Rreth gati 1 vit pas hyrjes në fuqi të zgjerimit të listës së barnave të rimbursueshme me rreth 50 medikamente të reja, rezulton se për janar -gusht numri i përfituesve është pakësuar.
Sipas të dhënave të raportit “Për monitorimin e treguesve të Ministrisë së Shëndetësisë” për muajt janar-gusht 2025 nga lista e barnave të rimbursueshme kanë përfituar 358,178 pacientë kundrejt 400,000 të parashikuar, me një kosto prej 6,226 lekë/pacientë. Krahasuar me numrin e përfituesve të barnave të rimbursueshme për janar-gusht 2024 numri i tyre ka pësuar rënie me rreth 3,320 pacientë apo rreth 1% më pak.
Për rimbursimin e barnave të listës gjatë muajve janar-gusht 2025 është shpenzuar (paguar) rreth 7,9 mld lekë , ose rreth 64% e planit vjetor prej 12,6 mld lekë. Teksa për për rimbursimin e barnave të listës për 8 mujorin 2024 u shpenzuan gati 8,2 mld lekë nga 12,2 mld lekë të planifikuara, ose 68% e planit vjetor.
Sipas Ministrisë së Shëndetësisë, lista e barnave të rimbursueshme është zgjeruar gjatë gushtit 2024, duke shtuar 50 barna të reja dhe 1,345 alternativa mjekimi në total, nga 1,191 që ishin më parë.
Te medikamentet e reja të shtuara, përfshihen 38 janë principe aktive të reja dhe 18 forme doza të reja. Të gjitha barnat e reja të shtuara në Listën e Barnave të Rimbursueshme, janë barna të cilat mbështesin akoma më shumë të gjitha diagnozat dhe patologjitë e sëmundjeve onkologjike, sëmundje kardiovaskulare, diabetin, sëmundje të veshkave, astmën bronkiale, sëmundje pulmonare, etj.
Gjatë periudhës 8 mujore 2025 kanë përfituar fisha diabeti 56,066 pacientë, ose 3,829 pacientë më shumë nga e njëjta periudhë e vitit të kaluar.
Për rimbursimin e pajisjeve mjekësore (fishave të diabetit) janë shpenzuar(paguar) 105,2 mln lekë nga 250 mln lekë të planit vjetor, ose 70% e planit vjetor.
Sakaq në muajin korrik të 2024-s hyri në fuqi VKM n.492, datë 24.07.2024 për shtimin e kategorive përfituese të fishave për matjen e normave të diabetit, si invalidëve të punës dhe personave me aftësi të kufizuara të grupmoshës nga 25 deri 65 vjeç.
Përveç personave me Diabet Mellitus të grupmoshës 0-25 vjeç dhe ≥ 65 vjeç, shtimi i kategorive përfituese në 2024 solli rritje të shpenzimeve për rimbursimin e fishave të diabetit. Për rimbursimin e fishave të diabetit janë paguar 147,2 milionë lekë kundrejt 110,5 milionë lekëve të shpenzuara në 2023. Në 2024 shpenzimet për fishat e të sëmurëve kronikë me diabet janë rritur 33% në raport me vitin paraardhës. Gjatë vitit 2024 kanë përfituar nga fishat e diabetit 57,511 pacientë apo rreth 4% më shumë nga viti 2023./Monitor
Tag: barnave
-
Një vit pas zgjerimit të listës, bie numri i përfituesve të barnave të rimbursueshme
-
Bie numri i përfituesve të barnave të rimbursueshme, 1 vit pas zgjerimit të listës
Rreth gati 1 vit pas hyrjes në fuqi të zgjerimit të listës së barnave të rimbursueshme me rreth 50 medikamente të reja, rezulton se për janar -gusht numri i përfituesve është pakësuar.Sipas të dhënave të raportit “Për monitorimin e treguesve të Ministrisë së Shëndetësisë” për muajt janar-gusht 2025 nga lista e barnave të rimbursueshme kanë përfituar 358,178 pacientë kundrejt 400,000 të parashikuar, me një kosto prej 6,226 lekë/pacientë. Krahasuar me numrin e përfituesve të barnave të rimbursueshme për janar-gusht 2024 numri i tyre ka pësuar rënie me rreth 3,320 pacientë apo rreth 1% më pak.Për rimbursimin e barnave të listës gjatë muajve janar-gusht 2025 është shpenzuar (paguar) rreth 7,9 mld lekë , ose rreth 64% e planit vjetor prej 12,6 mld lekë. Teksa për për rimbursimin e barnave të listës për 8 mujorin 2024 u shpenzuan gati 8,2 mld lekë nga 12,2 mld lekë të planifikuara, ose 68% e planit vjetor.Sipas Ministrisë së Shëndetësisë, lista e barnave të rimbursueshme është zgjeruar gjatë gushtit 2024, duke shtuar 50 barna të reja dhe 1,345 alternativa mjekimi në total, nga 1,191 që ishin më parë.Te medikamentet e reja të shtuara, përfshihen 38 janë principe aktive të reja dhe 18 forme doza të reja. Të gjitha barnat e reja të shtuara në Listën e Barnave të Rimbursueshme, janë barna të cilat mbështesin akoma më shumë të gjitha diagnozat dhe patologjitë e sëmundjeve onkologjike, sëmundje kardiovaskulare, diabetin, sëmundje të veshkave, astmën bronkiale, sëmundje pulmonare, etj.Gjatë periudhës 8 mujore 2025 kanë përfituar fisha diabeti 56,066 pacientë, ose 3,829 pacientë më shumë nga e njëjta periudhë e vitit të kaluar.Për rimbursimin e pajisjeve mjekësore (fishave të diabetit) janë shpenzuar(paguar) 105,2 mln lekë nga 250 mln lekë të planit vjetor, ose 70% e planit vjetor.Sakaq në muajin korrik të 2024-s hyri në fuqi VKM n.492, datë 24.07.2024 për shtimin e kategorive përfituese të fishave për matjen e normave të diabetit, si invalidëve të punës dhe personave me aftësi të kufizuara të grupmoshës nga 25 deri 65 vjeç.Përveç personave me Diabet Mellitus të grupmoshës 0-25 vjeç dhe ≥ 65 vjeç, shtimi i kategorive përfituese në 2024 solli rritje të shpenzimeve për rimbursimin e fishave të diabetit. Për rimbursimin e fishave të diabetit janë paguar 147,2 milionë lekë kundrejt 110,5 milionë lekëve të shpenzuara në 2023. Në 2024 shpenzimet për fishat e të sëmurëve kronikë me diabet janë rritur 33% në raport me vitin paraardhës. Gjatë vitit 2024 kanë përfituar nga fishat e diabetit 57,511 pacientë apo rreth 4% më shumë nga viti 2023./ D.Azo Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
-
Raporti i KLSH për Onkologjikun/ PD kërkon mocion me debat në Kuvend: Situata e rëndë, barnat e skaduara
Pas raportit të fundit të KLSH që nxori në pah një situatë alarmante në trajtimin e pacientëve me tumor në Shqipëri, grupi i PD ka depozituar në Kuvend kërkesën për mocion me debat. Në kërkesë thuhet se raporti i fundit i Kontrollit të Lartë të Shtetit ka evidentuar situatën e rëndë në të cilën ndodhet sot shëndetësia, veçanërisht shërbimi onkologjik.
