe të opozitës brenda partisë. Pra ne ia kemi marrë dorën ndryshimit të qeverive me kontribute të brendshme dhe pikërisht për shkak të rehabilitimit të imazhit tënd në rreth një vit që qëndruam jashtë qeverisë, ti u riktheve natyrshëm në qeveri, tani nuk është më faji im, as i ndonjë opozite brenda partisë, që ti je sërish mjaft sensibël në opinion politik në parti dhe në opinion publik që na voton. Unë nuk të ndihmoj dot më, aq më pak sot e tutje, se të kam këshilluar drejtpërdrejt largohu nga Miri i Xhikes se Miri i Xhikes nuk është shoku yt. 
    “Shoku Fatos sulmon këtu Mirin e Xhikes. Po atje shkojë të gjithë me familjet tona, ku pushojmë e pijmë kafe”, tha Hajdaraga duke mbrojtur në mënyrë të hapur personazhin e përmendur nga Nano.
    “Miri i Xhikes” është pseudonimi i shtetasit Fatmir Rama, i cilësuar si një nga të fortët e rrugës së elbasanit, por edhe si drejtues I një rrjeti trafiku droge. Gjithashtu biznesmen dhe pronar i ish-kartodromi në Tiranë. Mbeti i vrarë me 29 mars të vitit 2003. Për vrasjen e tij u dënua me burg Lavdrim Tufa.
    Por kryetari i PS-së ishte në offensive dhe prej gojës së tij doli trioja deri përqeshëse “Muçi-Naçi-Baçi” *falë tre ç-ve), siç i quajti ai Mustafa Muçin, Anastas Angjelin dhe Bashkim Finon. Prej asaj dite, këto figura politike morën një goditje që kurrë nuk i ngriti dhe nuk iu dha mundësinë të rikuperonin reputacionin që mbanin deri atëherë.

  • Alimehmeti i suprizuar me përkrahjen për Binajn: U bë shumë kohë që nuk kemi parë një bashkim të opozitës në një krah

    Alimehmeti i suprizuar me përkrahjen për Binajn: U bë shumë kohë që nuk kemi parë një bashkim të opozitës në një krah

    Kandidati i pavarur për Bashkinë e Tiranës, Florjan Binaj, ka zhvilluar një takim të rëndësishëm me përfaqësues të forcave politike opozitare, duke sinjalizuar një bashkim të rrallë të opozitës në një front të vetëm. Koordinatori i Partisë Demokratike për Tiranën, Ilir Alimehmeti, e cilësoi këtë zhvillim si një ngjarje të pazakontë në skenën politike shqiptare.
    “U bë shumë kohë që nuk kemi parë një bashkim të opozitës në një krah. Dhe nuk kemi parë asnjëherë një kandidat të pavarur të jetë kaq i avantazhuar në këto 35 vite.  Fushata e Binajt është më shumë si një fushatë qytetare, ku ai vetë është në rolin e drejtuesit të shtabit, por ku një rol të rëndësishëm luajnë edhe forcat politike që e mbështesin.
    Binaj është kandidati, ai drejton fushatën dhe mban barrën e saj.  Por për t’i dhënë kësaj fushate fuqi logjistike dhe organizative, sidomos në ditën e votimit dhe numërimit, është e nevojshme një urë lidhëse me partitë që e mbështesin, dhe PD-ja është më e madhja ndër to. Mbështetja e Partisë Demokratike nuk është vetëm deklarative, por përfshin edhe logjistikë, resurse njerëzore, vëzhgues dhe numërues në qendrat e votimit, duke ndihmuar në mbrojtjen e votës.
    Ka pasur takime koordinuese dhe çdo vendim është marrë në funksion të një strategjie të përbashkët. Secili ka rolin dhe pozicionin e vet në këtë përpjekje, por të gjithë qëndrojmë për të njëjtën kauzë.Alimehmeti tha se mbështetja e një kandidati të pavarur nga forcat opozitare është një veprim i pazakontë, por i domosdoshëm për kushtet politike në të cilat ndodhet opozita. Kjo është me të vërtetë e veçantë: një kandidat i pavarur që mbështetet nga të gjitha partitë opozitare. Është një model i ri që kërkon të dalë jashtë standarteve të vjetra dhe të përditshme të politikës.
    Ne besojmë se kjo është rruga për të sjellë ndryshim real në Tiranë. Binaj tregoi që arriti të bëj bashkë të gjitha partitë opozitare të ndara”, tha ai në MCN.

