Lajmidites.com

Tag: bashki

  • Fitorja 5-0 në zgjedhje, Rama veçon Vlorën dhe Beratin: Pjesëmarrja e ulët për shkak të opozitës dhe shiut

    Fitorja 5-0 në zgjedhje, Rama veçon Vlorën dhe Beratin: Pjesëmarrja e ulët për shkak të opozitës dhe shiut

    edi rama

    TIRANË- Kryeministri Edi Rama ka bërë reagimin e tij të parë pas zgjedhjeve të pjesshme të së dielës, ku socialistët arritën të merrnin fitore të thellë në 5 bashki, pavarësisht pjesëmarrjes mjaft të ulët të qytetarëve. Rama ka veçuar kryebashkiaken e zgjedhur të Vlorës, Bruna Mersinin, që do të jetë e para grua në krye të qytetit, si dhe rezultatin historik të arritur në Berat, duke marrë 83% të votave.
    Postimi i Ramës
    5 bashki, 5 fitore dhe 5 arsye më shumë për t’i falenderuar qytetarët për besimin e tyre, pavarësisht dobësisë ekstreme të opozitës, motit me shi të ditës se djeshme, apo vetë natyrës së zgjedhjeve të pjesshme, të cilat nuk është se e stimulojnë pjesëmarrjen.
    Urime kryebashkiakëve të rinj, nga Bruna, gruaja e parë që do të drejtojë bashkinë e Vlorës;
    Ervini i dytë i Beratit, i cili me mbi 83% të votave dhe 13 049 vota nga 15 454 të PS në 11 maj për bashkinë Berat, ka arritur një rezultat mbresëlënës;
    Florenci në Cërrik, Gramozi në Tepelenë dhe Altini në Mat, që të tre me rezultate kuptimplota, të cilat janë një themel i fortë i punës që do të pasojë në shërbim të atyre komuniteteve.
    Bashkia e Beratit do të drejtohet nga Ervin Ceca i cili në këto zgjedhje arriti të siguronte 13,050 vota, që përbëjnë 83.35% të totalit, duke lënë pas me diferencë të thellë kandidatin e mbështetur nga Partia Demokratike, Pavlo Shkarpa, i cili siguroi 2,607 vota ose 16.65%.
    Garën për drejtimin e Bashkisë së Tepelenës e fitoi kandidati i Partisë Socialiste, Gramoz Sako, i cili arriti të merrte 77.85% të votave, përballë kandidatit të pavarur të mbështetur nga Partia Demokratike, Gabriel Guma, që mori 22.15%.
    Bashkia e Cërrikut për një mandat rreth 1 vit e gjysmë do të drejtohet nga Florenc Doka i cili në këto zgjedhje mundi të siguronte fitoren e thellë me 6,201 vota, që përbëjnë 66.22% të totalit, ndërsa “kundërshtari i tij” në këtë garë Amarildo Hoxha, kandidat i pavarur i mbështetur nga Partia Demokratike, mori 1,888 vota ose 20.16%.
    Në krye të garës për Bashkinë e Vlorës u pozicionua Brunilda Mersini e cila shënoi një moment historik si gruaja e parë që merr drejtimin e këtij qyteti. Ajo siguroi 15,573 vota, që përfaqësojnë rreth 78% të totalit, duke e bërë rezultatin të pakontestueshëm.
    Dy kandidatët e tjerë në garë, Dionis Sota (i pavarur, i mbështetur nga Partia Demokratike) dhe Gjergji Nika (i pavarur), morën përkatësisht 233 vota (11.6%) dhe 1,975 vota (9.8%).
    Ndërsa Bashkia e Matit, e fundit që mbylli numërimin e votave, do të drejtohet gjithashtu nga socialisti Altin Bojni. Ky i fundit shënoi fitore me difencë të thellë ndaj dy kandidatëve të pavarur, Eduart Brahilika kandidat i mbështetur nga opozita dhe Suzana Pasha, kandidatja e pavarur, ish-drejtuese e Forumit të Gruas Socialiste në këtë bashki.
    Bojni siguroi 7425 vota ose 66.54 % të totalit, kandidati i mbështetur nga opozita ka siguruar 3318 vota ose 28.54 %, ndërsa ish-drejtuesja e Forumit të Gruas Socialiste në Bashkinë Mat ka marrë vetëm 547 vota në këtë bashki ose 4.92 %.