“Raporti i publikuar së fundmi nga Kontrolli i Lartë i Shtetit për auditimin tematik “mbi disponibilitetin e barnave për trajtimin e sëmundjeve tumorale” evidenton një situatë tej mase të rënduar në të cilën gjendet sot shëndetësia, e në veçanti shërbimi onkologjik pranë Qendrës Spitalore Universitare Nënë Tereza për sa i përket shërbimit terapeutik me pajisje mjekësore dhe me barna për dhjetra e mijëra pacientë. Ndjeshmëria publike nga rastet të njëpasnjëshme me abuzime dhe keq-menazhim ndër vite të bëra publike nga investigimet mediatike, denoncime nga qytetarë të shumtë, por dhe nga raportet e institucioneve të pavarura kushtetuese sikundër KLSH, flasin qartë për nevojën urgjente për ndryshimin e situatës, e cila po agravohet nga dita në ditë”, thuhet në kërkesë. Për situatën tek Onkologjiku, PD thotë se është një urgjencë, që kërkon reagim institucional e veprim të shpejtë. “Raporti nxjerr në dritë të dhëna të qarta, të zhveshura nga çdo emocion apo konotacion emocional, qoftë dhe politik, ndaj si ligjvënës është detyrë e jona përtej bindjeve dhe përkatësisë politike ta lexojmë drejtë këtë raport dhe të kërkojmë llogaridhënie institucioneve përgjegjëse, në këtë drejtim Ministrisë së Shëndetësisë dhe Mirëqenies Sociale.
Raporti paraqet situatën reale atë që qeveria dhe Ministria e Shëndetësisë tashmë kanë vite që përpiqen ta mbulojnë me propagandë boshe apo fasadë godinash disa miliardë lekë të cilat përveç korrupsionit të ndërtimit të tyre, fatkeqësisht nuk ofrojnë asgjë pacientit shqiptar”, thuhet në kërkesë. PD përmend disa pasazhe nga raporti i KLSH-së për mungesën e barnave, përdorimin e barnave të skaduara apo mungesën e kontrolleve laboratorike. Kërkesa zyrtare drejtuar Kuvendit të Shqipërisë është firmosur nga deputetët: Bardh Spahia, Manjola Luku, Klit Hoti, Tritan Shehu, Erisa Xhixho, Ledina Alolli dhe Eno Bozdo. -
Alarm global nga OBSH, ja tre shurupet që rrezikojnë seriozisht jetën e fëmijëve
Organizata Botërore e Shëndetësisë (OBSH) ka lëshuar një paralajmërim në lidhje me tre shurupe për kollën të prodhuara në Indi, pasi të paktën 22 fëmijë vdiqën në shtetin e Madhya Pradesh.
Shurupet, të cilat përdoren për të trajtuar kollën, gripin dhe ftohjen e zakonshme, prodhohen nga Sresan Pharmaceutical, Rednex Pharmaceuticals dhe Shape Pharma. Substancat toksike të gjetura në shurupe, të tilla si dietilen glikoli, kanë ngritur shqetësime pasi ky përbërës kimik është lidhur me raste të mëparshme të kontaminimit të produkteve në Indi. Sipas autoriteteve shëndetësore indiane, kontaminimi u zbulua në grupe specifike të produkteve COLDRIF, Respifresh TR dhe ReLife.
India, furnizuesi më i madh në botë i barnave të lira, ka pasur vështirësi në kontrollin e standardeve të prodhimit, veçanërisht midis prodhuesve më të vegjël. Në vitin 2022, më shumë se 60 fëmijë në Gambia vdiqën pasi konsumuan shurup kolle nga India, ndërsa në vitin 2023 u raportuan raste të verbërisë nga pikat e kontaminuara të syve në SHBA. OBSH -ja po u bën thirrje autoriteteve të shëndetit publik në të gjithë botën që të rrisin mbikëqyrjen e tregut, duke i kushtuar vëmendje të veçantë zinxhirëve të furnizimit dhe produkteve të falsifikuara. Ajo gjithashtu u kërkon autoriteteve të monitorojnë nga afër barnat e prodhuara nga fabrikat e kompanive, veçanërisht ato të prodhuara pas dhjetorit 2023. Në përgjigje, autoritetet indiane kanë pezulluar tashmë prodhimin e shurupeve në fjalë, kanë revokuar autorizimet e marketingut dhe kanë nisur një arrestim dhe hetim penal ndaj pronarit të Sresan Pharmaceutical, S. Ranganathan. Qeveria e shtetit Tamil Nadu, ku ndodhet kompania, ka revokuar licencën e operimit të prodhuesit.
Autoriteti Rregullator i Barnave Indiane ka forcuar gjithashtu kontrollet mbi përbërësit e barnave, duke kërkuar që autoritetet rajonale të sigurojnë sigurinë e lëndëve të para dhe produkteve të gatshme përpara se ato të hidhen në treg.
OBSH-ja vazhdon të punojë ngushtë me autoritetet shëndetësore indiane për të monitoruar situatën, për të identifikuar burimin e kontaminimit dhe për të zbutur rreziqet për shëndetin publik. -
OBSH ngre alarmin për tre shurupet e kollës të prodhuara në Indi pas vdekjeve së fëmijëve
Organizata Botërore e Shëndetësisë (OBSH) ka lëshuar një paralajmërim në lidhje me tre shurupe për kollën të prodhuara në Indi, pasi të paktën 22 fëmijë vdiqën në shtetin e Madhya Pradesh.
Shurupet, të cilat përdoren për të trajtuar kollën, gripin dhe ftohjen e zakonshme, prodhohen nga Sresan Pharmaceutical, Rednex Pharmaceuticals dhe Shape Pharma. Substancat toksike të gjetura në shurupe, të tilla si dietilen glikoli, kanë ngritur shqetësime pasi ky përbërës kimik është lidhur me raste të mëparshme të kontaminimit të produkteve në Indi. Sipas autoriteteve shëndetësore indiane, kontaminimi u zbulua në grupe specifike të produkteve COLDRIF, Respifresh TR dhe ReLife.