  • Shfajësohet nga Gjykata e Lartë Bashkim Dedja/ Ish-kreu i Kushtetueses ishte dënuar për fshehje pasurie

    Shfajësohet nga Gjykata e Lartë Bashkim Dedja/ Ish-kreu i Kushtetueses ishte dënuar për fshehje pasurie

    Gjykata e Lartë, ka prishur vendimin për dënimin e ish-kryetari të lartë, të Gjykatës Kushtetuese Bashkim Dedja. 
    Ky i fundit i cili ishte gjyqtari i parë i dënuar nga GJKKO, do të rigjykohet në Apelin e Posaçëm.  Në vendimin e Gjykatës së Lartë, thuhet se rigjykimi të behët me një tjetër trupë gjykues. 
    SPAK kishte kërkuar për Bashkim Dedjan, një vit burg për akuzën e fshehjes së pasurisë, por përfundimisht ai u dënua me 6 muaj, të cilat iu konvertuan në një vit shërbim prove. 
    Sipas SPAK Bashkim Dedja ka fshehur pronësinë mbi një apartament në bregdetin e Kavajës duke e regjistruar në emër të të vëllait. 
    Ish-anëtari i Kushtetueses u shkarkua nga vetting-u për mos justifikim të pasurive, ndërsa në prill të vitit 2021, gjykata vendosi sekuestrimin e pasurive të tij. 

  • U dënua për fshehje pasurie! Prishet vendimi, çështja e ish-kreut të Kushtetueses rikthet për gjykim

    U dënua për fshehje pasurie! Prishet vendimi, çështja e ish-kreut të Kushtetueses rikthet për gjykim

    Bashkim Dedja

    TIRANË-Ish-kreu i Gjykatës Kushtetuese, Bashkim Dedja do të rigjykohet në Apelin e Posaçëm (GJKKO) për veprat penale fshehje dhe deklarim të rremë të pasurisë, me tjetër trupë gjykuese me vendim të Gjykatës së Lartë. Gjykata e Posaçme e Shkallës së Parë e dënoi ish-gjyqtarin me 6 muaj burg, dënim që u konvertua në 1 vit shërbim prove.
    Bashkim Dedja u dënua më 26 qershor 2023 nga Gjykata e Shkallës së Parë për “refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.

    Bashkim Dedja e kaloi shkallën e parë të vetingut, por Kolegjit të Posaçëm i Apelimit e rrëzoi këtë vendim pasi ai kishte një apartament në Golem, por pretendonte se ishte i vëllait. Ishte kontrata e OSHEE ajo që e nxorri zbuluar. SPAK nisi hetimet ndaj tij në maj të vitit 2020, pasi ai dyshohej se kishte pasuri të paluajtshme që nuk justifikohej nga burimet e ligjshme./ZËRI

  • “Është përrallë, bashkim vetëm me Evropën”/ Rama flet për bashkimin kombëtar me Kosovën

    “Është përrallë, bashkim vetëm me Evropën”/ Rama flet për bashkimin kombëtar me Kosovën

    foto ilustruese

    KOSOVË- Kryeministri i Shqipërisë, Edi Rama, i ftuar në një intervistë për televizionin Klan Kosova, ka folur rreth ngërçit politik në Kosovë. Ai është ndalur te integrimi i Shqipërisë dhe Kosovës në Bashkimin Evropian, duke theksuar se Kosova nuk ka bërë progres. Sipas tij, Kosova e ka të pamundur të përparojë në rrugën drejt Bashkimit Evropian pa krijuar simpati, besim dhe pa zgjeruar marrëdhëniet diplomatike me partnerët ndërkombëtarë.
    “Është e pamundur të përparohet në asnjë drejtim në këtë aspekt pa krijuar besim dhe simpati të plotë ndërkombëtare. Kjo nuk bëhet se duam ne, por bëhet nëse kemi miq dhe aleanca të mjaftueshme për të ia dalë. Në këtë aspekt, fjala më e butë që mund të thuhet është se nuk ka asnjë progres. Nuk ka asnjë progres në aspektin e zgjerimit dhe forcimit të miqësive ndërkombëtare të Kosovës”, tha Rama në emisionin “Jehona Politike”.
    Ai u pyet edhe në lidhje me idenë e bashkimit kombëtar, një ide e artikuluar shpesh nga kryeministri i Kosovës, Albin Kurti. Rama e sheh bashkimin kombëtar vetëm si bashkim me Evropën, duke theksuar se çdo gjë tjetër është thjesht “përrallë”.
    “Bashkimi kombëtar, sipas meje, është vetëm bashkimi me Evropën dhe asgjë tjetër. Çdo gjë tjetër është përrallë që gjithkush mund t’ia tregojë vetes, por nuk ka asnjë shans që ta shohë të realizuar në realitet. Jetojmë në shekullin XXI dhe nuk mund të mendojmë me formula të shekujve të kaluar – lëre më të shekullit XIX apo më përpara. Për mua, nëse flasim për bashkim kombëtar, flasim për Bashkim Evropian. Nëse flasim për bashkim kombëtar jashtë Bashkimit Evropian, jemi duke folur me vete dhe për vete – por as për vete jo, sepse është tërësisht një fantazi që s’ka lidhje me realitetin”, u shpreh Rama./ZËRI