  • Fitorja e Partisë Socialiste në 5 bashki, reagon Rama: Pavarësisht dobësisë ekstreme të opozitës…

    Fitorja e Partisë Socialiste në 5 bashki, reagon Rama: Pavarësisht dobësisë ekstreme të opozitës…

    Kryeministri Edi Rama ka reaguar në lidhje me fitoren e Partisë Socialiste në zgjedhjet e 5 bashkive që u realizuan një ditë më parë.

    Ai falenderon qytetarët për besimin, por nuk lë pa përmendur edhe numrin e ulët të pjesëmarrësve në proces.
    “5 bashki 🌹🌹🌹🌹🌹5 fitore 🌹🌹🌹🌹🌹dhe 5 arsye më shumë për t’i falenderuar qytetarët për besimin e tyre, pavarësisht dobësisë ekstreme të opozitës, motit me shi të ditës se djeshme, apo vetë natyrës së zgjedhjeve të pjesshme, të cilat nuk se e stimulojnë pjesëmarrjen.
    Urime kryebashkiakëve të rinj, nga Bruna, gruaja e parë që do të drejtojë bashkinë e Vlorës; Ervini i dytë i Beratit, i cili me mbi 83% të votave dhe 13 049 vota nga 15 454 të PS në 11 maj për bashkinë Berat, ka arritur një rezultat mbresëlënës;
    Florenci në Cërrik, Gramozi në Tepelenë dhe Altini në Mat, që të tre me rezultate kuptimplota, të cilat janë një themel i fortë i punës që do të pasojë në shërbim të atyre komuniteteve. #KRENARpërPS🇦🇱🌹🇪🇺”, shkruan Rama.

    Top Channel

  • PS fitoi 5 bashkitë, Rama: Pjesëmarrja e ulët prej dobësisë ekstreme të PD-së, motit dhe…

    PS fitoi 5 bashkitë, Rama: Pjesëmarrja e ulët prej dobësisë ekstreme të PD-së, motit dhe…

    Kryeministri Edi Rama ka reaguar pas fitores së Partisë Socialiste në zgjedhjet e pjesshme në pesë bashki në vend. Ai falenderon qytetarët teksa thotë edhe se pjesëmarrja e ulët ishte si rezultat i disa faktorëve.
    “5 bashki, 5 fitore dhe 5 arsye më shumë për t’i falenderuar qytetarët për besimin e tyre, pavarësisht dobësisë ekstreme të opozitës, motit me shi të ditës se djeshme, apo vetë natyrës së zgjedhjeve të pjesshme, të cilat nuk e stimulojnë pjesëmarrjen”, tha Rama.
    Një urim e kishte edhe për kryetarët e rij të bashkive, sidomos për atë të Beratit me rezultatin e arritur.
    “Urime kryebashkiakëve të rinj, nga Bruna, gruaja e parë që do të drejtojë bashkinë e Vlorës; Ervini i dytë i Beratit, i cili me mbi 83% të votave dhe 13 049 vota nga 15 454 të PS në 11 maj për bashkinë Berat, ka arritur një rezultat mbresëlënës; Florenci në Cërrik, Gramosi në Tepelenë dhe Altini në Mat, që të tre me rezultate kuptimplota, të cilat janë një themel i fortë i punës që do të pasojë në shërbim të atyre komuniteteve”, shkruan Rama.
    Zgjedhjet e pjesshme lokale u zhvilluan të dielën, më 9 nëntor, në pesë bashki të vendit (Vlorë, Berat, Cërrik, Mat dhe Tepelenë) me një pjesëmarrje të ulët prej 18.45% nga mbi 334 mijë votues me të drejtë vote.
    Partia Socialiste siguroi një fitore të thellë në të gjitha bashkitë, duke marrë rezultatin 5 me 0 ndaj kandidatëve të opozitës dhe të pavarur.
    Në Vlorë, Brunilda Mersini (PS) fitoi me 78.88% të votave, ndërsa pjesëmarrja ishte më e ulëta në vend, vetëm 12.5%.
    Në Cërrik, Berat dhe Tepelenë, kandidatët socialistë Florenc Doka, Ervin Ceca dhe Gramos Sako fituan me mbi 65% deri në 83% të votave, duke shënuar rritje të ndjeshme për PS dhe rënie për PD.
    Në Mat, Altin Bojni (PS) triumfoi me 66.54%, ndërsa pjesëmarrja ishte më e larta në shkallë vendi, 39.36%. Të gjitha rezultatet konfirmojnë dominimin elektoral të PS në zgjedhjet e pjesshme të 9 nëntorit.