India, furnizuesi më i madh në botë i barnave të lira, ka pasur vështirësi në kontrollin e standardeve të prodhimit, veçanërisht midis prodhuesve më të vegjël. Në vitin 2022, më shumë se 60 fëmijë në Gambia vdiqën pasi konsumuan shurup kolle nga India, ndërsa në vitin 2023 u raportuan raste të verbërisë nga pikat e kontaminuara të syve në SHBA. OBSH -ja po u bën thirrje autoriteteve të shëndetit publik në të gjithë botën që të rrisin mbikëqyrjen e tregut, duke i kushtuar vëmendje të veçantë zinxhirëve të furnizimit dhe produkteve të falsifikuara. Ajo gjithashtu u kërkon autoriteteve të monitorojnë nga afër barnat e prodhuara nga fabrikat e kompanive, veçanërisht ato të prodhuara pas dhjetorit 2023. Në përgjigje, autoritetet indiane kanë pezulluar tashmë prodhimin e shurupeve në fjalë, kanë revokuar autorizimet e marketingut dhe kanë nisur një arrestim dhe hetim penal ndaj pronarit të Sresan Pharmaceutical, S. Ranganathan. Qeveria e shtetit Tamil Nadu, ku ndodhet kompania, ka revokuar licencën e operimit të prodhuesit.
Autoriteti Rregullator i Barnave Indiane ka forcuar gjithashtu kontrollet mbi përbërësit e barnave, duke kërkuar që autoritetet rajonale të sigurojnë sigurinë e lëndëve të para dhe produkteve të gatshme përpara se ato të hidhen në treg.
OBSH-ja vazhdon të punojë ngushtë me autoritetet shëndetësore indiane për të monitoruar situatën, për të identifikuar burimin e kontaminimit dhe për të zbutur rreziqet për shëndetin publik.Top Channel
-
Thellohet skandali, Shqipëria “mbytet” me ilaçe nga Ballkani, zero analiza dhe kontrolle mbi përmbajtjen, KLSH…
Dalin të tjera detaje tronditëse nga auditimi i KLSH në QSUT. KLSH ka zbuluar një situatë alarmante në sistemin e kontrollit të medikamenteve, veçanërisht për barnat që përdoren në trajtimin e sëmundjeve tumorale. Gjatë viteve 2021–2024, Laboratori i Kontrollit pranë kësaj agjencie ka dështuar të kryejë analiza të rregullta mbi cilësinë dhe përbërjen e këtyre barnave, duke lejuar që ato të qarkullojnë në treg pa asnjë verifikim të thelluar shkencor. Sipas raportit, gjatë gjithë vitit 2023 janë analizuar vetëm 8 mostra barnash të tilla, nga të cilat vetëm 4 ishin për përdorim spitalor. Në tre muajt e parë të vitit 2025 është kryer vetëm një analizë laboratorike për këtë kategori barnash. Ky numër i ulët është në kundërshtim të plotë me detyrimet ligjore dhe rregulloret e brendshme të vetë Agjencisë, të cilat përcaktojnë qartë se asnjë autorizim për tregtim nuk duhet të jepet pa u kryer analizat përkatëse.
KLSH evidenton gjithashtu se mungon një sistem i standardizuar për përzgjedhjen e mostrave dhe dokumentimin e procesit të analizave. Nuk ka afate zyrtare për përfundimin e analizave, nuk evidentohen përgjegjësitë e stafit dhe nuk ka metodologji të qartë për marrjen dhe administrimin e mostrave. Kjo mungesë totale transparence dhe protokollesh teknike lejon një zinxhir të tërë barnash të futen në treg pa garanci mbi efektshmërinë apo sigurinë e tyre.
Situata bëhet edhe më shqetësuese kur merret parasysh se shumë nga këto barna importohen nga vende të ndryshme të Ballkanit dhe më gjerë, duke hyrë në tregun shqiptar me vetëm një autorizim ministror dhe pa analizë laboratorike të detyrueshme. Ky skandal i heshtur në sektorin farmaceutik vë në pikëpyetje serioze jo vetëm sigurinë e barnave që përdorin pacientët, por edhe besueshmërinë e institucioneve që duhet të garantojnë mbrojtjen e jetës së qytetarëve. Mungesa e një kontrolli real dhe të dokumentuar jo vetëm që cenon të drejtat themelore të pacientëve, por mund të çojë në pasoja fatale në trajtimin e sëmundjeve të rënda si kanceri.
Pjesë nga raporti:
“Laboratori i Kontrollit siguron dhe përgjigjet për kontrollin cilësor të barnave brenda fushës së veprimtarisë së Agjencisë Kombëtare të Barnave dhe Pajisjeve Mjekësore, për të garantuar vendosjen në treg e barnave të sigurta, cilësore dhe efikase për popullatën. Përgjegjësitë dhe detyrat kryesore të Laboratorit të Kontrollit pranë AKBPM-së përfshijnë kryerjen e analizave fiziko-kimike dhe mikrobiologjike të formave të dozuara të barnave të importuara ose të prodhuara në vend, si dhe të lëndëve të para farmaceutike. Laboratori shqyrton dokumentacionin dhe analizon mostrat e barnave të paraqitura në kuadër të aplikimeve për autorizim ose rinovim të autorizimit për tregtim, në përputhje me kërkesat e farmakopeve ose me metodat analitike të përshkruara nga prodhuesi. Gjithashtu, realizon analiza mbi barnat e marra në formë sondazhi gjatë proceseve të verifikimit fizik, inspektimeve apo rasteve të importit të parë. Pas përfundimit të analizave, lëshon certifikata të analizës përkatëse, ruan dhe administron mostrat dhe standardet referuese, si dhe krijon dhe mirëmban dokumentacionin mbi procesin e marrjes së mostrave, analizave të kryera dhe rezultateve të përfituara, duke respektuar kërkesat përkatëse për laboratorët e kontrollit të cilësisë. Gjithashtu, laboratorit i takon klasifikimi i barnave sipas formës së tyre farmaceutike.
Mbi analizën e mostrave të barnave për trajtimin e sëmundjeve tumorale
Nga auditimi i të dhënave të vëna në dispozicion, rezulton se gjatë viteve 2021, 2023 dhe 2024, Laboratori i Kontrollit pranë Agjencisë Kombëtare të Barnave dhe Pajisjeve Mjekësore (AKBPM) nuk ka kryer asnjë analizë laboratorike mbi mostrat e barnave për trajtimin e sëmundjeve tumorale, të dorëzuara në kuadër të autorizimeve për tregtim. Vetëm gjatë vitit 2023 janë realizuar 8 analiza të tilla, nga të cilat 4 për barna të destinuara për përdorim spitalor, ndërsa në periudhën janar-mars 2025 është evidentuar kryerja e vetëm një analize. Këto të dhëna tregojnë për një nivel minimal dhe jo të qëndrueshëm të kontrollit laboratorik mbi barnat antitumorale, duke ngritur shqetësime serioze për cilësinë dhe sigurinë e këtyre produkteve farmaceutike që qarkullojnë në treg.
