Lajmidites.com

Tag: bashkëshortja

  • FOTO/ Funerali i Diogo Jotës! Bashkëshortja mes lotëve përqafon arkivolin, Ronaldo mungon

    FOTO/ Funerali i Diogo Jotës! Bashkëshortja mes lotëve përqafon arkivolin, Ronaldo mungon

    Këtë të shtunë mijëra persona janë mbledhur në rrugët e Gondomarit, pranë qytetit të Portos, për t’i dhënë lamtumirën e fundit Diogo Jotës. Ai humbi tragjikisht jetën në një aksident automobilistik bashkë me vëllain e tij, André (25 vjeç).
    Dy arkivolet u transportuan nga kapela funerale në kishën famullitare të qytetit. Brenda u lejohej hyrja vetëm familjarëve dhe miqve të ngushtë, ndërsa ceremonia u transmetua drejtpërdrejt jashtë për mijëra pjesëmarrësit që kishin ardhur të bënin homazhe. Ndër të pranishmit ishte edhe menaxheri i njohur Jorge Mendes, kapiteni i Manchester City-t dhe bashkëkombësi i Jotës, Bernardo Silva, si dhe një delegacion i plotë nga Liverpool, me kurora lulesh në formën e fanellave me numrat 20 (për Diogon) dhe 30 (për André).

    Bashkëshortja e veshur me të bardha dhe duke mbajtur një trëndafil të kremtë në dorë, qëndronte pranë arkivolit të bashkëshortit, e mbështetur nga familjarët mes skenash të thella emocionale. I pranishëm në varrim ishte edhe Ruben Neves, ish-shok skuadre i Jotës te Wolves dhe Porto, i cili udhëtoi nga SHBA me avion privat për të marrë pjesë në ceremoni, vetëm një ditë pasi kishte luajtur në Kupën e Botës për Klube me Al Hilal. Ai dhe Cancelo nuk arritën të përmbanin lotët gjatë minutës së heshtjes. Nga ceremonia nuk kaloi pa u vënë re mungesa e Cristiano Ronaldos. Pavarësisht mesazhit të tij ngushëllues në rrjete sociale.

  • VIDEO/ Nëna e Diogo e Andre Silvës dhe bashkëshortja e Jotës shpërthejnë në lot pasi identifikojnë trupat e dy ish-futbollistëve

    VIDEO/ Nëna e Diogo e Andre Silvës dhe bashkëshortja e Jotës shpërthejnë në lot pasi identifikojnë trupat e dy ish-futbollistëve

    Autoritetet spanjolle e kishin të pamundur për të identifikuar dy trupat e vëllezërve futbollistë Diogo dhe Andre Silva që u dogjën së bashku me Lamborghinin ku udhëtonin.

    Për këtë, në Institutin e Mjekësisë Ligjore dhe Shkencave Ligjore në Zamora, u kërkua ndihma e familjarëve.Lexo edhe :Related Posts
    Nëna e dy të rinjve dhe bashkëshortja e Diogos identifikuan trupat e viktimave si dhe sendet personale të mbetur pa djegur në makinë.

    #BREAKING : Heartbroken Rute Cardoso Leaves for Funeral in Tear.

    The heartbreaking footage of Rute Cardoso, Diogo Jota’s partner, shattered with grief as she leaves the funeral home.#rutecardoso #diogojota #jota #Zamora #spain #Liverpool #Portugal #ripdiogojota #RIPJota pic.twitter.com/DYQ7nU4Lue
    — upuknews (@upuknews1) July 4, 2025

    Siç shkruajnë mediat e huaja ato dolën të shkatërruara nga morgu, me lot në sy. Së bashku me to ishte edhe Jorge Mendes, agjenti i futbollistit të Liverpool, Jota.
    Qeveria Rajonale e Castile dhe Leon aktivizoi protokollin e mbështetjes psikologjike për të ndihmuar familjet e lojtarëve, siç është zakon në raste të tilla tragjike.
    /vizionplus.tv

  • Samiti i NATO-s/ Kryeministri Rama dhe bashkëshortja në mesin e liderëve botërorë në darkën mbretërore

    Samiti i NATO-s/ Kryeministri Rama dhe bashkëshortja në mesin e liderëve botërorë në darkën mbretërore

    Një samit i rëndësishëm i NATO-s po mbahet në Holandë, në një kohë që bota është në ankth për situatën që kanë prodhuar tensionet dhe lufta Izrael-Iran. Por mbrëmjen e sotme është organizuar një darkë zyrtare nga Mbreti Willem-Alexander në Pallatin Huis ten Bosch në Hagë.
    Liderë nga mbarë bota, përfshirë edhe ata të vendeve anëtare të aleancës, janë bërë pjesë e kësaj pritjeje, që shënon hapjen simbolike të punimeve të samitit.