  • Përfundon numërimi i votave, PS fiton 5 bashkitë, PD asnjë

    Përfundon numërimi i votave, PS fiton 5 bashkitë, PD asnjë

    Partia Socialiste ka fituar zgjedhjet e pjesshme në 5 bashkitë: Vlorë, Berat, Cërrik, Mat dhe Tepelenë. PD nuk ka fituar asnjë bashki.
    Vlorë

    Vlora ishte bashkia e parë që e nxori rezultatin. Kjo bashki pati pjesëmarrjen më të ulët me 12,5% të zgjedhësve. Drejtuesja e Bashkisë së Vlorës do të jetë ish-deputetja Brunilda Mersini, e cila nën logon e PS arriti të marrë një fitore të thellë me 78% ose 15 672 vota.

    Kandidati i pavarur i mbështetur nga PD dhe aleatët, Dionis Sota mori 2333 vota ose 11.68%.

    Cërrik
    E njëjta panoramë paraqitet edhe në Bashkinë e Cërrikut ku PS ka fituar fitoren me 66.22%. Kandidati Florenc Doka ka marrë 6201 vota, një diferencë prej 4313 votash nga kandidati i pavarur i cili u mbështet nga PD, Amarildo Hoxha. Ky i fundit ka marrë 1888 vota, një diferencë tejet e ngushtë prej 613 votash me kandidatin Eligert Hima të Shqipëria Bëhet, i cili mori 1275 vota. Krahasuar me rezultatet e 11 majit në këtë Bashki, PS shënon një rritje me 6.72%, ndërsa PD tkurret me 9,14%.
    Berat
    Diferenca është e frikshme edhe në Bashkinë e Beratit. Kandidati socialist ka marrë fitoren me 13050 vota ose 83.35% kundrejt 2607 votave ose 16.65% të kandidatit të mbështetur nga PD, Pavlo Shkarpa. Po të krahasojmë këtë rezultat me zgjedhjet e 11 majit, PS rritet në këtë bashki me 28%, ndërsa PD tkurret me 16.75%.
    Tepelenë
    E njëjta situatë paraqitet edhe në Tepelenë, e cila në total kishte 21 Qendra Votimi dhe në këtë bashki për herë të parë u testua edhe numërimi i votave me Inteligjencë Artificiale, krahas numërimit manual. PS me ish-ushtarakun Gramos Sako kanë fituar me 77.85% ose 3261 vota. Ndërkohë, kandidati i mbështetur nga PD, 26-vjecari Gabriel Guma ka siguruar vetëm 928 vota. PS rritet me 9.5% krahasuar me rezultatet e 11 majit në këtë bashki, ndërsa PD tkurret me gati 1%.
    Mat
    E vetmja bashki në veri të vendit që shkoi në zgjedhje të pjesshme, Mati, u fitua sërish nga socialistët. Me Altin Bojnin i cili ka fituar me 7425 vota ose 66.54%. Rivali i tij, kandidati i pavarur i mbështetur nga PD, Eduart Brahilika ka marrë 3184 vota ose 28.54%. Ndërkohë, kandidatja Suzana Pasha që sfidoi partinë e saj PS-në, duke kandiduar si e pavarur ka marrë vetëm 549 vota ose 4.92%. Edhe në këtë bashki, PD ka rënie krahasuar me rezultatin e 11 majit, një rënie me 8.16%, ndërsa PS rritet me 7.34%.