Nga auditimi u konstatua se, Sektori i Laboratorit për vitet 2021-2024, nuk ka të përcaktuara afate zyrtare për realizimin e analizave, dhe procesi i punës nuk është i dokumentuar në mënyrë të strukturuar, që nga marrja në dorëzim e mostrës deri në nxjerrjen dhe raportimin e rezultatit. Po ashtu, mungon një metodologji për përzgjedhjen e mostrave nga lista e barnave të importuara dhe nuk evidentohet ndarja e qartë e përgjegjësive ndërmjet stafit teknik apo procedurat standarde të punës që do të duhej të ndiqeshin.
Situata paraqitet edhe më kritike në kontekstin e qarkullimit të gjerë në tregun shqiptar të barnave të importuara nga vende të ndryshme të Ballkanit dhe botës, të cilat pajisen me autorizim importi nga Ministri i Shëndetësisë dhe Mbrojtjes Sociale, pa u shoqëruar me një kontroll të detyrueshëm laboratorik mbi përbërjen dhe cilësinë e tyre. Mungesa e analizave laboratorike dhe e standardizimit të procesit të kontrollit cenon drejtpërdrejt misionin funksional të Laboratorit të Kontrollit në AKBPM, duke krijuar boshllëqe serioze në garantimin e një tregu farmaceutik të sigurt, cilësor dhe që i përgjigjet nevojave të shëndetit publik”, thuhet në raport.
-
“Shqipëria ‘mbytet’ me ilaçe nga Ballkani”, ekspertët alarmojnë: Nuk ka asnjë kontroll mbi përmbajtjen
Kontrolli i Lartë i Shtetit zbulon se Agjencia e Barnave nuk ka kryer analiza për medikamentet antitumorale për vite me radhë; mungojnë standardet dhe procedurat bazë të sigurisë…
Dalin të tjera detaje tronditëse nga auditimi i KLSH në QSUT. KLSH ka zbuluar një situatë alarmante në sistemin e kontrollit të medikamenteve, veçanërisht për barnat që përdoren në trajtimin e sëmundjeve tumorale.
Gjatë viteve 2021–2024, Laboratori i Kontrollit pranë kësaj agjencie ka dështuar të kryejë analiza të rregullta mbi cilësinë dhe përbërjen e këtyre barnave, duke lejuar që ato të qarkullojnë në treg pa asnjë verifikim të thelluar shkencor.
Sipas raportit, gjatë gjithë vitit 2023 janë analizuar vetëm 8 mostra barnash të tilla, nga të cilat vetëm 4 ishin për përdorim spitalor. Në tre muajt e parë të vitit 2025 është kryer vetëm një analizë laboratorike për këtë kategori barnash. Ky numër i ulët është në kundërshtim të plotë me detyrimet ligjore dhe rregulloret e brendshme të vetë Agjencisë, të cilat përcaktojnë qartë se asnjë autorizim për tregtim nuk duhet të jepet pa u kryer analizat përkatëse.
KLSH evidenton gjithashtu se mungon një sistem i standardizuar për përzgjedhjen e mostrave dhe dokumentimin e procesit të analizave. Nuk ka afate zyrtare për përfundimin e analizave, nuk evidentohen përgjegjësitë e stafit dhe nuk ka metodologji të qartë për marrjen dhe administrimin e mostrave. Kjo mungesë totale transparence dhe protokollesh teknike lejon një zinxhir të tërë barnash të futen në treg pa garanci mbi efektshmërinë apo sigurinë e tyre.
Situata bëhet edhe më shqetësuese kur merret parasysh se shumë nga këto barna importohen nga vende të ndryshme të Ballkanit dhe më gjerë, duke hyrë në tregun shqiptar me vetëm një autorizim ministror dhe pa analizë laboratorike të detyrueshme.
Ky skandal i heshtur në sektorin farmaceutik vë në pikëpyetje serioze jo vetëm sigurinë e barnave që përdorin pacientët, por edhe besueshmërinë e institucioneve që duhet të garantojnë mbrojtjen e jetës së qytetarëve. Mungesa e një kontrolli real dhe të dokumentuar jo vetëm që cenon të drejtat themelore të pacientëve, por mund të çojë në pasoja fatale në trajtimin e sëmundjeve të rënda si kanceri.
Pjesë nga raporti
Laboratori i Kontrollit siguron dhe përgjigjet për kontrollin cilësor të barnave brenda fushës së veprimtarisë së Agjencisë Kombëtare të Barnave dhe Pajisjeve Mjekësore, për të garantuar vendosjen në treg e barnave të sigurta, cilësore dhe efikase për popullatën.
Përgjegjësitë dhe detyrat kryesore të Laboratorit të Kontrollit pranë AKBPM-së përfshijnë kryerjen e analizave fiziko-kimike dhe mikrobiologjike të formave të dozuara të barnave të importuara ose të prodhuara në vend, si dhe të lëndëve të para farmaceutike. Laboratori shqyrton dokumentacionin dhe analizon mostrat e barnave të paraqitura në kuadër të aplikimeve për autorizim ose rinovim të autorizimit për tregtim, në përputhje me kërkesat e farmakopeve ose me metodat analitike të përshkruara nga prodhuesi. Gjithashtu, realizon analiza mbi barnat e marra në formë sondazhi gjatë proceseve të verifikimit fizik, inspektimeve apo rasteve të importit të parë. Pas përfundimit të analizave, lëshon certifikata të analizës përkatëse, ruan dhe administron mostrat dhe standardet referuese, si dhe krijon dhe mirëmban dokumentacionin mbi procesin e marrjes së mostrave, analizave të kryera dhe rezultateve të përfituara, duke respektuar kërkesat përkatëse për laboratorët e kontrollit të cilësisë. Gjithashtu, laboratorit i takon klasifikimi i barnave sipas formës së tyre farmaceutike.
Mbi analizën e mostrave të barnave për trajtimin e sëmundjeve tumorale
Nga auditimi i të dhënave të vëna në dispozicion, rezulton se gjatë viteve 2021, 2023 dhe 2024, Laboratori i Kontrollit pranë Agjencisë Kombëtare të Barnave dhe Pajisjeve Mjekësore (AKBPM) nuk ka kryer asnjë analizë laboratorike mbi mostrat e barnave për trajtimin e sëmundjeve tumorale, të dorëzuara në kuadër të autorizimeve për tregtim. Vetëm gjatë vitit 2023 janë realizuar 8 analiza të tilla, nga të cilat 4 për barna të destinuara për përdorim spitalor, ndërsa në periudhën janar-mars 2025 është evidentuar kryerja e vetëm një analize. Këto të dhëna tregojnë për një nivel minimal dhe jo të qëndrueshëm të kontrollit laboratorik mbi barnat antitumorale, duke ngritur shqetësime serioze për cilësinë dhe sigurinë e këtyre produkteve farmaceutike që qarkullojnë në treg.