    Në mesin e të ftuarve ka qenë edhe kryeministri Edi Rama i shoqëruar nga bashkëshortja e tij, Linda Rama. Çifti është parë teksa mbërrinte në pallatin mbretëror.
    Samiti në Hagë, Rama pritet nga Rutte: NATO do të angazhohet për terminalin ushtarak në Durrës

    Trump drejt rrugës për në Samitin e NATO-s: Nder të shkatërroja objektet bërthamore të Iranit dhe të ndalja luftën

  • “I ka hyrë me tullë, u rrëzua duke i rënë burrit”, fqinji godet e nxin gruan

    “I ka hyrë me tullë, u rrëzua duke i rënë burrit”, fqinji godet e nxin gruan

    Një zonjë nga Peshkopia është drejtuar në redaksinë e emisionit “Stop” në Tv Klan pasi në datën 5 qershor, siç ajo tregon, është dhunuar bashkë me bashkëshortin nga komshiu Ekrem Fida. Sipas denoncueses, ky qytetar është kunati i vëllait i cili qëndron në ndërtesën që e ka vëllai i saj. Ajo thotë se është bërë e disata herë që sulmohet dhe shahet nga komshiu dhe në datën 5 arriti kulmin, pasi fqinji dhunoi bashkëshortin derisa ra pa ndjenja dhe më pas atë vetë duke e nxirë në trup.
    “Stop” kërkoi të bisedonte me Ekrem Fidën, por bashkëshortja e tij tha se nuk ndihej mirë e nuk donte të fliste.
    Gazetarja: Si kaluat? Ndjesë për shqetësimin! Zotin Ekrem doja! S’ndodhet këtu?
    Bashkëshortja: Jo! Pse?
    Gazetarja: Doja ta takoja pak!
    Bashkëshortja: Ai nuk do ta bëjë publike. Nuk ndihet fort mirë tani. Kur të ngrihet, merre në telefon!
    Ekremi nuk përgjigjet në telefon dhe pak më vonë, “Stop” rikthehet në shtëpinë e tij. Bashkëshortja thotë se ka dalë.
    Gazetarja: Erdhi zotëria? Domethënë, është mirë tani?
    Bashkëshortja: Ka dalë. Ka ikur.
    Gazetarja: Po pse s’më njoftove, për ta takuar pak?
    Bashkëshortja: Nuk donte…Tha, nëse duan të marrin informacion, krejt informacionet, i ka policia.
    Por gruaja e të akuzuarit për agresion tregon se ka qenë qytetarja denoncuese që hidhte inertet e bashkisë pranë banesës që ata kanë me qira. Ajo pranon se bashkëshorti i saj e ka goditur me shpullë burrin e zonjës së drejtuar në “Stop”. Por nga ana tjetër, zonja pretendon se denoncuesja dhe i shoqi i kanë dhunuar burrin. Sipas saj, gjithë konflikti ka ndodhur nga xhelozia që i vëllai ua ka lënë atyre banesën dhe jo të motrës.
    Gazetarja: Pala tjetër pretendon, se është dhunuar nga zotëria.
    Bashkëshortja e Ekrem Fidës: Jo, nuk është dhunuar pala tjetër. Bashkëshorti është me shenja dhune, e ka në polici të shkruar.
    Gazetarja: Për çfarë ka nisur konflikti?
    Bashkëshortja e Ekrem Fidës: Konflikti nga xhelozia se ka dashur personi në fjalë ka dashur ta marrë(ndërtesën). Zotëria që e ka këtë, nuk ia jep motrës, ia ka dhënë vëllait të gruas. (Ekrem Fidës) Llomët, (inertet) që vijnë nga lart, zonja m’i bie përherë këtu mua. Mua më zdripin njerëzit e llixhave, ato duhen pastruar. Sot i vënë ato, nesër i bien më këtej se janë njerëz të atillë. Ajo, personi, i ka hyrë me tullë nga trupi, ka shenja dhune.
    Gazetarja: Ka goditur bashkëshortin tënd?
    Bashkëshortja e Ekrem Fidës: Po, është krejt i nirë burri.
    Gazetarja: Ke ndonjë foto që t’i shoh?
    Bashkëshortja e Ekrem Fidës: I ke krejt në polici. Është grua e dhunshme. Prej kur kemi ardhur, gruaja nuk na lë rehat. Burri im i ka hyrë me shpulla, se kam qenë prezent unë, burrit të asaj. Kjo i ka hyrë, ka kapur këto dhe i ka hyrë nga shpina dhe i ka hyrë këtu, ka çarje.
    Gazetarja: Zonjën e ka goditur?
    Bashkëshortja e Ekrem Fidës: Nuk e ka prekur gruan.
    Gazetarja: Se ajo kishte të nxira këtu, kishte të nxira këtu.
    Bashkëshortja e Ekrem Fidës: Është rrëzuar, duke i rënë burrit tim me tulla se kam qenë prezent unë.
    Gazetarja: Por pikënisja ka qenë që zotëria ka goditur zotërinë, bashkëshortin e zonjës apo jo?
    Bashkëshortja e Ekrem Fidës: E ka goditur se bënte dërr-dërr-dërr, duke u kapur për fjalësh. I ka ra në shpullë po, në shpullë i ka ra, po me beton nuk i ka ra.
    Gazetarja: Ndodhi konflikti, po të paktën mos të agravojë më tej, duhet t’i shmangni!
    Bashkëshortja e Ekrem Fidës: Jo, nuk shmanget.
    Gazetarja: E mira është që të shmangen, mos të agravojnë, se ti ke dy fëmijë të vegjël dhe ata kanë fëmijë. Pse duhet të shkojnë gjërat të agravojnë më tej, më kupton?
    Bashkëshortja e Ekrem Fidës: Tamam e ke ti!
    Për këtë situatë “Stop” i drejtohet policisë, ku mësohet se palët janë konfliktuar për inertet dhe materialet, janë referuar në prokurori në ngarkim të Ekrem Fidës për veprën penale “plagosje e lehtë me dashje”./tvklan.al