  • Oligarku Bashkim Ulaj nuk ndalet! Nis punën për ndërtimin e kullës gjigante te Liqeni Artificial

    Oligarku Bashkim Ulaj nuk ndalet! Nis punën për ndërtimin e kullës gjigante te Liqeni Artificial

    Bashkim Ulaj ka nisur ndërtimin e një tjetër kulle në Tiranë. Kësaj radhe bëhet fjalë për kullë me plot 58 kate në një prej zonave më të lakmuara të kryeqytetit, pranë Liqenit Artificial. Leja për kullën “Tirana Lake” është dhënë me vendim të Këshillit Kombëtar të Territorit më datë 25 qershor 2025.
    Mes 40 lejeve të firmosura, objekti me lartësinë më të madhe që mori dritë jeshile, ishte kjo kullë që do të ndërtohet nga Ulaj.
    Vendimi titullohet “Ndërtimi për objektin: “Strukturë akomoduese me 58 kate mbi tokë dhe 6 kate nëntokë”, me vendndodhje në Rrugën “Llazar Pulluqi”, Bashkia Tiranë, me subjekt zhvillues shoqërinë “Aba Tower” sh.p.k. Sipas të dhënave nga Qendra Kombëtare e Biznesit, shoqëria “Aba Tower” me administratore Artila Ulajn, ndërsa aksionerët janë “Aba Hospitality” shpk dhe Bashkim Ulaj.

    Kulla e Bashkim Ulajt do të ngrihet buzë digës së Liqenit Artificial të Tiranës dhe do të ketë pamje të plotë mbi sipërfaqen e tij. Trualli që zhvillohet përmes këtij projekti është 32 mijë e 450 metër katrorë. Po në këtë zonë, Bashkim Ulaj ka ngritur të tjera kulla me emrin “Lake View”.
    Bashkim Ulaj është edhe pronar i Gener 2. Ai ka fituar vazhdimisht tendera dhe koncesione publike, shpesh të akuzuar si afera korruptive.
    Më 31 dhjetor 2024, biznesmeni Bashkim Ulaj, së bashku me dy vëllezërit e tij Astrit dhe Ahmet Ulaj morën statusin e veçantë “investitor në strukturë akomoduese me 5 yje, status special” për ndërtimin e resortit turistik Blue -Borgo” nga “Gener 2”  “Aba Blue Borgo”, sh.p.k. në Velipojë.
    Ky fshat turistik me vila e hotele luksoze do të ndërtohet në kufi mes Ranës së Hedhun dhe zonës Baks-Rrjoll në Shkodër dhe ka sipërfaqe prej 147.2 hektarësh, por është pritur me protesta nga banorët. Po ashtu, kompania Gener 2 ka marrë me koncesion dhe segmentin Thumanë-Milot, aks me pagesë dhe tarifën e vjel kompania e Ulajt.
    Ndërkohë, në gusht Enti Rregullator i Energjisë ka pezulluar procedurën për licencimin e shoqërisë “Fier Thermoelectric” për ndërtimin e termocentralit në Roskovec, kompania e cila ka aksioner kompaninë greke GEK TERNA Holdings dhe GENER 2 të Bashkim Ulajt. Edhe ky projekt ka hasur kundërshtinë e banorëve.