Nga auditimi u konstatua se, Sektori i Laboratorit për vitet 2021-2024, nuk ka të përcaktuara afate zyrtare për realizimin e analizave, dhe procesi i punës nuk është i dokumentuar në mënyrë të strukturuar, që nga marrja në dorëzim e mostrës deri në nxjerrjen dhe raportimin e rezultatit. Po ashtu, mungon një metodologji për përzgjedhjen e mostrave nga lista e barnave të importuara dhe nuk evidentohet ndarja e qartë e përgjegjësive ndërmjet stafit teknik apo procedurat standarde të punës që do të duhej të ndiqeshin. Situata paraqitet edhe më kritike në kontekstin e qarkullimit të gjerë në tregun shqiptar të barnave të importuara nga vende të ndryshme të Ballkanit dhe botës, të cilat pajisen me autorizim importi nga Ministri i Shëndetësisë dhe Mbrojtjes Sociale, pa u shoqëruar me një kontroll të detyrueshëm laboratorik mbi përbërjen dhe cilësinë e tyre.
Mungesa e analizave laboratorike dhe e standardizimit të procesit të kontrollit cenon drejtpërdrejt misionin funksional të Laboratorit të Kontrollit në AKBPM, duke krijuar boshllëqe serioze në garantimin e një tregu farmaceutik të sigurt, cilësor dhe që i përgjigjet nevojave të shëndetit publik. -
Ogerta Manastirliu dhe rrjeti i mafies së barnave, qindra milionë euro të fondeve publike u përdorën për koncesione…
Në hijen e luksit dhe propagandës së reformave shëndetësore të qeverisë Rama, Kontrolli i Lartë i Shtetit ka zbuluar një realitet makabër që flet për krim, korrupsion dhe braktisje njerëzore. Pas fasadës së premtimeve për “shëndetësi falas”, qëndrojnë rrjetet mafioze dhe oligarkë që kanë zhdukur qindra milionë euro të fondeve publike përmes koncesioneve abuzive dhe tenderëve fiktivë, ndërsa fëmijët me tumor janë lënë të vdesin pa ilaçe. KLSH ka konstatuar se gati gjysma e barnave që luftojnë një nga sëmundjet më të rënda, nuk janë importuar asnjëherë në vendin tonë. Për 39 ilaçe në listën e rimbursueshme të 2024, FSDKSH nuk ka kontrata me importues. Gjatë periudhës 2020-2024, fëmijë nga 2 deri 18 vjeç që vuajnë nga tumori janë detyruar të largohen jashtë vendit apo të sigurojnë ilaçin privatisht për t’u kuruar. Por jo vetëm kaq, por ka edhe medikamente që janë të skaduara.
Teksa qindra milionë euro shkojnë për të financuar skemat e mashtrimit të hajdutëve të barnave, për koncensione dhe tendera abuzivë, për Vilma Nushin, apo Klod Allajbeun dhe Janis Karathanon, të prekurit nga sëmundjet tumorale janë lënë pa ilaçe. Kontrolli i Lartë i Shtetit ka identifikuar edhe zyrtarët përgjegjës për degradimin e Onkologjikut, për periudhën 2021-2025, duke lënë edhe fëmijët pa medikamentet jetësore. Në krye të përgjegjësisë qëndrojnë drejtuesit e Fondit të Sigurimit të Detyrueshëm të Kujdesit Shëndetësor, Albana Adhami Çela dhe Spartak Zekja. Që nga shtatori i vitit 2023 deri në shator 2024, DRFSDKSH është drejtuar nga Spartak Zekja. Më herët, FSDKSH është drejtuar nga Albana Adhami, një nga drejtoreshat më jetëgjatë në krye të FSDKSH.
Skandalet
Albana Adhami akuzohet si një nga xhepat më të thellë të korrupsionit të ish ministres së Shëndetësisë Ogerta Manastirliut dhe kartelit mafioz të ilaçeve, sektori më fitimprurës në Shqipëri. Nën drejtimin e Albana Adhamit është realizuar një nga skemat më të frikshme të mashtrimit me recetat e rimbursueshme fiktive, përmes të cilës janë vjedhur miliona euro, por janë financuar edhe koncensionet për shërbime të pakryera, në koordinim me Ogerta Manastirliun. Është përfshirë kupola FSDKSH, dhjetëra farmaci, depo farmaceotike, disa oligarkë, farmacistë, inspektorë etj., pra e gjithë mafia e ilaçeve në Shqipëri. Skema ka funksionuar disa vite dhe ka vijuar edhe nën drejtimin e Spartak Zekja. Zekja ka bashkëpunuar ngushtë me ish ministren Albana Koçiu. Pjesë e zinxhirit të përgjegjësisë sipas KLSH janë edhe drejtuesi e Agjencisë Kombëtare të Barnave dhe Pajisjeve Mjekësore. Agjencia drejtohet nga Blerina Kaza, e besuar e Ogerta Manastirliut dhe më pas e Koçiut në kontrabandën e ilaçeve. Rreth 63 përqind e qytetarëve të anketuar nga Kontrolli i Lartë i Shtetit kanë pranuar se kanë blerë ilaçe pa pullë fiskale.
Procedurat e KLSH
Gjatë procedurës audituese, KLSH ka konstatuar se Agjencia Kombëtare e Barnave dhe Pajisjeve Mjekësore (AKBPM) “nuk ka bërë transparencë dhe informim të vazhdueshëm te qytetarët dhe profesionistët e fushës në lidhje me produktet medicinale, për të cilat janë refuzuar, revokuar ose pezulluar autorizimet e tregtimit, furnizimi i të cilave është ndaluar ose janë tërhequr nga tregu”. Gjithashtu, rezulton se AKBPM nuk ka kryer analiza laboratorike për barnat, të cilat janë konsideruar nga Agjencia Europiane e Barnave (EMA) apo nga institucionet homologe, si të dëmshme për shëndetin e konsumatorëve, si dhe nuk ka marr masat e duhura nëpërmjet kryerjes së inspektimeve në rastet kur është njoftuar për tërheqjen nga tregu të barnave të caktuara. Më tej, KLSH rendit si pjesë e përgjegjësisë drejtuesit e Onkologjikut. Spitali i sëmundjeve të rënda është drejtuar deri para disa ditësh nga Silvana Çeliku.
Përgjegjësit për mungesën e ilaçeve sipas KLSH-së
– Drejtorin e Përgjithshëm të Fondit të Sigurimit të Detyrueshëm të Kujdesit Shëndetësor për periudhën 2021 – 31.03.2025;
– Drejtorin e Drejtorisë së Rimbursimit pranë Fondit të Sigurimit të Detyrueshëm të Kujdesit Shëndetësor për periudhën 2021 – 31.03.2025;
– Drejtorin e Drejtorisë së Kontrollit pranë Fondit të Sigurimit të Detyrueshëm të Kujdesit Shëndetësor për periudhën 2021 – 31.03.2025;
– Drejtorin e Drejtorisë Ekonomike pranë Fondit të Sigurimit të Detyrueshëm të Kujdesit Shëndetësor për periudhën 2021 – 31.03.2025.