  • Arrestimi i ish-policit për Banjskën/ Bashkëshortja: Serbia e mban padrejtësisht, Kosova të reagojë

    Arrestimi i ish-policit për Banjskën/ Bashkëshortja: Serbia e mban padrejtësisht, Kosova të reagojë

    Bashkëshortja e ish-policit Arbnor Spahiut, Arieta Spahiu publikisht i ka kërkuar presidentes së Kosovës Vjosa Osmani dhe institucioneve të vendit që të reagojnë për arrestimin e tij i cili po akuzohet nga Serbia për “vrasje të rëndë” në Bansjke.
    Ne nje dalje per televizionin Dukagjini ne Kosove ajo ka delaruar se bashkeshorti I saj më shumë se kurrë tani ka nevojë për përkrahje, e që deri më tani të gjitha institucionet kanë heshtur.
    “Kërkoj publikisht që të merrni një qëndrim, të flisni dhe të ndërmerrni hapa konkretë për të adresuar rastin e bashkëshortit tim dhe të tjerëve si ai.Arbnori ka kontribuar për sigurinë e Kosovës për vite me radhë. Dhe sot, kur ai ka më shumë se kurrë nevojë për përkrahje, është lënë në heshtje. Asnjë institucion nuk ka reaguar. As Presidentja e vendit, as Kuvendi, as askush tjetër. Dhe kjo heshtje është një dhimbje tjetër për familjen time.” -deklaron bashkeshortja e ish efektivit te policise se Kosoves.
    Sipas saj, bashkeshorti Spahiu duhet të kthehet në shtëpi dhe se ai nuk është fajtor, por nje hero i heshtur i këtij vendi.
    Nje apel ajo e ka patur edhe per mediat, shoqerine civile dhe të gjithë njerëzit me ndërgjegje.
    Ish-pjesëtari i Njësisë Speciale të Policisë së Kosovës, Arbnor Spahiu, është një prej disa policësh ose ish-policësh që e kanë gjetur veten prapa hekurave në Serbi.
    Pas ketij qendrimi, nga Zyra e Presidences deklarojne se kane nisur bisedimet me zyren nderlidhese ne Serbi dhe vendet e Quintit.
    Spahiu u ndalua me 7 qershor  në pikën kufitare nga Hungaria në Serbi.
    Autoritetet e drejtësisë atje i shqiptuan masën e paraburgimit prej një muaji, nën dyshimet se ka kryer “vrasje të rëndë”.
    Dyshimet lidhen me incidentin në Banjskë – pjesa veriore e Kosovës – ku një grup i serbëve të armatosur ka sulmuar policinë e Kosovës në shtator të vitit 2023, duke vrarë rreshterin Afrim Bunjaku.
    Në përleshjet me armë që kanë pasuar, janë vrarë edhe tre sulmues serbë.
    Por, sipas një konfirmimi nga Policia e Kosovës Spahiu ne ate kohe nuk ka qenë pjesëtar i policisë – ai “ka dhënë dorëheqje vullnetare në vitin 2022.