  • PS fiton zgjedhjet më të “akullta” në pluralizëm

    PS fiton zgjedhjet më të “akullta” në pluralizëm

    PS ka fituar lehtshëm të pesë bashkitë ku të dielën u zhvilluan zgjedhje të pjesshme lokale, veç Tiranës, të cilat u anulluan me vendim të Kushtetueses.
    Me një pjesëmarrje jashtëzakonisht të ulët, qytetarët në Mat, Berat, Cërrik, Vlorë dhe Tepelenë vendosën që mandatin prej një viti e gjysëm t’ua besojnë kandidatëve të mazhorancës, kjo nga fakti se opozita nuk doli me kandidatët e saj në këto zgjedhje por vendosi të mbështesë kandidatë të pavarur.
    Pjesëmarrja më e ulët ishte në Vlorë, atje ku kandidatja e mazhorancës, Brunilda Mersini, e cila dorëzoi mandatin e deputetes, fitoi thellë ndaj rivalit të saj në garë të mbështetur nga PD.
    Nga 144 mijë qytetarë të Vlorës, vetëm 18 111 prej tyre votuan të dielën ose 12.54%, me Mersnin që mori 15672 vota ndaj 2333 që mori Dionis Sota. Kandidati i tretë Gjergji Nika e mbylli garën me 1975 vota.
    Në Bashkinë e Beratit, Ervin Ceca i Partisë Socialiste fitoi bindshëm me 13050 vota ndaj rivalit direkt Pavlo Shkarpa që mori 2607 të tilla.
    Në Cërrik, Florenc Doka i PS mori 6201 vota ndërsa kandidati Amarildo Hoxha 1888. Në garë në këtë bashki ishte dhe Eligert Hima nga Shqipëria Bëhet që grumbulloi 1275 të preferencave.
    Altin Bojni do të jetë kryetari i ri i Bashkisë së Matit, pasi fitoi bindshëm ndaj Eduard Brahilikës.
    Tepelena mbetet në duart e socialistëve. Gramoz Sako mori 77% të votave në këtë bashki, kundrejt 22% që shkuan për kandidatin e mbështetur nga opozita Gabriel Guma.
    Ashtu si në nivel parlamentar PD ka kuotat më të ulëta të përfaqësimit të si opozitë, ndodhur vetëm në zgjedhjet e ‘97-ës, por dhe në nivel lokal ka vetëm shtatë bashki nga 61 sosh.

  • Zgjedhjet lokale në 5 bashki, nis numërimi i votave në Tepelenë dhe Berat

    Zgjedhjet lokale në 5 bashki, nis numërimi i votave në Tepelenë dhe Berat

    Ka nisur procesi i numërimit në Bashkinë e Tepelenës, për rezultatet e zgjedhjeve të pjesshme që u mbajtën këtë të diel.

    Në këtë bashki për herë të parë do të aplikohet edhe testi i numërimit të votave me Inteligjencë Artificiale, por krahas këtij procesi, numërimi do të vijojë edhe manualisht.

    Procesi i numërimit po zhvillohet në QV 4356 Progonat, 4359 Nivicë dhe 4360 Sinanaj.
    Në garë për këtë bashki janë Gramoz Sako, i PS-së dhe kandidat i pavarur Gabriel Guma, i mbështetur nga opozita.
    Ndërkohë një ditë më parë u raportua se Sako, nuk rezulton votues në Tepelenë, por në dega nr. 7 në Tiranë. Sipas të dhënave nga gjendja civile, Sako figuron me vendbanim në kryeqytet dhe për rrjedhojë nuk ka të drejtë vote në Bashkinë e Tepelenës, ku është shpallur kandidat për kryetar.
    Fillon procesi i numërimit të votave edhe për Bashkinë e Beratit.
    Raportohet se numërimi ka nisur në KZAZ 67, e cila ka 44 kuti.
    Në këtë bashki garojnë për zyrën e kryebashkiakut Ervin Ceca i PS-së dhe Pavlo Shkarpa, i pavarur, i mbështetur nga PD-ja.
    Berati regjistroi një përqindje pjesëmarrjeje pak më shumë se 19%, shumë e ulët nga pritshmëritë.