Për punonjësit e Agjencisë Kombëtare të Barnave dhe Pajisjeve Mjekësore, përkatësisht për:
– Drejtorin e Përgjithshëm të Agjencisë Kombëtare të Barnave dhe Pajisjeve Mjekësore përperiudhën 2021 – 31.03.2025;
– Përgjegjësin e Sektorit të Autorizimit për Tregtim dhe Çështjeve Rregullatore pranë Agjencisë Kombëtare të Barnave dhe Pajisjeve Mjekësore për periudhën 2021 – 31.03.2025;
– Përgjegjësin e Sektorit të Shpërndarjes së Barnave dhe Pajisjeve Mjekësore pranë Agjencisë Kombëtare të Barnave dhe Pajisjeve Mjekësore për periudhën 2021 – 31.03.2025;
– Përgjegjësin e Sektorit të Inspektimit pranë Agjencisë Kombëtare të Barnave dhe Pajisjeve Mjekësore për periudhën 2021 – 31.03.2025;
– Përgjegjësin e Laboratorit të Kontrollit pranë Agjencisë Kombëtare të Barnave dhe Pajisjeve Mjekësore për periudhën 2021 – 31.03.2025.
Për punonjësit e Ministrisë së Shëndetësisë dhe Mbrojtjes Sociale, përkatësisht për:
– Drejtorin e Përgjithshëm pranë Ministrisë së Shëndetësisë dhe Mbrojtjes Sociale përperiudhën 2022-31.03.2025;
– Drejtori i Farmaceutikës pranë Ministrisë së Shëndetësisë dhe Mbrojtjes Sociale përperiudhën 2022-31.03.2025;
– Drejtorin e Drejtorisë Spitalore pranë Ministrisë së Shëndetësisë dhe Mbrojtjes Sociale përperiudhën 2022-31.03.2025;
– Drejtorin e Drejtorisë së Prokurimeve pranë Ministrisë së Shëndetësisë dhe Mbrojtjes Sociale për periudhën 2022-31.03.2025.
Për punonjësit e Qendrës Spitalore Universitare “Nënë Tereza”, përkatësisht për:
-Drejtorin e Përgjithshëm të Qendrës Spitalore Universitare “Nënë Tereza” për periudhën 2021 – 31.03.2025;
-Shefin e Shërbimit Onkologjik dhe Njësisë së Kimioterapisë, Shërbimit të Hematologjisë, Shërbimit të Onko-hematologjisë Pediatrike, Shërbimit të Onko-hematologjisë, Shërbimit të Neurologjisë për periudhën 2022-31.03.2025;
– Kryeinfermierët e Shërbimeve / Njësive Ditore për periudhën 2022-31.03.2025;
– Drejtorin e Drejtorisë Juridike pranë QSUNT-së për periudhën 2022-31.03.2025;
– Përgjegjësin e Sektorit të Marrëdhënieve Ligjore në Drejtorinë Juridike pranë QSUNT-së për periudhën 2022-31.03.2025;
– Përgjegjësin e Sektorit të Prokurimeve në Drejtorinë Juridike pranë QSUNT-së për periudhën 2022-31.03.2025;
– Drejtorin e Drejtorisë Ekonomike pranë QSUNT-së, për periudhën 2022-31.03.2025;
– Përgjegjësin e Sektorit të Financës në Drejtorinë Ekonomike pranë QSUNT-së për periudhën 2022-31.03.2025;
– Përgjegjësin e Sektorit të Planifikimit Buxhetor në Drejtorinë Ekonomike pranë QSUNT-së për periudhën 2022-31.03.2025;
– Drejtorin e Drejtorisë së Shërbimit Farmaceutik pranë QSUNT-së për periudhën 2022- 31.03.2025;
– Përgjegjësin e Sektorit të Barnave në Drejtorinë e Shërbimit Farmaceutik pranë QSUNT-së për periudhën 2022-31.03.2025;
– Përgjegjësin e Sektorit të Menaxhimit të Barnave në Drejtorinë e Shërbimit Farmaceutik pranë QSUNT-së për periudhën 2022-31.03.2025;
– Përgjegjësin e Sektorit të Materialeve Mjekësore në Drejtorinë e Shërbimit Farmaceutik pranë QSUNT-së për periudhën 2022-31.03.2025;
– Përgjegjësin e Sektorit të Kapave në Drejtorinë e Shërbimit Farmaceutik pranë QSUNT-së për periudhën 2022-31.03.2025;
– Përgjegjësin e Sektorit të Rimbursimit në Drejtorinë e Shërbimit Farmaceutik pranë QSUNT-së për periudhën 2022-31.03.2025;
– Anëtarët e Komisioneve të Kolaudimit të Barnave për kontratat e furnizimit ku janë evidentuar problematika për periudhën 2022-2025. -
KLSH zbardh krizën në Shëndetësi: Mungesë barnash jetike, ilaçe të skaduara dhe abuzime në sistemin farmaceutik
foto ilustruese
TIRANË- Raporti i fundit i Kontrollit të Lartë të Shtetit (KLSH) ka zbuluar një krizë serioze në trajtimin e pacientëve me tumor në Shqipëri, duke hedhur dritë mbi një sërë shkeljesh dhe neglizhencash institucionale që vënë në rrezik jetën e mijëra qytetarëve.
Sipas raportit, nga 253 barna antitumorale të autorizuara për tregtim në vend, 116 prej tyre, ose 46%, nuk janë importuar asnjëherë gjatë periudhës janar 2021 deri në mars 2025, thuajse gjysma e ilaçeve të listuara si të vlefshme për përdorim në luftën kundër kancerit nuk kanë qenë asnjëherë të aksesueshme për pacientët shqiptarë.
Situata rëndohet edhe më shumë nga fakti se për 39 prej këtyre barnave, të përfshira në listën e rimbursueshme për vitin 2024, Fondi i Sigurimeve të Detyrueshme të Kujdesit Shëndetësor nuk ka lidhur asnjë kontratë me importues, duke e bërë praktikisht të pamundur sigurimin e tyre nga spitalet publike.
Në të njëjtën kohë, raporti evidenton praninë në sistemin elektronik të barnave të skaduara, të cilat ndonëse nuk shpërndahen, vijojnë të figurojnë si pjesë e stokut aktiv. Konkretisht, medikamentet Ifosfamide dhe Methotrexate, të cilat kanë dalë jashtë afatit të përdorimit, rezultojnë ende në gjendje në sistemin “Pentaho”, duke krijuar një panoramë artificiale të furnizimit dhe duke penguar procesin normal të furnizimeve të reja. Kjo gjendje ka çuar në mosbërjen e kërkesave për furnizim të ri nga QSUNT, duke rritur rrezikun për mungesë kritike të barnave thelbësore.