  • Shuplaka nga bashkëshortja, presidenti Macron: Po bënim shaka

    Shuplaka nga bashkëshortja, presidenti Macron: Po bënim shaka

    Një shuplakë bëri që presidenti Emmanuel Macron të kishte vëmendjen kryesore sot. Madje videoja me shuplakë nga bashkëshortja, Brigitte Macron u bë virale shpejt në rrjetet sociale, aq sa i humbi edhe rëndësinë vizitës në kryeqytetin e Vietnamit, Hanoi. Ai u shpreh se nuk është e vërtetë që ka pasur një zënkë me bashkëshorten e tij, por po bënin “shaka siç bëjnë gjithmonë”. ”Prandaj duhet që të gjithë të qetësohen dhe mbi të gjitha, të interesohen për çështjet reale të aktualitetit”, u shpreh ai për mediat franceze.

  • Reagon edhe bashkëshortja e Elvis Pupës, Belina: Të nderuar gazetarë, nëse zgjidhni të punoni për klikime, të paktën mos dëmtoni të vërtetën!

    Reagon edhe bashkëshortja e Elvis Pupës, Belina: Të nderuar gazetarë, nëse zgjidhni të punoni për klikime, të paktën mos dëmtoni të vërtetën!

    Pas aktorit Elvis Pupa ka reaguar edhe bashkëshortja e tij Belina Pupa në lidhje me akuzat për kultivim droge.
    Ajo është shprehur së është plotësisht e lirë dhe po vazhdon aktivitetin profesional si zakonisht.

    Në fund të reagimit, Pupa shprehet se duhet lënë kohës dhe drejtësisë të flasë e fundit.
    “Të dashur miq, ndjekës dhe bashkëpunëtorë, dua t’ju falënderoj me zemër për të gjithë mesazhet, mbështetjen dhe dashamirësine që me keni treguar këto ditë. E ndjej të nevojshme të ndaj me ju disa sqarime në lidhje me lajmet që kanë qarkulluar në media.
    Aktualisht jam plotësisht e lirë dhe po vazhdoj aktivitetin tim profesional si zakonisht. Kërkesa që është bërë nga avokatët e mi lidhet vetëm me udhëtimet ndërkombëtare për arsye pune – një nevoje legjitime për të vijuar angazhimet e mia në Shqipëri, SHBA dhe Australi.
    Për respekt të procesit ligjor që është ende në zhvillim, nuk mund të jap detaje të mëtejshme. Por jam e bindur se gjithçka do të sqarohet në mënyrë të drejtë dhe transparente.
    Një apel për mediat: ju ftoj të ruani profesionalizmin dhe të mos i dorëzoheni spekulimeve. Raportimi korrekt dhe etik është më i nevojshëm se kurrë, veçanërisht kur bëhet fjalë për figura publike dhe çështje të ndjeshme. Nëse vendosni të citoni media të huaja, bëjeni saktë. Dhe nëse zgjidhni të punoni për klikime, të paktën mos dëmtoni të vërtetën. Sa për çështjen, ja lëmë kohës dhe drejtësisë të flasë e fundit“, ka shkruar ajo.
    “Një influencuese në rrjetet sociale dhe terapiste e njohur në Adelaide është akuzuar për një perandori kanabisi, ndërsa partneri i saj, i bashkë-akuzuar, është larguar nga vendi”, kështu shkruajnë mediat australiane duke iu referuar Belina Pupës dhe aktorit të njohur të humorit Elvis Pupa.
    Referuar mediave në Australi, bëhet me dije se çiftit i është zbuluar një ‘shtëpi bari’ në Adelaide ku ata jetojnë prej shumë vitesh.
    Belina Pupa përballet me akuza për kultivim të një sasie të madhe kanabisi dhe ndërhyrje të paligjshme në rrjetin e energjisë elektrike, ndërsa po ashtu i bashkë-akuzuar është edhe aktori.
    Psikologia është paraqitur në gjykatë dhe aktualisht është në liri me kusht, ndërsa Elvis Pupa thuhet se është larguar nga Australia dhe është shpallur në kërkim nga autoritetet atje.