  • Nis numërimi i votave në Tepelenë

    Nis numërimi i votave në Tepelenë

    Ka nisur procesi i numërimit të votave për Bashkinë Tepelenë.
    Pjesëmarrje në zgjedhjet e sotme në këtë bashki ishte 34,63%.
    Në këtë bashki kandidojnë Gramoz Sako nga Partia Socialiste dhe Gabriel Guma, kandidat i pavarur i mbështetur nga Partia Demokratike.

  • Zgjedhjet në 5 Bashki/ Pjesëmarrja 18.45 %, nis numërimi në Tepelenë, për herë të parë me…

    Zgjedhjet në 5 Bashki/ Pjesëmarrja 18.45 %, nis numërimi në Tepelenë, për herë të parë me…

    Ora 18:00, ka shënuar përfundimin e orarit zyrtar të votimit për zgjedhjet e pjesshme vendore. Në 5 bashki të vendit, Vlorë, Tepelenë, Berat, Mat e Cërrik u votua këtë të dielë për kryebashkiakun e ri, ku në garë ishin 13 kandidatë nga Partia Socialiste dhe opozita.
    Zgjedhje e pjesshme lokale erdhën si pasojë e largimit të kryebashkiakëve, dy si ministra në qeveri, dy të tjerë si deputetë në parlament dhe një dorëheqje e Ermal Dredhës në Vlorë.
    Kostoja e këryre zgjedhjeve nga KQZ është përllogaritur në 1.6 milionë euro. Të pestë këto bashki herën e fundit janë fituar nga PS, kurse mandati i fituar nga kryebashkiakët e rinj më 9 nëntor do të jetë më pak se 2 vjeçar, deri në zgjedhjet e ardhshme në pranverën e 2027.

  • Pjesëmarrja në 5 bashki 18.4%, a quhet i suksesshëm procesi zgjedhor? Celibashi: Nga ana e KQZ, ka qenë i administruar profesionalisht

    Pjesëmarrja në 5 bashki 18.4%, a quhet i suksesshëm procesi zgjedhor? Celibashi: Nga ana e KQZ, ka qenë i administruar profesionalisht

    Kryekomisioneri Ilirjan Celibashi në komunikim me mediat pas mbylljes së procesit të votimit, ka bërë me dije rezultatin e pjesëmarrjes së qytetarëve në votime në këto 5 bashki.

    I pyetur nëse mund ta quante të suksesshëm procesin zgjedhor, Celibashi u shpreh se nga ana e KQZ zgjedhjet janë administruar në mënyrë profesionale.
    “Suksesi matet me mënyrë profesionale që organizohen zgjedhjet. Mendojë që zgjedhjet u përgatitën shumë mirë nga ana e KQZ dhe profesionalisht janë të organizuara shumë mirë, të krahasuara më standardet ndërkombëtare”, tha Celibashi.
    Ndërsa pë shkaqet që i kanë çuar qytetarët të mos votojnë masivisht, Celibashi nuk kishte një përgjigje.
    “Nuk di ta them por edhe nuk jam në pozita për ta komentuar. Ka pikë-vështrime të ndryshe. Secili ka lirinë e vetë për pjesëmarrjen. E rëndësishme është se si janë përgatitur dhe administruar zgjedhjet”, tha kryekomisioneri.
     
     
     

    Top Channel

  • Ora e fundit e votimit/ KQZ: Pjesëmarrja deri në 17:00 në 5 bashki, 18.55 %

    Ora e fundit e votimit/ KQZ: Pjesëmarrja deri në 17:00 në 5 bashki, 18.55 %

    Këtë të diel, 9 nëntor, mbi 334 mijë qytetarë shqiptarë në pesë bashki të vendit do t’i drejtohen kutive të votimit për të zgjedhur kryetarët e rinj. Procesi zgjedhor zhvillohet në Mat, Cërrik, Berat, Vlorë dhe Tepelenë, si pasojë e vakancave të krijuara në drejtimin e bashkive përkatëse.
    Këto zgjedhje të pjesshme lokale erdhën si pasojë e largimit të kryebashkiakëve, dy si ministra në qeveri, dy të tjerë si deputetë në parlament dhe një dorëheqje e Ermal Dredhes në Vlorë.