Një tjetër problematikë e theksuar është mospërputhja e datave të skadencës të regjistruara në sistem me ato reale të barnave të magazinuara. Gjatë auditimit, u zbulua se në disa raste data e skadencës në sistem ishte më e vonë se ajo reale, si në rastin e një medikamenti ku në sistem figuron 31 mars 2027, ndërsa fizikisht data reale ishte 9 shtator 2026. Kjo mospërputhje është pasojë e mosrespektimit të parimit të shpërndarjes sipas afatit më të afërt të skadencës (FIFO), çka mund të çojë në shpërndarje të barnave të skaduara apo afër skadencës pa kontrollin e duhur.
Situata bëhet akoma më alarmante kur bëhet fjalë për fëmijët e prekur nga tumoret. Gjatë viteve 2020–2024, shumë prej tyre janë detyruar të kërkojnë trajtim jashtë vendit ose të sigurojnë medikamentet jetësore privatisht. Në një rast, një pacient është trajtuar në Itali dhe është rikthyer për ndjekje në QSUNT, ndërsa në 11 raste të tjera, 4 fëmijë nuk kanë marrë fare medikamentin Actinomycin D, 5 janë trajtuar me medikament të siguruar privatisht dhe 2 janë ndjekur me një protokoll alternativ (VAC), që nuk përfshinte medikamentin bazë të nevojshëm.
Nga ana tjetër, edhe buxheti i akorduar për barnat nuk i përgjigjet nevojave reale të pacientëve. Sipas KLSH-së, buxheti i Ministrisë së Shëndetësisë dhe ai i QSUNT nuk reflekton kërkesat jetike të të sëmurëve, por është projektuar vetëm për të respektuar “tavanet” financiare. Në periudhën 2021-2024 janë regjistruar 49 raste vonesash të pajustifikuara në furnizim nga importuesit farmaceutikë, ndërsa FSDKSH ka marrë masa administrative vetëm në dy prej tyre. Nëse do të ishin zbatuar penalitetet për të gjitha rastet, vlera totale e gjobave do të shkonte në afro 49 milionë lekë.
Raporti ngre alarmin edhe për mungesën e transparencës dhe saktësisë në dokumentacionin farmaceutik. Janë identifikuar receta të dublikuara, shkarkime barnash për pacientë të gabuar, mungesë shënimesh të plota dhe kërkesa të përsëritura për të njëjtin pacient pa u përmbushur. Në disa raste, në sistem figuronte gjendje pozitive barnash, ndërkohë që inventari real ishte zero, duke krijuar konfuzion dhe pasigurin në menaxhimin e terapisë për pacientët./ZËRI -
Raporti i KLSH për Onkologjikun, si shtyhej data e skadencës së ilaçit për të sëmurët me tumor
KLSH ka publikuar raportin për Onkologjikun, teksa në një pjesë të saj raportohet për ndryshimin e datës reale të skadencës në sistem.
Një ilaç, me datë skandence në sistem 31.03.2027, por që në realitet rezultoi se skadon në 09.09.2026, pra nuk korrespondon me realitetin.
Në raport thuhet se kjo situatë paraqet risk të shtuar për kalimin e datës së skadencës dhe përdorimit të tyre tek pacientët.
“Nga verifikimet e kryera më datë 28.02.2025 në Farmacinë Qendrore dhe më datë 13.03.2025 në Blloqet Farmaceutike, në kuadër të kontrollit të inventarëve fizikë dhe krahasimit me të dhënat në sistem për barnat që përdoren në trajtimin e sëmundjeve tumorale, u konstatua se për barin “Doxorubicin” 50 mg (2mg/ml) – flakon, ndonëse sasia fizike rezultoi në përputhje me regjistrimet në sistem, data e skadencës e shënuar në sistem nuk përputhej me atë të verifikuar fizikisht. Në sistem figuroi data e skadencës 31.03.2027, ndërkohë që në barnat fizikisht të pranishme ishte e shënuar data 09.09.2026.
Kjo mospërputhje, për shkak të mosrespektimit të parimit FIFO, paraqet një menaxhim joeficent të barnave onkologjike, duke ndikuar drejtëpërdrejtë në procesin e planifikimit të furnizimeve. Gjithashtu kjo situatë paraqet risk të shtuar për kalimin e datës së skadencës pa u konsumuar duke riskuar mosmenaxhimin e duhur të fondeve publike dhe risk të përdorimit të tyre në pacientë. Për më tepër, një informacion i pasaktë në sistem mund të cënojë kapacitetin vendimmarrës të sektorëve klinikë që mbështeten në këto të dhëna për përgatitjen dhe administrimin e terapisë.
Rekomandimi: Drejtoria e Shërbimit Farmaceutik pranë QSUNT të marrë masa për forcimin e sistemit të kontrollit të brendshëm, me qëllim shkarkimin e barnave sipas parimit FIFO përmes një procedure të detajuar dhe të rregullt, për të siguruar menaxhimin eficient të barnave dhe shmangien e shkarkimit të barnave me datë skadence më të vonë.
Nga auditimi i kryer në Sektorin e Kapave në Qendrën Spitalore Universitare “Nënë Tereza”, u konstatua se ky sektor disponon vetëm pajisje manuale dhe jo pajisje të specializuara dhe të automatizuara për përgatitjen, dozimin dhe përzierjen precize të barnave citostatike. Mungesa e automatizimit e bën procesin plotësisht të varur nga ndërhyrja manuale e personelit, çka rrit ndjeshëm mundësinë për devijime në sasi, kontaminim të mundshëm të përgatitjeve, apo gabime në përzierje që nuk janë lehtësisht të gjurmueshme dhe mund të sjellin mungesë të efikasitetit terapeutik. Për më tepër, nga informacioni i vendosur në dispozicion, rezulton se pajisjet teknike të sektorit nuk janë mirëmbajtur apo kalibruar që nga momenti i futjes së tyre në inventar, proces ky që do të garantonte funksionimin e tyre në mënyrë të saktë, të besueshme dhe brenda parametrave të paracaktuar teknikë.
Nga auditimi u konstatua gjithashtu, se mbi përgatitjet e dozave të barnave citostatike të prodhuara në sektor nuk kryhet asnjë lloj kontrolli fizik/kimik apo laboratorik, duke sjellë risk të shtuar që lidhet drejtpërdrejtë me sigurinë e shëndetit të pacientëve, për shkak të natyrës toksike dhe kritike të barnave citostatike, problematika këto që nxjerrin në pah mangësitë për realizimin nga ana e titullarit të detyrimeve që përcaktohen në Kapitullin 2 të Manualit të Menaxhimit Financiar dhe Kontrollit për miratimin e aktiviteteve të kontrollit, të cilat garantojnë në një masë të arsyeshme, se risqet që janë identifikuar gjatë procesit të menaxhimit të riskut, janë pakësuar në një nivel të pranueshëm.