  • Shtëpi bari në Australi? Mediat: Shpallet në kërkim aktori Vis Pupa. Bashkëshortja në gjyq

    Shtëpi bari në Australi? Mediat: Shpallet në kërkim aktori Vis Pupa. Bashkëshortja në gjyq

    Belina Pupa, terapiste dhe influencuese e njohur në rrjetet sociale me mbi 80 mijë ndjekës, po përballet me drejtësinë në Australi, pasi akuzohet për kultivim të një sasie të madhe kanabisi dhe ndërhyrje të paligjshme në furnizimin me energji elektrike.
    Belina, e cila është bashkëshortja e aktorit të njohur shqiptar, Elvis Pupa doli këtë të martë përpara Gjykatës së Magjistraturës në Adelaide. Ajo nuk ka paraqitur ende ndonjë deklarim fajësie për akuzat që rëndojnë mbi të.
    Sipas dokumenteve gjyqësore, ngjarja dyshohet të ketë ndodhur në periudhën 1 janar – 4 prill 2025, në një pronë në Ascot Park, ku janë zbuluar 43 bimë kanabisi.
    Avokati i saj kërkoi nga gjykata ndryshim të kushteve të lirimit me kusht, me argumentin se Pupa ka një biznes ndërkombëtar dhe duhet të udhëtojë drejt Shqipërisë për qëllime pune.
    “Ajo ka klientelë në Shqipëri, SHBA dhe Australi, dhe shpenzon rreth tre muaj në vit në Shqipëri, ku ofron shërbimet e saj edhe në televizion”, u tha në sallën e gjyqit.
    Prokuroria kundërshtoi ashpër kërkesën, duke e cilësuar rastin të rëndë dhe duke shtuar se partneri i saj, Vis Pupa i bashkë-akuzuar në këtë çështje, është larguar nga vendi dhe është aktualisht në kërkim.
    Magjistratja vendosi të shtyjë seancën dhe lejoi Belina Pupën të mbetet në liri me kusht deri në seancën e radhës që do të mbahet javën e ardhshme.
    Pupa ka një profil të njohur publik, me paraqitje të shumta në emisione televizive informative dhe aktivitet të dukshëm në promovimin e mirëqenies mendore dhe shëndetit psikologjik, veçanërisht në komunitetin shqiptar në diasporë.
    TemA

  • Bashkëshortja e Erion Veliajt, Ajola Xoxa paraqitet në SPAK

    Bashkëshortja e Erion Veliajt, Ajola Xoxa paraqitet në SPAK

    Bashkëshortja e kryetarit të bashkisë së Tiranës Ajola Xoxa u paraqit sot në SPAK në kuadër të ekzekutimit të vendimit të gjykatës për ‘detyrim me paraqitje” Pak ditë më parë, më 5 maj,  Ajola Xoxës i është regjistruar një akuzë tjetër. Bëhet falë për fshehje të ardhurash.

    Xoxa është marrë nën hetim edhe për këtë akuzë, por nuk bëhet e ditur për çfarë episodesh. Ajo po hetohej deri tani për korrupsion pasiv në 9 episode, pastrim parash e mosdeklarim pasurie.

    E ndërsa ajo hetohet në detyrim me paraqitje, bashkëshorti i saj, Erion Veliaj po hetohet në burg prej 2 shkurtit 2025, kur dhe u arrestua në zyrën e tij të bashkisë së Tiranës.

  • Hetimet ndaj Erion Veliajt, paraqitet në SPAK Ajola Xoxa

    Hetimet ndaj Erion Veliajt, paraqitet në SPAK Ajola Xoxa

    Bashkëshortja e Erion Veliajt, Ajola Xoxa ka mbërritur në Prokurorinë e Posaçme.
    Ajola Xoxa ka mbërritur në SPAK rreth orës 11:00 në zbatim të masës së sigurisë “detyrim paraqitje”.
    Kujtojmë se bashkëshortja e Erion Veliajt u paraqit para prokurorëve të posaçëm më 5 Maj, ku edhe iu komunikua një akuzë e re, atë të fshehjes së të ardhurave.
    Gjithashtu, Ajola është nën hetim për akuzat: “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë); “Pastrimi i produkteve të veprës penale ose veprimtarisë kriminale”; “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.