Gjetje nga auditimi: Nga testimet e kryera mbi barnat e kampionuara: Erlotinib, Carboplatin, Ifosfamide, Mesna, Trastuzumab Biosimilar ose Origjinator, Trasutuzumab Emtasine, Methotrexate, Daratumumab, Cisplatin, Etoposide, Vincristine Sulphate, Irinotecan Hydrochloride Trihydrate, Gemcitabine, Doxorubicin dhe Cetuximab, janë evidentuar raste me sasi të shkarkuar më të ulët se sasia e kërkuar nga Shërbimet pranë Qendrës Spitalore Universitare “Nënë Tereza”.
Gjatë kryqëzimit të të dhënave tremujore të raporteve “FND Pacient”, të gjeneruara nga sistemi Pentaho, për periudhën 01.01.2022 – 31.03.2025, është krahasuar nëse kërkesat për secilin bar janë përmbushur, dhe në rastet kur nuk janë përmbushur, është verifikuar nëse ky bar ka qenë i disponueshëm në Bllokun Farmaceutik (BF) apo në Magazinën Qendrore (DMM). Nga raportet “FND – Pacientë: barna dhe pajisje të kërkuara dhe të dhëna”, të gjeneruara nga sistemi Pentaho, janë evidentuar vetëm rastet e mos përmbushjes së kërkesave, pra ato ku ka rezultuar mungesë në shpërndarjen e barit përkatës. Nga testimet rezultuan receta të dublikuara gjatë ditës, mungesa shënimesh të plota dhe të sakta, shkarkime të gabuara të barnave në pacientë të tjerë, mungesa barnash nisur nga raporti sasi e kërkuar-sasi e shkarkuar, kërkesa të përsëritura dhe të paplotësuara në më shumë se 1 herë për të njëjtin pacient, periudha me gjendje progresive në sistem barnash ndërkohë që inventari i datës rezulton zero (diferenca në sasi gjendje progresive – inventar sistemi), etj.
Bazuar në gjendjet zero të ditëve të cituara në tabelat në material, rezultoi se jo çdo pacient mund të marrë trajtim brenda së njëjtës ditë me pacientë të tjerë. Këto problematika të konstatuara paraqesin risk të shtuar në drejtim të disponibilitetit dhe menaxhimit të barnave. Mungesa e barnave e kombinuar me mangësitë në shpërndarje në shërbimet spitalore, siç evidentohet në të dhënat e periudhës 2022–2025, krijon një situatë me risk të lartë për sistemin shëndetësor dhe për pacientët që marrin trajtim në këto struktura.
Risku më i drejtpërdrejtë është ai klinik, pasi pacientët, veçanërisht ata me diagnoza ato onkologjike dhe hematologjike, përballen me vonesa ose ndërprerje të trajtimeve për shkak të mungesës së barnave thelbësore. Kjo ndikon negativisht në efektivitetin e terapive dhe rrit ndjeshëm mundësinë e përkeqësimit të gjendjes shëndetësore. Nga ana tjetër, procedurat e paplota të dokumentimit në sistemet SISP dhe Pentaho e bëjnë të vështirë gjurmueshmërinë e barnave, duke dobësuar kapacitetin e menaxhimit farmaceutik për të planifikuar me saktësi nevojat dhe furnizimin në kohë me barna dhe gjithashtu pamundëson ruajtjen e gjurmës audituese në ndjekjen e proceseve, bazuar edhe në përcaktimet e Manualit të Menaxhimit Financiar dhe Kontrollit.
Rekomandimi: Drejtori i Përgjithshëm i QSUNT-së të marrë masa për ngritjen e një grupi pune për (i) vlerësimin e të gjitha rasteve të evidentuara me parregullsi, (ii) nxjerrjen e përgjegjësive për mangësitë e konstatuara si dhe (iii) forcimin e kontrollit të brendshëm përmes monitorimit të vijueshëm të procesit të kërkesës, shkarkimit dhe përdorimit të barnave në trajtimin e sëmundjeve tumorale. 6.2 Rekomandimi: Drejtori i Përgjithshëm i QSUNT-së të marrë masa për ngritjen e një grupi pune për hartimin dhe zbatimin e një plani trajnimesh për rritjen e kapacitetit të punonjësve të cilët janë përdorues të sistemit SISP dhe Pentaho, me qëllim shmangien e parregullsive në veprimet e kryera në sistem.
Gjetje nga auditimi: Nga testimet e kryera mbi barnat e kampionuara: Erlotinib, Carboplatin, Ifosfamide, Mesna, Trastuzumab Biosimilar ose Origjinator, Trastuzumab Emtasine, Methotrexate, Daratumumab, Cisplatin, Etoposide, Vincristine Sulphate, Irinotecan Hydrochloride Trihydrate, Gemcitabine dhe Doxorubicin, janë evidentuar raste të 154 periudhave me gjendje progresive në sistemin elektronik Pentaho, ndërkohë që inventari ka rezultuar zero (diferenca në sasi gjendje progresive – inventar sistemi). Këto diferenca, pavarësisht se janë argumentuar si artificiale nga QSUNT, posedojnë riskun e paraqitjes jo të drejtë të të dhënave për përdoruesit e sistemit.
Ndërsa, sa i takon barit Actinomycin D, nga verifikimet në sistem për periudhën 2022-2025, (verifikim i iniciuar me shkresën nr. 1540 prot., datë 16.12.2024), gjendja paraqitet 0 (zero) dhe nuk paraqiten kërkesa për këtë bar. Megjithatë, pavarësisht kësaj, në 5 prej recetave të analizuara në mënyrë analitike ku është kërkuar bari Mesna rezultoi të jetë kërkuar dhe bari Actinomycin D, i shkarkuar në 0 njësi pasi nuk ka patur gjendje. Përkatësisht kartelat: C109914, C096963 (3 receta), C092399. Evidentohet se edhe pse në këto receta ka patur kërkesë për barin, në përmbledhjen që gjeneron sistemi SISP (Pentaho), nuk paraqiten këto kërkesa, duke sjellë mospërputhje mes kërkesave analitike dhe sintetike në sistem.
Rekomandimi: Drejtoria e IT dhe Inxhinerisë Klinike pranë QSUNT të marrë masa për bashkëpunimin me Operatorin Ekonomik përgjegjës për ofrimin e shërbimit, duke e njoftuar për problematikat dhe bashkëpunimin për ofrimin e zgjidhjes në drejtim të mirëfunksionimit të sistemit dhe paraqitjes së drejtë të të dhënave”, thuhet në raport.